କାଳିନ୍ଦୀଚରଣ ପାଣିଗ୍ରାହୀଙ୍କ ଜୟନ୍ତୀ ସମାରୋହ: ଓଡ଼ିଆରେ ‘ପଠନ ଆନ୍ଦୋଳନ’ ଆଜିର ଆବଶ୍ୟକତା

ଭୁବନେଶ୍ୱର,୩ା୭(ବ୍ୟୁରୋ): ‘ହ୍ୟାରି ପଟର୍‌’ ସିରିଜର ଲେଖିକା ଜେ.କେ. ରାଓଲିଂ ନିଜ ଲେଖା ମାଧ୍ୟମରେ ଯୁବ ପାଠକମାନଙ୍କୁ ଆକୃଷ୍ଟ କରି ସେମାନଙ୍କ ମଧ୍ୟରେ ପୁଣିଥରେ ବହି ପଢିବା ପାଇଁ ଯେପରି ଆଗ୍ରହ ସୃଷ୍ଟି କରିପାରିଛନ୍ତି, ଓଡ଼ିଆ ଭାଷାରେ ମଧ୍ୟ ସେହିପରି ପାଠକ ସୃଷ୍ଟିର ଉଦ୍ୟମ ହେବା ଆବଶ୍ୟକ। ଓଡ଼ିଶାରେ ଧୀରେ ଧୀରେ ନୂଆପିଢିଙ୍କ ମଧ୍ୟରେ ପଢିବା ଓ ଲେଖିବାର ଅଭ୍ୟାସ ମରିଯାଉଛି। ଲେଖକମାନେ ନୂଆ ପାଠକ ସୃଷ୍ଟି କରିବାରେ ପ୍ରାୟତଃ ବିଫଳ ହେଉଛନ୍ତି। ପୁସ୍ତକ ପଠନ ପ୍ରତି ଆଗ୍ରହ କମି ଯାଉଥିବା ବେଳେ ନୂଆ ପିଢିକୁ ଆକୃଷ୍ଟ କରିବା ଭଳି ଲେଖକ ମଧ୍ୟ ସୃଷ୍ଟି ହେଉନାହାନ୍ତି। ଏପରି ସ୍ଥଳେ ଓଡ଼ିଆରେ ଏକ ‘ପଠନ ଆନ୍ଦୋଳନ’ ଗଢିତୋଳିବା ଆଜିର ଆବଶ୍ୟକତା ବୋଲି ମତପ୍ରକାଶ ପାଇଛି।
ପଦ୍ମଭୂଷଣ ସ୍ବର୍ଗତ କାଳିନ୍ଦୀଚରଣ ପାଣିଗ୍ରାହୀଙ୍କ ଶୁଭ ଜନ୍ମତିଥି ଅବସରରେ ମଙ୍ଗଳବାର ସ୍ଥାନୀୟ ପ୍ରେସ୍‌ କ୍ଲବ୍‌ ଅଫ୍‌ ଓଡିଶା ପରିସରରେ ‘ଧରିତ୍ରୀ’ ପକ୍ଷରୁ ଏକ ବନ୍ଧୁମିଳନ ଆୟୋଜିତ ହୋଇଥିଲା। ଏଥିରେ ଯୋଗଦେଇଥିବା ବିଶିଷ୍ଟ ଲେଖିକାଲେଖକମାନେ କହିଥିଲେ, କାଳିନ୍ଦୀଚରଣ ପାଣିଗ୍ରାହୀଙ୍କ ‘ମାଟିର ମଣିଷ’ର ବରଜୁ ଚରିତ୍ର ଆଜି ବି କୋଟି କୋଟି ଓଡ଼ିଆଙ୍କୁ ଅନୁପ୍ରାଣିତ କରେ। ଯୌଥ ସୂତ୍ରରେ ବାନ୍ଧି ହୋଇ ରହିବାର ବାର୍ତ୍ତା ପ୍ରଦାନ କରେ। ବରଜୁ ହେଉ କି ଗାନ୍ଧାରୀ, ଜୀବନ ପ୍ରତି ଦୃଷ୍ଟିଭଙ୍ଗୀ ବଦଳାଇବାରେ ଏହି ଚରିତ୍ରମାନେ ଗ୍ରହଣ କରିଛନ୍ତି ପ୍ରମୁଖ ଭୂମିକା। କାଳିନ୍ଦୀ ସାହିତ୍ୟରେ ବାରି ହୋଇପଡ଼ୁଥିବା ପ୍ରେମ, ମାନବିକତା ଓ ସୌନ୍ଦର୍ଯ୍ୟବୋଧ ପିଢି ପିଢି ଧରି ପାଠକଙ୍କୁ ଆକର୍ଷିତ କରିବ।
କାର୍ଯ୍ୟକ୍ରମରେ ‘ଧରିତ୍ରୀ’ ଏବଂ ‘ଓଡିଶା ପୋଷ୍ଟ’ର ସମ୍ପାଦକ ତଥାଗତ ସତପଥୀ ସ୍ବାଗତଭାଷଣ ପ୍ରସଙ୍ଗରେ ବର୍ତ୍ତମାନ ଓଡ଼ିଆ ସାହିତ୍ୟର ସ୍ଥିତି ସମ୍ପର୍କରେ ଆଲୋକପାତ କରିଥିଲେ। ବିଭିନ୍ନ ବାଧା ପ୍ରତିବନ୍ଧକ ଆସିଥିଲେ ମଧ୍ୟ ଧରିତ୍ରୀ ଆଜି ବି ଏହାର ମାନ ବଜାୟ ରଖିପାରିଛି। ଧରିତ୍ରୀର ସୁଖ ଦୁଃଖ ସବୁଥିରେ ସାଥିହୋଇ ଛିଡାହୋଇଥିବାରୁ ସେ ଉପସ୍ଥିତ ଲେଖକ ଓ ସାହିତି୍ୟକମାନଙ୍କୁ ଧନ୍ୟବାଦ ଦେଇଥିଲେ। ‘ଧରିତ୍ରୀ’ ଏବଂ ‘ଓଡିଶା ପୋଷ୍ଟ’ର ମୁଖ୍ୟ କାର୍ଯ୍ୟନିର୍ବାହୀ ଆଦ୍ୟାଶା ସତପଥୀ ଓଡ଼ିଆ ସାହିତ୍ୟରେ ଏକ ଯୁଗାନ୍ତକାରୀ ପରିବର୍ତ୍ତନର ଆବଶ୍ୟକତା ରହିଥିବା କହିଥିଲେ। ଯୁବପିଢିଙ୍କୁ ସାହିତ୍ୟମୁଖୀ କରାଇବା ପ୍ରତ୍ୟେକ ଲେଖକଙ୍କର ଲକ୍ଷ୍ୟ ହେବା ଉଚିତ୍‌। ସିରିଜ ଲେଖା ସହ ଚିନ୍ତାଶୀଳ ଲେଖା ମାଧ୍ୟମରେ ଲେଖକମାନେ ଯୁବ ପାଠକଙ୍କର ନିକଟବର୍ତ୍ତୀ ହୁଅନ୍ତୁ। ସାହିତି୍ୟକମାନେ ନିଜ ପାଇଁ ନୁହେଁ, ପାଠକମାନଙ୍କ ପାଇଁ ଲେଖିବାକୁ ଆଦ୍ୟାଶା ସତପଥୀ ପରାମର୍ଶ ଦେଇଥିଲେ।
କାର୍ଯ୍ୟକ୍ରମରେ ବରିଷ୍ଠ ସାହିତି୍ୟକ ଅଧ୍ୟାପକ ବିଶ୍ୱରଞ୍ଜନ ଯୋଗଦେଇ କହିଥିଲେ, ନିର୍ଭୀକ ସାମ୍ବାଦିକତା ‘ଧରିତ୍ରୀ’ର ଧ୍ୟେୟ ହୋଇଥିବାରୁ ଏହା ଆଜି ଅଧିକ ଲୋକପ୍ରିୟତା ଅର୍ଜନ କରିପାରିଛି। କବି ପ୍ରତିଭା ଶତପଥୀ କାଳିନ୍ଦୀ ସାହିତ୍ୟର ବ୍ୟାଖ୍ୟା କରିଥିବା ବେଳେ ବିପିନ ବିହାରୀ ମିଶ୍ର ଧରିତ୍ରୀ ଏହାର ‘ସାହିତ୍ୟ’ ପୃଷ୍ଠା ପାଇଁ ଅନ୍ୟମାନଙ୍କ ଠାରୁ ସ୍ବତନ୍ତ୍ର ବୋଲି କହିଥିଲେ। ଅନ୍ୟମାନଙ୍କ ମଧ୍ୟରେ ପୂର୍ବତନ ପୋଲିସ ଡିଜି ଶରତ ମିଶ୍ର, କବି ମମତା ଦାଶ, ବିମଳ ପ୍ରସାଦ ପାଣ୍ଡିଆ, ଶକୁନ୍ତଳା ବଳିୟାରସିଂହ, ଅରୁଣ ପଣ୍ଡା, ଡ. ବାବାଜୀ ପଟ୍ଟନାୟକ, ପୂର୍ବତନ ମୁଖ୍ୟ ଶାସନ ସଚିବ ସହଦେବ ସାହୁ, ଡ. ବିଜୟ କେତନ ପଟ୍ଟନାୟକ, ରଜତ କର, ଜୟନ୍ତୀ ରଥ, ଦ୍ୱିତୀଚନ୍ଦ୍ର ସାହୁ, ଛନ୍ଦା ମିଶ୍ର, କବି ସୂର୍ଯ୍ୟ ମିଶ୍ର, ଗାଳ୍ପିକା ଡ. ଅର୍ଚ୍ଚନା ନାୟକ, ହରିଶଙ୍କର ମିଶ୍ର, ନାଟ୍ୟକାର ରମେଶ ପାଣିଗ୍ରାହୀ, ଶରତ ଚନ୍ଦ୍ର ରଥ ପ୍ରମୁଖ ବକ୍ତବ୍ୟ ରଖିଥିଲେ। ଡ. ହୃଷୀକେଶ ମଲ୍ଲିକ କାର୍ଯ୍ୟକ୍ରମ ପରିଚାଳନା କରିଥିବାବେଳେ ଏଥିରେ ଓଡିଶାର ବହୁ କବି, ଲେଖକ ଓ ସ୍ତମ୍ଭକାର ଯୋଗଦେଇଥିଲେ।


All Right Reserved By Dharitri.Com

ଚଳିତ ମାସ ଶେଷ ସୁଦ୍ଧା ଆଧାର ସଂଯୋଗ, ସଂଶୋଧନ ସାରିବାକୁ ନିର୍ଦ୍ଦେଶ

ଭୁବନେଶ୍ୱର,୨୧।୮(ବ୍ୟୁରୋ): ଜାତୀୟ ଖାଦ୍ୟ ସୁରକ୍ଷା ଆଇନ, ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ରାଶନ୍‌ କାର୍ଡଧାରୀମାନଙ୍କର ଆଧାର ସଂଯୋଗ ଓ ସଂଶୋଧନ ପ୍ରକ୍ରିୟା ଚଳିତ ମାସ ୩୧...

CORONAVIRUS UPDATE:ରାଜ୍ୟରେ ଶତକ ଛୁଇଁଲା ୭ ଜିଲା; ସର୍ବାଧିକ ଆକ୍ରାନ୍ତ ତାଲିକା ଶୀର୍ଷରେ ଗଞ୍ଜାମ

ଭୁବନେଶ୍ୱର, ୨।୬(ବ୍ୟୁରୋ): ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ମଙ୍ଗଳବାର ଆଉ ୧୪୧ ଆକ୍ରାନ୍ତ ଚିହ୍ନଟ ହେବା ପରେ ରାଜ୍ୟରେ ମୋଟ...

ଟ୍ରକ୍‌ରୁ ୩୯ ବସ୍ତା ଗଞ୍ଜେଇ ଜବତ: ଡ୍ରାଇଭର ଗିରଫ

ନୟାଗଡ଼ ଅଫିସ,୧୫।୨: ନୟାଗଡ଼ ଜିଲା ଦଶପଲ୍ଲା ବ୍ଲକ ବାଣୀଗୋଛା ରାଜପୁତ ଢାବା ନିକଟରୁ ଶନିବାର ଏକ ଟ୍ରକ୍‌ରୁ ୩୯ ବସ୍ତା ଗଞ୍ଜେଇ ଜବତ କରାଯାଇଛି। କେନ୍ଦ୍ରୀୟ...

ଜମୁଛି ନବରାତ୍ର ଉତ୍ସବ

ଭୁବନେଶ୍ୱର, ୫ା୧୦(ବ୍ୟୁରୋ): ରାଜଧାନୀ ଭୁବନେଶ୍ୱରରେ ଚାଲିଛି ଦଶହରା ଧୁମ୍‌। ନବରାତ୍ର ଉତ୍ସବ ଏବେ ସାଜିଛି ପୂଜାର ଅନ୍ୟତମ ଆକର୍ଷଣ। ଗତ ରବିବାରଠାରୁ ନବରାତ୍ର ଉତ୍ସବ ଆରମ୍ଭ...

ରାସ୍ତା କାମ କଲେ ବିଧାୟକ

ପାପଡାହାଣ୍ଡି,୨୧।୭(ଡି.ଏନ୍‌.ଏ): ରାସ୍ତାରେ ପଡି ରହିଥିଲା ମୋରମ ଗଦା। ୟାତାୟାତରେ ସମସ୍ୟା ହେଉଥିଲା। ଲୋକଙ୍କ ଅସନ୍ତୋଷ ପରେ ବି ପ୍ରଶାସନ ତରଫରୁ କୌଣସି ପଦକ୍ଷେପ ନିଆଯାଉନଥିଲା ।...

ଭୁବନେଶ୍ୱର ପରିଦର୍ଶନରେ ଆସୁଛନ୍ତି ସଂସଦୀୟ ଷ୍ଟାଣ୍ଡିଂ କମିଟି

ଭୁବନେଶ୍ୱର,୧୭ା୧(ବ୍ୟୁରୋ): ସହରାଞ୍ଚଳ ବିକାଶକୁ ନେଇ ଗଢାଯାଇଥିବା ସଂସଦୀୟ ଷ୍ଟାଣ୍ଡିଂ କମିଟିର ୨୦ ଜଣ ସଦସ୍ୟା, ସଦସ୍ୟ ଏବଂ ୫ ଜଣ ସଂସଦୀୟ ବ୍ୟାପାର ଅଧିକାରୀ ଓଡ଼ିଶା...

ରାତିଅଧିଆ ପେଣ୍ଡାଲ ବୁଲା

ଭୁବନେଶ୍ୱର,୭।୧୦(ବ୍ୟୁରୋ) : ରାଜଧାନୀର ବିଭିନ୍ନ ସ୍ଥାନରେ ଚଳିତବର୍ଷ ଛୋଟବଡ଼ ୧୭୧ ମେଢ଼ ହୋଇଥିବାବେଳେ ଅଧିକାଂଶ ପୂଜାମଣ୍ଡପର ତୋରଣ ନିଆରା ଥିମ୍‌ରେ ତିଆରି ହୋଇଛି। ସେଥିମଧ୍ୟରୁ ନୟାପଲ୍ଲୀ,...

ନିୟମିତ ଦିଆଯିବ କରୋନା ସମ୍ପର୍କିତ ତଥ୍ୟ

ଅନୁଗୋଳ ଅଫିସ୍‌, ୧୭।୩ ଅନୁଗୋଳ ଜିଲା ପ୍ରଶାସନ ପକ୍ଷରୁ କରୋନା ମୁକାବିଲା ପାଇଁ ପ୍ରସ୍ତୁତି ଜୋରଦାର ଚାଲିଛି। ଏହି ଅବସରରେ ସୋମବାର ଅପରାହ୍ନରେ ଜିଲାପାଳ ମନୋଜ...

Leave a comment

Your email address will not be published. Required fields are marked *