ମରାମତି ହେଲା ରଥ ବ୍ରେକ୍‌

ପୁରୀ ଅଫିସ,୨।୭: ଶହ ଶହ ଭକ୍ତ ବଡ଼ଦାଣ୍ଡରେ ରଥ ଟାଣିଥାନ୍ତି। ରଥ କେତେବେଳେ କେଉଁଆଡେ ମାଡ଼ିିଯିବ ତାହାର କିଛି ଠିକ୍‌ ଠିକଣା ନ ଥାଏ। ତେଣୁ ରଥକୁ ଅଟକାଇବା ଲାଗି ବ୍ରେକ୍‌ର ଭୂମିକା ବେଶ୍‌ ଗୁରୁତ୍ୱପୂର୍ଣ୍ଣ।ମହାପ୍ରଭୁଙ୍କର ତିନିରଥରେ ତିନୋଟି ବ୍ରେକ୍‌ ରହିଥାଏ। ଏହି ବ୍ରେକ୍‌ ମରାମତି ଲାଗି ଇଂ.ଅଶ୍ୱିନ କୁମାର ମିଶ୍ରଙ୍କ ନେତୃତ୍ୱରେ ବ୍ରଜରାଜନଗରରୁ ୭ ଜଣିଆ ଟିମ୍‌ ଆସି ବ୍ରେକ୍‌ ମରାମତି କରୁଛନ୍ତି। ରବିବାର ଏହାର ମରାମତି କାମ ଆରମ୍ଭ କରିଥିଲେ। ସୋମବାର ସୁଦ୍ଧା ତାଳଧ୍ୱଜ ରଥର ବ୍ରେକ୍‌ କାମ ସମ୍ପୂର୍ଣ୍ଣ ଶେଷ ହୋଇଥିବାବେଳେ ନନ୍ଦିଘୋଷ ରଥର କାମ ପ୍ରାୟ ୮୦ ପ୍ରତିଶତ କାମ ସରିଛି। ମଙ୍ଗଳବାର ନନ୍ଦିଘୋଷ ରଥର ରହିଥିବା କାମ ଏବଂ ଦର୍ପଦଳନ ରଥର ସମ୍ପୂର୍ଣ୍ଣ କାମ ହେବ ବୋଲି ଅଶ୍ୱିନ କହିଛନ୍ତି। ସେ ତାଙ୍କ ଅନୁଭୂତି ସମ୍ପର୍କରେ କୁହନ୍ତି, ୨୦୦୭ରେ ପୁରୀ ରଥଯାତ୍ରା ଦେଖିବାକୁ ଆସିଥିଲେ। ରଥ ଗଡୁଥିବା ବେଳେ ହଠାତ୍‌ ବ୍ରେକ୍‌ ଦିଆଯାଉଥିଲା। କିନ୍ତୁ ରଥ ୧୫/୨୦ ଫୁଟ ଆଗକୁ ଘୋଷାରି ହୋଇ ପଳାଇଯାଉଥିଲା। ଏହାକୁ ଦେଖି ରଥ କିଭଳି ଶୀଘ୍ର ଅଟକିବ ସେ ନେଇ ଚିନ୍ତା କରିଥିଲେ। ବ୍ରେକ୍‌ ପାଇଁ ଟ୍ରକ୍‌ରେ ବ୍ୟବହୃତ ହେଉଥିବା ବ୍ରେକ୍‌ ଲାଇନର ବ୍ୟବହାର କରିବାକୁ ସ୍ଥିର କରି ଶ୍ରୀମନ୍ଦିର ପ୍ରଶାସନକୁ ଆଣି ଦେଖାଇଥିଲି। କିନ୍ତୁ ସେଥିରେ ଚମଡ଼ା ଅଂଶ ଥିବାରୁ ବ୍ୟବହାର ହୋଇପାରିବ ନାହିଁ ଶ୍ରୀମନ୍ଦିର କାଯର୍ର୍‌ୟାଳୟ ମନା କରିଥିଲା। ଏପରି କି ମେଶିନରେ ତିଆରି କଣ୍ଟା ମଧ୍ୟ ବ୍ୟବହାର ହୋଇପାରିବ ନାହିଁ ବୋଲି ତାଙ୍କୁ କୁହାଯାଇଥିଲା। ଏହାପରେ ମହାପ୍ରଭୁଙ୍କ ଇଚ୍ଛାରୁ ତାଙ୍କୁ କୌଶଳ ମିଳିଯାଇଥିଲା। ନାଇଲନ, ରବର ଓ କଟନକୁ ମିଶାଇ ଏକ ମସୃଣ ପଦାର୍ଥ (ନାଇଲନ ରବର ବେଲ୍ଟ) ପ୍ରସ୍ତୁତ କରିଥିଲେ। ଏହାକୁ ବ୍ରେକ୍‌ କାଠରେ ଲଗାଇବାକୁ ତାଙ୍କୁ ଅନୁମତି ମିଳିଥିଲା। ସେବେଠାରୁ ସେ ପ୍ରତିବର୍ଷ ଆସି ବ୍ରେକ୍‌ ମରାମତି କରୁଛନ୍ତି। ଚଳିତବର୍ଷ ଅଧଇଞ୍ଚ ମୋଟେଇ, ସାଢେ ୯ ଇଞ୍ଚ ଚଉଡ଼ା ଏବଂ ୩୦ରୁ ୩୨ ଇଞ୍ଚ ଲମ୍ବର ନାଇଲନ ରବର ବେଲ୍ଟ ପ୍ରସ୍ତୁତ କରିଛନ୍ତି। ଗୋଟିଏ ରଥରେ ୮ ପିସ୍‌ ଲେଖାଏ ମୋଟ ୨୪ ପିସ୍‌ ଏହା ଲଗାଯିବ। ଏହା ଲାଗିବା ପରେ ଯେଉଁଠି ବ୍ରେକ୍‌ ଦିଆଯିବ ରଥ ଆଗକୁ ନ ଗଡ଼ି ସଙ୍ଗେ ସଙ୍ଗେ ସେହିଠାରେ ଅଟକିଯିବ ବୋଲି କହିଛନ୍ତି ଅଶ୍ୱିନ। ଗୁଣ୍ଡିଚା ଯାତ୍ରା ପୂର୍ବଦିନ ରଥଖଳାରୁ ସିଂହଦ୍ୱାରକୁ ରଥଟଣା ବେଳେ ଉପସ୍ଥିତ ରହି ବ୍ରେକ୍‌ କାମ ଠିକ୍‌ ଭାବେ କାର୍ଯ୍ୟ କରୁଛି କି ନାହିଁ ତାହାର ତଦାରଖ କରି ଘରକୁ ଫେରିଥାଉ ବୋଲି ସେ କହିଛନ୍ତି। ରଥ ବ୍ରେକ୍‌ ମରାମତି ପାଇଁ ତାଙ୍କ ସହିତ ଧନିରାମ ବାଗ, ତ୍ରିଲୋଚନ ବଢେଇ, ଜଗୁ ଲୋହାର, ମାଗୁ ଲୋହାର, ପ୍ରଶାନ୍ତ ବେନିଆ, ରାମଚରଣ ମୁଞ୍ଚୁରିଆ ଆସିଥିବା ଅଶ୍ୱିନ ପ୍ରକାଶ କରିଛନ୍ତି।


All Right Reserved By

ଦିନ କେଇଟାରେ ଉଭେଇଗଲା ସ୍ମାର୍ଟସିଟିର ସୌନ୍ଦର୍ଯ୍ୟ: ମାଟି କାମୁଡ଼ିଛି କଳାକୃତି

ଭୁବନେଶ୍ୱର,୨୯ା୭(ବ୍ୟୁରୋ): ସ୍ମାର୍ଟସିଟି ମାନ୍ୟତା ପାଇବା ପାଇଁ ସମସ୍ତେ ଅଣ୍ଟା ଭିଡି ଦେଇଥିଲେ। ନୂଆ ଉତ୍ସାହ ଓ ସମ୍ଭାବନାକୁ ନେଇ ଭୁବନେଶ୍ୱରର ରୂପ ବଦଳାଇଦେଇଥିଲେ। ବିଶେଷକରି ସୌନ୍ଦର୍ଯ୍ୟକରଣ...

ପୁଣି ଲାଗିଲା ମାଓବାଦୀ ପୋଷ୍ଟର

ଫିରିଙ୍ଗିଆ,୧୯ା୭-କିଛି ଦିନ ବ୍ୟବଧାନ ପରେ ପୁଣି ଫିରିଙ୍ଗିଆ ବ୍ଲକର ବିଭିନ୍ନ ସ୍ଥାନରେ ମାଓବାଦୀ ଶୁକ୍ରବାର ପୋଷ୍ଟର ଲଗାଇଛନ୍ତି। ଫିରିଙ୍ଗିଆ ଅଞ୍ଚଳର ସାଡିଙ୍ଗିଆ, ସୁମେରୁବନ୍ଧ, ଲେଣ୍ଡ୍ରିଗୁଡା, ମାଲା...

ନାହିଁ ନାହିଁରେ ଚାଲିଛି ନୟାଗଡ଼ ଜିଲା ଉପକୃଷି ନିର୍ଦ୍ଦେଶକଙ୍କ କାର୍ଯ୍ୟାଳୟ: ୩୩ରୁ ୨୩ ପଦବୀ ପଡ଼ିଛି ଖାଲି

ନୟାଗଡ଼ ଅଫିସ,୧୪।୭-ନାହିଁ ନାହିଁରେ ଚାଲିଛି ନୟାଗଡ଼ ଜିଲା ଉପକୃଷି ନିର୍ଦ୍ଦେଶକଙ୍କ କାର୍ଯ୍ୟାଳୟ । ୩୩ ମଞ୍ଜୁରୀପ୍ରାପ୍ତ ପଦବୀରୁ ୧୦ରେ ଅଧିକାରୀ ଓ କର୍ମଚାରୀ ଥିବା ବେଳେ...

ଶ୍ରୀମନ୍ଦିର ଜଗମୋହନର ଭିତର ଦୃଶ୍ୟ ଭାଇରାଲ

ପୁରୀ ଅଫିସ,୨୦ା୬: ଶ୍ରୀମନ୍ଦିର ପରିସର ମହାଲକ୍ଷ୍ମୀ ମନ୍ଦିର ଜଗମୋହନର ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ଜଣେ ପାଟରା ସେବାୟତ ଚତୁର୍ଦ୍ଧା ବିଗ୍ରହଙ୍କ ଲାଗି ପଇତା...

ଆଜି ସୁନାବେଶ: ରତ୍ନ ଅଳଙ୍କାରରେ ଝଲସିବେ ଦାରୁବିଗ୍ରହ

ପୁରୀ ଅଫିସ, ୧୩।୭: ଆଷାଢ ଶୁକ୍ଳ ଦ୍ୱାଦଶୀ ଶନିବାର ଏହିଦିନ ସୁନାବେଶ ଓ ଶ୍ରୀଗରୁଡ଼ ଶୟନ ନୀତି। ପବିତ୍ର ତିଥିରେ ରଥାରୂଢ ଦାରୁବିଗ୍ରହ ମହଣ ମହଣ...

ଆଜି ଭୁବନେଶ୍ୱରରେ ପହଞ୍ଚିବ କଳ୍ପନାଙ୍କ ମରଶରୀର

ଭୁବନେଶ୍ୱର, ୧।୬(ବ୍ୟୁରୋ): ଶନିବାର ଓଡ଼ିଶାରେ ପହଞ୍ଚିବ ଅନ୍ତର୍ଜାତୀୟ ପର୍ବତାରୋହୀ କଳ୍ପନା ଦାଶଙ୍କ ମରଶରୀର। ରାତି ପ୍ରାୟ ୯ଟାରେ ତାଙ୍କ ମୃତଦେହ ବିଜୁ ପଟ୍ଟନାୟକ ବିମାନବନ୍ଦରରେ ପହଞ୍ଚିବ...

ପାରିବାରିକ କଳହର କରୁଣ ପରିଣତି: ୨ ଭଉଣୀଙ୍କ ଆତ୍ମହତ୍ୟା, ବାପା ଅଟକ

କବିସୂର୍ଯ୍ୟନଗର,୧୪।୬- ଗଞ୍ଜାମ ଜିଲା କବିସୂର୍ଯ୍ୟନଗର ଥାନା ଗୁଡିଆଳି ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ପାରିବାରିକ କଳହ ଓ ବାପାଙ୍କ ମାଡଗାଳି ଅସହ୍ୟ ହେବାରୁ ୨...

ପୁରୀରେ ମୁଖ୍ୟମନ୍ତ୍ରୀ ରୋଡ୍‌ ଶୋ କରି ଭୋଟ ମାଗିଲେ

ପୁରୀ ଅଫିସ, ବ୍ରହ୍ମଗିରି, ୨୦ା୪ (ଡି.ଏନ୍‌.ଏ.): ଆସନ୍ତା ୨୩ ତାରିଖରେ ପୁରୀ ଲୋକ ସଭା ଏବଂ ଏହା ଅଧୀନରେ ଥିବା ବିଧାନସଭା ନିର୍ବାଚନମଣ୍ଡଳୀରେ ମତଦାନ ହେବ। ତେଣୁ ଦଳୀୟ...

selfi corner

Model This Week

Why Dharitri

Leave a comment

Your email address will not be published. Required fields are marked *