‘ବାତ୍ୟା ଘରଭଙ୍ଗା ସର୍ଭେରେ ଜାଲିଆତି ହୋଇଛି’

ଭୁବନେଶ୍ୱର,୨।୭(ବ୍ୟୁରୋ): ଗତ ମେ’ ୩ ତାରିଖରେ ହୋଇଥିବା ବାତ୍ୟା ଫନୀକୁ ନେଇ ବିଧାନସଭାରେ ବିରୋଧୀ ଶାସକ ଦଳକୁ ହଲାପଟ ା କରିଛନ୍ତି। ପୁରୀ ଜିଲାର ବହୁ ବାତ୍ୟା ବିପନ୍ନଙ୍କ ଘରକୁ ବିଦ୍ୟୁତ୍‌ ପହଞ୍ଚି ପାରିଲାନାହିଁ। ଲୋକମାନଙ୍କ ଧନୀସମ୍ପତି ଉଜୁଡିଯାଇଛି। ଏ ପର୍ଯ୍ୟନ୍ତ ଲୋକମାନେ ଘରଭଙ୍ଗା ଟଙ୍କା ପାଇଲେ ନାହିଁ। ଘରଭଙ୍ଗା ସର୍ଭେରେ ଜାଲିଆତି ହୋଇଛି। ଆର୍‌ଆଇମାନେ ଭୁବନେଶ୍ୱରରେ ବଡ଼ ବଡ଼ ବିଲ୍‌ଡରଙ୍କର କାମ କରୁଛନ୍ତି, ଗାଁ ଗହଳିକୁ ଯାଉନାହାନ୍ତି। ତୁରନ୍ତ ଗରିବ ଲୋକଙ୍କ ପାଇଁ କାମ କର, ନଚେତ ବଡ଼ ଆନ୍ଦୋଳନ ମୁଣ୍ଡ ଟେକିବ ବୋଲି ବିରୋଧୀ ଦଳ ଚେତାଇ ଦେଇଛନ୍ତି। ସୋମବାର ବିଧାନସଭାରେ ଭାଜପା ପକ୍ଷରୁ ‘ବାତ୍ୟା ଫନୀର ପୁନରୁଦ୍ଧାର ଓ ଥଇଥାନ କରିବାରେ ଓଡ଼ିଶା ସରକାର ବିଫଳ’ ଶୀର୍ଷକ ମୁଲତବୀ ପ୍ରସ୍ତାବ ଆଗତ କରାଯାଇଥିଲା।
ମୁଲତବୀ ପ୍ରସ୍ତାବ ଆଲୋଚନା ଆରମ୍ଭ କରି ଭାଜପା ସଭ୍ୟ ବିଷ୍ଣୁଚରଣ ସେଠୀ କହିଲେ, ହୁଡୁହୁଡୁ, ତିତ୍‌ଲିଠାରୁ ଫନୀ ଅଧିକ ପ୍ରଭାବଶାଳୀ ହୋଇଛି। ସରକାର କିଛି କଲେ ନାହିଁ। ରାଜ୍ୟ ସରକାର ୧୫ ଲକ୍ଷ ଲୋକଙ୍କୁ ଆଶ୍ରୟସ୍ଥଳରେ ରଖିଲେ। କେଉଁଠି ରଖିଲେ, ଏହାର ତଦନ୍ତ ହେବା ଦରକାର। ପୁନରୁଦ୍ଧାର ଓ ଥଇଥାନ କ୍ଷେତ୍ରରେ ରାଜ୍ୟ ସରକାର ବିଫଳ ହୋଇଛନ୍ତି ବୋଲି ସେ କହିଛନ୍ତି।
କଂଗ୍ରେସ ସଭ୍ୟ ସୁରେଶ କୁମାର ରାଉତରାୟ ସରକାରଙ୍କୁ ସମାଲୋଚନା କରି କହିଲେ, ଫନୀରେ ୧୪ ଜିଲା ଅବସ୍ଥା ଶୋଚନୀୟ। ପୁରୀ ଅବସ୍ଥା ସାଂଘାତିକ। ଗରିବଙ୍କ ଘର ଭାଙ୍ଗିଛି, ଏପର୍ଯ୍ୟନ୍ତ ରିପୋର୍ଟ ହୋଇନି। ଆର୍‌ଆଇ, ଅମିନମାନେ ବିଲ୍‌ଡର କାମ କରୁଛନ୍ତି। ଘରଭଙ୍ଗା ସର୍ଭେ ହୋଇପାରୁ ନାହିଁ। ମନ୍ତ୍ରୀଙ୍କୁ ନିର୍ଦ୍ଦେଶ ଦିଆଯାଉ ଯେ ତୁରନ୍ତ ଗରିବ ଲୋକଙ୍କ ଘରଭଙ୍ଗା ତଦନ୍ତ କରନ୍ତୁ। ବର୍ଷା ପରେ ଅବସ୍ଥା ସାଂଘାତିକ। ଡ୍ରେନ୍‌ ବ୍ୟବସ୍ଥା ଫେଲ୍‌। ଡାକ୍ତରଖାନାରେ ଡାକ୍ତର ନାହାନ୍ତି। ଏ ସବୁର ପୁନରୁଦ୍ଧାର କିପରି ହେବ ତା’ର ବ୍ୟବସ୍ଥା କରିବା ଦରକାର। ଆନ୍ଧ୍ର, ମହାରାଷ୍ଟ୍ର, ଉତ୍ତରପ୍ରଦେଶ, ପଞ୍ଜାବ, ହରିୟାଣାରୁ ଗହମ, ମାଛ, ଅଣ୍ଡା, ପନିପରିବା, ଡାଲି ଆସୁଛି ଆମେ ଖାଉଛୁ। ଆମକୁ ଲଜ୍ଜା ଲାଗିବା କଥା। ରାଜ୍ୟରେ କି ବିକାଶ ହୋଇଛି। ଗରିବଙ୍କ କାମ କର, ନଚେତ୍‌ ଆନ୍ଦୋଳନ ହେବ ବୋଲି ସେ କହିଥିଲେ।
ଭାଜପା ସଭ୍ୟ ଜୟନ୍ତ ଷଡ଼ଙ୍ଗୀ କହିଲେ, ଯାହାର ରାଶନ କାର୍ଡ ନାହିଁ ସେମାନେ ସହାୟତା ପାଇଲେ ନାହିଁ। ଘରଭଙ୍ଗା ତାଲିକା ତ୍ରୁଟିପୂର୍ଣ୍ଣ ରହିଛି, ଯାହାର ଘର ଭାଙ୍ଗିନି ତାଙ୍କର ନାମ ଅଛି। ଆଉଥରେ ଏହାର ତଦନ୍ତ କରାଯାଉ। ୨ ମାସ ପରେ ବି ଲୋକଙ୍କ ଅବସ୍ଥା ସୁଧୁରି ନାହିଁ। ପଲିଥିନ ଟାଙ୍ଗି ଆଜି ବି ବନ୍ଧବାଡ଼ରେ ଲୋକେ ଅଛନ୍ତି। ବିଦ୍ୟୁତ୍‌ ଏବେ ବି ନାହିଁ। ଘରଭଙ୍ଗା ତଦନ୍ତରେ ସ୍ବଚ୍ଛତା ରହୁ। ପୁରୀକୁ ବିଶେଷ ଭାବେ ଦୃଷ୍ଟି ଦେବାକୁ ସେ ବାଚସ୍ପତିଙ୍କ ଦୃଷ୍ଟି ଆକର୍ଷଣ କରିଥିଲେ।
କଂଗ୍ରେସ ସଭ୍ୟ ମହମ୍ମଦ ମୋକିମ୍‌ କହିଛନ୍ତି ଯେ, ଘରଭଙ୍ଗା ରିପୋର୍ଟରେ ସ୍ବଚ୍ଛତା ନାହିଁ। ତାଲିକାରେ ଗୋଟିଏ ପରିବାରର ୨/୩ ଜଣଙ୍କ ନାମ ରହିଛି। କଟକ ସହରରେ ଅବସ୍ଥା ଏବେ ବି ଶୋଚନୀୟ। ବିଦ୍ୟୁତ୍‌ ଅବସ୍ଥା ଠିକ୍‌ ନାହିଁ। ସହରରେ ଗଛ ଲଗାଇବା ବ୍ୟବସ୍ଥା ହୋଇନାହିଁ। କଟକ ଓ ଏହା ଆଖପାଖ ଅଞ୍ଚଳରେ ଏପର୍ଯ୍ୟନ୍ତ ଆର୍‌ଆଇ ପହଞ୍ଚିନାହାନ୍ତି ବୋଲି ସେ କହିଥିଲେ। ମୁଲତବୀ ପ୍ରସ୍ତାବକୁ ବିରୋଧ କରି ବିଜେଡି ସଭ୍ୟ ପ୍ରଦୀପ ମହାରଥୀ, ଉମାକାନ୍ତ ସାମନ୍ତରାୟ, ରାଜେନ୍ଦ୍ର ସାହୁ ପ୍ରମୁଖ ଫନୀ ପୂର୍ବରୁ ଓ ପରେ ରାଜ୍ୟ ସରକାର କି କି କାମ କରିଛନ୍ତି ସେସବୁର ଅବତାରଣା କରିବା ସହ ଦେଶ ବିଦେଶରେ ଓଡ଼ିଶାର ପ୍ରଶଂସା ହେଉଥିବା ଦର୍ଶାଇଥିଲେ। ମୁଲତବୀ ଆଲୋଚନାର ଉତ୍ତରରେ ରାଜସ୍ବ ମନ୍ତ୍ରୀ ସୁଦାମ ମାର୍ଣ୍ଡି କହିଥିଲେ ଯେ, ୯୧୭୬ ବାତ୍ୟା ଆଶ୍ରୟସ୍ଥଳୀ, ସରକାରୀ କୋଠା ଓ ସ୍କୁଲଗୃହକୁ ୧୫ ଲକ୍ଷ ଲୋକଙ୍କୁ ସ୍ଥାନାନ୍ତର କରାଯାଇଥିଲା। ଫନୀରେ ୬୪ ଜଣଙ୍କର ମୃତ୍ୟୁ ହୋଇଛି। ଯେଉଁଠି ଘରଭଙ୍ଗା ତଦନ୍ତରେ ସମସ୍ୟା ରହିଛି, ସେଠାରେ ପୁଣି ତଦନ୍ତ କରିବାକୁ ନିର୍ଦ୍ଦେଶ ଦିଆଯିବ। ଏଥିସହିତ ମନ୍ତ୍ରୀ ଫନୀ ଲାଗି ସରକାର କି ପଦକ୍ଷେପ ନେଇଥିଲେ ସେନେଇ ୫ ପୃଷ୍ଠାର ଉତ୍ତର ପଢ଼ି ଶୁଣାଇଥିଲେ।


All Right Reserved By Dharitri.Com

ଶ୍ରୀମନ୍ଦିରରେ ପାର୍ଶ୍ୱ ପରିବର୍ତ୍ତନ ଏକାଦଶୀ: କଡ଼ ଲେଉଟାଇଲେ ଶୟନ ଠାକୁର

ପୁରୀ ଅଫିସ, ୧୦।୯: ଶ୍ରୀମନ୍ଦିରରେ ସୋମବାର ପାର୍ଶ୍ୱ ପରିବର୍ତ୍ତନ ଏକାଦଶୀ ନୀତି ଅନୁଷ୍ଠିତ ହୋଇଛି। କଡ଼ ଲେଉଟାଇଛନ୍ତି ଶୟନ ଠାକୁର। ମଙ୍ଗଳବାର ମହାପ୍ରଭୁଙ୍କ ବାମନ ବେଶ...

ରବିବାର ବାରବାଟୀରେ ଖେଳାଯିବ ଭାରତ-ଓ୍ବେଷ୍ଟଇଣ୍ଡିଜ ଅନ୍ତିମ ଦିନିକିଆ, ସୁରକ୍ଷା ବ୍ୟବସ୍ଥା ତଦାରଖ କଲେ ପୋଲିସ ଡିଜି

କଟକ ଅଫିସ,୨୦।୧୨: ରବିବାର କଟକର ବାରବାଟୀରେ ଖେଳାଯିବ ଭାରତ-ଓ୍ବେଷ୍ଟଇଣ୍ଡିଜ ମଧ୍ୟରେ ଅନ୍ତିମ ତଥା ୩ୟ ମ୍ୟାଚ୍‌। ଏହା ପୂର୍ବରୁ ଶୁକ୍ରବାର ପୋଲିସ ଡିଜି ଅଭୟ ଷ୍ଟାଡିୟମର...

ଭିଜିଲାନ୍ସ ଜାଲରେ ପିପଳପଙ୍କା ବନରକ୍ଷୀ, ରାତ୍ର ଜଗୁଆଳି

ବ୍ରହ୍ମପୁର ଅଫିସ,୨୭।୫-ଗଞ୍ଜାମ ଜିଲା ସୋରଡ଼ା ବନଖଣ୍ଡ ଅଧିନରେ ଥିବା ପିପଳପଙ୍କା ବନରକ୍ଷୀ (ଫରେଷ୍ଟ ଗାର୍ଡ) ବିଷ୍ଣୁପ୍ରିୟା ଦାଶ ଜଣେ ଆଦିବାସୀଙ୍କ ନାମରେ ମାମଲା ରୁଜୁ ନ...

ମାର୍କେଟ ବିଲ୍ଡିଂ ଆତଙ୍କରାଜ ଘଟଣା: ଆଉ ୪ ଗିରଫ

ଭୁବନେଶ୍ୱର,୧୨।୧(ବ୍ୟୁରୋ): ସ୍ଥାନୀୟ ୟୁନିଟ-୨ ମାର୍କେଟ ବିଲ୍ଡିଂ ଆତଙ୍କରାଜ ଘଟଣାରେ ଆଉ ୪ ଜଣଙ୍କୁ କମିଶନରେଟ୍‌ ପୋଲିସ ରବିବାର ଗିରଫ କରିଛି। ତେବେ ଗିରଫ ହୋଇଥିବା ୪...

କନିଷ୍ଠ ଯନ୍ତ୍ରୀଙ୍କୁ ଉଠ୍‌ବସ୍‌ କରିବା ଘଟଣା: ବିଧାୟକ ସରୋଜ ମେହେରଙ୍କୁ ଜାମିନ

ଭୁବନେଶ୍ୱର, ୬।୭(ବ୍ୟୁରୋ): ଜଣେ କନିଷ୍ଠ ଯନ୍ତ୍ରୀଙ୍କୁ ଉଠ୍‌ବସ୍‌ କରାଇବା ଘଟଣାରେ ଗିରଫ ହୋଇ ଜେଲ ଯାଇଥିବା ପାଟଣାଗଡ଼ ବିଧାୟକ ସରୋଜ ମେହେରଙ୍କୁ ଜାମିନ ମିଳିଛି। ଭୁବନେଶ୍ୱର...

ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ମିଳିଲା ୯କୋଟି ୨୪ଲକ୍ଷ ଟଙ୍କା ସହାୟତା

ଭୁବନେଶ୍ୱର, ୨୫।୬(ବ୍ୟୁରୋ): ଫନୀ ବାତ୍ୟା ଦୁର୍ଗତଙ୍କ ପୁନରୁଦ୍ଧାର ପାଇଁ ସୋମବାର ଅନେକ ସଂସ୍ଥା ଓ ବ୍ୟକ୍ତିବିଶେଷଙ୍କ ପକ୍ଷରୁ ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ସହାୟତା ପ୍ରଦାନ କରାଯାଇଛି।...

କୋଳିମାଟିରେ ନିଆରା ହୋଲି: ଅବିର, ହଳଦୀ ପାଣିରେ ରଙ୍ଗ ଖେଳିଲେ ଅଞ୍ଚଳବାସୀ

କୋଳିମାଟି, ୧୦ା୩( ଡି.ଏନ.ଏ.)-କେନ୍ଦୁଝର ଜିଲା ଆନନ୍ଦପୁର କୋଳିମାଟି ଅଞ୍ଚଳରେ ଛୋଟ ପିଲାଠାରୁ ଆରମ୍ଭ କରି ସମସ୍ତ ଲୋକେ ହୋଲିକୁ ଧୁମଧାମରେ ପାଳନ କରିଛନ୍ତି। କରୋନା ଭାଇରସ...

ପ୍ରଫେସର ସୁନୀଲ ଷଡ଼ଙ୍ଗୀ ପାଇବେ ବିଶ୍ୱେଶ୍ୱରାୟା ସମ୍ମାନ

କଟକ ଅଫିସ, ୧୨।୯: ଏନ୍‌ଆଇଟି ରାଉରକେଲାର ପ୍ରାକ୍ତନ ନିର୍ଦ୍ଦେଶକ ତଥା ଖାତନାମା ଇଞ୍ଜିନିୟର ପ୍ରଫେସର ସୁନୀଲ କୁମାର ଷଡଙ୍ଗୀ ଚଳିତବର୍ଷର ଜାତୀୟସ୍ତରୀୟ ମର୍ଯ୍ୟାଦାଜନକ ବିଶ୍ୱେଶ୍ୱରାୟା ସମ୍ମାନ...

Leave a comment

Your email address will not be published. Required fields are marked *