ସେବା ସମବାୟ ସମିତିରେ ଅଚଳାବସ୍ଥା

ଖଇରା, ୨।୭(ଡି.ଏନ.ଏ.)-ଭଦ୍ରକ ଏଆରସିଏସ୍‌୍‌ (ଆସିଷ୍ଟାଣ୍ଟ ରେଜିଷ୍ଟର କୋ-ଅପରେଟିଭ ସୋସାଇଟି) ଅଧୀନରେ ଥିବା ବାଲେଶ୍ୱର ଜିଲା ଖଇରା ବ୍ଲକ ଅଧୀନ ମାଣିତ୍ରୀ ସେବା ସମବାୟ ସମିତିରେ ଅଚଳାବସ୍ଥା ଲାଗି ରହିଛି। ଖରିଫ ଚାଷ କାର୍ଯ୍ୟ ଆରମ୍ଭ ହୋଇଥିବା ବେଳେ ଚାଷୀମାନେ ବିହନ, ସାର ଓ ଋଣ ସହାୟତା ପାଇବାରୁ ବଞ୍ଚିତ ହେଉଛନ୍ତି। ସମିତିର ଅବ୍ୟବସ୍ଥା ନେଇ ପରିଚାଳନା ବୋର୍ଡ ସଭାପତି ଇସ୍ତଫା ଦେବା ସତ୍ତ୍ୱେ ବିଭାଗୀୟ କର୍ତ୍ତୃପକ୍ଷ ଏଯାଏ କୌଣସି ପଦକ୍ଷେପ ନ ନେଇ ଉଦାସୀନ ରହିବା ନେଇ ଚାଷୀମାନେ ଉଦ୍‌ବେଗ ପ୍ରକାଶ କରିଛନ୍ତି।
ଉଲ୍ଲେଖନୀୟ ଯେ, ସମ୍ପାଦକ ନିଯୁକ୍ତକୁ ନେଇ ବିବାଦ ଦେଖାଦେଇ ହାଇକୋର୍ଟକୁ ମାମଲା ଯିବା ପରେ ପଡୋଶୀ ଅନ୍ତରା ସେବା ସମବାୟ ସମିତିର ସମ୍ପାଦକ ସରୋଜକାନ୍ତ ବିଶ୍ୱାଳଙ୍କୁ ୨୦୧୮ ଜୁଲାଇ ୩୧ତାରିଖରେ ମାଣିତ୍ରୀ ସେବା ସମବାୟ ସମିତିର ଅତିରିକ୍ତ ଦାୟିତ୍ୱ ପ୍ରଦାନ କରାଯାଇଥିଲା ା ଗତ ମାର୍ଚ୍ଚ ମାସରେ ଡାଳୁଅ ଧାନକିଣାକୁ ନେଇ ସମ୍ପାଦକ ଓ ଧାନ ବ୍ୟବସାୟୀଙ୍କ ମଧ୍ୟରେ ଗଣ୍ଡଗୋଳ ଘଟିଥିଲା। ଏହାପରେ ଅତିରିକ୍ତ ଦାୟିତ୍ୱରେ ଥିବା ସମ୍ପାଦକ ବିଶ୍ୱାଳ ଗତ ମାର୍ଚ୍ଚ ୮ତାରିଖରୁ ସମିତିକୁ ଆଉ ଆସି ନ ଥିବା ଜଣାପଡିଛି। ଏଥିଲାଗି ଡାଳୁଅ ଧାନକିଣା ଠିକ୍‌ ଭାବେ ହୋଇ ନ ପାରିବାରୁ ୫ ହଜାର କୁଇଣ୍ଟାଲ ଧାନକିଣା ଟାର୍ଗେଟ ଫେରିଯାଇଥିଲା। ବର୍ତ୍ତମାନ ସୁଦ୍ଧା ସ୍ଥାୟୀ ସମ୍ପାଦକ ନିଯୁକ୍ତି ଦିଆଯାଇ ନ ଥିବାରୁ ଖରିଫ ଚାଷ ଲାଗି ଚାଷୀଙ୍କୁ ରିହାତିରେ ଧାନ ବିହନ ଏବଂ ସାର ମିଳିପାରୁନାହିଁ। ପ୍ରତିଦିନ ଚାଷୀମାନେ ସମିତିକୁ ଆସି ନିରାଶ ହୋଇ ଫେରୁଛନ୍ତି। ଏଆରସିଏସ୍‌୍‌ କର୍ତ୍ତୃପକ୍ଷଙ୍କ ଉଦାସୀନତା ପ୍ରତିବାଦରେ ସମିତି ପରିଚାଳନା ବୋର୍ଡ ସଭାପତି ନରେନ୍ଦ୍ର ପଣ୍ଡା ଗତ ମାସ ୧୯ତାରିଖରୁ ନିଜ ପଦବୀରୁ ଇସ୍ତଫା ଦେବା ପରେ ପରିସ୍ଥିତି ଜଟିଳ ହୋଇପଡିଛି। ବିଭାଗୀୟ ଅଧିକାରୀ ଓ ପରିଚାଳନା ବୋର୍ଡ ମଧ୍ୟରେ ସମନ୍ବୟ ଅଭାବ ଯୋଗୁ ଚାଷୀମାନେ ଦୁର୍ଦ୍ଦଶାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି। ଏପରିକି ରବି ଋତୁରେ ସ୍ବଳ୍ପ ମିଆଦୀ ଋଣ ନେଇଥିବା ଚାଷୀ ନିର୍ଦ୍ଧାରିତ ସମୟରେ ଋଣ ପରିଶୋଧ କରିବା ସୁଯୋଗରୁ ବଞ୍ଚିତ ହୋଇଛନ୍ତି। ଫଳରେ ସେମାନେ ଏକ ପ୍ରତିଶତ ବଦଳରେ ଏବେ ୧୩.୭୫ ପ୍ରତିଶତ ସୁଧ ଦେବାକୁ ବାଧ୍ୟ ହେବେ। ସମ୍ପାଦକ ନ ଥିବା ଆଳରେ ସହ ସମ୍ପାଦକଙ୍କୁ ଆର୍ଥତ୍କ କ୍ଷମତା ଦିଆଯାଇ ନ ଥିବାରୁ ଋଣ ପରିଶୋଧ କରି ନ ପାରି ୯୮୬ ଚାଷୀ ଖିଲାପି ଋଣୀ ତାଲିକାଭୁକ୍ତ ହୋଇଥିବା ଅଭିଯୋଗ କରିଛନ୍ତି। ସେହିପରି ସମିତି ଅଧୀନରେ ଥିବା ସ୍ବୟଂ ସହାୟିକା ଗୋଷ୍ଠୀ ସଞ୍ଚୟ ଜମାରାଶି ଦେଇ ପାରୁ ନ ଥିବାରୁ ଅସନ୍ତୋଷ ପ୍ରକାଶ କରିଛନ୍ତି ା
ବିବାଦ ଓ ଚର୍ଚ୍ଚା ଘେରରେ ରହିଥିବା ମାଣିତ୍ରୀ ସମିତିକୁ ଅନ୍ୟ କୌଣସି ସମିତିର ସମ୍ପାଦକ ଆସିବାକୁ ଅନିଚ୍ଛା ପ୍ରକାଶ କରୁଥିବା କୁହାଯାଉଛି। ଅନ୍ୟପକ୍ଷେ ସମିତି ପରିଚାଳନା ବୋର୍ଡର ସମୟସୀମା ଜୁନ ୩୦ରେ ଶେଷ ହୋଇଯାଇଛି। ନୂତନ ପରିଚାଳନା ବୋର୍ଡ ଗଠନ ଲାଗି ଏଯାଏ କୌଣସି ପଦକ୍ଷେପ ନିଆଯାଇନାହିଁ। ପ୍ରଶାସନିକ ଅବ୍ୟବସ୍ଥା ଯୋଗୁ ଚାଷୀମାନେ ଦୁର୍ଦ୍ଦଶାର ସମ୍ମୁଖୀନ ହେବା ଚିନ୍ତାର ବିଷୟ ବୋଲି ପୁରୁଖା ଚାଷୀ ରନତ୍ାକର କର କହିଛନ୍ତି ା ୫ମାସ ଧରି ସଭାପତି ବୋର୍ଡ ବୈଠକ ଡକା ନ ଯିବା ଓ ଉଚ୍ଚ କର୍ତ୍ତୃପକ୍ଷଙ୍କ ଉଦାସୀନତା ଯୋଗୁ ଆଜି ସମିତିର ଏଭଳି ଦୁରବସ୍ଥା ହୋଇଛି ବୋଲି ବୋର୍ଡ ସଭ୍ୟ ଘନଶ୍ୟାମ ବାରିକ କହିଛନ୍ତି ା ଏଆରସିଏସ୍‌୍‌୍‌ର ଜଣେ ଅଧିକାରୀ ଅସହଯୋଗ କରିବା କାରଣରୁ ସମିତିର ସମ୍ପାଦକ ନିଯୁକ୍ତ ଦିଆଯାଇ ପାରି ନ ଥିବା ସମ୍ପ୍ରତି ଇସ୍ତଫା ଦେଇଥିବା ବୋର୍ଡର ପୂର୍ବତନ ସଭାପତି ପଣ୍ଡା ତାଙ୍କ ପ୍ରତିକ୍ରିୟାରେ କହିଛନ୍ତି ା ଏ ସମ୍ପର୍କରେ ଏଆରସିଏସ୍‌ ସ୍ବାତିବାଳା ମହାପାତ୍ରଙ୍କୁ ପଚାରିବାରୁ କହିଛନ୍ତି, ସମିତିର ଅଚଳାବସ୍ଥା ପାଇଁ ପରିଚାଳନା ବୋର୍ଡ ଅନେକାଂଶରେ ଦାୟୀ। ଚାଷୀଙ୍କ ସମସ୍ୟାକୁ ଦୃଷ୍ଟିରେ ରଖି ଖୁବ୍‌ ଶୀଘ୍ର ସେଠାରେ ସମ୍ପାଦକ ପଦବୀରେ ନିଯୁକ୍ତି ଦିଆଯିବ।


All Right Reserved By Dharitri.Com

ବଢ଼ିଲା ନଦୀ ଜଳସ୍ତର

ଭୁବନେଶ୍ୱର, ୨୦।୮(ବ୍ୟୁରୋ):ଦୁଇଦିନ ଲଘୁଚାପଜନିତ ଲଗାଣ ବର୍ଷା ଯୋଗୁ ରାଜ୍ୟରେ ପୁଣି ବନ୍ୟା ପରିସ୍ଥିତି ଜଟିଳ ହେବାରେ ଲାଗିଛି। ଉପରମୁଣ୍ଡରେ ବର୍ଷା ହେବାରୁ ହୀରାକୁଦର ଜଳସ୍ତର ପୁଣି...

ଅନୁଗୋଳ ପରେ ବୌଦ୍ଧକୁ ଡେଇଁଲା କରୋନା

ଭୁବନେଶ୍ୱର,୧୦।୫(ବ୍ୟୁରୋ)-ରାଜ୍ୟରେ ବଢି ଚାଲିଛି କରୋନା ଆକ୍ରାନ୍ତଙ୍କ ସଂଖ୍ୟା। ରବିବାର ସନ୍ଧ୍ୟାରେ ଆଉ ୧୫ କରୋନା ପଜିଟିଭ ଚିହ୍ନଟ ହେବା ପରେ ଆକ୍ରାନ୍ତଙ୍କ ସଂଖ୍ୟା ୩୭୭ରେ ପହଞ୍ଚିଛି।...

ଯାଜପୁରକୁ ପଛରେ ପକାଇଲା ବାଲେଶ୍ୱର: ପାଲଟିଲା ଦ୍ୱିତୀୟ ସର୍ବାଧିକ କରୋନା ଆକ୍ରାନ୍ତ ଜିଲା

ଭୁବନେଶ୍ୱର,୧୩।୫(ବ୍ୟୁରୋ): ରାଜ୍ୟରେ ହୁ ହୁ ହୋଇ ବଢ଼ୁଛି କରୋନା ଆକ୍ରାନ୍ତଙ୍କ ସଂଖ୍ୟା। ବୁଧବାର ସକାଳେ ୧୦୧ ନୂଆ ପଜିଟିଭ୍‌ ଚିହ୍ନଟ ହେବା ପରେ ମୋଟ ସଂକ୍ରମିତଙ୍କ...

୭ ଦିନରେ ଓଡ଼ିଶା ଛୁଇଁବ ମୌସୁମୀ

ଭୁବନେଶ୍ୱର, ୯ା୬(ବ୍ୟୁରୋ): ୮ ଦିନ ବିଳମ୍ବରେ ଶନିବାର କେରଳ ଉପକୂଳ ଛୁଇଁଛି ଦକ୍ଷିଣ-ପଶ୍ଚିମ ମୌସୁମୀ ବାୟୁ। ଏହାର ପ୍ରଭାବରେ କେରଳର ଅଧିକାଂଶ ଅଞ୍ଚଳରେ ଭଲ ବର୍ଷା...

ମାଟ୍ରିକ୍‌ ପରୀକ୍ଷା ଆରମ୍ଭ: ୫ ଲକ୍ଷ ୬୦ ହଜାର ୯୦୫ ଛାତ୍ରୀଛାତ୍ର ଦେଉଛନ୍ତି ପରୀକ୍ଷା

ଭୁବନେଶ୍ୱର,୧୯।୨(ବ୍ୟୁରୋ): ଚଳିତବର୍ଷ ମାଟ୍ରିକ ପରୀକ୍ଷା ବୁଧବାରଠାରୁ ଆରମ୍ଭ ହୋଇଛି। ପ୍ରଥମ ଦିନରେ ମାତୃଭାଷା ପରୀକ୍ଷା ଦେଉଛନ୍ତି ଛାତ୍ରଛାତ୍ରୀ। ସକାଳୁ ନୋଡାଲ ସେଣ୍ଟରରୁ ପରୀକ୍ଷା କେନ୍ଦ୍ର ଗୁଡ଼ିକୁ...

ଆର୍‌ବିଏସ୍‌କେ ଦେଲା ନୂଅଁ। ଜୀବନ୍‌

  ଲାଠୋର, ୧୪ା୩ (ଡି.ଏନ.ଏ.)- ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଟଙ୍କପାଣି ପଁଚେତ୍‌ ସଦର ଗଁ। ର ଝନେ ଦିବ୍ୟାଙ୍ଗ ଛାତ୍ରୀ ସୁବିଧା ହଂସ(୧୨) ରାଷ୍ଟ୍ରୀୟ...

ନନ୍ଦନକାନନର ଘଡ଼ିଆଳ କୁମ୍ଭୀର ଯିବ ଭିତରକନିକା

ବାରଙ୍ଗ,୧୮ା୫(ଡି.ଏନ୍‌.ଏ.): ପ୍ରାଣୀ ଉଦ୍ୟାନ ନନ୍ଦନକାନନରୁ ଘଡିଆଳ କୁମ୍ଭୀର ଭିତରକନିକାକୁ ଯିବ। ନନ୍ଦନକାନନରେ ଘଡିଆଳ କୁମ୍ଭୀରମାନଙ୍କ ସଂଖ୍ୟା ବୃଦ୍ଧିପାଇବାରେ ଲାଗିଛି। ଫଳରେ ଏମାନଙ୍କ ବାସସ୍ଥାନ, ଖାଦ୍ୟ ଓ...

ଭତାରୁ ବଁଚିତ୍‌ ଫୁଲ

  ଲାଠୋର, ୧୪ା୩ (ଡି.ଏନ.ଏ.)- ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ କରୁଅଁାଝର ପଁଚେତ୍‌ ଅଧୀନ ସାନଗୁର୍ଜିଭଟାର ଫୁଲ ନାଗ(୫୬)। ଆପ୍‌ନେ ପୀତବାସ ନାଗ ଦୁଇ ବଛର...

Leave a comment

Your email address will not be published. Required fields are marked *