ଖୋର୍ଦ୍ଧାରେ ଏସ୍‌ଟିଏଫ୍‌ର ଏନ୍‌କାଉଣ୍ଟର ଘଟଣା : ଦୁଇ ମୋଷ୍ଟଓ୍ବାଣ୍ଟେଡ୍‌ଙ୍କୁ ଧରିବାକୁ ଚଢ଼ାଉ ଜୋର୍‌ଦାର

ଭୁବନେଶ୍ୱର,୧।୭ (ବ୍ୟୁରୋ) : ଖୋର୍ଦ୍ଧା ଏଲ୍‌ଆଇସି ପଡ଼ିଆରେ ଶନିବାର ରାତିରେ ଚଢ଼ାଉ ସମୟରେ କ୍ରାଇମବ୍ରାଞ୍ଚ ଏସ୍‌ଟିଏଫ୍‌ ଟିମ୍‌ ସହ ଅପରାଧୀ ମୁହାଁମୁହିଁ ହୋଇଥିଲେ। ଉଭୟ ପକ୍ଷରୁ ଗୁଳିବର୍ଷା ପରେ ପଛଘୁଞ୍ଚା ଦେଇଥିଲା ପୋଲିସ୍‌ର ମୋଷ୍ଟ ଓ୍ବାଣ୍ଟେଡ୍‌ ଥିବା ସଞ୍ଜୟ ଓ ଅନିଲ ଗ୍ୟାଙ୍ଗ୍‌। ହେଲେ ଅନ୍ୟମାନେ ଖସି ଯାଇଥିବାବେଳେ ପୋଲିସ ଜଣଙ୍କୁ କାବୁ କରିଥିଲା। ତେବେ ଗୁଳି ବାଜିବା ପରେ ସଞ୍ଜୟ ପ୍ରଧାନ ଓ ଅନିଲ ବରାଳ ସହଯୋଗୀଙ୍କ ସହ ଘଟଣାସ୍ଥଳରୁ ଖସି ଯାଇଥିବା ସନ୍ଦେହ କରି ଏସ୍‌ଟିଏଫ୍‌ ପକ୍ଷରୁ ଆଖପାଖ ଅଞ୍ଚଳରେ ବିଳମ୍ବିତ ରାତି ପର୍ଯନ୍ତ ତଲାସି କରାଯାଇଥିଲା। ରବିବାର ମଧ୍ୟ ସେମାନଙ୍କୁ ଧରିବାକୁ ଚଢ଼ାଉ ଜୋର୍‌ଦାର କରାଯାଇଛି। ଆହତ ହୋଇଥିବାରୁ ସେମାନେ ନିଶ୍ଚିତ ଚିକିତ୍ସା ପାଇଁ ହସ୍ପିଟାଲକୁ ଯାଇପାରନ୍ତି। ଏପରିକି ସେମାନେ କୌଣସି ଡାକ୍ତରଙ୍କୁ ଧମକାଇ ଘରକୁ ଡାକି ଚିକିତ୍ସିତ ହୋଇପାରନ୍ତି। ତେଣୁ ବିଭିନ୍ନ ହସ୍ପିଟାଲ, ନର୍ସିଂହୋମ ଓ କ୍ଲିନିକ୍‌ ସମେତ ଆଡ୍ଡାସ୍ଥଳ ଉପରେ ଏସ୍‌ଟିଏଫ୍‌ ନଜର ରଖିଛି। ସାମାନ୍ୟ ସୁରାକ ମିଳିଲେ ଚଢ଼ାଉ କରାଯାଇ ଗିରଫ କରିବାକୁ ଯୋଜନା କରିଛି ଏସ୍‌ଟିଏଫ୍‌।
ଅନ୍ୟପକ୍ଷରେ ଏନ୍‌କାଉଣ୍ଟରବେଳେ ଧରାପଡିଥିବା ସଞ୍ଜୟ ଗ୍ୟାଙ୍ଗର ଅନ୍ୟତମ ସହଯୋଗୀ ଜନ୍‌ ଖୁଣ୍ଟିଆଙ୍କୁ ପଚରାଉଚରାବେଳେ ପୋଲିସକୁ ବହୁ ତଥ୍ୟ ମିଳିଛି। ତାଙ୍କ ଘର କଟକ ଚାରିବାଟିଆ ହୋଇଥିବାବେଳେ ସେ ପୁରୁଣା ଭୁବନେଶ୍ୱର କପିଳେଶ୍ୱରର ମାଉସୀ ଘରେ ରହୁଥିଲେ। ଖୋର୍ଦ୍ଧାର ଅଜୟ ପ୍ରଧାନଙ୍କ ଆସ୍କା ଫର୍ଟି କାଉଣ୍ଟରରେ କାମ କରୁଥିଲେ। ସଞ୍ଜୟ ଗ୍ୟାଙ୍ଗ୍‌ରେ ମିଶି ବ୍ରାଉନସୁଗାର କାରବାର କରୁଥିଲେ ବୋଲି ସେ ପୋଲିସ ଆଗରେ ସ୍ବୀକାର କରିଛନ୍ତି। ଏନ୍‌କାଉଣ୍ଟର ପରେ ସେମାନେ ବ୍ୟବହାର କରୁଥିବା କାରକୁ ପୋଲିସ ଜବତ କରିବା ସହ ତାହା ଭିତରୁ ଏକ ବନ୍ଧୁକ, ଦୁଇଟି ଗୁଳି ଓ ଏକ ରକ୍ତଭିଜା ଗାମୁଛାକୁ ଜବତ କରିଥିଲା। ଏନେଇ ଏସ୍‌ଟିଏଫ୍‌ ଇନ୍ସପେକ୍ଟର ଖୋର୍ଦ୍ଧା ଟାଉନ ଥାନାରେ ଅଭିଯୋଗ କରିବା ପରେ ପୋଲିସ କେସ୍‌ ନଂ.୧୮୭/୧୯ ଦଫା ୩୩୨, ୩୫୩, ୩୦୭, ୩୪ ଓ ୨୫ ଏବଂ ୨୭ ଆମର୍‌ସ ଆକ୍ଟ ଲଗାଇ ଜନ୍‌ଙ୍କୁ କୋର୍ଟ ଚାଲାଣ କରିଥିଲା। ଜାମିନ ନାମଞ୍ଜୁର ହେବାରୁ ତାଙ୍କୁ ଝାରପଡ଼ା ଜେଲ୍‌କୁ ପଠାଇ ଦିଆଯାଇଛି। ସେହିଭଳି ଖୋର୍ଦ୍ଧା ଆଦର୍ଶ ଥାନାର କେସ୍‌ ନଂ.୧୭୯/୧୯ରେ ମଧ୍ୟ ଜନ୍‌ଙ୍କୁ ଜାମିନ ମିଳିନାହିଁ। ଜନ୍‌ଙ୍କ ନାମରେ ଖଣ୍ଡଗିରି ଏବଂ ଖୋର୍ଦ୍ଧା ଥାନାରେ ଲୁଟ୍‌, ହତ୍ୟା ଧମକ, ଆମର୍‌ସ ଆକ୍ଟ ଭଳି ଏକାଧିକ ମାମଲା ରହିଛି। ଖୋର୍ଦ୍ଧାରେ ସଞ୍ଜୟ ଓ ଅନିଲ ବ୍ରାଉନ ସୁଗାର ବେପାର କରିବା ସହ ବେଆଇନ ପଥର ଖଣିରୁ କିଭଳି ଚୋରା ଚାଲାଣ କରୁଥିଲେ ତାହାର ଗୁମର ଖୋଲିଛନ୍ତି ଜନ୍‌।
ଜନ୍‌ଙ୍କ ବୟାନ ଆଧାରରେ ପୋଲିସ କହିଛି ଯେ, ଖୋର୍ଦ୍ଧାରେ ସଞ୍ଜୟଙ୍କ ସହ ଅନ୍ୟ ୪ଜଣ ମିଶି ବ୍ରାଉନସୁଗାର ବ୍ୟବସାୟ କରନ୍ତି। ସଞ୍ଜୟ ବିଶେଷକରି ସ୍କୁଲ ପିଲା ଓ କଲେଜ ପିଲାଙ୍କୁ ଟାର୍ଗେଟ କରିଥାନ୍ତି। ସେ କଲେଜ ଓ ହାଇସ୍କୁଲ ଆଗରେ ରହି ପ୍ରଥମେ ଛାତ୍ରମାନଙ୍କ ସହ ମିଶିଥାନ୍ତି। ଧୀରେ ଧୀରେ ଛାତ୍ରମାନଙ୍କୁ ଫସାଇ ନିଜ ର଼୍ୟାକେଟରେ ସାମିଲ୍‌ କରିବା ସହ ବ୍ରାଉନସୁଗାର ବ୍ୟବସାୟ ବଢ଼ାଇଥାନ୍ତି। ସ୍ଥାନୀୟ ପୋଲିସ ଓ ଅବକାରୀ ବିଭାଗର କେତେଜଣ ଅଧିକାରୀ ଏବଂ କର୍ମଚାରୀଙ୍କୁ ମୋଟା ଅଙ୍କର ଅର୍ଥ ଦେଇ ସହଯୋଗ ହାସଲ କରନ୍ତି।
ସଞ୍ଜୟ ନାମରେ ଏସ୍‌ଟିଏଫ୍‌ରେ କେସ୍‌ ନଂ.୬/୧୯ ରହିଛି। ସେହିପରି ସଞ୍ଜୟ ଓ ଅନିଲଙ୍କ ନାମରେ କେସ୍‌ ନଂ.୭/୧୯ ରହିଛି। ଉଭୟଙ୍କୁ ଧରିବାକୁ ଏସ୍‌ଟିଏଫ୍‌ କିଛିଦିନ ହେବ ଯୋଜନା କରିଥିଲା। ଶନିବାର ରାତିରେ ଏଲ୍‌ଆଇସି ପଡିଆରେ ସଞ୍ଜୟ, ଅନିଲ, ମନୋରଞ୍ଜନ ଏବଂ ଜନ୍‌ କାରରେ ବସି ବ୍ରାଉନ ସୁଗାର ବ୍ୟବସାୟ କରିବା ପାଇଁ ବ୍ଲୁ-ପ୍ରିଣ୍ଟ ପ୍ରସ୍ତୁତ କରୁଥିବା ନେଇ ସୂଚନା ପାଇବା ପରେ ଏସ୍‌ଟିଏଫ୍‌ ଟିମ୍‌ ସେଠାରେ ଚଢାଉ କରିଥିଲା। ହେଲେ ସଞ୍ଜୟ ଏସ୍‌ଟିଏଫ୍‌ ଟିମ୍‌କୁ ଦେଖି ଗୁଳି ଚଳାଇଥିଲେ। ଏସ୍‌ଟିଏଫ୍‌ ପକ୍ଷରୁ ସେମାନଙ୍କ ଉପରକୁ ବାରମ୍ବାର ଗୁଳି କରାଯାଇଥିଲା। ମନୋରଞ୍ଜନଙ୍କ ଗୋଡ଼ରେ ଗୁଳି ବାଜିଥିବାବେଳେ ଅନ୍ୟକେତେଜଣ ଆହତ ହୋଇଥିଲେ। ଅନ୍ଧାର ସୁଯୋଗରେ ସେମାନେ ନିକଟ ଜଙ୍ଗଲରେ ପଶି ଖସିଯାଇଥିଲେ ବୋଲି ଥିବା ଗିରଫ ହୋଇଥିବା ଜନ୍‌ଙ୍କଠାରୁ ପୋଲିସ ଜାଣିବାକୁ ପାଇଛି। ଗୁଳି ବିନିମୟରେ ଏସ୍‌ଟିଏଫ୍‌ର ୩ଜଣ ସଦସ୍ୟ ଆହତ ହୋଇଥିବା ଜଣାପଡିଛି।


All Right Reserved By Dharitri.Com

ଇନ୍‌ସ୍ୟୁରାନ୍ସ, ଫାଇନାନ୍ସ କିସ୍ତି ଫାଙ୍କିବାକୁ ଚଞ୍ଚକତା : ଦୁଇ ବୋଲେରୋ, ଗୋଟିଏ ନମ୍ବର

ଭୁବନେଶ୍ୱର,୩୦ା୯(ବ୍ୟୁରୋ) : ଦୁଇଟି ବୋଲେରୋ, ହେଲେ ଲାଗିଥିଲା ଗୋଟିଏ ନମ୍ବର (ଓଡ଼ି୩୪ଇ୫୫୭୮)। ଗାଡ଼ିର ରଙ୍ଗ ଓ ସମ୍ମୁଖ ଭାଗରେ ସମାନ ଭାବେ ‘ସୁବର୍ଣ୍ଣମୁଖୀ’ ଲେଖାଥିଲା। କେହି...

କାର କାଚ ଭାଙ୍ଗି ଲୁଟ୍‌ ଘଟଣା, ୪ ଗିରଫ

କଟକ ରୋଡ,୪ା୧୦(ଡି.ଏନ୍‌.ଏ) : କାର କାଚ ଭାଙ୍ଗି ଲୁଟ ଅଭିଯୋଗରେ ଲକ୍ଷ୍ମୀସାଗର ପୋଲିସ ଗୁରୁବାର ୪ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନେ...

କୋରିଆ କାର୍‌ଭାନ୍‌

ଭୁବନେଶ୍ୱର, ୨୪।୯(ବ୍ୟୁରୋ): କୋରିଆ ରିପ୍ଲବିକ୍‌ ରାଷ୍ଟ୍ରଦୂତଙ୍କ ଦ୍ୱାରା ପ୍ରତିବର୍ଷ ଭାରତର ଦୁଇଟି କିମ୍ବା ତିନୋଟି ରାଜ୍ୟରେ ଆୟୋଜିତ ହେଉଥିବା ‘କୋରିଆ କାରଭାନ୍‌’ କାର୍ଯ୍ୟକ୍ରମ ଚଳିତବର୍ଷ ମନ୍ଦିରମାଳିନୀ...

ଆଉ ନୂଆ ୧୭ ଏନ୍‌ଏସି ଗଠନ ହେବ

ଭୁବନେଶ୍ୱର, ୩୦।୭(ବ୍ୟୁରୋ):ରାଜ୍ୟରେ ଆଉ ୧୭ଟି ନୂଆ ବିଜ୍ଞାପିତ ଅଞ୍ଚଳ ପରିଷଦ(ଏନ୍‌ଏସି) ଖୋଲିବା ପାଇଁ କେବଳ ଜନସଂଖ୍ୟା ନୁହେଁ, ସେଠାକାର ଭୌଗୋଳିକ ପରିସ୍ଥିତି, ରାଜସ୍ବ ଆୟ ଓ...

ଟ୍ରାକ୍ଟର ଓଲଟି ଶ୍ରମିକ ମୃତ

କ.ନୂଆଗଁା,୨୪ା୭(ଡି.ଏନ୍‌.ଏ.)-କନ୍ଧମାଳ ଜିଲା ସାରଙ୍ଗ ଗଡ଼ ଥାନା ଅଞ୍ଚଳରେ ବୁଧବାର ଏକ ଟ୍ରାକ୍ଟର ଦୁର୍ଘଟଣାରେ ଜଣେ ଶ୍ରମିକଙ୍କ ମୃତ୍ୟୁ ଘଟିଛି। ସେ ହେଲେ ବନେଗଁାର ଜମ୍ବେବ ପ୍ରଧାନ...

୩୬୦ ବିଦ୍ୟାର୍ଥୀଙ୍କୁ ଶୂନ ମାର୍କ

କଟକ ଅଫିସ,୭ା୧୧: ଖପୁରିଆସ୍ଥିତ ସରକାରୀ ଆଇଟିଆଇ କଲେଜର ୪ର୍ଥ ସେମିଷ୍ଟର ପରୀକ୍ଷା ଫଳରେ ବିଭ୍ରାଟ ଦେଖାଦେଇଛି। ୩୬୦ ଛାତ୍ରୀଛାତ୍ରଙ୍କୁ ଗୋଟିଏ ପରୀକ୍ଷାରେ ଶୂନ ମାର୍କ ମିଳିଛି।...

ଫନୀ: ଘରଭଙ୍ଗା ସହାୟତା ୭ କୋଟି ୫୮ ହଜାର ଟଙ୍କା ମଞ୍ଜୁର

ଭୁବନେଶ୍ୱର,୧୪।୬(ବ୍ୟୁରୋ): ସାମୁଦ୍ରିକ ଝଡ଼ ଫନୀ ଦ୍ୱାରା ପୁରୀ ଜିଲାରେ ଘର ହରାଇଥିବା କ୍ଷତିଗ୍ରସ୍ତଙ୍କ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁବାର ସହାୟତା ରାଶି ଘୋଷଣା କରିଛନ୍ତି।...

ଓଟିଇଟି ବିଭ୍ରାଟ: ୧୪ରେ ବୋର୍ଡ କାର୍ଯ୍ୟାଳୟ ଘେରାଉ

ଭୁବନେଶ୍ୱର,୬ା୧(ବ୍ୟୁରୋ): ଓଟିଇଟି ପ୍ରଶ୍ନ ଓ ଫଳ ପ୍ରକାଶନ ବିଭ୍ରାଟକୁ ନେଇ ଏକ୍ସ କ୍ୟାଡର ଶିକ୍ଷକ ମହାସଂଘ ପକ୍ଷରୁ ପୁଣିଥରେ ରାଜ୍ୟସ୍ତରୀୟ ବୋର୍ଡ଼ କାର୍ଯ୍ୟାଳୟ ଘେରାଉ କରାଯିବ।...

Leave a comment

Your email address will not be published. Required fields are marked *