ରାଜଧାନୀରେ ଭିକାରିଙ୍କୁ ହତ୍ୟା, ୨ ବସ୍‌ ପୋଡ଼ି ଘଟଣା : ୨ବର୍ଷ ପରେ ବି ଅଭିଯୁକ୍ତଙ୍କୁ ପାଇନି ପୋଲିସ

କଟକ ରୋଡ,୧ା୭(ଡି.ଏନ୍‌.ଏ.) : ରାଜଧାନୀରେ ବଡଗଡ଼ ଥାନା ଅଞ୍ଚଳରେ ୨ବର୍ଷ ପୂର୍ବରୁ ଘଟିଥିବା ଅନେକ ଚର୍ଚ୍ଚିତ ୨ ପ୍ରମୁଖ ଅପରାଧ ଘଟଣାର ପୋଲିସ ଏଯାବତ ସୁରାକ ପାଇପାରି ନାହିଁ। ଘଟଣାର କିଛିଦିନ ପର୍ଯ୍ୟନ୍ତ ତଦନ୍ତ ଜୋରସୋର ହେବା ପରେ କୌଣସି ତଥ୍ୟ ନ ପାଇବାରୁ ଧୀରେ ଧୀରେ ଶିଥିଳ ହୋଇପଡିଛି। ସୂଚନା ଅନୁଯାୟୀ, ୨୦୧୭ ଫେବୃୟାରୀ ୯ତାରିଖରେ ବଡ଼ଗଡ଼ ଥାନା ଅଧୀନ ଟଙ୍କପାଣି ରୋଡସ୍ଥିତ ମେଘେଶ୍ୱର ମନ୍ଦିର ପରିସରରୁ ଜଣେ ଯୁବକଙ୍କ ମୃତଦେହ ମିଳିଥିଲା। ଯୁବକଙ୍କ କେବଳ ପୁରୀ ଅଞ୍ଚଳର ଭାସିଆ ବୋଲି ଜଣାପଡିଥିବାବେଳେ ସମ୍ପୂର୍ଣ୍ଣ ଠିକଣା ପାଇ ନଥିଲେ। ଏପରିକି ପୂର୍ବରୁ ସେ ଜଣେ ଟ୍ରକ ଚାଳକ ଥିବାବେଳେ ପ୍ରାୟ ୧୫ବର୍ଷରୁ ଊର୍ଦ୍ଧ୍ୱ ଧରି ମେଘେଶ୍ୱର ଓ ଟଙ୍କପାଣ ରୋଡରେ ଥିବା ସାଇ ମନ୍ଦିରରେ ଭିକ୍ଷାବୃତ୍ତି କରୁଥିଲେ। କେହି ହତ୍ୟାକରି ମନ୍ଦିର ପରିସରରେ ଫିଙ୍ଗି ପଳାଇଥିଲେ। ତେବେ ଘଟଣା ପୂର୍ବଦିନ ମନ୍ଦିର ଦୂରରେ ଏକ ଭୋଜି ହୋଇଥିବାବେଳେ ଭାସିଆ ମଧ୍ୟ ସେଥିରେ ଉପସ୍ଥିତ ଥିଲେ। ଟଙ୍କା ଭାଗବଣ୍ଟାକୁ ନେଇ ସେଠାରେ ଗଣ୍ଡଗୋଳ ହୋଇଥିବାର ପୋଲିସ ସୂଚନା ପାଇଥିଲା। ତେବେ କେଉଁ କାରଣରୁ ଭାସିଆ ହତ୍ୟାର ଶିକାର ହୋଇଥିଲେ ତାହା ଏବେ ମଧ୍ୟ ସନ୍ଦେହ ଘେରରେ ରହିଛି। ଏ ନେଇ ଥାନାରେ ନଂ୪୨/୧୭ରେ ମାମଲା ରୁଜୁ ହୋଇଥିଲା। ଅନ୍ୟପକ୍ଷରେ ଏହାର ୪ମାସ ପରେ ବଡଗଡ଼ ଥାନା ଅଧୀନ ମ୍ୟୁଜିୟମ ଛକରେ କେତେକ ଦୁର୍ବୃତ୍ତ ୨ବସ ଜାଳି ଦେଇଥିଲେ। ଏୟାରଫିଲ୍ଡ ଥାନା ଅଧୀନ ସୁନ୍ଦରପଦା ଅଞ୍ଚଳର ଉପେନ୍ଦ୍ର ପ୍ରଧାନ ଓ ସୁରେନ୍ଦ୍ର ପ୍ରଧାନଙ୍କ ୨ଟି ବସ ମ୍ୟୁଜିୟମ ଛକରେ ଥିତ୍ବାବେଳେ ରାତି ୧୦ଟାରେ କେହି ଦୁର୍ବୃତ୍ତ ଉକ୍ତ ବସରେ ନିଆଁ ଲଗାଇଦେଇଥିଲେ। ଏ ନେଇ ୧୫୪/୧୭ରେ ମାମଲା ରୁଜୁ ହୋଇଥିଲା। ନିକଟରେ ବିଏମ୍‌ସି, ତହସିଲ, ଉପଜିଲାପାଳ କାର୍ଯ୍ୟାଳୟ, ଭୁବନେଶ୍ୱର କୋର୍ଟ ଭଳି ହାଇପ୍ରୋଫାଇଲ ସିକ୍ୟୁରିଟି ଜୋନ ଅଞ୍ଚଳରେ ବସ ପୋଡି ରାଜଧାନୀରେ ରହୁଥିବା ବସ ମାଲିକ ପାଇଁ ଚିନ୍ତା ବଢ଼ାଇଛି। ୨୦୧୭ ଜୁନ ୫ତାରିଖରେ ପିପିଲି ଅଞ୍ଚଳରେ ସାରଳା ବସ ପୋଡି ଘଟଣାରେ ଏହାର ଲିଙ୍କ ଥିବା ନେଇ ପୋଲିସ ଜାଣିପାରିଥିଲା। ଏପରିକି ବସ ପୋଡି ଘଟଣାର ଦୁର୍ବୃତ୍ତଙ୍କୁ ଧରିବା ପାଇଁ ମଧ୍ୟ ବସ ମାଲିକ ତତ୍‌କାଳୀନ ଡିସିପିଙ୍କ ଦ୍ୱାରସ୍ଥ ହୋଇଥିଲେ। ତେବେ ଇତି ମଧ୍ୟରେ ଉକ୍ତ ଘଟଣାଦ୍ୱୟକୁ ୨ବର୍ଷ ବିତିଯାଇଥିଲେ ମଧ୍ୟ ପୋଲିସ ଏ ଦିଗରେ ଆଖିଦୃଶିଆ ସଫଳତା ହାସଲ ହୋଇପାରି ନାହିଁ । ଏ ନେଇ ବସ ମାଲିକ ସୁରେନ୍ଦ୍ର ପ୍ରଧାନ କୁହନ୍ତି, ଘଟଣା ପରେ ମୁଁ ଡିସିପିଙ୍କୁ ଭେଟିଥିଲେ ହେଁ ସେ ସ୍ଥାନୀୟ ଥାନାକୁ କାର୍ଯ୍ୟାନୁଷ୍ଠାନ ପାଇଁ ଜଣାଇବେ ବୋଲି କହିଥିଲେ। କିନ୍ତୁ ଥାନାକୁ ଯିବାପରେ ସେଠାରେ କିଛି ମୋତେ ସହଯୋଗ ମିଳିଲା ନାହିଁ , ବରଂ ମୁଁ ନିଜେ ବସରେ ନିଆଁ ଲଗାଇଦେଇଥିବା କହି ମୋତେ ଦୋଷାରୋପ କରାଗଲା। ଉପରୋକ୍ତ ଦୁଇ ଘଟଣା ସଂକ୍ରାନ୍ତରେ ଜୋନ-୪ ଏସିପି ଅମରେନ୍ଦ୍ର ପଣ୍ଡାଙ୍କୁ ପଚାରିବାରେ, ମୁଁ ଦୁଇ ମାମଲା ବାବଦରେ ଅବଗତ ହେବା ପରେ କେତେ ଦୂର କାର୍ଯ୍ୟାନୁଷ୍ଠାନ ଆଗେଇଛି ସେ ନେଇ ତଦନ୍ତ କରିିବି ବୋଲି କହିଥିଲେ।


All Right Reserved By Dharitri.Com

ପୁରୁଷଙ୍କ ଭଳି ମହିଳାଙ୍କୁ ସମାନ ଅଧିକାର ମିଳିଛି

ଭୁବନେଶ୍ୱର,୧୧ା୧୨(ବ୍ୟୁରୋ):ସମଗ୍ର ବିଶ୍ୱରେ ମାନବିକ ଅଧିକାରର ସୁରକ୍ଷା ସବୁଠୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ହୋଇଛି। ଆଜି ପୁରୁଷମାନଙ୍କ ଭଳି ମହିଳାଙ୍କୁ ମଧ୍ୟ ସମାନ ଅଧିକାର ମିଳିପାରିଛି। ମାନବିକ ଅଧିକାର...

ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନାକୁ ନେଇ ଗୃହରେ ଉଦ୍‌ବେଗ

ଭୁବନେଶ୍ୱର,୨୬।୧୧(ବ୍ୟୁରୋ): ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନା(ପିଏମଜିଏସଓ୍ବାଇ) ରାସ୍ତା ନିର୍ମାଣକୁ ନେଇ ମଙ୍ଗଳବାର ବିଧାନସଭାରେ ଉଦ୍‌ବେଗ ପ୍ରକାଶ ପାଇଛି। ରାଜସ୍ବ ଗ୍ରାମକୁ ହିସାବକୁ ନିଆଯାଇଥିବାରୁ ଅନେକ ବଡ...

କନ୍ଧମାଳରେ ଖୋଲିବ ‘କିସ୍‌’ର ଶାଖା:‘କିସ୍‌’ ଓ ‘ଏମ୍‌ଡିଏଚ୍‌’ ମଧ୍ୟରେ ବୁଝାମଣା

ଭୁବନେଶ୍ୱର, ୧୩।୧୨(ବ୍ୟୁରୋ):କନ୍ଧମାଳ ଜିଲା ଫୁଲବାଣୀ ସହରରେ ଖୁବ୍‌ଶୀଘ୍ର କିସ୍‌ର ଏକ ଶାଖା ଖୋଲିବାକୁ ଯାଉଛି। ଭାରତର ଲୋକପ୍ରିୟ ମସଲା ଉତ୍ପାଦନକାରୀ କମ୍ପାନୀ ଏମ୍‌ଡିଏଚ୍‌ ଓ କିସ୍‌...

ସରକାରୀ ହସ୍ପିଟାଲ, ଆର୍‌ଟିଓରେ ଚଢ଼ାଉ : ୮ ଜିଲାରୁ ଗିରଫ ହେଲେ ଆଉ ୧୬ ଦଲାଲ

ଭୁବନେଶ୍ୱର,୩୦ା୯(ବ୍ୟୁରୋ): ସରକାରୀ ହସ୍ପିଟାଲ ଓ ପରିବହନ କାର୍ଯ୍ୟାଳୟକୁ ଦଲାଲଙ୍କ କବଳରୁ ମୁକ୍ତ କରିବା ପାଇଁ ଆରମ୍ଭ ହୋଇଛି ସ୍ପେଶାଲ ଡ୍ରାଇଭ୍‌। ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ପୋଲିସ ପକ୍ଷରୁ...

ସହଜରେ ବିମାନ ବନ୍ଦରରୁ ମିଳିପାରିବ ହଜିଯାଇଥିବା ସାମଗ୍ରୀ

ଭୁବନେଶ୍ୱର, ୬।୮(ବ୍ୟୁରୋ): ବିମାନ ବନ୍ଦରରେ ଛାଡ଼ି ଚାଲି ଆସିଥିବା ବା ହଜିଯାଇଥିବା ଜିନିଷପତ୍ର ଅତି ସହଜରେ ପାଇପାରିବେ ଯାତ୍ରୀ। ଏଥିପାଇଁ ଭାରତୀୟ ବିମାନ ବନ୍ଦର ପ୍ରାଧିକରଣ...

ଡ୍ରାଇଭରଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

ଭୁବନେଶ୍ୱର, ୨।୧୨(ବ୍ୟୁରୋ): ଚନ୍ଦ୍ରଶେଖରପୁର ଥାନା ଶ୍ରୀବିହାର ଅଞ୍ଚଳରୁ ଜଣେ ଡ୍ରାଇଭରଙ୍କ ମୃତଦେହ ପୋଲିସ ଉଦ୍ଧାର କରିଛି। ମୃତକ ଜଣଙ୍କ ହେଲେ ପୁରୀ ବ୍ରହ୍ମଗିରି ଅଞ୍ଚଳ ସୁନୀଲ...

ସବୁ ବଡ଼ ସହରରେ ସୁରକ୍ଷା କଡ଼ାକଡି: ଡିଜିପି

କଟକ ଅଫିସ,୧-୧:୨୦୨୦ରେ ଓଡ଼ିିଶା ପୋଲିସ ଲୋକଙ୍କ ସହ ବନ୍ଧୁତ୍ୱ ସହକାରେ ନିଜ କାର୍ଯ୍ୟ କରିବ। ବିଶେଷକରି ନୂତନ ବର୍ଷରେ ପୋଲିସ ପକ୍ଷରୁ ଟେକ୍ନୋଲୋଜି ଓ ମହିଳା...

ଭାରତୀୟ ଦଳକୁ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୩ା୧୨(ବ୍ୟୁରୋ): ଭାରତୀୟ କ୍ରିକେଟ୍‌ ଦଳ କଟକସ୍ଥିତ ବାରବାଟୀରେ ହେଉଥିବା ଦିନିକିଆରେ ବିଜୟୀ ହୋଇଛି। ଏହି ବିଜୟ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟୁଇଟ୍‌ କରି ଟିମ୍‌...

Leave a comment

Your email address will not be published. Required fields are marked *