Posted inଫୁରସତ

ପ୍ରଥମ ରୋଜଗାର ଟଙ୍କା ବୋଉ ହାତରେ ଦେଇଥିଲି: ପ୍ରକୃତିବନ୍ଧୁ ରାଜକିଶୋର ପାଣିଗ୍ରାହୀ

ରାଜ୍ୟପାଳ ପୁରସ୍କୃତ ଅବସରପ୍ରାପ୍ତ ପ୍ରଧାନ ଶିକ୍ଷକ ପ୍ରକୃତିବନ୍ଧୁ ରାଜକିଶୋର ପାଣିଗ୍ରାହୀ ନିଜ ପ୍ରଥମ ରୋଜଗାର ସମ୍ପର୍କରେ ଯାହା କୁହନ୍ତି…

ଖୋର୍ଦ୍ଧା ଜିଲା ବେଗୁନିଆ ବ୍ଲକ ଅନ୍ତର୍ଗତ କଣ୍ଟାବାଡ଼ ଗାଁରେ ମୋର ଜନ୍ମ। ମୋତେ ଯେତେବେଳେ ମାତ୍ର ୬ ମାସ ହୋଇଥିଲା ବାପାଙ୍କର ଅକାଳ ବିୟୋଗ ହେଲା। ଭାଇଭଗାରିଙ୍କର ଅଣଦେଖା, ନାନା ଲୋକଙ୍କ ନାନା କଥା ଶୁଣି ଶୁଣି ବୋଉ ତା’ ମନୋବଳକୁ ଦୃଢ଼ କରିବା ସହ ମୋତେ ମଣିଷ କରିବାକୁ ଅଣ୍ଟା ଭିଡ଼ିଲା। ବାପଘରୁ ଆଣିଥିବା ସୁନାରୁପା ବିକି, ପର ଘରେ ପାଇଟି କରି ସେ ମୋ ମୁହଁରେ ଆହାର ଦେଲା, ଆଉ ମୋତେ ପାଠ ପଢାଇଲା। ଏମିତିରେ ଗାଁ ସ୍କୁଲ୍‌ରୁ ୭ମ ପାସ୍‌ କରିବା ପରେ ମାମୁଘରେ ରହି ପଢିଲି। ମାମୁଘର ନିକଟସ୍ଥ କଳାପଥର ଧଳାପଥର ହାଇସ୍କୁଲ୍‌ରୁ ୧୯୬୬ରେ ଏକାଦଶ ପାସ୍‌ କରିବା ପରେ ଗଡ଼ତରା ଘରୋଇ ମଧ୍ୟ ଇଂରାଜୀ ବିଦ୍ୟାଳୟରେ ମାସିକ ଚାଳିଶ ଟଙ୍କା ପାଉଣାରେ ମୁଁ ମୋର ଚାକିରି ଜୀବନ ଆରମ୍ଭ କରିଥିଲି। ପ୍ରଥମ ମାସର ଦରମା ବୋଉ ହାତରେ ଦେବାରୁ ସେ ବହୁତ ଖୁସି ହେଲା। ଦୁଇଟଙ୍କାରେ ନଡିଆଟିଏ କିଣି ଗାଁ ଇଷ୍ଟ ଦେବତା ଶ୍ରୀ ବାଲୁଙ୍କେଶ୍ୱରଙ୍କ ପାଖରେ ଭୋଗ କରି ମୋର ମଙ୍ଗଳ କାମନା କଲା। ଏହି ବିଦ୍ୟାଳୟରେ ୫ ବର୍ଷ ଶିକ୍ଷକତା କରିବା ପରେ କଟକସ୍ଥିତ ରାଧାନାଥ ଟ୍ରେନିଂ ସ୍କୁଲ୍‌ରେ ସିଟି କଲି। ସିଟି ପାସ୍‌ କରି ୧୯୭୪ରେ ଭୁବନେଶ୍ୱର ବ୍ଲକ୍‌ ଚନ୍ଦକା ପ୍ରାଥମିକ ବିଦ୍ୟାଳୟରେ ସରକାରୀ ଶିକ୍ଷକ ଭାବେ ଯୋଗ ଦେଲି। ୧୯୭୯ରେ ବେଗୁନିଆ ବ୍ଲକ୍‌ ଅନ୍ତର୍ଗତ ଭୁଆଶୁଣି ପାଟଣା ପ୍ରାଥମିକ ବିଦ୍ୟାଳୟକୁ ମୋର ବଦଳି ହେଲା। ଏହିପରି ଆହୁରି କେତେକ ବିଦ୍ୟାଳୟକୁ ବଦଳି ହୋଇ ଯିବା ପରେ ଶେଷରେ ପ୍ରଧାନ ଶିକ୍ଷକ ପଦବୀରେ ଥାଇ ବେଗୁନିଆ ସମିତି ପ୍ରାଥମିକ ବିଦ୍ୟାଳୟରୁ ୨୦୦୬ରେ ଚାକିରିରୁ ଅବସର ନେଇଥିଲି। ତେବେ ଶିକ୍ଷକତା ସହିତ ଘରୋଇ ଭବେ ଆଇ.ଏ., ବି.ଏ. ଓ ବି.ଇଡି. ପରୀକ୍ଷା ଦେଇ ସେଥିରେ ଉତ୍ତୀର୍ଣ୍ଣ ମଧ୍ୟ ହୋଇଥିଲି। ତା’ଛଡ଼ା ଚାକିରି କାଳ ଭିତରେ ସରକାରଙ୍କ ତରଫରୁ କେତେଥର କଣ୍ଢେଇ ମାଧ୍ୟମରେ ଶିକ୍ଷା, ସଂସ୍କୃତି ସୁରକ୍ଷା, ସର୍ବଶିକ୍ଷା ଅଭିଯାନ(ସମନ୍ବୟ, ଉଦୟ ୧ ଓ ୨ ଭାଗ, ସହଯୋଗ, ଉନ୍ମେଷ ୧,୨,୩ ଓ ୪ ଭାଗ, ଭୂମିକା, ସାମର୍ଥ୍ୟ, ସୃଜନ, ସଂଯୋଗୀ ୧ ଓ ୨ ଭାଗ, ମୀନା, ଜାଗୃତି ଇତ୍ୟାଦି)ର ଟ୍ରେନିଂ ମଧ୍ୟ ନେଇଥିଲି। କେବଳ ଟ୍ରେନିଂ ନେଉଥିଲି ତାହା ନୁହେଁ ଅନେକ ଥର ଜିଲା ତଥା ବ୍ଲକ୍‌ସ୍ତରୀୟ ଶିକ୍ଷକ ଓ ଶିକ୍ଷୟିତ୍ରୀମାନଙ୍କୁ ଏ ନେଇ ତାଲିମ ବି ଦେଇଥିଲି। ସେହିପରି ୨୫ରୁ ଊର୍ଦ୍ଧ୍ୱ ବିଭିନ୍ନ ସ୍ମରଣିକାର ସମ୍ପାଦନା ଦାୟିତ୍ୱ ମଧ୍ୟ ନିର୍ବାହ କରିଥିଲି। ଯେଉଁଥିପାଇଁ ୨୦୦୫ରେ ମୋତେ ଆଦର୍ଶ ଶିକ୍ଷକ ଭାବେ ରାଜ୍ୟପାଳ ପୁରସ୍କାର ମିଳିଥିଲା। ତେବେ ଶିକ୍ଷକତା ଜୀବନ ବାଦ୍‌ ବିଭିନ୍ନ ସଚେତନତା ଧର୍ମୀ (ଯେମିତିକି ଶିକ୍ଷା, ସ୍ବାସ୍ଥ୍ୟ, ପରିବେଶ, ନିଶା ନିବାରଣ, ଏଡ୍‌ସ, କନ୍ୟାଭ୍ରୂଣ ସୁରକ୍ଷା, ଗୋସମ୍ପଦର ସୁରକ୍ଷା, ପିତାମାତାଙ୍କୁ ଅବହେଳା ନ କରିବା ଆଦି ସମ୍ବନ୍ଧରେ) ଲେଖା ଲେଖିବାରେ ମୋର ବିଶେଷ ରୁଚି ଥିଲା। ୟା’ଭିତରେ ପ୍ରାୟ ୨୦ ଖଣ୍ଡ ସଚେତନତା ଧର୍ମୀ ପୁସ୍ତକ ମୋର ପ୍ରକାଶ ପାଇସାରିଲାଣି, ଯାହାକୁ ମୁଁ ବିଭିନ୍ନ ସଭାସମିତିରେ ଯୋଗ ଦେବାକୁ ଗଲାବେଳେ ଲୋକମାନଙ୍କୁ ମାଗଣାରେ ବାଣ୍ଟି ଥାଏ। ଲେଖାଲେଖି ସହିତ ଗଛ ଲଗାଇବା ଓ ପରିବେଶ ସୁରକ୍ଷା ପ୍ରତି ଜନସଚେତନତା ସୃଷ୍ଟି କରାଇବା ଦିଗରେ ବି ମୋର ଅନେକ ଭୂମିକା ରହିଛି। ଯେଉଁଥିପାଇଁ ୨୦୦୮ରେ ମୋତେ ପ୍ରକୃତିବନ୍ଧୁ ପୁରସ୍କାର ବି ମିଳିସାରିଛି। ସେହିପରି ୟା’ଭିତରେ ଜଣେ କବି, ଶିକ୍ଷାବିତ୍‌ ଓ ସମାଜସେବୀ ଭାବେ ପ୍ରାୟ ୫୦ରୁ ଊର୍ଦ୍ଧ୍ୱ ଅନୁଷ୍ଠାନ ଦ୍ୱାରା ମଧ୍ୟ ସମ୍ବର୍ଦ୍ଧିତ ତଥା ସମ୍ମାନିତ ହୋଇସାରିଛି।
-ଲୋକନାଥ ମିଶ୍ର


All Right Reserved By

ପାଣିକୁ ଡରି ୬୫ ବର୍ଷ ହେବ ଗାଧୋଇନାହାନ୍ତି ଏହି ବ୍ୟକ୍ତି

ଶୀର୍ଷକ ପଢ଼ି ଆଶ୍ଚର୍ଯ୍ୟ ଲାଗୁଥିବ; ମାତ୍ର ଏହା ସମ୍ପୂର୍ଣ୍ଣ ସତ। ଇରାନ୍‌ ନିବାସୀ ୮୦ ବର୍ଷୀୟ ଅମୁ ହାଜୀ ଆଜକୁ ୬୫ ବର୍ଷ ହେବ ସ୍ନାନ...

ମହାକାଶ ବୈଜ୍ଞାନିକଙ୍କ ଅନ୍ଧବିଶ୍ୱାସ: ରାହୁ କାଳ ଓ ୧୩ ଅଶୁଭ

ଚେନ୍ନାଇ, ୨୧।୭: ଇଣ୍ଡିଆନ ସ୍ପେସ୍‌ ଏଜେନ୍ସି ମହାକାଶକୁ ରକେଟ୍‌ ଓ ସାଟେଲାଇଟ ପଠାଉଛି , କିନ୍ତୁ ଏହା ପଛରେ କିଛି ଅନ୍ଧବିିଶ୍ୱାସ ଯୋଡ଼ିି ହୋଇ ରହିଛି...

ଭୋକ ହେଲେ ବିଦ୍ୟୁତ୍‌ ଖାଉଥିବା ମଣିଷ

ଭୋକ ହେଲେ ମଣିଷଠୁ ଆରମ୍ଭ କରି ଜୀବଜନ୍ତୁ ସମସ୍ତେ ଖାଦ୍ୟ ଖାଆନ୍ତି। ହେଲେ ଉତ୍ତର ପ୍ରଦେଶ, ମୁଜାଫରନଗରର ୪୨ ବର୍ଷୀୟ ନରେଶ କୁମାରଙ୍କୁ ଯେତେବେଳେ ଭୋକଲାଗେ...

ଭଲ ନିଦ ଆଣିବ ସ୍ମାର୍ଟ ପାଇଜାମା

ୟୁନିଭର୍ସିଟି ଅଫ୍‌ ମାସାଚ୍ୟୁସେଟସ୍‌ର ଗବେଷକ ତ୍ରିଶା ଆଣ୍ଡ୍ର୍ୟୁ ଓ ତାଙ୍କ ସାଥୀ ଗବେଷକମାନେ ସ୍ମାର୍ଟ ପାଇଜାମା ଓ ସାର୍ଟ ପ୍ରସ୍ତୁତ କରିଛନ୍ତି ଯେଉଁଥିରେ ସ୍ବୟଂ ଚାଳିତ...

ପ୍ରଥମ ରୋଜଗାର: ରୋଜଗାର ଟଙ୍କା ବ୍ୟବସାୟରେ ଲଗାଉଥିଲି

ଲେଖକ, ସଂସ୍କୃତିପ୍ରେମୀ ତଥା ଜୟୀ ରାଜଗୁରୁ ସ୍ମୃତି ପରିଷଦର ସାଧାରଣ ସମ୍ପାଦକ ଜଟାଧାରୀ ମିଶ୍ର ନିଜ ପ୍ରଥମ ରୋଜଗାର ସମ୍ପର୍କରେ ଯାହା କୁହନ୍ତି… ପୁରୀ ଜିଲା...

ଏମିତି ସ୍କୁଲ : ଯେଉଁଠି ଫି’ ବଦଳରେ ପ୍ଲାଷ୍ଟିକ ବୋତଲ ନିଅନ୍ତି ଛାତ୍ରୀଛାତ୍ର

ନାଇଜେରିଆରେ ଏମିତି ଏକ ସ୍କୁଲ ରହିଛି ଯେଉଁଠି ଛାତ୍ରୀଛାତ୍ରଙ୍କୁ ସ୍କୁଲ ଫି’ବଦଳରେ ପ୍ଲାଷ୍ଟିକ ବୋତଲ ନେଇ ଯିବାକୁ ପଡ଼ିଥାଏ। ନାଇଜେରିଆର ଲୋଗସ ସହରରେ ରହିଛି ଏହି...

କାର୍‌ କିଣିବା ନିଶା : ଜାଗୁଆର କିଣିବା ପାଇଁ ବାପା ମନା କରିବାରୁ କେନାଲ୍‌ରେ ବିଏମ୍‌ଡବ୍ଲ୍ୟୁ ଭସାଇଦେଲେ ଯୁବକ

ହରିୟାଣାର ଜଣେ ଯୁବକଙ୍କ ଅଜବ ନିଶା ସମ୍ପର୍କରେ ଜାଣିଲେ ଆଶ୍ଚର୍ଯ୍ୟ ହୋଇଯିବେ। ଯୁବକ ଜଣକଙ୍କର କାର୍‌ କିଣିବାରେ ଭାରି ନିଶା। ଗୋଟିଏ ପରେ ଗୋଟିଏ ଦାମୀ...

ଗୋଟିଏ ଅକ୍ଷର ଭୁଲ ହେତୁ ଗନ୍ତବ୍ୟସ୍ଥଳରୁ ୧୪୦୦ କିମି ଦୂର ପହଞ୍ଚିଲେ ବୃଦ୍ଧ

ଆମମାନଙ୍କ ଦ୍ୱାରା ହେଉଥିବା ଛୋଟଛୋଟ ଭୁଲ ପାଇଁ ଅନେକ ସମୟରେ ପସ୍ତାଇବାକୁ ପଡିଥାଏ। ପୁଣି କେତେବେଳେ ଏହି ଛୋଟ ଭୁଲ ଆମକୁ ସମସ୍ୟା ଭିତରକୁ ଟାଣି...

selfi corner

Model This Week

Why Dharitri

Leave a comment

Your email address will not be published. Required fields are marked *