ଦାଦନ ଶ୍ରମିକଙ୍କୁ ନେଇ ସମ୍ମିଳନୀ: ନିର୍ଯାତନା, ହତ୍ୟା ମାମଲାକୁ ଚପା ଯାଉଛି

ବଲାଙ୍ଗୀର ଅଫିସ,୩୦ା୬
ବଲାଙ୍ଗୀର ଜିଲାର ଦାଦନ ଶ୍ରମିକଙ୍କ ଉପରେ ହେଉଥିବା ନିର୍ଯାତନା ତଥା ହତ୍ୟା, ଅପହରଣ, ଆର୍ଥିକ ଶୋଷଣ ଭଳି ଗୁରୁତର ଘଟଣାଗୁଡିକୁ ଅଭିଯୋଗସତ୍ତ୍ୱେ ପୋଲିସ ଚପାଇ ଦେଉଥିବା ଅଭିଯୋଗ ହୋଇଛି। ସ୍ଥାନୀୟ ସାମ୍ବାଦିକ ଭବନଠାରେ ଆରସିଡିସି ତରଫରୁ ଜିଲାର ଦାଦନ ଶ୍ରମିକଙ୍କୁ ନେଇ ଏକ ସମ୍ମିଳନୀ କରାଯାଇଥିଲା। କୁଳମଣି ସାହୁଙ୍କ ସଂଯୋଜନାକ୍ରମେ ଅନୁଷ୍ଠିତ କାର୍ଯ୍ୟକ୍ରମରେ ଜିଲାର ଖପ୍ରାଖୋଲ, ଦେଓଗଁା, ଲୋଇସିଂହା ଅଞ୍ଚଳର ଦାଦନ ଶ୍ରମିକମାନେ ଆସି ସେମାନଙ୍କ ଅତ୍ୟାଚାର, ନିର୍ଯାତନା ଘଟଣା ଶୁଣାଇ ଏ ଦିଗରେ ପୋଲିସ କିଭଳି ଅବହେଳା ପ୍ରଦର୍ଶନ କରୁଛି କହିଥିଲେ। ଗତ ଜାନୁୟାରୀ ୭ ତାରିଖରେ ଲହଡୁଙ୍ଗୁରୀ ଗ୍ରାମର ଦାଦନ ଶ୍ରମିକ ଯୁଧିଷ୍ଠିର ନାଗଙ୍କୁ ଘରୁ ଟେକିନେଇ ଦାଦନ ସର୍ଦ୍ଦାର ତାଙ୍କୁ ହତ୍ୟା କରିଥିତ୍ବା ଅଭିଯୋଗ ହୋଇଥିଲା ା ଏହି ଘଟଣାରେ ଅଭିଯୋଗ ସତ୍ତ୍ୱେ ପୋଲିସ ଚୁପ୍‌ ବସିଛି ା ୨୦୧୮ ଫେବୃୟାରୀ ମାସରେ ବର୍ତ୍ତିଆ ଗ୍ରାମର ଆଦିବାସୀ ଦାଦନ ମହିଳା ଶ୍ରମିକ ସମାରୀ ବିଶ୍ୱାଳଙ୍କୁ ଘରୁ ଅପହରଣ କରାଯାଇଥିଲା ା ଏ ନେଇ ପୋଲିସରେ ଅଭିଯୋଗ ସତ୍ତ୍ୱେ ମଧ୍ୟ କିଛି କାର୍ଯ୍ୟାନୁଷ୍ଠାନ ହୋଇ ନ ଥିଲା ା ୧ ମାସ ପରେ ଅପହରଣକାରୀମାନେ ତାଙ୍କୁ ଛାଡିବା ପରେ ସେ ଘରକୁ ଫେରିଥିଲେ ା ତାଙ୍କୁ ଘୋର ନିର୍ଯାତନା ଦିଆଯାଇଥିଲା। ରେଙ୍ଗାଲିର ତୁଳସୀ ନାଗଙ୍କ ସ୍ବାମୀଙ୍କୁ ହତ୍ୟା କରାଯାଇଥିତ୍ବା ସେମାନେ ଅଭିଯୋଗ କରିଥିଲେ। ଲହଡୁଙ୍ଗୁରୀ ଗ୍ରାମର ଧନମତୀ ଧରୁଆଙ୍କ ଦିଅରଙ୍କୁ ମଧ୍ୟ ହତ୍ୟା କରାଯାଇଥିବା ଅଭିଯୋଗ ସତ୍ତ୍ୱେ ପୋଲିସ ଏସବୁ ଘଟଣାରେ କୌଣସି ଆଖିଦୃଶିଆ କାମ କରୁନାହିଁ ା ବରଂ ଏସବୁ ଅଭିଯୋଗକୁ ଚପାଇ ଦେଇଛି ବୋଲି ପୀଡିତ ପରିବାରବର୍ଗର ଲୋକେ ଅଭିଯୋଗ କରିଥିଲେ ା ଦାଦନ ଶ୍ରମିକଙ୍କୁ ଏକକାଳୀନ ଅଗ୍ରୀମ ଦେଇ ପ୍ରଲୋଭିତ କରିବା ପରେ ରାଜ୍ୟ ବାହାରକୁ ନେଇ ସେଠାରେ ଶୋଷଣ ଓ ନିର୍ଯାତିତ କରିବା ଏକ ସାଧାରଣ କଥାରେ ପରିଣତ ହୋଇଯାଇଛି ା ଏଭଳି ନିର୍ଯାତନାକୁ ସରକାର ମଧ୍ୟ ରୋକି ପାରୁନାହିଁ ା ଏଦିଗରେ ମାନବିକ ଅଧିକାର କମିଶନଙ୍କ ଦୃଷ୍ଟି ଆକର୍ଷଣ କରାଯାଉଥିଲେ ମଧ୍ୟ ଏଦିଗରେ ସ୍ଥିତିରେ କୌଣସି ପରିବର୍ତ୍ତନ ହେଊନାହିଁ ବୋଲି ଆଲୋଚକମାନେ ମତପ୍ରକାଶ କରିଥିଲେ ା ଏହି କାର୍ଯ୍ୟକ୍ରମରେ ଅତିଥିଭାବେ ଜିଲା ଶ୍ରମ ବିଭାଗର ଜିଲା ମଙ୍ଗଳ କୋଅର୍ଡିନେଟର ବସନ୍ତ ବିହାରୀ ବାହିନୀପତି ଯୋଗଦେଇ ଦାଦନ ଶ୍ରମିକ ଭାବେ ରାଜ୍ୟ ବାହାରକୁ ଗଲାବେଳେ କିଭଳି ସାବଧାନତା ଅବଲମ୍ବନ କରିବେ ଓ ପଞ୍ଜୀକରଣ କରି ଯିବେ କହିଥିଲେ ା ଅନ୍ୟମାନଙ୍କ ମଧ୍ୟରେ ଅତିଥିବକ୍ତା ଗନ୍ଧମାର୍ଦ୍ଦନ ସୁରକ୍ଷା କମିଟିର ସାମାଜିକ କର୍ମୀ ଟେକେନ୍ଦ୍ର ଜାଲ, ଜିଲା ଜଙ୍ଗଲ ସୁରକ୍ଷା ଫୋରମ୍‌ର ସମ୍ପାଦକ ସୋମନାଥ ପଟେଲ ଓ ସାମାଜିକ କର୍ମୀ ମଧୁସୂଦନ ସିଂନିନା ଯୋଗଦାନ କରିଥିଲେ ା


All Right Reserved By Dharitri.Com

ନୂଆପାଲିରେ ଚାଷୀ ଆତ୍ମହତ୍ୟା ଅଭିଯୋଗ : କ୍ଷତିପୂରଣ ଦାବି

ବରଗଡ଼ ଅଫିସ,୨୩।୯: ବରଗଡ଼ ବ୍ଲକ ଅନ୍ତର୍ଗତ ଏସ୍‌ ଡୁମ୍ବେରପାଲି ପଞ୍ଚାୟତ ଅନ୍ତର୍ଗତ ନୂଆପାଲି ଗ୍ରାମର ଜଣେ ଚାଷୀ କୀଟନାଶକ ପିଇ ଆତ୍ମହତ୍ୟା କରିଥିବା ବୁର୍ଲା ମେଡିକାଲ...

ବଲାଙ୍ଗୀର ମେଡିକାଲ କଲେଜରେ ଡିଜିଟାଲ ବ୍ଲେଣ୍ଡେଡ୍‌ ଶିକ୍ଷା ବ୍ୟବସ୍ଥା

ବଲାଙ୍ଗୀର ଅଫିସ, ୨୮।୬: ବିଶ୍ୱସ୍ତରୀୟ ଶିକ୍ଷାଲାଭ କରିବା ପାଇଁ ଆଉ ବିଦେଶକୁ ଯିବାକୁ ପଡିବ ନାହିଁ। ନିଜ ଘରେ ବା କଲେଜରେ ବସି ଆମ ଛାତ୍ରୀଛାତ୍ରମାନେ...

ଏନଏଚ ୩୫୩ ପାଇଁ ଅର୍ଥନୈତିକ ଅବରୋଧ୮ ଘଣ୍ଟା ପରେ ଓହରିଲା

ନୂଆପଡା ଅଫିସ,୨୭ା୫: ସରକାର ଦିନକୁ ୩୦ କି.ମି. ଜାତୀୟ ରାଜପଥ ନିର୍ମାଣ କରୁଥିବା କହୁଥିବା ବେଳେ ନୂଆପଡା ଜିଲାର ଲାଇଫ ଲାଇନ କୁହାଯାଉଥିବା ଜାତୀୟ ରାଜପଥ...

ବାପ୍‌ ଆରପାରେ, ମା’ର ପତା ନାଇଁଅଁଧାରକେ ଠେଲି ହେଉଛେ ୩ ଛୁଆକର ଭବିଷତ୍‌

ରାଉରକେଲା ଅଫିସ,୨୩ା ୪: କାମଧଁଦା ଖୁଜବାର ଲାଗି ମା’ ଘର ଛାଡ଼ି କେନ୍‌ଆଡ଼େ ପଲେଇଗଲେ। ଆଏଜ୍‌ତକ୍‌ ତାକର ପତା ନାଇଁ ମିଲବାର। କିଏ କହୁଛେ ଦଲାଲମାନକର...

ସମଲେଇ ମନ୍ଦିର, ହୀରାକୁଦର ବିକାଶ ହେବ

ସମ୍ବଲପୁର,୨୨ା୧(ବ୍ୟୁରୋ):ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ମା’ସମଲେଇଙ୍କ ଦର୍ଶନ କରିଛନ୍ତି। ନବବର୍ଷ ଉପଲକ୍ଷେ ସେ ମା’ଙ୍କୁ ଦର୍ଶନ କରି ଆଶୀର୍ବାଦ ଭିକ୍ଷା କରିଛନ୍ତି। ଏହି ଅବସରରେ ସେ...

ବର୍ଷା ପାଇଁ ଇନ୍ଦ୍ରପୂଜା କଲେ ତରବୋଡ ଗ୍ରାମବାସୀ

ନୂଆପଡା ଅଫିସ/ତରବୋଡ,୪।୮(ଡି.ଏନ.ଏ.)ନୂଆପଡା ଜିଲାରେ ଲାଗ ଲାଗ ମରୁଡି ପରିସ୍ଥିତି ଉପୁଜୁଛି । ଗତବର୍ଷ ଭଳି ଏଥର ମଧ୍ୟ ଜିଲାବ୍ୟାପି ମରୁଡି ସ୍ଥିତି ଆସିଥିବାବେଳେ ଚାଷୀକୂଳ ଇତସ୍ତତଃ...

ବର୍ଷା ନାହିଁ, ଜଳିଗଲାଣି ଧାନ ଗଛ

ପଦ୍ମପୁର, ୨୫।୭ (ଡି.ଏନ.ଏ): ଧାରା ଶ୍ରାବଣରେ ବର୍ଷାର ଦେଖାନାହିଁ । ନିଖୋଜ ହୋଇଯାଇଛି ମୌସୁମୀ । ଆକାଶରେ ମେଘ ଗର୍ଜୁଛି ହେଲେ ବରଷୁ ନାହିଁ ।...

ଟ୍ରକ୍‌ ଧକ୍କାରେ ପରିବାରର ୩ ଜଣଙ୍କ ଜୀବନ ଗଲା : କ୍ଷତିପୂରଣ ଦାବିରେ ଜାତୀୟ ରାଜପଥ ଅବରୋଧ

ବେଲପାହାଡ଼,୨୯।୫(ଡ଼ି.ଏନ୍‌.ଏ.): ଝାରସୁଗୁଡ଼ା ଜିଲା ବେଲପାହାଡ଼ ଥାନା ଅଧୀନ ଗୌଡପଡା ନିକଟସ୍ଥ ଜାତୀୟ ରାଜପଥ ୪୯ରେ ବୁଧବାର ପୂର୍ବାହ୍ନରେ ଏକ ଦୁର୍ଘଟଣା ଘଟିଛି। ଏଥରେ ଗୋଟିଏ ପରିବାରର...

Leave a comment

Your email address will not be published. Required fields are marked *