ଆକାଉଣ୍ଟରେ ଟଙ୍କା ପଠାଇଲେ ଯୁକ୍ତ ୨ ପାସ୍‌ : ଫୋନ୍‌ରେ ଦାବି କରାଯାଉଛି ୩ରୁ ୬ ହଜାର ଟଙ୍କା

ନୟାଗଡ଼ ଅଫିସ,୨୭ା୪- ନୟାଗଡ଼ ଜିଲାର ଯୁକ୍ତ ୨ ପରୀକ୍ଷା ଦେଇଥିବା ବିଭିନ୍ନ ପିଲାଙ୍କ ନିକଟକୁ ଆସୁଛି ଫୋନ୍‌ କଲ୍‌। ପରୀକ୍ଷାରେ ଗୋଟିଏ ବିଷୟରେ ତୁମେ ଫେଲ୍‌ ହୋଇଯାଇଛ, ପାସ୍‌ କରିବା ପାଇଁ ଆକାଉଣ୍ଟରେ ୩ରୁ ୬ ହଜାର ଟଙ୍କା ପଠାଇବାକୁ କୁହାଯାଉଛି। ଟଙ୍କା ଡିପୋଜିଟ ପରେ ତୁମେ ପାସ୍‌ କରିବ ବୋଲି ମଧ୍ୟ ସୂଚନା ଦିଆଯାଉଛି। ଏପରି କି କେତେଜଣ ଛାତ୍ର ଉକ୍ତ ଆକାଉଣ୍ଟରେ ଟଙ୍କା ପଇଠ କରିଥିବା ଜଣାପଡ଼ିଛି। ଏହାକୁ ନେଇ ଛାତ୍ରୀଛାତ୍ରଙ୍କଠାରୁ ଆରମ୍ଭ କରି ଅଭିଭାବକମାନେ ଚିନ୍ତାରେ ଅଛନ୍ତି। ଏ ନେଇ ଟାଉନ ଥାନାରେ ଲିଖିତ ଅଭିଯୋଗ ହୋଇଛି।

ନୟାଗଡ଼ ସ୍ବୟଂଶାସିତ ମହାବିଦ୍ୟାଳୟର ଛାତ୍ରୀ ଏସ୍‌ ଭାଗ୍ୟଲକ୍ଷ୍ମୀ ମହାପାତ୍ର କୁହନ୍ତି, ଶୁକ୍ରବାର ମଧ୍ୟାହ୍ନ ୧୨ଟାରେ ତାଙ୍କ ବାପା ସୁରେଶ ଚନ୍ଦ୍ର ମହାପାତ୍ରଙ୍କ ମୋବାଇଲ୍‌କୁ ଏକ ଫୋନ୍‌ କଲ୍‌ ଆସିଥିଲା। ସୁରେଶ ଘରକୁ ଆସି ଏ ବିଷୟରେ ଝିଅକୁ ଜଣାଇବା ସହ ଉକ୍ତ ବ୍ୟକ୍ତି ତୋ ସହିତ କଥା ହେବାକୁ ଚାହୁଁଥିବା କହିଥିଲେ। ଭାଗ୍ୟଲକ୍ଷ୍ମୀ ଉକ୍ତ ନମ୍ବରରେ ଫୋନ୍‌ କରିବାରୁ ସେପଟୁ ଜଣେ ବ୍ୟକ୍ତି ତୁମର ପଦାର୍ଥ ବିଜ୍ଞାନ (ଫିଜିକ୍ସ)ରେ ୫ ମାର୍କ କମିଯାଇଛି, ତେଣୁ ତୁମେ ଯୁକ୍ତ ୨ରେ ଫେଲ୍‌ ହୋଇଯିବ। ଭାଗ୍ୟଲକ୍ଷ୍ମୀ ଏ ବିଷୟରେ ବାପାଙ୍କୁ କହିଥିଲେ। ସୁରେଶ ଉକ୍ତ ବ୍ୟକ୍ତିଙ୍କୁ ଭାଗ୍ୟଲକ୍ଷ୍ମୀଙ୍କ ରୋଲ୍‌ ନମ୍ବର ପଚାରିଥିଲେ। ଆଶ୍ଚର୍ଯ୍ୟର କଥା ବ୍ୟକ୍ତି ଜଣକ ଭାଗ୍ୟଲକ୍ଷ୍ମୀଙ୍କ ଠିକ୍‌ ରୋଲ୍‌ ନମ୍ବର କହି ଦେଇଥିଲେ। କ’ଣ କରାଯିବ ପଚାରିବାରୁ ମୁଁ ତୁମକୁ ଗୋଟିଏ ଆକାଉଣ୍ଟ ନମ୍ବର ମେସେଜ୍‌ କରୁଛି। ତୁମେ ସେଥିରେ ୩ ହଜାର ଟଙ୍କା ପଠାଇଲେ ପାସ୍‌ ହୋଇଯିବ ବୋଲି ବ୍ୟକ୍ତି ଜଣକ କହିଥିଲେ। ପରେ ସୁରେଶ ଏ ନେଇ ଝିଅ କୋଚିଂ ନେଉଥିବା ନିଷ୍ଟ ସେଣ୍ଟରର ଶିକ୍ଷକଙ୍କୁ ଜଣାଇଥିଲେ। ଶିକ୍ଷକ ଜଣକ ତୁମେ କୌଣସି ଟଙ୍କା ପଠାଅ ନାହିଁ ବୋଲି କହିଥିଲେ। ସେହିପରି ପ୍ରଜାମଣ୍ଡଳ ମହିଳା ମହାବିଦ୍ୟାଳୟର ଛାତ୍ରୀ ସରିତାରାଣୀ ପୂଜାରୀ କହନ୍ତି, ସେ ଓ ତାଙ୍କ ଭଉଣୀ କବିତାରାଣୀ ପୂଜାରୀ ଯୁକ୍ତ ୨ ପରୀକ୍ଷା ଦେଇଛନ୍ତି। ୯ଟା ୪୦ ମିନିଟରେ ତାଙ୍କ ମୋବାଇଲ୍‌କୁ କଲ୍‌ ଆସିଥିଲା। ସେପଟୁ ଜଣେ ବ୍ୟକ୍ତି ହିନ୍ଦୀରେ ତାଙ୍କ ସହିତ କଥାବାର୍ତ୍ତା ହୋଇଥିଲେ। ତୁମେ ଯୁକ୍ତ ୨ ପରୀକ୍ଷା ଦେଇଛ, ସବୁଥିରେ ତୁମର ପାସ୍‌ ମାର୍କ ରହିଛି ହେଲେ ଗଣିତରେ ୨୮ ମାର୍କ ଅଛି। ତେଣୁ ତୁମେ ଫେଲ୍‌ ହୋଇଯିବ। ପାସ୍‌ କରିବାକୁ ଚାହୁଁଥିଲେ ଆମକୁ ଟଙ୍କା ପଠାଅ ବୋଲି କହିଥିଲେ। ସରିତା ତୁମେ କିଏ ବୋଲି ପଚାରିବାରୁ ସେପଟୁ ବ୍ୟକ୍ତି ଜଣକ ମୁଁ ବୋର୍ଡରୁ କହୁଥିବା କହିଥିଲେ। ପରେ ସରିତା ଏ ବିଷୟରେ ନିଷ୍ଟ କୋଚିଂ ସେଣ୍ଟର ଶିକ୍ଷକଙ୍କୁ ଜଣାଇ ମୋବାଇଲ୍‌ରେ ଉକ୍ତ ନମ୍ବରକୁ ବ୍ଲକ୍‌ କରି ଦେଇଥିଲେ। ଶୁକ୍ରବାର ଗୋଟିଏ ଦିନରେ ଜିଲାର ଯୁକ୍ତ ୨ ପରୀକ୍ଷା ଦେଇଥିବା ଅଧିକାଂଶ ଛାତ୍ରୀଛାତ୍ରଙ୍କ ନିକଟକୁ ଏଭଳି କଲ୍‌ ଓ ମେସେଜ୍‌ ଆସିଛି। ପାସ୍‌ କରାଇଦେବା ପାଇଁ କାହାକୁ ୩ ହଜାର ତ ଆଉ କାହାଠାରୁ ୬ ହଜାର ଟଙ୍କା ଦାବି କରାଯାଇଛି। ଜଣେ ଛାତ୍ର ମଧ୍ୟ ଆକାଉଣ୍ଟରେ ୬ ହଜାର ଟଙ୍କା ଡିପୋଜିଟ୍‌ କରିଛନ୍ତି। କଲ୍‌ ଆସିଥିବା ଦୁଇଟି ମୋବାଇଲ୍‌ ନମ୍ବର ହେଲା ୦୭୬୩୨୯୪୮୮୯୧ ଓ ୦୯୫୭୦୫୭୦୧୦୧। ଦୁଇଟି ଏସ୍‌ବିଆଇ ଆକାଉଣ୍ଟ ନମ୍ବର ହେଲା ୩୮୩୩୨୮୨୬୫୭୪ ଓ ୩୮୦୨୪୯୭୧୧୮୯। ଏହି ଆକାଉଣ୍ଟ ବାଙ୍ଗୋଲୋରର ବୋଲି ଜଣାପଡ଼ିଛି। ଏ ନେଇ ନିଷ୍ଟ କୋଚିଂ ଇନ୍‌ଷ୍ଟିଚ୍ୟୁଟର ନିର୍ଦ୍ଦେଶକ ବିକାଶ ଷଡ଼ଙ୍ଗୀ ଟାଉନ ଥାନାରେ ଅଭିଯୋଗ କରିଛନ୍ତି। ତାଙ୍କ ଶିକ୍ଷାନୁଷ୍ଠାନରେ କୋଚିଂ ନେଇଥିବା ୩୦ ଛାତ୍ରୀଛାତ୍ରଙ୍କ ମଧ୍ୟରୁ ୨୬ ଜଣଙ୍କ ପାଖକୁ ଏଭଳି ଫୋନ୍‌ କଲ୍‌ ଆସିଥିବା ସେ ଅଭିଯୋଗରେ ଦର୍ଶାଇଛନ୍ତି। ବିଶେଷ ସୂତ୍ରରୁ ମିଳିଥିବା ଖବର ଅନୁସାରେ ଟିସିଏସ୍‌ (ଟାଟା କନ୍‌ସଲଟାନ୍ସି ସର୍ଭିସ) କିଛିବର୍ଷ ହେଲା ଯୁକ୍ତ ୨ ଛାତ୍ରୀଛାତ୍ରଙ୍କ ଅନ୍‌ଲାଇନ୍‌ରେ ଖାତା ଦେଖିବା ପାଇଁ ଟେଣ୍ଡର ନେଇଥିଲା। ହେଲେ ଚଳିତବର୍ଷ ଏହା ଅନ୍ୟ ଏକ ସଂସ୍ଥାକୁ ଦିଆଯାଇଛି। ସେହିଠାରୁ କିମ୍ବା ବୋର୍ଡ କାର୍ଯ୍ୟାଳୟରୁ ପିଲାମାନଙ୍କ ଏହି ତଥ୍ୟ ପ୍ରଘଟ କରାଯାଇଥିବା ଆଲୋଚନା ହେଉଛି। ବର୍ତ୍ତମାନ ଯୁକ୍ତ ଦୁଇ ଖାତାଦେଖା ଚାଲୁଥିବାରୁ ଏହି କଥା ସତ ହୋଇଯିବ ଭାବି ଅଭିଭାବକଙ୍କଠାରୁ ଆରମ୍ଭ କରି ଛାତ୍ରୀଛାତ୍ରମାନେ ଚିନ୍ତାରେ ଅଛନ୍ତି। ଏ ଦିଗରେ ଉଚ୍ଚଶିକ୍ଷା ବିଭାଗ ଦୃଷ୍ଟି ଦେବାକୁ ଦାବି ହେଉଛି। ନୟାଗଡ଼ ଟାଉନ ଥାନା ଅଧିକାରୀ ଜୟଦୀପ ମହାନ୍ତି କହନ୍ତି, ଥାନାରେ ଅଭିଯୋଗ ହେବା ପରେ ଏହାର ତଦନ୍ତ କରାଯାଉଛି।


All Right Reserved By Dharitri.Com

ବାଲିକୁଦାରେ ବହୁ ପଛରେ ଦାମ

ଜଗତ୍‌ସିଂହପୁର ଅଫିସ,୨୩ା୫: ଜଗତ୍‌ସିଂହପୁର ଲୋକସଭା ନିର୍ବାଚନମଣ୍ଡଳୀ ଅଧୀନ ବାଲିକୁଦା ବିଧାନସଭା ନିର୍ବାଚନମଣ୍ଡଳୀରେ ବରିଷ୍ଠ ନେତା ତଥା ଭାଜପା ପ୍ରାର୍ଥୀ ଡା. ଦାମୋଦର ରାଉତ ପ୍ରଥମ ପର୍ଯ୍ୟାୟ...

ସମିଆଁ ପଞ୍ଚାୟତର ନାବାଳିକା ଅପହରଣ ଘଟଣା: ଅପହରଣକାରୀଙ୍କୁ ଗିରଫ ଦାବିରେ ଧାରଣା

ଛତିଆ,୪ା୬(ଡି.ଏନ.ଏ.)- ବୈରୀ ଥାନା ଅନ୍ତର୍ଗତ ସମିଆଁ ପଞ୍ଚାୟତର ନାବାଳିକା ଅପହରଣ ଘଟଣାକୁ ଦୁଇ ମାସ ବିତିଯାଇଥିଲେ ମଧ୍ୟ ଅଦ୍ୟାବଧି ପୋଲିସ ଅପହରଣକାରୀଙ୍କୁ ଗିରଫ କରିବାରେ ସଫଳ...

ବିଦ୍ୟାଳୟ ହେଲା ଅତିଥି ଭବନ: ବ୍ୟବସ୍ଥାରେ ପରିବର୍ତ୍ତନର ପ୍ରଭାବ

ପାରାଦୀପ,୫ା୬(ସ୍ବ.ପ୍ର.): ସୂଚନା ଓ ପ୍ରଯୁକ୍ତି ବିଦ୍ୟାର ପ୍ରସାର ସାଙ୍ଗକୁ ଘରୋଇକରଣ ପ୍ରଭାବରେ ବ୍ୟବସ୍ଥାରେ ଅନେକ ପରିବର୍ତ୍ତନ ପରିଲକ୍ଷିତ ହେଉଛି। ଏହାର ପ୍ରତିଫଳନ ଅନେକ କ୍ଷେତ୍ରରେ ଦେଖିବାକୁ...

ହାଡ଼ଭଙ୍ଗା ଚିକିତ୍ସାଳୟରେ ଚାଲିଥିଲା ବେଆଇନ ଗର୍ଭପାତ: ନୟାଗଡ଼ ଟାଉନ ଥାନା ପୋଲିସର ଚଢ଼ାଉ; ଦୁଇ ଅଟକ

ନୟାଗଡ଼ ଅଫିସ,୨ା୬- ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟ ପଛପଟେ ଥିବା ଏକ ହାଡ଼ଭଙ୍ଗା ଚିକିତ୍ସାଳୟ ( କ୍ଲିନିକ୍‌)ରେ ଚାଲୁଥିଲା ବେଆଇନ୍‌ ଗର୍ଭପାତ। ଶନିବାର ବିଳମ୍ବିତ ରାତ୍ରିରେ...

ଭାରତୀୟ ନୌସେନା : ୨୯୮୨ ପ୍ରଶିକ୍ଷାର୍ଥୀ ନାବିକଙ୍କ ଦୀକ୍ଷାନ୍ତ ସମାରୋହ

ବାଲୁଗାଁ,୧୩।୭(ଡି.ଏନ.ଏ.): ଭାରତୀୟ ନୌସେନା ବିଭାଗ ଚିଲିକା ଶାଖା ତାଲିମ୍‌ କେନ୍ଦ୍ରରେ ଶୁକ୍ରବାର ୨୯୮୨ ଜଣ ପ୍ରଶିକ୍ଷାର୍ଥୀ ନାବିକଙ୍କ ଦୀକ୍ଷାନ୍ତ ସମାରୋହ (ପାସିଙ୍ଗ୍‌ ଆଉଟ୍‌ ପରେଡ୍‌) ଅନୁଷ୍ଠିତ...

ଫନୀ କ୍ଷତିଗ୍ରସ୍ତଙ୍କୁ ସରକାରୀ ସହାୟତା ଦାବି

ଖଣ୍ଡପଡ଼ା,୧୭ା୫(ସ୍ବ.ପ୍ର.)-ଫନୀ ବାତ୍ୟା ପ୍ରଭାବରେ ଖଣ୍ଡପଡା ବ୍ଲକ ଅନ୍ତର୍ଗତ ବିଭିନ୍ନ ପଞ୍ଚାୟତରେ ବ୍ୟାପକ କ୍ଷୟକ୍ଷତି ଘଟିଛି। ପନିପରିବା, ଫଳ ଓ ରବି ଫସଲ କ୍ଷତିଗ୍ରସ୍ତ ହେବାରୁ ଚାଷୀ...

ଚିଲିକାରେ ଗ୍ରୀଷ୍ମକାଳୀନ ପକ୍ଷୀ ଗଣନାରୌଦ୍ରତାପ ସତ୍ତ୍ୱେ ୧୦୬ ପ୍ରଜାତିର ୩୮ହଜାର ପକ୍ଷୀଙ୍କ ସମାଗମ

ବାଲୁଗାଁ,୨୮ା୫(ଡି.ଏନ.ଏ.): ପ୍ରଚଣ୍ଡ ରୌଦ୍ରତାପ ସତ୍ତ୍ୱେ ନୀଳାମ୍ବୁ ଚିଲିକାରେ ୧୦୬ ପ୍ରଜାତିର ୩୮ ହଜାର ୨୭୧ଟି ପକ୍ଷୀ ଅବସ୍ଥାନ କରିଛନ୍ତି। ବାଲୁଗାଁ ବନ୍ୟପ୍ରାଣୀ ବିଭାଗ ପକ୍ଷରୁ କରାଯାଇଥିବା...

ମଣ୍ଡିରେ ଧାନ ବିକ୍ରି ନ ହେବାରୁ ଚାଷୀ ଅସନ୍ତୋଷ: ଶସ୍ୟବୀମା ସହାୟତା ରାଶି ମିଳିନି

ବୋଲଗଡ଼,୨୦ା୭(ଡି.ଏନ.ଏ.): ବୋଲଗଡ଼ ବ୍ଲକ ସଂପୁର ପ୍ରାଥମିକ ସେବା ସମବାୟ ସମିତି ଧାନ ମଣ୍ଡିରେ ଧାନ ବିକ୍ରି ହୋଇ ନ ପାରିବାରୁ ଚାଷୀଙ୍କ ମଧ୍ୟରେ ଅସନ୍ତୋଷ ଦେଖାଯାଇଛି...

Leave a comment

Your email address will not be published. Required fields are marked *