Posted inଜାତୀୟ

ପ୍ରିୟଙ୍କାଙ୍କ ପଛଘୁଞ୍ଚା ରଣନୀତି

ନୂଆଦିଲ୍ଲୀ,୨୭ା୪: ପ୍ରଥମେ କଳ୍ପନାଜଳ୍ପନା, ପରେ ନିଜେ ସଙ୍କେତ ଦେଇଥିଲେ ‘ରାହୁଲ କହିଲେ ଲଢ଼ିବି’ ଆଉ ଶେଷରେ ପଛଘୁଞ୍ଚା। ଦେଶର ସବୁଠୁ ହଟ୍‌ ସିଟ୍‌ କୁହାଯାଉଥିବା ଉତ୍ତରପ୍ରଦେଶ (ୟୁପି)ର ବାରାଣସୀ ଲୋକ ସଭା ଆସନରେ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ପ୍ରାର୍ଥତ୍ତ୍ୱକୁ ନେଇ ଏଭଳି ଯବନିକା ପଡ଼ିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ପ୍ରିୟଙ୍କା ପ୍ରତିଦ୍ୱନ୍ଦ୍ୱିତା ନ କରିବାର କାରଣକୁ ନେଇ ରାଜନୈତିକ ମହଲରେ ନାନା ଚର୍ଚ୍ଚା ଜୋର୍‌ ଧରିଛି। ତେବେ ଏହା ପଛରେ ଏଆଇସିସିର ଭିନ୍ନ ରଣନୀତି ଥିବା କୁହାଯାଉଛି। କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ୟୁପିର ଅମେଠି ଓ କେରଳର ଓ୍ବାୟନାଡ୍‌ ଆସନରେ ବିଜୟୀ ହେଲେ ଦୁଇଟିରୁ ଗୋଟିଏ ଆସନ ଭଉଣୀ ପ୍ରିୟଙ୍କାଙ୍କୁ ଛାଡ଼ିଦେବେ। ସେଠାରେ ଉପନିର୍ବାଚନ ହେଲେ ପ୍ରିୟଙ୍କା ସହଜରେ ବିଜୟୀ ହୋଇ ଆନୁଷ୍ଠାନିକ ଭାବେ ନିଜ ରାଜନୈତିକ କ୍ୟାରିୟରର ମୂଳଦୁଆ ପକାଇବାରେ ସକ୍ଷମ ହେବେ ବୋଲି କଂଗ୍ରେସ ହାଇକମାଣ୍ଡ ବିଚାର କରୁଛନ୍ତି। କାରଣ ବାରାଣସୀରେ ମୋଦି ଏକପ୍ରକାର ଅପରାଜେୟ ହୋଇଥିବାରୁ ସେଠାରେ ପ୍ରିୟଙ୍କା ବିଫଳତାର ସ୍ବାଦ ଚାଖି ରାଜନୈତିକ ଜୀବନ ଆରମ୍ଭ କରନ୍ତୁ ବୋଲି ଉଭୟ ଭାଇ ରାହୁଲ ଓ ମା’ ସୋନିଆ ଗାନ୍ଧୀ ଚାହୁଁ ନ ଥିବା ବିଶ୍ଳେଷକମାନେ ମତ ଦେଇଛନ୍ତି।
୨୦୧୪ ସାଧାରଣ ନିର୍ବାଚନରେ ନରେନ୍ଦ୍ର ମୋଦିଙ୍କ ବିରୋଧରେ ବାରାଣସୀରେ ପ୍ରତିଦ୍ୱନ୍ଦ୍ୱିତା କରି ତୃତୀୟ ସ୍ଥାନରେ ରହିଥିଲେ କଂଗ୍ରେସ ନେତା ଅଜୟ ରାୟ। ଏପରି କି ତାଙ୍କ ଅମାନତ ମଧ୍ୟ ରହି ନ ଥିଲା। ମୋଦି ୫,୮୧,୦୨୨ ଭୋଟ ପାଇ ବିଜୟୀ ହୋଇଥିବାବେଳେ ଅଜୟ ମାତ୍ର ୭୫,୬୧୪ ଭୋଟ ହାସଲ କରି ଶୋଚନୀୟ ପରାଜୟବରଣ କରିଥିଲେ। ୨,୦୯,୨୩୮ ଭୋଟ ପାଇ ଦ୍ୱିତୀୟ ସ୍ଥାନରେ ରହିଥିବା ଏଏପି ମୁଖ୍ୟ ଅରବିନ୍ଦ କେଜ୍‌ରିଓ୍ବାଲ ମୋଦିଙ୍କ ବିରୋଧରେ ପ୍ରାର୍ଥୀ ହେବା ତାଙ୍କର ଭୁଲ ଥିଲା ବୋଲି ସ୍ବୀକାର କରିଥିଲେ। ଏପରି ସ୍ଥଳେ ପୂର୍ବରୁ କେବଳ ରାହୁଲଙ୍କ ଅମେଠି ଓ ସୋନିଆଙ୍କ ରାଏବରେଲି ଲୋକ ସଭା ଆସନରେ ପ୍ରଚାରରେ ସୀମିତ ରହୁଥିବା ପ୍ରିୟଙ୍କା ଗତ ଫେବୃୟାରୀ ୪ରେ ପୂର୍ବ ୟୁପି ସାଧାରଣ ସମ୍ପାଦକ ଦାୟିତ୍ୱ ଗ୍ରହଣ କରିଥିଲେ। ସେବେଠୁ ପ୍ରଧାନମନ୍ତ୍ରୀଙ୍କ ବିରୋଧରେ ତାଙ୍କର ଆକ୍ରମଣାମତ୍କ ମନ୍ତବ୍ୟ ଓ ପ୍ରଚାର ଶୈଳୀକୁ ନେଇ ଚର୍ଚ୍ଚା ଜୋର୍‌ ଧରିଥିଲା ଯେ, ପ୍ରିୟଙ୍କା ଏଥର ମୋଦିଙ୍କ ବିପକ୍ଷରେ ବାରାଣସୀରୁ ଲଢ଼ିବେ। ଏହାକୁ ନେଇ ରାହୁଲ ଗାନ୍ଧୀ ‘ସସ୍‌ପେନ୍ସ ଇଜ୍‌ ଗୁଡ୍‌’ ବୋଲି କହିବା ପରେ ସମସ୍ତେ ଭାବିଥିଲେ ପ୍ରିୟଙ୍କା ସେଠାରୁ ହିଁ ପ୍ରାର୍ଥୀ ହେବେ। କେହି କେହି ପ୍ରିୟଙ୍କାଙ୍କୁ କଂଗ୍ରେସର ତ୍ରାଣକର୍ତ୍ତା ମନେକରୁଥିଲେ ତ ପୁଣି କେତେକେ ତାଙ୍କୁ ଭାବୀ ପ୍ରଧାନମନ୍ତ୍ରୀ ଭାବେ ଅଭିହିତ କରିବାରେ ଲାଗିଥିଲେ। ହେଲେ ଶେଷରେ ମୋଦି ନାମାଙ୍କନପତ୍ର ଦାଖଲ ଲାଗି ବାରାଣସୀରେ ମେଗା ରୋଡ୍‌ ଶୋ କରିବାର କିଛି ସମୟ ପୂର୍ବରୁ ପୂର୍ବତନ ବିଧାୟକ ତଥା ବାହୁବଳୀ ନେତା ଅଜୟ ରାୟଙ୍କୁ କଂଗ୍ରେସ ସେଠାରେ ପୁଣିଥରେ ପ୍ରାର୍ଥୀ କରି ପ୍ରଧାନମନ୍ତ୍ରୀଙ୍କ ବିଜୟକୁ ସୁନିଶ୍ଚିତ କରିଛି ବୋଲି ଆଲୋଚନା ହେଉଛି। ସମ୍ଭବତଃ ଏଇଥିପାଇଁ କେନ୍ଦ୍ରମନ୍ତ୍ରୀ ତଥା ବରିଷ୍ଠ ଭାଜପା ନେତା ଅରୁଣ ଜେଟ୍‌ଲୀ ନିଜ ବ୍ଲଗ୍‌ରେ ଲେଖିଛନ୍ତି, ପ୍ରିୟଙ୍କା ଗାନ୍ଧୀ ଭଦ୍ରା ଭୟଭୀତ ହୋଇ ପ୍ରତିଦ୍ୱନ୍ଦ୍ୱିତାରୁ ବାହାରି ଯାଇଛନ୍ତି। ଏବେ ନିର୍ବାଚନର ଅବଶିଷ୍ଟ ପର୍ଯ୍ୟାୟଗୁଡ଼ିକରେ କଂଗ୍ରେସର ନିଜ ଗୋଲ୍‌ରୁ ଭାଜପାକୁ ଫାଇଦା ମିଳିବାକୁ ଯାଉଛି। ବିଶେଷକରି ୟୁପିର ଅବଶିଷ୍ଟ ଆସନଗୁଡ଼ିକରେ, ଯେଉଁଠି ସମ୍ଭବତଃ ୨୦୧୯ର ବିଜେତା ସ୍ଥିର ହେବ।
ବାରାଣସୀ ଆସନ ବିରୋଧୀ ମହାମେଣ୍ଟର ସମାଜବାଦୀ ପାର୍ଟି (ଏସ୍‌ପି) ଭାଗରେ ପଡ଼ିଛି। ଏଠାରେ ଶାଳିନୀ ଯାଦବଙ୍କୁ ଏସ୍‌ପି ଟିକେଟ ଦେଇଛି। ପ୍ରିୟଙ୍କା ବାରାଣସୀରୁ ନାମାଙ୍କନପତ୍ର ଦାଖଲ କରିଥିଲେ ମୋଦିଙ୍କୁ ହରାଇବା ପାଇଁ ଏସ୍‌ପି ଅଧ୍ୟକ୍ଷ ଅଖିଳେଶ ଯାଦବ ହୁଏତ ଖୁସିରେ ଶାଳିନୀଙ୍କୁ ପ୍ରାର୍ଥିପତ୍ର ପ୍ରତ୍ୟାହାର କରିବାକୁ କହିଥାନ୍ତେ। ତେବେ ପ୍ରିୟଙ୍କା ନିର୍ବାଚନ ଲଢ଼ିବା ନେଇ ବାହାରେ ଯେତେ କହୁଥିଲେ ମଧ୍ୟ ସୋନିଆ ଓ ରାହୁଲ ଏନେଇ ଗମ୍ଭୀରତା ସହ ଚିନ୍ତା କରିନାହାନ୍ତି ବୋଲି ଜଣେ ବରିଷ୍ଠ କଂଗ୍ରେସ ନେତା କହିଛନ୍ତି। ଏବେ ୟୁପିର ଯେଉଁ ୧୮ ଆସନରେ କଂଗ୍ରେସର ସ୍ଥିତି ଅପେକ୍ଷାକୃତ ଭଲ ଅଛି, ସେହି ସିଟ୍‌ଗୁଡ଼ିକରେ ପ୍ରିୟଙ୍କା ଧୂଆଁଧାର ପ୍ରଚାର କରି ଭାଜପାର ଷ୍ଟାର କ୍ୟାମ୍ପେନର ମୋଦିଙ୍କୁ ବାରାଣସୀରେ ବାନ୍ଧିରଖିବାକୁ ଉଦ୍ୟମ କରିବେ। ମେ ୨୩ରେ ନିର୍ବାଚନ ଫଳ ଆସିବା ପରେ କଂଗ୍ରେସ ହାଇକମାଣ୍ଡ ବିଚାର କରିବେ ରାହୁଲ ଅମେଠି କିମ୍ବା ଓ୍ବାୟନାଡ୍‌ କେଉଁ ଆସନରୁ ପ୍ରତିନିଧିତ୍ୱ କରିବେ ଓ କେଉଁ ଆସନ ପ୍ରିୟଙ୍କାଙ୍କ ପାଇଁ ଛାଡ଼ିଦେବେ। ଆସନ ଛାଡ଼ିବାର ୬ ମାସ ମଧ୍ୟରେ ଉପନିର୍ବାଚନ ହେବ। ସେତେବେଳେ ପ୍ରିୟଙ୍କାଙ୍କ ବିରୋଧରେ ଭାଜପା କାହାକୁ ପ୍ରାର୍ଥୀ କରିବ ତାହା ଉପରେ ପ୍ରିୟଙ୍କାଙ୍କ ରାଜନୈତିକ ଭବିଷ୍ୟତ ନିର୍ଭର କରିବ ବୋଲି ବିଶ୍ଳେଷକମାନେ କହୁଛନ୍ତି।


All Right Reserved By Dharitri.Com

ମାତୃଭାଷା ସମ୍ପର୍କରେ ସଚେତନତା ସୃଷ୍ଟି ପାଇଁ ୨୦ ହଜାର କିମି ସାଇକେଲ ଯାତ୍ରାରେ ଯୁବକ

ସିଲିଗୁଡ଼ି,୨୫।୪: ମାତୃଭାଷା ସମ୍ପର୍କରେ ସଚେତନତା ସୃଷ୍ଟି ପାଇଁ ଜଣେ ଯୁବକ ଅଣ୍ଟା ଭିଡ଼ିଛନ୍ତି। ମହାରାଷ୍ଟ୍ରର ୨୯ ବର୍ଷ ବୟସ୍କ ଯୁବକ ଗନ୍ଧାର କୁଲକର୍ଣ୍ଣୀ ଏନେଇ ୨୦...

ତୃତୀୟ ମହଲାରେ ନିଦରେ ଶୋଇଥିଲେ ଲୋକେ: ନିଆଁ ତ ଲିଭିଲା; ଭାଙ୍ଗିଲାନି ମହାନିଦ୍ରା

ନୂଆଦିଲ୍ଲୀ,୮।୧୨: ଉପହାର ସିନେମା ହଲ୍‌ରେ ୨୨ ବର୍ଷ ତଳେ ଘଟିଥିବା ଅଗ୍ନିକାଣ୍ଡ ଘଟଣାକୁ ପୁଣି ଥରେ ଦିଲ୍ଲୀବାସୀଙ୍କୁ ମନେ ପକାଇ ଦେଇଛି ରବିବାରର ଘଟଣା। ରାଣୀ...

ଜେଏନ୍‌ୟୁ ହିଂସା ପରେ ପ୍ରଥମ ଥର ସାମ୍ନାକୁ ଆସିଲା କୁଳାଧିପତିଙ୍କ ପ୍ରତିକ୍ରିୟା

ନୂଆଦିଲ୍ଲୀ,୭।୧: ଜବାହରଲାଲ ନେହେରୁ ୟୁନିଭର୍ସିଟି (ଜେଏନ୍‌ୟୁ)ରେ ହୋଇଥିବା ହିଂସା ପରେ ପ୍ରଥମ ଥର ସେଠାକାର କୁଳାଧିପତିଙ୍କ ପ୍ରତିକ୍ରିୟା ସାମ୍ନାକୁ ଆସିଛି। ମଙ୍ଗଳବାର ଏକ ଖବରଦାତା ସମ୍ମିଳନୀରେ...

ବଜାୟ ରହୁ ଗଣତାନ୍ତ୍ରିକ ମୂଲ୍ୟବୋଧ

ନୂଆଦିଲ୍ଲୀ,୨୭ା୧୧(ପି.ଟି.): ମହାରାଷ୍ଟ୍ରରେ ସରକାର ଗଠନ ପାଇଁ ଭାଜପା ନେତୃତ୍ୱାଧୀନ ମେଣ୍ଟ ଓ ଶିବସେନା-ଏନ୍‌ସିପି-କଂଗ୍ରେସ ମେଣ୍ଟ ମଧ୍ୟରେ ଚାଲିଥିବା ଆଇନଗତ ଲଢ଼େଇ ଏକ ବିଚିତ୍ର ସ୍ଥିତି ସୃଷ୍ଟି...

ଜ୍ୱର ସାଜିଲା ପ୍ରତିବନ୍ଧକ: କଲ୍ୟାଣ ସିଂ ଏଡିସି ଗ୍ରାମବାସୀ ଦେଲେନି ଭୋଟ

ଢ଼ଳାଇ,୨୩।୪: ଗାଁରେ ଜ୍ୱରରେ ଶହେରୁ ଅଧିକ ଲୋକ କମ୍ପୁଛନ୍ତି। ଗତ ଏକ ସପ୍ତାହରୁ ଅଧିକ ଦିନ ଧରି ଜ୍ୱର ଛାଡୁନି। ତେଣୁ ତ୍ରିପୁରାର ରାଜଧନପରା ଅନ୍ତର୍ଗତ...

କଂଗ୍ରେସର ସିଏଏ ବିରୋଧୀ ମେଳି: ବିରୋଧୀ ଏକତାକୁ ଝଟକା

ନୂଆଦିଲ୍ଲୀ,୧୪ା୧: ନାଗରିକତ୍ୱ ସଂଶୋଧନ ଆଇନ (ସିଏଏ)କୁ ବିରୋଧ କରି ପାର୍ଲାମେଣ୍ଟ ହାଉସ୍‌ରେ ସୋମବାର କଂଗ୍ରେସ ଡାକିଥିବା ବୈଠକକୁ ଝଟକା ଲାଗିଛି। ବୈଠକରେ ୧୫ଟି ଦଳର ନେତାମାନେ...

ମୋଦିଙ୍କ ଜୀବନ ଶୈଳୀ ଭାରତୀୟଙ୍କୁ ଦେଉଛି ପ୍ରେରଣା: ଟ୍ରମ୍ପ୍‌

ଅହମଦାବାଦ୍‌,୨୪।୨: ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜୀବନ ଶୈଳୀ ଭାରତୀୟଙ୍କୁ ପ୍ରେରଣା ଦେଉଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ଅହମଦାବାଦ୍‌ରେ ନମସ୍ତେ ଟ୍ରମ୍ପ୍‌ କାର୍ଯ୍ୟକ୍ରମରେ ଯୋଗଦେଇ...

ଟ୍ରାଫିକ୍‌ ପୋଲିସ ପୋଷାକରେ ଲାଗିଲା କ୍ୟାମେରା: ଆଇନ ଭଙ୍ଗ କରୁଥିବା ବ୍ୟକ୍ତିଙ୍କ କାର୍ଯ୍ୟକଳାପ ହେବ ରେକର୍ଡ

କୋଏମ୍ବାଟୁର,୧୮।୭: ତାମିଲନାଡୁ କୋଏମ୍ବାଟୁରରେ ବୁଧବାର ଟ୍ରାଫିକ୍‌ ପୋଲିସଙ୍କୁ ଏକ କ୍ୟାମେରା ବଣ୍ଟନ କରାଯାଇଛି। ଏହି କ୍ୟାମେରାକୁ ସେମାନେ ନିଜ ପୋଷାକରେ ଲଗାଇପାରିବେ। ଏହାଦ୍ୱାରା ଘଟଣାସ୍ଥଳରେ ଟ୍ରାଫିକ୍‌...

Leave a comment

Your email address will not be published. Required fields are marked *