ରକ୍ତ ଅଭାବ ଦୂର ପାଇଁ ଆଗକୁ ଆସିଲେଣି ବିଭିନ୍ନ ସଂଗଠନ

ବ୍ରହ୍ମପୁର ଅଫିସ୍‌,୨୭ା୪-  ବ୍ରହ୍ମପୁର ବଡ଼ମେଡ଼ିକାଲ୍‌ ପରିସରରେ ଥିବା ରକ୍ତ ଭଣ୍ଡାରରେ ରକ୍ତ ଅଭାବ ଦେଖାଦେବାରେ ଲାଗିଛି। ଗ୍ରୀଷ୍ମ ପ୍ରବାହ ଯୋଗୁ ରକ୍ତ ସଂଗ୍ରହ ବହୁ ପରିମାଣରେ କମିଯାଇଛି। ଆବଶ୍ୟକ ଅନୁଯାୟୀ ରକ୍ତ ସଂଗ୍ରହ ହୋଇପାରୁନି। ଫଳରେ ଜରୁରୀ ପରିସ୍ଥିତିରେ ରୋଗୀଙ୍କୁ ରକ୍ତ ମିଳିପାରୁନି। ଏହି ଅଭାବ ଦୂର କରିବା ପାଇଁ ଏବେ ବିଭିନ୍ନ ସଂଗଠନ ଆଗକୁ ଆସୁଛନ୍ତି। ଶୁକ୍ରବାର ଅଶୋକନଗର ଯୁବକ ସଂଘ ରକ୍ତଦାନ ଶିବିର ଆୟୋଜନ କରିଥିଲା। ଶିବିରରେ ମୋଟ ୨୩୩ ୟୁନିଟ୍‌ ରକ୍ତ ସଂଗ୍ରହ ହୋଇଛି। ଛାତ୍ର, ସାମାଜିକ କର୍ମୀ, ଅଞ୍ଚଳବାସୀ ଏବଂ ସଂଘ କର୍ମକର୍ତ୍ତାମାନେ ରକ୍ତଦାନ କରିଛନ୍ତି।  କିଛିଦିନ ହେଲା ଗ୍ରୀଷ୍ମ ପ୍ରବାହ ବଢ଼ୁଛି। ଖରାଦିନେ ରକ୍ତଦାନ କଲେ ଦୁର୍ବଳ ଲାଗିବ ବୋଲି ଏକ ଭୁଲ ଧାରଣା ରହିଥିବା ବେଳେ ଯୁବକ ସଂଘର ଶିବିର ଆୟୋଜନକୁ   ସବୁ ମହଳଷର ପ୍ରଶଂସା ମିଳୁଛି। ଅନ୍ୟାନ୍ୟ ସାମାଜିକ ସଂଗଠନ ମଧ୍ୟ ଏଭଳି ଜଟିଳ ସ୍ଥିତିରେ ରକ୍ତଦାନ ଶିବିର ଆୟୋଜନ କରନ୍ତୁ ବୋଲି ସଂଘ ତରଫରୁ ଆହ୍ବାନ ଦିଆଯାଇଛି। ଶୁକ୍ରବାର ପୂର୍ବାହ୍ନ ୧୦ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ଶିବିର ଚାଲିଥିଲା। ପୂର୍ବତନ କର୍ପୋରେଟର୍‌ ସୁରେନ୍ଦ୍ର କୁମାର ମହାରଣା ଅତିଥି ଭାବେ ଯୋଗଦେଇ ରକ୍ତଦାତାଙ୍କୁ ଉତ୍ସାହିତ କରିଥିଲେ। ସଂଘର ସଭାପତି ଏ.ସନ୍ତୋଷ ପାତ୍ର, ଉପସଭାପତି କାଳୁ ମହାରଣା, ସାଧାରଣ ସଂପାଦକ ଜି.ନରେଶ ପାତ୍ର, ବ୍ରହ୍ମପୁର ପାଇକାରୀ ଭଣ୍ଡାର ସଭାପତି ସୁଧିର କୁମାର ରାଉତ, ଏ.ଶିବରାମ ପାତ୍ର, ଶିବରାମ ପାଢ଼ୀ, ପ୍ରଭୁ କଲ୍ୟାଣ ପଣ୍ଡା, ଦଣ୍ଡ ପାଳ, କିରଣ ସାହୁ, ଜିତୁ ପଣ୍ଡା, ବିକ୍ରମ ଜେନା, ବିକାଶ ନାୟକ, ରୋହନ୍‌, କେଦାର ସାହୁ, ରିତିକ, ଶାଶ୍ୱତ ଗୌଡ଼, ବାପୁନି ଦଳବେହେରା ଏବଂ ପିଣ୍ଟୁ ଦୋରା ପ୍ରମୁଖ ଉପସ୍ଥିତ ରହି ଶିବିର ପରିଚାଳନା କରିଥିଲେ। ରକ୍ତ ଭଣ୍ଡାରର ଡା. ସୁଶ୍ମିତା ବେହେରା, ଜେ.କେ ପଣ୍ଡା, ପି.କେ ବେହେରା, ଏସ୍‌.କେ  ପାଣିଗ୍ରାହୀ, ସିଏସ୍‌ ଗୌଡ଼, ଡି.କେ ରେଡ୍ଡୀ, ଆର୍‌ଏଚ୍‌ ପଣ୍ଡା, ବି.କେ ବ୍ରହ୍ମା, ଲକ୍ଷ୍ମଣ ବେହେରା ଏବଂ ଡି.ବି. କାର୍କେ ରକ୍ତ ସଂଗ୍ରହ କରିଥିଲେ।  ସଭାପତି ଏ. ସନ୍ତୋଷ ପାତ୍ର  କହିଛନ୍ତି, ଖରାଦିନେ ଲୋକେ ରକ୍ତ ଦେବାକୁ ଭୟ କରୁଛନ୍ତି। ତେଣୁ ରକ୍ତ ଭଣ୍ଡାରରେ ଷ୍ଟକ୍‌ ରହୁନି। ରୋଗୀଙ୍କ ଚିକିତ୍ସାରେ ଗୁରୁତର ସମସ୍ୟା ସୃଷ୍ଟି ହେଉଛି। ବିଶେଷକରି ବିଭିନ୍ନ ଗ୍ରାମରୁ ବଡ଼ ମେଡ଼ିକାଲ୍‌କୁ ଚିକିତ୍ସା ପାଇଁ ଆସୁଥିବା ରୋଗୀମାନେ ଅଧିକ ହଇରାଣ ହେଉଛନ୍ତି।

ଏହି ସମସ୍ୟା ଦୂର ପାଇଁ ସଂଘ ପକ୍ଷରୁ ଶିବିର ଆୟୋଜନ କରାଯାଇଛି।  ସୂଚନାଯୋଗ୍ୟ, ବ୍ରହ୍ମପୁର ରକ୍ତ ଭଣ୍ଡାରରେ ରକ୍ତ ଅଭାବ ନେଇ ବିଭିନ୍ନ ଖବରକାଗଜରେ ପ୍ରକାଶ ପରେ ବିଭିନ୍ନ ସଂଗଠନ ତରଫରୁ ଶିବିର ଆୟୋଜନ କରାଯାଉଛି। ଗତ ୨୨ତାରିଖ ପରଠୁ ପୋଚଲିମା ନିରାଙ୍କାରୀ ମିଶନ ପକ୍ଷରୁ ୭୨ୟୁନିଟ୍‌, ସାବୁଳିଆ ସତ୍ୟସାଇ ସେବା ସମିତି ତରଫରୁ ୫୪ ୟୁନିଟ୍‌ ଏବଂ ଆସିକା ସତ୍ୟସାଇ ସେବା ସମିତି ପକ୍ଷରୁ ୨୧ୟୁନିଟ୍‌ ରକ୍ତ ସଂଗ୍ରହ ହୋଇଛି। ଗତ ବର୍ଷ ଖରାଦିନେ ଏଭଳି ରକ୍ତ ଅଭାବ ପରିସ୍ଥିତି  ସୃଷ୍ଟି ହୋଇଥିଲା। ପାରଳା ମହାରାଜା ଇଞ୍ଜିନିୟରିଂ କଲେଜରେ ଏକ ଶିବିର ଆୟୋଜନ କରାଯାଇ ୧୪୪ୟୁନିଟ୍‌ ରକ୍ତ ସଂଗ୍ରହ କରାଯାଇଥିଲା।


All Right Reserved By Dharitri.Com

ଭାଜପାକୁ ଫେରିଲେ ବିଜୟ

ଭୁବନେଶ୍ୱର,୨୮।୩(ବ୍ୟୁରୋ): ଶେଷରେ ଭାଜପାକୁ ପ୍ରତ୍ୟାବର୍ତ୍ତନ କଲେ ବରିଷ୍ଠ ନେତା ବିଜୟ ମହାପାତ୍ର। ତାଙ୍କ ମାନଭଞ୍ଜନ କରିବାରେ ସଫଳ ହେଲେ ଦଳୀୟ ନେତା। ପୂର୍ବରୁ ସେ ଭାଜପାକୁ...

ବିଦ୍ୟୁତ୍‌ ଖୁଣ୍ଟରୁ ଖସି ଯୁବକ ମୃତ:ସାଉଥ୍‌କୋ କର୍ମଚାରୀଙ୍କ ବିରୋଧରେ ଅଭିଯୋଗ ଆଣିଲେ ସ୍ତ୍ରୀ

ଭଞ୍ଜନଗର,୧।୬(ଡି.ଏନ.ଏ.): ତାରସିଂ ଥାନା କୁଡୁତାଇ ସୋସାଇଟି ନିକଟରେ ଶନିବାର ସକାଳେ ଜଣେ ଯୁବକଙ୍କ ବିଦ୍ୟୁତ୍‌ ଆଘାତରେ ମୃତ୍ୟୁ ଘଟିଛି। ସେ ହେଲେ ଉକ୍ତ ଥାନା ବାଙ୍କତରାର...

ଦ୍ରୁତ ଗତିରେ ଚାଲିଛି ବାଲିଗୁଡ଼ା ରଥକାମ

ବାଲିଗୁଡ଼ା,୨୯।୬(ଡି.ଏନ୍‌.ଏ.): ରଥଯାତ୍ରା ଉପଲକ୍ଷେ କନ୍ଧମାଳ ଜିଲା ବାଲିଗୁଡ଼ାରେ ମଧ୍ୟ ଶ୍ରୀ ଜଗନ୍ନାଥ ମନ୍ଦିର ଟ୍ରଷ୍ଟ ପକ୍ଷରୁ ରଥ ନିର୍ମାଣ କାର୍ଯ୍ୟ ଜଗନ୍ନାଥ ମନ୍ଦିର ନିକଟ ଜଗନ୍ନାଥ...

ବିଦ୍ୟୁତ୍‌ ଆଘାତରେ ଜଣେ ଗୁରୁତର

ବୁଗୁଡ଼ା,୨୬ା୮(ଡି.ଏନ.ଏ.)-ବୁଗୁଡ଼ା ବିଏସ୍‌ଏନ୍‌ଏଲ କାର୍ଯ୍ୟାଳୟ ଟେଲିଫୋନ ବିଭାଗରେ କାର୍ଯ୍ୟରତ ଜଣେ ଅସ୍ଥାୟୀ କର୍ମଚାରୀ ବିଦ୍ୟୁତ ଆଘାତରେ ସୋମବାର ଗୁରୁତର ହୋଇଛନ୍ତି। ସେ ହେଲେ ଧୋବା ସାହୁ। ଧୋବା...

ମଧୁବାବୁ ଆଇନ ସହାୟତା ଯୋଜନା ବାଟବଣା

ପୁରୁଷୋତ୍ତମପୁର, ୧୮ା୭(ଡି.ଏନ୍‌.ଏ.)-ରାଜ୍ୟ ସରକାର ଗରିବ ଲୋକଙ୍କୁ ଆଇନ ସହାୟତା ଯୋଗାଇ ଦେବାକୁ ମଧୁବାବୁ ଆଇନ ସହାୟତା ଯୋଜନା ପ୍ରଣୟନ କରିଥିଲେ। ମାତ୍ର ଏହି ଯୋଜନା ଏବେ...

ଡାକ୍ତର, କର୍ମଚାରୀଙ୍କ ନାଁରେ ମାମଲା

ବ୍ରହ୍ମପୁର ଅଫିସ,୨୭ା୪- ବ୍ରହ୍ମପୁର  ନୂଆ ବସଷ୍ଟାଣ୍ଡ ରୋଡରେ ଥିବା ଏକ ଘରୋଇ ନର୍ସିଂହୋମରେ ଜଣେ ରୋଗୀଙ୍କୁ ମାଡ଼ ମରାଯିବା ସହ ତାଙ୍କ ସୁନାଚେନ ଛଡ଼ାଇ ନିଆଯାଇଥିବା...

ନଦୀର ଶତ୍ରୁ ବାଲି ମାଫିଆ

ବ୍ରହ୍ମପୁର ଅଫିସ୍‌,୧୬ା୯-କେବଳ ଋଷିକୁଲ୍ୟା ନୁହେଁ, ଗଞ୍ଜାମ ଜିଲାର ଅନ୍ୟାନ୍ୟ ନଦୀଗୁଡ଼ିକର ସୁରକ୍ଷା ଉପରେ ଏବେ ପ୍ରଶ୍ନବାଚୀ ସୃଷ୍ଟି ହୋଇଛି। ମାଫିଆମାନେ ବେଧଡ଼କ ଭାବେ ନଦୀ ବାଲି...

ତେଜରାତି ଦୋକାନରେ ଅଗ୍ନିକାଣ୍ଡ: ଜଳିଗଲା ସମସ୍ତ ସାମଗ୍ରୀ

ବ୍ରହ୍ମପୁର ଅଫିସ,୨୨।୧୧: ଗଞ୍ଜାମ ଜିଲା ବୈଦ୍ୟନାଥପୁର ଥାନା ଅନ୍ତର୍ଗତ ଗୋଦାବରୀଶନଗର ତୃତୀୟ ଲାଇନରେ ଥିବା ଏକ ତେଜରାତି ଦୋକାନରେ ଶୁକ୍ରବାର ସକାଳେ ଅଗ୍ନିକାଣ୍ଡ ଘଟିଛି। ଦୋକାନର...

Leave a comment

Your email address will not be published. Required fields are marked *