ରାଜଧାନୀରୁ କାର ଲୁଟ୍‌ ର଼୍ୟାକେଟର ପର୍ଦ୍ଦାଫାଶ : ୩ କାର, ବିପୁଳ ଅଳଙ୍କାର ଜବତ, ୪ ଗିରଫ

ଭୁବନେଶ୍ୱର/ପାତ୍ରପଡା, ୨୮।୬(ବ୍ୟୁରୋ/ଡି.ଏନ୍‌.ଏ.) : ଗତ କିଛି ମାସ ହେବ ରାଜଧାନୀରେ ଲୁଟେରା ଗ୍ୟାଙ୍ଗ୍‌ ସକ୍ରିୟ ହୋଇଉଠିଛି। ବିଶେଷକରି ବାରମ୍ବାର କାର୍‌ ଲୁଟ୍‌ ଘଟଣା ପୋଲିସର ଚିନ୍ତା ବଢ଼ାଇ ଦେଇଛି। ଲୁଟ୍‌ କାରକୁ ବ୍ୟବହାର କରି ଲୁଟ୍‌ ଓ ଅନ୍ୟ ଅପରାଧ କରାଯାଉଥିବା ପୋଲିସ ଜାଣିବା ପରେ ସେମାନଙ୍କୁ ଠାବ କରିବାକୁ କମିଶନରେଟ ପୋଲିସ ତତ୍ପର ହୋଇଉଠିଛି। ଖଣ୍ଡଗିରି ଥାନା ପୋଲିସ ଏକ କାର୍‌ ଲୁଟ୍‌ ର଼୍ୟାକେଟର ପର୍ଦ୍ଦାଫାଶ କରିଛି। ଏକ ଲୁଟେରା ଗ୍ୟାଙ୍ଗ୍‌ ଠାବ କରିବା ସହ ସମ୍ପୃକ୍ତ ୪ଜଣଙ୍କୁ ଖଣ୍ଡଗିରି ଓ ବୌଦ୍ଧ ଜିଲା କଣ୍ଟାମାଳ ଅଞ୍ଚଳରୁ ଗିରଫ କରିଛି। ସେମାନଙ୍କ ନିକଟରୁ ପୋଲିସ ୩ଟି ଲୁଟ୍‌ କାର, ୪ଟି ସୁନା ଚେନ, ୩ହଳ ସୁନା ଚୂଡି, ଦୁଇ ହଳ କାନଫୁଲ ସହ ଗୋଟିଏ ଖେଳନା ବନ୍ଧୁକ ଓ ଏକ ଛୁରୀକୁ ଜବତ କରିଛି। ଗିରଫ ଅଭିଯୁକ୍ତମାନେ ହେଲେ ସୋନପୁର ଜିଲା ବୋଡିପାଲି ଗ୍ରାମର କୃଷ୍ଣଚନ୍ଦ୍ର ଦାଶ ଓରଫ କ୍ରିଷ୍ଣା, କେନ୍ଦ୍ରାପଡା ଜିଲା ଆଳି ଅଞ୍ଚଳର ଅମରଜିତ ପ୍ରଧାନ ଓରଫ ରକି (୨୪), ରାଜକନିକା ଅଞ୍ଚଳର ମହେଶ୍ୱର ଦଳାଇ(୨୮) ଓ ବୌଦ୍ଧ ଜିଲା ତଳିପଡା ଅଞ୍ଚଳର ପ୍ରଭାତ ସାହୁ(୧୯)। ଏନେଇ ଖଣ୍ଡଗିରି ପୋଲିସ କେସ୍‌ ନଂ.୩୩୦/୧୯ରେ ଦଫା ୩୯୪ ଲଗାଇ ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରିଛି।

ଖେଳଣା ବନ୍ଧୁକରେ କରୁଥିଲେ ଲୁଟ୍‌
ଅଭିଯୁକ୍ତମାନେ ବିଳମ୍ବିତ ରାତିରେ ଜାତୀୟ ରାଜପଥ, ସହରର ଅନ୍ୟ ରାସ୍ତାର ନିଛାଟିଆ ସ୍ଥାନରେ ଛକି ରହୁଥିଲେ। କୌଣସି କାର ସେହିବାଟ ଦେଇ ଗଲାବେଳେ ରାସ୍ତା ମଝିରେ ବାଇକ୍‌ ରଖି ଅଟକାଉଥିଲେ। ପରେ ଡ୍ରାଇଭର ମୁଣ୍ଡରେ ଖେଳନା ବନ୍ଧୁକ ଲଗାଇ କାର ଚାବି ହାତଉଥିଲେ। ପରେ ଡ୍ରାଇଭରଙ୍କୁ ବାହାରକୁ ଟାଣିଆଣି କାର୍‌ ଲୁଟି ନେଉଥିଲେ। ମେ’ ୧୦ରେ ଖୋର୍ଦ୍ଧା ଜିଲାପାଳଙ୍କ ଅଫିସ ନିକଟରୁ ଏକ ବୋଲେରୋ, ଜୁନ୍‌ ୨୦ରେ ଖଣ୍ଡଗିରି ଆମ୍ରି ହସ୍ପିଟାଲ ଓ ଜୁନ୍‌ ୧ରେ ପିତାପଲ୍ଲୀ ନିକଟରୁ କାର ଲୁଟ କରିଥିଲେ।
ଦିନରେ ଅଳଙ୍କାର, ରାତିରେ କାର୍‌ ଲୁଟ୍‌
ଏହି ଗ୍ୟାଙ୍ଗ୍‌ ରାତିରେ କାର୍‌ ଓ ଦିନରେ ଅଳଙ୍କାର ଲୁଟୁଥିଲେ। ଦିନରେ ବାଇକରେ ଆସି ମହିଳାଙ୍କୁ ଛୁରି ଓ ବନ୍ଧୁକ ଦେଖାଇ ପିନ୍ଧିଥିବା ସୁନା ଅଳଙ୍କାର ଝାମ୍ପି ନେଉଥିଲେ। ନିକଟରେ ଅବଦୁଲ କାଲାମ ସ୍କୁଲ ନିକଟରେ କାରରେ ଯାଉଥିବା ଏକ ପରିବାର ସଦସ୍ୟଙ୍କୁ ବନ୍ଧୁକ ଦେଖାଇ ସୁନାଗହଣା ଲୁଟି ନେଇଥିଲେ। ସେହିଭଳି ରାତିରେ କାର୍‌ ଲୁଟ୍‌ ପରେ ତୁରନ୍ତ ନମ୍ବର ପ୍ଲେଟକୁ ବଦଳାଉଥିଲେ। କିଛିଦିନ ନିର୍ଦ୍ଦିଷ୍ଟ ସ୍ଥାନରେ ଲୁଚାଇବା ପରେ ଲୁଟ୍‌ରେ ବ୍ୟବହାର କରୁଥିଲେ। ପରେ ସମୟ ଦେଖି ୭୦ହଜାରରୁ ୧ ଲକ୍ଷ ଟଙ୍କା ମଧ୍ୟରେ ବିକ୍ରି କରୁଥିଲେ। ଲୁଟ କାରକୁ ସେମାନେ ସହରବାହାରେ ବିକ୍ରି କରୁଥିଲେ।
କେମିତି ଧରା ପଡ଼ିଲେ ଅଭିଯୁକ୍ତ
ରାଜଧାନୀରୁ ଲଗାତାର କାର୍‌ ଚୋରି ପରେ ପୋଲିସର ଚେତା ପଶିଥିଲା। ଆମ୍ରି ହସ୍ପିଟାଲ ନିକଟରେ ଅଜୟ କୁମାର ସାହୁ ତାଙ୍କ ମାରୁତି କାର (ଓଡି-୧୯ଏମ୍‌-୦୦୭୮)ରେ ଯାଉଥିବାବେଳେ ଅଭିଯୁକ୍ତ କୃଷ୍ଣଚନ୍ଦ୍ର, ଅମରଜିତ ଓ ମହେଶ୍ୱର ପଲସରରେ ଆସି ତାଙ୍କ କାର ଆଗରେ ବାଇକକୁ ରଖି ଅଟକାଇଥିଲେ। ଅଜୟଙ୍କୁ ବନ୍ଧୁକ ଦେଖାଇ ନିସ୍ତୁକ ମାଡ଼ମାରି ତାଙ୍କ କାର ଲୁଟିନେଇଥିଲେ। ଏନେଇ ଅଭିଯୋଗ ହେବା ପରେ ଖଣ୍ଡଗିରି ଥାନା ପୋଲିସ ତଦନ୍ତ ଆରମ୍ଭ କରିଥିଲା। ପୁରୁଣା ଫାଇଲ୍‌ ଖୋଲି ଅପରାଧୀଙ୍କୁ ଚିହ୍ନଟ କରି ସେମାନଙ୍କ ଗତିବିଧି ଉପରେ ନଜର ରଖିଥିଲା। ଅଭିଯୁକ୍ତମାନେ ଲୁଟ୍‌ କାର ବିକ୍ରି କରୁଥିବାବେଳେ ଖଣ୍ଡଗିରି ଅଞ୍ଚଳରେ ଚଢ଼ାଉ କରି ଦୁଇଜଣଙ୍କୁ ଧରିଥିଲା। ତାଙ୍କୁ ପଚରାଉଚରା କରି ଅନ୍ୟ ଦୁଇଜଣଙ୍କୁ ବୌଦ୍ଧ କଣ୍ଟାମାଳରୁ ଗିରଫ କରିଥିଲା। ଏମାନଙ୍କ ନାମରେ ଖଣ୍ଡଗିରି, ଜଟଣୀ, ନୟାପଲ୍ଲୀ ଓ ମଞ୍ଚେଶ୍ୱର ଥାନାରେ ଏକାଧିକ ମାମଲା ରହିଥିବା ପୋଲିସ କହିଛି।
ମିଳିଲା ଅନେକ ସୁରାକ୍‌, ରିମାଣ୍ଡରେ ଆଣିପାରେ ପୋଲିସ
ସିଆର୍‌ପି ଛକ ନିକଟରେ ରହୁଥିବା ବ୍ୟବସାୟୀ ଶିବ ସୁନ୍ଦରଙ୍କ କାର ଲୁଟ୍‌ ପଛରେ ଏହି ଗ୍ୟାଙ୍ଗ୍‌ର ହାତଥିବା ପୋଲିସ ତଦନ୍ତରୁ ଜାଣିବାକୁ ପାଇଛି। ପୋଲିସ ସେମାନଙ୍କୁ ପଚରାଉଚରା କରିଥିଲେ ମଧ୍ୟ ସେମାନେ ଏନେଇ ମଧ୍ୟ କିଛି ମୁହଁ ଖୋଲି ନାହାନ୍ତି। ତେଣୁ ପୋଲିସ ସେମାନଙ୍କୁ ରିମାଣ୍ଡରେ ଆଣି ଅନ୍ୟ ଲୁଟ୍‌ ଘଟଣାର ପର୍ଦ୍ଦାଫାସ କରିବାକୁ ଆଶା ରଖିଛି।


All Right Reserved By Dharitri.Com

ଦୁର୍ଦ୍ଦାନ୍ତ ଅପରାଧି ଗୁଗୁ ଖୁଣ୍ଟିଆ ଗିରଫ

କଟକ ଅଫିସ, ୧୩।୧୧: ମଧୁପାଟଣା ପୋଲିସ ମଙ୍ଗଳବାର ଜଣେ ପେସାଦାର ଅପରାଧୀଙ୍କୁ ଗିରଫ କରିଛି। ସେ ହେଲେ କଟକ ଜିଲା ତିନିଘରିଆ ଅଞ୍ଚଳର ଗୁଗୁ ଓରଫ...

ଆରମ୍ଭ ହେଲା ଧରପଗଡ଼: ଯାଞ୍ଚବେଳେ ପୋଲିସ-ଜନତା ମୁହାଁମୁହିଁ

କଟକ ଅଫିସ,୨।୧୨: ଡିସେମ୍ବର ପହିଲାରୁ ଟ୍ରାଫିକ ଚେକିଂ ଜୋର୍‌ଦାର ହେବ ବୋଲି ପୂର୍ବରୁ ଘୋଷଣା ହୋଇଥିଲା। ସରକାର ଗାଡ଼ି କାଗଜପତ୍ର ଯାଞ୍ଚ ଉପରେ ୩ମାସ କୋହଳ...

ଯୁବକଙ୍କୁ ହତ୍ୟା ଉଦ୍ୟମ ଘଟଣା: ୩ ଗିରଫ, ୨ ଖଣ୍ଡା ଜବତ

ବ୍ରହ୍ମପୁର ଅଫିସ,୧୭।୫: ଗଞ୍ଜାମ ଜିଲା ବଡବଜାର ପୋଲିସ ଗୁରୁବାର ରାତିରେ ଟୁଟୁ ହାତୀ ହତ୍ୟାଉଦ୍ୟମ ଘଟଣାରେ ୩ ଅଭିଯୁକ୍ତଙ୍କୁ ଗିରଫ କରିଛି। ସେମାନଙ୍କଠାରୁ ୨ଟି ଖଣ୍ଡା...

ଆଇଏଏସ୍‌ ବିଜୟ କେତନଙ୍କୁ ଜାମିନ

ଭୁବନେଶ୍ୱର,୩।୨(ବ୍ୟୁରୋ): ଆଇଏଏସ୍‌ ବିଜୟ କେତନ ଉପାଧ୍ୟାୟଙ୍କୁ ସୋମବାର ହାଇକୋର୍ଟ ଜାମିନ ମଞ୍ଜୁର କରିଛନ୍ତି। ନିମ୍ନ ଅଦାଲତ ଜାମିନର ସର୍ତ୍ତ ସ୍ଥିର କରିବ ବୋଲି ହାଇକୋର୍ଟ ନିର୍ଦ୍ଦେଶ...

ଡକାୟତି ଯୋଜନା ପଣ୍ଡ : ରିଭଲଭର ଜବତ, ୩ ଗିରଫ

ଚୌଦ୍ୱାର, ୨୩ା୬(ଡି.ଏନ୍‌.ଏ.) : ଚୌଦ୍ୱାର ପୋଲିସ ୩ କୁଖ୍ୟାତ ଅପରାଧୀଙ୍କୁ ଗିରଫ କରି ରବିବାର କୋର୍ଟଚାଲାଣ କରିଛି। ସେମାନଙ୍କଠାରୁ ଗୋଟିଏ ଦେଶୀ ରିଭଲଭର ଓ ହୋଣ୍ଡା...

୨୯୯ ଅଧ୍ୟାପକଙ୍କୁ ନିଯୁକ୍ତିପତ୍ର ପ୍ରଦାନ କଲେ ମୁଖ୍ୟମନ୍ତ୍ରୀ: ଉଚ୍ଚଶିକ୍ଷାରେ ଗବେଷଣାକୁ ଗୁରୁତ୍ୱ ଦିଆଯାଉଛି

ଭୁବନେଶ୍ୱର,୨୬।୧୦(ବ୍ୟୁରୋ): ଶିକ୍ଷକମାନେ ହେଉଛନ୍ତି ସମାଜର ପଥ ପ୍ରଦର୍ଶକ। ପିଲାଙ୍କ ଭବିଷ୍ୟତ ଗଠନ ସହ ସେମାନେ ଛାତ୍ରୀଛାତ୍ରଙ୍କ ସୃଜନଶୀଳତାକୁ ପରିପ୍ରକାଶ କରିବା ପାଇଁ ଉତ୍ସାହିତ କରିଥାନ୍ତି। ସେମାନଙ୍କୁ...

ନିମାପଡ଼ାରେ ବ୍ୟାପୁଛି ଝାଡ଼ାବାନ୍ତି :୭ ଦିନରେ ୧ହଜାରରୁ ଊର୍ଦ୍ଧ୍ୱ ଆକ୍ରାନ୍ତ

ନିମାପଡ଼ା, ୯।୬(ଡି.ଏନ୍‌.ଏ.)-ପ୍ରଳୟଙ୍କରୀ ବାତ୍ୟା ପରେ ନିମାପଡ଼ା ବ୍ଲକରେ ଝାଡାବାନ୍ତି ବ୍ୟାପିବାରେ ଲାଗିଛି। ଗତ ୭ଦିନ ମଧ୍ୟରେ ୧ହଜାରରୁ ଊର୍ଦ୍ଧ୍ୱ ଲୋକ ଆକ୍ରାନ୍ତ ହୋଇ ନିମାପଡ଼ା ଓ...

ଲୋକଙ୍କ ସମସ୍ୟା ସମାଧାନ ପାଇଁ ସ୍ବାସ୍ଥ୍ୟ ବିଭାଗର ପଦକ୍ଷେପ: ଫେସ୍‌ବୁକ, ଟୁଇଟରରେ କରିପାରିବେ ଅଭିଯୋଗ

ଭୁବନେଶ୍ୱର,୧।୮(ବ୍ୟୁରୋ): ଜନସାଧାରଣଙ୍କୁ ଏବେ ସ୍ବାସ୍ଥ୍ୟଜନିତ ସମସ୍ୟା ଜଣାଇବାକୁ ଏଣେତେଣେ ବୁଲିବାକୁ ପଡିବନି। ଏଣିକି ସୋସିଆଲ ମିଡିଆରେ ସ୍ବାସ୍ଥ୍ୟ ସମ୍ପର୍କିତ ଅଭିଯୋଗ ହୋଇପାରିବ। ସ୍ବାସ୍ଥ୍ୟସେବାକୁ ଲୋକଙ୍କ ନିକଟତର...

Leave a comment

Your email address will not be published. Required fields are marked *