କମୁନି ଚଳନ୍ତା ଟ୍ରେନରୁ କୋଇଲା ଚୋରି

ଭଦ୍ରକ ଅଫିସ, ୨୮।୬ – ଭଦ୍ରକ-ଧାମରା ରେଳପଥରେ ଚଳନ୍ତା ଟ୍ରେନରୁ କାଇଲା ଚୋରି କମୁନି। ଏହି କୋଇଲା ଚୋରା ଚାଲାଣ ଦିନକୁ ଦିନ ବଢ଼ିବାରେ ଲାଗିଛି। ଦିନଦ୍ୱିପ୍ରହରେ ଚଳନ୍ତା ଟ୍ରେନରୁ କୋଇଲା ଚୋରି କରାଯାଉଥିଲେ ମଧ୍ୟ ଏଥିପ୍ରତି ପୋଲିସ କିମ୍ବା ବନ୍ଦର କର୍ତ୍ତୃପକ୍ଷ ଦୃଷ୍ଟି ଦେଉ ନ ଥିବା ଅଭିଯୋଗ ହେଉଛି। ଏପଟେ ଚୋରା କୋଇଲାକୁ ପରିବହନ କରିବା ପାଇଁ ଦିନ ପରିବର୍ତ୍ତେ ରାତିରେ ଜଳପଥ ଯୋଗେ ଚାଲାଣ ଏକପ୍ରକାର ସୁରକ୍ଷିତ ସମୟ ମଣିଲେଣି କୋଇଲା ବେପାରୀ। ଚଳନ୍ତା ଟ୍ରେନରୁ କୋଇଲା କାଢ଼ିବା ପାଇଁ ଉଦ୍ୟମ କରୁଥିବା ବେଳେ ବିଦ୍ୟୁତ୍‌ ଖୁଣ୍ଟରୁ ପଡ଼ି ୧୦ ରୁ ଊର୍ଦ୍ଧ୍ୱ ବେସରକାରୀ ଭାବେ ମୃତ୍ୟୁବରଣ ଓ ଗୁରୁତର ଆହତ ହେଲେଣି। ତଥାପି ବେପାରୀମାନେ ଏହି ଚୋରା ବେପାର ଛାଡୁନାହାନ୍ତି।
ପ୍ରକାଶ ଯେ, ଲୋକେ ରେଳ ଲାଇନ କଡ଼ରେ ଥିବା ବିଦ୍ୟୁତ୍‌ ଖୁଣ୍ଟକୁ ଚଢ଼ି ଚଳନ୍ତା ଟ୍ରେନରୁ କୋଇଲା ଖସାଇଥାନ୍ତି। ସେମାନେ ଏହି କୋଇଲାକୁ ବେପାରୀଙ୍କୁ ବିକ୍ରି କରିଥାନ୍ତି। ବେରୋଜଗାରୀ ଲୋକେ ବିପଜନ୍ନକ ଅବସ୍ଥାରେ ଏଭଳି କୋଇଲା ସଂଗ୍ରହ କରି ବିକି ଆସୁଥିବା ଘଟଣା ନେଇ ବାରମ୍ବାର ଅଭିଯୋଗ ହେବା ସତ୍ତ୍ବେ ପ୍ରଶାସନ ଓ ପୋଲିସ କୌଣସି ପଦକ୍ଷେପ ନେଉ ନ ଥିବା କୁହାଯାଉଛି। ଗତବର୍ଷ ବିଦ୍ୟୁତ୍‌ ଖୁଣ୍ଟରୁ ଖସି ପଡ଼ି ଜଣେ ଯୁବକଙ୍କ ମୃତ୍ୟୁ ଘଟିବା ପରେ ପୋଲିସ ଓ ପ୍ରଶାସନର ନିଦ ଭାଙ୍ଗିଥିଲା। ତତ୍କାଳୀନ ଏସ୍‌ପି ଅନୁପ କୁମାର ସାହୁ ଓ ଜିଲାପାଳ ଜ୍ଞାନରଞ୍ଜନ ଦାସଙ୍କ ନିର୍ଦ୍ଦେଶକ୍ରମେ ଚୋରା କୋଇଲା ମାଫିଆଙ୍କୁ ଧରିବା ପାଇଁ ଏକ ବ୍ଲ୍ୟୁପ୍ରିଣ୍ଟ ପ୍ରସ୍ତୁତ କରାଯାଇଥିଲା। ହେଲେ ଏହି ବ୍ଲ୍ୟୁପ୍ରିଣ୍ଟ କିଛିଦିନ କାମ କରିଥିଲା। ଏବେ ଏହା ଫାଇଲ୍‌ ତଳେ ଚାପି ହୋଇଯାଇଛି।
ଧାମରାରୁ ଯାଉଥିବା ଚଳନ୍ତା ଟ୍ରେନରୁ କୋଇଲା ଚୋରି ପଛରେ ପୋଲିସର ସହମତି ରହୁଥିବା ଅଞ୍ଚଳବାସୀ ଅଭିଯୋଗ କରିଆସୁଛନ୍ତି। ଦୈନିକ ଶତାଧିକ କୁଇଣ୍ଟାଲ ଉଚ୍ଚମାନର କୋଇଲା ଚଳନ୍ତା ଟ୍ରେନରୁ ଲୁଟ୍‌ ହେଉଛି। ଧାମରା ବନ୍ଦର କର୍ତ୍ତୃପକ୍ଷ କର୍ମଚାରୀ ଅଭାବ ଦର୍ଶାଇ ଏଥିପ୍ରତି ଧ୍ୟାନ ଦେଉ ନ ଥିବାବେଳେ ଧାମରା, ନାୟକାଣିଡିହୀ, ବାଂଶଡା, ଘଣ୍ଟେଶ୍ୱର, ପୀରାହାଟ, ତିହିଡି ଓ ସାବରଙ୍ଗ ଫାଣ୍ଡି, ଚାନ୍ଦବାଲି, ଭଦ୍ରକ ଗ୍ରାମାଞ୍ଚଳ ଥାନା ପୋଲିସ ନୀରବଦ୍ରଷ୍ଟା ସାଜିଛି। ପ୍ରତିଦିନ ଚଳନ୍ତା ଟ୍ରେନରୁ ବିପଦପୂର୍ଣ୍ଣ ଭାବେ ରେଳଲାଇନ କଡ଼ରେ ଥିବା ବିଦ୍ୟୁତ୍‌ ଖୁଣ୍ଟ ଉପରେ ଚଢ଼ି ଆଙ୍କୁଡା ସାହାଯ୍ୟରେ କୋଇଲା ଚୋରି କରି ତଳକୁ ପକାଇବା କାର୍ଯ୍ୟରେ ନାବାଳକଙ୍କଠାରୁ ମଧ୍ୟବୟସ୍କ ଲୋକ ଲିପ୍ତ ରହୁଥିବା କୁହାଯାଉଛି। ରାତିଅଧରେ ସ୍ଥଳଭାଗରେ ବିଭିନ୍ନ ସ୍ଥାନରେ ଚଢ଼ାଉ କରାଯିବାରୁ ଏବେ ଜଳପଥରେ ନଦୀ ପାର୍‌ କରାଯାଇ ଯାଜପୁର, କେନ୍ଦ୍ରାପଡ଼ା ଓ ଭଦ୍ରକର ବିଭିନ୍ନ ଅଞ୍ଚଳକୁ କୋଇଲା ଚୋରା ଚାଲାଣ କରାଯାଉଛି। ପୋଲିସ ଛୋଟମୋଟ ବେପାରୀଙ୍କୁ ଧରି ବାହାବା ନେଉଥିବା ବେଳେ ପ୍ରକୃତ କୋଇଲା ମାଫିଆଙ୍କୁ ଧରିବାକୁ ସାହସ କରୁ ନ ଥିବା ଅଞ୍ଚଳବାସୀ ଅଭିଯୋଗ କରିଛନ୍ତି। ଏହାକୁ ରୋକିବା ପାଇଁ ଏସ୍‌ପି ରାଜେଶ ପଣ୍ଡିତ ସ୍ବତନ୍ତ୍ର ଦୃଷ୍ଟିଦେଇ ପଦକ୍ଷେପ ନେବେ ବୋଲି କହିଛନ୍ତି। ସ୍ବତନ୍ତ୍ର ଭାବେ ଚଢ଼ାଉ କରାଯାଇ ଏ ଦିଗରେ ଆବଶ୍ୟକ ପଦକ୍ଷେପ ନିଆଯିବ ବୋଲି ଜିଲାପାଳ ଜ୍ଞାନରଞ୍ଜନ ଦାସ କହିଛନ୍ତି।


All Right Reserved By Dharitri.Com

ଦେଢ ବର୍ଷ ହେଲା ବସ୍ତ୍ର ବିତରଣ କେନ୍ଦ୍ରରେ ପଡ଼ିଛି ତାଲା

ବଡବିଲ, ୧୧।୭(ସ୍ବ.ପ୍ର.)-କେନ୍ଦୁଝର ଜିଲା ବଡବିଲ ତହସିଲ କାର୍ଯ୍ୟାଳୟ ପରିସରରେ ପ୍ରଶାସନ ପକ୍ଷରୁ ବ୍ୟବହାର ଉପଯୋଗୀ ବସ୍ତ୍ର ଓ ଆସବାବପତ୍ର ଦାତାଙ୍କ ଠାରୁ ଗ୍ରହଣ କରାଯାଇ ଗରିବ...

ଜଉକଣ୍ଢେଇ ବାହାଘର:ମନମୋହିଲା ଚଢ଼େୟା ନାଚ

ବାଲେଶ୍ୱର ଅଫିସ, ୨।୬-ବାଲେଶ୍ୱରର ଲୋକପର୍ବ ଜଉକଣ୍ଢେଇ ବାହାଘର ଅବସରରେ ବିଭିନ୍ନ କାର୍ଯ୍ୟକ୍ରମ ଗାନ୍ଧୀ ସ୍ମୃତି ଭବନରେ ଅନୁଷ୍ଠିତ ହେଉଛି। ଚତୁର୍ଥ ସନ୍ଧ୍ୟାରେ ଭଜନ ଓ ଲୋକସଙ୍ଗୀତ...

ଦୃଷ୍ଟି ଆଢ଼ୁଆଳରେ ଝିକରା ଜଳପ୍ରପାତ

କେନ୍ଦୁଝର, ୧୨ା୭(ସ୍ବ.ପ୍ର.)-ବଣପାହାଡ ଘେରା କେନ୍ଦୁଝର ଜିଲାରେ ବହୁ ପ୍ରାକୃତିକ ଝରଣା ଏବଂ ଜଳପ୍ରପାତ ରହିଛି ା ରକ୍ଷଣାବେକ୍ଷଣ ଅଭାବରୁ ସେସବୁ ଲୋପ ପାଇବାକୁ ବସିଛି ା...

ଟଳୁନି ବୈତରଣୀ ସେତୁ ବିପଦ

ଆନନ୍ଦପୁର,୧୦। ୭(ସ୍ବ.ପ୍ର.): ଆନନ୍ଦପୁର ବୈତରଣୀ ସେତୁ ପ୍ରତି ବିପଦ ଟଳିବାର ନାଁ ଧରୁନି। ବର୍ଷକ ତଳେ ଏକ ପିଲାରରୁ ବିୟରିଂ ଖସି ବିପଦ ସୃଷ୍ଟି ହୋଇଥିବାବେଳେ...

ଆଗ ଥଇଥାନ, ପରେ ଉଚ୍ଛେଦ: ମେଳି କରି ଦାବି କଲେ ବ୍ୟବସାୟୀ

ବାଲେଶ୍ୱର ଅଫିସ, ୨୦।୯-ବାଲେଶ୍ୱର ଓଟିରୋଡ୍‌ର କୁରୁଡ଼ା ବାଇପାସ୍‌ରୁ ରେମୁଣା ଗୋଲେଇ ପର୍ଯ୍ୟନ୍ତ ରାସ୍ତାର ସମ୍ପ୍ରସାରଣ ପାଇଁ ଉଭୟପାର୍ଶ୍ୱରେ ଜବରଦଖଲକାରୀ ଦୋକାନୀଙ୍କୁ ପ୍ରଶାସନ ପକ୍ଷରୁ ଉଚ୍ଛେଦ କରାଯିବା...

ଯୁବକଙ୍କ ଗୁପ୍ତାଙ୍ଗ ସହ ବେକ କାଟି ହତ୍ୟା: ପୋଲିସର ତଦନ୍ତ ଆରମ୍ଭ

ସଜନାଗଡ଼,୧୦।୮(ଡି.ଏନ୍‌.ଏ.): ବାଲେଶ୍ବର ଜିଲା ନୀଳଗିରି ଥାନା ଜାମୁଢିଆ ପଞ୍ଚାୟତ କେସୁରା ଗ୍ରାମରେ ଶୁକ୍ରବାର ବିଳମ୍ବିତ ରାତିରେ ଜଣେ ଯୁବକଙ୍କ ବେକ ଓ ଗୁପ୍ତାଙ୍ଗ କାଟି ହତ୍ୟା...

ବିଲ ଭିତରକୁ ପଶିଗଲା ଟ୍ରକ : ଅଳ୍ପକେ ବର୍ତ୍ତିଲେ ଡ୍ରାଇଭର ଓ ହେଲପର

କୋଳିମାଟି,୬ା୬(ଡି.ଏନ୍‌.ଏ.): କେନ୍ଦୁଝର ଜିଲା ଆନନ୍ଦପୁର ବ୍ଲକ ଘଷିପୁରା ଥାନା ଅଧୀନରେ ଥିବା ୨୦ନଂ ଜାତୀୟ ରାଜ କୋଳିମାଟି ଛକ ନିକଟରେ ବୁଧବାର ରାତିରେ ଘଟଗାଁ ପଟରୁ...

ଏସ୍‌ଏଚଜିରୁ ୫ ଲକ୍ଷ ଟଙ୍କା ଠକେଇ

ବାଲେଶ୍ୱର ଅଫିସ,୧୬।୭-ବାଲେଶ୍ୱର ରୂପ୍‌ସା ଥାନା ବାଖରାବାଦ ଅଞ୍ଚଳର ଶିବବାବା ଏସ୍‌ଏଚ୍‌ଜି(ସ୍ବୟଂ ସହାୟକ ଗୋଷ୍ଠୀ) ଏବଂ ଲକ୍ଷ୍ମୀନାରାୟଣ ଏସ୍‌ଏଚଜିର ସଦସ୍ୟା ଥିବା ଜଣେ ମହିଳା ୫ ଲକ୍ଷରୁ...

Leave a comment

Your email address will not be published. Required fields are marked *