ଆସୁଛି ରଥଯାତ୍ରା, ଭାଙ୍ଗିଛି ମଠବାଡ଼ି: ହୀନସ୍ତା ହେବେ ସାଧୁସନ୍ଥ, ଶ୍ରଦ୍ଧାଳୁ

ପୁରୀ ଅଫିସ, ୨୭ା୬: ଜୁଲାଇ ୪ରେ ରଥଯାତ୍ରା। ଏଥିପାଇଁ ପୁରୀରେ ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ସମେତ ବହୁ ସାଧୁସନ୍ଥ ଆସିବେ। ହେଲେ ଚଳିତବର୍ଷ ଏମାନେ ଆଶ୍ରୟ ନେବାକୁ ହୀନସ୍ତା ହେବା ଜଳ ଜଳ ଦିଶୁଛି। ବାତ୍ୟାରେ ଭାଙ୍ଗିଯାଇଥିବା ପୁରୀର ମଠବାଡ଼ି ଏ ପର୍ଯ୍ୟନ୍ତ ମରାମତି ହୋଇପାରିନାହିଁ। ସରକାରଙ୍କ ପକ୍ଷରୁ କୌଣସି ସହାୟତା ମିଳୁ ନ ଥିବାବେଳେ ସମ୍ବଳ ଅଭାବରୁ ନିଜସ୍ବ ଉଦ୍ୟମରେ ମଠଗୁଡ଼ିକୁ ସଜାଡ଼ି ପାରୁନାହାନ୍ତି ମଠାଧୀଶ। ତେଣୁ ରଥଯାତ୍ରାକୁ ଦୃଷ୍ଟିରେ ରଖି ନିଖିଳ ଉତ୍କଳ ମଠ, ମନ୍ଦିରାଧୀଶ ସେବା ସଂଘ ପକ୍ଷରୁ ଆଇନମନ୍ତ୍ରୀ ପ୍ରତାପ ଜେନାଙ୍କୁ ସ୍ମାରକପତ୍ର ଦିଆଯିବା ସହ ଆଇନ ସଚିବଙ୍କ ଦୃଷ୍ଟି ଆକର୍ଷଣ କରାଯାଇଛି।
ପ୍ରତିବର୍ଷ ରଥଯାତ୍ରାରେ ଶ୍ରୀକ୍ଷେତ୍ର ଆସିଥାନ୍ତି ଦେଶବିଦେଶର ଶ୍ରଦ୍ଧାଳୁ। ଭାରତର ବିଭିନ୍ନ ରାଜ୍ୟର ସାଧୁସନ୍ଥ ମଧ୍ୟ ଏହି ମାଟିରେ ପାଦ ପକାଇଥାନ୍ତି। ରଥଯାତ୍ରା ଠାରୁ ନୀଳାଦ୍ରିବିଜେ ପର୍ଯ୍ୟନ୍ତ ଏଠାରେ ଶ୍ରଦ୍ଧାଳୁ, ସାଧୁସନ୍ଥଙ୍କ ଗହଳି ଲାଗେ। ଆଧ୍ୟାତ୍ମିକ ପରିବେଶରେ ଉଛୁଳିପଡ଼େ ବଡ଼ଦାଣ୍ଡ। ସମସ୍ତଙ୍କୁ ଆତିଥେୟତାର ଡୋରିରେ ବାନ୍ଧିଥାଏ ପୁରୁଷୋତ୍ତମ କ୍ଷେତ୍ର। ଏହି ସମୟରେ ଅନେକ ଶ୍ରଦ୍ଧାଳୁ ମଠବାଡ଼ି, ଧର୍ମଶାଳା ପ୍ରଭୃତିରେ ରହିଥାନ୍ତି। ଅନେକ ଲୋକ ନିଜ ଗୁରୁମଠରେ ଅବସ୍ଥାନ କରିଥାନ୍ତି। ସାଧୁସନ୍ଥ ଆସିଲେ ବିଭିନ୍ନ ମଠରେ ଆଶ୍ରୟ ନେଇଥାନ୍ତି। ମଠରେ ସେମାନଙ୍କ ରହିବା, ଖାଇବା ବ୍ୟବସ୍ଥା କରାଯାଏ। କେତେକ ମଠର ମଠାଧୀଶ ମଧ୍ୟ ଶ୍ରଦ୍ଧାଳୁଙ୍କ ଖାଦ୍ୟପେୟ କଥା ବୁଝିଥାନ୍ତି। ଘରକୁ ଫେରିବାବେଳେ ଯିଏ ଯାହା ସ୍ବଇଚ୍ଛାରେ ମଠକୁ ଦାନ କରିଥାନ୍ତି। ମଧ୍ୟବିତ୍ତ ଓ ଆର୍ଥିକ ଦୃଷ୍ଟିକୋଣରୁ ଅସ୍ବଚ୍ଛଳ ଲୋକଙ୍କ ପାଇଁ ମଠବାଡ଼ି ବେଶ୍‌ ସହାୟକ ହୋଇଥାଏ। ହେଲେ ଏବେ ମଠଗୁଡ଼ିକ ଦେବାଳିଆ ହୋଇଯାଇଛନ୍ତି। ବାତ୍ୟା ଫନୀରେ ଅନେକ ମଠ ଭାଙ୍ଗିରୁଜି ଯାଇଛି। ଫଳରେ ସାଧୁସନ୍ଥ ଓ ଶ୍ରଦ୍ଧାଳୁଙ୍କୁ ସେବା ଯୋଗାଇବା ନେଇ ଚିନ୍ତା ବଢିଛି। ନେବଳ ଦାସ ମଠ ମହନ୍ତ ଡ. ରାମଚରଣ ଦାସଙ୍କ ସୂଚନା ମୁତାବକ, ବାତ୍ୟାରେ ଶ୍ରୀକ୍ଷେତ୍ରର ପ୍ରାୟ ୪୦ରୁ ଅଧିକ ମଠ ସମ୍ପୂର୍ଣ୍ଣ ଭାବେ କ୍ଷତିଗ୍ରସ୍ତ ହୋଇଛି। ଅଧିକାଂଶ ମଠର ଏକାଧିକ ଘର ଭାଙ୍ଗିଯାଇଛି। ପୂର୍ବରୁ ରଥଯାତ୍ରା ସମୟରେ ଦେଶର ବିଭିନ୍ନ ପ୍ରାନ୍ତରୁ ଆସୁଥିବା ଶ୍ରଦ୍ଧାଳୁମାନେ ମଠ, ମନ୍ଦିର, ଧର୍ମଶାଳାରେ ରହିବାକୁ ପସନ୍ଦ କରିଥାନ୍ତି। କାରଣ ହୋଟଲରେ ରହିବା ପାଇଁ ସେମାନଙ୍କର ସମ୍ବଳ ନ ଥାଏ। ତେଣୁ ମଠରେ ରହି ଘୋଷଯାତ୍ରାଠୁ ନିଳାଦ୍ରୀବିଜେ ପର୍ଯ୍ୟନ୍ତ ସବୁ ଦର୍ଶନ କରିଥାନ୍ତି। ସେହିପରି ଦ୍ୱାରକା, ହରିଦ୍ୱାର, ବୃନ୍ଦାବନ ପ୍ରଭୃତି ସ୍ଥାନରୁ ସାଧୁସନ୍ଥମାନେ ରଥଯାତ୍ରା ଦେଖିବାକୁ ପୁରୀ ଆସିଥାନ୍ତି। ସେମାନେ ବାହାରେ କେଉଁଠି ଖାଆନ୍ତି ନାହିଁ। ତେଣୁ ବିଭିନ୍ନ ମଠରେ ରହିଥାନ୍ତି। ମଠ ମହନ୍ତମାନେ ସେମାନଙ୍କ ରହିବା, ଖାଇବା ଇତ୍ୟାଦି ବୁଝିଥାନ୍ତି। ହେଲେ ଚଳିତବର୍ଷ ମଠଗୁଡ଼ିକ ଭାଙ୍ଗିରୁଜି ଯାଇଥିବାରୁ ସମସ୍ୟା ଉପୁଜିଛି।
ଇତିମଧ୍ୟରେ ବାତ୍ୟାର ଦେଢମାସ ବିତିଗଲାଣି। ମାତ୍ର ଏପର୍ଯ୍ୟନ୍ତ ମଠଗୁଡ଼ିକର ପୁନରୁଦ୍ଧାର ପାଇଁ ସରକାର କୌଣସି ପଦକ୍ଷେପ ନେଇନାହାନ୍ତି। ଗତ ୨୪ତାରିଖରେ ନିଖିଳ ଉତ୍କଳ ମଠ, ମନ୍ଦିରାଧୀଶ ସେବା ସଂଘ ପକ୍ଷରୁ ଆଇନମନ୍ତ୍ରୀ ଏବଂ ସଚିବଙ୍କୁ ସ୍ମାରକପତ୍ର ଦିଆଯାଇଥିଲା। ସଂଘ କାର୍ଯ୍ୟକାରୀ ସଭାପତି ମହନ୍ତ ଡ. ରାମଚରଣ ଦାସ ମହାରାଜ, ସମ୍ପାଦକ ମହନ୍ତ ବିଜୟ ରାମାନୁଜ ଦାସ, ଉପସଭାପତି ମହନ୍ତ ନାରାୟଣ ରାମାନୁଜ ଦାସ, କୋଷାଧ୍ୟକ୍ଷ ମହନ୍ତ ରାମକୃଷ୍ଣ ଦାସ ମହାରାଜ ପ୍ରମୁଖ ଏହି ସ୍ମାରକପତ୍ର ଦେଇଥିଲେ। ପୂର୍ବରୁ ଜିଲାପାଳଙ୍କୁ ମଧ୍ୟ ଲିଖିତ ଭାବେ ଅବଗତ କରାଯାଇଥିଲା। ହେଲେ ଅଦ୍ୟାବଧି ପ୍ରଶାସନିକ ତଦନ୍ତ ହୋଇନାହିଁ କି ସହାୟତା ମିଳିନାହିଁ। ତେଣୁ ରଥଯାତ୍ରାରେ ମଠାଧୀଶମାନେ ସାଧୁସନ୍ଥ, ଭକ୍ତଙ୍କୁ କିପରି ଆତିଥେୟତା ଦେବେ ଓ ମହାପ୍ରଭୁଙ୍କ ସେବା ସହ ଜଡ଼ିତ ମଠଗୁଡ଼ିକ କିପରି ସେବା ଯୋଗାଇବେ ତାହା ଚିନ୍ତାର କାରଣ ହୋଇଛି।


All Right Reserved By

ବହୁଚର୍ଚ୍ଚିତ ଗମ୍ଭାରୀ-ବେଲପଡ଼ା ରାସ୍ତା: ଆରମ୍ଭ ହେଲା ବିଭାଗୀୟ ତଦନ୍ତ

ଖପ୍ରାଖୋଲ, ୧୩।୬(ଡି.ଏନ,ଏ.): ବଲାଙ୍ଗୀର ଜିଲା କଣ୍ଟାବାଞ୍ଜି ପୂର୍ତ୍ତ ବିଭାଗ ଡିଭିଜନ ଅନ୍ତର୍ଗତ ବେଲପଡା-ଗମ୍ଭାରୀ ରାସ୍ତା ନିର୍ମାଣର ମାନ ନିର୍ଦ୍ଧାରଣ ପାଇଁ ବୁଧବାର ବିଭାଗୀୟ ତଦନ୍ତ ଆରମ୍ଭ...

ଆହୁରି ୨ ଦିନ ବର୍ଷିବ

ଭୁବନେଶ୍ୱର, ୧୩।୮(ବ୍ୟୁରୋ): ଲଘୁଚାପ ପ୍ରଭାବରେ ଆଗାମୀ ୨ ଦିନ ଯାଏ ରାଜ୍ୟରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ୧୪ ଜିଲାରେ ବର୍ଷା...

‘ମିଷ୍ଟର କହ୍ନେୟା’ ପୋଷ୍ଟର ବିବାଦ: ପ୍ରଯୋଜକଙ୍କୁ ନୋଟିସ

ଭୁବନେଶ୍ୱର,୨୦।୮(ବ୍ୟୁରୋ): ଓଡ଼ିଆ ଫିଲ୍ମ ‘ମିଷ୍ଟର କହ୍ନେୟା’ର ପୋଷ୍ଟରରକୁ ନେଇ ବିବାଦ ଲାଗିରହିଛି। ଫିଲ୍ମ ପ୍ରଯୋଜକ ସୀତାରାମ ଅଗ୍ରଓ୍ବାଲଙ୍କୁ ମଙ୍ଗଳବାର ଭୁବନେଶ୍ୱର ମହିଳା ଥାନା ପକ୍ଷରୁ ନୋଟିସ...

ସାଲେପୁର ବିଧାନସଭା ଆସନ: କଂଗ୍ରେସ ଭୋଟବ୍ୟାଙ୍କ୍‌ ଉପରେ ବିଜେଡି, ଭାଜପାର ନଜର

ନିର୍ମଳ ପଣ୍ଡା/ କଟକ ଅଫିସ, ୨୫ ।୪- ଏପ୍ରିଲ ୨୯ ଚତୁର୍ଥ ପର୍ଯ୍ୟାୟରେ ସାଲେପୁର ବିଧାନସଭା ଆସନରେ ଭୋଟ ଗ୍ରହଣ କରାଯିବ। କଟକ ଜିଲାର ଏହି...

ରେଭେନ୍ସା ବିଶ୍ୱବିଦ୍ୟାଳୟରେ ସ୍ବାଧୀନତା ଦିବସ : ୫୦ ମିଟର ତ୍ରିରଙ୍ଗା ଧରି ପରିକ୍ରମା କଲେ ଛାତ୍ରୀଛାତ୍ର

କଟକ ଅଫିସ, ୧୫।୮: ରେଭେନ୍ସା ବିଶ୍ୱବିଦ୍ୟାଳୟରେ ଗୁରୁବାର ୭୩ତମ ସ୍ବାଧୀନତା ଦିବସ ପାଳିତ ହୋଇଯାଇଛି। ଏହି ଅବସରରେ ବିଶ୍ୱବିଦ୍ୟାଳୟର ଛାତ୍ରୀଛାତ୍ରଙ୍କ ଦ୍ୱାରା ୫୦ ମିଟରର ଏକ...

୧୩ ରାଉଣ୍ଡ ସୁଦ୍ଧା ବୌଦ୍ଧରେ ବିଜେଡି ଆଗୁଆ

ବୌଦ୍ଧ,୨୩।୫: ୧୩ ରାଉଣ୍ଡ ଗଣତି ଶେଷ ସୁଦ୍ଧା ବୌଦ୍ଧ ବିଧାନସଭା ଆସନରେ ବିଜେଡି ପ୍ରାର୍ଥୀ ପ୍ରଦୀପ ଅମାତ ଆଗରେ ଅଛନ୍ତି। ପ୍ରଦୀପ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ...

କାଠଯୋଡିରେ ବୁଡି ଘରୋଇ ଇଞ୍ଜିନିୟରିଂ ଛାତ୍ର ନିଖୋଜ

ବାରଙ୍ଗ,୨୬ା୫(ଡି.ଏନ୍‌.ଏ.): କଟକସ୍ଥିତ ନରାଜ ଆନିକଟ ପାଖ କାଠଯୋଡିରେ ବୁଡି ରବିବାର ମଧ୍ୟାହ୍ନରେ ଜଣେ ଘରୋଇ ଇଞ୍ଜିନିୟରିଂ କଲେଜର ଛାତ୍ର ନିଖୋଜ ଅଛନ୍ତି। ସେ ହେଉଛନ୍ତି ଝାଡଖଣ୍ଡର...

ଖଣ୍ଡଗିରିରୁ ଇନୋଭା ଲୁଟ ଘଟଣା ଯଦୁପୁରରୁ ଗାଡି ଜବତ, ୨ଜଣଙ୍କୁ ଧରିଲା ପୋଲିସ

ଭୁବନେଶ୍ୱର,୨୫।୬(ବ୍ୟୁରୋ): ଗତ ସପ୍ତାହରେ ଖଣ୍ଡଗିରି ଅଞ୍ଚଳରୁ ଲୁଟ୍‌ ହୋଇଥିବା ଏକ ଇନୋଭା ଗାଡ଼ିକୁ ସ୍ପେଶାଲ ସ୍କ୍ବାଡ ପୋଲିସ ଯଦୁପୁରରୁ ଜବତ କରିଛି। ଏହି ଘଟଣାରେ ସମ୍ପୃକ୍ତ...

selfi corner

Model This Week

Why Dharitri

Leave a comment

Your email address will not be published. Required fields are marked *