ଖବରଦାତାଙ୍କ ସହ ନୂଆ ଜିଲାପାଳଙ୍କ ସୌଜନ୍ୟମୂଳକ ଆଲୋଚନା: ତହସିଲ, ବ୍ଲକ, ଆର୍‌ଟିଓ କାର୍ଯ୍ୟାଳୟରେ ରହିବ ମତାମତ ବାକ୍ସ

ଜଗତ୍‌ସିଂହପୁର ଅଫିସ,୨୭ା୬: ଏଣିକି ଜଗତ୍‌ସିଂହପୁର ଜିଲାର ସମସ୍ତ ତହସିଲ, ବ୍ଲକ ଓ ଆର୍‌ଟିଓ କାର୍ଯ୍ୟାଳୟରେ ରହିବ ମତାମତ ବାକ୍ସ। ଫଳରେ ଏହି କାର୍ଯ୍ୟାଳୟକୁ ଯାଉଥିବା ଲୋକେ ଠିକ ଭାବେ ସେବା ପାଇଲେ କି ନାହିଁ ସେ ସମ୍ପର୍କରେ ମତାମତ ଲେଖି ବାକ୍ସରେ ପକାଇବେ। ଫର୍ମ ଦେବାନେବା ଦାୟିତ୍ୱରେ ଜଣେ କର୍ମଚାରୀ ନିୟୋଜିତ ରହିବେ। ପ୍ରତି ୧୫ ଦିନ କିମ୍ବା ୧ ମାସରେ ଏହି ବାକ୍ସ ଖୋଲାଯିବ। ତାହା ଯେ କେହି ଖୋଲିପାରିବେ ନାହିଁ। ସେ କିମ୍ବା ତାଙ୍କ ନିର୍ଦ୍ଦେଶରେ କୌଣସି ଅଧିକାରୀ ଏହା ଖୋଲିବେ। ଏଭଳି ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି ନୂଆକରି ଯୋଗ ଦେଇଥିବା ଜିଲାପାଳ ସଂଗ୍ରାମ କେଶରୀ ମହାପାତ୍ର। ସେ କହିଛନ୍ତି, ମଧ୍ୟପ୍ରଦେଶ ସରକାର ସେ ରାଜ୍ୟରେ ମତାମତ ବ୍ୟବସ୍ଥା କରିଛନ୍ତି। ତେଣୁ ଜଗତ୍‌ସିଂହପୁର ଜିଲାରେ ଏହା ପ୍ରଚଳନ ହେଲାପରେ ଲୋକେ ସୁଦୂର ପ୍ରସାରି ଫଳ ପାଇବେ। ବୁଧବାର ଜିଲାପାଳଙ୍କ କାର୍ଯ୍ୟାଳୟ ପରିସର ସଦ୍‌ଭାବନା ସଭାଗୃହରେ ଖବରଦାତାଙ୍କ ସହ ସୌଜନ୍ୟମୂଳକ ଆଲୋଚନା ଅବସରରେ ଜିଲାପାଳ ଏହା କହିଛନ୍ତି। କେବଳ ଏତିକି ନୁହେଁ ରେସିଡେଣ୍ଟ (ଘର), କାଷ୍ଟ (ଜାତି) ଓ ଲିଗାଲ ହେୟାର (ଉତ୍ତରାଧିକାରୀ) ସାର୍ଟିଫିକେଟ୍‌ ପାଇବା ପାଇଁ ଅନେକ ଲୋକ ଅସୁବିଧାର ସମ୍ମୁଖୀନ ହେଉଛନ୍ତି। ଜିଲାପାଳ ଏହି ପ୍ରସଙ୍ଗକୁ ଗମ୍ଭୀରତାର ସହ ନେଇ ଜୁଲାଇ ୧୫ ତାରିଖ ସୁଦ୍ଧା ସବୁଗୁଡିକର ସମାଧାନ ପାଇଁ ନିର୍ଦ୍ଦେଶ ଦେଇଛନ୍ତି। ଯଦି କୌଣସି ତହସିଲଦାର, ଅତିରିକ୍ତ ତହସିଲଦାର କିମ୍ବା ଅନ୍ୟ କର୍ମଚାରୀ ସମାଧାନ ନ କରି ପାଖରେ ରଖନ୍ତି ତେବେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ଅନୁରୂପ ଭାବେ ଜମିଜମା ସଂକ୍ରାନ୍ତ ଅର୍ଥାତା ମ୍ୟୁଟେସନ୍‌ ଆଦି ମାମଲା ୪/୫ ବର୍ଷ ଯାଏ ପାଖରେ ରଖିଲେ ହେବ ନାହିଁ। ତୁରନ୍ତ ସେଗୁଡିକୁ ଫଏସଲା କର ନ ଚେତ ତ୍ରୁଟି ଥିଲେ ବରଖାସ୍ତ କରିବାକୁ ପଡିବ। ଏହା ହେଲେ ରାଜସ୍ବ ବିଭାଗର ଗୁଣାତ୍ମକ ବୃଦ୍ଧି ଘଟିବ ବୋଲି ଜିଲାପାଳ କହିଥିଲେ। ନିଜ କଥା ଉଠାଇ ଜିଲାପାଳ କହିଥିଲେ ସେ ଯାହା କୁହନ୍ତି ତାହା କରନ୍ତି। ତେଣୁ ଅଫିସରମାନେ ମଧ୍ୟ ତାହା କରିବା ଉଚିତ। ୩ୟ ବାଟରେ ନ ଯିବା ପାଇଁ ସେ ଅଧିକାରୀଙ୍କୁ କହିଛନ୍ତି। ଅଧିକାରୀମାନେ ତାଙ୍କ ବାଟରେ ହେଉ ନ ଚେତ ଉପର ବାଟରେ ଯିବାକୁ ପରାମର୍ଶ ଦେଇଛନ୍ତି। ସବୁଠାରୁ ବଡ କଥା ହେଲା ଅଧିକାରୀମାନେ ସେମାନଙ୍କ ଶ୍ରମଠାରୁ ଅଧିକ ୩୦% ଶ୍ରମ ଦେବାକୁ ପଡିବ। ଏଥିରେ ଅନେକ ଅଫିସର ରାଜି ହୋଇ ଅଧିକ ସମୟ କାମ କରିବେ ବୋଲି ପ୍ରତିଶ୍ରୁତି ଦେଇଥିବା ଜିଲାପାଳ କହିଥିଲେ। ଯେହେତୁ ସେ ଜିଲାର ପୁଅ ତେଣୁ ତାଙ୍କ ପାଇଁ ଅଧିକାରୀମାନେ ଏଭଳି କରିବେ ବୋଲି ଆଶାବାଦୀ ଅଛନ୍ତି। ସେ ବିଭିନ୍ନ ସରକାରୀ କାର୍ଯ୍ୟାାଳୟ ଅତର୍କିତ ପରିଦର୍ଶନ(ସରପ୍ରାଇଜ୍‌ ଭିଜିଟ୍‌) କରିବେ। ଅନ୍ୟ ଅଧିକାରୀମାନେ ମଧ୍ୟ ଅନୁରୂପ କରିବେ। ଜିଲାପାଳ ଯଦି ବାସଗୃହ ଭିତରେ ସୀମିତ ରହିବେ ତେବେ ଜିଲାର ଉନ୍ନତି ଏହି ପାଚେରି ଭିତରେ ରହିଯିବ ବୋଲି ମତ ରଖିଥିଲେ। ତେଣୁ ଜିଲା ପ୍ରଶାସନ ଡୋର ଷ୍ଟେପ୍‌ରେ ପହଞ୍ଚତ୍ବା ଆବଶ୍ୟକ।
ଜିଲାରେ ବୈଷୟିକ ଜ୍ଞାନର ସର୍ବାଧିକ ବ୍ୟବହାର ହେଉନି। ଯଦି ଜିଲାପାଳଙ୍କ ପାଖକୁ ୧୦ ଜଣ ବିଭିନ୍ନ ଅଭିଯୋଗ ନେଇ ପହଞ୍ଚିଥାନ୍ତିି ଏବଂ ଜିଲାପାଳଙ୍କଠାରୁ ଏହି ଫାଇଲ ଚାଲିଯାଏ ତେବେ କୁଆଡେ ଗଲା ପରବର୍ତ୍ତୀ ସମୟରେ ତାହା ଚିହ୍ନଟ କରି ହେଉନାହିଁ। ତେଣୁ ଏଥିରେ ବ୍ୟାପକ ପରିବର୍ତ୍ତନ କରାଯିବ। ଏହିଭଳି ଜିଲାରେ ଅନେକ ସମସ୍ୟା ରହିଛି। ଦୀର୍ଘ ବର୍ଷର ଏହିସବୁ ସମସ୍ୟାର ସମାଧାନ ରାତାରାତି ହୋଇପାରିବ ନାହିଁ। ତଥାପି ଯଥା ସମ୍ଭବ ଚେଷ୍ଟା ହେବ। ଜିଲା ମୁଖ୍ୟାଳୟରେ ଏକ ଭଲ ଷ୍ଟାଡିୟମ ନାହିଁ। କ୍ରୀଡାର ଉନ୍ନତି କିପରି ହେବ ବୋଲି ସେ ପ୍ରଶ୍ନ କରିବା ସହ ଏହା ଉପରେ ପଦକ୍ଷେପ ନିଆଯିବ ବୋଲି ସୂଚନା ଦେଇଥିଲେ। ଜଗତ୍‌ସିଂହପୁର ପୌର ପରିଷଦ ଅଞ୍ଚଳର ପରିମଳ ବ୍ୟବସ୍ଥାରେ ବ୍ୟାପକ ସୁଧାର ଆସିବା ପାଇଁ ଚେଷ୍ଟା ହେବ। ଜିଲାରେ ଯେଉଁଭଳି ସିଥିଳତା ସୃଷ୍ଟି ହୋଇଛି ତାକୁ କ୍ରିୟାଶୀଳ କରାଯିବ ବୋଲି ଜିଲାପାଳ କହିଥିଲେ। ଆଲୋଚନାରେ ଅନ୍ୟମାନଙ୍କ ମଧ୍ୟରେ ଜଗତ୍‌ସିଂହପୁର ଅତିରିକ୍ତ ଜିଲାପାଳ ସଚିଦାନନ୍ଦ ସାହୁ, ଉପଜିଲାପାଳ ମହେନ୍ଦ୍ର ପ୍ରସାଦ ମହାନ୍ତି, ଜିଲା ସୂଚନା ଓ ଲୋକ ସମ୍ପର୍କ ଅଧିକାରୀ କାମିନୀ ରଞ୍ଜନ ପଟ୍ଟନାୟକଙ୍କ ସମେତ ଗଣମାଧ୍ୟମ ପ୍ରତିନିଧିମାନେ ଉପସ୍ଥିତ ଥିଲେ।


All Right Reserved By

ପଞ୍ଚାୟତ ସଭା ଚାଲିଥିବା ବେଳେ ତଡ଼ା ଖାଇଲେ ସରପଞ୍ଚଙ୍କ ସ୍ବାମୀ

ଆନନ୍ଦପୁର,୩୦।୫: ଘଷିପୁରା ବ୍ଲକ ବଳରାମପୁର ପଞ୍ଚାୟତରେ ଅଭାବନୀୟ ଘଟଣା ଦେଖିବାକୁ ମିଳିଛି। ପଞ୍ଚାୟତର ସଭା ଚାଲିଥିବା ବେଳେ ସରପଞ୍ଚଙ୍କ ସ୍ବାମୀଙ୍କୁ ତଡ଼ା ଖାଇବାକୁ ପଡ଼ିଛି। ସୂଚନାଯୋଗ୍ୟ,...

ଭାଜପାରେ ଯୋଗଦେଲେ ଅଶ୍ୱିନୀ ବୈଷ୍ଣବ

ଭୁବନେଶ୍ୱର,୨୨।୬(ବ୍ୟୁରୋ): ଭାଜପା ରାଜ୍ୟ ସଭା ପ୍ରାର୍ଥୀ ଅଶ୍ୱିନୀ ବୈଷ୍ଣବ ଶନିବାର ବିଧିବଦ୍ଧ ଭାବେ ଭାଜପାରେ ଯୋଗ ଦେଇଛନ୍ତି। ଭାଜପା ରାଜ୍ୟ ସଭାପତି ତଥା କଳାହାଣ୍ଡି ଏମ୍‌ପି...

ପିଡିଙ୍କ ଭାପୁର ବ୍ଲକ ଗସ୍ତସ୍ବଚ୍ଛ ଭାରତ ମିଶନ କାର୍ଯ୍ୟକ୍ରମ ନେଇ ତାଗିଦ୍‌

ଦ୍ଭାପୁର/ଖଣ୍ଡପଡ଼ା,୨୪ା୬(ଡି.ଏନ୍‌.ଏ./ସ୍ବ.ପ୍ର.): ନୟାଗଡ଼ ଜିଲା ପ୍ରକଳ୍ପ ନିର୍ଦ୍ଦେଶକ ଅନାମ ଚରଣ ପାତ୍ରଙ୍କ ଭାପୁର ବ୍ଲକ ଗସ୍ତ ଅବସରରେ ଶନିବାର ବ୍ଲକ ସମ୍ମିଳନୀ କକ୍ଷରେ ଏକ ବୈଠକ ଅନୁଷ୍ଠିତ...

ଧନୀଙ୍କ ପସନ୍ଦ ଦୁବାଇ

ଭୁବନେଶ୍ୱର,୧୮ା୭(ବ୍ୟୁରୋ):ସଂଯୁକ୍ତ ଆରବ ଏମିରେଟ୍ସ(ୟୁଏଇ)ର ପ୍ରମୁଖ ସହର ଦୁବାଇର ଦୃଢ଼ ଆର୍ଥିକ ବ୍ୟବସ୍ଥା, ଉଚ୍ଚତମ ଅଟ୍ଟାଳିକା, ଉନ୍ନତମାନର ଅନ୍ତଃରାଷ୍ଟ୍ରୀୟ ବିଦ୍ୟାଳୟ ଓ ବିଶ୍ୱବିଦ୍ୟାଳୟ, ବ୍ୟବସାୟ ପ୍ରତିଷ୍ଠାନ, ସୌନ୍ଦର୍ଯ୍ୟଭରା...

ଲୋକ ସଭା ଫଳାଫଳ:କାମ ଦେଲା ନବୀନଙ୍କ ମହିଳା କାର୍ଡ

ଭୁବନେଶ୍ୱର, ୨୪-୫9 (ବ୍ୟୁରୋ):ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଚଳିତ ନିର୍ବାଚନରେ ୩୩ ପ୍ରତିଶତ ମହିଳାଙ୍କୁ ଲୋକ ସଭା ଆସନରେ ପ୍ରାର୍ଥୀ କରିଥିଲେ। ସେମାନଙ୍କ...

ଆଳିରେ ବିଜେଡି ୧୨୫୧ ଭୋଟରେ ଆଗୁଆ

କେନ୍ଦ୍ରାପଡ଼ା ଅଫିସ୍‌, ୨୩।୫- ଆଳି ବିଧାନସଭା ଆସନରେ ବିଜେଡି ପ୍ରାର୍ଥୀ ପ୍ରତାପ ଦେବ କଂଗ୍ରେସ ପ୍ରାର୍ଥୀ ଦେବେନ୍ଦ୍ର ଶର୍ମାଙ୍କଠାରୁ ୧୨୫୧ ଭୋଟରେ ଆଗୁଆ। ଦେବେନ୍ଦ୍ର ଶର୍ମା...

ଆୟୋଗ ବିରୋଧରେ ଅପପ୍ରଚାରକୁ ଓପିଏସ୍‌ସିର ଖଣ୍ଡନ: -ଅପପ୍ରଚାର କଲେ ପରବର୍ତ୍ତୀ ପରୀକ୍ଷାରୁ ବଞ୍ଚିତ ହେବେ

ଭୁବନେଶ୍ୱର,୮।୮(ବ୍ୟୁରୋ)- ଓଡିଶା ସିଭିଲ୍‌ ସର୍ଭିସ୍‌-୨୦୧୫ ଏବଂ ସହକାରୀ ଉପବିଭାଗ ଅଧିକାରୀ-୨୦୧୮(ଏ.ଏସ୍‌.ଓ) ପରୀକ୍ଷାରେ ଅନିୟମିତତା ହୋଇଥିବା ଅଭିଯୋଗ ହୋଇଥିଲା। ହେଲେ ଓଡ଼ିଶା ଲୋକସେବା ଆୟୋଗ ପକ୍ଷରୁ ଗୁରୁବାର...

ସ୍କାଏଲାଇଟ୍‌ ଭାଙ୍ଗି ଡ୍ରେସ୍‌ ଦୋକାନରୁ ଲୁଟ୍‌ ଅଭିଯୋଗ

ବିଞ୍ଝାରପୁର ,୩ା୬(ଡି.ଏନ୍‌.ଏ.)- ବିଞ୍ଝାରପୁର ଥାନା ଅନ୍ତର୍ଗତ ମଇଁନ୍ଦା ଛକରେ ଥିବା ଏକ ଡ୍ରେସ୍‌ ଦୋକାନରୁ ରବିବାର ବିଳମ୍ବିତ ରାତିରେ ଲୁଟ୍‌ ହୋଇଥିବା ଅଭିଯୋଗ ହୋଇଛି। ଦୋକାନର...

selfi corner

Model This Week

Why Dharitri

Leave a comment

Your email address will not be published. Required fields are marked *