ଇ-ମୂଲ୍ୟାୟନ କେନ୍ଦ୍ରରେ ରହୁନି ଇଣ୍ଟରନେଟ୍‌

ବ୍ରହ୍ମପୁର ଅଫିସ୍‌,୨୬ା୪- ଶିକ୍ଷା କ୍ଷେତ୍ର ଭଳି ଏକ ସମ୍ବେଦନଶୀଳ ବିଷୟକୁ ନେଇ ରାଜ୍ୟ ସରକାର କେମିତି ଖାମଖିଆଲ ମନୋଭାବ ରଖୁଛନ୍ତି, ତାହା ଯୁକ୍ତ ୨ ଖାତାଦେଖାରେ ସୃଷ୍ଟି ହୋଇଥିବା ବିଭ୍ରାଟରୁ ପ୍ରମାଣିତ ହେଉଛି। ବର୍ତ୍ତମାନ ଯୁକ୍ତ ୨ ଖାତା ମୂଲ୍ୟାୟନ ଚାଲିଛି। ମାନୁଆଲ୍‌ ବା ଅଫ୍‌ଲାଇନ୍‌ ଏବଂ ଇ-ମୂଲ୍ୟାୟାନ ବା ଅନ୍‌ଲାଇନ୍‌ରେ ଖାତା ମୂଲ୍ୟାୟନ କରାଯାଉଛି। ତେବେ ଆଶ୍ଚର୍ଯ୍ୟର ବିଷୟ ହେଲା ଇ-ମୂଲ୍ୟାୟାନ କେନ୍ଦ୍ରରେ ଖାତା ମୂଲ୍ୟାୟନ କାର୍ଯ୍ୟ ଅନ୍‌ଲାଇନ୍‌ରେ ହେଉଥିବା ବେଳେ ବ୍ରହ୍ମପୁରରେ ଥିବା କେନ୍ଦ୍ରରେ ଇଣ୍ଟର୍‌ନେଟ ସଂଯୋଗ ରହୁନି। ପ୍ରାୟତଃ ଇଣ୍ଟରନେଟ୍‌ ସଂଯୋଗ ବିଚ୍ଛିନ୍ନ ରହୁଛି। ଫଳରେ ଖାତା ଦେଖା ଗୁରୁତର ପ୍ରଭାବିତ ହେଉଛି। ଅଧ୍ୟାପିକା ଅଧ୍ୟାପକମାନେ କେନ୍ଦ୍ରରେ ବସି ବସି ଫେରିଯାଉଛନ୍ତି।  ତଥାପି ବିଭାଗ ତରଫରୁ କୌଣସି କାର୍ଯ୍ୟାନୁଷ୍ଠାନ ନିଆଯାଉନାହିଁ।  ଯେ, ଏପ୍ରିଲ୍‌ ୮ ତାରିଖରୁ ପ୍ରଥମ ପର୍ଯ୍ୟାୟ ଯୁକ୍ତ ୨ ଖାତାଦେଖା ବର୍ତ୍ତମାନ ସୁଦ୍ଧା ଚାଲିଛି। ପ୍ରଥମ ପର୍ଯ୍ୟାୟ ମୂଲ୍ୟାୟନ ନିମନ୍ତେ ଦକ୍ଷିଣାଞ୍ଚଳର ୮ଟି ଜିଲାରେ ୯୯ଟି ଟେବୁଲ୍‌ରେ ମୋଟ ୬୯୨ ଜଣ ପରୀକ୍ଷକ ନିୟୋଜିତ ହୋଇଛନ୍ତି। ପ୍ରଥମ ପର୍ଯ୍ୟାୟ ମାନୁଆଲ ମୂଲ୍ୟାୟନ ପ୍ରାୟ ଶେଷ ପର୍ଯ୍ୟାୟରେ ପହଞ୍ଚିଛି। ହେଲେ ଇ-ମୂଲ୍ୟାୟନ ସରୁନି। ଆସନ୍ତା ୩୦ତାରିଖ ସୁଦ୍ଧା ସାରିବାକୁ ବିଭାଗ ଲକ୍ଷ୍ୟ ରଖିଥିବା ବେଳେ ଏହାକୁ ନେଇ ଆଶଙ୍କା ସୃଷ୍ଟି ହୋଇଛି। କାରଣ ଇ-ମୂଲ୍ୟାୟନ କେନ୍ଦ୍ରରେ ଇଣ୍ଟର୍‌ନେଟ୍‌ ସଂଯୋଗ ବିଚ୍ଛିନ୍ନ ହୋଇଯାଉଛି। ପ୍ରଥମ ପର୍ଯ୍ୟାୟ ଇ-ମୂଲ୍ୟାୟନ ନିମନ୍ତେ ୫ କେନ୍ଦ୍ରରେ ୪୦ଟି ଟେବୁଲରେ ୩୦୮ ପରୀକ୍ଷକ ନିୟୋଜିତ ହୋଇଛନ୍ତି। ବ୍ରହ୍ମପୁରରେ ଗିରି ରୋଡ୍‌ ସ୍ଥିତ ଏକ ଘରୋଇ ପ୍ରତିଯୋଗିତାମୂଳକ ଶିକ୍ଷାନୁଷ୍ଠାନରେ ଇ-ମୂଲ୍ୟାୟାନ କରାଯାଉଛି। ଏହି କେନ୍ଦ୍ରରେ ୩୦ କମ୍ପ୍ୟୁଟର୍‌(ପିସି) ଏବଂ ୧୦ଟି ଲ୍ୟାପଟପ୍‌ ରଖାଯାଇଛି। ଦୁଇଟି ସିଟିଂରେ ଖାତା ଦେଖାଯାଉଛି। ସକାଳ ୮ଟାରୁ ଦିନ ୧ଟା ଏବଂ ଦିନ ୧ଟାରୁ ଅପରାହ୍ନ ୪ଟା। ମୋଟ ୬୨ଜଣ ଅଧାପିକା ଏବଂ ଅଧ୍ୟାପକ ଖାତା ଦେଖା କାର୍ଯ୍ୟରେ ନିୟୋଜିତ ହୋଇଛନ୍ତି। ତେବେ ଏହି ଇ-ମୂଲ୍ୟାୟନ କେନ୍ଦ୍ରରେ ସମସ୍ୟା ହେଲା ଇଣ୍ଟର୍‌ନେଟ୍‌। ପ୍ରଥମ ତିନି ଦିନ ଅର୍ଥାତ୍‌ ଏପ୍ରିଲ୍‌ ୮ରୁ ୧୦ତାରିଖ ପର୍ଯ୍ୟନ୍ତ ଆଦୌ ଇଣ୍ଟରନେଟ୍‌ ସଂଯୋଗ ରହିଲାନି।

ଆରମ୍ଭରୁ ହିଁ ଗୁରୁତର ବିଭ୍ରାଟ ଦେଖିବାକୁ ମିଳିଲା। ଅଧ୍ୟାପିକା ଅଧ୍ୟାପକମାନେ କେନ୍ଦ୍ରକୁ ଆସି ଇଣ୍ଟରନେଟ୍‌କୁ ଅପେକ୍ଷା କରି କରି ଶେଷରେ ନିରାଶ ହେଲେ। ଏଣୁ ଏହି ତିନି ଦିନ ପ୍ରାୟତଃ ଖାତା ଦେଖା ହୋଇପାରିଲା ନାହିଁ। ପରବର୍ତ୍ତୀ ଦିନଗୁଡ଼ିକରେ ଇଣ୍ଟର୍‌ନେଟ୍‌ ସଂଯୋଗ ରହୁଥିଲେ ମଧ୍ୟ ତାହା କଟିଯାଉଥିଲା। ଫଳରେ ସ୍ବାଭାବିକ ଭାବେ ଖାତା ଦେଖା ହୋଇପାରିଲାନି। ଏବେ ପୁଣି ଥରେ ଗତ କିଛି ଦିନ ହେଲା ଇଣ୍ଟର୍‌ନେଟ୍‌ ସଂଯୋଗ ଏକ ପ୍ରକାର ବିଚ୍ଛିନ୍ନ ହୋଇଯାଇଛି। ଖାତା ଦେଖା ଅଧା ହୋଇଥିବ, ସଂଯୋଗ କଟିଯାଉଛି, ଯାହାକୁ ନେଇ ଅଧ୍ୟାପିକା ଅଧ୍ୟାପକମାନେ ହଇରାଣ ହେଉଛନ୍ତି। ସକାଳ ୮ଟା ସୁଦ୍ଧା ସେମାନେ କେନ୍ଦ୍ରରେ ପହଞ୍ଚି ଯାଉଛନ୍ତି। କିନ୍ତୁ ଇଣ୍ଟର୍‌ନେଟ୍‌  ସଂଯୋଗ  ରହୁନାହିଁ। ଗୁରୁବାର ଏଭଳି ସମସ୍ୟା ଦେଖିବାକୁ ମିଳିଥିଲା। ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଆଦୌ ଇଣ୍ଟର୍‌ନେଟ୍‌ ନ ଥିଲା। ପ୍ରଥମ ସିଟିଂ ଖାତା ଦେଖା ହୋଇପାରିଲା ନାହିଁ। ଦ୍ୱିତୀୟ ସିଟିଂ ମଧ୍ୟ ଇଣ୍ଟର୍‌ନେଟ୍‌ ସମସ୍ୟା ଯୋଗୁ ପ୍ରଭାବିତ ହେଲା। ତେବେ କେତେକ ଅଧ୍ୟାପିକା ଅଧ୍ୟାପକ ଏକ କାମଚଳା ବ୍ୟବସ୍ଥା କାର୍ଯ୍ୟକାରୀ କରିଛନ୍ତି। ଲ୍ୟାପଟପ୍‌ରେ ହଟ୍‌ସ୍ପଟ୍‌(ୱାଇ-ଫାଇ) ସୁବିଧା ଥାଏ। ଏଣୁ ସେମାନେ ମୋବାଇଲ୍‌ର ଇଣ୍ଟର୍‌ନେଟ୍‌କୁ ହଟ୍‌ସ୍ପଟ୍‌ ଜରିଆରେ ଲ୍ୟାପଟପ୍‌ରେ ସଂଯୋଗ କରି ଖାତା ମୂଲ୍ୟାୟନ କରୁଛନ୍ତି। କିନ୍ତୁ କମ୍ପ୍ୟୁଟର୍‌(ପିସି)ରେ ଏ ସୁବିଧା ନ ଥିବା ଯୋଗୁ ମୂଲ୍ୟାୟାନ ବନ୍ଦ ହୋଇଯାଉଛି। ନିୟମିତ ମୂଲ୍ୟାୟନକାରୀମାନେ ଏଭଳି ଅସୁବିଧାର ସମ୍ମୁଖୀନ ହେଉଥିଲେ ମଧ୍ୟ ବିଭାଗ ତରଫରୁ ଇ-ମୂଲ୍ୟାାନ କେନ୍ଦ୍ର ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉନାହିଁ।

ଅନ୍ୟପଟେ ପ୍ରଥମ ପର୍ଯ୍ୟାୟ ଇ-ମୂଲ୍ୟାୟନ ଶେଷ ହୋଇ ନ ଥିବା ବେଳେ ମେ’ ପହିଲାରୁ ଦ୍ୱିତୀୟ ପର୍ଯ୍ୟାୟ ଆରମ୍ଭ ହେଉଛି। ଏଣୁ ଖାତା ମୂଲ୍ୟାୟନ କାର୍ଯ୍ୟ ନିର୍ଦ୍ଦାରିତ ସମୟରେ ଶେଷ ହେବା ନେଇ ସନ୍ଦେହ ସୃଷ୍ଟି ହୋଇଛି।


All Right Reserved By Dharitri.Com

ବାର୍‌ହା, କୁଟୁରା ଛାଲ ଜବତ: ଅଭିଯୁକ୍ତ ଫେରାର

ବୁଗୁଡ଼ା,୨୦ା୧୧(ଡି.ଏନ.ଏ.)- ବୁଗୁଡ଼ା ବ୍ଲକ ଅନ୍ତର୍ଗତ ସଙ୍କୁରୁ ରାସ୍ତାରେ ମଙ୍ଗଳବାର ଅପରାହ୍ନରେ ଏକ ଏକ୍ସେଲ ଗାଡ଼ିରୁ ବାର୍‌ହା ଓ କୁଟୁରା ଛାଲ ଏବଂ ୨୫୦ ଗ୍ରାମ ମାଂସ...

କଲେଜ ପ୍ରତିଷ୍ଠା ଦିବସରେ ଅଧ୍ୟକ୍ଷଙ୍କ ବିୟୋଗ

ଭଞ୍ଜନଗର,୨୬ା୭(ଡି.ଏନ.ଏ.)- ଗଞ୍ଜାମ ଜିଲା ବେଲଗୁଣ୍ଠା ବ୍ଲକ କ୍ଷତ୍ରିୟବରପୁର ଆଞ୍ଚଳିକ ବିଜ୍ଞାନ ମହାବିଦ୍ୟାଳୟ ଅଧ୍ୟକ୍ଷ ଅମୂଲ୍ୟ ଦାସ (୫୯)ଙ୍କ ଶୁକ୍ରବାର ରାତିରେ ଅକାଳ ବିୟୋଗ ଘଟିଛି। ପ୍ରତିଷ୍ଠା...

କ୍ରଶର ମିଲ୍‌ ହଟାଇବାକୁ ଉପଜିଲାପାଳଙ୍କୁ ଦାବିପତ୍ର ଦାବିପୂରଣ ନ ହେଲେ ଆନ୍ଦୋଳନ

ବ୍ରହ୍ମପୁର ଅଫିସ,୩୧ା୧୨-ବ୍ରହ୍ମପୁର-ଲାଠି ମୁଖ୍ୟରାସ୍ତା ପାର୍ଶ୍ୱରେ ଚାଲୁ ରହିଥିବା କ୍ରଶର ମିଲ ସମ୍ପୂର୍ଣ୍ଣ ବେଆଇନ ା ଏହାକୁ ତୁରନ୍ତ ହଟାଇବାକୁ ଅଞ୍ଚଳବାସୀ ଦାବି କରିଛନ୍ତି ା ଏ...

ବେଆଇନ କ୍ଲିନିକ ଉପରେ ପ୍ରଶାସନର ଚଢାଉ:  ବାହାରେ ତାଲା, ଭିତରେ ରୋଗୀ ଚିକିତ୍ସା

ଦିଗପହଣ୍ଡି,୫ା୧(ଡି.ଏନ.ଏ.)-ଦିଗପହଣ୍ଡି ବସ୍‌ଷ୍ଟାଣ୍ଡ ନିକଟ ମୁଖ୍ୟରାସ୍ତା କଡ଼ରେ ଥିବା ସାଗର ପାଥୋଲୋଜି ଏବଂ କଲ୍ୟାଣୀ ମେଡ଼ିସିନ ଷ୍ଟୋର ଓ କ୍ଲିନିକ୍‌ରେ ଶନିବାର ପୁଣିଥରେ ପ୍ରଶାସନିକ ଚଢାଉ କରାଯାଇଥିଲା।...

ଏଚ୍‌ଏଣ୍ଡୟୁଡି ବିଭାଗ ନିର୍ଦ୍ଦେଶନାମାକୁ ବିଏମ୍‌ସିର ବେଖାତିର

ବ୍ରହ୍ମପୁର ଅଫିସ,୨୨ା୧୨-ବ୍ରହ୍ମପୁର ମହାନଗର ନିଗମ ୩୮ ନଂ. ୱାର୍ଡ ଆଙ୍କୋଲି ଖଳାସାହି ବସ୍ତି ଅଞ୍ଚଳର ୭ ଉଚ୍ଛେଦ ପରିବାରକୁ ଆରଏୱାଇ(ରାଜୀବ ଆବାସ ଯୋଜନା) ଗୃହରୁ ବଞ୍ଚିତ...

ଆୟ ବହିର୍ଭୂତ ସମ୍ପତ୍ତି ଠୁଳ ମାମଲା : ପୋଲିସ ଏସ୍‌ଆଇଙ୍କୁ ଜେଲ, ଜରିମାନା

ବ୍ରହ୍ମପୁର ଅଫିସ,୨୪ା୧୨-ଗଞ୍ଜାମ ଜିଲା ସ୍ବତନ୍ତ୍ର ଭିଜିଲାନ୍ସ ଜଜ ସୁବ୍ରତ ମହାନ୍ତି ସୋମବାର ଏକ ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାର ବିଚାର କରି ତତ୍କାଳୀନ ଗଜପତି...

ସୁନାରିତୋଟା ସାହି ରାସ୍ତାରେ ଆଣ୍ଠୁଏ ପାଣି

ପୁରୁଷୋତ୍ତମପୁର,୨୭ା୯(ଡି.ଏନ.ଏ.)- ପୁରୁଷୋତ୍ତମପୁର ଏନ୍‌ଏସିରେ ପରିମଳ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡିଛି। ଡ୍ରେନ ସଫେଇ, ନିର୍ମାଣ ଲାଗି ଦୀର୍ଘଦିନ ହେଲା ୱାର୍ଡନଂ.୯ ରଥସାହି, ସୁନାରିତୋଟାସାହିବାସୀ ଦାବି କରିଆସୁଥିଲେ ମଧ୍ୟ...

ଶାନ୍ତ, ଭଦ୍ର, ନମ୍ର ଭାବନା ଉତ୍ତମ ପରିବେଶ ଦିଏ: ଗଜପତି

ସୋରଡ଼ା,୨୭ା୧୨(ଡି.ଏନ୍‌.ଏ.) -ସମାଜରେ ସବୁବର୍ଗର ଜନସାଧାରଣ ଶାନ୍ତ, ଭଦ୍ର, ନମ୍ରତା ଭାବ ରଖିବା ସହ ପ୍ରତିଟି ସମୟରେ ସକାରାତ୍ମକ ଚିନ୍ତାଧାରା ରଖିଲେ ସମାଜକୁ ଉତ୍ତମ ପରିବେଶ କରିହେବ।...

Leave a comment

Your email address will not be published. Required fields are marked *