ଲାଠୋରରେ ପ୍ରଧାନମନ୍ତ୍ରୀ ଆବାସ ଯୋଜନା ବାଟବନା: ପକାଘର ପାଏବାରୁ ବଁଚିତ ଗରିବ ପରିବାର

ଲାଠୋର, ୨୬ା୪ (ଡି.ଏନ.ଏ):  ସରକାରୀ ନିୟମ ଅନ୍‌ସାରେ ଏସ୍‌ଇସିସି ତାଲିକାରେ ଯେନ୍‌ମାନକର ନଁା ଥିବା ଆର ଘରଦୁଆର ନାଇଁଥିବା ସେମାନକୁ ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ କରି ପକା ଘର ଯୁଗେଇ ଦେବାର ବେବସ୍‌ତା ରହିଛେ। ଭାରତ ସରକାରକଁର ଗ୍ରାମ୍ୟ ବିକାଶ ମନ୍ତ୍ରଣାଳୟ ତରଫୁ ଗଲା ୨୦୧୧ ସାଲେ ଜନଗଣନା କରାଯାଇଥିଲା। ସେ ତାଲିକା ହିସାବେ ଗଁାଗଁଲିର ଗରିବ୍‌ ପରିବାରମାନକୁ ପକା ଘର ଯୁଗେଇ ଦିଆଯାଉଛେ। ହେଲେ ସେତେବେଲେ ଇ ଜନଗଣନାରେ ଯେନ୍‌ମାନେ ନିୟାଜିତ ଥିଲେ ସେମାନକର ଭୁଲଭଟକା ଲାଗି ଅନେକ ଗରିବ ପରିବାର ଏସ୍‌ଇସିସି ତାଲିକାରୁ ବାଦ୍‌ ପଡ଼ିଛନ୍‌। ଇ ଗରିବ୍‌ ପରିବାରମାନେ ସରକାରୀ କରମଚାରୀକର ଭୁଲ ଲାଗି ଆଏଜ୍‌ ବି ଯୋଜନାର ସୁଫଲ ପାଏବାରୁ ବଁଚିତ୍‌ ହେଇ ରହିଛନ୍‌। ଏନ୍‌ତା ଗୁଟେ ଉଦାହରନ୍‌ ଦେଖ୍‌ବାକେ ମିଲିଛେ ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଲାଠୋର ଗଁାରେ। ଲାଠୋର ଗଁାର କାର୍ତ୍ତିଆପଡ଼ା, ହସପିଟାଲ ପଡ଼ା, ଖଇରାପଡ଼ା, କଲୋନିପଡ଼ା ଆର ଉନିଆ ପଡ଼ାମାନକେ ଶହ ଶହ ଗରିବ ପରିବାର ଘର ଅଭାବୁ ଝଁାଟିମାଟି କୁରିଆମାନକେ ବଡ଼ା ଗୁଲଗୁଲା ହେଇ ରହୁଛନ୍‌। ଯେନ୍‌ମାନକର ଏସ୍‌ଇସିସି ତାଲିକାରେ ନଁା ନାଇଁ ସେମାନକୁ ତାଲିକାରେ ସାମିଲ କରବାର ଲାଗି ଗଲା ୨୦୧୭ରେ ଆବେଦନ କରବାର ଲାଗି କୁହାଯାଇଥିଲା। ପାଖାପାଖି ୯ଶହ ଗରିବ୍‌ ହିତାଧିକାରୀ ପକାଘର ପାଏବାର ଆଶ୍‌ରେ ପଁଚେତ୍‌ରେ ଆବେଦନ କରିଥିବାର କଥା ସରପଁଚ୍‌ କହିଛନ୍‌। ସେନ୍‌ତା ଇ ଗରିବ୍‌ ହିତାଧିକାରୀମାନକର ନଁା ସୁପାରିଶ କରାଯାଇଛେ ବଲି ସରପଁଚ୍‌ ସୂଚନା ଦେଇଛନ୍‌। ହେଲେ ଦୁଖର କଥା ହିତାଧିକାରୀମାନେ ଆବେଦନ କରବାର ଆଏଜ୍‌କେ ୨ ବଛର ବିତିଯାଇଥିଲେ ବି ପକାଘର ଖଁଡ଼େ ଲେଖଁା ପାଏବାରୁ ବଁଚିତ ହେଇ ରହିଛନ୍‌। ଗଁାରେ ୨୦୧୧ ଏସ୍‌ଇସିସି ତାଲିକା ଅନ୍‌ସାରେ କି ୨୦୧୭ରେ ଆବେଦନ କରିଥିବାର ହିତାଧିକାରୀମାନକୁ ଘର ଯୁଗେଇ ଦିଆଯାଉଛେ ସେଟା ବି ଲୋକ୍‌ ଜାନି ନାଇଁପାରୁଥିବାର ଅଭିଯୋଗ ହେଉଛେ। ଏନ୍‌ତା ବି ଅଭିଯୋଗ ହେଉଛେ ଯେ କେତେ ପରିବାରକେ ଏକାଧିକ୍‌ ଘର ଯୁଗେଇ ଦିଆଯାଇଥିଲାବେଲେ ନିହାତି ଦରକାର ଥିବାର ଗରିବ୍‌ ପରିବାରମାନେ ଯୋଜନାରୁ ବାଦ୍‌ ପଡ଼ୁଛନ୍‌। ଇ ବାବ୍‌ଦେ ତଦଁତ୍‌ ହେବାର କଥା ବଲି କେତେ ହିତାଧିକାରୀ କହିଛନ୍‌। ଇ ବାବ୍‌ଦେ ଲାଠୋର ସରପଁଚ୍‌ ପ୍ରବିଣ କୁମାର ଅଗ୍ରଓ୍ବାଲକୁଁ ପଚରାଲାରୁ ୨୦୧୭ରେ ଯେନ୍‌ମାନେ ଘର ଲାଗି ଆବେଦନ କରିଥିଲେ ସେଟା ସୁପାରିଶ ଲାଗି ପଠାଯାଇଛେ। ସେଠାନୁ କେହେନ୍‌ସି ପରକାର ନିରଦେଶ ନୁହେଆସେ। ଯେନ୍‌ଥିରଲାଗି ଏନ୍‌ତା ପରିସ୍ଥିତି ଦେଖା ଦେଇଛେ ବଲି ସେ କହିଥିଲେ। ହେଲେ ଯେତେ ଜଲଦି ହେବା ଜିଲା ଆର ଥାନୀୟ ପରଶାସନ ଇ ଦିଗେ ଦୁରୁଷ୍‌ଟି ଦେଇ ଘଟନାର ତଦଁତ୍‌ କରବାର ସଂଗେ ଗରିବ୍‌ ଦୁଖିକୁ ଆବାସ ଯୋଜନାରେ ସାମିଲ କରବାକେ ଜନ ସାଧାରନରେ ଦାବି ହେଉଛେ।


All Right Reserved By Dharitri.Com

ଧାନବସ୍ତା ରଖି ଜାତୀୟ ରାଜପଥ ଅବରୋଧ: ଜିଲାପାଳଙ୍କ ଅଫିସ ଘେରାଉ କଲେ ଚାଷୀ

ନୂଆପଡା ଅଫିସ,୩ା୭: ନୂଆପଡା ଜିଲାରେ ରବି ଧାନକିଣାରେ ଅଚଳାବସ୍ଥା ଲାଗିରହିଛି । ଚାଷୀମାନେ ବାରମ୍ବାର ବ୍ଲକରୁ ଜିଲା ଅଫିସ ଦୌଡି ନୟାନ୍ତ ହେବା ପରେ ଜିଲାପାଳଙ୍କ...

ଘୋଷଣାରେ ସୀମିତ ଆଦର୍ଶ ଗାଁ: ମଉଲିକ୍‌ ସୁବିଧାରୁ ବଁଚିତ୍‌ ଗାଁବାସୀ

ପଦ୍ମପୁର, ୨୧।୬ (ଡି.ଏନ୍‌.ଏ): ବରଗଡ଼ ଜିଲା ପଦ୍ମପୁର ବ୍ଲକ ଦହିଗଁା ପଁଚେତ୍‌ର ବ୍ରାହ୍ମଣଡ଼ିହି ଗଁାକେ ୨ ବଛର ଆଗରୁ ମାଲ ମାଲ ଅଫିସରକଁର ଧାର ଲମିଥିଲା।...

କୁଖ୍ୟାତ ଅପରାଧୀ ମୁସିମ ଏନ୍‌କାଉଣ୍ଟରରେ ଆହତ

ସମ୍ବଲପୁର ଅଫିସ୍‌,୨।୯: ଏନକାଉଣ୍ଟରରେ କୁଖ୍ୟାତ ଅପରାଧୀ ମୁସିମ ଅଖତାର ଆହତ ହୋଇଛି। ସୋମବାର ଭୋର ୫ଟା ୨୦ ମିନଟରେ ସିଟି ଷ୍ଟେସନ ନିକଟରେ ଏହି ଏନକାଉଣ୍ଟର...

ଗଛରେ ପିଟି ହେଲା ବୋଲେରୋ: ଜଣେ ମୃତ, ୪ ଗୁରୁତର

ଧର୍ମଗଡ,୨୧।୬(ଡି.ଏନ.ଏ.): କଳାହାଣ୍ଡି ଜିଲା ଗୋଲାମୁଣ୍ଡା ବ୍ଲକ ଖଲିଆକାନିଠାରେ ଗୁରୁବାର ବିଳମ୍ବିତ ରାତିରେ ଭାରସାମ୍ୟ ହରାଇ ଏକ ବୋଲେରୋ ଗଛରେ ପଟି ହୋଇ ଦୁର୍ଘଟଣାଗ୍ରସ୍ତ ହୋଇଛି। ଘଟଣାସ୍ଥଳରେ...

କଳାହାଣ୍ଡି ଲୋକ ସଭା: ଭାଜପା ଆଗରେ

ଭବାନୀପାଟଣା,୨୩।୫: କଳାହାଣ୍ଡି ଲୋକ ସଭା ଆସନରେ ଭାଜପାର ବସନ୍ତ ପଣ୍ଡା ଆଗରେ ରହିଛନ୍ତି। ବସନ୍ତ ୧୦୮୪୧୩ ଭୋଟ ପାଇଥିବାବେଳେ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ବିଜେଡିର ପୁଷ୍ପେନ୍ଦ୍ର...

ଡାକ୍ତର ନିଯୁକ୍ତି ଦାବି ନେଇ ଅନଶନରେ ବସିଲେ ସ୍ଥାନୀୟ ଲୋକେ

ବରଗଡ଼ ଅଫିସ,୧୯ା୬: ବରଗଡ଼ ଜିଲା ବିଜେପୁର ସ୍ବାସ୍ଥ୍ୟକେନ୍ଦ୍ରରେ ବିଶେଷଜ୍ଞ ଡାକ୍ତର ଏବଂ ଅନ୍ୟ ସ୍ବାସ୍ଥ୍ୟ କର୍ମଚାରୀ ପଦବୀ ଖାଲ ପଡ଼ିଛି । ଫଳରେ ଏଠାରେ ସ୍ବାସ୍ଥ୍ୟସେବା...

ସ୍ବେଚ୍ଛାସେବୀ, ଗଁ। ର ଲୋକ୍‌ ମିଶି ତିଆର କଲେ ରାସ୍‌ତା: ଅଭିଶାପ ପାଲଟିଛେ ଗଁବାସୀକର ଜୀବନ୍‌

ରେଙ୍ଗାଲି, ୨୭।୮ (ଡି.ଏନ୍‌.ଏ.): ସମ୍ବଲପୁର ଜିଲା ରେଙ୍ଗାଲି ବ୍ଲକ ଖିଣ୍ଡା ପଁଚେତ୍‌ ଅଧୀନ ବୁଧିଆପାଲି ଗଁାର ସ୍କୁଲକେ ସଂଯୋଗ କରୁଥିବାର ରାସ୍‌ତାକେ ମାତୃଭୂମୀ ସ୍ବେଚ୍ଛାସେବୀ ସଂଗଠନ...

ଚମରାବାହାଲ ମାଲିଆ ହତ୍ୟାକାଣ୍ଡ , ୨ ଅଭିଯୁକ୍ତଙ୍କୁ ଆଜୀବନ କାରାଦଣ୍ଡାଦେଶ

ବୌଦ୍ଧ,୨୩।୭(ସ୍ବ.ପ୍ର.) ବୌଦ୍ଧ ଜିଲା ଅତିରିକ୍ତ ଜିଲା ଦୌରାଜଜ ସତ୍ୟନାରାୟଣ ଷଡଙ୍ଗୀ ଏକ ହତ୍ୟା ମାମଲାର ବିଚାର କରି ସୋମବାର ୨ ଜଣ ଅଭିଯୁକ୍ତଙ୍କୁ ଆଜୀବନ କାରାଦଣ୍ଡାଦେଶ...

Leave a comment

Your email address will not be published. Required fields are marked *