ବଡଗାଁ ତହସିଲରେ ସରକାରୀ ନିୟମ କାମରେ ଆସୁନି: ୨ମାସ ପରେ ମଧ୍ୟ ମିଳୁନାହିଁ ପ୍ରମାଣପତ୍ର

ବଡ଼ଗାଁ, ୨୫।୬ (ଡି.ଏନ.ଏ)- ସରକାର ଲୋକଙ୍କ ସୁବିଧା ପାଇଁ ଅନେକ ନିୟମ ପ୍ରଣୟନ କରି କର୍ମଚାରୀମାନଙ୍କୁ ନିର୍ଦ୍ଦେଶନାମା ଜାରି କରିଛନ୍ତି। ହେଲେ କାର୍ଯ୍ୟରେ ଅବହେଳା କରୁଥିବା କର୍ମଚାରୀମାନେ ଏହାର ଖିଲାପ କରୁଥିଲେ ମଧ୍ୟ ଦୃଢ଼ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଅଭାବରୁ ଚରମ ଅବ୍ୟବସ୍ଥା ଦେଖାଦେଉଛି। ଫଳରେ ଲୋକେ ନାହିଁ ନ ଥିବା ଅସୁବିଧାରେ ପଡୁଛନ୍ତି। ଏଭଳି ଏକ ଘଟଣା ସୁନ୍ଦରଗଡ ଜିଲା ବଡଗାଁ ତହସିଲ ଅଫିସରେ ଦେଖାଯାଇଛି। ସରକାରଙ୍କ ନିୟମାନୁଯାଇ ଗୋଟିଏ ମାସରେ ଜାତି ପ୍ରମାଣପତ୍ର ଓ ୧୫ ଦିନରେ ଆୟ ଏବଂ ବାସିନ୍ଦା ପ୍ରମାଣପତ୍ର ଦେବା ବ୍ୟବସ୍ଥା କରାଯାଇଛି। କିନ୍ତୁ ଚରମ ଅବ୍ୟବସ୍ଥା ମଧ୍ୟରେ ଚାଲିଥିବା ବଡଗାଁ ତହସିଲରେ ଦେଢ଼ରୁ ୨ମାସ ବିତିଗଲା ପରେ ମଧ୍ୟ ଜନସେବା କେନ୍ଦ୍ରରେ ଅନଲାଇନ ଆବେଦନ କରିଥିବା ବେକାର ଯୁବତୀ ଯୁବକ, ଛାତ୍ରୀଛାତ୍ର ଓ ଅଭିଭାବକଙ୍କୁ ପ୍ରମାଣପତ୍ର ମିଳୁନାହିଁ। ବଡ଼ଗାଁ ଲିଟିପଡାର ଦୀପକ ବାଗେ, ଦୀପା ବାଗେ, ଇତମା ଗ୍ରାମର ସୁଶାନ୍ତ ଟପ୍ପୋ, ପ୍ରିୟଦର୍ଶିନୀ ବେହେରା, ଗୁପ୍ତେଶ୍ୱର ରାଉତ, ଶର୍ମିଷ୍ଠା ସାହୁ, ଚାରପାଲି ଗ୍ରାମର ଅଜୟ ମାଝି, ଜମର୍ଲା ଗ୍ରାମର କୁମୁଦିନୀ ପୃଷେଟ, ଛାମୁଣ୍ଡା ଗ୍ରାମର ବିକି କିଷାନ, ବୁଦୁନା ଗ୍ରାମର ଅମିଶା ଟପ୍ପୋ, ସାହାଜବାହାଲ ଗ୍ରାମର ଅଙ୍କିତ କୁମାର ଦାସ, କଣ୍ଟିଆମୁରା ଗ୍ରାମର ଅର୍ଣ୍ଣବତୀ କିଷାନ, ବରୁଣ କୁମାର ନାଏକ, ଶ୍ୟାମ କିଷାନ, ଝାରମୁଣ୍ଡା ଗ୍ରାମର ମିନାକ୍ଷୀ ନାଏକ, ଟିକିଲିପଡା ଗ୍ରାମର ରାଜେନ୍ଦ୍ର କେର୍କେଟାଙ୍କ ଭଳି ପ୍ରାୟ ୫ଶହରୁ ଊର୍ଦ୍ଧ୍ୱ ଛାତ୍ରୀଛାତ୍ର, ବେକାରୀ ଯୁବତୀ ଯୁବକ ସ୍କୁଲ, କଲେଜରେ ନାମ ଲେଖାଇବା ଓ ଚାକିରୀ ପାଇଁ ଆବଶ୍ୟକ ଜାତି, ବାସିନ୍ଦା ଓ ଆୟ ପ୍ରମାଣପତ୍ର ନ ପାଇ ହଇରାଣ ହେଉଛନ୍ତି। ଏମାନେ ପ୍ରାୟ ୨ ମାସ ହେଲା ଆବେଦନ କରିଥିଲେ ମଧ୍ୟ ସରକାରୀ ନିୟମ, ବ୍ୟବସ୍ଥାର ଲାଭ ପାଇନାହାନ୍ତି। ୨ ମାସ ମଧ୍ୟରେ କାଳେ ହୋଇଯାଇଥିବା ଆଶା ରଖି ୧୫ ରୁ ୨୦ ଥର ଅଫିସ ଓ ଜନସେବା କେନ୍ଦ୍ରକୁ ଆସି ସମୟ ନଷ୍ଟ ଏବଂ ଖର୍ଚ୍ଚାନ୍ତରେ ପଡୁଥିଲେ ମଧ୍ୟ ବିଭାଗୀୟ ଅଧିକାରୀମାନେ ନିଶ୍ଚିନ୍ତରେ ଅଛନ୍ତି। ସ୍କୁଲ, କଲେଜରେ ନାମ ଲେଖା ସମୟ ହୋଇଥିବାରୁ ତହସିଲରେ କିପରି କାମ ହେଉଛି ସେଥିପ୍ରତି ଜିଲା ଅଧିକାରୀମାନେ ମଧ୍ୟ ଦୃଷ୍ଟି ଦେଉ ନ ଥିବାରୁ ଲୋକଙ୍କ ସମସ୍ୟା ବଢ଼ି ଚାଲିଛି। ଏହାକୁ ନେଇ ଅଞ୍ଚଳରେ ଅସନ୍ତୋଷ ଦେଖାଦେଇଛି। ମଙ୍ଗଳବାର ଭାଜପା ବଡଗାଁ ମଣ୍ଡଳ କାର୍ଯ୍ୟକାରୀ ସଭାପତି ଦିଲୀପ ସେନାପତି, ବଡଗାଁ, ଇତମା, ଭୋଇପାଲି ପଞ୍ଚାୟତ ସଭାପତି ଯଥାକ୍ରମେ ବାବୁଲି କର୍ସେଲ, ଅଖିଳ ବେହେରା, ପ୍ରେମାନନ୍ଦ ନାଏକ, ସକ୍ରିୟ କର୍ମୀ ପ୍ରତାପ ମହାପାତ୍ର, ରୂପେଶ ପଣ୍ଡା ପ୍ରମୁଖ ବିଡିଓଙ୍କୁ ସାକ୍ଷାତ କରି ସମସ୍ୟା ଉପରେ ଅବଗତ କରାଇ ସମାଧାନ ଦାବି କରିଛନ୍ତି। ଏହା ଉପରେ ବିଡିଓ କ୍ଷମାନିଧି ଭୋଇଙ୍କୁ ପଚାରିବାରେ ନିର୍ବାଚନ ପାଇଁ ଓ ନେଟ ଠିକ କାମ କରୁ ନ ଥିବାରୁ ବିଳମ୍ବ ହୋଇଥିବା କହିଛନ୍ତି। ତେବେ ବଡଗାଁ ତହସିଲଦାର ତାଙ୍କ ବ୍ୟକ୍ତିଗତ କାମରେ ଛୁଟି ନେଇ ଯାଇଥିଲା ବେଳେ ନିର୍ବାଚନ ପୂର୍ବରୁ ଅତିରିକ୍ତ ତହସିଲଦାରଙ୍କ ବଦଳି ଯୋଗୁ ଠିକ ସମୟରେ କାମ ହୋଇପାରୁନାହିଁ। ଦୁର୍ଭାଗ୍ୟର ବିଷୟ ସରକାର ଛାତ୍ରୀଛାତ୍ର, ବେକାର ଯୁବତୀଯୁବକ କମ୍‌ ଖର୍ଚ୍ଚରେ ସୁବିଧାରେ ପ୍ରମାଣପତ୍ର ପାଇବା ପାଇଁ ନିୟମ, ବ୍ୟବସ୍ଥା କରିଥିଲେ ମଧ୍ୟ କର୍ମଚାରୀଙ୍କ କାର୍ଯ୍ୟରେ ଅବହେଳା, ଖାମଖିଆଲି ଯୋଗୁ ଛାତ୍ରୀଛାତ୍ର ଖର୍ଚ୍ଚାନ୍ତରେ ପଡିବା ସହ ହଇରାଣ ହେଉଛନ୍ତି। ତେଣୁ ବ୍ୟବସ୍ଥାଗତ ପରିଚାଳନା ପ୍ରତି ଦୃଷ୍ଟିଦେବା ସହିତ କାର୍ଯ୍ୟରେ ଅବହେଳା କରୁଥିବା କର୍ମଚାରୀଙ୍କ ପ୍ରତି କାର୍ଯ୍ୟାନୁଷ୍ଠାନ ଗ୍ରହଣ ନକଲେ ସରକାର କରିଥିବା ବ୍ୟବସ୍ଥା, ନିୟମ କେବଳ ନାଁକୁ ମାତ୍ର ହୋଇ ରହିବ । ଜିଲାପାଳ ପଦକ୍ଷେପ ନେବାକୁ ଦାବି ହେଉଛି।


All Right Reserved By Dharitri.Com

ମିଳିନାହିଁ ୨୦୧୬ ଖରିଫ ଫସଲକ୍ଷତିର କ୍ଷତିପୂରଣ: ବୀମା ପାଇଁ ଆସି ନିରାଶରେ ଫେରିଲେ ଚାଷୀ

ବରଗଡ଼ ଅଫିସ୍‌,୯।୭- ବରଗଡ଼ ଜିଲାରେ ୨୦୧୯ ଖରିଫ ଫସଲ ଚାଷକାର୍ଯ୍ୟ ଜୋର୍‌ ଧରିଛି । ହେଲେ ଏ ପର୍ଯ୍ୟନ୍ତ ବରଗଡ଼ ଜିଲା ସୋହେଲା ବ୍ଲକ ଅନ୍ତର୍ଗତ...

ଚାଷ ପାଇଁ ପାଣି ନାହିଁ: ମେଗା ପ୍ରକଳ୍ପ ଅଫିସ୍‌ରେ ତାଲା ପକାଇଲେ ଚାଷୀ

ଘଣ୍ଟାପଡା, ୧୯।୭ (ଡି.ଏନ.ଏ): ଅନିୟମିତ ବର୍ଷା ଯୋଗୁ ଘଣ୍ଟାପଡା ଅଞ୍ଚଳରେ ଧାନଚାଷ ଉଜୁଡିବାକୁ ବସିଲାଣି । ଆଷାଢ଼ ମାସ ସରି ଶ୍ରାବଣ ହେଲା, ବର୍ଷାର ନାଁ...

ବଡ଼ଭାଇଙ୍କ ଭୁଜାଲି ଚୋଟରେ ସାନଭାଇଙ୍କ ଜୀବନଗଲା

ଅତାବିରା,୩୧।୭(ଡି.ଏନ୍‌.ଏ.) : ବରଗଡ଼ ଜିଲା ଅତାବିରା ଥାନା ଅନ୍ତର୍ଗତ ଟାଙ୍ଗରପାଲି ପଞ୍ଚାୟତର ତଲାକଟା ଗ୍ରାମରେ ମଙ୍ଗଳବାର ବିଳମ୍ବିତ ରାତିରେ ଏକ ହତ୍ୟାକାଣ୍ଡ ଘଟିଛି। ଗ୍ରାମର ଅଜୟ...

କୂଳ ଲଙ୍ଘୁଛି ଜନନୀ ଯନ୍ତ୍ରଣା: ଖଟିଆରେ ୪ କି.ମି. ବୁହାହେଲେ ଗର୍ଭବତୀ ମା’, ପାହାଡରେ ଜନ୍ମଦେଲେ ଶିଶୁକନ୍ୟା

ନୂଆପଡା ଅଫିସ/ଖଡିଆଳ,୨ା୭: ଶିଶୁ, ମାତୃ ମୃତ୍ୟୁହାର କମାଇବାକୁ ସରକାର ବିଭିନ୍ନ ଯୋଜନା କାର୍ଯ୍ୟକାରୀ କରୁଛନ୍ତି । ଏଥିସକାଶେ ଆନୁଷ୍ଠାନିକ ପ୍ରସବ ଉପରେ ସ୍ବାସ୍ଥ୍ୟ ବିଭାଗ ଗୁରୁତ୍ୱ...

୪୦ ବଛର ହେଲା ଝୁପଡ଼ି ଘରେ ବିତୁଛେ ଜୀବନଆବାସ ଯୋଜନାରୁ ବଁଚିତ୍‌ ୧୨ ପରିବାର

ଅତାବିରା, ୨୯।୪ (ଡି.ଏନ୍‌.ଏ.) :  କେନ୍ଦ୍ର ଆର ରାଏଜ ସରକାର ଗରିବ୍‌ ଦୁଖିକୁ ପକା ଘର ଯୁଗେଇ ଦେବାର ଲାଗି ଭିନେ ଭିନେ ଯୋଜନା କରି...

ବିଜେପୁରର ଅଇତିହାସିକ ଦାମୋଦର କଟା:ସାଫ୍‌ ନାଇଁ ହେଲା ଅମରି, ପଦମ୍‌ଫୁଲ୍‌

ବିଜେପୁର, ୨୫।୬ (ଡି.ଏନ୍‌.ଏ): ଖେତ୍‌ ଟାକେ ମୁଡ଼ାଟେ ଲେଖେଁ ବରଗଡ଼ ଜିଲା ବିଜେପୁରବାସୀଙ୍କର ଜୀବନ୍‌ ଜୀବିକା ସଂଗେ ବରକସ୍‌ କରି ଜୁଡ଼ି ହେଇ ରହିଛେ ଦାମୋଦର...

ପାଟନାଗଡ଼ ବିଧାୟକ, ନିର୍ବାହୀଯନ୍ତ୍ରୀଙ୍କୁ ତୁରନ୍ତ ଗିରଫ ଦାବି: ଦାବି ପୂରଣ ନ ହେଲେ ରାଜରାସ୍ତାକୁ ଓହ୍ଲାଇବାକୁ ଚେତାବନୀ

ଭବାନୀପାଟଣା,୮।୬(ଡ.ଏନ୍‌.ଏ.): ବଲାଙ୍ଗୀର ଜିଲା ପାଟନାଗଡ଼ ନବନିର୍ବାଚିତ ବିଧାୟକ ସରୋଜ ମେହେର ଆଦିବାସୀ ସମ୍ପ୍ରଦାୟର ଜନୈକ କନିଷ୍ଠ ଯନ୍ତ୍ରୀଙ୍କୁ ବେଆଇନ ଭାବେ ସର୍ବସାଧାରଣରେ ଉଠ୍‌ବସ୍‌ କରାଇବା ଓ...

ଜିଲା ସଦର ଡାକ୍ତରଖାନାରେ ୫-ଟି ସଚିବ: ରୋଗୀଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିଲେ

ସମ୍ବଲପୁର, ୧।୧୧ (ବ୍ୟୁରୋ): ସମ୍ବଲପୁର ଜିଲା ସଦର ଡାକ୍ତରଖାନାରେ ୫-ଟି ସଚିବ ବି.କେ. ପାଣ୍ଡିଆନ ଗୁରୁବାର ଗସ୍ତକରି ବିଭିନ୍ନ ସମସ୍ୟା ଉପରେ ଆଲୋଚନା କରିଛନ୍ତି। ପ୍ରଥମେ...

Leave a comment

Your email address will not be published. Required fields are marked *