ଏତେ ଭୟ କାହିଁକି

ଭୁବନେଶ୍ୱର, ୨୫।୬(ବ୍ୟୁରୋ): ରାଜ୍ୟ ସଭା ଉପନିର୍ବାଚନ ପୂର୍ବରୁ ଆଉ ଏକ ନୂଆ ଦୃଶ୍ୟ ସାମ୍ନାକୁ ଆସିଛି। ବିଜେଡି ଓ ଭାଜପା ମଧ୍ୟରେ ବୁଝାମଣା କେତେ ଗଭୀର ତାହା ଏବେ ସ୍ପଷ୍ଟ ବାରି ହୋଇପଡିଛି। ଲୋକଙ୍କ କଳ୍ପନା ବାହାରକୁ ଚାଲିଯାଇ ବିଜେଡି ଓ ଭାଜପା ପରସ୍ପରକୁ ସହଯୋଗ କରିଚାଲିଛନ୍ତି। ଏହା ଏବେ ଦୁଇ ପ୍ରମୁଖ ରାଜନୈତିକ ଦଳର କର୍ମୀଙ୍କୁ ଏକ ପ୍ରକାର ଆଶ୍ଚର୍ଯ୍ୟ ଚକିତ କରିଛି। ଏଭଳି ସ୍ଥିତିରେ ଭାଜପା ନେତୃତ୍ୱ ଏହି ନିଷ୍ପତ୍ତିରେ ସନ୍ତୁଷ୍ଟ ଭଳି ଲାଗୁଥିବାବେଳେ ବିଜେଡି ନେତା କିନ୍ତୁ ବିକାଶର ବାହାନା ଦେଖାଇ ବୁଝାମଣା କଥାକୁ ଏଡାଇବାକୁ ଚେଷ୍ଟା କରୁଛନ୍ତି। ପ୍ରଥମେ ସଂଖ୍ୟା ଥାଇ ଭାଜପାକୁ ରାଜ୍ୟ ସଭାର ଗୋଟିଏ ଆସନ ଉପହାର ଦେବା ଏବଂ ପରେ ଭାଜପା ପ୍ରାର୍ଥୀ ଅଶ୍ୱିନୀ ବୈଷ୍ଣବଙ୍କୁ ୫ ବର୍ଷିୟା ସୁଯୋଗ ଦେଇ ସସ୍ମିତ ପାତ୍ରଙ୍କୁ ୩ ବର୍ଷର ସଙ୍କୁଚିତ ଆସନକାଳ ଦେଇ ମନ ବୁଝେଇନେବା ପଛର ରହସ୍ୟ ଏବେ ସମସ୍ତଙ୍କୁ କୌତୁହଳ ମନେ ହେଉଛି। ଏସବୁକୁ ଦେଖିବା ପରେ ବିଜେଡିକୁ ଏତେ ଭୟ କାହିଁକି ଘାରିଛି ବୋଲି ରାଜନୈତିକ ମହଲରେ ପ୍ରଶ୍ନ ଉଠିଛି।
ବିଧାନସଭାର ସଂଖ୍ୟା ଦୃଷ୍ଟିରୁ ଓଡିଶାର ଖାଲି ହୋଇଥିବା ୩ ରାଜ୍ୟ ସଭା ଆସନ ଅତି ସହଜରେ ବିଜେଡି ନିଜ ହାତରେ ରଖିପାରି ଥାଆନ୍ତା। କିନ୍ତୁ ବିଜେଡି ସେପରି କରିବା ପରିବର୍ତ୍ତେ ଦୁଇଟି ଆସନରେ ପ୍ରାର୍ଥୀ ଦେଇଛି। ବିଜେଡି ଆଇଟି ସେଲ୍‌ ମୁଖ୍ୟ ଅମର ପଟ୍ଟନାୟକ ଏବଂ ଦଳର ମୁଖପାତ୍ର ସସ୍ମିତ ପାତ୍ରଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରାର୍ଥୀ କରିଛନ୍ତି। ଆଉ ଗୋଟିଏ ଆସନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅନୁରୋଧ ରକ୍ଷା କରି ଭାଜପାକୁ ଛାଡି ଦେଇଥିବା ନବୀନ ଘୋଷଣା କରିସାରିଛନ୍ତି। ଭାଜପା ସେହି ସ୍ଥାନରେ ଅବସରପ୍ରାପ୍ତ ପ୍ରଶାସନିକ ଅଧିକାରୀ ଅଶ୍ୱିନୀ ବୈଷ୍ଣବଙ୍କୁ ପ୍ରାର୍ଥୀ କରିଛି। ତେବେ ପ୍ରଧାନମନ୍ତ୍ରୀଙ୍କ ତାହା ଅନୁରୋଧ କି ନିର୍ଦ୍ଦେଶ ଥିଲା, ଏବେ ବୁଝିବା କଷ୍ଟକର ହୋଇପଡିଛି। ଏତଦ୍‌ ବ୍ୟତୀତ ଓଡ଼ିଶାର ବୃହତ୍ତମ ଖଣି ବ୍ୟବସାୟୀଙ୍କ ସହ ସୁସମ୍ପର୍କ ମଧ୍ୟ ଏହି ନିଷ୍ପତ୍ତିରେ ସହାୟକ ହୋଇଥିବା ନେଇ ଚର୍ଚ୍ଚା ହେଉଛି। ସେହିଭଳି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବାରମ୍ବାର ପ୍ରଧାନମନ୍ତ୍ରୀଙ୍କ ସମେତ କେନ୍ଦ୍ରୀୟ ନେତାଙ୍କ ସହ ଯୋଗାଯୋଗ ସ୍ଥାପନରେ ବୈଷ୍ଣବଙ୍କ ଭୂମିକା ଗୁରୁତ୍ୱପୂର୍ଣ୍ଣ ରହି ଆସିଛି। ସୌମ୍ୟ ରଞ୍ଜନ ପଟ୍ଟନାୟକ, ପ୍ରତାପ ଦେବ ନିକଟରେ ଶେଷ ହୋଇଥିବା ନିର୍ବାଚନରେ ବିଧାନସଭାକୁ ଏବଂ ଅଚ୍ୟୁତ ସାମନ୍ତ ଲୋକ ସଭାକୁ ନିର୍ବାଚିତ ହୋଇଛନ୍ତି। ଏମାନେ ରାଜ୍ୟ ସଭାରୁ ଇସ୍ତଫା ଦେବାପରେ ୩ ଆସନ ପାଇଁ ଉପନିର୍ବାଚନ ହେବାକୁ ଯାଉଛି। ସୌମ୍ୟ ଏବଂ ଅଚ୍ୟୁତଙ୍କ କାର୍ଯ୍ୟକାଳ ୫ବର୍ଷ ଅର୍ଥାତ୍‌ ୨୦୨୪ ଏପ୍ରିଲ ୩ରେ ଶେଷ ହେବାର ଥିଲା। ସେହିପରି ପ୍ରତାପଙ୍କ କାର୍ଯ୍ୟକାଳ ୩ ବର୍ଷ ଅର୍ଥାତ୍‌ ୨୦୨୨ ଜୁଲାଇ ୧ରେ ଶେଷ ହୋଇଥାଆନ୍ତା। ମାତ୍ର ଏଥିରେ ମଧ୍ୟ ବିଜେଡି ନିଜ ପ୍ରମୁଖ ବିରୋଧୀ ବୋଲି କହିଆସୁଥିବା ଭାଜପା ପ୍ରତି ଅନୁକମ୍ପା ପ୍ରଦର୍ଶନ କରି ନିଜ ଭୟର ଆଉ ଏକ ଦୃଷ୍ଟାନ୍ତ ସର୍ବସମ୍ମୁଖରେ ବାଢିିଦେଇଛି ବୋଲି ଚର୍ଚ୍ଚା ହେଉଛି। ସୌମ୍ୟଙ୍କ ସ୍ଥାନରେ ଭାଜପା ପ୍ରାର୍ଥୀ ଅଶ୍ୱିନୀ ବୈଷ୍ଣବଙ୍କୁ ୫ ବର୍ଷ ପାଇଁ ରାଜ୍ୟ ସଭା ଛାଡ଼ିବାକୁ ଶାସକ ଦଳ ଚିନ୍ତା କରିଛି। ସେହିପରି ଅଚ୍ୟୁତଙ୍କ ସ୍ଥାନରେ ବିଜେଡି ପ୍ରାର୍ଥୀ ଅମର ପଟ୍ଟନାୟକ ୫ ବର୍ଷ ପାଇଁ ରାଜ୍ୟ ସଭାକୁ ଯିବେ। ହେଲେ ବିଜେଡିକୁ ଦୀର୍ଘଦିନ ଧରି ଗଣମାଧ୍ୟମ ଆଗରେ ସସ୍ମିତ ପାତ୍ର ଭଲଭାବେ ଉପସ୍ଥାପିତ କରି ଆସୁଥିବା ସତ୍ତ୍ୱେ ପ୍ରତିବଦଳରେ ତାଙ୍କୁ ପ୍ରତାପଙ୍କ ବାକିଥିବା ମାତ୍ର ୩ ବର୍ଷ ରାଜ୍ୟ ସଭା ଅବଧିରେ ସନ୍ତୁଷ୍ଟ ହେବାକୁ ବାଧ୍ୟ କରାଯାଇଛି।
ରାଜ୍ୟ ସଭାରେ ଖାଲି ହୋଇଥିବା ଆସନ ପାଇଁ ୩ ନେତା ସୋମବାର ନାମାଙ୍କନ ଦାଖଲ କରିଛନ୍ତି। ଏହି ଅବସରରେ ବିଜେଡି ଓ ଭାଜପା ନେତାଙ୍କ ଭେଟଘାଟ ସମ୍ପୂର୍ଣ୍ଣ ନିଆରା ପରିବେଶ ସୃଷ୍ଟି କରିଥିଲା। ଅନ୍ୟପଟେ ଭାଜପାର ବହୁ ନେତାଙ୍କୁ ବିଜେଡିର କେତେଜଣ ବିଧାୟକ ଯେପରି ପାଛୋଟି ନେଇ ଆସନ ପ୍ରଦାନ କରିଥିଲେ ତାହା ମଧ୍ୟ ରୋଚକ ଥିଲା। ଏଭଳି ଘଟଣାକ୍ରମ ଦେଖିବାପରେ ରାଜ୍ୟରେ ବିଜେଡି ଓ ଭାଜପା ଏକ ବୋଲି ସାଧାରଣରେ ଚର୍ଚ୍ଚା ହେବାରେ ଲାଗିଛି। ଆଗକୁ ମୁଖ୍ୟ ବିରୋଧୀ ଦଳ ଭୂମିକା ତୁଲାଇବା ସମୟରେ ଭାଜପା ଯେତେ ଉଦ୍ୟମ କଲେ ସୁଦ୍ଧା ଲୋକଙ୍କ ଆସ୍ଥା ଭାଜନ ହେବାରେ ଏତେଟା ସହଜ ହେବନାହିଁ ବୋଲି ବିଭିନ୍ନ ମହଲରେ ଆଲୋଚନା ହେଉଛି। ସେହିପରି ଭବିଷ୍ୟତରେ ଶାସକ ଦଳ କେନ୍ଦ୍ରୀୟ ଅବହେଳା କଥା କହିବ ନା ସବୁ ସମୟରେ ଖୋଲା ବୁଝାମଣା କରି ରାଜ୍ୟର ବିକାଶ କରିବ, ତାହା ମଧ୍ୟ ବିରାଟ ପ୍ରଶ୍ନବାଚୀରେ ରହିଗଲାଣି।

ସୁନୀତ୍‌ ମିଶ୍ର


All Right Reserved By Dharitri.Com

୨୪ରେ ପ୍ରବଳ ବର୍ଷା ସୂଚନା

ଭୁବନେଶ୍ୱର,୨୧ା୧୦(ବ୍ୟୁରୋ) : ଉତ୍ତର-ପଶ୍ଚିମ ମୌସୁମୀ ବାୟୁ ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ବର୍ଷା ହେବାର ସମ୍ଭାବନା ରହିଛି। ତେବେ ଆସନ୍ତା ୨୪ତାରିଖ ଦିନ ପ୍ରବଳ ବର୍ଷା...

ବିଧାନସଭା ଆଗରେ ଶିଳ୍ପୀ, କାରିଗରଙ୍କ ବିକ୍ଷୋଭ

ଭୁବନେଶ୍ୱର,୨୩ା୧୧(ବ୍ୟୁରୋ): ରାଜ୍ୟରେ ହସ୍ତଶିଳ୍ପୀ ଓ ବୁଣାକାରଙ୍କ ପାଇଁ କଞ୍ଚାମାଲ ଅଭାବ ଏକ ଗୁରୁତର ସମସ୍ୟା ହୋଇ ରହିଛି। ଜାତୀୟ ହସ୍ତତନ୍ତ ଉନ୍ନୟନ ନିଗମ ବା ଏନ୍‌ଏଚ୍‌ଡିସିରୁ...

ନିମ୍ନମାନର ରାସ୍ତା କାମ ନେଇ ଭିଡିଓ ଭାଇରାଲ

ବଡ଼ସାହି,୨ା୯(ସ୍ବ.ପ୍ର)- ବଡ଼ସାହି ବ୍ଲକ ଅଧୀନ ପାଉଁଶିଆ ପଞ୍ଚାୟତ ବାଘୁଆପାଳ ଗ୍ରାମଠାରୁ ଜଗନ୍ନାଥପୁର ପର୍ଯ୍ୟନ୍ତ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନାରେ ନିର୍ମାଣ ଚାଲିଥିବା ପକ୍କା ସଡ଼କ କାର୍ଯ୍ୟ...

୨ଦିନ ପର୍ଯ୍ୟନ୍ତ ପ୍ରବଳ ବର୍ଷିବ: ୬ ଜିଲାକୁ ୟେଲୋ ୱାର୍ନିଂ

ଭୁବନେଶ୍ୱର, ୩।୯(ବ୍ୟୁରୋ):ଉତ୍ତର ପଶ୍ଚିମ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଯୋଗୁ ରାଜ୍ୟର ବିଭିନ୍ନ ସ୍ଥାନରେ ବର୍ଷା ଜାରି ରହିଛି। ରବିବାର ରାତିରୁ ସୋମବାର ସକାଳ ସାଢ଼େ...

ଇଣ୍ଡିଆନ୍‌ ଆଇଡଲ୍‌-୧୧ରେ ଓଡ଼ିଶା ଝିଅ ଚେଲ୍‌ସି

ଭୁବନେଶ୍ୱର, ୭ା୧୦(ବ୍ୟୁରୋ): ପୁଣି ଜାତୀୟସ୍ତରୀୟ ରିଆଲିଟି ଶୋ’ରେ ଆସିବେ ଓଡ଼ିଆ ଝିଅ ଚେଲ୍‌ସି ବେଉରା। ସୋନି ଟିଭି ପକ୍ଷରୁ ପ୍ରସାରିତ ଇଣ୍ଡିଆନ୍‌ ଆଇଡଲ୍‌-୧୧ରେ ଚେଲ୍‌ସି ଭାଗ...

କଣିହାଁ ବ୍ଲକ ଅଞ୍ଚଳରେ ହାତୀ ଆତଙ୍କ

କଣିହାଁ,୧୭।୭(ଡି.ଏନ.ଏ.)-ଅନୁଗୋଳ ଜିଲା କଣିହାଁ ବ୍ଲକ ଅଞ୍ଚଳରେ ହାତୀ ଉପଦ୍ରବ ଲାଗି ରହିଛି। ଦୀର୍ଘ ୧୫ ଦିନ ହେବ ଦେବଗଡ ଜିଲା ଅଞ୍ଚଳରୁ ଆସିଥିବା ୩ ହାତୀ...

ବିଧାନସଭାରେ ୩ ବିଧେୟକ ଗୃହୀତ

ଭୁବନେଶ୍ୱର, ୪ା୮(ବ୍ୟୁରୋ): ରାଜ୍ୟ ସରକାରଙ୍କ ପକ୍ଷରୁ ବିଧାନସଭାରେ ଆଗତ ହୋଇଥିବା ୩ ଗୁରୁତ୍ୱପୂର୍ଣ୍ଣ ବିଧେୟକ ଶନିବାର ଗୃହୀତ ହୋଇଛି। ଏଥି ମଧ୍ୟରେ ଦୁଇଟି ସଂଶୋଧନ ଏବଂ...

ମିସ୍‌ ଇଣ୍ଡିଆ’ ଇଣ୍ଟରନ୍ୟାଶନାଲ ପ୍ରତିଯୋଗିତା: ଫାଇନାଲରେ ଓଡ଼ିଆ ଝିଅ ପ୍ରତୀକ୍ଷା

ଭୁବନେଶ୍ୱର, ୧୨ା୧୧(ବ୍ୟୁରୋ): ‘ମିସ୍‌ ଇଣ୍ଡିଆ’ ଇଣ୍ଟରନ୍ୟାଶନାଲ ପ୍ରତିଯୋଗିତା ଗ୍ରାଣ୍ଡ୍‌ ଫିନାଲେରେ ରହିଛନ୍ତି ଓଡ଼ିଆ ଝିଅ। ଇଣ୍ଡୋନେସିଆର ଜାକର୍ତ୍ତାଠାରେ ହେଉଥିବା ଏହି ପ୍ରତିଯୋଗିତାର ଫାଇନାଲିଷ୍ଟ ହୋଇପାରିଛନ୍ତି ପ୍ରତୀକ୍ଷା...

Leave a comment

Your email address will not be published. Required fields are marked *