ପି.ଏନ. କଲେଜ ଖୋର୍ଦ୍ଧା: ସଂସ୍କୃତରେ ୨୯ ଛାତ୍ରୀଛାତ୍ର ଫେଲ; ପରୀକ୍ଷା ପରିଚାଳନାର ସ୍ବଚ୍ଛତା ଉପରେ ପ୍ରଶ୍ନବାଚୀ

ଖୋର୍ଦ୍ଧା ଅଫିସ, ୨୩ା୬: ଖୋର୍ଦ୍ଧା ପି.ଏନ. କଲେଜ ଯୁକ୍ତ ୨ ଇଚ୍ଛାଧୀନ ସଂସ୍କୃତ ବିଷୟରେ ୨୯ ଛାତ୍ରୀଛାତ୍ରଙ୍କୁ ପରୀକ୍ଷାରେ ଫେଲ କରି ଦିଆଯାଇଛି। ସେମାନଙ୍କୁ ଅନୁପସ୍ଥିତ ଦର୍ଶାଯାଇ ଫେଲ୍‌ କରାଯିବା ପରେ କାଉନ୍‌ସିଲ୍‌ କର୍ତ୍ତୃପକ୍ଷଙ୍କ ସଂସ୍କାରମୂଳକ ପଦକ୍ଷେପ ପ୍ରହସନ ପାଲଟିଛି। ତ୍ରୁଟି ନ ଥାଇ ୨୯ ଛାତ୍ରୀଛାତ୍ରଙ୍କ ଭବିଷ୍ୟତ ଅନ୍ଧକାରକୁ ଠେଲି ଦିଆଯିବା ପରେ ପରୀକ୍ଷା ପରିଚାଳନାର ସ୍ବଚ୍ଛତା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। ଫେଲ ଛାତ୍ରୀଛାତ୍ର ଶନିବାର କଲେଜ ଅଧ୍ୟକ୍ଷାଙ୍କୁ ଭେଟି ସେମାନଙ୍କ କ୍ଷେତ୍ରରେ ହୋଇଥିବା ତ୍ରୁଟିକୁ ସୁଧାରି ପୁନଃ ମୂଲ୍ୟାୟନ କରିବାର ବ୍ୟବସ୍ଥା କରିବାକୁ ଅନୁରୋଧ କରିବା ସହ ସ୍ମାରକପତ୍ର ଦେଇଛନ୍ତି। ଅନୁସାରେ, ପି.ଏନ. କଲେଜରେ ୨୯ ଛାତ୍ରୀଛାତ୍ର ଇଚ୍ଛାଧୀନ ସଂସ୍କୃତରେ ପରୀକ୍ଷା ଦେଇଥିଲେ। ତେବେ ପରୀକ୍ଷାରେ ଅନୁପସ୍ଥିତ ଦର୍ଶାଯାଇ ସମସ୍ତ ପରୀକ୍ଷାର୍ଥୀଙ୍କୁ ଫେଲ କରି ଦିଆଯାଇଛି। ଶୁକ୍ରବାର ପରୀକ୍ଷା ଫଳ ପ୍ରକାଶ ପାଇବା ପରେ ଛାତ୍ରୀଛାତ୍ର ଫେଲ ହୋଇଥିବା ନଜରକୁ ଆସିଛି। ଛାତ୍ରୀଛାତ୍ରମାନେ ପରୀକ୍ଷା ଦେଇଛନ୍ତି କି ନାହିଁ କଲେଜ ଓ କାଉନ୍‌ସିଲରେ ଅନେକ ଦସ୍ତାବିଜ୍‌ ରହିଛି। ପରୀକ୍ଷା ଉପସ୍ଥାନ ସମ୍ବନ୍ଧୀୟ ପ୍ରୋଫମା ଆଇଆଇଆଇରେ ପରୀକ୍ଷା ଦେଇଥିବା ଛାତ୍ରୀଛାତ୍ରମାନେ ଦସ୍ତଖତ କରିଥାନ୍ତି। ପରୀକ୍ଷା ଶେଷ ପରେ ଉକ୍ତ ପ୍ରୋଫମା ଆଇଆଇଆଇ କାଉନସିଲରେ କଲେଜ କର୍ତ୍ତୃପକ୍ଷ ଡିପୋଜିଟ କରିଥାନ୍ତି। ଏହାସହ ପ୍ରତ୍ୟେକ ଦିନ ପରୀକ୍ଷାର ଉତ୍ତରଖାତା ମୂଲ୍ୟାଙ୍କନ କରାଯାଉଥିବା କେନ୍ଦ୍ରକୁ ଯିବା ସହ କାଉନ୍‌ସିଲ ପାଖକୁ ଏହାର ଏକ ମେମୋ ପଠାଯାଇଥାଏ। ଯେଉଁଥିରେ ସେହି ସିଟିଙ୍ଗରେ ଦେଇଥିବା ପରୀକ୍ଷାର୍ଥୀଙ୍କର ରୋଲ ନମ୍ବର ମଧ୍ୟ ଉଲ୍ଲେଖ ରହିଥାଏ। ଏତଦ୍‌ବ୍ୟତୀତ ଚଳିତବର୍ଷ ନୂଆକରି କାର୍ଯ୍ୟକାରୀ ହୋଇଥିବା ସିସିଟିଭି ଫୁଟେଜରୁ ମଧ୍ୟ ପରୀକ୍ଷାର୍ଥୀଙ୍କର ଉପସ୍ଥାନକୁ ଯାଞ୍ଚ କରାଯାଇ ପାରିବ। ଏହିସବୁ ଦସ୍ତାବିଜ୍‌ ଯାଞ୍ଚ କଲେ ଫେଲ ହୋଇଥିବା ଛାତ୍ରୀଛାତ୍ର ପରୀକ୍ଷା ଦେଇଛନ୍ତି କି ନାହିଁ ତାହା ପ୍ରମାଣିତ ହୋଇଯିବ। ବାସ୍ତବରେ କେଉଁଠି ତ୍ରୁଟି ରହିଛି ତାହା ସହଜରେ ଜଣାପଡିବ। ତେବେ କାଉନ୍‌ସିଲ କର୍ତ୍ତୃପକ୍ଷ ପି.ଏନ. କଲେଜର ଯେଉଁ ୨୯ ଜଣ ଛାତ୍ରୀଛାତ୍ରଙ୍କୁ ପରୀକ୍ଷାରେ ଅନୁପସ୍ଥିତ ଦର୍ଶାଇ ଫେଲ୍‌ କରିଛନ୍ତି ସେମାନଙ୍କର ଦସ୍ତାବିଜ୍‌କୁ ଯାଞ୍ଚ କରାଯାଇ ଫଳ ବାହାର କରାଯାଇଛି କି ନାହିଁ। ଯଦି କରାଯାଇଛି ତେବେ ଏଭଳି ତ୍ରୁଟି କେବେ ହୋଇ ନ ଥାନ୍ତା ବୋଲି ଛାତ୍ରୀଛାତ୍ରମାନେ କହୁଛନ୍ତି। ପ୍ରକାଶଥାଉ କି, ପି.ଏନ. କଲେଜରେ ପଢୁଥିବା ଛାତ୍ରୀଛାତ୍ରଙ୍କ ପରୀକ୍ଷା ଫଳ ସବୁବେଳେ ଭଲ ହୋଇଥାଏ। ପରୀକ୍ଷାର୍ଥୀ ଈପ୍‌ସିତା ସାହୁ ଓ ତୁଷାରକାନ୍ତ ଜେନା କୁହନ୍ତି, ପରୀକ୍ଷା ଦେଇ ବି ଅନୁପସ୍ଥିତ ଦର୍ଶାଯାଇ ଫେଲ୍‌ କରି ଦିଆଯାଇଛି। ତ୍ରୁଟି ଯାହାର ହେଉ ନା କାହିଁକି ଆମେ ଦଣ୍ଡ ପାଇଲୁ। ତୁରନ୍ତ ପୁନଃ ମୂଲ୍ୟାୟନ କରାଯାଇ ପରୀକ୍ଷାର୍ଥୀଙ୍କୁ ଉଚିତ୍‌ ନ୍ୟାୟ ମିଳୁ। ପି.ଏନ. କଲେଜର ଅଧ୍ୟକ୍ଷା ସୌଦାମିନୀ ଦାଶ କୁହନ୍ତି, ଉତ୍ତରଖାତା କାଉନ୍‌ସିଲକୁ କଲେଜ ପଠାଇଥିଲା। ପରେ ମୂଲ୍ୟାଙ୍କନ ପାଇଁ କାଉନ୍‌ସିଲ କେନ୍ଦୁଝର ଜିଲାର ଢ଼େଙ୍କିକୋଟ କଲେଜକୁ ପଠା ଯାଇଥିଲା। ଏହାପରେ ଢ଼େଙ୍କିକୋଟ କଲେଜ କର୍ତ୍ତୃପକ୍ଷ ନଁା କାଉନ୍‌ସିଲଙ୍କର ତ୍ରୁଟି ରହିଲା ଜଣାପଡିନି। ତେବେ ତ୍ରୁଟି ସମ୍ପର୍କରେ କାଉନସିଲକୁ ଅବଗତ କରାଯାଇଛି। ଖୁବ୍‌ଶୀଘ୍ର ରେଜଲ୍ଟ ପୁଣି ବାହାରିବ ବୋଲି ସେ କହିଛନ୍ତି।


All Right Reserved By Dharitri.Com

ତତ୍ପରତା ଦେଖାଇ ଶୋଇଗଲା କମିଶନରେଟ ପୋଲିସ: ବ୍ଲାକ୍‌ ସ୍ପଟ୍‌ ସ୍ଥାନରେ ବ୍ୟାରିକେଡ୍‌, ଇଣ୍ଟରସେପ୍ଟର କଥା ଭୁଲିଗଲେ ଅଧିକାରୀ

ଭୁବନେଶ୍ୱର,୧୧।୬(ବ୍ୟୁରୋ) : ରାଜଧାନୀ ଦେଇ ଯାଇଥିବା ୧୬ ନଂ. ଜାତୀୟ ରାଜପଥ ଉପରେ ବାରମ୍ବାର ଦୁର୍ଘଟଣା ଘଟି ଜୀବନ ଯାଉଛି। ମାସକ ମଧ୍ୟରେ ୧୦ରୁ ଊର୍ଦ୍ଧ୍ୱ...

ପୂର୍ବତନ ବିଧାୟକଙ୍କୁ ବାଚସ୍ପତିଙ୍କ ଚରମବାଣୀ: ୩ ଦିନ ମଧ୍ୟରେ କ୍ୱାର୍ଟର୍ସ ଛାଡ଼

ଭୁବନେଶ୍ୱର,୨୦ା୧୦(ବ୍ୟୁରୋ): ଗତ ନିର୍ବାଚନରେ ହାରିବା ସତ୍ତ୍ୱେ ଅନେକ ପୂର୍ବତନ ବିଧାୟକ ସରକାରୀ କ୍ୱାର୍ଟର୍ସ ଛାଡୁ ନାହାନ୍ତି। ବାରମ୍ବାର ନୋଟିସ ଦେବା ପରେ ମଧ୍ୟ କୌଣସି ଫରକ...

ଖୋଲା ରହିବ ପଶୁ ଖାଦ୍ୟ ଦୋକାନ, ଚିକିତ୍ସାକାରୀ କ୍ଲିନିକ୍‌

ଭୁବନେଶ୍ୱର,୩୧।୩(ବ୍ୟୁରୋ): ଲକ୍‌ଡାଉନ୍‌ ସମୟରେ ପଶୁ ଚିକିତ୍ସାକାରୀ କ୍ଲିନିକ, ପଶୁ ଖାଦ୍ୟ ବିତରଣକାରୀ ଦେକାନ ଖୋଲା ରହିବ। ଏଗୁଡ଼ିକ ଅତ୍ୟାବଶ୍ୟକ ସେବା ଏବଂ ବସ୍ତୁ ଅନ୍ତର୍ଗତ ଥିବାରୁ...

ପ୍ରଦର୍ଶନୀ ପଡିଆରେ ଜାତୀୟ ପତାକା ଉତ୍ତୋଳନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୧୫।୮(ବ୍ୟୁରୋ): ପ୍ରଦର୍ଶନୀ ପଡିଆରେ ରାଜ୍ୟସ୍ତରୀୟ ସ୍ବାଧୀନତା ଦିବସ ପାଳିତ ହୋଇଯାଇଛି। ଏଠାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜାତୀୟ ପତାକା ଉତ୍ତୋଳନ କରିଛନ୍ତି। ଏହି ଅବସରରେ...

ପ୍ରାଥମିକ ଶିକ୍ଷକଙ୍କ ପଦୋନ୍ନତିରେ ବିଳମ୍ବ : ଅଗଷ୍ଟ ୧ରେ ଜିଲା ଶିକ୍ଷା କାର୍ଯ୍ୟାଳୟ ଆଗରେ ଧାରଣା

ନୟାଗଡ଼ ଅଫିସ,୨୫।୭: ନୟାଗଡ଼ ଜିଲାରେ ପ୍ରାଥମିକ ଶିକ୍ଷକମାନଙ୍କ ପଦୋନ୍ନତିରେ ବିଳମ୍ବ ହୋଇଥିବା ନେଇ ଜିଲା ପ୍ରାଥମିକ ଶିକ୍ଷକ ସଂଘ ଅଭିଯୋଗ କରିଛି । ଏ ନେଇ...

କୁଆପଥର ବର୍ଷା, ବ୍ୟାପକ କ୍ଷୟକ୍ଷତି

ରାଇକିଆ,୧୩।୬(ଡ଼ି.ଏନ.ଏ)-ରାଇକିଆ ବ୍ଲକର ବିଭିନ୍ନ ଅଞ୍ଚଳରେ ବୁଧବାର ରାତ୍ରରେ ପ୍ରବଳ ବର୍ଷା ସହ କୁଆପଥର ପଡିଥିଲା। ଏଥିରେ ଅନେକ ସ୍ଥାନରେ ବ୍ୟାପକ କ୍ଷୟକ୍ଷତି ହୋଇଛି। ମାଣିକେଶ୍ୱର ପଞ୍ଚାୟତରେ...

ଜନ ଆନ୍ଦୋଳନ ସଫଳ: କାର୍ଯ୍ୟକ୍ଷମ ହେଲା ବରଗଡ଼ ପୁରୁଣା ଜିଲା ମୁଖ୍ୟ ଡାକ୍ତରଖାନା

ବରଗଡ଼ ଅଫିସ,୩।୨: ବରଗଡ଼ ସହରବାସୀଙ୍କ ଜନ ଆନ୍ଦୋଳନ ସଫଳ ହୋଇଛି। ସହରବାସୀଙ୍କ ଆନ୍ଦୋଳନ ପରେ ସୋମବାର ଅପରାହ୍ନ ପ୍ରାୟ ସାଢ଼େ ୪ଟାରୁ ପୁରୁଣା ଜିଲା ମୁଖ୍ୟ...

ଶ୍ରୀଲିଙ୍ଗରାଜ ମନ୍ଦିର ପାର୍ଶ୍ୱରୁ ଉଚ୍ଛେଦ ସରିଲା: ବଦଳୁଛି ମନ୍ଦିର ପାରିପାର୍ଶ୍ୱିକ ପରିବେଶ, ଜୋର୍‌ସୋର୍‌ରେ ଚାଲିଛି ସୌନ୍ଦର୍ଯ୍ୟକରଣ କାର୍ଯ୍ୟ

ଭୁବନେଶ୍ୱର, ୩୧ା୧୨ (ବ୍ୟୁରୋ)- ଶ୍ରୀଲିଙ୍ଗରାଜ ମନ୍ଦିର ପାର୍ଶ୍ୱରୁ ଉଚ୍ଛେଦ ପ୍ରାୟତଃ ସରି ଆସିଛି। ଏପଟେ ଆରମ୍ଭ ହୋଇଯାଇଛି ସୌନ୍ଦର୍ଯ୍ୟକରଣ କାର୍ଯ୍ୟ। ପୁରୁଣା ମାର୍କେଟ କମ୍ପ୍ଲେକ୍ସ ସ୍ଥାନ...

Leave a comment

Your email address will not be published. Required fields are marked *