ପ୍ରତିଶ୍ରୁତିରେ ସ୍ମାର୍ଟ ସିଟି ରାଉରକେଲାର ବିକାଶ

ଦିନେ ମ୍ୟୁନିସିପାଲିଟି ଓ ଷ୍ଟିଲ ଟାଉନଶିପ୍‌ ଅନ୍ତର୍ଗତ ବିଜ୍ଞାପିତ ଅଞ୍ଚଳ ପରିଷଦକୁ ନେଇ ରାଉରକେଲା ସହର ଗଢି ଉଠିଥିଲା । ପର୍ଯ୍ୟାୟ କ୍ରମେ ସେହି ସହର ମହାନଗର ଓ ସ୍ମାର୍ଟସିଟିର ମାନ୍ୟତା ଲାଭ କରିଛି। ୨୦୧୪ ନଭେମ୍ବର ୧୪ରେ ରାଜ୍ୟ ସରକାର ଏହି ସହରକୁ ମହାନଗର ନିଗମ ମାନ୍ୟତା ପ୍ରଦାନ କରିଥିଲେ। ଏହାର ୨ବର୍ଷ ପରେ ଅର୍ଥାତ୍‌ ୨୦୧୬ ସେପ୍ଟେମ୍ବର ୨୦ରେ କେନ୍ଦ୍ର ସରକାର ରାଉରକେଲାକୁ ସ୍ମାର୍ଟ ସିଟି ଭାବେ ଘୋଷଣା କରି ସମସ୍ତଙ୍କୁ ଚମକାଇ ଦେଇଥିଲେ । ରାଜ୍ୟ ଓ କେନ୍ଦ୍ର ସରକାରଙ୍କ ଏଭଳି ଘୋଷଣାକୁ ସହରବାସୀ ସେତେବେଳେ ଜୋରଦାର ସ୍ବାଗତ କରିଥିଲେ। ଭାବିଥିଲେ ସହରର ଚିତ୍ର ବଦଳିବ। ସବୁଠି ସ୍ମାର୍ଟନେସର ଝଲକ ଦେଖିବାକୁ ମିଳିବ। ଶିକ୍ଷା, ସ୍ବାସ୍ଥ୍ୟ, ପାନୀୟ ଜଳ, ଆଲୋକୀକରଣ, ଗମନାଗମନ ଭଳି ମୌଳିକ ଆବଶ୍ୟକତାରେ ଉନ୍ନତି ଆସିବ। ଇତିମଧ୍ୟରେ ମହାନଗର ଘୋଷଣାକୁ ୫ ବର୍ଷ ଓ ସ୍ମାର୍ଟସିଟି ଘୋଷଣାକୁ ୩ବର୍ଷରୁ ଊର୍ଦ୍ଧ୍ୱ ସମୟ ପୂରିଲାଣି । ତଥାପି ସହରବାସୀଙ୍କ ଆଶା ପୂରଣ ହୋଇପାରିନି । ଆଜି ପର୍ଯ୍ୟନ୍ତ ମହାନଗର ନିଗମ ପାଇଁ ନିର୍ବାଚନ ହୋଇପାରୁନି। ବିକାଶର ଲଗାମ ରହିଛି ସରକାରୀ ଅଧିକାରୀଙ୍କ ହାତରେ। ଆଇନ ଜାଲରେ ଛନ୍ଦି ହୋଇ ରହିଛି ମହାନଗର ନିଗମ ନିର୍ବାଚନ ଘୋଷଣା। ବାରମ୍ବାର ଦାବି ସତ୍ତ୍ୱେ କମିଶନରେଟ ପୋଲିସ ବ୍ୟବସ୍ଥା ପ୍ରଚଳନ ସମ୍ଭବ ହୋଇନି। ବିପର୍ଯ୍ୟସ୍ତ ଟ୍ରାଫିକ ବ୍ୟବସ୍ଥାରେ ସୁଧାର ଆସିନି। ଭୂତଳ ପାର୍କିଂ ସ୍ବପ୍ନ ଦେଖାଇଥିବା ସ୍ମାର୍ଟସିଟି କର୍ତ୍ତୃପକ୍ଷ ରାସ୍ତା ପାର୍ଶ୍ୱ ପାର୍କିଂକୁ ବ୍ୟବସ୍ଥିତ କରିପାରୁ ନାହଁାନ୍ତି। ପାର୍କ, ଜଳାଶୟ, ଷ୍ଟାଡିୟମ, ସଭାଘର ଭଳି ଅନେକ ଆବଶ୍ୟକତା ଦୂରହୋଇ ପାରିନି। ଏସବୁ କେବଳ ବୈଠକ, ଆଲୋଚନା ଓ ପ୍ରତିଶ୍ରୁତିରେ ଅଟକିଛି। ଏହା ବ୍ୟତୀତ ସ୍ମାର୍ଟ ରୋଡ, ଗ୍ରୀନ୍‌ ବେଲ୍ଟ, ସିଟିଜେନ୍‌ ପାର୍କ, ପବ୍ଲିକ ଇନଫର୍ମେଶନ ସିଷ୍ଟମ, ଟେଲି ମେଡିସିନ ସେଣ୍ଟର୍ସ, ସ୍ମାର୍ଟ କ୍ଲାସରୁମ ଭଳି ଯେଉଁ ଚିତ୍ର ସହରବାସୀଙ୍କ ସମ୍ମୁଖରେ ରଖାଯାଇଥିଲା ତାହା ଆଜି ବି ସ୍ବପ୍ନ ହୋଇ ରହିଛି। ସହରର ପ୍ରମୁଖ ଜନଗହଳିପୂର୍ଣ୍ଣ ବଜାର ଡେଲି ମାର୍କେଟ, ହୋଲସେଲ ମାର୍କେଟ ଓ ପାନପୋଷ ମାର୍କେଟ ଆଦିର ଉନ୍ନତୀକରଣ ଓ ଆବଶ୍ୟକ ସ୍ଥଳେ ଏହାର ସ୍ଥାନାନ୍ତର ନେଇ ପ୍ରତିଶ୍ରୁତି ରଖିଥିଲେ କତ୍ତୃପକ୍ଷ। କେବଳ ଏତିକି ନୁହେଁ ଭେଇକିଲ ଫ୍ରି ଜୋନ, ଟ୍ରାଡିଶନାଲ ଭେଣ୍ଡିଂ ଜୋନ, ସ୍କିଲ ଡେଭଲପମେଣ୍ଟ ସେଣ୍ଟର, ଟ୍ରେନିଂ ସେଣ୍ଟର, ଟ୍ରାଇବାଲ ଆର୍ଟ ସେଣ୍ଟର ଭଳି ଅନେକ ପ୍ରସ୍ତାବିତ ପ୍ରକଳ୍ପ କାଗଜକଲମରେ ଅଟକିଛି। ଏହାବ୍ୟତୀତ ସବୁଠୁ ଗୁରୁତ୍ୱପୂର୍ଣ୍ଣ ପ୍ରକଳ୍ପ ହେଉଛି ଦ୍ୱିତୀୟ ବ୍ରାହ୍ମଣୀ ସେତୁ । ଯାହାର ନିର୍ମାଣ ନେଇ ଆଜି ବି ସନ୍ଦେହ ଦୂର ହୋଇ ପାରୁନି। ୨୦୧୪ରୁ ବିଭିନ୍ନ ସମୟରେ ଏହାର ନିର୍ମାଣ ନେଇ ଏକାଧିକ ନିର୍ମାଣକାରୀ ସଂସ୍ଥାକୁ ଦାୟିତ୍ୱ ପ୍ରଦାନ କରାଯାଇଛି। ତଥାପି ସେହି ପ୍ରକଳ୍ପ କେବେ ଶେଷ ହେବ ସେନେଇ କେହି ଆକଳନ କରି ଉତ୍ତର ଦେଇପାରୁ ନାହାନ୍ତି। ସମାନ ଅବସ୍ଥାରେ ଆଇଜିଏଚ୍‌କୁ ସୁପର ସ୍ପେଶିଆଲିଟି ହସ୍ପିଟାଲରେ ପରିଣତ ନ କରିବା ଘଟଣା ସହରବାସୀଙ୍କ ମନରେ ଦୁଃଖ ଭରି ଦେଇଛି। ରାଉରକେଲା ସରକାରୀ ଡାକ୍ତରଖାନା କେବଳ ଏ ସହର ପାଇଁ ନୁହେଁ ବରଂ ପଡୋଶୀ ଝାଡ଼ଖଣ୍ଡ ଓ ଛତିଶଗଡ଼ ରାଜ୍ୟ ପାଇଁ ବଡ ଆବଶ୍ୟକତା । ଏହାର ଉନ୍ନତୀକରଣ କିମ୍ବା ସମ୍ପ୍ରସାରଣ ନେଇ ସନ୍ତୋଷଜନକ ପଦକ୍ଷେପ ନିଆଯାଇ ପାରିନି। ଉଚ୍ଚ ଶିକ୍ଷା ହେଉ କି ଦୂରାରୋଗ୍ୟ ବ୍ୟାଧି ସବୁ କଥାରେ କଟକ, ଭୁବନେଶ୍ୱର ଭଳି ବଡ ସହର ଉପରେ ନିର୍ଭରଶୀଳ ହେଉଛନ୍ତି ରାଉରକେଲାବାସୀ। କେବେ ସୁଦ୍ଧା ମହାନଗର ଓ ସ୍ମାର୍ଟ ସିଟିର ରୂପରେଖ ବଦଳିବ ସେ ନେଇ ସବୁଠି ପ୍ରଶ୍ନବାଚୀ। ସ୍ମାର୍ଟସିଟି ରୂପକାର ସାଜି ମୋଟା ଅଙ୍କର ଦରମା ଉଠାଉଥିବା ଅଧିକାରୀ ବା କର୍ମଚାରୀଙ୍କ ଦକ୍ଷତା ନେଇ ଏବେ ପ୍ରଶ୍ନ ଉଠିଛି।
– ବସନ୍ତ ଧଳ


All Right Reserved By Dharitri.Com

ମିଶନରେଟ ପୋଲିସକୁ ମହିଳାଙ୍କ ସୁରକ୍ଷା ଚିନ୍ତା: ଛାତ୍ରୀ, ମହିଳା ହେବେ ସ୍ପେଶାଲ ପୋଲିସ ଅଫିସର

ଭୁବନେଶ୍ୱର,,୧୭ା୧୨(ବ୍ୟୁରୋ): ଓଡ଼ିଶା ସମେତ ସାରା ଦେଶରେ ଏବେ ମହିଳାମାନେ ଅସୁରକ୍ଷିତ ହୋଇପଡୁଛନ୍ତି। ବଳାତ୍କାର ଓ ନିର୍ଯାତନା ସୀମା ଟପିଛି। ବିଶେଷକରି ହାଇଦ୍ରାବାଦ ମହିଳା ଡାକ୍ତର ଏବଂ ଉନ୍ନାଓ...

ନିୟମ ଉଲ୍ଲଂଘନ ଅଭିଯୋଗରେ ୩ ଦୋକାନୀ ଗିରଫ

ଭଦ୍ରକ ଅଫିସ,୨୧।୪: ଭଦ୍ରକ ଜିଲାରେ ୮ କରୋନା ସଂକ୍ରମିତ ରୋଗୀ ଚିହ୍ନଟ ହୋଇଥିବା ବେଳେ ୨ଜଣ ସୁସ୍ଥ ହୋଇଛନ୍ତି। ଭଣ୍ଡାରିପୋଖରୀ ବ୍ଲକରେ ୨ଜଣ କରୋନା ରୋଗୀ...

ଓଡ଼ିଆ ଆଇଏଏସ୍‌ ଅଫିସର ପି.କେ. ମିଶ୍ର ହେଲେ ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ

ଭୁବନେଶ୍ୱର, ୧୧।୯(ବ୍ୟୁରୋ): ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ ଭାବେ ବୁଧବାର ଦାୟିତ୍ୱ ନେଇଛନ୍ତି ଓଡ଼ିଆ ଆଇଏଏସ୍‌ ଅଫିସର ପ୍ରମୋଦ କୁମାର ମିଶ୍ର। ନୃପେନ୍ଦ୍ର ମିଶ୍ରଙ୍କ ଅବସର ପରେ ...

ଖୁବ୍‌ଶୀଘ୍ର ଆଚାର୍ଯ୍ୟ ହରିହର କ୍ୟାନ୍‌ସର ହସ୍ପିଟାଲ୍‌ର ୨ୟ କ୍ୟାମ୍ପସ୍‌: ମନ୍ତ୍ରୀ

ଭୁବନେଶ୍ୱର,୨୮।୧(ବ୍ୟୁରୋ): ଖୁବ୍‌ଶୀଘ୍ର କଟକସ୍ଥ ଆଚାର୍ଯ୍ୟ ହରିହର କ୍ୟାନ୍‌ସର ହସ୍ପିଟାଲର ୨ୟ କ୍ୟାମ୍ପସ୍‌ ନିର୍ମାଣ କରାଯିବ। ଏନେଇ ମଙ୍ଗଳବାର ଗଭର୍ନିଂ ବଡି ବୈଠକରେ ସ୍ବାସ୍ଥ୍ୟମନ୍ତ୍ରୀ ନବ ଦାସ...

ଗଞ୍ଜାମ ପ୍ରଶାସନର ଅଭିନବ ପଦକ୍ଷେପ: ‘କରୋନା ଯୋଦ୍ଧା ଆମର ହିରୋ’ ପେଣ୍ଟିଂ ପ୍ରତିଯୋଗିତା, ଭାଗନେଇ ଜିତିପାରିବେ ଆର୍ଥିକ ପୁରସ୍କାର

ଛତ୍ରପୁର, ୧୧।୪(ଡି.ଏନ୍‌.ଏ.)- କରୋନା ଭୁତାଣୁ ସଂକ୍ରମଣକୁ ପ୍ରତିହତ କରିବା ପାଇଁ ଗଞ୍ଜାମରେ ଲକ୍‌ ଡାଉନ୍‌ ଓ ଆଂଶିକ ସଟ୍‌ ଡାଉନ୍‌ ଜାରି ରହିଛି। ଏହାକୁ ନେଇ...

ଏରସମା ଫାଶୀ ଦଣ୍ଡାଦେଶ ମାମଲା: ୨୬ରେ ରାୟ ଦେବେ ହାଇକୋର୍ଟ

କଟକ ଅଫିସ, ୧୪ା୯: ଜଗତସିଂହପୁର ଜିଲା ଏରସମା ଅଞ୍ଚଳର ଜଣେ ନାବାଳିକାଙ୍କୁ ବଳାତ୍କାର ଏବଂ ହତ୍ୟା ଘଟଣାରେ ଅଭିଯୁକ୍ତ ଲବ ମାନ୍ନା ଓରଫ କାଳିଆଙ୍କୁ ଜଗତସିଂହପୁର...

କାଳ ବୈଶାଖୀରେ ଭାଙ୍ଗିଲା ଘର

ଚମ୍ପୁଆ,୨୯ା୫(ଡି.ଏନ.ଏ.): କାଳ ବୈଶାଖୀ ତାଣ୍ଡବ ଯୋଗୁଁ ବାସୁଦେବପୁର ଗ୍ରାମରେ ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡିଛି। ବର୍ଷା ସହ ପ୍ରବଳ ବେଗରେ ପବନ ହେବାରୁ ଗ୍ରାମର ତ୍ରିବନ...

୭୫ ମିଟର ଉଚ୍ଛେଦ ପାଇଁ ମାପଚୁପ ଆରମ୍ଭ

ପୁରୀ ଅଫିସ, ୧୭-୯:ଶ୍ରୀମନ୍ଦିରର ସୁରକ୍ଷା ଓ ସୌନ୍ଦର୍ଯ୍ୟକରଣ ପାଇଁ ମେଘନାଦ ପାଚେରିଠାରୁ ୭୫ ମିଟର ପର୍ଯ୍ୟନ୍ତ ଅଞ୍ଚଳକୁ ଖାଲି କରାଯିବ। ଏହି ପରିସୀମା ଭିତରେ ଥିବା...

Leave a comment

Your email address will not be published. Required fields are marked *