୮୦ ପଞ୍ଚାୟତରେ ନାହିଁ ବ୍ୟାଙ୍କ ସେବା

ମାଲକାନଗିରି ଜିଲାର ୮୦ଟି ପଞ୍ଚାୟତରେ ବ୍ୟାଙ୍କ ବ୍ୟବସ୍ଥା ଓ ଟେଲିଫୋନ ସେବା ନାହିଁ। ଫଳରେ ସମ୍ପୃକ୍ତ ଅଞ୍ଚଳର ଲୋକମାନେ ବିଭିନ୍ନ ଅସୁବିଧାର ସମ୍ମୁଖୀନ ହେଉଛନ୍ତି। ଜିଲାରେ ମୋଟ ୧୧୧ଟି ପଞ୍ଚାୟତ ଥିବା ବେଳେ ଏକତୃତୀୟାଂଶ ପଞ୍ଚାୟତକୁ ବାଦ୍‌ ଦେଲେ ଅନ୍ୟ ସବୁ ପଞ୍ଚାୟତରେ ଏହି ସେବା ଅପହଞ୍ଚ ହୋଇ ରହିଛି। କେବଳ ବ୍ଲକ ସଦର ମହକୁମା ଖଇରପୁଟ, ଚିତ୍ରକୋଣ୍ଡା, ପଡିଆ, କାଲିମେଳା, କୋରୁକୋଣ୍ଡା, ମାଥିଲି ଏବଂ ବାଲିମେଳା ଏନ୍‌ଏସି ଓ ମାଲକାନଗିରି ମ୍ୟୁନିସିପାଲିଟିରେ ସରକାରୀ ବେସରକାରୀ ଭାବେ ମୋଟ ୪୫ଟି ବ୍ୟାଙ୍କ ରହିଛି। ବିଶେଷ କରି ଚିତ୍ରକୋଣ୍ଡା, ପଡିଆ, କୁଡୁମୁଲୁଗୁମ୍ମା, ଖଇରପୁଟ, କାଲିମେଳା ବ୍ଲକରେ ଥିବା ଅନେକ ପଞ୍ଚାୟତବାସୀ ଏହି ସୁବିଧାରୁ ବଞ୍ଚତ୍ତ ହୋଇ ରହିଛନ୍ତି। ରାଜ୍ୟ ଓ କେନ୍ଦ୍ର ସରକାରଙ୍କ ପକ୍ଷରୁ ମେକ୍‌ ଇନ୍‌ ଇଣ୍ଡିଆ, ଡିଜିଟାଲ ଇଣ୍ଡିଆ ଭଳି ଯୋଜନା ଆରମ୍ଭ କରାଯାଇ ସମସ୍ତ ଗ୍ରାମାଞ୍ଚଳ ଏବଂ ସମସ୍ତ ପଞ୍ଚାୟତରେ ଟେଲିଫୋନ, ବ୍ୟାଙ୍କ ଓ ଅନ୍‌ଲାଇନ୍‌ ବ୍ୟାଙ୍କିଙ୍ଗ୍‌ ସୁବିଧା କଥା କହୁଥିବା ବେଳେ ମାଲକାନଗିରି ଜିଲାରେ କିନ୍ତୁ ଏହାର ଚିତ୍ର ଭିନ୍ନ। ୭ଲକ୍ଷରୁ ଊର୍ଦ୍ଧ୍ୱ ଜନସଂଖ୍ୟା ବିଶିଷ୍ଟ ମାଲକାନଗିରି ଜିଲାରେ ରହିଛି ମାତ୍ର ୪୫ଟି ବ୍ୟାଙ୍କ। ଏତେ ଲୋକଙ୍କୁ ମାତ୍ର ୪୫ଟି ବ୍ୟାଙ୍କ କିପରି ସେବା ଯୋଗାଉଥିବେ ତାହା ସହଜରେ ଅନୁମେୟ। ଏଠାରେ କିଛି ଅଣବ୍ୟାଙ୍କିଙ୍ଗ୍‌ ସଂସ୍ଥା କାର୍ଯ୍ୟ କରୁଛି। ମାତ୍ର ତାହାକୁ ଲୋକମାନେ ସହଜରେ ଏହାକୁ ଗ୍ରହଣ କରିପାରୁନାହାନ୍ତି। ସରକାରୀ ଯୋଜନାରେ ଗ୍ରାମାଞ୍ଚଳ ଗୃହ ନିର୍ମାଣ, ଏମ୍‌ଏନ୍‌ଆରଇଜିଏସ୍‌, ଜଳ ବିଭାଜିକା ପ୍ରକଳ୍ପ, କୃଷକଙ୍କୁ ମଣ୍ଡିରେ ଧାନର ପ୍ରାପ୍ୟ ଭଳି ପ୍ରାୟ ୯୦ ପ୍ରତିଶତ କାର୍ଯ୍ୟ ଅନ୍‌ଲାଇନ ବ୍ୟାଙ୍କିଙ୍ଗ୍‌ରେ ହେଉଛି। ସାଧାରଣ ଭାବରେ ଚିତ୍ରକୋଣ୍ଡାର ପଣସପୁଟ, ଜଡାମ୍ବ, ଅଣ୍ଡ୍ରାପାଲି, ରାଲେଗେଡା, ପାପରମେଟଲା, କୁର୍ମାନୁର, ପାପୁଲୁର, ମାଥିଲି ବ୍ଲକର ମହୁପଦର, କିଆଙ୍ଗ, ବଡଡୁରାଲ ଭଳି ଦୁର୍ଗମ ଅଞ୍ଚଳର ଲୋକମାନେ ବ୍ୟାଙ୍କକୁ ଆସିବାକୁ ହେଲେ ସେମାନଙ୍କୁ ୫୦ରୁ ୬୦ କିଲୋମିଟର ଚାଲିଚାଲି ଆସିବାକୁ ପଡିଥାଏ। ସବୁଠାରୁ ବଡ ସମସ୍ୟା ହେଉଛି ବହୁ ବ୍ଲକ ସଦର ମହକୁମାରେ ମୋବାଇଲ ନେଟ୍‌ଓ୍ବାର୍କ ଲିଙ୍କ୍‌ ନ ଥିବାରୁ ବ୍ୟାଙ୍କଗୁଡିକ ସପ୍ତାହରେ ୪/୫ ଦିନ କାର୍ଯ୍ୟକ୍ଷମ ହେଉନାହିଁ। ମାଲକାନଗିରି ଜିଲାରେ ୫୦ ମୋବାଇଲ ଟାଓ୍ବାରର ଆବଶ୍ୟକତା ଥିବା ବେଳେ ଅଦ୍ୟାବଧି ଏହି ଆବଶ୍ୟକତା ପୂରଣ ହୋଇପାରିନାହିଁ। ପ୍ରାୟ ୫୦ ପ୍ରତିଶତ ଗ୍ରାମାଞ୍ଚଳରେ ଲୋକେ ମୋବାଇଲ ଫୋନ୍‌ କ’ଣ ଜାଣିନାହାନ୍ତି। ବର୍ତ୍ତମାନ ମାଲକାନଗିରି ଜିଲାରେ ଚାଷୀ ମାନେ ଖରିଫ ଫସଲ ପାଇଁ ବିହନ ସାର ଖର୍ଦ୍ଦି କରିବା ପାଇଁ ବିଭିନ୍ନ ଲ୍ୟାମ୍ପ ଏବଂ ଲାଇସେନ୍ସ ପ୍ରାପ୍ତ ବିକ୍ରେତାଙ୍କଠାରୁ ଖର୍ଦ୍ଦି କରିବା ସମୟରେ ସେମାନଙ୍କୁ ମିଳିଥିବା ସରକାରଙ୍କ ରିହାତି ଟଙ୍କା ଅନ୍‌ଲାଇନ୍‌ରେ ଡିପୋଜିଟ୍‌ ହୁଏ। ମାତ୍ର ମାଲକାନଗିରି ଜିଲାରେ ଅଧିକାଂଶ ସମୟରେ ଟେଲିଫୋନ ଏବଂ ନେଟ୍‌ ସେବା ଅଚଳ ଅବସ୍ଥାରେ ଥିବାରୁ ଚାଷୀମାନେ ହଇରାଣ ହୋଇଥାନ୍ତି। ସାଧାରଣ ଲୋକେ ମଧ୍ୟ ଆଧାର କାର୍ଡ ସଂଶୋଧନ ଏବଂ ଅନ୍ୟାନ୍ୟ କାର୍ଯ୍ୟ ପାଇଁ ଅସୁବିଧାର ସମ୍ମୁଖୀନ ହୋଇଥାନ୍ତି। ଅନ୍ୟପକ୍ଷରେ ଚିତ୍ରକୋଣ୍ଡା ବ୍ଲକରେ ଗୁରୁପ୍ରିୟା ସେତୁ ଲୋକାର୍ପିତ କରି ମୁଖ୍ୟମନ୍ତ୍ରୀ ସେହି ଅଞ୍ଚଳର ନାମ ସ୍ବାଭିମାନ ଅଞ୍ଚଳ ରଖିଛନ୍ତି। ଗୁରୁପ୍ରିୟା କାର୍ଯ୍ୟକ୍ଷମ ହେଲା ପରେ ବିଚ୍ଛିନ୍ନାଅଞ୍ଚଳର ୭ଟି ପଞ୍ଚାୟତରୁ କେବଳ ବଡପଡା ଏବଂ ପାପରମେଟ୍‌ଲା ପଞ୍ଚାୟତର କେତେକ ଅଞ୍ଚଳକୁ ଗମନାଗମନ ସୁବିଧା ହୋଇଛି। ସମ୍ପୃକ୍ତ ୭ ପଞ୍ଚାୟତରେ ଅଦ୍ୟାବଧି ଟେଲିଫୋନ ସେବା ଏବଂ ନେଟ୍‌ୱାର୍କ ସଂଯୋଗ ହୋଇ ପାରିନାହିଁି ା ଫଳରେ ଆନ୍ଧ୍ର ସୀମାନ୍ତକୁ ଲାଗିଥିବା ଏହି ଅଞ୍ଚଳଗୁଡିକରେ ମାଓବାଦୀଙ୍କ ଆଡ୍ଡାସ୍ଥଳି ପାଲଟିଛି ା
– ଦୁର୍ଯ୍ୟୋଧନ ପାତ୍ର


All Right Reserved By Dharitri.Com

ରାଜଧାନୀ ପାଣି ପାଣି

ଭୁବନେଶ୍ୱର,୨୪।୮ (ବ୍ୟୁରୋ): ଶୁକ୍ରବାର ଦେଢ଼ଘଣ୍ଟାର ବର୍ଷା ସ୍ମାର୍ଟସିଟିର ଜନଜୀବନକୁ ପୂରା ଅସ୍ତବ୍ୟସ୍ତ କରିଦେଇଥିଲା। ଜନପଥ, ଜାତୀୟ ରାଜପଥଠାରୁ ଆରମ୍ଭ କରି ଚନ୍ଦ୍ରଶେଖରପୁର, ପୁରୁଣା ଭୁବନେଶ୍ୱର, ଇସ୍କନ...

ବିଜେପୁର: କଂଗ୍ରେସର ପ୍ରାର୍ଥୀ ହେଲେ ଦିଲ୍ଲୀପ ପଣ୍ଡା

ଭୁବନେଶ୍ୱର,୨୫।୯(ବ୍ୟୁରୋ): ବିଜେପୁର ଉପନିର୍ବାଚନ ପାଇଁ ବିଧିବଦ୍ଧ ଭାବେ ବିଜ୍ଞପ୍ତି ପ୍ରକାଶ ପାଇସାରିଛି। ଆସନ୍ତା ୨୧ତାରିଖରେ ବିଜେପୁର ଆସନ ପାଇଁ ଭୋଟ ଗ୍ରହଣ ହେବ। ଏନେଇ ସବୁ...

କାଳିଆ ଟଙ୍କା ମିଳିବ କହି ଠକେଇ

ଦିଗପହଣ୍ଡି,୬ା୧୨(ଡି.ଏନ.ଏ.)- ଦିଗପହଣ୍ଡି ବ୍ଲକ କୈଠଡା ପଞ୍ଚାୟତରେ ଜଣେ ମହିଳାଙ୍କୁ କାଳିଆ ଟଙ୍କା ମିଳିବ କହି ଦୁର୍ବୃତ୍ତ ଟଙ୍କା ଓ ସୁନା ଗହଣା ଠକି ନେଇଛନ୍ତି। ଠକେଇର...

ଖଣ୍ଡଗିରି ଯାତ୍ରାରେ ପୁଣି ଅଶ୍ଳୀଳ ନୃତ୍ୟ

ଭୁବନେଶ୍ୱର, ୮ା୨(ବ୍ୟୁରୋ): କଟକଣା ସତ୍ତ୍ୱେ ଚଳିତବର୍ଷ ଖଣ୍ଡଗିରି କୁମ୍ଭମେଳା ଯାତ୍ରା ମଞ୍ଚରେ ପୁଣି ପରିବେଷଣ ହୋଇଛି ଅଶ୍ଳୀଳ ନୃତ୍ୟ। ଏଭଳି ନୃତ୍ୟ ପ୍ରଦର୍ଶନକୁ ନେଇ ବିବାଦ...

ଡ୍ରାଇଭରଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

ଭୁବନେଶ୍ୱର, ୨।୧୨(ବ୍ୟୁରୋ): ଚନ୍ଦ୍ରଶେଖରପୁର ଥାନା ଶ୍ରୀବିହାର ଅଞ୍ଚଳରୁ ଜଣେ ଡ୍ରାଇଭରଙ୍କ ମୃତଦେହ ପୋଲିସ ଉଦ୍ଧାର କରିଛି। ମୃତକ ଜଣଙ୍କ ହେଲେ ପୁରୀ ବ୍ରହ୍ମଗିରି ଅଞ୍ଚଳ ସୁନୀଲ...

ମହାନଦୀ ଜଳବିବାଦ: ଉଭୟ ରାଜ୍ୟ ଗସ୍ତ କରିବେ ବୈଷୟିକ ଟିମ୍‌, ନଭେମ୍ବର ୩୦ରେ ପରବର୍ତ୍ତୀ ଶୁଣାଣି

ଭୁବନେଶ୍ୱର,୨୮।୯(ବ୍ୟୁରୋ): ଓଡ଼ିଶା ଓ ପଡ଼ୋଶର ଛତିଶଗଡ଼ ମଧ୍ୟରେ ଲାଗି ରହିଥିବା ମହାନଦୀ ଜଳ ବିବାଦର ଶନିବାର ଟ୍ରିବ୍ୟୁନାଲ ଶୁଣାଣି କରିଛନ୍ତି। ଉଭୟ ରାଜ୍ୟର ବୈଷୟିକ ଟିମ୍‌...

ମିଶନରେଟ ପୋଲିସକୁ ମହିଳାଙ୍କ ସୁରକ୍ଷା ଚିନ୍ତା: ଛାତ୍ରୀ, ମହିଳା ହେବେ ସ୍ପେଶାଲ ପୋଲିସ ଅଫିସର

ଭୁବନେଶ୍ୱର,,୧୭ା୧୨(ବ୍ୟୁରୋ): ଓଡ଼ିଶା ସମେତ ସାରା ଦେଶରେ ଏବେ ମହିଳାମାନେ ଅସୁରକ୍ଷିତ ହୋଇପଡୁଛନ୍ତି। ବଳାତ୍କାର ଓ ନିର୍ଯାତନା ସୀମା ଟପିଛି। ବିଶେଷକରି ହାଇଦ୍ରାବାଦ ମହିଳା ଡାକ୍ତର ଏବଂ ଉନ୍ନାଓ...

ଭୂତ ଭୟ: ସ୍କୁଲ ହଷ୍ଟେଲ ଛାଡ଼ିଲେ ୪୦ ଛାତ୍ରୀଛାତ୍ର

କେନ୍ଦୁଝର,୧୧।୧୨(ସ୍ବ.ପ୍ର.): କେନ୍ଦୁଝର ଜିଲା ହରିଚନ୍ଦନପୁର ବ୍ଲକ ଭଅଁରପୁର ପ୍ରାଥମିକ ବିଦ୍ୟାଳୟର ସ୍ବଳ୍ପବ୍ୟୟ ଆବାସିକ ହଷ୍ଟେଲରେ ଅଭାବନୀୟ ଘଟଣା ଘଟିଛି। ଭୂତ ଭୟରେ ହଷ୍ଟେଲରେ ଥିବା ସମସ୍ତ...

Leave a comment

Your email address will not be published. Required fields are marked *