Posted inUncategorized

ମଙ୍ଗଳପୁର ପ୍ରାଥମିକ କୃଷି ସମବାୟ ସମିତିରେ ଚଢ଼ାଉ: ତଦନ୍ତବେଳେ ଅଭିଯୋଗ କଲେ ଶତାଧିକ ଚାଷୀ

ଦଶରଥପୁର,୨୨ା୬(ଡିଏନ୍‌ଏ): କଟକ ସେଣ୍ଟ୍ରାଲ୍‌ କୋ-ଅପରେଟିଭ ବ୍ୟାଙ୍କ ଦଶରଥପୁର ଶାଖା ଅଧୀନରେ ଥିବା ମଙ୍ଗଳପୁର ପ୍ରାଥମିକ କୃଷି ସମବାୟ ସମିତିରେ ଦୁର୍ନୀତି ସୀମା ଲଂଘିଛି। ଏ ସମ୍ପର୍କରେ କିଛିଦିନ ତଳେ ମଙ୍ଗଳପୁର ସରପଞ୍ଚ ଶିଶିର କୁମାର ଧଳ, ପରିଚାଳନା ପରିଷଦର କେତେଜଣ ସଭ୍ୟ ଏବଂ ଚାଷୀ ଅଭିଯୋଗ କରିଥିଲେ। ଅଭିଯୋଗ ପାଇ ଡେପୁଟି ରେଜିଷ୍ଟାର ଅଫ୍‌ କୋ-ଅପରେଟିଭ ସୋସାଇଟି କଟକ ଡିଭିଜନ ପତ୍ର ସଂଖ୍ୟା ୬୦୩/୧୭।୬।୨୦୧୯ରେ ଘଟଣାର ତଦନ୍ତ ନିର୍ଦ୍ଦେଶ ଦେଇଥିଲେ। ଏହି ପର୍ଯ୍ୟାୟରେ ଶୁକ୍ରବାର ସମବାୟ ସମିତି ସମୂହର ସହକାରୀ ନିବନ୍ଧକ (ଏଆରସିଏସ୍‌) ମଣିରଞ୍ଜନ ମିଶ୍ର ମଙ୍ଗଳପୁର ପ୍ରାଥମିକ କୃଷି ସମବାୟରେ ଚଢ଼ାଉ କରି ବିଭିନ୍ନ କାଗଜପତ୍ର ଯାଞ୍ଚ କରିବା ସହ କେତେକ କାଗଜପତ୍ର ଜବତ କରିଥିବା ଦେଖାଯାଇଛି। ଆଇନ୍‌ ଶୃଙ୍ଖଳା ପରିସ୍ଥିତି ଉପୁଜିବା ଆଶଙ୍କାରେ ମଙ୍ଗଳପୁର ଆଇଆଇସି ଅସିତ୍‌ ରଞ୍ଜନ ମହାନ୍ତି ସଦଳବଳେ ଘଟଣାସ୍ଥଳରେ ତଦନ୍ତର ଶେଷଯାଏ ଉପସ୍ଥିତ ରହିଥିଲେ।
ସୂଚନାଯୋଗ୍ୟ ଯେ, ଏହି ସମବାୟ ସମତିରେ ଚାଷୀଙ୍କୁ ଋଣ ଦେବା ନାଁରେ ଶୋଷଣ କରାଯିବା ସହ ଚାଷୀଙ୍କ ଅଗୋଚରରେ ଋଣ ଖାତାରୁ ଲକ୍ଷଲକ୍ଷ ଟଙ୍କା ହଡ଼ପ କରାଯାଇ ସମ୍ପୃକ୍ତ ସମିତି କର୍ମଚାରୀ ଭାଗବଣ୍ଟା କରି ଖାଉଥିବା ଅଭିଯୋଗ ହୋଇଥିଲା। ଋଣ କରାଇଦେବା ଆଳରେ ଚାଷୀଙ୍କ କାଗଜପତ୍ର ନେଇ ଋଣ ସାଙ୍କ୍‌ସନ୍‌ କରାଇ ଚାଷୀଙ୍କଠାରୁ ଅନେକଗୁଡିଏ ଚେକ୍‌ରେ ଦସ୍ତଖତ ନିଆଯାଇଥାଏ। ଏହାପରେ ସମିତି ପକ୍ଷରୁ ଋଣ ଆବେଦନ କରିଥିବା ଚାଷୀଙ୍କୁ ଋଣ ଅର୍ଥ ପ୍ରଦାନ କରାଯାଉଥିଲେ ହେଁ ସେମାନଙ୍କୁ ଋଣ କରିଥିବା ଖାତା ଓ ଚେକ୍‌ବୁକ୍‌ ଦିଆଯାଏ ନାହଁି ା ଫଳରେ ଚାଷୀ କେତେ ଟଙ୍କା ଋଣ କରି କେତେ ଟଙ୍କା ପାଇଲା ତାହା ଜାଣିପାରେ ନାହିଁ। ସେମାନେ ଋଣ ବହି ମାଗିଲେ ଉକ୍ତ ସମିତିର ପିଅନ ସେମାନଙ୍କୁ ଧମକାଇ ଥାଆନ୍ତି ବୋଲି ଶୁକ୍ରବାର ତଦନ୍ତ ଅଧିକାରୀ ମିଶ୍ରଙ୍କୁ ଭେଟି ଶତାଧିକ ଚାଷୀ ଲିଖିତ ଅଭିଯୋଗ କରିଥିଲେ। ବର୍ଷବର୍ଷ ଧରି ଋଣ ନେଇଥିବା ଚାଷୀଙ୍କୁ ଏଠାରେ ଋଣ ବହି ପ୍ରଦାନ କରାଯାଉ ନ ଥିବା ଦେଖାଯାଇଛି। ବହି ପ୍ରଦାନ କରିଦେଲେ ଚାଷୀ ଋଣ ଅର୍ଥ ଜାଣିଯିବା ଭୟରେ ସମିତି କର୍ମଚାରୀମାନେ ତାଙ୍କୁ ବହି ପ୍ରଦାନ କରି ନ ଥାନ୍ତି ବୋଲି ଚାଷୀମାନେ କହିବା ପରେ ମିଶ୍ର ଅଭିଯୋଗକାରୀଙ୍କ ଋଣ ବହି ସେମାନଙ୍କୁ ପ୍ରଦାନ କରିବା ଲାଗି ସମ୍ପୃକ୍ତ ସମିତି କର୍ମଚାରୀଙ୍କୁ ନିର୍ଦ୍ଦେଶ ଦେଇଥିଲେ। ଏହାପରେ ପେଟି ପେଟି ଗଚ୍ଛିତ ରହିଥିବା ଋଣ ବହି ସମିତିରୁ ବାହାର କରାଯାଇ ଚାଷୀଙ୍କୁ ସେମାନଙ୍କ ଋଣ ବହି ଦିଆଯାଇଥିଲା। ବହି ପାଇବା ପରେ ଋଣ ନେଇଥିବା ଚାଷୀମାନେ ମୁଣ୍ଡରେ ହାତ ଦେଇଥିଲେ। ତାଙ୍କ ନାମରେ ହୋଇଥିବା ଋଣଠାରୁ ସେମାନେ ବହୁ କମ୍‌ ଅର୍ଥ ପାଇଥିବା ଏଆର୍‌ସିଏସ୍‌ଙ୍କୁ ଜଣାଇଛନ୍ତି। ଏହାଛଡା ମଙ୍ଗଳପୁର ସରପଞ୍ଚ ଶିଶିର ଧଳ ଓ ପରିଚାଳନା ପରିଷଦ ସଭ୍ୟ ପ୍ରଫୁଲ୍ଲ ଦାସ, ଦିଲ୍ଲୀପ କୁମାର ସାମଲ, ଭରତ ମଲ୍ଲିକ୍‌, ନଟବର ମୁଦୁଲି, ମାନସ ରଞ୍ଜନ ଦାସ, ଶଙ୍କର୍ଷଣ ଦାସ, ପ୍ରଭାତ କୁମାର ମଲ୍ଲିକ ପ୍ରମୁଖ ଅଭିଯୋଗରେ ଦର୍ଶାଇଛନ୍ତି ଯେ, ଏଠାରେ କୌଣସି ଚାଷୀଙ୍କୁ ଲୋନ୍‌ କରାଇ ଦିଆଗଲେ ସମିତି କର୍ତ୍ତୃପକ୍ଷ ମୋଟାଅଙ୍କର ଉକେତ୍ାଚ ନେଇଥାନ୍ତି। ଏହାଛଡା ମାଟ୍ରିକ୍‌ ପାସ୍‌ କରି ନ ଥିବା ସମ୍ପୃକ୍ତ ପିଅନଙ୍କୁ କିଭଳି ସମିତିର ସହସମ୍ପାଦକ ପୋଷ୍ଟରେ ରଖାଯାଇଛି ବୋଲି ସେମାନେ ପ୍ରଶ୍ନ କରିଥିଲେ। ଏହି ସମିତିରେ କେତେଜଣ ଚାଷୀ ଋଣ ଅର୍ଥ ପରିଶୋଧ କରି ସାରିଥିଲେ ମଧ୍ୟ ସମିତି ପକ୍ଷରୁ ଚଞ୍ଚକତା କରାଯାଇ ସେମାନେ ଋଣ ଅର୍ଥ ପରିଶୋଧ କରି ନ ଥିବା କୁହାଯାଉଥିବା ଅଭିଯୋଗରେ ଦର୍ଶାଯାଇଛି ା ଘଟଣା ସମ୍ପର୍କରେ ତଦନ୍ତରେ ଆସିଥିବା ଏଆର୍‌ସିଏସ୍‌ ମିଶ୍ରଙ୍କୁ ପଚାରିବାରେ, ଚାଷୀଙ୍କ ଅଭିଯୋଗରେ ମାତ୍ରାଧିକ ସତ୍ୟତା ରହିଥିବା କହିଥିବାବେଳେ ସମିତିରେ ଅନେକ ତ୍ରୁଟି ପରିଲକ୍ଷିତ ହୋଇଛି। ତଦନ୍ତ ସମ୍ପୂର୍ଣ୍ଣ ହେବାପରେ କାର୍ଯ୍ୟାନୁଷ୍ଠାନ ହେବବୋଲି ସେ କହିଛନ୍ତି ା

 


All Right Reserved By Dharitri.Com

Posted inUncategorized View All

୫୦ ଦିନ ଗଲାନି ୫୦ ଲକ୍ଷର ଅମୃତ ପାର୍କ

ଭଦ୍ରକ ଅଫିସ, ୧୦।୬- ଭଦ୍ରକ ପୌରପାଳିକାର ୨ ନମ୍ବର ୱାର୍ଡ ଅନ୍ତର୍ଗତ ରହଣିଆଠାରେ ପ୍ରତିଷ୍ଠା କରାଯାଇଥିବା ଅମୃତ ପାର୍କକୁ ବର୍ଷେ ନ ପୂରୁଣୁ ସୌନ୍ଦର୍ଯ୍ୟ ହରାଇ...

ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଗାୟିକା ସପ୍‌ନା

ବମ୍ବେ: କଥାରେ ଅଛି ରଖେ ହରି ତ ମାରେ କିଏ। ଏଭଳି କିଛି ଘଟଣା ଘଟିଛି ଗାୟିକା ସପନା ଚୌଧୁରୀଙ୍କ କ୍ଷେତ୍ରରେ। ଶୁକ୍ରବାର ରାତିରେ ଶପିଂ...

ବଡ଼ ଟେଡି ବିୟର

ଟେଡି ବିୟର ସମସ୍ତଙ୍କର ପସନ୍ଦ। ଛୋଟ ପିଲା ତ ଏହାକୁ ଦଣ୍ଡେ ଛାଡି ରହି ପାରନ୍ତି ନାହିଁ। ଏମିତିକି ଧରିକି ବି ଶୋଇଥାଆନ୍ତି। ହେଲେ ମେକ୍ସିକୋରେ...

ତାଇଓ୍ବାନ୍‌ରେ ହେଲିକପ୍ଟର ଦୁର୍ଘଟଣା: ସେନାଧ୍ୟକ୍ଷଙ୍କ ସମେତ ୮ ମୃତ

ତାଇପେଇ,୩ା୧:ତାଇଓ୍ବାନର ତାଇପେଇଠାରେ ଏକ ସେନା ହେଲିକପ୍ଟର ପାହାଡରେ ପିଟିହୋଇ ଦୁର୍ଘଟଣାଗ୍ରସ୍ତ ହେବା ଫଳରେ ଏଥିରେ ଥିବା ସେନାଧ୍ୟକ୍ଷ ଶେନ୍‌ ୟି-ମିଙ୍ଗଙ୍କ ସମେତ ୮ ସୈନ୍ୟ ପ୍ରାଣ...

ବିଦ୍ୟୁତ୍‌ ଖୁଣ୍ଟକୁ ଧକ୍କା ଦେଲା ଟ୍ରକ: ସେବା ବାଧାପ୍ରାପ୍ତ

ବଇଣ୍ଡା,୧୦।୬(ଡି.ଏନ.ଏ.)-କିଶୋରନଗର ବ୍ଲକ ବଇଣ୍ଡା ନିକଟସ୍ଥ କଦଳୀମୁଣ୍ଡାଠାରେ ଥିବା ଏକ ଏଲଟିଲାଇନ ବିଦ୍ୟୁତ୍‌ ଖୁଣ୍ଟକୁ ଏକ ଟ୍ରକ ଧକ୍କା ଦେଇଛି। ଫଳରେ ବିଦ୍ୟୁତ୍‌ ଖୁଣ୍ଟ ଭାଙ୍ଗିଯାଇଥିବାବେଳେ ବିଦ୍ୟୁତ...

ବିପଦସଙ୍କୁଳ ଅବସ୍ଥାରେ ପ୍ରକଳ୍ପ ପ୍ରାଥମିକ ବିଦ୍ୟାଳୟ

ସୋରଡ଼ା,୨୫ା୭(ଡି.ଏନ.ଏ.)- ସୋରଡା ବ୍ଲକ ସୁରମଣି ପଞ୍ଚାୟତ ବିଷ୍ଣୁପୁର ପ୍ରକଳ୍ପ ପ୍ରାଥମିକ ବିଦ୍ୟାଳୟ ଶ୍ରେଣୀଗୃହ, ପାଚେରି, କାନ୍ଥ, କାର୍ଯ୍ୟାଳୟ ଗୃହ ବିପଦସଙ୍କୁଳ ଅବସ୍ଥାରେ ରହିଛି । ବାରମ୍ବାର...

ଦ୍ୱିଶତକ ହାସଲ ପରେ କାହିଁକି ଚିକେନ୍‌ ବର୍ଗର ଖାଇଥିଲେ କୋହଲି

ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଯଦିଓ ଏବେ ଶାକାହାରୀ ହୋଇଯାଇଛନ୍ତି, କିନ୍ତୁ ଦେଢବର୍ଷ ପୂର୍ବରୁ ସେ ପ୍ରବଳ ମାଛମାଂସ ଖାଉଥିଲେ। ଏପରିକି ୨୦୧୬ରେ...

Leave a comment

Your email address will not be published. Required fields are marked *