ପରାଜିତ ଯାଇ ନ ପାରନ୍ତି ରାଜ୍ୟ ସଭା

ଭୁବନେଶ୍ୱର,୨୦ା୬(ବ୍ୟୁରୋ): ରାଜ୍ୟ ସଭାରେ ଖାଲି ହୋଇଥିବା ଓଡିଶାର ୩ ଆସନକୁ ନେଇ ରାଜ୍ୟ ରାଜନୀତିରେ ଚର୍ଚ୍ଚା ଜୋର୍‌ ଧରିଛି। ବିଧାନସଭା ସଂଖ୍ୟା ଦୃଷ୍ଟିରୁ ଦେଖିଲେ ଏହି ୩ଟି ଯାକ ଆସନ ବିଜେଡି ହାତକୁ ଯିବା ଏକ ପ୍ରକାର ନିଶ୍ଚିତ। ମାତ୍ର ୩ ଆସନ ପାଇଁ ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେଉଁ ନେତାଙ୍କୁ ବାଛିବେ ତାକୁ ନେଇ କଳ୍ପନାଜଳ୍ପନା ଲାଗି ରହିଛି। ନିକଟରେ ଶେଷ ହୋଇଥିବା ସାଧାରଣ ନିର୍ବାଚନରେ ବିଜେଡିର ବହୁ ହେଭିଓ୍ବେଟ୍‌ ପରାଜୟର ମୁହଁ ଦେଖିଛନ୍ତି। ତେଣୁ ପରାଜିତ ନେତାମାନଙ୍କ ମଧ୍ୟରୁ ନବୀନ ୩ ଜଣଙ୍କୁ ରାଜ୍ୟ ସଭା ପଠାଇପାରନ୍ତି ବୋଲି ଚର୍ଚ୍ଚା ଜୋର୍‌ ଧରିଥିଲା। ହେଲେ ସେହି ତାଲିକା ଏତେ ଲମ୍ବା ଯେ କାହାକୁ ମୁଖ୍ୟମନ୍ତ୍ରୀ ସୁଯୋଗ ଦେବେ ଏବଂ କିଏ ବାଦ୍‌ ପଡିବେ ତାକୁ ଆକଳନ କରିବା କଷ୍ଟକର ମନେ ହେଉଛି। ଏପରି କି ଶାସକ ଦଳୀୟ ନେତାଙ୍କ ନିକଟରେ ମଧ୍ୟ ଠିକ୍‌ ଖବର ପହଞ୍ଚିପାରୁ ନାହିଁ। ପଶ୍ଚିମ, ଉତ୍ତର ଏବଂ ପୂର୍ବ ଓଡିଶା ଯୁଆଡେ ଦେଖିଲେ ସବୁ ଦିଗରୁ ବିଜେଡିର ବହୁ ହେଭିଓ୍ବେଟ୍‌ ଏହି ତାଲିକାରେ ଅଛନ୍ତି। ଏହା ସାଙ୍ଗକୁ ଟିକେଟରୁ ବଞ୍ଚିତ ହୋଇଥିବା ଏବଂ ରାଜ୍ୟ ସଭା ପାଇଁ ପ୍ରତିଶ୍ରୁତି ପାଇଥିବା ନେତାଙ୍କ ତାଲିକା ମିଶାଇ ଦେଲେ ଏହା ଆହୁରି ଲମ୍ବି ଯାଉଛି। ମଙ୍ଗଳବାର ରାଜ୍ୟ ସଭା ଉପନିର୍ବାଚନ ପାଇଁ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇସାରିଛି। ଆସନ୍ତା ୨୫ ତାରିଖ ନାମାଙ୍କନ ଦାଖଲର ଶେଷଦିନ। ନବୀନ ନିବାସରେ ମଧ୍ୟ ଆଶାୟୀମାନେ ଜୋର୍‌ଦାର ଲବି ଚଳାଇଛନ୍ତି। ବିଶେଷ ସୂତ୍ରରୁ ମିଳିଥିବା ଖବର ଅନୁଯାୟୀ ଏହି ୩ ଜଣିଆ ତାଲିକାରେ କୌଣସି ପରାଜିତ ନେତାଙ୍କୁ ସୁଯୋଗ ମିଳିବ ନାହିଁ। ଯେଉଁମାନେ ଲୋକ ସଭା କିମ୍ବା ବିଧାନସଭାରେ ହାରିଯିବା ପରେ ନିଜକୁ ରାଜ୍ୟ ସଭାରେ ଥଇଥାନ ହେବାକୁ ଉଦ୍ୟମ କରୁଛନ୍ତି ସେମାନେ ତାଙ୍କ ଯୋଜନାରେ ଫେଲ୍‌ ମାରିବାର ଯଥେଷ୍ଟ ସମ୍ଭାବନା ରହିଛି। କିଛି ନୂଆ ମୁହଁ ଏଥର ରାଜ୍ୟ ସଭା ଦୌଡରେ ସାମିଲ ହୋଇଯାଇଛନ୍ତି।
ମିଳିଥିବା ଖବର ଅନୁଯାୟୀ ମୁଖ୍ୟମନ୍ତ୍ରୀ ସର୍ବଦଳୀୟ ବୈଠକରୁ ଗୁରୁବାର ଫେରିବେ। ଏହି ଦିନ ୩ ପ୍ରାର୍ଥୀଙ୍କ ନାମ ଘୋଷଣା କରାଯିବା ନେଇ ଆଶା କରାଯାଉଛି। ଯଦି ଏପରି ନ ହୁଏ ତେବେ ଆସନ୍ତା ୨୨ ମଧ୍ୟରେ ଘୋଷଣା ସୁନିଶ୍ଚିତ। ତେବେ ବିଧାୟକ ସୌମ୍ୟରଞ୍ଜନ ପଟ୍ଟନାୟକ ଏବଂ ଏମ୍‌ପି ଅଚ୍ୟୁତ ସାମନ୍ତଙ୍କ ଛାଡିଥିବା ଆସନର କାର୍ଯ୍ୟକାଳ ୫ ବର୍ଷ ଲେଖାଏ ରହିଛି। ବିଧାୟକ ପ୍ରତାପ ଦେବ ଛାଡିଥିବା ଆସନର କାର୍ଯ୍ୟକାଳ ୩ବର୍ଷ ରହିଛି। ବିଜେଡି ମୁଖପାତ୍ର ସସ୍ମିତ ପାତ୍ର, ଆଇଟି ସେଲ୍‌ ମୁଖ୍ୟ ଅମର ପଟ୍ଟନାୟକ ରାଜ୍ୟ ସଭା ଯିବେ ବୋଲି ଏକପ୍ରକାର ଚୂଡାନ୍ତ ହୋଇସାରିଥିବା ଆଲୋଚନା ହେଉଛି। ଏହି ଦୁଇଜଣଙ୍କୁ ୫ ବର୍ଷ ପାଇଁ ପଠାଯିବାର ଯଥେଷ୍ଟ ସମ୍ଭାବନା ରହିଛି। ସେହିପରି ଅନ୍ୟମାନଙ୍କ ମଧ୍ୟରେ ରମେଶ ଚନ୍ଦ୍ର ଚ୍ୟାଉପଟ୍ଟନାୟକ କିମ୍ବା ପ୍ରସନ୍ନ ପାଟଶାଣୀଙ୍କ ମଧ୍ୟରୁ ଜଣଙ୍କୁ ନବୀନ ୩ ବର୍ଷ ପାଇଁ ପଠାଇପାରନ୍ତି। ଶ୍ରୀମୟୀ ମିଶ୍ର ମଧ୍ୟ ଦୌଡରେ ରହିଛନ୍ତି। ହେଲେ ପରାଜିତଙ୍କ ମଧ୍ୟରୁ କେତେଜଣଙ୍କୁ ରାଜ୍ୟ ସଭା ପଠାଇବା ପାଇଁ ଦଳର କିଛି ଆଗଧାଡିର ନେତା ପ୍ରୟାସ ଚଳାଇଛନ୍ତି। ଉତ୍ତର ଓଡିଶା ଏବଂ ପଶ୍ଚିମ ଓଡିଶାର ଦୁଇଜଣ ପରାଜିତ ନେତାଙ୍କୁ ରାଜ୍ୟ ସଭା ପଠାଇବାକୁ ବହୁତ ଉଦ୍ୟମ କରାଯାଉଛି।
ରାଜ୍ୟ ସଭା ଦୌଡରେ ବର୍ତ୍ତମାନ ଗୁରୁତ୍ୱପୂର୍ଣ୍ଣ ସ୍ଥାନ ନେଉଥିବା ନେତାଙ୍କ କଥା ଦେଖିଲେ ନବୀନ ସ୍ବତନ୍ତ୍ରଭାବେ ବିଚାର କରି ନିଷ୍ପତ୍ତି ନେବାକୁ ଯାଉଥିବା ଚର୍ଚ୍ଚା ହେଉଛି। ୨୦୧୭ ମସିହା ପର୍ଯ୍ୟନ୍ତ ଦେଖିଲେ ସୋସିଆଲ୍‌ ମିଡିଆରେ ଭାଜପା ଏକକ ସ୍ଥାନ ଅକ୍ତିଆର କରି ରଖିଥିଲା। ମାତ୍ର ଏହା ପରଠାରୁ ବିଜେଡି ସୋସିଆଲ ମିଡିଆରେ ଆଗକୁ ବଢିବା ଆରମ୍ଭ କରିଥିଲା। ସରକାରୀ ଚାକିରିରୁ ଅବସର ନେବା ପରେ ଅମର ପଟ୍ଟନାୟକ ବିଜେଡି ଆଇଟି ସେଲ୍‌ କାର୍ଯ୍ୟ ବେଶ୍‌ ଭଲଭାବେ ତୁଲାଇଛନ୍ତି। ସେହି ଦୃଷ୍ଟିରୁ ଦେଖିଲେ ଅମରଙ୍କ ନାମ ଚର୍ଚ୍ଚାର ସର୍ବାଗ୍ରେ ରହିଛି। ଅନ୍ୟପଟେ ବିଗତ ଦିନଗୁଡିକୁ ଲକ୍ଷ୍ୟ କଲେ ବିଜେଡି ସର୍ବଦା ମୁଖପାତ୍ରମାନଙ୍କୁ ମଧ୍ୟ ଗୁରୁତ୍ୱ ଦେଇଛି। ସସ୍ମିତ ପାତ୍ର ନିର୍ଦ୍ଦିଷ୍ଟ ଏକ ସମ୍ପ୍ରଦାୟରୁ ଆସୁଛନ୍ତି। ସେହିପରି ଟିକେଟ ଆଶା ନ କରି ନିଜ ଦାୟିତ୍ୱ ତୁଲାଇବାରେ ହେଳା କରିନାହାନ୍ତି। ତେଣୁ ଦଳରେ ଟିକେଟ ଆଶା ନ କରି ଶୃଙ୍ଖଳିତ କର୍ମୀ ମହଲରେ ମଧ୍ୟ ଏହା ବେଶ୍‌ ଭଲ ପ୍ରଭାବ ପକାଇବ। ଦକ୍ଷିଣ ଓଡିଶାରେ ମୁଖ୍ୟମନ୍ତ୍ରୀ ଦୁଇଜଣ କଂଗ୍ରେସ ନେତାଙ୍କୁ ଦଳରେ ସାମିଲ କରି ଟିକେଟ ଦେଇଛନ୍ତି। ଦୀର୍ଘଦିନ ଧରି ଦଳ ପାଇଁ କାମ କରିଥିବା ନେତା ଏହାକୁ ନେଇ ମନ ଊଣା କରିବା ସ୍ବାଭାବିକ। ରମେଶ ଚନ୍ଦ୍ର ଚ୍ୟାଉପଟ୍ଟନାୟକଙ୍କ ସ୍ଥାନରେ କଂଗ୍ରେସରୁ ଯାଇ ବିଜେଡିରେ ମିଶିଥିବା ବିକ୍ରମ ପଣ୍ଡା ଟିକେଟ ପାଇ ବିଧାୟକ ହୋଇଛନ୍ତି। ସେହିପରି ବ୍ରହ୍ମପୁର ଲୋକ ସଭା ଆସନରୁ ସିଦ୍ଧାନ୍ତ ମହାପାତ୍ରଙ୍କ ବଦଳରେ କଂଗ୍ରେସ ନେତା ଚନ୍ଦ୍ରଶେଖର ସାହୁ ବିଜେଡି ପ୍ରାର୍ଥୀ ହୋଇ ଏମ୍‌ପି ହୋଇଛନ୍ତି। ତେଣୁ ସେହି ଅଞ୍ଚଳରେ ବିଜେଡି କର୍ମୀ ମହଲରେ ଏକ ଭଲ ବାର୍ତ୍ତା ଦେବାକୁ ନବୀନ ପ୍ରୟାସ କରିବାର ସମ୍ଭାବନା ବେଶ୍‌ ଅଧିକ। ଏହା ମଧ୍ୟରେ ପୂର୍ବତନ ଏମ୍‌ପି ପ୍ରସନ୍ନ ପାଟଶାଣୀ ରାଜ୍ୟ ସଭା ପଦ ପାଇଁ ବେଶ୍‌ ଆଶାୟୀ ଥିବା ଶୁଣିବାକୁ ମିଳୁଛି। ତେଣୁ ୩ ବର୍ଷିଆ ସ୍ଥାନରେ ତାଙ୍କୁ ପଠାଇ ଚୁପ୍‌ କରାଯାଇପାରେ ବୋଲି ଶୁଣିବାକୁ ମିଳୁଛି। ଏସବୁ ମଧ୍ୟରେ କାହାକୁ ନବୀନ ଗ୍ରୀନ୍‌ ସିଗ୍‌ନାଲ ଦେବେ ତା’ ଉପରେ ସମସ୍ତଙ୍କ ନଜର ରହିଛି।


All Right Reserved By Dharitri.Com

ବାପ-ପୁଅ ଦଳରେ ପରିଣତ ହୋଇଛି କଂଗ୍ରେସ : ନିରଞ୍ଜନଙ୍କ ଉପରେ ବର୍ଷିଲେ କାହ୍ନୁ

ଭୁବନେଶ୍ୱର,୨୭ା୫(ବ୍ୟୁରୋ) : ୨୦୧୯ ସାଧାରଣ ନିର୍ବାଚନରେ ଓଡିଶାରେ କଂଗ୍ରେସ ଅତ୍ୟନ୍ତ ଦୁର୍ବଳ ପ୍ରଦର୍ଶନ କରିବାପରେ ନେତାମାନଙ୍କ ମଧ୍ୟରେ ଆରୋପ ପ୍ରତ୍ୟାରୋପ ଆରମ୍ଭ ହୋଇଯାଇଛି। ଦଳର ରାଜ୍ୟ...

ଅସରାଏ ବର୍ଷାରେ ସହରାଞ୍ଚଳ ରାସ୍ତାରେ ବନ୍ୟା

କଟକ ରୋଡ,୧୯।୭(ଡି.ଏନ୍‌.ଏ.) :ରାଜଧାନୀରେ ଅସରାଏ ବର୍ଷାରେ ଅଧିକାଂଶ ଅଞ୍ଚଳ ଜଳମଗ୍ନ ହେଉଛି। ସ୍ମାର୍ଟ ସିଟି ଘୋଷଣା ହେବା ସତ୍ତ୍ୱେ କେତେକ ସ୍ଥାନରେ ସୃଷ୍ଟି ହେଉଥିବା ଏଭଳି...

ସମସିଆ ଘେରରେ ଭୁତଟିକ୍ରା ଗାଁବାସୀ

ଜାମଟିକ୍ରା, ୨୧।୮ (ଡି.ଏନ୍‌.ଏ): କେନ୍ଦ୍ର ଆର ରାଏଜ୍‌ ସରକାର ଗାଁଗଁଲିର ବିକାଶ ଲାଗି ଅନେକ ଯୋଜନା କାଯ୍‌କାରୀ କରୁଛନ୍‌। ହେଲେ ଅନେକ ଜାଗାରେ ଯୋଜନାକେ କାଯ୍‌କାରୀ...

ଛାତ୍ରୀଛାତ୍ର ଦୃଢ଼ ଇଚ୍ଛାଶକ୍ତି, ସଂକଳ୍ପ ବଜାୟ ରଖନ୍ତୁ

ଭୁବନେଶ୍ୱର, ୮ା୧୨(ବ୍ୟୁରୋ) ପଟିଆସ୍ଥିତ ଓଡିଏମ୍‌ ପବ୍ଲିକ୍‌ ସ୍କୁଲ ପରିସରରେ ବାର୍ଷିକ ସାମାଜିକ ବିଜ୍ଞାନ ସମ୍ମିଳନୀ ‘ସୋ-ସାଇଟି-୨୦୧୯’ ଶନିବାର ଅନୁଷ୍ଠିତ ହୋଇଯାଇଛି। ଓଡିଏମ୍‌ ଶିକ୍ଷାନୁଷ୍ଠାନ ସମୂହର ପ୍ରତିଷ୍ଠାତା...

ଭୁବନେଶ୍ୱରରେ ଆମିକସ୍‌ କ୍ୟୁରି

ପୁରୀ ଅଫିସ, ୭ା୯: ଶ୍ରୀମନ୍ଦିର ସଂସ୍କାର ମାମଲାରେ ସୁପ୍ରିମ୍‌କୋର୍ଟଙ୍କ ଦ୍ୱାରା ନିଯୁକ୍ତ ଆମିକସ୍‌ କ୍ୟୁରି ରଞ୍ଜିତ କୁମାର ଏବଂ ସଲିସିଟର ଜେନେରାଲ ତୁଷାର ମେହେଟା ଗୁରୁବାର...

ବଢ଼ୁଛି ବାର୍‌ହା ଶିକାର: ମାଂସ ଜବତ, ୭ ଗିରଫ

ହେମଗିର, ୩।୧୨ (ଡି.ଏନ.ଏ)- ଦିନକୁ ଦିନ ହେମଗିର ଜଙ୍ଗଲର ବାର୍‌ହା ଶିକାର ବୃଦ୍ଧି ପାଉଥିବାର ଦେଖାଯାଉଛି। ବନ ବିଭାଗ ଶିକାରୀମାନଙ୍କୁ ଗିରଫ କରି କୋର୍ଟ ଚାଲାଣ...

ଡାକ୍ତର ଅଭାବ, ହେଉନି ଭିତ୍ତିଭୂମି ବିକାଶ

କେନ୍ଦୁଝର,୧୭।୬(ସ୍ବ.ପ୍ର.)- କେନ୍ଦୁଝର ଜିଲାର ଆଦିବାସୀବହୁଳ ବାଂଶପାଳ ବ୍ଲକ ସ୍ବାସ୍ଥ୍ୟସେବା କ୍ଷେତ୍ରରେ ଅବହେଳିତ ହୋଇ ରହିଛି। ସରକାର ସ୍ବାସ୍ଥ୍ୟସେବା ପାଇଁ ବିଭିନ୍ନ ଯୋଜନା କରୁଥିବାବେଳେ ଏହି ବ୍ଲକରେ...

ଏଫ୍‌ଆଇଏଚ୍‌ ଟ୍ରଫି ସହ ‘ମୋ ବସ୍‌’ରେ ଗଲେ ଭାରତୀୟ ହକି ଦଳ

ଭୁବନେଶ୍ୱର, ୮ା୨(ବ୍ୟୁରୋ): ଭାରତୀୟ ହକି ଦଳର ଖେଳାଳିମାନେ ଏଫ୍‌ଆଇଏଚ୍‌ ଟ୍ରଫି ସହ ଶୁକ୍ରବାର ‘ମୋ ବସ୍‌’ରେ କଳିଙ୍ଗ ଷ୍ଟାଡିୟମ୍‌ ଆସିଥିଲେ। ଏନେଇ କ୍ୟାପିଟାଲ ରିଜିୟନ୍‌ ଅର୍ବାନ...

Leave a comment

Your email address will not be published. Required fields are marked *