ମାଗଣା ଔଷଧ ପାଇଁ ୪୨.୫୨ କୋଟି

କଟକ ଅଫିସ, ୧୯।୬: ରାଜ୍ୟରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଲାଗୁ ହେବା ପରେ ଚିକିତ୍ସା ସେବାକୁ ସମ୍ପୂର୍ଣ୍ଣ ମାଗଣା କରାଯାଇଛି। ପୂର୍ବରୁ ମେଡିକାଲର ବିଭିନ୍ନ ଉତ୍ସରୁ ୟୁଜର୍ସ ଫି ଆଦାୟ କରାଯାଉଥିଲା। ମାତ୍ର ଫେବୃୟାରୀ ପହିଲାରୁ ଏହି ଫି ଆଦାୟ ବନ୍ଦ ରହିଛି। ଏହାପରେ ମାଗଣା ଔଷଧକୁ ନେଇ ଏସ୍‌ସିବି ମେଡିକାଲରେ ଏକପ୍ରକାର ଅଡୁଆ ପରିସ୍ଥିତି ସୃଷ୍ଟି ହୋଇଛି। ମେଡିକାଲ ସହିତ ସହବନ୍ଧିତ ଥିବା ୪ଟି ଔଷଧ ଦୋକାନଗୁଡ଼ିକର ଏସ୍‌ସିବି ଉପରେ ବହୁ କୋଟି ଟଙ୍କାର ବିଲ୍‌ ବାକି ପଡ଼ିଛି। ପାଖାପାଖି ୪ ମାସ ହେବ ସହବନ୍ଧିତ ଦୋକାନଗୁଡ଼ିକ ଏହି ଟଙ୍କା ପାଇ ନ ଥିବା ଜଣାପଡ଼ିଛି। ଏହି ଦୋକାନଗୁଡ଼ିକ ଏବେ ମେଡିକାଲଠାରୁ ୭ କୋଟି ୬୩ ଲକ୍ଷ ୨୩ ହଜାର ୬୬୦ ଟଙ୍କା ପାଇବେ ବୋଲି ଜଣାପଡ଼ିଛି। ମାର୍ଚ୍ଚ ମାସଠାରୁ ଅଦ୍ୟାବଧି ଏହି ଔଷଧ ଦୋକନଗୁଡ଼ିକୁ ସେମାନଙ୍କ ବକେୟା ପଇଠ କରାଯାଇ ନ ଥିବା କେତେଜଣ ଦୋକାନ ମାଲିକ ନାମ ଗୋପନ ରଖି କହିଛନ୍ତି। ଅନ୍ୟପକ୍ଷେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ମାଗଣା ଔଷଧ ଯୋଗାଣ ବାବଦରେ ଉପରୋକ୍ତ ୪ଟି ସହବନ୍ଧିତ ଦୋକାନ ନିମନ୍ତେ ଚଳିତ ଆର୍ଥିକ ବର୍ଷରେ ୩୦ କୋଟି ୫୨ଲକ୍ଷ ୯୪ହଜାର ୬୪୦ ଟଙ୍କାର ବଜେଟ ଆବଶ୍ୟକ ଥିବାବେଳେ ସେଣ୍ଟ୍ରାଲ ଷ୍ଟୋର ନିମନ୍ତେ ୧୨କୋଟି ଟଙ୍କାର ବଜେଟ ଆବଶ୍ୟକତା ରହିଛି। ମୋଟାମୋଟି ଭାବେ ସହବନ୍ଧିତ ଔଷଧ ଦୋକାନ ଓ ସେଣ୍ଟ୍ରାଲ ଷ୍ଟୋର ପାଇଁ ୪୨ କୋଟି ୫୨ ଲକ୍ଷ ୯୪ହଜାର ୬୪୦ ଟଙ୍କାର ଏକ ବଜେଟ୍‌ ପ୍ରସ୍ତୁତ କରାଯାଇଛି । ତେବେ ସରକାର ମାଗଣା ଔଷଧ ବାବଦରେ ଏତେ କୋଟି ଟଙ୍କାର ବଜେଟ ପ୍ରସ୍ତୁତ କରୁଥିବା ବେଳେ ମେଡିକାଲ ପରିସରରେ ଥିବା ନିରାମୟ କେନ୍ଦ୍ରରେ କେବଳ ଜ୍ୱର, ଝାଡ଼ା ଔଷଧ ମହଜୁଦ ରହୁଛି। ଯାଜପୁର ଅଞ୍ଚଳରୁ ଆସିଥିବା ରୋଗୀ ମନୋରଞ୍ଜନ ସିଂ କୁହନ୍ତି, ବେକରେ ଯନ୍ତ୍ରଣା ଥିବାରୁ ମେଡିସିନ ଆଉଟ୍‌ଡୋରରେ ଡାକ୍ତରଙ୍କୁ ଦେଖାଇଥିଲି। ଡାକ୍ତର ୫ଟି ଔଷଧ ଲେଖିଥିଲେ। ମାତ୍ର ନିରାମୟ କେନ୍ଦ୍ରରେ ଗୋଟିଏ ଔଷଧ ଉପଲବ୍ଧ ଥିଲା। କେନ୍ଦ୍ରାପଡ଼ା ଅଞ୍ଚଳରୁ ଆସିଥିବା ରୋଗୀ ନାରାୟଣ ମହାନ୍ତି କୁହନ୍ତି, ଗତ ୨ ମାସ ହେବ ନିୟମିତ ଭାବେ ନେଫ୍ରୋଲୋଜି ଆଉଟଡୋରକୁ ଚିକିତ୍ସା ପାଇଁ ଆସୁଛି। ଡାକ୍ତର ଲେଖୁଥିବା ଦାମୀ ମେଡିସିନ କଥାକୁ ବାଦଦେଇ ସାମାନ୍ୟ ଆଇରନ ବଟିକା ମଧ୍ୟ ନିରାମୟ କେନ୍ଦ୍ରରେ ୨ମାସ ହେବ ମିଳୁ ନ ଥିବା କହିଛନ୍ତି। ସେହିପରି ସାଲେପୁର ଅଞ୍ଚଳରୁ ଆସିଥିବା ରୋଗୀ ଆଲୋକ ଭୂୟଁା କୁହନ୍ତି, ସରକାର ମାଗଣା ଚିକିତ୍ସାର ଭେଳିକି ଦେଖାଉଛନ୍ତି। ଯେଉଁଠି କାଜୁଆଲିଟିରେ ବ୍ଲେଡ୍‌ ଓ ପ୍ଲାଷ୍ଟର ମିଳୁନି ସେଠାରେ ମାଗଣା ଔଷଧ କେବଳ ଧୂଅଁାବାଣ ବୋଲି ଭୂୟଁା କହିଛନ୍ତି। ଘଟଣା ସମ୍ପର୍କରେ ଏସ୍‌ସିବି ଅଧୀକ୍ଷକ ପ୍ରଫେସର ସିବିକେ ମହାନ୍ତି କୁହନ୍ତି, କେଉଁ ସମୟରେ କେମିତି ଗୋଟିଏ ଦୁଇଟି ମେଡିସିନ ଉପଲବ୍ଧ ହେଉ ନ ଥିବ। କିନ୍ତୁ ନିରାମୟ କେନ୍ଦ୍ରରେ ଭରପୂର ଔଷଧ ମହଜୁଦ ରହୁଛି। ଏହାବାଦ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ରୋଗୀ ଆବଶ୍ୟକ ପରିମାଣର ସମସ୍ତ ସୁବିଧା ପାଉଥିବା ସେ କହିଛନ୍ତି । ଏବେ ମେଡିକାଲ ପାଇଁ ଆବଶ୍ୟକ ଥିବା ଔଷଧ ସମ୍ପର୍କରେ ଆମେ ସରକାରଙ୍କୁ ଅବଗତ କରାଇଛୁ। ସହବନ୍ଧିତ ଔଷଧ ଦୋକାନଗୁଡ଼ିକ ପାଇଁ ଆବଶ୍ୟକ ପାଣ୍ଠି ବାବଦରେ ମଧ୍ୟ ବ୍ୟବସ୍ଥା କରାଯାଉଥିବା ପ୍ରଫେସର ମହାନ୍ତି କହିଛନ୍ତି ।


All Right Reserved By Dharitri.Com

ଦମ୍ପତିଙ୍କ ସନ୍ଦେହଜନକ ମୃତ୍ୟୁ ୫ ଦିନ ପରେ ଗଳିତ ମୃତଦେହ ଜବତ

ନିମାପଡ଼ା,୧୧।୮(ଡି.ଏନ୍‌.ଏ.)- ନିମାପଡ଼ା ଥାନା ଅନ୍ତର୍ଗତ ରେଞ୍ଚ ମହାନ୍ତିସାହି ଗ୍ରାମରୁ ରବିବାର ଅପରାହ୍ନରେ ଏକ ଦମ୍ପତିଙ୍କ ଝୁଲନ୍ତା ମୃତଦେହକୁ ପୋଲିସ ଜବତ କରିଛି। କିଛିଦିନ ପୂର୍ବରୁ ଏହି...

ହାଇଡ୍ରୋକ୍ସିକ୍ଲୋରୋକୁଇନ୍‌ ବ୍ୟବହାର ପାଇଁ ଡାକ୍ତରୀ ପରାମର୍ଶ ଜରୁରୀ

ଭୁବନେଶ୍ୱର,୧୭ା୪(ବ୍ୟୁରୋ): କୋଭିଡ୍‌-୧୯ ଚିକିତ୍ସା ପାଇଁ ହାଇଡ୍ରୋକ୍ସିକ୍ଲୋରୋକୁଇନ୍‌ (ଏଚ୍‌ସିକ୍ୟୁ) ପରି ଔଷଧ ବାବଦରେ ସରକାରଙ୍କ ପକ୍ଷରୁ ମାର୍ଗଦର୍ଶିକା ଜାରି କରାଯାଇଛି। ଡାକ୍ତରଙ୍କ ବିନା ପରାମର୍ଶରେ ଏହି ଔଷଧ...

ବିନା ଅନୁମତିରେ ଚାଲିଛି ଶତାଧିକ ବିଦ୍ୟାଳୟ

ଭୁବନେଶ୍ୱର, ୮ା୨(ବ୍ୟୁରୋ): ଅର୍ଗାନାଇଜେଶନ୍‌ ଅଫ୍‌ ପ୍ୟାରେଣ୍ଟ ଆସୋସିଏଶନ୍‌ ଫୋରମ୍‌ (ଓପାଫ୍‌) ତରଫରୁ ଘରୋଇ ବିଦ୍ୟାଳୟଗୁଡ଼ିକରେ ମନମୁଖି କାର୍ଯ୍ୟକଳାପ, ଗଣଶିକ୍ଷା ବିଭାଗର ନୀରବତା ଓ ସିବିଏସ୍‌ଇର ସ୍ଥାଣୁତା...

ବାଘଛାଲ ର଼୍ୟାକେଟରେ ପୋଲିସ

ଭୁୁବନେଶ୍ୱର, ୩ା୭(ବ୍ୟୁରୋ): ଦେବଗଡ଼ ଜିଲା ବାରକୋଟ ଅଞ୍ଚଳରୁ କଲରାପତରିଆ ବାଘଛାଲ ଜବତ ଘଟଣାରେ ସମ୍ପୃକ୍ତ ର଼୍ୟାକେଟର ପର୍ଦ୍ଦାଫାଶ ହେବାରେ ଲାଗିଛି। ଏହି ର଼୍ୟାକେଟରେ କେତେଜଣ ପୋଲିସ...

ମହିଳାଙ୍କୁ ସୁରକ୍ଷା ଯୋଗାଇବାରେ ସରକାର ବିଫଳ

ଭୁବନେଶ୍ୱର, ୨୭।୧୧(ବ୍ୟୁରୋ): ରାଜ୍ୟ ସରକାର ମହିଳାମାନଙ୍କୁ ସୁରକ୍ଷା ଯୋଗାଇ ଦେବାରେ ବିଫଳ ହୋଇଥିବା ବିରୋଧୀ ଦଳ ନେତା ପ୍ରଦୀପ୍ତ ନାୟକ ଅଭିଯୋଗ କରିଛନ୍ତି। ବୁଧବାର ବିଧାନସଭାର...

ପୋଲିସ ପକ୍ଷରୁ ରଥଯାତ୍ରା ପ୍ରସ୍ତୁତି : ବରିଷ୍ଠ ଅଧିକାରୀଙ୍କୁ ବିଭାଗ ବଣ୍ଟନ

କଟକ ଅଫିସ, ୫।୬: ବିଶ୍ୱ ପ୍ରସିଦ୍ଧ ପୁରୀ ରଥଯାତ୍ରା ଆସନ୍ତା ଜୁଲାଇ ୪ ତାରିଖରେ ଆରମ୍ଭ ହେବ। ରଥଯାତ୍ରା ପୂର୍ବରୁ ଆସନ୍ତା ୧୭ ତାରିଖରେ ଦେବସ୍ନାନ...

ବକେୟା ୧୦ପ୍ରତିଶତ ଦରମା ପାଇବେ ସରକାରୀ କର୍ମଚାରୀ

ଭୁବନେଶ୍ୱର,୧୪।୨(ବ୍ୟୁରୋ): କେନ୍ଦ୍ର ସରକାର ଗତ ୧ ଜାନୁୟାରୀ ୨୦୧୬ରୁ ସରକାରୀ କର୍ମଚାରୀଙ୍କ ପାଇଁ ୭ମ ବେତନ କମିଶନ ଲାଗୁ କରିଥିଲେ, ଯାହା ଓଡ଼ିଶା ସରକାର ସେପ୍ଟେମ୍ବର...

ପେପରବିହୀନ ରେଳ କାର୍ଯ୍ୟାଳୟକୁ ଗୁରୁତ୍ୱ: ପ୍ରଥମ ପର୍ଯ୍ୟାୟରେ ୫୮ୟୁନିଟ୍‌ ହେଲା ଇ- ଅଫିସ୍‌

ଭୁବନେଶ୍ୱର, ୩।୧୧(ବ୍ୟୁରୋ): କାର୍ଯ୍ୟକ୍ଷେତ୍ରରେ ସ୍ବଚ୍ଛତା ଆଣିବା ସହ ପେପରବିହୀନ ରେଳ କାର୍ଯ୍ୟାଳୟ (ଇ -ଅଫିସ୍‌) କାର୍ଯ୍ୟକାରୀ ଉପରେ ଭାରତୀୟ ରେଳପଥ ବେଶ୍‌ ତତ୍ପରତାର ସହ କାର୍ଯ୍ୟ...

Leave a comment

Your email address will not be published. Required fields are marked *