ନୟାଗଡ଼ ଜିଲାକୁ ଟ୍ରେନ୍‌ ଗଡ଼ିବାରେ ଦୁଇବର୍ଷ ପୂରିଲା: ୨ରେ ସୀମିତ, ସ୍ପେଶାଲ ଟ୍ରେନ୍‌ ପାଲଟିଛି ସ୍ବପ୍ନ

ନୟାଗଡ଼ ଅଫିସ,୧୯।୬-୧୯ ଜୁନ୍‌ ୨୦୧୭ । ଏହି ଦିନ ନୟାଗଡ଼ ଜିଲାବାସୀଙ୍କ ପାଇଁ ଖୁସିର ଦିନ ଥିଲା। ଉକ୍ତ ଦିନ ରେଳ ମାନଚିତ୍ରରେ ନୟାଗଡ଼ ଜିଲା ସାମିଲ ହୋଇଥିଲା। ବୁଧବାର ଜିଲାକୁ ଟ୍ରେନ୍‌ ଗଡ଼ିବାର ଦୁଇ ବର୍ଷ ବିତିବ। ହେଲେ ପୂର୍ବରୁ ଯେଉଁ ଦୁଇଟି ଟ୍ରେନ୍‌ ଚଳାଚଳ ହେଉଥିଲା ୨ବର୍ଷରେ ମଧ୍ୟ ସେହି ୨ଟିରେ ସୀମିତ ରହିଛି। ସ୍ପେଶାଲ ଟ୍ରେନ୍‌ ଜିଲାବାସୀଙ୍କ ସ୍ବପ୍ନ ପାଲଟିଛି। ଦୁଇଟି ଟ୍ରେନ୍‌ ନୟାଗଡ଼ ଷ୍ଟେଶନରୁ ଯାଉଥିବା ବେଳେ ଦୁଇଟି ଟ୍ରେନ୍‌ ଆସୁଛି। ବର୍ତ୍ତମାନ ସୁଦ୍ଧା ସ୍ପେଶାଲ୍‌ ଟ୍ରେନ୍‌ ଚଳାଚଳ ହୋଇ ପାରିନାହିଁ। ଜିଲାର ବିଭିନ୍ନ ସଙ୍ଗଠନ ତରଫରୁ ଦାବି କରାଯିବା ପରେ ୨୦୧୮ ଜୁଲାଇ ୩ ତାରିଖରେ ନୟାଗଡ଼ ଟାଉନ ଷ୍ଟେଶନରୁ ଖଡ଼ଗପୁରକୁ ସ୍ପେଶାଲ ପାସେଞ୍ଜର ଟ୍ରେନ୍‌ ଚଳାଚଳ କରିଥିଲା। ହେଲେ ୩ ମାସ ଚାଲିବା ପରେ ଏହି ଟ୍ରେନ୍‌ଟିକୁ ବାତିଲ କରାଯାଇଥିଲା। ପୂର୍ବରୁ ଯେଉଁଭଳି ଭାବେ ଦୁଇଟି ଟ୍ରେନ୍‌ ଯାଉଥିଲା ସେହିଭଳି ଦୁଇଟି ଟ୍ର୍ରେନ୍‌ ନୟାଗଡ଼ ଟାଉନ ଷ୍ଟେଶନରୁ ଯାଉଛି। ଗୋଟିଏ ସକାଳ ୫ଟା ଓ ଅନ୍ୟଟି ସକାଳ ୯ଟା ୨୦ରେ ଉଭୟ ପାସେଞ୍ଜର ଟ୍ରେନ୍‌ ପୁରୀକୁ ଯାଉଛି। ସିଧାସଳଖ ଭୁବନେଶ୍ୱରକୁ ଟ୍ରେନ୍‌ ଚଳାଚଳ ବର୍ତ୍ତମାନ ସୁଦ୍ଧା ହୋଇପାରିନାହିଁ। ବିଭିନ୍ନ ପର୍ବପର୍ବାଣି ସମୟରେ ଲୋକଙ୍କ ଗହଳି ହେଉଥିବାରୁ ଏକ ସ୍ପେଶାଲ ଟ୍ରେନ୍‌ ଚଳାଚଳ କରିବା ପାଇଁ ଦାବି ହେଉଛି। ପାରାଦୀପକୁ ଏକ ପାସେଞ୍ଜର ଟ୍ରେନ୍‌ ଚଳାଚଳ କରିବା ପାଇଁ ଆଲୋଚନା ହେଉଥିବା ଶୁଣିବାକୁ ମିଳୁଛି। ଟ୍ରେନ୍‌ ଲାଇନ୍‌ ବିଦ୍ୟୁତୀକରଣ ହୋଇ ପାରି ନ ଥିବା ଯୋଗୁ ସ୍ପେଶାଲ ଟ୍ରେନ୍‌ ଚଳାଚଳ ହୋଇପାରୁ ନ ଥିବା ସୂଚନା ମିଳିଛି।
ଖୋର୍ଦ୍ଧା-ବଲାଙ୍ଗୀର ରେଳ ପ୍ରକଳ୍ପର ଇତିହାସ
ଦୀର୍ଘ ୭୪ ବର୍ଷ ପୂର୍ବେ ଖୋର୍ଦ୍ଧା, ନୟାଗଡ଼, କନ୍ଧମାଳ, ବୌଦ୍ଧ, ସୁବର୍ଣ୍ଣପୁର ଓ ବଲାଙ୍ଗୀର ଏହି ୬ ଜିଲାକୁ ରେଳପଥ ସଂଯୋଗ କରାଯିବାକୁ ପରିକଳ୍ପନା କରାଯାଇଥିଲା। ୧୯୪୫ ମସିହାରେ ବେଙ୍ଗଲ ନାଗପୁର ରେଳପଥ ପକ୍ଷରୁ ରେଲୱେ ଏଣ୍ଡ ରାଇଟର୍ସ କମ୍ପାନୀ ସର୍ଭେ କରିଥିଲେ ହେଁ ରେଳପଥ ନିର୍ମାଣ କାର୍ଯ୍ୟ ବିଭିନ୍ନ କାରଣରୁ ବିଳମ୍ବ ହୋଇଥିଲା। ୧୯୯୩ ମସିହାରେ ଖୋର୍ଦ୍ଧା-ବଲାଙ୍ଗୀର ରେଳପଥ ନିର୍ମାଣ ପାଇଁ ମଞ୍ଜୁର ହୋଇଥିଲା। ଖୋର୍ଦ୍ଧାରୁ ଖୋର୍ଦ୍ଧା ରୋଡ଼, ବେଗୁନିଆ, ରାଜସୁନାଖଳା ପର୍ଯ୍ୟନ୍ତ ଚାଲିଥିଲା। ୨୦ ମାର୍ଚ୍ଚ ୨୦୧୭ରେ ରାଜସୁନାଖଳାଠାରୁ ବୋଲଗଡ଼ ପର୍ଯ୍ୟନ୍ତ ପାସେଞ୍ଜର ଟ୍ରେନ ଯାତାୟାତ ଆରମ୍ଭ କରିଥିଲା। ୧୧ ମେ ୨୦୧୭ରେ ନୟାଗଡ଼ ଟାଉନ ଷ୍ଟେଶନକୁ ପରୀକ୍ଷାମୂଳକଭାବେ ରେଳ ଇଞ୍ଜିନ ଗଡ଼ିଥିବାବେଳେ ଜୁନ୍‌ ୬ ତାରିଖରେ ନୟାଗଡ଼ ଟାଉନରୁ ବୋଲଗଡ଼ ରୋଡ଼ ଷ୍ଟେଶନ୍‌କୁ ୧୧୦ ସ୍ପିଡ଼୍‌ କିଲୋମିଟରରେ ୧୨ ବଗି ବିଶିଷ୍ଟ ପାସେଞ୍ଜର ଟ୍ରେନର ଟ୍ରାଏଲ ରନ୍‌ ହୋଇଥିଲା। ପରେ ଜୁନ୍‌ ୧୯ରେ ନୟାଗଡ଼କୁ ଟ୍ରେନ୍‌ ଚଳାଚଳ ହୋଇଥିଲା।
ଦୁଇ ବର୍ଷରେ ଭଡ଼ା ବାବଦକୁ ଆଦାୟ ହୋଇଛି ୩୪ ଲକ୍ଷ ୭୯ ହଜାର
ଦୁଇ ବର୍ଷରେ (ଚଳିତ ମାସ ଜୁନ୍‌ ୧୭ ତାରିଖ ସୁଦ୍ଧା ) ୧ ଲକ୍ଷ ୩୭ ହଜାର ୧୩୨ ଜଣ ଯାତ୍ରୀ ନୟାଗଡ଼ରୁ ଯାତ୍ରା କରିଥିବା ବେଳେ ସେମାନଙ୍କଠାରୁ ୩୪ ଲକ୍ଷ ୭୯ ହଜାର ୯୨୭ ଟଙ୍କା ଭଡ଼ା ବାବଦକୁ ଆଦାୟ କରାଯାଇଥିବା ନୟାଗଡ଼ ଟାଉନ ଷ୍ଟେଶନ ମାଷ୍ଟର ଶାନ୍ତନୁ କୁମାର ଦାଶ ସୂଚନା ଦେଇଛନ୍ତି। ୨୦୧୭ ଜୁନ୍‌ଠାରୁ ୨୦୧୮ ମେ ମାସ ପର୍ଯ୍ୟନ୍ତ ୫୯,୯୪୨ ଜଣ ଯାତ୍ରୀ ଯାଇଥିବା ବେଳେ ସେମାନଙ୍କଠାରୁ ୧୫ ଲକ୍ଷ ୨୩ ହଜାର ୪୫୨ ଟଙ୍କା ଆଦାୟ କରାଯାଇଛି। ସେହିଭଳି ୨୦୧୮ ଜୁନ୍‌ଠାରୁ ବର୍ତ୍ତମାନ ପର୍ଯ୍ୟନ୍ତ ୭୭,୧୯୦ ଜଣ ଯାତ୍ରୀ ଯାଇଥିବା ବେଳେ ସେମାନଙ୍କଠାରୁ ୧୯ ଲକ୍ଷ ୫୬ ହଜାର ୪୭୫ ଟଙ୍କା ଭଡ଼ା ବାବଦକୁ ଆଦାୟ କରାଯାଇଛି। ବର୍ଷକୁ ଯାତ୍ରୀ ଓ ଭଡ଼ା ପରିମାଣ ବଢ଼ୁଥିଲେ ମଧ୍ୟ ସ୍ପେଶାଲ ଟ୍ରେନ୍‌ ଚଳାଚଳ ନ କରିବା ଜିଲାବାସୀଙ୍କ ପ୍ରତି ଅନ୍ୟାୟ ବୋଲି କେତେକ ବୁଦ୍ଧିଜୀବୀ ମତବ୍ୟକ୍ତ କରିଛନ୍ତି।
୨ ବର୍ଷରେ ହୋଇପାରିଲାନି ଗୋଟିଏ ଷ୍ଟେଶନ- ରେଳ ବିଭାଗ ତରଫରୁ ମିଳିଥିବା ସୂଚନା ଅନୁସାରେ ଜିଲାରେ ୭ଟି ଷ୍ଟେଶନ ହେବ। ରାଜସୁନାଖଳା ଓ ନୟାଗଡ଼ ଟାଉନଠାରେ ଷ୍ଟେଶନ ହୋଇଥିବା ବେଳେ ଆହୁରି ୫ଟି ଷ୍ଟେଶନ କରାଯିବ। ନୟାଗଡ଼ ଟାଉନ ଷ୍ଟେଶନ ପରେ ଦୁଇ ବର୍ଷ ହେଲାଣି ଗୋଟିଏ ବି ଷ୍ଟେଶନ କାର୍ଯ୍ୟ ଆଗେଇ ପାରିନାହିଁ। ନୟାଗଡ଼ ଟାଉନ ଷ୍ଟେଶନର ୧୧ କିଲୋମିଟର ପରେ ମହିପୁର ଷ୍ଟେଶନ ପଡ଼ୁଥିବା ବେଳେ ଏ ପର୍ଯ୍ୟନ୍ତ ମହିପୁର ଷ୍ଟେଶନର କାର୍ଯ୍ୟ ହୋଇପାରିନାହିଁ। ଏହା ପରେ ନୂଆଗାଁ, ଦଶପଲ୍ଲା, ବୁଗୁଡ଼ା ଓ ବାଣୀଗୋଛାଠାରେ ଷ୍ଟେଶନ ହେବ। ବିଭାଗୀୟ ଅବହେଳା ଓ ଠିକାଦାରଙ୍କ ମନମୁଖି କାର୍ଯ୍ୟ ଯୋଗୁ ମନ୍ଥର ଗତିରେ କାମ ଚାଲୁଥିବା ଅଭିଯୋଗ ହେଉଛି। ଅନ୍ୟପକ୍ଷେ ନୟାଗଡ଼-ଖଣ୍ଡପଡ଼ା ରୋଡ଼ର ଲକ୍ଷ୍ମୀପ୍ରସାଦଠାରେ ହେବାକୁ ଥିବା ଓଭରବ୍ରିଜ୍‌ କାର୍ଯ୍ୟ ନିର୍ମାଣାଧୀନ ରହିଛି।
ପାସେଞ୍ଜର ହଲ୍‌ଟ ନିର୍ମାଣ ଦାବି ଜୋର ଧରୁଛି- ନୟାଗଡ଼ ଷ୍ଟେଶନ ପୂର୍ବରୁ ଚମ୍ପତିପୁର ଓ ବାଉଁଶିଆପଡ଼ାଠାରେ ପାସେଞ୍ଜର ହଲ୍‌ଟ (ପିଏଚ୍‌) ନିର୍ମାଣ ପାଇଁ ବିଭିନ୍ନ ସମୟରେ ବିଭିନ୍ନ ସଙ୍ଗଠନ ତରଫରୁ ଦାବି କରାଯାଉଥିଲେ ମଧ୍ୟ ଏ ପର୍ଯ୍ୟନ୍ତ କୌଣସିଠାରେ ପିଏଚ୍‌ କାର୍ଯ୍ୟର ଅଗ୍ରଗତି ହୋଇପାରିନାହିଁ। ଚମ୍ପତିପୁରଠାରେ ପିଏଚ୍‌ ନର୍ମାଣ ହେବା ପାଇଁ ବାଲୁଙ୍କେଶ୍ୱର ରେଲେୱ ସଂଗ୍ରାମ ସମିତି ତରଫରୁ ବିଭିନ୍ନ କାର୍ଯ୍ୟକ୍ରମମାନ ଜାରି ରହିଛି। କେତେବେଳେ ରାସ୍ତାରୋକୋ, ରେଳରୋକୋ ଭଳି କାର୍ଯ୍ୟକ୍ରମ ଜାରି ରହିଛି। ଦୁଇ ଦିନ ତଳେ ସମିତିର ସଦସ୍ୟମାନେ ନୂତନ ଡିଆରଏମ୍‌ (ଡିଭିଜନାଲ୍‌ ରେଲୱେ ମ୍ୟାନେଜର)ଙ୍କୁ ଭେଟି ପିଏଚ୍‌ ନିର୍ମାଣ ଦାବିକୁ ଦୋହରାଇଥିଲେ।

୯୯ଗ୍ରାମରୁ ୬୮ ଗ୍ରାମର ୧୦୧୧ ଏକର ଜମି ହୋଇଛି ଅଧିଗ୍ରହଣ
ଖୋର୍ଦ୍ଧାରୁ ବଲାଙ୍ଗୀର ପର୍ଯ୍ୟନ୍ତ ୨୮୯ କିଲୋମିଟର ବ୍ୟାପୀ ଏହି ରେଳପଥ ନୟାଗଡ଼ ଜିଲାରେ ୯୩ କିଲୋମିଟର ମଧ୍ୟରେ ରହିଛି। ଏହି ୯୩ କିଲୋମିଟରରେ ଜିଲାର ୯୯ ଗ୍ରାମର ୧୩୯୩.୨୬୦ ଏକର ଜମି ଅଧିଗ୍ରହଣ କରିବାକୁ ଲକ୍ଷ୍ୟ ରଖାଯାଇଥିବା ବେଳେ ବର୍ତ୍ତମାନ ସୁଦ୍ଧା ୬୮ ଗ୍ରାମର ୧୦୧୧.୬୨୦ ଏକର ଜମି ଅଧିଗ୍ରହଣ କରାଯାଇଥିବା ନୟାଗଡ଼ ଜିଲା ସ୍ବତନ୍ତ୍ର ଭୂଅର୍ଜନ ମଣ୍ଡଳ ଅଧିକାରୀ ଦେବେଶ କୁମାର ବିଶ୍ୱାଳ ସୂଚନା ଦେଇଛନ୍ତି। ଅବଶିଷ୍ଟ ୩୧ ଗ୍ରାମର ୩୮୧.୬୪୦ ଏକର ଜମି ଅଧିଗ୍ରହଣ କାର୍ଯ୍ୟକ୍ରମ ଚାଲୁୁରହିଛି।
ପ୍ରତିବର୍ଷ କେନ୍ଦ୍ର ସରକାର ରେଳ ବଜେଟରେ ଖୋର୍ଦ୍ଧା-ବଲାଙ୍ଗୀର ରେଳ ପ୍ରକଳ୍ପ ପାଇଁ ମୋଟା ଅଙ୍କର ଅର୍ଥ ରାଶି ମଞ୍ଜୁର କରୁଥିଲେ ମଧ୍ୟ କାହିଁକି ରେଳ କାର୍ଯ୍ୟ ଆଗେଇପାରୁନାହିଁ ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି। ଜିଲାରେ ହେବାକୁ ଥିବା ଷ୍ଟେଶନଗୁଡ଼ିକର କାର୍ଯ୍ୟ ସାରି ତୁରନ୍ତ ଏହାକୁ କାର୍ଯ୍ୟକ୍ଷମ କରିବା ଓ ସ୍ପେଶାଲ ଟ୍ରେନ୍‌ ଚଳାଚଳ କରିବା ପ୍ରତି ରେଳ ବିଭାଗ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।
ଫଟୋ କ୍ୟାପସନ୍‌- ନୟାଗଡ଼ ଟାଉନ ଷ୍ଟେଶନ
୨- ଟାଉନ ଷ୍ଟେଶନଠାରେ କାର୍ଯ୍ୟ ଚାଲୁଛି


All Right Reserved By Dharitri.Com

ସବୁଜ ମହାନଦୀ ଗଣଦୌଡ଼ଗଛ ବିନା ଜୀବନ ବଞ୍ଚତ୍ବା କଷ୍ଟସାଧ୍ୟ

ଗଣିଆ,୧୬ା୭(ଡି.ଏନ.ଏ.): ନୟାଗଡ଼ ବନଖଣ୍ଡ ତରଫରୁ ଗଣିଆ ବନାଞ୍ଚଳରେ ସୋମବାର ସବୁଜ ମହାନଦୀ ଗଣଦୌଡ ଅନୁଷ୍ଠିତ ହୋଇଯାଇଛି। ଦଶପଲ୍ଲା ବିଧାୟକ ରମେଶଚନ୍ଦ୍ର ବେହେରା ମୁଖ୍ୟଅତିଥି ଭାବେ ଯୋଗଦେଇ...

ବସନ୍ତ କୁମାର ବିଦ୍ୟାପୀଠର ବାର୍ଷିକ ଉତ୍ସବ: ମାଟ୍ରିକରେ ପ୍ରଥମ ୧୦ଜଣରେ ରହିଲେ ୧ଲକ୍ଷ ଟଙ୍କା ପୁରସ୍କାର

ଖଣ୍ଡପଡ଼ା,୧୯ା୭(ସ୍ବ.ପ୍ର)-ଦୃଢ଼ ଇଚ୍ଛାଶକ୍ତି ଦ୍ୱାରା ପଙ୍ଘୁଟିଏ ମଧ୍ୟ ସବୋର୍ଚ୍ଚ ଶିଖରରେ ପହଞ୍ଚତ୍ପାରେ ା ଲକ୍ଷ୍ୟସ୍ଥଳରେ ପହଞ୍ଚତ୍ବାକୁ ଆବଶ୍ୟକ ଦୃଢ ମନୋବଳ ଓ ପ୍ରବଳ ଆମତ୍ବିଶ୍ୱାସ ା ବଡ଼...

ରଣପୁର ବ୍ଲକ୍‌ରେ ଏମ୍‌ଜିଏନ୍‌ଆର୍‌ଇଜିଏସ୍‌ ବାଟବଣା: ଶ୍ରମିକ ବଦଳରେ ମେଶିନ କରୁଛି କାମ

ରଣପୁର,୨୦ା୭ (ସ୍ବ.ପ୍ର.): ଗ୍ରାମାଞ୍ଚଳରେ ଲୋକମାନଙ୍କୁ କାମ ଯୋଗାଇଦେବା ପାଇଁ କେନ୍ଦ୍ର ସରକାରଙ୍କ ତରଫରୁ ଏମ୍‌ଜିଏନ୍‌ଆର୍‌ଇଜିଏସ୍‌ ପ୍ରଣୟନ କରାଯାଇଛି। ଏହା ଦ୍ୱାରା ଗ୍ରାମ ଓ ସହରର ଶ୍ରମିକ...

ମିଳିଲାନି ମ୍ୟାଚୁରିଟି ଟଙ୍କା: ଅର୍ଥାଭାବରୁ ଦିବ୍ୟାଙ୍ଗ ଝିଅଙ୍କ ବିବାହ ବନ୍ଦ, ସାହାରା ଇଣ୍ଡିଆ କାର୍ଯ୍ୟାଳୟରେ ତାଲା ପକାଇଲେ ଜମାକାରୀ

ନିରାକାରପୁର,୨୬ା୬(ଡି.ଏନ୍‌.ଏ.)-ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତସ୍ଥ ଶ୍ରୀରାମ ବଜାର ସ୍ଥିତ ସାହାରା ଇଣ୍ଡିଆ କାର୍ଯ୍ୟାଳୟ ଫାଟକରେ ମଙ୍ଗଳବାର ଜମାକାରୀମାନେ ତାଲା ପକାଇଦେଇଛନ୍ତି। ମ୍ୟାଚୁରିଟି (ପୂର୍ଣ୍ଣ ଅବଧି) ପରେ...

ବାଲୁଗାଁରେ ନାକରେ ଲୁହାରଡ୍‌ ପୂରାଇ ବ୍ୟକ୍ତିଙ୍କୁ ହତ୍ୟା ଘଟଣା: ୫୦ଦିନ ପରେ ବି ପୋଲିସ ହାତ ଖାଲି

ନୟାଗଡ଼ ଅଫିସ,୧୬ା୬- ଗତ ୨୫ ଏପ୍ରିଲରେ ନୟାଗଡ଼ ସଦର ବ୍ଲକ ବାଲୁଗାଁଠାରେ ନିଶା ସେବନ କରିଥିବା ଜଣେ ବ୍ୟକ୍ତିଙ୍କ ନାକରେ କେହି ଲୁହା ରଡ୍‌ ପୂରାଇଦେବାରୁ...

ଶୋଚନୀୟ ହୋଇପଡ଼ିଛି ଧୋବାପଡ଼ିଆ ରାସ୍ତା : ମରାମତି ହେଉନି, ଦୁର୍ବଳ ଅବସ୍ଥାରେ ପୋଲ

ବୋଲଗଡ଼,୨୬ା୭(ଡି.ଏନ.ଏ.): ବୋଲଗଡ଼ ବ୍ଲକ ବଡକୁମାରୀ-ହାଟବସ୍ତ ରାସ୍ତା ମଧ୍ୟବର୍ତ୍ତୀ ଧୋବାପଡିଆଠାରେ ରହିଛି ଏକ ପୁରୁଣା ଦୁର୍ବଳ ପୋଲ। ପିଚୁ, କଂକ୍ରିଟ ଉଠିଯାଇଥିବାରୁ ପୋଲଟି ଦୁର୍ବଳ ଓ ବିପଜ୍ଜନକ...

ଜଗତ୍‌ସିଂହପୁର ଜିଲାରେ ମଧ୍ୟାହ୍ନ ଭୋଜନ କେଳେଙ୍କାରୀ: ୫ ବ୍ଲକରେ ୬୧ ଲକ୍ଷ ଟଙ୍କାର ଚାଉଳ ଗାଏବ

ଜଗତ୍‌ସିଂହପୁର ଅଫିସ, ୩ା୭-ଜଗତ୍‌ସିଂହପୁର ଜିଲାରେ ମଧ୍ୟାହ୍ନ ଭୋଜନ (ଏମ୍‌ଡିଏମ୍‌) କେଳେଙ୍କାରୀକୁ ନେଇ ଅଭାବନୀୟ ପରିସ୍ଥିତି ସୃଷ୍ଟି ହୋଇଛି। ଜିଲାର ମୋଟ ୮ ବ୍ଲକ ମଧ୍ୟରୁ ୫ଟିରେ...

ବିଦ୍ୟୁତ୍‌ ସେବାରୁ ବଞ୍ଚିତ ୧୯ ପରିବାର: ତାର ଟଣାଯାଇ ଘରେ ମିଟର, ବୋର୍ଡ ବସାଯାଇଛି

ଗଣିଆ,୧୨ା୭(ଡି.ଏନ.ଏ.): ପ୍ରତି ଘରକୁ ବିଜୁଳି ଓ ପାଣି ଯୋଗାଣ ଲକ୍ଷ୍ୟ ନେଇ ଉଭୟ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ଯୋଜନାରେ କୋଟି କୋଟି ଅର୍ଥ...

selfi corner

Model This Week

Why Dharitri

Leave a comment

Your email address will not be published. Required fields are marked *