Posted inଖେଳ

ଆଫଗାନିସ୍ତାନକୁ ହରାଇ ଶୀର୍ଷରେ ଇଂଲଣ୍ଡ

ମାଞ୍ଚେଷ୍ଟର, ୧୯।୬(ପି.ଟି.)- ଆୟୋଜକ ତଥା ଫେଭରାଇଟ ଇଂଲଣ୍ଡ ମଙ୍ଗଳବାର ଖେଳାଯାଇଥିବା ବିଶ୍ୱକପ୍‌ର ୨୪ତମ ମ୍ୟାଚ୍‌ରେ ଅପେକ୍ଷାକୃତ ଦୁର୍ବଳ ଆଫଗାନିସ୍ତାନକୁ ବୃହତ୍‌ ୧୫୦ ରନରେ ପରାସ୍ତ କରିଛି। ସ୍ଥାନୀୟ ଓଲ୍ଡ ଟ୍ରାଫର୍ଡ ଗ୍ରାଉଣ୍ଡରେ ଇଂଲଣ୍ଡ ଟସ୍‌ ଜିତି ପ୍ରଥମେ ବ୍ୟାଟିଂ କରି ୬ ଉଇକେଟ ହରାଇ ୩୯୭ ରନ ସଂଗ୍ରହ କରିଥିଲା। ଜବାବରେ ଆଫଗାନିସ୍ତାନ ୮ ଉଇକେଟ ହରାଇ ୨୪୭ ରନରେ ସୀମିତ ରହି ଆତ୍ମସମର୍ପଣ କରିଛି। ଏଥିସହ ଇଂଲଣ୍ଡ ଏପର୍ଯ୍ୟନ୍ତ ୫ଟି ମ୍ୟାଚ୍‌ ଖେଳି ୪ ବିଜୟ ଓ ଗୋଟିଏ ପରାଜୟ ସହ ୮ ପଏଣ୍ଟ ହାସଲ କରି ଉନ୍ନତ ରନରେଟ୍‌ ଆଧାରରେ ତାଲିକାର ଶୀର୍ଷ ସ୍ଥାନ ଅଧିକାର କରିଛି। ଅନ୍ୟପଟେ ଆଫଗାନିସ୍ତାନ ୫ଟି ମ୍ୟାଚ୍‌ ଖେଳି ସବୁଥିରେ ପରାସ୍ତ ହୋଇ ଖାତା ଖୋଲି ନ ପାରି ନିମ୍ନରେ ରହିଛି।
୩୯୮ରନ ବିଜୟ ଲକ୍ଷ୍ୟର ପିଛା କରି ଆଫଗାନିସ୍ତାନ ନିୟମିତ ବ୍ୟବଧାନରେ ଉଇକେଟ ହରାଇଥିଲା। ତେବେ ମିଡଲଅର୍ଡର ବ୍ୟାଟ୍ସମ୍ୟାନ ଲଢ଼େଇ କରିଥିଲେ। ଦଳ ତରଫରୁ ହସମାତୁଲ୍ଲା ଶାହିଦି ୭୬, ରହମତ ଶାହ ୪୬, ଅସଘର ଆଫଗାନ ୪୪, ଅଧିନାୟକ ଗୁଲବଦିନ ନାଇବ ୩୭, ନାଜିବୁଲ୍ଲା ଜଡ୍ରାନ ୧୫ ରନ ସଂଗ୍ରହ କରି ଆଉଟ ହୋଇଥିବା ବେଳେ ଅନ୍ୟମାନେ ଦୁଇ ଅଙ୍କ ଛୁଇଁ ପାରି ନ ଥିଲେ। ବୋଲିଂରେ ଇଂଲଣ୍ଡ ତରଫରୁ ଜୋଫ୍ରା ଆର୍ଚର ଓ ଆଡିଲ ରସିଦ ୩ଟି ଲେଖାଏ, ମାର୍କ ଉଡ୍‌ ୨ଟି ଉଇକେଟ ଅକ୍ତିଆର କରିଥିଲେ।
ମୋର୍ଗାନଙ୍କ ଧୁଆଁଧାର ଇନିଂସ
ଟସ୍‌ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିବା ଇଂଲଣ୍ଡ ଆଫଗାନିସ୍ତାନ ଦୁର୍ବଳ ବୋଲିଂର ଭରପୂର ଫାଇଦା ଉଠାଇ ଦ୍ରୁତ ଗତିରେ ରନ୍‌ ସଂଗ୍ରହ କରି ବଡ଼ ସ୍କୋର ହାସଲ କରିଥିଲା। ଅଧିନାୟକ ଇଅନ୍‌ ମୋର୍ଗାନଙ୍କ ବ୍ୟାଟିଂ ଐତିହାସିକ ଥିଲା। ମାତ୍ର ୭୧ଟି ବଲର ସମ୍ମୁଖୀନ ହୋଇ ୪ ଚୌକା ଓ ସର୍ବାଧିକ ରେକର୍ଡ ୧୭ ଛକା ସହ ୧୪୮ ରନର ବୃହତ୍‌ ଶତକୀୟ ପାଳି ଖେଳି ଘରୋଇ ଦର୍ଶକଙ୍କ ଜବରଦସ୍ତ ମନୋରଞ୍ଜନ କରିଥିଲେ। ମୋର୍ଗାନଙ୍କ ପାଇଁ ଏହା କ୍ୟାରିୟରର ଶ୍ରେଷ୍ଠ ଶତକ ତଥା ଇନିଂସ ସାବ୍ୟସ୍ତ ହୋଇଛି। ଏଥି ସହିତ ବିଶ୍ୱକପ୍‌ ଇତିହାସରେ ସେ ଚତୁର୍ଥ ଦ୍ରୁତତମ ଶତକ ଅର୍ଜନ କରିଛନ୍ତି। ଏହା ତାଙ୍କ କ୍ୟାରିୟରର ୧୩ତମ ଦିନିକିଆ ଶତକ। ତେବେ ଇଂଲଣ୍ଡର ଆରମ୍ଭ ସେତେଟା ଭଲ ନ ଥିଲା। ପାଖାପାଖି ୧୦ ଓଭରରେ ୪୪ ରନ କରି ଇଂଲଣ୍ଡ ଓପନର ଜେମ୍ସ ଭିନ୍ସିଙ୍କୁ ହରାଇ ପ୍ରଥମ ଉଇକେଟ ହରାଇଥିଲା। ଭିନ୍ସ ଦଲତ ଜଡ୍ରାନଙ୍କ ଦ୍ୱାରା ଆଉଟ ହୋଇଥିଲେ। ଦ୍ୱିତୀୟ ଉଇକେଟ ଯୋଡିରେ ଜନି ବେୟାରଷ୍ଟୋ ଓ ଇନ୍‌ଫର୍ମ ବ୍ୟାଟ୍ସମ୍ୟାନ ଜୋ ରୁଟ୍‌ ୧୨୧ ବଲରୁ ୧୨୦ ରନ ସଂଗ୍ରହ କରିଥିଲେ। ୯୯ ବଲର ସମ୍ମୁଖୀନ ହୋଇ ୮ ଚୌକା ଓ ୩ ଛକା ମାରି ବେୟାରଷ୍ଟୋ ୯୦ ରନ କରି ଗୁଲବଦିନ ନାଇବଙ୍କ ଦ୍ୱାରା କଟ୍‌ ଆଣ୍ଡ ବୋଲ୍ଡ ହୋଇଥିଲେ। ଏହାପରେ ତୃତୀୟ ଉଇକେଟ ଯୋଡିରେ ଧୂଆଁଧାର ବ୍ୟାଟିଂ ଦେଖିବାକୁ ମିଳିଥିଲା। ଅଧିନାୟକ ମୋର୍ଗାନ ଓ ରୁଟ୍‌ ୧୦୨ଟି ବଲରୁ ରେକର୍ଡ ୧୮୯ ରନ ସଂଗ୍ରହ କରିଥିଲେ। ୮୨ଟି ବଲର ସମ୍ମୁଖୀନ ହୋଇ ରୁଟ୍‌ ୫ ଚୌକା ଓ ୧ ଛକା ସହ ୮୮ ରନ କରି ନାଇବଙ୍କ ଦ୍ୱାରା ଆଉଟ୍‌ ହୋଇଥିଲେ। ଧୂଆଁଧାର ପାଳି ଖେଳି ମୋର୍ଗାନ ନାଇବଙ୍କ ତୃତୀୟ ଶିକାର ହୋଇ ପ୍ୟାଭିଲିୟନ ଫେରିଥିଲେ। ଉଇକେଟକିପର ବ୍ୟାଟ୍ସମ୍ୟାନ ଜୋସ ବଟଲର ଓ ବେନ୍‌ ଷ୍ଟୋକ୍ସ ୨ ରନ ଲେଖାଏ କରିଥିବା ବେଳେ ଜଡ୍ରାନଙ୍କ ଦ୍ୱାର ଆଉଟ ହୋଇ ପ୍ୟାଭିଲିୟନ ଫେରିଥିଲେ। ଶେଷରେ ମୋଇନ ଅଲି ଉଗ୍ର ରୂପ ଦେଖିବାକୁ ମିଳିଥିଲା। ସେ ମାତ୍ର ୯ଟି ବଲର ସମ୍ମୁଖୀନ ହୋଇ ୧ ଚୌକା ଓ ୪ଟି ଛକା ମାରି ୩୧ ରନ କରି ଅପରାଜିତ ରହିବା ସହ ଦଳର ସ୍କୋରକୁ ଚାରିଶହ ନିକଟରେ ପହଞ୍ଚାଇଥିଲେ। କ୍ରିସ୍‌ ଓ୍ବକ୍ସ ୧ ରନ କରି ଅପରାଜିତ ରହିଥିଲେ। ଇନିଂସରେ ଇଂଲଣ୍ଡ ବ୍ୟାଟ୍ସମ୍ୟାନମାନେ ମୋଟ ଉପରେ ୨୫ଟି ଛକା ମାରିଥିଲେ। ରସିଦ ସବୁଠାରୁ ମହଙ୍ଗା ବୋଲର
ବୋଲିଂରେ ତାରକା ସ୍ପିନର ରସିଦ୍‌ ଖାଁ ବେଶ୍‌ ମହଙ୍ଗା ସାବ୍ୟସ୍ତ ହୋଇଥିଲେ। ଆଫଗାନିସ୍ତାନର ଏହି ଟି୨୦ ସୁପରଷ୍ଟାର ମାତ୍ର ୯ ଓଭର ବୋଲିଂ କରି କୌଣସି ଉଇକେଟ ହାସଲ ନ କରି ୧୧୦ ରନ ବ୍ୟୟ କରିଥିଲେ। ବିଶ୍ୱକପ୍‌ ଇତିହାସରେ ଏହା ସବୁଠାରୁ ଖରାପ୍‌ ବୋଲିଂ ସାବ୍ୟସ୍ତ ହୋଇଛି। ତାଙ୍କ ବଲରେ ଇଂଲଣ୍ଡ ବ୍ୟାଟ୍ସମ୍ୟାନ ୧୧ଟି ଛକା ମାରିଛନ୍ତି। ରସିଦଙ୍କୁ ମୋର୍ଗାନ ନିର୍ଦ୍ଧୁମ ପ୍ରହାର କରିଥିଲେ। ରସିଦ ପୂର୍ବରୁ କୌଣସି ମ୍ୟାଚ୍‌ରେ ଦୁଇଟିରୁ ଅଧିକ ଛକା ଦେଇ ନ ଥିବା ବେଳେ ଏଥର କିନ୍ତୁ କଥା ଅଲଗା ହୋଇଥିଲା। ଏହା ପୂର୍ବରୁ ନ୍ୟୁଜିଲାଣ୍ଡର ମାର୍ଟିନ ସ୍ନେଡ୍ଡେନ ୧୯୮୩ ବିଶ୍ୱକପ୍‌ରେ ଇଂଲଣ୍ଡ ବିପକ୍ଷରେ ୧୨ ଓଭର ବୋଲିଂ କରି କୌଣସି ଉଇକେଟ ହାସଲ ନ କରି ୧୦୫ ରନ ବ୍ୟୟ କରି ସବୁଠାରୁ ଖରାପ୍‌ ବୋଲିଂ କରିଥିଲେ। ସେତେବେଳେ ୬୦ ଓଭର ବିଶିଷ୍ଟ ମ୍ୟାଚ୍‌ ଖେଳାଯାଇଥିଲା। ରସିଦ ଏବେ ମାର୍ଟିନଙ୍କୁ ପଛରେ ପକାଇ ଏକ ଅଲୋଡ଼ା ରେକର୍ଡର ଅଧିକାରୀ ହୋଇଛନ୍ତି। ଆଫଗାନିସ୍ତାନ ତରଫରୁ ନାଇବ ଓ ଜଡ୍ରାନ ୩ଟି ଲେଖାଏ ଉଇକେଟ ଅକ୍ତିଆର କରିଥିଲେ।
ସଂକ୍ଷିପ୍ତ ସ୍କୋର:
ଇଂଲଣ୍ଡ ୫୦ ଓଭରରେ ୩୯୭/୬
(ମୋର୍ଗାନ- ୧୪୮, ବେୟାରଷ୍ଟୋ- ୯୦, ରୁଟ୍‌- ୮୮, ଭିନ୍ସ- ୨୬, ଜଡ୍ରାନ- ୩/୮୫, ନାଇବ- ୩/୬୮)।
ଆଫଗାନିସ୍ତାନ ୫୦ ଓଭରରେ ୨୪୭/୮
(ସାହିଦି-୭୬, ରହମତ- ୪୬, ଅସଘର- ୪୪, ନାଇବ- ୩୭, ଆର୍ଚର- ୩/୫୨, ରସିଦ- ୩/୬୬, ଉଡ- ୨/୪୦ )।


All Right Reserved By

Posted inଖେଳ

ଦୂତୀଙ୍କୁ ରାଷ୍ଟ୍ରପତିଙ୍କ ଶୁଭେଚ୍ଛା

ନାପୋଲି(ଇଟାଲି),୧୦।୭(ପିଟି)- ଦେଶର ଦ୍ରୁତତମ ଧାବିକା ଦୂତୀ ଚାନ୍ଦ ପ୍ରଥମ ଭାରତୀୟ ଟ୍ରାକ୍‌ ଓ ଫିଲ୍ଡ ଆଥ୍‌ଲେଟ୍‌ ଭାବେ ଓ୍ବାଲର୍‌ଡ ୟୁନିଭର୍‌ସିଟି ସ୍ବର୍ଣ୍ଣ ପଦକ ଜିତିଛନ୍ତି। ସେ...

ଭାରତ ବିପକ୍ଷ ମ୍ୟାଚ୍‌ ପୂର୍ବରୁ ପାକିସ୍ତାନକୁ ଏହି ମନ୍ତ୍ର ଦେଲେ ଇମ୍ରାନ

ଇସଲମାବାଦ୍‌, ୭।୬: ୨୦୧୯ କ୍ରିକେଟ ବିଶ୍ୱକପ୍‌ରେ ଭାରତ ବିପକ୍ଷ ମ୍ୟାଚ୍‌ ପୂର୍ବରୁ ପାକିସ୍ତାନ ଖେଳାଳିଙ୍କୁ ବିଜୟ ମନ୍ତ୍ର ଦେଇଛନ୍ତି ପୂର୍ବତନ ଖେଳାଳି ତଥା ପ୍ରଧାନମନ୍ତ୍ରୀ ଇମ୍ରାନ...

ଏପ୍ରିଲ ୧୧ରେ ୧୭ ଆସନରେ ଭୋଟ: ଟିଆର୍‌ଏସ୍‌ର ମିଶନ ୧୬

ହାଇଦ୍ରାବାଦ,୨୮ା୩(ଆଇଏଏନ୍‌ଏସ୍‌): ତେଲେଙ୍ଗାନାରେ ନିକଟରେ ଅନୁଷ୍ଠିତ ବିଧାନସଭା ନିର୍ବାଚନରେ ବିପୁଳ ବିଜୟ ପରେ ଶାସକ ତେଲେଙ୍ଗାନା ରାଷ୍ଟ୍ର ସମିତି (ଟିଆର୍‌ଏସ୍‌) ସାଧାରଣ ନିର୍ବାଚନର ମଇଦାନକୁ ଓହ୍ଲାଇଛି। ବିରୋଧୀ...

ବିଶ୍ୱକପ୍‌ରେ ଦଳୀୟ ସ୍କୋର ୫୦୦ ଛୁଇଁବାର ଆଶା

ଲଣ୍ଡନ,୧୭ା୫- ଗତ ବିଶ୍ୱକପ୍‌ ପରଠାରୁ ଦୁଇ ଥର ଦିନିକିଆ ଦଳଗତ ସ୍କୋର ରେକର୍ଡ ଭାଙ୍ଗି ସାରଛି। ଏବେ ଇଂଲଣ୍ଡ ଦଳ ନାମରେ ସର୍ବାଧିକ ଦଳଗତ ସ୍କୋର...

କୋହଲିଙ୍କ ୪୩ତମ ଶତକ: ସିରିଜ୍‌ ଜିତିଲା ଭାରତ

ପୋର୍ଟ ଅଫ ସ୍ପେନ, ୧୫।୮: ସ୍ବାଧୀନତା ଦିବସ ପୂର୍ବରୁ ଭାରତୀୟ କ୍ରିକେଟ ଦଳ ଦେଶବାସୀଙ୍କୁ ବଡ ଉପହାର ଦେଇଛି। ୱେଷ୍ଟଇଣ୍ଡିଜକୁ ତୃତୀୟ ଦିନିକିଆରେ ୬ ଉଇକେଟରେ...

ଇଂଲଣ୍ଡ ଗସ୍ତ କଲେ ଅସିଫ

କରାଚୀ,୨୫।୫(ଏଏଫ୍‌ପି) – ଦୁଃଖିତ ପାକିସ୍ତାନ କ୍ରିକେଟର ଅସିଫ ଅଲି ନିଜ ଝିଅର ଅନ୍ତ୍ୟେଷ୍ଟି କାର୍ଯ୍ୟକ୍ରମ ଶେଷ କରିବା ପରେ ଶନିବାର ବିଶ୍ୱକପ୍‌ ଦଳରେ ଯୋଗଦେବା ପାଇଁ...

ପାକିସ୍ତାନ ହକି ମହାସଂଘକୁ ଏଫ୍‌ଆଇଏଚ୍‌ର ଜରିମାନା

କରାଚୀ, ୧୮ା୪ (ପି.ଟି.)- ପ୍ରତିଶ୍ରୁତି ଦେଇ ମଧ୍ୟ ପ୍ରୋ-ଲିଗ୍‌  ମ୍ୟାଚ ପାଇଁ  ଦଳ ପଠାଇ ନ ଥିବାରୁ ଅନ୍ତର୍ଜାତୀୟ ହକି ମହାସଂଘ (ଏଫ୍‌ଆଇଏଚ୍‌) ପାକିସ୍ତାନ ହକି...

ଲଭ୍‌ଲିନା, ନୀରଜ ଜିତିଲେ ସ୍ବର୍ଣ୍ଣ

ନୂଆଦିଲ୍ଲୀ, ୪ା୮ (ପି.ଟି.)-ରୁଷିଆର କାସ୍ପିସ୍କଠାରେ ଚାଲିଥିବା ମାଗୋମ୍‌ଡ ସଲାମ ଉମାଖାନୋଭ ମେମୋରିଆଲ ଇଣ୍ଟରନ୍ୟାଶନାଲ ବକ୍ସିଂ ଟୁର୍ନାମେଣ୍ଟରେ ଭାରତୀୟ ବକ୍ସରମାନେ ଭଲ ପ୍ରଦର୍ଶନ କରିଛନ୍ତି। ଶନିବାର ଲଭ୍‌ଲିନା...

selfi corner

Model This Week

Why Dharitri

Leave a comment

Your email address will not be published. Required fields are marked *