ମୌସୁମୀ ଆସିବାରେ ବିଳମ୍ବ: ଆଗେଇପାରୁ ନାହିଁ ଚାଷକାର୍ଯ୍ୟ

ନୟାଗଡ଼ ଅଫିସ,୧୮ା୬- ଜୁନ୍‌ ମାସର ଅଧାରୁ ଅଧିକ ଦିନ ବିତିସାରିଛି। ହେଲେ ଏ ପର୍ଯ୍ୟନ୍ତ ମୌସୁମୀର ଦେଖାନାହିଁ। ବର୍ତ୍ତମାନ ସମୟରେ ବର୍ଷା ପରିବର୍ତ୍ତେ ସାରା ରାଜ୍ୟରେ ଗୀଷ୍ମର ଲହରି ଜାରି ରହିଛି। ନୟାଗଡ଼ ଜିଲାରେ ମଧ୍ୟ ସମାନ ଅବସ୍ଥା। ବର୍ଷା ଅଭାବରୁ ଏଠାରେ ଚାଷକାର୍ଯ୍ୟ ଆଗେଇପାରୁ ନାହିଁ। କାଁ ଭାଁ କାଳବୈଶାଖୀ ପ୍ରଭାବରେ ବର୍ଷା ହେଉଥିବା ଦେଖିବାକୁ ମିଳିଛି। ୧୬ ତାରିଖ ସୁଦ୍ଧା ଜିଲାରେ ମୋଟ ୩୬୬ ମିଲିମିଟର ବର୍ଷା ହୋଇଛି, ଯାହା ପୂର୍ବ ବର୍ଷଗୁଡିକ ତୁଳନାରେ ବହୁ କମ୍‌। ୨୦୧୮ ଜୁନ୍‌ରେ ୮୦୮.୮୫ମିମି ବର୍ଷା ହୋଇଥିବାବେଳେ ୨୦୧୭ରେ ୧୦୬୩.୫ ଓ ୨୦୧୬ରେ ୧୧୫୮.୩୫ମିମି ବର୍ଷା ହୋଇଥିଲା। ଚଳିତ ମାସରେ ଦଶପଲ୍ଲା ବ୍ଲକରେ ସର୍ବାଧିକ ୭୯.୮୦ ମିମି ଓ ଓଡ଼ଗାଁ ବ୍ଲକରେ ସର୍ବନିମ୍ନ ୨୭.୨୦ମିମି ବର୍ଷା ହୋଇଥିଲା। ସେହିପରି ଭାପୁରରେ ୪୧.୭୦ ମିମି, ଗଣିଆରେ ୪୬, ଖଣ୍ଡପଡ଼ାରେ ୪୭.୧୦, ନୟାଗଡ଼ରେ ୩୪.୮୦, ନୂଆଗାଁରେ ୫୫.୧୪ ଓ ରଣପୁର ବ୍ଲକରେ ୩୪.୮୦ ମିମି ବର୍ଷା ହୋଇଛି। ବର୍ଷା ପରିମାଣ କମିଥିବାରୁ ବିଲରେ ଧାନବିହନ ବୁଣିଥିବା ଚାଷୀମାନେ ଗଜା ହେବା ନେଇ ସନ୍ଦେହରେ ଅଛନ୍ତି। ପାଣିପାଗ ବିଭାଗ ଚଳିତ ସପ୍ତାହ ସୁଦ୍ଧା ମୌସୁମୀ ଆସିବାର ନାହିଁ କହିବା ପରେ ସେମାନେ ଚିନ୍ତା ପ୍ରକଟ କରିଛନ୍ତି।
ପ୍ରକାଶ ଯେ, ଜିଲାରେ ମୋଟ ୧,୩୩,୫୪୦ ହେକ୍ଟର ଜମି ରହିଛି। ଚଳିତବର୍ଷ ୯୮ ହଜାର ହେକ୍ଟର ଜମିରେ ଧାନ ଚାଷ କରାଯିବ। ମୋଟ ଜମି ମଧ୍ୟରୁ ୩୬୧୨୮ ହେକ୍ଟର ଖାଲ, ୪୫୦୪୯ ମଧ୍ୟମ ଓ ୧୬୩୨୩ ହେକ୍ଟର ଢିପ ଜମି। ଏଥିରୁ ୮୦ ପ୍ରତିଶତ ଜମିରେ ଧାନ ବୁଣା ହେଉଥିବା ବେଳେ ୨୦ ପ୍ରତିଶତ ଜମିରେ ରୁଆ କାର୍ଯ୍ୟ ହୋଇଥାଏ। ଜିଲାରେ ୫୦୦୦କୁଇଣ୍ଟାଲ ବିହନ ଆବଶ୍ୟକ ଥିବାବେଳେ କୃଷି କାର୍ଯ୍ୟାଳୟରେ ୫୫୦୦ କୁଇଣ୍ଟାଲ ମହଜୁଦ୍‌ ଅଛି। ଏଥିରୁ ୪୦୦୦କୁଇଣ୍ଟାଲ ବିହନ ବଣ୍ଟନ ହୋଇସାରିଛି। ମୌସୁମୀ ବର୍ଷା ହୋଇ ନ ଥିବାରୁ ଗଜା ମରୁଡ଼ି ହେବା ଆଶଙ୍କା ରହିଛି। ଯଦି ଗଜା ମରୁଡ଼ି ହୁଏ ତେବେ ଗଚ୍ଛିତ ଥିବା ବିହନ ଚାଷୀମାନଙ୍କୁ ବଣ୍ଟନ କରାଯିବ। ସେହିଭଳି ଯଦି ଆବଶ୍ୟକ ହୁଏ ଆଉ ୧୦୦୦ କୁଇଣ୍ଟାଲ ବିହନ ଅଣାଯିବ ବୋଲି ସହକାରୀ ବିହନ ଉପତ୍ାଦନ ଅଧିକାରୀ ସନ୍ତୋଷ କୁମାର ପରିଡ଼ା ପ୍ରକାଶ କରିଛନ୍ତି। ଚଳିତବର୍ଷ ୯ ପ୍ରକାର ବିହନ ବଣ୍ଟନ କରାଯିବାକୁ ଆସିଛି। ଅନ୍ୟପଟେ ଚାଷୀମାନଙ୍କୁ ବିହନ ବଣ୍ଟାଯିବା ପାଇଁ ଜିଲାରେ ୧୫୪ ପାକ୍ସ (ସେବା ସମବାୟ ସମିତି) ଥିବା ବେଳେ ସେଥିରୁ ବର୍ତ୍ତମାନ ମାତ୍ର ୬୩ଟି ପାକ୍ସ ବିହନ ବିକ୍ରୟ ପାଇଁ ନେଇଛନ୍ତି। ଯେଉଁ ପ୍ୟାକ୍ସ ବିହନ ନେଇନାହାନ୍ତି ସେଠାକାର ଚାଷୀମାନେ କେଉଁଠୁ ବିହନ କିଣିବେ ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି। ନିକଟସ୍ଥ ବେସରକାରୀ ଡିଲରମାନଙ୍କଠାରୁ ଚାଷୀମାନେ ବିହନ କିଣି ନେଇପାରିବେ ବୋଲି କୃଷି ବିଭାଗ ପକ୍ଷରୁ ସୂଚନା ଦିଆଯାଇଛି। ନୂଆ ବିହନ କୁଇଣ୍ଟାଲ ପିଛା ୩୦୭୪ ଟଙ୍କା ହୋଇଥିବା ବେଳେ ସବ୍‌ସିଡ଼ିରେ ଚାଷୀମାନଙ୍କୁ ୧୮୦୦ ଟଙ୍କାରେ ପ୍ରଦାନ କରାଯାଉଛି। ସେହିଭଳି ପୁରୁଣା କିସମ ବିହନ ୩୦୭୪ ଟଙ୍କା ହୋଇଥିବା ବେଳେ ସବ୍‌ସିଡ଼ିରେ ଚାଷୀମାନଙ୍କୁ ୨୦୦୦ ଟଙ୍କାରେ ଦିଆଯାଉଛି। ଜିଲାର ସବୁ ଅଞ୍ଚଳର ଚାଷୀ ଏବେ ମୌସୁମୀ ବର୍ଷାକୁ ଚାତକ ଭଳି ଚାହିଁରହିଛନ୍ତି।


All Right Reserved By Dharitri.Com

ବିକାଶ ପାଇଁ ବ୍ଲୁପ୍ରିଣ୍ଟ

ଢେଙ୍କାନାଳ ଅଫିସ, ୨୧।୩ ବିଶ୍ୱପ୍ରସିଦ୍ଧ ମହିମା ଧର୍ମପୀଠ ଯୋରନ୍ଦା ଏବଂ ପର୍ଯ୍ୟଟନସ୍ଥଳୀ ସପ୍ତଶଯ୍ୟାର ଉନ୍ନତୀକରଣ ଲାଗି ବ୍ଲୁ ପ୍ରିଣ୍ଟ ପ୍ରସ୍ତୁତ କରାଯାଇଛି। ଏହି ଦୁଇ ପର୍ଯ୍ୟଟନ...

୩ ଶୀର୍ଷ ପ୍ରଶାସନିକ ଅଧିକାରୀଙ୍କ ମଧ୍ୟରେ ବିଭାଗ ବଣ୍ଟନ: ମୁଖ୍ୟ ଶାସନ ସଚିବଙ୍କୁ ୨୦, ଉନ୍ନୟନ କମିଶନର ୧୫ ଏବଂ ଏପିସିଙ୍କୁ ୫ ବିଭାଗ ଦାୟିତ୍ୱ

ଭୁବନେଶ୍ୱର,୩୦-୮(ବ୍ୟୁରୋ):ରାଜ୍ୟ ପ୍ରଶାସନର ଶୀର୍ଷସ୍ତରରେ ସରକାରୀ କାର୍ଯ୍ୟକୁ ଉତ୍ତମ ରୂପେ ତର୍ଜମା କରାଯିବ। ବିଭାଗୀୟ ଅନୁଶୀଳନ ପରେ ଜଣେ ମୁଖ୍ୟ ଶାସନ ସଚିବ ପାହ୍ୟାର ଅଧିକାରୀ ଫାଇଲଗୁଡିକ...

୫ରୁ ଶ୍ରୀକ୍ଷେତ୍ର ପୁସ୍ତକ ମେଳା

ପୁରୀ ଅଫିସ,୩।୧: ଶ୍ରୀକ୍ଷେତ୍ର ପୁସ୍ତକ ମେଳା କମିଟି ଆନୁକୂଲ୍ୟରେ ଜାନୁୟାରୀ ୫ରୁ ୧୪ ତାରିଖ ପର୍ଯ୍ୟନ୍ତ ୨୬ତମ ପୁସ୍ତକ ମେଳା ଆୟୋଜିତ ହେବ। ୧୦ ଦିନ...

ଓଡ଼ିଶାରେ କରୋନା ସଂକ୍ରମଣ ଭୟ: ୪ ନମୁନା ନେଗେଟିଭ୍‌

ଭୁବନେଶ୍ୱର, ୨ା୨(ବ୍ୟୁରୋ) – ଚାଇନାର ଉହାନ ସହରରୁ ବ୍ୟାପିଥିବା କରୋନାକୁ ନେଇ ଏବେ ବିଶ୍ୱରେ ଭୟ ଓ ଆତଙ୍କ ବଢ଼ିବାରେ ଲାଗିଛି। ଏହି ମାରାତ୍ମକ ଭୂତାଣୁ...

‘ମେଟଲ୍‌ ମିଟ୍‌-୨୦୧୯’; ଗ୍ରାଣ୍ଡ ଫିନାଲେକୁ ଗଲେ ଜୁନିୟର ଟପ୍‌ ୮ ଟିମ୍‌: ଭୁବନେଶ୍ୱରର ସର୍ବାଧିକ ୬ ସ୍କୁଲ

ଭୁବନେଶ୍ୱର,୩।୮(ବ୍ୟୁରୋ): ଶେଷ ହୋଇଛି ‘ମେଟଲ୍‌ ମିଟ୍‌-୨୦୧୯’ର ପ୍ରିଲିମ୍ସ ରାଉଣ୍ଡ। ଗ୍ରାଣ୍ଡ ଫିନାଲେ ପାଇଁ ଚୁଡ଼ାନ୍ତ ହୋଇଛି ‘ଟପ୍‌-୮’ଟିମ୍‌। ଫାଇନାଲକୁ ଯାଇଥିବା ଜୁନିୟର ଟିମ୍‌ଗୁଡ଼ିକମଧ୍ୟରେ ଭୁବନେଶ୍ୱରର ସର୍ବାଧିକ...

ଦାରିଙ୍ଗବାଡ଼ି ଅଞ୍ଚଳରେ ପୁଣି ଲଜ୍ଜା: ଅଷ୍ଟମ ଶ୍ରେଣୀ ଛାତ୍ରୀ ଗର୍ଭବତୀ, ଜଣେ ଗିରଫ

ଦାରିଙ୍ଗବାଡି,୫।୬(ଡି.ଏନ.ଏ.)- କନ୍ଧମାଳ ଜିଲା ଦାରିଙ୍ଗବାଡ଼ି ଥାନା ଅଞ୍ଚଳରେ ପୁଣି ଏକ ଲଜ୍ଜାଜନକ ଘଟଣା ଘଟିଛି। ଜଣେ ଅଷ୍ଟମ ଶ୍ରେଣୀ ଛାତ୍ରୀ ଗର୍ଭବତୀ ହୋଇଛନ୍ତି। ଜଣେ ବିବାହିତ...

ଋଷିକୁଲ୍ୟା ମୁହାଣରେ ଅଲିଭ୍‌ ରିଡ୍‌ଲେଙ୍କ ମିଳନ ପ୍ରକ୍ରିୟା ଅବ୍ୟାହତ: ସମୟ ପୂର୍ବରୁ ଅଣ୍ଡାଦାନ

ଗଞ୍ଜାମ,୪୧୨(ଡି.ଏନ.ଏ.)-ଗଞ୍ଜାମ ଜିଲା ପୁରୁଣା ବନ୍ଧ ଗ୍ରାମ ନିକଟସ୍ଥ ଋଷିକୁଲ୍ୟା ବେଳାଭୂମିରେ ନଭେମ୍ବରରୁ ଅଲିଭ ରିଡ୍‌ଲେଙ୍କ ମିଳନ ପ୍ରକ୍ରିୟା ଆରମ୍ଭ ହୋଇଥିଲା। ଏହା ଜାନୁୟାରୀ ୧୫ ପର୍ଯ୍ୟନ୍ତ...

ରଣପୁର ଡାକ୍ତରଖାନାରେ ଔଷଧ ବିତରଣ କେନ୍ଦ୍ର:୨୪ ବଦଳରେ ଖୋଲା ରହୁଛି ୬ଘଣ୍ଟା

ରଣପୁର,୨୪ା୭ (ସ୍ବ.ପ୍ର.): ସରକାର ରୋଗୀ ସେବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରି ବିଭିନ୍ନ ଯୋଜନା ପ୍ରଚଳନ କରୁଛନ୍ତି। ହେଲେ କେତେକ ଅସାଧୁ ଅଧିକାରୀ...

Leave a comment

Your email address will not be published. Required fields are marked *