୨୦୦ ଏକର ଜମିରେ ହେବ ସ୍ଥାୟୀ କ୍ୟାମ୍ପସ୍‌

ଛତ୍ରପୁର,୧୮ା୬(ଡି.ଏନ.ଏ.)-ବ୍ରହ୍ମପୁର ସରକାରୀ ଆଇଟିଆଇ କୋଠାରେ ଅସ୍ଥାୟୀ ଭାବେ ଆଇଜର (ଇଣ୍ଡିଆନ୍‌ ଇନଷ୍ଟିଚ୍ୟୁଟ୍‌ ଅଫ୍‌ ସାଇନ୍ସ ଏଜୁକେଶନ ଆଣ୍ଡ୍‌ ରିସର୍ଚ୍ଚ)ର ଟ୍ରାନଜିଟ୍‌ କ୍ୟାମ୍ପସ ଚାଲିଛି ା ଏଠାରେ ୩୫୦ରୁ ଊର୍ଦ୍ଧ୍ୱ ଛାତ୍ରୀଛାତ୍ର ପଢୁଛନ୍ତି। ୨୦୧୬ରେ ଏଠାରେ ଆଇଜର ଖୋଲିଥିଲା। ସ୍ଥାୟୀ କ୍ୟାମ୍ପସ ପାଇଁ କନିଷି ତହସିଲ ଅଧୀନ ଗୋପାଳପୁର ନିକଟ ଲାଉଡିଗାଁଠାରେ ଚିହ୍ନଟ ୨୦୦ ଏକର ଜମି ଓଡିଶା ସରକାରଙ୍କ ପକ୍ଷରୁ ଆଇଜରକୁ ପ୍ରଦାନ କରାଯାଇଛି ା ବ୍ରହ୍ମପୁର ସରକାରୀ ଆଇଟିଆଇରେ ଚାଲିଥିବା ଆଇଜର ପାଇଁ କେତେକ ସମସ୍ୟା ଥିବା ନେଇ ଗଞ୍ଜାମ ଜିଲାପ୍ରଶାସନର ଦୃଷ୍ଟି ଆକର୍ଷଣ କରାଯାଇଥିଲା ା ଏହି ପରିପ୍ରେକ୍ଷୀରେ ସୋମବାର ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ ଗୃହରେ ଏକ ବୈଠକ ଜିଲାପାଳ ବିଜୟ ଅମୃତା କୁଲାଙ୍ଗେଙ୍କ ଅଧ୍ୟକ୍ଷତାରେ ହୋଇଥିଲା। ଆଇଜର କର୍ତ୍ତୃପକ୍ଷଙ୍କ ପକ୍ଷରୁ କେତେକ ସମସ୍ୟା ଓ ପ୍ରସ୍ତାବ ସମ୍ପର୍କରେ ବୈଠକରେ ବିସ୍ତୃତ ଭାବେ ଆଲୋଚନା ହୋଇଥିଲା ା ବର୍ତ୍ତମାନ ଆଇଜରର ଅସ୍ଥାୟୀ କ୍ୟାମ୍ପସ୍‌ ବ୍ରହ୍ମପୁର ଆଇଟିଆଇର ଏକ କୋଠାର ଦ୍ୱିତୀୟ, ତୃତୀୟ ଓ ଚତୁର୍ଥ ଫ୍ଲୋରରେ ଚାଲିଛି ଏବଂ ସେଠାରେ ପାଠ ପଢାଯାଉଛି ା ପାଠପଢା ପାଇଁ ଏହା ପର୍ଯ୍ୟାପ୍ତ ନ ଥିବାରୁ ଗ୍ରାଉଣ୍ଡ ଓ ପ୍ରଥମ ଫ୍ଲୋର ମଧ୍ୟ ଆବଶ୍ୟକ ପଡୁଛି ା ଗ୍ରାଉଣ୍ଡ ଓ ପ୍ରଥମ ଫ୍ଲୋରରେ ସରକାରୀ ଆଇଟିଆଇ ଚାଲିଛି ା ଏହି ଦୁଇ ଫ୍ଲୋର ଦେବା ପାଇଁ ଆଇଜର ପକ୍ଷରୁ ଆଇଟିଆଇକୁ କୁହାଯାଇଥିଲା। ଆଇଟିଆଇ କ୍ୟାମ୍ପସ୍‌ରେ ଆଉ ଏକ ନୂତନ କୋଠା ନିର୍ମାଣ ହୋଇସାରିଛି। ଉକ୍ତ ନୂତନ କୋଠାକୁ ଏହି ଦୁଇଟି ଫ୍ଲୋରରୁ ଆଇଟିଆଇକୁ ସ୍ଥାନାନ୍ତର କରାଯିବ ା ତେବେ ସେଠାରେ ଥିବା ଆଇଟିଆଇର ବିଭିନ୍ନ ମେଶିନ୍‌, ଭିତ୍ତିଭୂମି ଆଦି ନୂତନ କୋଠାକୁ ସ୍ଥାନାନ୍ତର କରିବା ପାଇଁ ୯୫ ଲକ୍ଷ ଟଙ୍କା ଦେବାକୁ ଆଇଜରକୁ କୁହାଯାଇଥିଲା ା ତେବେ ୬୫ ଲକ୍ଷ ଟଙ୍କା ଆଇଟିଆଇକୁ ଦେବା ପାଇଁ ଆଇଜର ରାଜି ହୋଇଥିବା ଜଣାପଡିଛି ା ଏହା ଉପରେ ଖୁବ୍‌ ଶୀଘ୍ର ଚୂଡାନ୍ତ ନିଷ୍ପତ୍ତି ନିଆଯିବ ା ଅନ୍ୟପକ୍ଷରେ ଅସ୍ଥାୟୀ ଆଇଜର କ୍ୟାମ୍ପସ୍‌ ପାଇଁ ଦୈନିକ ୨୫ ହଜାର ଲିଟର ପାଣି ଆବଶ୍ୟକ ପଡୁଛି। ବିଭିନ୍ନ ଲ୍ୟାବ୍‌ରେ ରିସର୍ଚ୍ଚ ହେଉଥିବାରୁ ମିଳୁଥିବା ପାଣି ପର୍ଯ୍ୟାପ୍ତ ହେଉ ନ ଥିବା ବୈଠକରେ ଜିଲାପାଳଙ୍କ ଦୃଷ୍ଟିଆକର୍ଷଣ କରାଯାଇଥିଲା ା ଏହା ଉପରେ ପଦକ୍ଷେପ ନେବା ପାଇଁ ଜନସ୍ବାସ୍ଥ୍ୟ ନିର୍ବାହୀଯନ୍ତ୍ରୀଙ୍କୁ ଜିଲାପାଳ ନିର୍ଦ୍ଦେଶ ଦେଇଛନ୍ତି। ୨୦୦ ଏକର ଜମିରେ ନିର୍ମାଣ ହେବାକୁ ଥିବା ନୂତନ କ୍ୟାମ୍ପସରେ ଅଧିକ ପାଣି ଦରକାର ପଡିବ ଏବଂ ଋଷିକୁଲ୍ୟା ପ୍ରକଳ୍ପରୁ ଏହି ପାଣି ଆଇଜରକୁ ଯୋଗାଇ ଦିଆଯିବ ବୋଲି ସୂଚନା ମିଳିଛି। ପିଲାଙ୍କ ପାଇଁ ସ୍ବତନ୍ତ୍ର ରାସ୍ତା ନିର୍ମାଣ କରିବାକୁ ଆଇଜର କର୍ତ୍ତୃପକ୍ଷ ପ୍ରସ୍ତାବ ଦେଇଥିଲେ। ନୂତନ କ୍ୟାମ୍ପସଠାରୁ ଏଡି କଲେଜ ଓ ଗୋପାଳପୁର ପର୍ଯ୍ୟନ୍ତ ଆପ୍ରୋଚ୍‌ ରୋଡ୍‌ ଉପରେ ଆଲୋଚନା ହୋଇଥିଲା ା ଜାତୀୟ ରାଜପଥରୁ ୩ଟି ଆପ୍ରୋଚ୍‌ ରୋଡ୍‌ର ପ୍ରସ୍ତାବ ରହିଛି ା ମଞ୍ଜୁରୀ ଆସିଲେ ଏହା ତ୍ୱରାନ୍ବିତ ହେବ। ଆଇଜରକୁ କନିଷି ଗ୍ରୀଡ୍‌ରୁ ବିଦ୍ୟୁତ ସଂଯୋଗ ପାଇଁ ୮ କୋଟି ଟଙ୍କାର ଏକ ଏଷ୍ଟିମେଟ୍‌ ଦିଆଯାଇଛି ା ମାତ୍ର ନରେନ୍ଦ୍ରପୁର ଗ୍ରୀଡ୍‌ରୁ ବିଦ୍ୟୁତ ସଂଯୋଗ ପାଇଁ ଆଇଜର କର୍ତ୍ତୃପକ୍ଷ ଚାହୁଁଛନ୍ତି। ଏଥିପାଇଁ ୧୧ କୋଟି ଟଙ୍କା ଆବଶ୍ୟକ ଥିବା ସୂଚନା ମିଳିଛି ା ବିଦ୍ୟୁତ ଓ ଆପ୍ରୋଚ୍‌ ରାସ୍ତା ପାଇଁ ରାଜ୍ୟ ସରକାରଙ୍କ ଦୃଷ୍ଟି ଆକର୍ଷଣ କରାଯିବ ବୋଲି ଜିଲାପାଳ କହିଥିଲେ ା ଅତିରିକ୍ତ ଜିଲାପାଳ (ରାଜସ୍ବ)ଙ୍କୁ ଏହି ସବୁ କାର୍ଯ୍ୟର ମନିଟରିଂ ଦାୟିତ୍ୱ ଦିଆଯାଇଛି। ଜୁଲାଇରେ ପୁଣି ଥରେ ବୈଠକ କରି ଆଲୋଚନା କରାଯିବ ବୋଲି ଜିଲାପାଳ ସୂଚନା ଦେଇଛନ୍ତି। ବୈଠକରେ ଆଇଜରର ନିର୍ଦ୍ଦେଶକ ପ୍ରଫେସର କେ. ଭି ଆର୍‌ ଚାରୀ, ଅତିରିକ୍ତ ଜିଲାପାଳ (ରାଜସ୍ବ) ଲକ୍ଷ୍ମୀକାନ୍ତ ସେଠୀ, ଡେପୁଟି କଲେକ୍ଟର (ରାଜସ୍ବ) ଦିବ୍ୟଲୋଚନ ମହନ୍ତ, ରଙ୍ଗେଇଲୁଣ୍ଡା ଏବିଡିଓ ତ୍ରିପତି ବାଲାଜି, କନିଷି ତହସିଲଦାର ଅନିତା କୁମାରୀ ସାହୁ, ଡ. ରଜତ କୁମାର ପାଣିଗ୍ରାହୀ, ବ୍ରହ୍ମପୁର ଜନସ୍ବାସ୍ଥ୍ୟ ବିଭାଗର ନିର୍ବାହୀ ଯନ୍ତ୍ରୀ ସୀତାରାମ ପଣ୍ଡା, ଆଇଜରର ନିର୍ବାହୀଯନ୍ତ୍ରୀ ସଞ୍ଜୟ ମାଝି,ରାସ୍ତା ଓ କୋଠାବାଡି ବିଭାଗର ନିର୍ବାହୀଯନ୍ତ୍ରୀ ଲକ୍ଷ୍ମଣ ମୁର୍ମୁଙ୍କ ସମେତ ବିଭିନ୍ନ ବିଭାଗର ଅଧିକାରୀମାନେ ଉପସ୍ଥିତ ଥିଲେ ା


All Right Reserved By Dharitri.Com

୮୦ ବିସ୍ଥାପିତ ଶ୍ରମିକଙ୍କୁ ଉଠାଇନେଲା ପୋଲିସ

ଛତ୍ରପୁର, ୩୦।୭(ଡି.ଏନ୍‌.ଏ.): ଗଞ୍ଜାମ ଜିଲା ଚମାଖଣ୍ଡି ଥାନା ଅଧୀନ ଟାଟା ପ୍ରକଳ୍ପ କାର୍ଯ୍ୟାଳୟରେ ସ୍ଥାୟୀ ନିଯୁକ୍ତି ଦାବିରେ ଗତ ଶନିବାରଠାରୁ ୮୦ ଶ୍ରମିକ ଧାରଣାରେ ବସିଥିଲେ।...

ପୂର୍ବତନ ଆକାଉଣ୍ଟାଣ୍ଟଙ୍କୁ ୨ବର୍ଷ ଜେଲ

ଫୁଲବାଣୀ ଅଫିସ,୨୪ା୪- ଫୁଲବାଣୀ ସ୍ବତନ୍ତ୍ର ଭିଜିଲାନ୍ସ ଜଜ୍‌ ଭଗବାନ ପ୍ରଧାନ ଏକ ଲାଞ୍ଚ ମାମଲାର ବିଚାର କରି ଜଣେ ଆକାଉଣ୍ଟାଣ୍ଟଙ୍କୁ ୨ ବର୍ଷ ଜେଲ ଦଣ୍ଡାଦେଶ...

୭ ମାସ ହେଲା ଅଙ୍ଗନୱାଡି କେନ୍ଦ୍ରରେ ମିଳିନି ରନ୍ଧାଖାଦ୍ୟ

ଜଗନ୍ନାଥପ୍ରସାଦ,୧୮ା୭(ଡି.ଏନ.ଏ.)-ଶିଶୁ ଓ ପ୍ରସୂତିଙ୍କ ପୃଷ୍ଟିକର ଖାଦ୍ୟ ଯୋଗାଇବା ପାଇଁ ସରକାର ବିଭିନ୍ନ ଯୋଜନା କରିଛନ୍ତି।ଏଥିପାଇଁ ବ୍ଲକରେ ସମନ୍ବିତ ଶିଶୁ ଓ ମହିଳା ବିକାଶ କାର୍ଯ୍ୟାଳୟ କାର୍ଯ୍ୟ...

୧୨ ଆନ୍ତଃ ଜିଲା ଡକାୟତ ଗିରଫ

ଛତ୍ରପୁର/ଆସିକା/ବୁଗୁଡା,୩୦/୮(ଡି.ଏନ.ଏ.)- ବୁଗୁଡା ଓ ଆସିକା ଥାନା ପୋଲିସ ବୁଧବାର ରାତିରେ ୧୨ ଆନ୍ତଃଜିଲା ଡକାୟତଙ୍କୁ ଧରିବାରେ ସକ୍ଷମ ହୋଇଛି। ଏମାନେ ଗଞ୍ଜାମ, ବ୍ରହ୍ମପୁର, ଖୋର୍ଦ୍ଧା ଓ...

ଖଲ୍ଲିକୋଟ କଲେଜରେ ଛାତ୍ର ଅଶାନ୍ତି

ବ୍ରହ୍ମପୁର ଅଫିସ୍‌,୨୭ା୭-ଖଲ୍ଲିକୋଟ ସ୍ବୟଂ ଶାସିତ ମହାବିଦ୍ୟାଳୟ ଏବଂ ଖଲ୍ଲିକୋଟ ଜୁନିୟର୍‌ ମହାବିଦ୍ୟାଳୟର ବିଭିନ୍ନ ସମସ୍ୟାକୁ ନେଇ ଶୁକ୍ରବାର କେତେକ ଛାତ୍ର ବିକ୍ଷୋଭ ପ୍ରଦର୍ଶନ କରିବା ସହ...

ଜୁଆଆଡ୍ଡା ଉପରେ ଚଢାଉ, ୯ ଗିରଫ

ଜଗନ୍ନାଥପ୍ରସାଦ,୩୦।୫(ଡି.ଏନ.ଏ.)- ଜଗନ୍ନାଥପ୍ରସାଦ ପୋଲିସ ବୁଧବାର ବିଳମ୍ବିତ ରାତିରେ ଏକ ଜୁଆଆଡ୍ଡା ଉପରେ ଚଢାଉ କରିଥିବା ସୂଚନା ମିଳିଛି। ରାଉତି-ଭାବସର ଗ୍ରାମ ମଧ୍ୟରେ ଥିବା ଏକ ଆମ୍ବ...

ଦାରିଙ୍ଗବାଡ଼ି ଅଞ୍ଚଳରେ କାଜୁ ଚାଷ ନୈରାଶ୍ୟଜନକ

ଦାରିଙ୍ଗବାଡି,୨୩।୫(ଡି.ଏନ.ଏ)-ଦାରିଙ୍ଗବାଡି ବ୍ଲକ ଅଞ୍ଚଳ ସମେତ ପଡୋଶୀ ଜିଲା ଗଜପତିର ପାଣିଗଣ୍ଡା, କଟାମାହା ଆଦି ଅଞ୍ଚଳରେ ଏବେ କାଜୁ ଚାଷ ପ୍ରତି ଆଗ୍ରହ ବୃଦ୍ଧି ପାଉଛି। ତେବେ...

ଛତ୍ରପୁର ହସ୍ପିଟାଲରେ ରାଜ୍ୟସ୍ତରୀୟ ସ୍ବାସ୍ଥ୍ୟ ମନିଟରିଂ ଟିମ୍‌

ଛତ୍ରପୁର,୨୬ା୪(ଡି.ଏନ.ଏ.)- ଗଞ୍ଜାମ ଜିଲା ହେଡକ୍ୱାର୍ଟରରେ ଥିବା ଛତ୍ରପୁର ହସ୍ପିଟାଲକୁ ୨୦୧୮-୧୯ରେ କାୟାକଳ୍ପ ପ୍ରଶଂସନୀୟ ପୁରସ୍କାର ମିଳିଥିଲା। ଏହି ପୁରସ୍କାର ପରେ ଭାରତ ସରକାରଙ୍କଠାରୁ ନ୍ୟାଶନାଲ କ୍ୱାଲିଟି...

Leave a comment

Your email address will not be published. Required fields are marked *