Posted inଖେଳ

ବିପର୍ଯ୍ୟୟ ଘଟାଇଲା ବାଂଲାଦେଶ

ଟଣ୍ଟନ, ୧୮।୬-ଚଳିତ ଆଇସିସି ବିଶ୍ୱକପରେ ଦ୍ୱିତୀୟ ବିପର୍ଯ୍ୟୟ ଘଟାଇଛି ବାଂଲାଦେଶ। ସୋମବାର ଅନୁଷ୍ଠିତ ହାଇ ସ୍କୋରିଂ ମ୍ୟାଚରେ ଦଳ ୭ ଉଇକେଟରେ ଓ୍ବେଷ୍ଟଇଣ୍ଡିଜକୁ ପରାସ୍ତ କରିଛି। ଶାକିବ-ଅଲ-ହାସନଙ୍କ ଶତକ, ଲିଟନ ଦାସଙ୍କ ବିସ୍ଫୋରକ ବ୍ୟାଟିଂ ସହ ୪ର୍ଥ ଉଇକେଟ ଯୋଡ଼ିରେ ଏ ଦୁହିଁଙ୍କ ୧୮୯ ରନର ଭାଗୀଦାରି ବାଂଲାଦେଶ ବିଜୟ ପାଇଁ ପର୍ଯ୍ୟାପ୍ତ ହୋଇଥିଲା। ସାଇ ହୋପ୍‌ଙ୍କ ୯୬ ରନ ସହାୟତାରେ ଓ୍ବେଷ୍ଟଇଣ୍ଡିଜ ୫୦ ଓଭରରେ ୮ ଉଇକେଟ ହରାଇ ୩୨୧ ରନ କରିଥିଲା। ଜବାବରେ ବାଂଲାଦେଶ ୪୧.୩ ଓଭରରେ ମାତ୍ର ୩ ଉଇକେଟ ହରାଇ ୩୨୨ ରନ ସଂଗ୍ରହ କରି ନେଇଥିଲା। ଜୁନ ୨ରେ ବାଂଲାଦେଶ ଏହାର ପ୍ରଥମ ମ୍ୟାଚରେ ଦକ୍ଷିଣ ଆଫ୍ରିକାକୁ ୨୧ ରନରେ ହରାଇ ବିପର୍ଯ୍ୟୟ ଘଟାଇଥିଲା।
ଟସ୍‌ ଜିତି ଓ୍ବେଷ୍ଟଇଣ୍ଡିଜକୁ ପ୍ରଥମେ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା ବାଂଲାଦେଶ। ଦୁର୍ଦ୍ଦଶ ଓପନର କ୍ରିସ୍‌ ଗେଲ୍‌ଙ୍କୁ ଖାତା ଖୋଲିବା ପୂର୍ବରୁ ଆଉଟ କରି ନିଜ ରଣନୀତିରେ ଦଳ ଆଂଶିକ ସଫଳ ମଧ୍ୟ ହୋଇଥିଲା। ମାତ୍ର ପରବର୍ତ୍ତୀ ୪ ବ୍ୟାଟ୍ସମ୍ୟାନ ଚମତ୍କାର ବ୍ୟାଟିଂ କରି ବାଂଲାଦେଶ ବୋଲରଙ୍କୁ ନିରାଶ କରିଥିଲେ। ଅନ୍ୟତମ ଓପନର ଲିଓ୍ବିସ ଏବଂ ଉଇକେଟ କିପର ହୋପ୍‌ ଦ୍ୱିତୀୟ ଉଇକେଟ ଯୋଡ଼ିରେ ୧୧୬ ରନ ସଂଗ୍ରହ କରି ଦଳକୁ ବିପଦରୁ ଉଦ୍ଧାର କରିବା ସହ ବଡ଼ ସ୍କୋର ପାଇଁ ପ୍ଲାଟଫର୍ମ ପ୍ରସ୍ତୁତ କରିଥିଲେ। ୨୫ତମ ଓଭରର ୩ୟ ବଲ୍‌ରେ ଲିଓ୍ବିସଙ୍କୁ ଆଉଟ କରି ବାଂଲାଦେଶକୁ ପ୍ରତୀକ୍ଷିତ ବ୍ରେକ୍‌ ଥ୍ରୁ ଦେଇଥିଲେ ଶାକିବ-ଅଲ-ହାସନ। ୬୭ଟି ବଲ୍‌ର ସମ୍ମୁଖୀନ ହୋଇଥିବା ଲିଓ୍ବିସ ୬ ଚୌକା ଓ ୨ ଛକା ସହାୟତାରେ ୭୦ ରନ କରିଥିଲେ। ମିଡଲ ଅର୍ଡରରେ ନିକୋଲାସ ପୁରନ ୨୫(୩୦ ବଲ, ୨ ଚୌକା, ୧ ଛକା) ଓ ଶିମରନ ହେଟମେର ଦ୍ରୁତ ୫୦(୨୬ ବଲ, ୪ ଚୌକା, ୩ ଛକା) ରନ ସ୍କୋର କରି ଓ୍ବେଷ୍ଟଇଣ୍ଡିଜକୁ ଦୃଢ଼ ସ୍ଥିତିରେ ପହଞ୍ଚାଇ ଦେଇଥିଲେ। ଲୋୟର ଅର୍ଡରରେ ଦୁଇ ଭେଟେରାନ ଆନ୍ଦ୍ରେ ରସେଲ(୦) ଓ ଡୋରେନ ବ୍ରାଭୋ(୧୯) ବିଫଳ ହୋଇଥିବାବେଳେ ଅଧିନାୟକ ଜାସନ ହୋଲ୍ଡର ୧୫ ବଲ୍‌ରୁ ୩୩(୪ ଚୌକା, ୨ ଛକା) ରନର ଉପଯୋଗୀ ଇନିଂସ ଖେଳିଥିଲେ। ହୋପ୍‌ ଖେଳିଥିଲେ କ୍ୟାରିୟରର ଅନ୍ୟତମ ଶ୍ରେଷ୍ଠ ଇନିଂସ। ସେ ମାତ୍ର ୪ ରନ ପାଇଁ ଶତକ ହାସଲରୁ ବଞ୍ଚତ୍ତ ହୋଇଥିଲେ ହେଁ ଓ୍ବେଷ୍ଟଇଣ୍ଡିଜ ମ୍ୟାଜିକ ୩୦୦ ରନ ସ୍କୋର କରିବାରେ ମୁଖ୍ୟ ଭୂମିକା ଗ୍ରହଣ କରିଥିଲେ। ୪୭ ଓଭର ପର୍ଯ୍ୟନ୍ତ କ୍ରିଜ୍‌ର ଗୋଟିଏ ପଟରେ ଜଗି ରହିଥିବା ହୋପ୍‌ ୧୨୧ଟି ବଲ୍‌ର ସମ୍ମୁଖୀନ ହୋଇ ୪ ଚୌକା ଓ ୧ ଛକା ସହାୟତାରେ ୯୬ ରନ କରି ଆଉଟ ହୋଇଥିଲେ। ଲିଓ୍ବିସଙ୍କ ସହ ଶତକୀୟ ଭାଗୀଦାରି ବ୍ୟତୀତ ସେ ହେଟ୍‌ମେରଙ୍କ ସହ ୪ର୍ଥ ଉଇକେଟ ଯୋଡ଼ିରେ ମୂଲ୍ୟବାନ ୮୩ ରନ ସଂଗ୍ରହରେ ଉପଯୋଗୀ ଅବଦାନ ଦେଇଥିଲେ। ବାଂଲାଦେଶ ପକ୍ଷରୁ ମହମ୍ମଦ ସୈଫୁଦ୍ଦିନ ଓ ମୁସ୍ତାଫିଜୁର ରହମନ ୩ଟି ଲେଖାଏ ଏବଂ ଶାକିବ ୨ଟି ଉଇକେଟ ନେଇଥିଲେ।
ବଡ଼ ସ୍କୋରର ପିଛା କରିଥିଲେ ହେଁ ବାଂଲାଦେଶ ଭଲ ଆରମ୍ଭ କରିଥିବାରୁ ଚାପର ବଶବର୍ତ୍ତୀ ହୋଇ ନ ଥିଲା। ତାମିମ ଇକବାଲ ଓ ସୌମ୍ୟ ସରକାର ଓପନିଂ ଯୋଡ଼ିରେ ୫୦ ବଲ୍‌ରୁ ୫୨ ରନ ସଂଗ୍ରହ କରି ଦଳକୁ ଲକ୍ଷ୍ୟ ପଥରେ ଆଗେଇ ନେଇଥିଲେ। ସୌମ୍ୟ ୨୩ ବଲ୍‌ରୁ ୨୯(୨ ଚୌକା, ୨ ଛକା) ରନ କରି ଆଉଟ ହୋଇଥିବାବେଳେ ତାମିମ ୪୮(୫୩ ବଲ, ୬ ଚୌକା)ରନ କରି ରନଆଉଟ ହୋଇ ଯାଇଥିଲେ। ମୁସ୍ତାଫିକର ରହିମ ମାତ୍ର ୧ ରନ କରି ଆଉଟ ହେବାରୁ ବାଂଲାଦେଶ ସ୍କୋର ୧୯ ଓଭରରେ ୧୩୩/୩ ହୋଇ ଯାଇଥିଲା। ତେବେ ଶାକିବ-ଅଲ-ହାସନ ଓ ଲିଟନ ଦାସ ଅସମାପ୍ତ ୪ର୍ଥ ଉଇକେଟ ଯୋଡ଼ିରେ ୧୮୯ ରନର ଭାଗୀଦାରି ଗଢ଼ି ବାଂଲାଦେଶକୁ ବିଜୟୀ କରାଇଥିଲେ। ଶତକୀୟ ଇନିଂସ ମଧ୍ୟରେ ଶାକିବ ଏକଦିବସୀୟ କ୍ରିକେଟରେ ୬,୦୦୦ ରନ ପୂରଣ କରିବା ସହ କୌଣସି ଗୋଟିଏ ବିଶ୍ୱକପରେ ବାଂଲାଦେଶ ପକ୍ଷରୁ ଟପ୍‌ ସ୍କୋରର ହେବାର ସୌଭାଗ୍ୟଲାଭ କରିଥିଲେ। ହାତରେ ଆହୁରି ୫୧ଟି ବଲ୍‌ ବାକିଥାଇ ଦମ୍‌ଦାର ବିଜୟ ହାସଲ କରିଥିଲା ବାଂଲାଦେଶ। ୯୯ ବଲ୍‌ ଖେଳିଥିବା ଶାକିବ ୧୬ ଚୌକା ସହାୟତାରେ ୧୨୪ ଓ ଲିଟନ ୬୯ ବଲ୍‌ରୁ ୮ ଚୌକା ଓ ୪ ଛକା ସହ ୯୪ ରନରେ ଅପରାଜିତ ରହିଥିଲେ। ଓ୍ବେଷ୍ଟଇଣ୍ଡିଜ ବୋଲରମାନେ ଅତିରିକ୍ତଭାବେ ୨୬ ରନ ବ୍ୟୟ କରିଥିଲେ। ଆନ୍ଦ୍ରେ ରସେଲ ଓ ଓଶାନେ ଥୋମାସ ଗୋଟିଏ ଲେଖାଏ ଉଇକେଟ ନେଇଥିଲେ।
ସଂକ୍ଷିପ୍ତ ସ୍କୋର
ଓ୍ବେଷ୍ଟଇଣ୍ଡିଜ ୫୦ ଓଭରରେ ୩୨୧/୮(ହୋପ୍‌-୯୬, ଲିଓ୍ବିସ-୭୦, ହେଟମେର-୫୦, ହୋଲ୍ଡର-୩୩, ମହମ୍ମଦ ସୈଫୁଦ୍ଦିନ-୩/୭୨, ମୁସ୍ତାଫିଜୁର ରହମନ-୩/୫୯, ଶାକିବ-୨/୫୪)। ବାଂଲାଦେଶ ୪୧.୩ ଓଭରରେ ୩୨୨/୩ (ଶାକିବ-୧୨୪*, ଲିଟନ-୯୪*, ତାମିମ-୪୮, ଆନ୍ଦ୍ରେ ରସେଲ-୧/୪୨, ଓଶାନେ ଥୋମାସ-୧/୫୨)।


All Right Reserved By

Posted inଖେଳ

ଅନ୍ତର୍ଜାତୀୟ କ୍ରିକେଟରୁ ଯୁବିଙ୍କ ଅଲ୍‌ବିଦା

ମୁମ୍ବାଇ,୧୦।୬- କିମ୍ବଦନ୍ତୀ ଅଲରାଉଣ୍ଡର ଯୁବରାଜ ସିଂ (ଯୁବି) ସୋମବାର ଅନ୍ତର୍ଜାତୀୟ କ୍ରିକେଟରୁ ଅବସର ନେଇଛନ୍ତି। ୨୦୧୧ ଆଇସିସି ବିଶ୍ୱକପ୍‌ ଓ ୨୦୦୭ ଟି୨୦ ବିଶ୍ୱକପ୍‌ ହିରୋ...

ଅବସର ପରେ ଚିତ୍ରକର ହେବେ ଧୋନୀ

ନୂଆଦିଲ୍ଲୀ, ୨୧ା୫ (ପି.ଟି.)- ଜଣେ ଚିତ୍ରକର ହେବାଲାଗି ମହେନ୍ଦ୍ର ସିଂ ଧୋନୀ ପିଲାଦିନେ ଯେଉଁ ସ୍ବପ୍ନ ଦେଖିଥିଲେ, ତାହା ସାକାର କରିବେ। କ୍ରିକେଟ ଛାଡ଼ିବା ପରେ...

ଆଇସିସି ବିଶ୍ୱକପ୍‌: ଟିମ୍‌ ଇଣ୍ଡିଆର ମିଶନ ନ୍ୟୁଜିଲାଣ୍ଡ

ନଟିଂହାମ,୧୩।୬(ପି.ଟି.)- ଚଳିତ ଆନ୍ତର୍ଜାତିକ କ୍ରିକେଟ କାଉନସିଲ (ଆଇସିସି) ବିଶ୍ୱକପ୍‌ର ଦ୍ୱାଦଶ ସଂସ୍କରଣରେ ଭାରତ ତା’ର ତୃତୀୟ ମ୍ୟାଚ୍‌ରେ ନ୍ୟୁଜିଲାଣ୍ଡକୁ ଭେଟିବ। ସ୍ଥାନୀୟ ଟ୍ରେଣ୍ଟ ବ୍ରିଜ୍‌ ଗ୍ରାଉଣ୍ଡରେ...

ସମ୍ଭାବ୍ୟ ଖେଳାଳିଙ୍କ ତାଲିକାରେ ନ ଥିଲେ ହେଲେ ବିଶ୍ୱକପ୍‌ ଦଳରେ ଆମିର

କରାଚି,୧୭।୫(ପି.ଟି.)- ପାକିସ୍ତାନ ଅଭିଜ୍ଞ ଦ୍ରୁତ ବୋଲର ମହମ୍ମଦ ଆମିରଙ୍କୁ ପ୍ରଥମେ ଅଣଦେଖା କରାଯାଇଥିଲେ ମଧ୍ୟ ପରେ ତାଙ୍କୁ ବିଶ୍ୱକପ୍‌ ଦଳରେ ସାମିଲ କାରାଯାଇଛି। ଚଳିତ ଇଂଲଣ୍ଡ...

ତେନ୍ଦୁଲକର ସ୍ବାର୍ଥ ନିହିତ ମାମଲାରୁ ମୁକ୍ତ

ନୂଆଦିଲ୍ଲୀ, ୨୮ା୫ (ପି.ଟି.)- କ୍ରିକେଟ ଉପଦେଷ୍ଟା କମିଟି (ସିଏସି) ରେ ରହିବେ ନାହି ବୋଲି ସଚିନ ତେନ୍ଦୁଲକର କହିବା ପରେ ସେ ସ୍ବାର୍ଥ ନିହିତ ମାମଲାରୁ...

ଜୟପୁର ପିଙ୍କ୍‌ ପାନ୍ଥର୍ସ ବିଜୟୀ

ପାଟନା, ୪ା୮ (ପି.ଟି.)-ଚଳିତ ଭିଭୋ ପ୍ରୋ-କବାଡ଼ି ସିଜନ-୭ରେ ଶନିବାର ଖେଳାଯାଇଥିବା ମ୍ୟାଚରେ ଜୟପୁର ପିଙ୍କ୍‌ ପାନ୍ଥର୍ସ ବିଜୟ ଲାଭ କରିଛି। ଦଳ ୩୪-୨୧ରେ ପାଟନା ପାଇରେଟ୍ସକୁ...

ସାମିଙ୍କ ହ୍ୟାଟ୍ରିକ୍‌କୁ ନେଇ ଏମିତି କହିଲେ ସ୍ତ୍ରୀ ହସିିନ ଜହାଁ

ଲକ୍ଷ୍ନୌ,୨୪।୬: ଚଳିତ ଆଇସିସି ବିଶ୍ୱକପରେ ଦ୍ୱିତୀୟ ଭାରତୀୟ ଭାବେ ହ୍ୟାଟ୍ରିକ୍‌ ଓ୍ବିକେଟ୍‌ ନେଇଛନ୍ତି ଦ୍ରୁତ ବୋଲର ମହମ୍ମଦ ସାମି। ସାମିଙ୍କୁ ବଦନାମ କରିବା ପାଇଁ ସ୍ତ୍ରୀ...

ଅଲ୍‌ ଇଣ୍ଡିଆ ଓପନ୍‌ ସ୍ନୁକର: କ୍ୱାର୍ଟର ଫାଇନାଲରେ ଆଶୁତୋଷ

ଚେନ୍ନାଇ, ୩।୮(ପି.ଟି.)- ଏଠାରେ ଚାଲିଥିବା କ୍ୟୁ-ଲଙ୍ଗ୍‌ ଅଲ୍‌ ଇଣ୍ଡିଆ ଓପନ୍‌ ସ୍ନୁକର ଚାମ୍ପିୟନଶିପ୍‌ରେ ଓଡ଼ିଶା କ୍ୟୁ ସ୍ପୋଟର୍‌ସ ତାରକା ଆଶୁତୋଷ ପାଢ଼ୀଙ୍କ ଆକର୍ଷଣୀୟ ପ୍ରଦର୍ଶନ ଅବ୍ୟାହତ...

selfi corner

Model This Week

Why Dharitri

Leave a comment

Your email address will not be published. Required fields are marked *