ବିଜେଡି ଛାତ୍ର, ଯୁବ, ମହିଳା ସଙ୍ଗଠନର ପୁନର୍ଗଠନ

ଭୁବନେଶ୍ୱର,୧୭ା୬(ବ୍ୟୁରୋ) : ସାଧାରଣ ନିର୍ବାଚନ ପରେ ବିଜେଡି ଛାତ୍ର, ଯୁବ ଏବଂ ମହିଳା ସଙ୍ଗଠନର ପୁନର୍ଗଠନ ନେଇ ଆଲୋଚନା ଜୋର ଧରିଛି। ୨୦୧୭ ପଞ୍ଚାୟତ ନିର୍ବାଚନ ବିପର୍ଯ୍ୟୟ ପରେ ଛାତ୍ର ଓ ଯୁବ ସଙ୍ଗଠନର ଆମୂଳଚୂଳ ପରିବର୍ତ୍ତନ ହୋଇଥିଲା। ହେଲେ ସାଙ୍ଗଠନିକ ଦାୟିତ୍ୱ ଦୁଇ ପ୍ରଭାବଶାଳୀ ନେତାଙ୍କ ଅନୁଗତଙ୍କୁ ପ୍ରଦାନ କରାଯାଇଥିଲା। ସେମାନଙ୍କ ପ୍ରଦର୍ଶନ ମଧ୍ୟ ସେତେଟା ଆଖିଦୃଶିଆ ହୋଇ ନ ଥିବା ରାଜନୈତିକ ସମୀକ୍ଷକମାନେ ମତ ରଖିଛନ୍ତି। ତେଣୁ ବିଜେଡିର ଶୀର୍ଷ ନେତୃତ୍ୱ ପୁନର୍ବାର ସାଙ୍ଗଠନିକ ପରିବର୍ତ୍ତନ କଥା ଚିନ୍ତା କରୁଥିବା କୁହାଯାଉଛି। ମହିଳା ସଙ୍ଗଠନକୁ କିଛି ମାସ ତଳେ ପୁନର୍ଗଠିତ କରାଯିବା ସହ ନୂଆ ସଭାନେତ୍ରୀ ଏବଂ ଏକାଧିକ କାର୍ଯ୍ୟକାରୀ ସଭାପତି ନିଯୁକ୍ତ କରାଯାଇଥିଲା। ହେଲେ ଏହି ସଙ୍ଗଠନର କାର୍ଯ୍ୟଶୈଳୀ ମଧ୍ୟ ପ୍ରଭାବହୀନ ରହିଥିବା ଅନୁଭବ କରାଯାଇଛି। ତେଣୁ ପୌର ନିର୍ବାଚନ ପୂର୍ବରୁ ୩ ଛାମୁଆ ସଙ୍ଗଠନର ପରିବର୍ତ୍ତନ ନେଇ ଅଙ୍କକଷା ଆରମ୍ଭ ହୋଇଯାଇଛି।
ଛାତ୍ର ଏବଂ ମହିଳା ସଙ୍ଗଠନ ଅପେକ୍ଷା ବିଜୁ ଯୁବ ଜନତା ଦଳ ଅଧିକ ଗୁରୁତ୍ୱ ବହନ କରିଥାଏ। ଏହାର କର୍ମକର୍ତ୍ତା ସିଧା ଦଳୀୟ ସଙ୍ଗଠନ ସହ ଜଡିତ ହୋଇ କାମ କରିଥାନ୍ତି। ୩୦ରୁ ୪୫ ବର୍ଷୀୟ ଭୋଟରଙ୍କୁ ଆଖିଆଗରେ ରଖି ଏହି ସଙ୍ଗଠନ କାର୍ଯ୍ୟ କରିଥାଏ। ହେଲେ ଚଳିତ ବର୍ଷ ହୋଇଥିବା ସାଧାରଣ ନିର୍ବାଚନରେ ରାଜ୍ୟର ଯୁବ ଏବଂ ନୂଆ ଭୋଟର ଭାଜପାକୁ ଅଧିକ ପସନ୍ଦ କରିଥିବା ରାଜନୈତିକ ବିଶ୍ଳେଷକମାନେ ମତ ରଖିଛନ୍ତି। ସେହିଭଳି ସାରା ଦେଶର ନଗରାଞ୍ଚଳରେ ଭାଜପାର ଭୋଟ ହାର ଭଲ ରହିଛି। ଆଗକୁ ପୌର ନିର୍ବାଚନ ଥିବାରୁ ଭାଜପାର ମୁକାବିଲା ବିଜେଡି ପାଇଁ କଠିନ ପରୀକ୍ଷା ସଦୃଶ। ତେଣୁ ଯୁବ ସଙ୍ଗଠନର ପରିବର୍ତ୍ତନର ମଙ୍ଗ କାହା ହାତରେ ରହିବ, ସେ ନେଇ ସମସ୍ତଙ୍କ ନଜର ରହିଛି। ସଭାପତି ଚୟନରେ କେଉଁ ମାନଦଣ୍ଡକୁ ବିଚାରକୁ ନିଆଯିବ, ସେ ନେଇ ଚର୍ଚ୍ଚା ଜୋର ଧରିଛି। ଅତୀତର କାର୍ଯ୍ୟଦକ୍ଷତା, ଦଳ ଏବଂ ବିଜେଡି ସଭାପତି ନବୀନ ପଟ୍ଟନାୟକଙ୍କ ପ୍ରତି ଥିବା ଆନୁଗତ୍ୟକୁ ବିଚାର କରାଯିବ କି ନାହିଁ, ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି। କିଛିଦିନ ହେବ ବିଜେଡି ଆଭ୍ୟନ୍ତରୀଣ ରାଜନୀତିକୁ ପ୍ରଭାବିତ କରୁଥିବା ଏକ ଗୋଷ୍ଠୀ ପ୍ରତି ଆନୁଗତ୍ୟକୁ ସଭାପତି ଚୟନରେ ଗୁରୁତ୍ୱ ଦିଆଯାଇପାରେ ବୋଲି ସୂଚନା ମିଳିଛି। ଏମିତିକି ଉପକୂଳ ଓଡ଼ିଶାର ଜଣେ ବିଧାୟକଙ୍କୁ ଯୁବ ବିଜେଡି ସଭାପତି କରିବା ପାଇଁ ଯୋଜନା ଚାଲିଛି। ରାଜ୍ୟ କ୍ୟାବିନେଟ୍‌ର ଜଣେ ମନ୍ତ୍ରୀ ଏବଂ ମନ୍ତ୍ରିମଣ୍ଡଳରେ ନ ଥିବା ଜଣେ ବିଧାୟକ ଏହି ଯୋଜନା କରୁଥିବା ଦଳୀୟ ଅନ୍ଦର ମହଲରୁ ଜଣାପଡ଼ିଛି। ଏପରିକି ପୂର୍ବରୁ ଦଳର ଯୁବ ସଭାପତି ଏବଂ ଯୁବ ବ୍ୟାପାର ଦାୟିତ୍ୱରେ ରହିଥିବା ଏକାଧିକ ନେତାଙ୍କୁ ସଙ୍ଗଠନରୁ ଦୂରେଇ ରଖିବା ପାଇଁ ପ୍ରୟାସ କରାଯାଉଛି। ବିଜେଡି ରାଜନୀତିକୁ ଅନୁଶୀଳନ କଲେ ସାମ୍ପ୍ରତିକ ସ୍ଥିତିରେ ବିଧାୟକ ପ୍ରଣବ ପ୍ରକାଶ ଦାସ, ମନ୍ତ୍ରୀ ଅରୁଣ ସାହୁ ଓ ପ୍ରତାପ ଜେନା, ବିଧାୟକ ଅତନୁ ସବ୍ୟସାଚୀ ନାୟକ ଏବଂ ପୂର୍ବତନ ମନ୍ତ୍ରୀ ସଞ୍ଜୟ ଦାସବର୍ମାଙ୍କ ପ୍ରଭାବ ଦେଖିବାକୁ ମିଳିଥାଏ। ହେଲେ ବର୍ତ୍ତମାନ ଯେପରି ଯୁବ ମଙ୍ଗୁଆଳ ଚୟନ ପାଇଁ ଚିନ୍ତା କରାଯାଉଛି, ସେପରି ହେଲେ ଉପରେ ଆଲୋଚିତ ନାମ ମଧ୍ୟରୁ ୩ ଜଣଙ୍କୁ ଦୂରେଇ ରଖିବାକୁ ଚେଷ୍ଟା କରାଯାଉଛି। ଆଶ୍ଚର୍ଯ୍ୟର କଥା ପଶ୍ଚିମ ଏବଂ ଦକ୍ଷିଣ ଓଡ଼ିଶାର କୌଣସି ନେତା ଯୁବ ସଙ୍ଗଠନରେ ପ୍ରଭାବ ବିସ୍ତାର କରିପାରିନାହାନ୍ତି। ସଂସଦୀୟ ନିର୍ବାଚନ ଫଳାଫଳ ମଧ୍ୟ ଏହି ସବୁ ଅଞ୍ଚଳରେ ନୈରାଶ୍ୟଜନକ ଥିଲା। ଅନୁସୂଚିତ ଜାତି(ଏସ୍‌ସି) ଏବଂ ଅନୁସୂଚିତ ଜନଜାତି(ଏସ୍‌ଟି) ବର୍ଗର ଯୁବ ପ୍ରତିନିଧିତ୍ୱଙ୍କୁ ମଧ୍ୟ ସଙ୍ଗଠନରେ ଅଗ୍ରାଧିକାର ଦିଆଯାଇ ନାହିଁ। ତେଣୁ ଭବିଷ୍ୟତର ରଣନୀତି ପାଇଁ ଯୁବ ସଙ୍ଗଠନକୁ କିପରି କ୍ରିୟାଶୀଳ କରାଯିବ, ସେ ନେଇ ଦଳ ମଧ୍ୟରେ ପ୍ରଶ୍ନବାଚୀ ସୃଷ୍ଟି ହୋଇଛି।
ଅପରପକ୍ଷରେ ପୂର୍ବଥର ଯୁବ ସଙ୍ଗଠନକୁ କ୍ରିୟାଶୀଳ କରିବା ପାଇଁ ଜୋନ୍‌ସ୍ତରୀୟ ବର୍ଗୀକରଣ କରାଯାଇ ବିଭିନ୍ନ ଦାୟିତ୍ୱ ବଣ୍ଟନ କରାଯାଇଥିଲା। କେତେଜଣ ତାହାକୁ ଉତ୍ତମ ରୂପେ ତୁଲାଇଥିବା ବେଳେ କେତେଜଣ ଯୁବ ନେତା ପାରି ନ ଥିଲେ। ଏଭଳିସ୍ଥିତିରେ ଦୀର୍ଘଦିନରୁ ଛାତ୍ର ତଥା ଯୁବ ରାଜନୀତି କରୁଥିବା ଉତ୍ତମ ସଙ୍ଗଠକମାନଙ୍କୁ ଅଣଦେଖା କରାଯାଉଥିବା କୁହାଯାଉଛି। ଏପରିକି ଦଳ ଭିତରେ ଏକ ସମାନ୍ତରାଳ ସଙ୍ଗଠନ ସୃଷ୍ଟି ହେଉଥିବା କେତେଜଣ ଯୁବ କର୍ମୀ ଅନୁଭବ କଲେଣି। ସାଙ୍ଗଠନିକ ଦକ୍ଷତା ଅପେକ୍ଷା ଯଦି ନିର୍ଦ୍ଦିଷ୍ଟ ଗୋଷ୍ଠୀ ପ୍ରତି ଆନୁଗତ୍ୟ ପ୍ରଦର୍ଶନ କରୁଥିବା ବିଧାୟକଙ୍କୁ ଯୁବ ସଭାପତି ଦାୟିତ୍ୱ ପ୍ରଦାନ କରାଯାଏ, ତେବେ ଦୀର୍ଘଦିନରୁ ବିଜେଡି ଯୁବ/ଛାତ୍ର ରାଜନୀତି କରୁଥିବା ସଙ୍ଗଠକମାନେ ବିଦ୍ରୋହ କରିବା ଆଶଙ୍କାକୁ ଏଡାଇ ଦିଆ ଯାଇ ନ ପାରେ ବୋଲି ସମୀକ୍ଷକମାନେ ମତ ରଖିଛନ୍ତି। ପୂର୍ବଥର ବିଧାୟକ ଏବଂ ମନ୍ତ୍ରୀମାନଙ୍କୁ ନିଜ ଅଞ୍ଚଳରେ ଅଧିକ ସମୟ ଦେବା ଉଚିତ ବୋଲି କୁହାଯାଇ ସେମାନଙ୍କୁ ଏହି ପଦବୀ ଦିଆଯାଇ ନ ଥିଲା। ହେଲେ ସେ ସମୟରେ ସାଙ୍ଗଠନିକ ଦକ୍ଷତା ଅପେକ୍ଷା ନିଦ୍ଦିର୍ର୍ଷ୍ଟ ଗୋଷ୍ଠୀ ପ୍ରତି ଆନୁଗତ୍ୟ ରଖିଥିବା ବ୍ୟକ୍ତିବିଶେଷଙ୍କୁ ପୁରସ୍କୃତ କରାଯାଇଥିଲା। ଚଳିତ ଥର ସେପରି ହେବାକୁ ଯାଉଥିବାରୁ ଆଗକୁ ଯୁବ ବର୍ଗ ବିଜେଡି ପ୍ରତି ବିମୁଖ ହୋଇପାରନ୍ତି ବୋଲି କେତେଜଣ ରାଜନୈତିକ ବିଶ୍ଳେଷକ ମତ ଦେଇଛନ୍ତି।


All Right Reserved By Dharitri.Com

କାର୍‌ରେ ଯୁବତୀଙ୍କୁ ଗଣବଳାତ୍କାର ମାମଲା: ମିଳିଲା ମେଡିକାଲ ରିପୋର୍ଟ, କେବେ ହଟିବ ପର୍ଦ୍ଦା

ଭୁବନେଶ୍ୱର, ୧୦।୧୧(ବ୍ୟୁରୋ): ଚଳନ୍ତା କାର୍‌ରେ ଯୁବତୀଙ୍କୁ ଗଣବଳାତ୍କାର ଘଟଣାର ଏକ ନୂଆ ମୋଡ଼ ସାମ୍ନାକୁ ଆସିଛି। ଇତିମଧ୍ୟରେ ଯୁବତୀଙ୍କ ମେଡିକାଲ ରିପୋର୍ଟ ପୋଲିସକୁ ହସ୍ତଗତ ହୋଇଛି।...

ଇଣ୍ଡିଆନ୍‌ ଆଇଡଲ୍‌ ୧୧ରେ ଓଡିଆ ଝିଅ ଚେଲ୍‌ସି

ଭୁବନେଶ୍ୱର:ପୁଣି ଜାତୀୟସ୍ତରୀୟ ରିଆଲିଟି ଶୋ’ରେ ଆସିବେ ଓଡ଼ିଆ ଝିଅ ଚେଲ୍‌ସି ବେଉରା। ସୋନି ଟିଭି ପକ୍ଷରୁ ପ୍ରସାରିତ ଇଣ୍ଡିଆନ୍‌ ଆଇଡଲ୍‌-୧୧ରେ ଚେଲ୍‌ସି ଭାଗ ନେଇଛନ୍ତି। ଏହି...

ଶ୍ରୀଲିଙ୍ଗରାଜଙ୍କ ଜମିରେ ବେଆଇନ ନିର୍ମାଣ

ପୁରୁଣା ଭୁବନେଶ୍ୱର,୧୦।୨(ଡି.ଏନ.ଏ.): ଶ୍ରୀଲିଙ୍ଗରାଜ ମନ୍ଦିର ଚତୁଃପାର୍ଶ୍ୱ ସୌନ୍ଦର୍ଯ୍ୟକରଣ ଓ ବିକାଶ ନେଇ ମୁଖ୍ୟମନ୍ତ୍ରୀଙ୍କ ବିରାଟ ଯୋଜନା କାର୍ଯ୍ୟ କରିବାକୁ ସମସ୍ତ ବିଭାଗ ମିଳିତ ଭାବେ କାମ...

ଅଲାରନାଥ ପୀଠରେ ଅନବସର ଦର୍ଶନ ଆରମ୍ଭ

ବ୍ରହ୍ମଗିରି,୧୮।୬(ଡି.ଏନ୍‌.ଏ.): ପୁରୀ ଜିଲା ବ୍ରହ୍ମଗିରିସ୍ଥିତ ଅଲାରନାଥ ପୀଠରେ ମଙ୍ଗଳବାରଠାରୁ ଅନବସର ଦର୍ଶନ ଆରମ୍ଭ ହୋଇଯାଇଛି। ମହାପ୍ରଭୁ ଶ୍ରୀଜଗନ୍ନାଥ ୧୦୮ କଳସରେ ମହାସ୍ନାନ କରିବାପରେ ଅଣସର ପିଣ୍ଡିରେ...

ଖୁବ୍‌ଶୀଘ୍ର ଖୋଲିବ ୪୫ ନୂଆ କୋର୍ଟ: ମହିଳାଙ୍କୁ ମିଳିବ ତ୍ୱରିତ ନ୍ୟାୟ

ଭୁବନେଶ୍ୱର, ୧୫-୧(ବ୍ୟୁରୋ):ମହିଳାଙ୍କୁ ସୁରକ୍ଷା ଓ ସାମାଜିକ ନ୍ୟାୟ ପ୍ରଦାନ କ୍ଷେତ୍ରରେ ଓଡ଼ିଶା ଏକ ଅଗ୍ରଣୀ ରାଜ୍ୟ ଭାବେ ପରିଗଣିତ ହୋଇଛି। ମହିଳାମାନେ କିଭଳି ସ୍ବାବଲମ୍ବୀ ହୋଇ...

ମେଟଲ୍‌ ମିଟ୍‌-୨୦୧୯: ଜୁନିୟର୍‌ ଗ୍ରୁପ୍‌ରେ ୪୩ଟିମ୍‌

ଭୁବନେଶ୍ୱର,୩।୮(ବ୍ୟୁରୋ):‘ମେଟଲ୍‌ ମିଟ୍‌-୨୦୧୯’ର ଜୁନିୟର୍‌ ଗ୍ରୁପ୍‌ ପାଇଁ ରେଜିଷ୍ଟ୍ରେଶନ୍‌ ଶେଷ ହୋଇଛି। ଏଥିରେ ଓଡ଼ିଶାର ୪୨ଟି ପ୍ରମୁଖ ଶିକ୍ଷାନୁଷ୍ଠାନରୁ ମୋଟ ୪୩ଟି ଟିମ୍‌ ଭାଗ ନେଇଛନ୍ତି। ମେଟଲ୍‌...

ଟ୍ରାଫିକ ଛକରେ ବଢୁଛି ବେଆଇନ ପାର୍କିଂ : ୟୁ ଟନର୍ର୍ ରାସ୍ତା ଅବରୋଧ, ଲୋକେ ହଇରାଣ

କଟକ ରୋଡ,୨୯।୭(ଡି.ଏନ୍‌.ଏ.) : ରାଜଧାନୀର ଅଧିକାଂଶ ଅଞ୍ଚଳରେ ଟ୍ରାଫିକ ଜାମ ସମସ୍ୟା ବିପଜ୍ଜନକ ପରିସ୍ଥିତି ସୃଷ୍ଟି କରିଛି। ଯାନବାହନ ସୁରୁଖୁରରେ ଯାତାୟାତ ପାଇଁ ରାସ୍ତା ସମ୍ପ୍ରସାରଣ...

ଶିକ୍ଷକ ସ୍ବାମୀକୁ ଲଣ୍ଡା, ଶିକ୍ଷୟିତ୍ରୀ ସ୍ତ୍ରୀଙ୍କୁ ଉଲଗ୍ନ କରି ବୁଲାଇଲେ; ଲଜ୍ଜାରେ ଶିକ୍ଷୟିତ୍ରୀଙ୍କ ଆତ୍ମହତ୍ୟା ଉଦ୍ୟମ

ଭୁବନେଶ୍ୱର, ୨ା୬(ବ୍ୟୁରୋ)- ଜଣେ ଶିକ୍ଷକଙ୍କୁ ଲୋକେ ଲଣ୍ଡା କରିବା ସହ ତାଙ୍କ ଶିକ୍ଷୟିତ୍ରୀ ସ୍ତ୍ରୀଙ୍କୁ ଉଲଗ୍ନ କରି ବୁଲାଇଛନ୍ତି। ଭୁବନେଶ୍ୱରର ମଞ୍ଚେଶ୍ୱର ଥାନା ଅନ୍ତର୍ଗତ ଧିରୁକିଟି...

Leave a comment

Your email address will not be published. Required fields are marked *