ଗଞ୍ଜାମର ୫ ସରକାରୀ ଗୋଦାମରେ ଚାଉଳ ଅସୁରକ୍ଷିତ

ଛତ୍ରପୁର,୧୭ା୬(ଡି.ଏନ.ଏ.)-ଗଞ୍ଜାମ ଜିଲାର ୫ ସରକାରୀ ଗୋଦାମରେ ଚାଉଳ ଅସୁରକ୍ଷିତ ଭାବେ ରଖାଯାଉଛି। ସେଗୁଡିକ ମଧ୍ୟରେ ହିଞ୍ଜିିଳି ଚାଉଳ ରିସିଭିଂ ସେଣ୍ଟର ଗୋଦାମ, ଜଗନ୍ନାଥପୁରସ୍ଥିତ ଯୋଗାଣ ନିଗମ ଗୋଦାମ, କୁକୁଡାଖଣ୍ଡି, ଛତ୍ରପୁର କୃଷକ ବଜାର ଓ ବେଗୁନିିଆପଡା ଚାଉଳ ରିସିଭିଂ ସେଣ୍ଟର ଗୋଦାମ ରହିଛି। ମାର୍ଚ୍ଚ ୨୬ ଓ ୨୮ ତାରିଖରେ ଭୁବନେଶ୍ୱରସ୍ଥିତ ଭାରତ ସରକାରଙ୍କ କ୍ୱାଲିଟି କଣ୍ଟ୍ରୋଲ ସେଲ୍‌ ଆସିଷ୍ଟାଣ୍ଟ ରିଜିଓନାଲ ଡାଇରେକ୍ଟର ଅନୁପମ କୁମାର ଦେଙ୍କ ନେତୃତ୍ୱରେ ଆସିଥିବା ଟିମ୍‌ ୫ ଚାଉଳ ଗୋଦାମ ପରିଦର୍ଶନ କରି ରିପୋର୍ଟ ପ୍ରସ୍ତୁତ କରିଥିଲେ। ଗୋଦାମରେ ଚାଉଳ ଅସୁରକ୍ଷିତ ଥିବା ଏବଂ ବିଭିନ୍ନ ଅଭାବ ଥିବା ନେଇ ଦର୍ଶାଇ ରିପୋର୍ଟକୁ ରାଜ୍ୟ ଯୋଗାଣ ନିଗମକୁ ଏପ୍ରିଲ ୨୪ ତାରିଖରେ ଚିଠି (ନଂ.୭୦) କ୍ୱାଲିଟି କଣ୍ଟ୍ରୋଲ ସେଲ୍‌ ଆସିଷ୍ଟାଣ୍ଟ ରିଜିଓନାଲ ଡାଇରେକ୍ଟରଙ୍କଠାରୁ ଆସିଥିଲା। ଏହାପରେ ଉକ୍ତ ରିପୋର୍ଟ ଉପରେ ପଦକ୍ଷେପ ନେଇ ଜଣାଇବାକୁ ଜୁନ୍‌ ୧୩ ତାରିଖରେ ରାଜ୍ୟ ଯୋଗାଣ ନିଗମ ଜେନେରାଲ ମ୍ୟାନେଜର (ବୈଷୟିକ) ଅଶୋକ କୁମାର ପଣ୍ଡାଙ୍କ ପକ୍ଷରୁ ଗଞ୍ଜାମ ଜିଲା ଯୋଗାଣ ଅଧିକାରୀଙ୍କ ନିକଟକୁ ନିର୍ଦ୍ଦେଶନାମା (ନଂ-୮୪୮୩) ଆସିଛି। ଉକ୍ତ ଚିଠିରୁ ମିଳିଥିବା ସୂଚନା ଅନୁସାରେ, ହଞ୍ଜିିଳି ରାଇସ୍‌ ରିସିଭିଂ ସେଣ୍ଟରର ଗୋଦାମ ଚଟାଣ ଭଗ୍ନ ଅବସ୍ଥାରେ ରହିଛି। ଏହାର ମରାମତି ଆବଶ୍ୟକ ପଡୁଛି ା ଭେଣ୍ଟିଲେଟର ମଧ୍ୟ ଭାଙ୍ଗିଯାଇଛି ଏବଂ ଏହା ବଦଳାଇବା ଜରୁରୀ ହୋଇପଡିଛି। ଏଥିସହ ଉକ୍ତ ଗୋଦାମର ଛାତରୁ ପାଣି ଗଳୁଛି , ଅଗ୍ନିନିର୍ବାପକ ଯନ୍ତ୍ର ନାହିଁ , ମଏଶ୍ଚର ମିଟର କାମ କରୁ ନ ଥିବା, ବିଶୁଦ୍ଧ ପାଇଁ ସ୍ପ୍ରେୟର ଓ ପାନୀୟ ଜଳ ବ୍ୟବସ୍ଥା ନ ଥିବା ବେଳେ ପାଇଖାନା ମଧ୍ୟ ଠିକ୍‌ ଭାବେ କାର୍ଯ୍ୟ କରୁ ନ ଥିବା ରିପୋର୍ଟରେ ଦର୍ଶାଯାଇଛି। ଏହା ଉପରେ ପଦକ୍ଷେପ ନେଇ ରିପୋର୍ଟ ଦେବାକୁ ଜିଲା ଯୋଗାଣ ଅଧିକାରୀଙ୍କୁ ଚିଠି ଆସିଛି। ସେହିପରି ଜଗନ୍ନାଥପୁରସ୍ଥିତ ଯୋଗାଣ ନିଗମ ଗୋଦାମକୁ ଯିବା ପାଇଁ ଆପ୍ରୋଚ୍‌ ରୋଡ୍‌ ନ ଥିବାବେଳେ ପାଚେରି ଭାଙ୍ଗିଯାଇଛି। ଗୋଦାମ ମଧ୍ୟ ଭଗ୍ନ ଅବସ୍ଥାରେ ଅଛି। କାନ୍ଥ ଓ ଚଟାଣରେ ଫାଟ ଥିବା ବେଳେ ଶଟର୍‌ ଠିକ୍‌ ଭାବେ କାମ କରୁନି। ଗୋଦାମ ସାରା ଉଦ୍ଭିଦ ସମୂହ ଥିବାବେଳେ ପାନୀୟ ଜଳ ବ୍ୟବସ୍ଥା ନ ଥିବା ଯାଞ୍ଚ ବେଳେ କ୍ୱାଲିଟି କଣ୍ଟ୍ରୋଲ ସେଲ୍‌ କର୍ମଚାରୀମାନେ ଦେଖିବାକୁ ପାଇଥିଲେ ା କୁକୁଡାଖଣ୍ଡି ରାଇସ୍‌ ରିସିଭିଂ ସେଣ୍ଟରର ଗୋଦାମରେ ବୁଢିଆଣୀ ଜାଲ ରହିଥିବା ବେଳେ ବିଶୁଦ୍ଧ ପାଇଁ ସ୍ପ୍ରେୟର ନାହିଁ ା ଏଥିସହ ଗୋଦାମକୁ ଯିବା ପାଇଁ ଆପ୍ରୋଚ୍‌ ରୋଡ୍‌ ନାହିଁ ା ଷ୍ଟକ୍‌ ସମ୍ବନ୍ଧରେ ଡିସ୍‌ପ୍ଲେ ମଧ୍ୟ କରାଯାଉ ନ ଥିବା କ୍ୱାଲିଟି କଣ୍ଟ୍ରୋଲ ସେଲ୍‌ ଜାଣିବାକୁ ପାଇଥିଲା। ଛତ୍ରପୁର କୃଷକ ବଜାରରେ ଥିବା ରାଇସ୍‌ ରିସିଭିଂ ସେଣ୍ଟର ଗୋଦାମରେ ମଧ୍ୟ ଚାଉଳ ଅସୁରକ୍ଷିତ ଭାବେ ରହୁଥିବା କ୍ୱାଲିଟି କଣ୍ଟ୍ରୋଲ ସେଲ୍‌ ରିପୋର୍ଟରେ ଉଲ୍ଲେଖ ରହିଛି। ଏହି ଗୋଦାମରେ ସ୍ପ୍ରେୟର ନ ଥିବା ବେଳେ ଚାରିଆଡେ ଉଦ୍ଭିଦ ସମୂହ ରହିଛି। ପାଚେରି ମଧ୍ୟ ଭଗ୍ନ ଅବସ୍ଥାରେ ଅଛି। ଜିଲାର ବେଗୁନିଆପଡା ରାଇସ୍‌ ରିସିଭିଂ ସେଣ୍ଟର ଚାଉଳ ଗୋଦାମରେ ପ୍ରତିଷେଧକ ଓ କୀଟ ନାଶକ ବ୍ୟବସ୍ଥା ଏବଂ ବିଶୁଦ୍ଧ ପାଇଁ ସ୍ପ୍ରେୟର ନ ଥିବା କ୍ୱାଲିଟି କଣ୍ଟ୍ରୋଲ ସେଲ୍‌ ଟିମ୍‌ ଯାଞ୍ଚ ବେଳେ ଜାଣିବାକୁ ପାଇଥିଲେ। ଗୋଦାମର କାନ୍ଥ ଓ ଚଟାଣ ମଧ୍ୟ ଭଗ୍ନ ଅବସ୍ଥାରେ ଅଛି। ଆହୁରି ଜଣାଯାଇଛି, ହିଞ୍ଜିିଳି ଗୋଦାମରେ ୨ ହଜାର ମେଟ୍ରିକ୍‌ ଟନ୍‌, ଜଗନ୍ନାଥପୁର ଗୋଦାମରେ ୩ ହଜାର ମେଟ୍ରିକ୍‌ ଟନ୍‌, କୁକୁଡାଖଣ୍ଡି ଗୋଦାମରେ ୫୦୦ ମେଟ୍ରିକ୍‌ ଟନ୍‌, ଛତ୍ରପୁର କୃଷକ ବଜାର ଗୋଦାମରେ ୧ ହଜାର ମେଟ୍ରିକ୍‌ ଟନ୍‌ ଓ ବେଗୁନିଆପଡା ଗୋଦାମରେ ୫୦୦ ମେଟ୍ରିକ୍‌ ଟନ୍‌ ଚାଉଳ ରଖିବାର କ୍ଷମତା ରହିଛି।


All Right Reserved By

ଦୁବାଇରେ ଓଡିଆ ଯୁବକଙ୍କ ମୃତ୍ୟୁ ଘଟଣା : ୯ଦିନ ପରେ ଗ୍ରାମରେ ପହଞ୍ଚତ୍ଲା ମୃତଦେହ

ଖଲିକୋଟ,୧୦ା୮(ଡି.ଏନ.ଏ.): ଖଲିକୋଟ ବ୍ଲକ ପଥରା ବଜାରସାହିର ଯୁବକ ବସନ୍ତ କୁମାର ସାଧବ (୪୧) ଦୁବାଇ ଆବୁଧାବି ଅଞ୍ଚଳରେ ଏକ ଘରୋଇ କମ୍ପାନୀରେ ଦାଦନ ଶ୍ରମିକ ଭାବେ...

ମେଡିକାଲ ଛାତ୍ର ଆନ୍ଦୋଳନକୁ ଏଆଇଡିଏସ୍‌ଓ ଗଞ୍ଜାମ ଶାଖାର ସମର୍ଥନ

ବ୍ରହ୍ମପୁର ଅଫିସ,୧୬ା୬-କଲିକତାର ଏକ ମେଡିକାଲ କଲେଜ ଓ ହସ୍ପିଟାଲରେ ୨ଜଣ ଡ଼ାକ୍ତରଙ୍କୁ ଆକ୍ରମଣ ପ୍ରତିବାଦରେ ଦେଶବ୍ୟାପି ଚାଲିଥିବା ଡ଼ାକ୍ତରୀ ଛାତ୍ର ଆନ୍ଦୋଳନକୁ ଏଆଇଡିଏସ୍‌ଓ (ଅଲ ଇଣ୍ଡିଆ...

ସୁରଟ ଅଗ୍ନିକାଣ୍ଡ ପରେ ଅଗ୍ନିଶମ ବିଭାଗ ତତ୍ପର : ୧୦ କୋଚିଂ ସେଣ୍ଟରରେ ଯାଞ୍ଚ

ବ୍ରହ୍ମପୁର ଅଫିସ,୨ା୬-ନିକଟରେ ଗୁଜରାଟର ସୁରଟରେ ଘଟିଥିବା ଏକ କୋଚିଂ ସେଣ୍ଟର ଅଗ୍ନିକାଣ୍ଡରେ ୨୩ ଛାତ୍ରୀଛାତ୍ରଙ୍କ ମୃତ୍ୟୁ ଘଟିଥିବା ବେଳେ ଏବେ ମୃତ୍ୟୁସଂଖ୍ୟା ବଢି ଚାଲିଛି ।...

ବୁଡ଼ାମାହା ଡବଲ ମର୍ଡ଼ର ଘଟଣା:ମୁଖ୍ୟ ଅଭିଯୁକ୍ତ ଭୁବନେଶ୍ୱରରୁ ଗିରଫ

ରାଇକିଆ,୧୫ା୬(ଡି.ଏନ.ଏ)-କନ୍ଧମାଳ ଜିଲା ରାଇକିଆ ଥାନା ବୁଡ଼ାମାହା ଗ୍ରାମରେ ୨୦୧୪ ମାର୍ଚ୍ଚ ୧୧ ତାରିଖ ରାତିରେ ନନ୍ଦିରା ପ୍ରଧାନ ଓ ଯାଦବ ପ୍ରଧାନଙ୍କୁ ହତ୍ୟା କରାଯାଇଥିଲା। ଏହି...

ଭୋଟ ଗଣତି ପାଇଁ ପ୍ରସ୍ତୁତି: ଜିଲାପାଳ,ଏସ୍‌ପି ଭଞ୍ଜନଗର କେନ୍ଦ୍ର ପରିଦର୍ଶନ କଲେ

ଭଞ୍ଜନଗର,୨୦।୫(ଡି.ଏନ.ଏ.)-ଆସନ୍ତା ୨୩ ତାରିଖରେ ଭୋଟ ଗଣତି କରାଯିବ। ଏଥିପାଇଁ ଭୋଟଗଣତି କେନ୍ଦ୍ର ଗୁଡ଼ିକରେ ପ୍ରସ୍ତୁତି ଚାଲିଛି। ଭଞ୍ଜନଗର କବିସମ୍ରାଟ ଉପେନ୍ଦ୍ର ଭଞ୍ଜ କଲେଜରେ ଆସିକା, ସୋରଡ଼ା...

ବ୍ରାହ୍ମଣୀଗାଁ ବନାଞ୍ଚଳରେ ବାଘ ଆତଙ୍କ

ଦାରିଙ୍ଗବାଡ଼ି/ବ୍ରାହ୍ମଣୀଗାଁ,୨୩।୭(ଡି.ଏନ.ଏ)- ଦାରିଙ୍ଗବାଡ଼ି ବ୍ଲକ ବ୍ରାହ୍ମଣୀଗାଁ ବନାଞ୍ଚଳରେ ଗତ ଦୁଇଦିନ ହେଲା ବାଘ ଆତଙ୍କ ଦେଖାଯାଇଛି। ବାଘକୁ କେହି ଦେଖି ନ ଥିଲେ ମଧ୍ୟ ବନାଞ୍ଚଳ ଅନ୍ତର୍ଗତ...

ମେଡିକାଲ କର୍ତ୍ତୃପକ୍ଷଙ୍କ କାର୍ଯ୍ୟକୁ ନେଇ ଅସନ୍ତୋଷ

ଫୁଲବାଣୀ ଅଫିସ, ୧ା୬-ବିଶ୍ୱ ତମାଖୁ ବର୍ଜନ ଦିବସ ଅବସରରେ ମେଡିକାଲ କର୍ତ୍ତୃପକ୍ଷଙ୍କ କାର୍ଯ୍ୟକୁ ନେଇ ସାଧାରଣରେ ଅସନ୍ତୋଷ ସୃଷ୍ଟି ହୋଇଛି। ଜିଲା ମୁଖ୍ୟ ଚିକିତ୍ସାଳୟର ସମ୍ମିଳନୀ...

ଟ୍ରାକ୍ଟର ଓଲଟି ଚାଳକଙ୍କ ମୃତ୍ୟୁ

ହିଞ୍ଜିଳିକାଟୁ,୨୯ା୭(ଡି.ଏନ୍‌.ଏ.)- ହିଞ୍ଜିଳିକାଟୁ ବ୍ଲକ ଦାରୁଭଦ୍ରାଠାରେ ରବିବାର ସନ୍ଧ୍ୟାରେ ବିଲରେ ହଳ କରୁଥିବାବେଳେ ଏକ ଟ୍ରାକ୍ଟର ଓଲଟି ପଡିବାରୁ ଚାଳକଙ୍କ ମୃତ୍ୟୁ ଘଟିଛି। ମୃତକ ଜଣକ ଉକ୍ତ...

selfi corner

Model This Week

Why Dharitri

Leave a comment

Your email address will not be published. Required fields are marked *