ମେଟ୍ରୋ ଟ୍ରେନ ଯାତ୍ରା ଲାଗି ଆସିବ ଏକକ କାର୍ଡ

ନୂଆଦିଲ୍ଲୀ,୧୬-୬: ମେଟ୍ରୋ ରେଳ ଯାତ୍ରୀଙ୍କ ଲାଗି କେନ୍ଦ୍ର ସରକାର ଖୁବଶୀଘ୍ର ଏକ ନୂଆ କାର୍ଡ ଆଣିବାକୁ ଯାଉଛନ୍ତି। ଏହାଦ୍ୱାରା ଦେଶର ସମସ୍ତ ମେଟ୍ରୋ ରେଳରେ ଯାତ୍ରା କରିହେବ। ଏହା ପ୍ରଚଳନରେ ଥିବା ଓ୍ବନ୍‌ ନେଶନ-ଓ୍ବନ୍‌ କାର୍ଡଠାରୁ ସମ୍ପୂର୍ଣ୍ଣ ଭିନ୍ନ ହେବ। ଓ୍ବନ୍‌ ନେଶନ-ଓ୍ବନ୍‌ କାର୍ଡ ଲାଗି ଗ୍ରାହକଙ୍କୁ କଓ୍ବୋଇସି ଦାଖଲ କରିବାକୁ ପଡିଥାଏ। ଏହାଛଡ଼ା ଯାତ୍ରୀଙ୍କୁ ମେଟ୍ରୋ ରେଳରେ ଯାତ୍ରା କରିବା ଲାଗି ଟୋକନ ବ୍ୟବସ୍ଥାର ସହାୟତା ନେବାକୁ ପଡିଥାଏ। ତେବେ ନୂଆ ବ୍ୟବସ୍ଥାରେ ଲୋକେ କ୍ୟୁଆର୍‌ କୋଡ୍‌ ଥିବା ପେପର ସ୍ଲିପ୍‌ ବ୍ୟବହାର କରିପାରିବେ। ମିଡିଆ ରିପୋର୍ଟ ଅନୁଯାୟୀ, ଏବେ ଲୋକଙ୍କୁ ଗୋଟିଏ ସହରରୁ ଅନ୍ୟ ସହରକୁ ଯିବା ଲାଗି ସ୍ବତନ୍ତ୍ର କାର୍ଡ ନେବାକୁ ପଡିଥାଏ। ତେବେ ସରକାର ଆଣିବାକୁ ଥିବା ନୂଆ କାର୍ଡକୁ ଦେଶର ଯେକୌଣସି ମେଟ୍ରୋ ନେଟ୍‌ଓ୍ବାର୍କରେ ବ୍ୟବହାର କରିହେବ। କିନ୍ତୁ ଏଥିପାଇଁ କାଉଣ୍ଟରରେ ରିଚାର୍ଜ କରିବାକୁ ପଡିବ।
ସରକାରଙ୍କ ପକ୍ଷରୁ କୁହାଯାଇଛି ଯେ, ବିଦେଶୀ ଯାତ୍ରୀ ପାସପୋର୍ଟ ଏବଂ ଘରୋଇ ଯାତ୍ରୀ ଆଧାର କାର୍ଡ ଅଥବା ଅନ୍ୟ କୌଣସି ପରିଚୟପତ୍ର ଜରିଆରେ ଏହି କାର୍ଡ ପାଇପାରିବେ। ସରକାର ଏହି କାର୍ଡକୁ ଆସନ୍ତା ୬ ମାସ ମଧ୍ୟରେ ଲଞ୍ଚ କରିବେ। ଏବେ ଓ୍ବନ୍‌ ନେଶନ-ଓ୍ବନ୍‌ କାର୍ଡ ପାଇବା ଲାଗି ଯାତ୍ରୀଙ୍କୁ ବହୁତ ଅସୁବିଧାର ସମ୍ମୁଖୀନ ହେବାକୁ ପଡୁଛି। ସେମାନଙ୍କୁ କଓ୍ବୋଇସି ଦାଖଲ କରିବା ପରେ ହିଁ ବ୍ୟାଙ୍କ ଏହି କାର୍ଡ ଜାରି କରିଥାଏ। ଦେଖିବାରେ ଏହା ଗୋଟିଏ ଡେବିଟ୍‌ ଅଥବା କ୍ରେଡିଟ୍‌ କାର୍ଡ ଭଳି ଲାଗେ। ଏହି କାର୍ଡ ଜରିଆରେ ଯାତ୍ରା ସହିତ ସପିଙ୍ଗ ମଧ୍ୟ କରିହୁଏ। ଏହି କାର୍ଡର ଡିଜାଇନ ସହରାଞ୍ଚଳ ବିକାଶ ମନ୍ତ୍ରଣାଳୟ ତିଆରି କରୁଛି। ଡିଜାଇନ ଏବଂ ସମସ୍ତ ସ୍ପେଶିଫିକେଶନକୁ ଏହା ପରେ ସିଡାକ୍‌କୁ ଅର୍ପଣ କରାଯିବ। ଏହି କାର୍ଡକୁ ପରେ ଦେଶର ସମସ୍ତ ମେଟ୍ରୋ ରେଳ ନେଟ୍‌ଓ୍ବାର୍କରେ ଅପ୍‌ଲୋଡ କରାଯିବ।
କାରଣ ବିଭିନ୍ନ ଅଞ୍ଚଳର ମେଟ୍ରୋର ଯାତ୍ରୀ ଭଡ଼ା ଅଲଗା ରହିଛି। ଉଲ୍ଲେଖଯୋଗ୍ୟ ଯେ, ଦେଶର ସମସ୍ତ ମେଟ୍ରୋ ନେଟ୍‌ଓ୍ବାର୍କ ନିଜର ସ୍ମାର୍ଟ କାର୍ଡ ପ୍ରଚଳନ କରିଛନ୍ତି। ଯାହା କି, କେବଳ ତାଙ୍କର ନେଟ୍‌ଓ୍ବାର୍କରେ ହିଁ ଚାଲିପାରିବ। ଏହାବ୍ୟତୀତ ପ୍ରତ୍ୟେକ ନେଟ୍‌ଓ୍ବାର୍କ ଟୋକନ ଜାରି କରିଥାଏ, ଯେଉଁଥିରେ ଭିନ୍ନତା ରହିଛି। ସ୍ମାର୍ଟ କାର୍ଡ ନ ଥିବା ଯାତ୍ରୀ ଟୋକନ ମାଧ୍ୟମରେ ମେଟ୍ରୋରେ ଯାତ୍ରା କରିଥାନ୍ତି। ଏଭଳି ଯାତ୍ରୀଙ୍କୁ କ୍ୟୁଆର୍‌ କୋଡ୍‌ ଥିବା ପେପର ସ୍ଲିପ୍‌ ଦିଆଯିବ। ଏହାଦ୍ୱାରା ଟୋକନ ହଜିଯିବାର ଭୟ ଦୂର ହେବ। ଯାତ୍ରୀ କ୍ୟୁଆର୍‌ କୋଡ୍‌କୁ ସ୍କାନ୍‌ କରି ପ୍ରବେଶ ଓ ପ୍ରସ୍ଥାନ କରିପାରିବେ।


All Right Reserved By Dharitri.Com

ସେନ୍‌ସେକ୍ସର ନୂଆ ରେକର୍ଡ; ନିବେଶକଙ୍କୁ ଲାଭ ୧.୭୬ ଲକ୍ଷ କୋଟି

ମୁମ୍ବାଇ,୪-୬: ମୋଦି ସରକାର କ୍ଷମତାକୁ ଫେରିବା ପରେ ନିବେଶକଙ୍କ ଆସ୍ଥା ବଢ଼ିବାରେ ଲାଗିଛି। ସୋମବାର କାରବାର ବନ୍ଦ ହେବା ବେଳକୁ ବମ୍ବେ ଷ୍ଟକ୍‌ ଏକ୍ସଚେଞ୍ଜର ବିଏସ୍‌ଇ...

ଇଏମ୍‌ଆଇରେ ୩ ମାସର ଆଶ୍ୱସ୍ତି; ରେପୋ କମାଇଲା ଆର୍‌ବିଆଇ

ମୁମ୍ବାଇ,୨୮। ୩: କରୋନା ଭୂତାଣୁ ସଂକ୍ରମଣ ରୋକିବା ଲାଗି ସରକାର ୨୧ଦିନିଆ ଲକ୍‌ଡାଉନ ଘୋଷଣା କରିଥିବାରୁ ଏହାଦ୍ୱାରା ଦେଶର ଅର୍ଥ ବ୍ୟବସ୍ଥା ଗଭୀର ଭାବେ ପ୍ରଭାବିତ...

୧.୮୭ ଲକ୍ଷ କୋଟି ବଢିଲା ନିବେଶକଙ୍କ ସମ୍ପତ୍ତି

ନୂଆଦିଲ୍ଲୀ,୨୯-୧୧: ଚଳିତ ସପ୍ତାହରେ ଲଗାତର ୨ ଦିନ ଦେଶର ପୁଞ୍ଜି ବଜାର କାରବାର ଉର୍ଦ୍ଧ୍ୱଗାମୀ ହେବା ଯୋଗୁ ନିବେଶକ ବେଶ ଲାଭବାନ ହୋଇଛନ୍ତି। ବୁଧବାର ଏବଂ...

ମାରୁତି ଆସନ୍ତାବର୍ଷ ଏପ୍ରିଲରୁ ବିକିବନି ଡିଜେଲ କାର୍‌

ନୂଆଦିଲ୍ଲୀ,୨୫-୪: ଦେଶର ସର୍ବବୃହତ କାର୍‌ ନିର୍ମାତା କମ୍ପାନୀ ମାରୁତି ସୁଜୁକି ଆସନ୍ତାବର୍ଷ ଏପ୍ରିଲ ପହିଲାରୁ ଡିଜେଲ ଇଞ୍ଜିନ କାର୍‌ ଉତ୍ପାଦନ ବନ୍ଦ କରିଦେବ। ବର୍ତ୍ତମାନ କମ୍ପାନୀ...

ସୌଦି ଆରବର ଆରାମ୍‌କୋ ତୈଳ ଭଣ୍ଡାରରେ ଡ୍ରୋନ ଆକ୍ରମଣ; ମହଙ୍ଗା ହୋଇପାରେ ଅଶୋଧିତ ତେଲ ଦର

ନୂଆଦିଲ୍ଲୀ,୧୬।୯: ସୌଦି ଆରବର ରାଷ୍ଟ୍ରାୟତ୍ତ ତୈଳ କମ୍ପାନୀ ଆରାମ୍‌କୋର ଅବକିକ୍‌ ଓ ଖୁରେସରେ ଥିବା ଦୁଇଟି ତୈଳ ଭଣ୍ଡାର ଉପରେ ଡ୍ରୋନ ଆକ୍ରମଣ ହୋଇଛି। ଫଳରେ ସେଠାରେ...

ଡକାର ର଼୍ୟାଲି ପାଇଁ ହିରୋର ପ୍ରସ୍ତୁତି

ନୂଆଦିଲ୍ଲୀ,୨୯-୧୧: ପ୍ରମୁଖ ୨ ଚକିଆ ଯାନ ନିର୍ମାତା ହିରୋ ମୋଟୋକର୍ପ ପକ୍ଷରୁ ଡକାର ର଼୍ୟାଲି ପାଇଁ ପ୍ରସ୍ତୁତି ସମ୍ପର୍କରେ ଘୋଷଣା କରାଯାଇଛି। କମ୍ପାନୀର ମୋଟୋସ୍ପୋର୍ଟସ ଟିମ୍‌...

କ୍ଷୁଦ୍ର ବାଣିଜ୍ୟକୁ ଡିଜିଟାଇଜ୍‌ କରିବ ଆମାଜନ

ନୂଆଦିଲ୍ଲୀ,୧୬-୧: ଦେଶର କ୍ଷୁଦ୍ର ବାଣିଜ୍ୟକୁ ଡିଜିଟାଇଜ କରିବା ଦିଗରେ ଆମାଜନ ଡଟ୍‌ କମ୍‌ ଇଙ୍କ ଯୋଜନା ହାତକୁ ନେବ। ଏଥିଲାଗି କମ୍ପାନୀ ଭାରତରେ ୧ ବିଲିୟନ...

ଏନ୍‌ସିଏଲ୍‌ଟିର ଦ୍ୱାରସ୍ଥ ହେଲେ କେନ୍ଦ୍ର; ଆଇଏଲ୍‌ଆଣ୍ଡଏଫ୍‌ଏସ୍‌ ଅଡିଟର, ଅନ୍ୟ ୨୧ଙ୍କ ଆକାଉଣ୍ଟ ହେବ ଅଚଳ

ନୂଆଦିଲ୍ଲୀ,୭-୮: ଅର୍ଥ ସଙ୍କଟର ସମ୍ମୁଖୀନ ହୋଇଥିବା ଇନ୍‌ଫ୍ରାଷ୍ଟ୍ରକ୍‌ଚର ଲିଜିଂ ଆଣ୍ଡ ଫାଇନାନ୍ସିଆଲ ସର୍ଭିସେସ୍‌(ଆଇଏଲ୍‌ଆଣ୍ଡଏଫ୍‌ଏସ୍‌)ର ଅଡିଟର ଡେଲଏଟ ଓ ବିଏସ୍‌ଆରଙ୍କର ଅଡୁଆ ବଢ଼ିବାକୁ ଯାଉଛି। ସେମାନଙ୍କ ସହ...

Leave a comment

Your email address will not be published. Required fields are marked *