Posted inରାଜ୍ୟ

ହଟିଲା ସାମୁଦ୍ରିକ ମାଛଧରା କଟକଣା : ସମୁଦ୍ର ଅଭିମୁଖେ ବାହାରିଲେ ମତ୍ସ୍ୟଜୀବୀ

ପାରାଦୀପ,୧୫ା୬(ସ୍ବ.ପ୍ର.): ଦୀର୍ଘ ୨ ମାସର ନିରବତା ପରେ ରାଜ୍ୟର ଅନ୍ୟତମ ବୃହତ ମତ୍ସ୍ୟଶିଳ୍ପ ପାରାଦୀପ ମାଛଧରା ବନ୍ଦର ଚଳଚଞ୍ଚଳ ହୋଇପଡିଛି। ଶୁକ୍ରବାର ମଧ୍ୟରାତ୍ରୀରୁ ପ୍ରାୟ ୭୦୦ ମାଛଧରା ଟ୍ରଲର ଓ ଯନ୍ତ୍ରଚାଳିତ ଡଙ୍ଗାରେ ମତ୍ସ୍ୟଜୀବୀମାନେ ସମୁଦ୍ର ଅଭିମୁଖେ ଯାଇଛନ୍ତି। ଏଥିସହ ମତ୍ସ୍ୟଶିଳ୍ପ ସହ ଜଡିତ ଅନ୍ୟ ବ୍ୟବସାୟୀ, ଟ୍ରଲର ମାଲିକମାନେ ବନ୍ଦରରେ ଡେରା ପକାଇଛନ୍ତି। ଏହା ପରେ ରପ୍ତାନୀକାରୀ ମାଛ ବ୍ୟବସାୟୀମାନେ ଆସି ୩ରୁ ୪ ଦିନ ମଧ୍ୟରେ ପହଞ୍ଚତ୍ବେ। ତା’ପରେ ଚାଲିବ ବ୍ୟବସାୟ ଓ ଗହଳି। ପ୍ରକାଶ ଯେ, ସମୁଦ୍ରରେ ମାଛବଂଶ ବୃଦ୍ଧି ନିମନ୍ତେ ସରକାର ଦୁଇ ମାସ ସାମୁଦ୍ରିକ କଟକଣା ଜାରି କରିଥାନ୍ତି। ଏପ୍ରିଲ ୧୫ରୁ ଜୁନ୍‌ ୧୪ ପର୍ଯ୍ୟନ୍ତ ସମୁଦ୍ର ମଧ୍ୟରେ କେହି ମାଛ ଧରନ୍ତି ନାହିଁ। ଦୁଇ ମାସର ବିରତି ଓ ମୌସୁମୀ ଆଗମନ ଯୋଗୁ ଆସନ୍ତା ମାସକ ମଧ୍ୟରେ ଅପେକ୍ଷାକୃତ ଅଧିକ ପରିମାଣର ମାଛ ମିଳିବ। ତେଣୁ ଟ୍ରଲର ମାଲିକମାନେ ଏହି ପ୍ରଥମ ମାସ ମାଛଧରାକୁ ଅପେକ୍ଷା କରିଥାନ୍ତି। ଏହା ପରେ ଯଦିଓ ମାଛ ଧରା ଅବ୍ୟାହତ ଥାଏ, ତେବେ ପ୍ରକୃତି ପ୍ରତିବନ୍ଧକ ସାଜିଥାଏ। ସାମାନ୍ୟ ବର୍ଷା ପବନର ଆଗୁଆ ସୂଚନା ମିଳିବା ମାତ୍ରେ ମତ୍ସ୍ୟଜୀବୀଙ୍କୁ ସମୁଦ୍ରକୁ ଯିବାକୁ ବାରଣ କରାଯାଏ। ସମୁଦ୍ର ମଧ୍ୟରେ ଥିବା ମତ୍ସ୍ୟଜୀବୀଙ୍କୁ ଫେରି ଆସିବାକୁ ନିର୍ଦ୍ଦେଶ ଦିଆଯାଏ। ତେଣୁ ଅଧିକାଂଶ ଟ୍ରଲର ଫେରିବାକୁ ବାଧ୍ୟ ହୋଇଥାଏ। ଏହା ଦ୍ୱାରା ସେମାନଙ୍କ ତେଲ ଓ ବରଫ ଖର୍ଚ୍ଚ ମଧ୍ୟ ଉଠେ ନାହିଁ। ଗୋଟିଏ ମାଛଧରା ଟ୍ରଲର ବର୍ଷକୁ ଅତି ବେଶିରେ ୨୦ରୁ ୨୨ଥର ମାଛ ଧରିବାକୁ ସମୁଦ୍ରକୁ ଯାଇଥାଏ। ଏହାକୁ ସେମାନଙ୍କ ଭାଷାରେ ଭଏସ ବୋଲି କୁହାଯାଏ। ଗୋଟିଏ ଭଏସ ପାଇଁ ଏବେ ମାଲିକଙ୍କୁ ୩ରୁ ୪ଲକ୍ଷ ଟଙ୍କା ଖର୍ଚ୍ଚ କରିବାକୁ ପଡୁଛି ବୋଲି କୁହନ୍ତି ମାଲିକ ଅରବିନ୍ଦ ସ୍ବାଇଁ। ସେହି ଖର୍ଚ୍ଚ ସହ ୭ଜଣ ମତ୍ସ୍ୟଜୀବୀଙ୍କ ଖର୍ଚ୍ଚ ରହିଛି। କାରଣ ମତ୍ସ୍ୟଜୀବୀଙ୍କୁ ସମୁଦ୍ରରେ ୭ରୁ ୧୦ଦିନ ରହିବାକୁ ପଡ଼େ। ପାଗ ଖରାପ ହେଲେ ଅଧାରୁ ଯେଉଁ ଟ୍ରଲର ଫେରେ ତା’ର କ୍ଷତି ହୋଇଥାଏ। ପୂର୍ବରୁ ସମୁଦ୍ରରେ ଅଧିକ ପରିମାଣର ମାଛ ମିଳୁଥିବାରୁ ମାଲିକଙ୍କୁ ପ୍ରାୟତଃ ଲାଭ ମିଳୁଥିଲା। ଗତ କିଛିବର୍ଷ ହେଲା ଜଳବାୟୁ ପରିବର୍ତ୍ତନ ପ୍ରଭାବ ଓ ଶିଳ୍ପାୟନ ପ୍ରଦୂଷଣ ଯୋଗୁ ମାଛବଂଶ ଲୋପ ପାଇବାରେ ଲାଗିଛି। ତେଣୁ ଏବେ ସମୁଦ୍ରକୁ ଟ୍ରଲର ପଠାଇବା ଜୁଆ ଖେଳ ଭଳି ହୋଇଛି। ଯଦି ମାଛ ମିଳିଗଲା ତେବେ ଠିକ୍‌ ଅଛି। ନଚେତ ପ୍ରତି ଭଏସରେ କ୍ଷତିର ଭୟ ରହୁଛି ବୋଲି ଅନେକ ମାଲିକ କହିଛନ୍ତି। ଏହାବାଦ୍‌ ମୁହାଣରେ ଦୁର୍ଘଟଣା ଭୟ ଅଛି। ଯେଉଁ ପୁରୁଖା ମତ୍ସ୍ୟଜୀବୀ ଏହି ବ୍ୟବସାୟରେ ରହିଛନ୍ତି ସେମାନେ ଅନ୍ୟ ବୃତ୍ତିକୁ ଯାଇପାରୁ ନାହାନ୍ତି। ଅନ୍ୟପକ୍ଷରେ ଦୀର୍ଘବର୍ଷ ହେଲା କୌଣସି ନୂଆ ଲୋକ ମାଛଧରା ବୃତ୍ତିକୁ ଆସୁ ନ ଥିବା ଓମ୍ଫା ପକ୍ଷରୁ କୁହାଯାଇଛି। ଏହା ସତ୍ତ୍ୱେ ସମୁଦ୍ର ମାଛ ଓ ମାଛଧରା ବନ୍ଦର ପ୍ରତି ଲୋକଙ୍କ ଆଦର ରହିଛି।


All Right Reserved By Dharitri.Com

ପଡିଆ ବାହ୍ୟ ଜଗତରୁ ବିଚ୍ଛିନ୍ନ

ପଡିଆ,୭ା୮(ଡି.ଏନ.ଏ.): ମାଲକାନଗିରି ଜିଲାରେ ପୁଣି ଲଘୁଚାପଜନିତ ଲଗାଣ ବର୍ଷା ଜିଲାକୁ ବେହାଲ କରିଦେଇଛି। ସୋମବାର ରାତିରୁ ବର୍ଷା ଲାଗିରହିଥିବାରୁ ଜିଲାରେ ବନ୍ୟା ପରିସ୍ଥିତି ଗମ୍ଭୀର ହୋଇଛି।...

୭ ବର୍ଷୀୟା ବାଳିକାଙ୍କୁ ବିଏମ୍‌ସିର ସହାୟତା

ଭୁବନେଶ୍ୱର,୨୨।୫(ବ୍ୟୁରୋ): ମୁଖ୍ୟମନ୍ତ୍ରୀ ସ୍ବତନ୍ତ୍ର ସହାୟତା ପାଣ୍ଠିରୁ ଭୁବନେଶ୍ୱର ମହାନଗର ନିଗମ(ବିଏମ୍‌ସି) ୭ବର୍ଷୀୟା ଜଣେ ବାଳିକାଙ୍କୁ ସହାୟତା ପ୍ରଦାନ କରିଛି। ଭିଏସ୍‌ଏସ୍‌ ନଗର ତାରିଣୀ ବସ୍ତିରେ ରହୁଥିବା...

ବିରୋଧୀଙ୍କ ଅନୁପସ୍ଥିତିରେ ଏସ୍‌ସି ଏସ୍‌ଟି ବିଭାଗ ଖର୍ଚ୍ଚ ଦାବି ଗୃହୀତ

ଭୁବନେଶ୍ୱର, ୨୩।୭(ବ୍ୟୁରୋ): ବିଧାନସଭାରେ ସୋମବାର ଅନୁସୂଚିତ ଜାତି ଓ ଜନଜାତି (ଏସ୍‌ସିଏସ୍‌ଟି) ଉନ୍ନୟନ ବିଭାଗ ୨୦୧୯-୨୦ ଆର୍ଥିକବର୍ଷ ପାଇଁ ଖର୍ଚ୍ଚ ଦାବି ଗୃହୀତ କରିଛନ୍ତି। ବାରମ୍ବାର...

ଭଡ଼ାଘରୁ ଯୁବକଙ୍କ ଗଳିତ ଝୁଲନ୍ତା ମୃତଦେହ ଉଦ୍ଧାର

ଭୁବନେଶ୍ୱର, ୧୫।୬(ବ୍ୟୁରୋ): ରାଜଧାନୀ ଭୁବନେଶ୍ୱରର ଚନ୍ଦ୍ରଶେଖରପୁର ଥାନା ଅନ୍ତର୍ଗତ ଶ୍ରୀବିହାରସ୍ଥିତ ଏକ ଭଡ଼ାଘରୁ ଝୁଲନ୍ତା ଅବସ୍ଥାରେ ପୋଲିସ ଏକ ଗଳିତ ମୃତଦେହ ଉଦ୍ଧାର କରିଛି। ମୃତକ...

ପଞ୍ଚମ ପାଳିରେ ନବୀନ: ମୁଖ୍ୟମନ୍ତ୍ରୀ ଭାବେ ନେଲେ ଶପଥ

ଭୁବନେଶ୍ୱର,୨୯।୫(ବ୍ୟୁରୋ): ପଞ୍ଚମ ଥର ଲାଗି ଓଡ଼ିଶାର ମୁଖ୍ୟମନ୍ତ୍ରୀ ଭାବେ ବିଜେଡି ସଭାପତି ନବୀନ ପଟ୍ଟନାୟକ ବୁଧବାର ଶପଥ ଗ୍ରହଣ କରିଛନ୍ତି। ପ୍ରଦର୍ଶନୀ ପଡ଼ିଆରେ ଆୟୋଜିତ ଶପଥ...

କ୍ୟାପିଟାଲ ହସ୍ପିଟାଲରେ ହେବ ହାର୍ଟ ଅପରେଶନ୍‌

ଭୁବନେଶ୍ୱର, ୭।୧୧(ବ୍ୟୁରୋ): କ୍ୟାପିଟାଲ ହସ୍ପିଟାଲରେ ହାର୍ଟ-ସର୍ଜରି ୟୁନିଟ୍‌ ଆରମ୍ଭ ହେବ। ଫଳରେ ଏଠାରେ ହାର୍ଟ ଅପରେଶନ୍‌, ଓପନ ହାର୍ଟ ସର୍ଜରି, କମ୍ପ୍ଲେକ୍ସ ଆଞ୍ଜିଓଗ୍ରାଫି, ଡିଭାଇସ୍‌ କ୍ଲୋଜର,...

ପରିବେଶ ପର୍ଯ୍ୟଟନ ଗ୍ରାମ ବାଢୁନଝରିଆ ସରଫଗଡ : ରାଜ୍ୟ ବାହାର ପର୍ଯ୍ୟଟକଙ୍କ ଜମୁଛି ଗହଳି

ଲେଫ୍ରିପଡା, ୩।୧୨(ଡି.ଏନ.ଏ) -ସୁନ୍ଦରଗଡ଼ ଜିଲା ଲେଫ୍ରିପଡା ବ୍ଲକ ଅନ୍ତର୍ଗତ ଗିରିଙ୍ଗକେଲା ପଞ୍ଚାୟତର ବାଢୁନଝରିଆ ଗ୍ରାମରେ ରହିଛି ସରଫଗଡ ପରିବେଶ ପର୍ଯ୍ୟଟନ ସ୍ଥଳୀ। ସ୍ଥାନୀୟ ଜିଲା ପ୍ରଶାସନ...

ଶ୍ରୀଲିଙ୍ଗରାଜ ମନ୍ଦିର ଚତୁଃପାର୍ଶ୍ୱରୁ ଆଜିଠୁ ପୁଣି ଉଚ୍ଛେଦ

ଭୁବନେଶ୍ୱର,୧୬।୧୨(ବ୍ୟୁରୋ): ଶ୍ରୀଲିଙ୍ଗରାଜ ମନ୍ଦିର ଚତୁଃପାଶର୍‌ବରୁ ଉଚ୍ଛେଦ ପ୍ରକ୍ରିୟା ଜାରି ରହିବ। ଯେପର୍ଯ୍ୟନ୍ତ ସମସ୍ତ ଚିହ୍ନଟ ଜବରଦଖଲଗୁଡ଼ିକୁ ହଟା ନ ଯାଇଛି ସେପର୍ଯ୍ୟନ୍ତ ଉଚ୍ଛେଦ କରାଯିବ ବୋଲି...

Coronavirus Update


selfi corner

Archives

Model This Week

Why Dharitri

Leave a comment

Your email address will not be published. Required fields are marked *