ଏଟିଏମ୍‌ରେ ଟଙ୍କା ନ ଥିଲେ ବ୍ୟାଙ୍କକୁ ଜରିମାନା : ୩ଘଣ୍ଟାରୁ ଅଧିକ ସମୟ ଖାଲିଥିଲେ କାର୍ଯ୍ୟାନୁଷ୍ଠାନ

ମୁମ୍ବାଇ,୧୫-୬: ଆଗାମୀ ଦିନରେ ଖାଲି ଏଟିଏମ୍‌ ଆଉ ଦେଖିବାକୁ ମିଳିବନି। ୩ଘଣ୍ଟାରୁ ଊର୍ଦ୍ଧ୍ୱ ସମୟଧରି ଏଟିଏମ୍‌ରେ ଟଙ୍କା ନ ଥିଲେ ସମ୍ପୃକ୍ତ ବ୍ୟାଙ୍କକୁ ଏଥିପାଇଁ ଭାରି ଜରିମାନା ଗଣିବାକୁ ପଡ଼ିବ। ଏନେଇ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଯାଉଥିବା ନେଇ ଏକ ସର୍କୁଲାର ଜାରି କରିଛି। ବହୁ ସମୟରେ ଦେଖାଯାଇଛି ଯେ, ସହର ହେଉ କି ଗଁା ଅଥବା ଅର୍ଦ୍ଧ ସହରାଞ୍ଚଳରେ ପ୍ରାୟ ସ୍ଥାନରେ ଦୀର୍ଘ ସମୟ ଧରି ଏଟିଏମ୍‌ ଖାଲି ଥିବା ଦେଖାଯାଉଛି। ଟଙ୍କା ଉଠାଇବାକୁ ଯାଇ ଗ୍ରାହକ ନିରାଶ ହୋଇ ଫେରୁଛି। ଆର୍‌ବିଆଇ ପକ୍ଷରୁ ଜାରି ନିର୍ଦ୍ଦେଶାନାମାରେ କୁହାଯାଇଛି ଯେ, କେଉଁ ଅଞ୍ଚଳରେ କେଉଁ ବ୍ୟାଙ୍କ ଏଟିଏମ୍‌ କାଉଣ୍ଟରରେ କେତେ ଘଣ୍ଟାରୁ କେତେଦିନ ପର୍ଯ୍ୟନ୍ତ ଟଙ୍କା ନ ଥିବା ଜଣାପଡିବ, ତାହାକୁ ହିସାବକୁ ନେଇ ସମ୍ପୃକ୍ତ ବ୍ୟାଙ୍କ ବିରୋଧରେ ଜରିମାନା ସ୍ଥିର କରାଯିବ। ପ୍ରାପ୍ତ ସୂଚନାରୁ ଜଣାପଡିଛି ଯେ, ଏଟିଏମ୍‌ରେ ଲାଗିଥିବା ସେନ୍ସର ମାଧ୍ୟମରେ ରିୟଲ ଟାଇମ ବେସିସ୍‌ରେ ଟଙ୍କା ଥିବା ସମ୍ପର୍କରେ ବ୍ୟାଙ୍କ ଜାଣିପାରିଥାଏ। ଏଟିଏମ୍‌ରେ ଲାଗିଥିବା କ୍ୟାଶ୍‌ ଟ୍ରେରେ କେତେ ମାତ୍ରାରେ ଟଙ୍କା ରହିଛି, ତାହା ମଧ୍ୟ ବ୍ୟାଙ୍କ ଜାଣିପାରେ। ଟଙ୍କା ଉଠାଇବାର ହାରାହାରି ସମୟକୁ ହିସାବକୁ ନେଇ ରିଫିଲିଙ୍ଗର ଆବଶ୍ୟକତା କେତେବେଳେ ରହିଛି, ତାହା ମଧ୍ୟ ବ୍ୟାଙ୍କ ଆକଳନ କରିପାରିବ। ତେବେ ବ୍ୟାଙ୍କଗୁଡ଼ିକ ଖାମ୍‌ଖିଆଲି ମନୋଭାବ ପ୍ରଦର୍ଶନ କରୁଛନ୍ତି। ସେହି କାରଣରୁ ସେମାନେ ଦିନ ଦିନ ଧରି ଏଟିଏମ୍‌ରେ ଟଙ୍କା ଭର୍ତ୍ତି କରୁନାହାନ୍ତି। ଫଳସ୍ବରୂପ ଗ୍ରାହକ ଟଙ୍କା ଉଠାଇବା ଲାଗି ଦୀର୍ଘ ସମୟ ଧରି ଲମ୍ବାଧାଡିରେ ଛିଡା ହେବାକୁ ବାଧ୍ୟ ହେଉଛନ୍ତି। ଏଥିଯୋଗୁ ବ୍ୟାଙ୍କର ଦୈନନ୍ଦିନ କାର୍ଯ୍ୟ ମଧ୍ୟ ବାଧାପ୍ରାପ୍ତ ହୋଇଛି। ସୂଚନାଯୋଗ୍ୟ ଯେ, ଏଟିଏମ୍‌ ଚାର୍ଜକୁ ନେଇ ଆର୍‌ବିଆଇ ପକ୍ଷରୁ ଏକ ଉଚ୍ଚସ୍ତରୀୟ କମିିଟି ଗଠନ କରାଯାଇଛି। ଏଟିଏମ୍‌ ବ୍ୟବହାର ପାଇଁ କେତେ ଚାର୍ଜ ଆଦାୟ କରାଯିବା ଆବଶ୍ୟକ ଅଥବା ଚାର୍ଜ ସମ୍ପୂର୍ଣ୍ଣ ପ୍ରତ୍ୟାହାର କରାଯିବ କି ନା ସେସମ୍ପର୍କରେ ଏହି କମିଟି ତାଙ୍କର ସୁପାରିସ୍‌ କରିବେ। ଅନ୍ୟପକ୍ଷରେ ଖର୍ଚ୍ଚ ବଢ଼ିବା କାରଣରୁ ଏଟିଏମ୍‌ ଚାର୍ଜ ବୃଦ୍ଧି କରିବା ଲାଗି ଏଟିଏମ୍‌ ପରିଚାଳନା ସଂଘ ପକ୍ଷରୁ ଦାବି କରାଯାଇଆସୁଛି।


All Right Reserved By Dharitri.Com

ତୃତୀୟ ତ୍ରୈମାସ ଜିଡ଼ିପି ୪.୭%କୁ ଖସିଲା

  ନୂଆଦିଲ୍ଲୀ,୨୯-୨: ଚଳିତ ଆର୍ଥତ୍କ ବର୍ଷ ଅକ୍ଟୋବର-ଡିସେମ୍ବର ତ୍ରୈମାସରେ ଦେଶର ଜିଡିପି ଅଭିବୃଦ୍ଧି ୪.୭%କୁ ହ୍ରାସ ଘଟିଛି। ଏହା ୭ ବର୍ଷର ସର୍ବନିମ୍ନ ସ୍ତର ବୋଲି...

ମିଳିଲାନି ଜାମିନ;ମେ ୨୪ ଯାଏ ଜେଲ୍‌ରେ ରହିବେ ନୀରବ

ଲଣ୍ଡନ,୨୭-୪: ପିଏନ୍‌ବି ମହାଦୁର୍ନୀତିର ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ନୀରବ ମୋଦିଙ୍କୁ ତୃତୀୟ ଥର ଲାଗି ଜାମିନ ମିଳିଲାନି। ତାଙ୍କର ଜାମିନ ଆବେଦନକୁ ଓ୍ବେଷ୍ଟମିନିଷ୍ଟର କୋର୍ଟ...

ଏୟାର ଇଣ୍ଡିଆରେ ୧୦୦% ଏଫ୍‌ଡିଆଇ ଲାଗି କାର୍ଯ୍ୟକ୍ରମ ଜାରି

ନୂଆଦିଲ୍ଲୀ,୫-୨: ରାଷ୍ଟ୍ରାୟତ୍ତ ଏୟାର ଇଣ୍ଡିଆରେ ୧୦୦% ଅଂଶଧନ ବିକ୍ରି ଲାଗି ସରକାର ଯୋଜନା ରଖିଛନ୍ତି। ଏଭଳି ସ୍ଥିତିରେ ବିମାନ କମ୍ପାନୀରେ ୧୦୦% ବିଦେଶୀ ପୁଞ୍ଜି ନିବେଶକୁ...

କାଠଗଡ଼ାରେ ଋଣପ୍ରଦାନକାରୀ,ଆୟକର ବିଭାଗ; କ୍ୟାଫେ କଫି ଡେ ମାଲିକ ଭି.ଜି.ସିଦ୍ଧାର୍ଥ ନିଖୋଜ

ନୂଆଦିଲ୍ଲୀ,୩୧-୭: କଫି ଚେନ୍‌ କ୍ୟାଫେ କଫି ଡେ(ସିସିଡି)ର ପ୍ରତିଷ୍ଠାତା ତଥା କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ଏସ୍‌.ଏମ୍‌.କ୍ରିଷ୍ଣାଙ୍କ ଜ୍ୱାଇଁ ଭି.ଜି.ସିଦ୍ଧାର୍ଥ ସୋମବାର ରାତିରୁ ନିଖୋଜ ହୋଇଯାଇଛନ୍ତି। ତାଙ୍କୁ...

ୟୁନିୟନ ବ୍ୟାଙ୍କ ପକ୍ଷରୁ ଋଣ ମୁକ୍ତି ଶିବିର

ନୂଆଦିଲ୍ଲୀ,୩-୧୧: ୟୁନିୟନ ବ୍ୟାଙ୍କ ପକ୍ଷରୁ ଋଣ ମୁକ୍ତି ଶିବିର ସମ୍ପର୍କରେ ଘୋଷଣା କରାଯାଇଛି। ଏହା ଚଳିତ ମାସ ୧୧ ତାରିଖ ଯାଏ ଚାଲିବ। ଏହା ସାରା...

ଓ୍ବିଲ୍‌ଫୁଲ ଡିଫଲ୍ଟରଙ୍କ ଖାତାରେ ରହିଛି ୧,୫୦,୦୦୦ କୋଟି

ନୂଆଦିଲ୍ଲୀ,୩-୭: ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକ ୨୦୧୮-୧୯ରେ ୧.୫୦ ଲକ୍ଷ କୋଟି (୨୧.୭୬ ବିଲିୟନ ଡଲାର) ଟଙ୍କାକୁ ଓ୍ବିଲ୍‌ଫୁଲ୍‌ ଡିଫଲ୍ଟ ଭାବେ ଦର୍ଶାଇଛି। ଏଥିମଧ୍ୟରୁ ଏକ ତୃତୀୟାଂଶ ଅର୍ଥ...

ଲକ୍‌ଡାଉନରୁ କୃଷି ଆନୁଷଙ୍ଗିକ କ୍ଷେତ୍ର ବାଦ୍‌

ନୂଆଦିଲ୍ଲୀ ୨୮। ୩: କୃଷି ଏବଂ ଆନୁଷଙ୍ଗିକ କ୍ଷେତ୍ର କାର୍ଯ୍ୟକଳାପକୁ ଲକ୍‌ଡାଉନରୁ ବାଦ୍‌ ଦିଆଯାଇଛି। ରବି ଫସଲ ଅମଳକୁ ଠିକ୍‌ ଭାବେ ପରିଚାଳନା କରାଇବା ଲାଗି...

ୟୁବିଆଇର ବାର୍ଷିକ ସାଧାରଣ ବୈଠକ: ରିଟେଲ,କୃଷି,ଏମ୍‌ଏସ୍‌ଏମ୍‌ଇ ଋଣକୁ ୟୁବିଆଇର ଫୋକସ

କଲିକତା,୨୯-୬ – ୟୁନାଇଟେଡ୍‌ ବ୍ୟାଙ୍କ ଅଫ୍‌ ଇଣ୍ଡିଆ(ୟୁବିଆଇ) ପକ୍ଷରୁ ଏହାର ୧୦ମ ବାର୍ଷିକ ସାଧାରଣ ବୈଠକ କଲିକତାଠାରେ ଅନୁଷ୍ଠିତ ହୋଇ ଯାଇଛି। କେନ୍ଦ୍ର ସରକାରଙ୍କ ପ୍ରତିନିଧିଙ୍କ...

Leave a comment

Your email address will not be published. Required fields are marked *