ମହୁଲ ମଞ୍ଜିର ଅଭାବୀ ବିକ୍ରି: ଆଦିବାସୀଙ୍କୁ ମିଳୁନି ଉଚିତ୍‌ ମୂଲ୍ୟ

ଫିରିଙ୍ଗିଆ,୧୪ା୬- କନ୍ଧମାଳ ଜିଲା ଏକ ଆଦିବାସୀ ଅଧ୍ୟ୍ୟୁଷିତ ଅଞ୍ଚଳ। ଅଧିକାଂଶ ଆଦିବାସୀ ଲୋକେ ଜଙ୍ଗଲଜାତ ପଦାର୍ଥ ଉପରେ ନିର୍ଭର କରି ଜୀବନ ନିର୍ବାହ କରନ୍ତି। ବିଭିନ୍ନ ଋତୁରେ ଜଙ୍ଗଲଜାତ ଦ୍ରବ୍ୟ ସଂଗ୍ରହ କରି ବଜାରରେ ବିକ୍ରି କରନ୍ତି। ଯେଉଁଥିରୁ କିଛି ଟଙ୍କା ରୋଜଗାର କରି ପରିବାର ଚଳାନ୍ତି। ସେଥିମଧ୍ୟରୁ ମହୁଲ ମଞ୍ଜି ଅନ୍ୟତମ। ଯେଉଁଥିରୁ ତେଲ ବାହାର କରାଯାଏ। ଏହି ତେଲ ଖାଇବାଠାରୁ ଆରମ୍ଭ କରି ସାବୁନ ତିଆରିରେ ବ୍ୟବହୃତ ହୁଏ। ଏହାର ବଜାର ଆଜି ପର୍ଯ୍ୟନ୍ତ ସୃଷ୍ଟି କରାଯାଇନାହିଁ। ବାହାରର ବ୍ୟବସାୟୀମାନେ ଏହି ଜିଲାରୁ ଅଳ୍ପ ଦରରେ ଆଦିବାସୀଙ୍କଠାରୁ ମହୁଲ ମଞ୍ଜି କ୍ରୟ କରି ବାହାରେ ଚଢ଼ା ଦରରେ ବିକି ମାଲାମାଲ ହେଉଛନ୍ତି। ସରକାରୀସ୍ତରରେ ଏହାର କିଣା ବିକା ହେଉ ନ ଥିବାରୁ ସିଧାସଳଖ ଭାବେ ଆଦିବାସୀମାନେ କ୍ଷତିଗ୍ରସ୍ତ ହେଉଛନ୍ତି। ତେଣୁ ଏହାର ବଜାର ସୃଷ୍ଟି କରିବା ପାଇଁ ସେମାନେ ଦାବି କରିଛନ୍ତି। ସାଧାରଣତଃ ମହୁଲ ଫୁଲରୁ ପୋଚ କରାଯାଇ ମହୁଲି ମଦ ତିଆରି କରାଯାଏ ବୋଲି ଲୋକଙ୍କ ଧାରଣା ରହିଛି। ଏଥିରୁ ମହୁଲ ପିଠା ମଧ୍ୟ ପ୍ରସ୍ତୁତ ହୁଏ। ଏହାର ମଞ୍ଜିରୁ ତେଲ ପ୍ରସ୍ତୁତ କରାଯାଏ। ଏହାକୁ ଆଦିବାସୀମାନେ ଖାଦ୍ୟ ପ୍ରସ୍ତୁତିରେ ବ୍ୟବହାର କରନ୍ତି। ସେହିପରି ସାବୁନ ପ୍ରସ୍ତୁତିରେ ଏହି ତେଲ ଲାଗିଥାଏ। ପ୍ରତିବର୍ଷ ଏପ୍ରିଲରୁ ଜୁନ୍‌ ଏହି ୩ମାସ ମଧ୍ୟରେ ମହୁଲ ଫୁଲ ଫୁଟି ଝଡିବା ପରେ ଫଳ ଫଳିଥାଏ। ଏହାକୁ ସ୍ଥାନୀୟ ଭାଷାରେ ଟୋଲ କୁହାଯାଏ। ଆଦିବାସୀମାନେ ଏହି ଟୋଲକୁ ଗଛରୁ ସଂଗ୍ରହ କରି ଶୁଖାଇ ସେଥିରୁ ମଞ୍ଜି ବାହାର କରନ୍ତି। ଯାହାକୁ ଗୋରା କୁହନ୍ତି। ଜଣେ ଲୋକ ଭୋର ୫ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ପ୍ରାୟ ୪ରୁ ୫ କେଜି ପର୍ଯ୍ୟନ୍ତ ଟୋଲ ସଂଗ୍ରହ କରନ୍ତି। ପ୍ରାୟ ଏକ ସପ୍ତାହ ଶୁଖିଲା ପରେ ତାକୁ ଫଟାଇ ଗୋରା (ମଞ୍ଜି) ବାହାର କରନ୍ତି। ମଞ୍ଜିକୁ ଗୁଣ୍ଡ କରି ଶିଝାଇବା ପରେ ସେଥିରୁ ତେଲ ବାହାର କରାଯାଏ। ୫ କିଲୋ ଟୋଲରୁ ପ୍ରାୟ ୩ କେଜି ଗୋରା ବାହରେ ଓ ଏଥିରୁ ପ୍ରାୟ ୨ କେଜି ତେଲ ବାହାରେ। ଏହି ତେଲ ଓ ଖଦାକୁ ଆଦିବାସୀମାନେ ଖାଦ୍ୟ(ପିଠା, ତରକାରୀ) ଭାବେ ବ୍ୟବହାର କରନ୍ତି। ତେବେ ଟୋଲ ସଂଗ୍ରହ ଠାରୁ ପ୍ରସ୍ତୁତ ପର୍ପ୍ୟନ୍ତ ବହୁ ସମୟସାପେକ୍ଷ ଓ ଅଧିକ ପରିଶ୍ରମ କରିବାକୁ ପଡୁଥିବାରୁ ଅନେକ ଏହାକୁ ବଜାରରେ ବିକ୍ରି କରି ଦେଉଛନ୍ତି। ଗୋରାରୁ ଆଧୁନିକ ପ୍ରକ୍ରିୟାକରଣ ମଧ୍ୟମରେ ତେଲ ପ୍ରସ୍ତୁତ କରାଯାଉଛି। ବ୍ୟବସାୟୀମାନେ ଏହି ମଞ୍ଜିକୁ ଆଦିବାସୀଙ୍କଠାରୁ କେଜି ପ୍ରତି ୧୫ ରୁ ୨୦ ଟଙ୍କା ଦରରେ କିଣି ନେଇ ଚଢା ଦରରେ ବିକ୍ରି କରି ଲାଭବାନ ହେଉଛନ୍ତି। ହେଲେ ଦିନ ତମାମ ପରିଶ୍ରମ କରି ଗୋରା ସଂଗ୍ରହ କରୁଥିବା ଆଦିବାସୀ ଉଚିତ୍‌ ମୂଲ୍ୟ ପାଇ ପାରୁ ନାହାନ୍ତି। ଯଦି ସରକାର ମଣ୍ଡି କିମ୍ବା ସୋସାଇଟି ମାଧ୍ୟମରେ ଏହାକୁ କ୍ରୟ କରନ୍ତେ କିମ୍ବା ଜିଲାରେ ଏହାର ପ୍ରକ୍ରିୟାକରଣ ଶିଳ୍ପ ପ୍ରତିଷ୍ଠା କରନ୍ତେ ତେବେ ଆଦିବାସୀମାନେ ଏହି ଜଙ୍ଗଲଜାତ ପଦାର୍ଥର ଉଚିତ ମୂଲ୍ୟ ପାଇପାରନ୍ତେ। ଏଥିପ୍ରତି ଦୃଷ୍ଟି ଦେବାକୁ ଗୋଛାପଡା ପଞ୍ଚାୟତର ଡେରାକୁା ଗ୍ରାମବାସୀ ଅଞ୍ଜଳୀ ଦିଗାଲ, ମାଣିକ ଦିଗାଲ, ବିଘ୍ନେଶ୍ୱର ଦିଗାଲ, ଡମ୍ବୁରୁଧର ଦିଗାଲ, ଜାମବତୀ କହଁର ପ୍ରମୁଖ ବହୁ ଆଦିବାସୀ ଦାବି କରିଛନ୍ତି।


All Right Reserved By Dharitri.Com

ଛୁଟିରେ ଅଧିକାରୀ ହେଡକ୍ୱାର୍ଟର ନ ଛାଡ଼ିବାକୁ ନିର୍ଦ୍ଦେଶ

ଛତ୍ରପୁର,୮ା୩(ଡି.ଏନ୍‌.ଏ.)- ରବିବାରଠାରୁ ମଙ୍ଗଳବାର ପର୍ଯ୍ୟନ୍ତ ସରକାରୀ ଛୁଟି। ଗଞ୍ଜାମ ଜିଲାର ସମସ୍ତ ସରକାରୀ କାର୍ଯ୍ୟାଳୟର ଅଧିକାରୀମାନେ ଏହି ଛୁଟି ଦିନରେ ହେଡକ୍ୱାର୍ଟର ନ ଛାଡିବାକୁ ଜିଲାପାଳ...

କରୋନା ଚିନ୍ତା: ବ୍ରହ୍ମପୁରରେ ଫୁଲରେ ହୋଲି ଖେଳିଲେ ଦିବ୍ୟାଙ୍ଗ ଛାତ୍ରୀ

ବ୍ରହ୍ମପୁର ଅଫିସ,୧୦ା୩- ଭାରତରେ କରୋନା ଭୂତାଣୁ ନିଜର କାୟା ବିସ୍ତାର କରିବାରେ ଲାଗିଛି। ଏହାଠାରୁ ଦୂରେଇ ରହିବା ଓ ସଚେତନ ପାଇଁ ରାଜ୍ୟ ସରକାରଙ୍କ ନିର୍ଦ୍ଦେଶକ୍ରମେ...

ବିଦ୍ୟୁତ୍‌ ଆଘାତରେ ମା’,ପୁଅ ମୃତ

ଖଲ୍ଲିକୋଟ,୨୦-୯(ଡି.ଏନ୍‌.ଏ.):ଗଞ୍ଜାମ ଜିଲା ଖଲ୍ଲିକୋଟ ବ୍ଲକ ବାକୁଟଗାଁରେ ଗୁରୁବାର ଅପରାହ୍ନରେ ଏକ ଦୁଃଖଦ ଘଟଣା ଘଟିଛି। ବିଦ୍ୟୁତ୍‌ ସଂସ୍ପର୍ଶରେ ଆସି ଛଟପଟ ହେଉଥିବା ପୁଅଙ୍କୁ ଉଦ୍ଧାର କରିବାକୁ...

ଶ୍ରାବଣରେ ମୁଣ୍ଡଫଟା ଖରା : କେନାଲରେ ପାଣି ନାହିଁ, ଚାଷୀକୁଳ ଚିନ୍ତାରେ

କନିଷି,୨୪।୭(ଡି.ଏନ୍‌.ଏ.): ଗଞ୍ଜାମ ଜିଲା ରଙ୍ଗେଇଲୁଣ୍ଡା ବ୍ଲକରେ ବର୍ଷାଭାବରୁ ଚାଷୀକୁଳ ଚିନ୍ତାରେ ପଡ଼ିଛନ୍ତି । ଶ୍ରାବଣ ମାସରେ ମୁଣ୍ଡଫଟା ଖରା ହେଉଥିବାରୁ କେନାଲରେ ପାଣି ନାହିଁ। ଫଳରେ...

ଉନ୍ନୟନ କାର୍ଯ୍ୟ ଅନୁଧ୍ୟାନ କଲେ ପ୍ରମୁଖ ସଚିବ

ଗୋପାଳପୁର/ହିଞ୍ଜିଳିକାଟୁ/ଶେରଗଡ଼,୧୯ା୨(ଡି.ଏନ୍‌.ଏ.) – ଗୋପାଳପୁର/ହିଞ୍ଜିଳିକାଟୁ/ଶେରଗଡ଼,୧୮ା୨(ଡି.ଏନ୍‌.ଏ.)-ସାଧାରଣ ଉଦ୍ୟୋଗ ବିଭାଗ ପ୍ରମୁଖ ସଚିବ ବିଜୟ ଆରୋରା ମଙ୍ଗଳବାର ଗଞ୍ଜାମ ଜିଲା ଗସ୍ତରେ ଆସିଥିଲେ। ରଙ୍ଗେଇଲୁଣ୍ଡା, ହିଞ୍ଜିଳିକାଟୁ, ଶେରଗଡ଼ ବ୍ଲକ ଗସ୍ତ କରି...

ପୋଖରୀରୁ ମାଛ ଚୋରିକୁ ନେଇ ଗୁଳିମାଡ଼ ଘଟଣା: ମୁଖ୍ୟ ଅଭିଯୁକ୍ତଙ୍କୁ ଧରିବା ପାଇଁ ପୋଲିସର ତନାଘନା

ଗୋପାଳପୁର,୧୫।୧୨(ଡି.ଏନ୍‌.ଏ.): ଗଞ୍ଜାମ ଜିଲା ବ୍ରହ୍ମପୁର ଗୋଳନ୍ଥରା ଥାନା ଅନ୍ତର୍ଗତ ଟାମଣା କାଳୁଆଘାଟି ନିକଟରେ ଗତ ବୁଧବାର ରାତିରେ ଏକ ପୋଖରୀରୁ ମାଛ ଚୋରି ନେଇ ଦୁର୍ଦ୍ଦାନ୍ତ...

ଶିକ୍ଷକ ପଦବୀ ପୂରଣ ଦାବିରେ ଛାତ୍ରୀଛାତ୍ରଙ୍କ ଆନ୍ଦୋଳନ

ଦାରିଙ୍ଗବାଡ଼ି,୫।୨(ଡି.ଏନ୍‌.ଏ.) : କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକର ଦୁର୍ଗମ ପଞ୍ଚାୟତ ହାତୀମୁଣ୍ଡାର ତାମାଙ୍ଗି ସରକାରୀ ଉଚ୍ଚ ବିଦ୍ୟାଳୟରେ ଶିକ୍ଷକ ପଦବୀ ପୂରଣ ସହ ବିଭିନ୍ନ ସମସ୍ୟାର...

ଫେରାର୍‌ ମଦ ବେପାରୀ ଗିରଫ

ଶଙ୍କରାଖୋଲ,୨୭।୫(ଡି.ଏନ୍‌.ଏ.)- ଟିକାବାଲି ଥାନା ଟୁଡୁବାଲି ଗ୍ରାମର ବେଆଇନ୍‌ ବିଦେଶୀ ମଦ ବିକ୍ରି ଅଭିଯୋଗରେ ଫେରାର୍‌ ଥିବା ଅଭିଯୁକ୍ତଙ୍କୁ ସୋମବାର ପୋଲିସ କୋର୍ଟଚାଲାଣ କରିଛି। ସେ ହେଲେ...

Leave a comment

Your email address will not be published. Required fields are marked *