ଚାଇନା ଲାବ୍‌ରେ କରୋନା ଔଷଧ

ବେଜିଂ,୨୧ା୫: ଚାଇନାର ଏକ ଲାବରେଟୋରିରେ ଏଭଳି ଔଷଧ ବିକଶିତ କରାଯାଇଛି, ଯାହା ମହାମାରୀ କରୋନା ଭାଇରସ୍‌କୁ ରୋକିପାରିବ ବୋଲି ବୈଜ୍ଞାନିକମାନେ ଦାବି କରିଛନ୍ତି। ସେମାନେ କହିଛନ୍ତି ଯେ, ଟିକା ବିନା କରୋନା ଚିକିତ୍ସା ସମ୍ଭବ ହୋଇପାରିବ। ଗତବର୍ଷ ଶେଷଭାଗରେ ଚାଇନାରୁ ସାରା ବିଶ୍ୱକୁ ବ୍ୟାପିଚାଲିଛି ଏହି ଘାତକ ଭୂତାଣୁ। ଅଦ୍ୟାବଧି ୫୦ ଲକ୍ଷରୁ ଊର୍ଦ୍ଧ୍ୱ ଲୋକ ସଂକ୍ରମିତ ହୋଇଥିବାବେଳେ ପ୍ରାୟ ୩ ଲକ୍ଷ ୩୦ ହଜାର ଜୀବନ ଗଲାଣି। ସାରା ବିଶ୍ୱର ଗବେଷକମାନେ ଏହାର ଉପଯୁକ୍ତ ଚିକିତ୍ସା ଓ ଟିକା ଖୋଜିବାରେ ଲାଗିଛନ୍ତି। ଚାଇନାର ପ୍ରତିଷ୍ଠିତ ପେକିଂ ବିଶ୍ୱବିଦ୍ୟାଳୟର ବୈଜ୍ଞାନିକମାନଙ୍କ ଦ୍ୱାରା ଟ୍ରାଏଲ କରାଯାଉଥିବା ଏହି ଔଷଧ ଦ୍ୱାରା ସଂକ୍ରମିତ ଲୋକଙ୍କ ଆରୋଗ୍ୟ ହେବା ସମୟ ହ୍ରାସ ହେବା ସହିତ ଭୂତାଣୁଠାରୁ ସ୍ବଳ୍ପକାଳୀନ ରୋଗ ପ୍ରତିରୋଧକ ଶକ୍ତି ମିଳିପାରିବ।
ବେଜିଂ ଆଡଭାନ୍ସଡ ଇନୋଭେଶନ୍‌ ସେଣ୍ଟର ଫର୍‌ ଜେନୋମିକ୍ସ ବିଶ୍ୱବିଦ୍ୟାଳୟର ନିର୍ଦ୍ଦେଶକ ସନ୍ନି ସି ନ୍ୟୁଜ୍‌ ଏଜେନ୍ସି ‘ଏଏଫ୍‌ପି’କୁ କହିଛନ୍ତି ଯେ, ପ୍ରାଣୀଙ୍କ ଦେହରେ ପରୀକ୍ଷା ପର୍ଯ୍ୟାୟରେ ଏହି ଔଷଧର ପ୍ରୟୋଗ ସଫଳ ହୋଇଛି। ସି କହିଛନ୍ତି ଯେ, ଯେତେବେଳେ ଆମେ ସଂକ୍ରମିତ ମୂଷାମାନଙ୍କୁ ‘ନ୍ୟୁଟ୍ରାଲାଇଜିଂ (ନିଷ୍କ୍ରିୟକାରୀ) ଆଣ୍ଟିବଡି’ ଇଞ୍ଜେକ୍ସନ ଦେଲୁ, ପାଞ୍ଚ ଦିନ ପରେ ସଂକ୍ରମଣ ଚାପ ୨୫୦୦ ଫ୍ୟାକ୍ଟର ହ୍ରାସ ପାଇଥିଲା।’ ଏହାର ଅର୍ଥ ହେଉଛି ଏହି ସମ୍ଭାବ୍ୟ ଔଷଧର ଚିକିତ୍ସା ପ୍ରଭାବ ରହିଛି ବୋଲି ସେ କହିଛନ୍ତି। ଏହି ଔଷଧ ‘ନ୍ୟୁଟ୍ରାଲାଇଜିଂ ଆଣ୍ଟିବଡି’ ବ୍ୟବହାର କରେ, ଯାହା କୋଷଗୁଡ଼ିକୁ ସଂକ୍ରମିତ କରୁଥିବା ଭୂତାଣୁକୁ ରୋକିବା ପାଇଁ ମାନବ ରୋଗ ପ୍ରତିରୋଧକ ପ୍ରଣାଳୀ ଦ୍ୱାରା ଉତ୍ପନ୍ନ ହୋଇଥାଏ। ସି ନେତୃତ୍ୱ ନେଉଥିବା ଟିମ୍‌ ଆରୋଗ୍ୟଲାଭ କରିଥିବା ୬୦ ରୋଗୀଙ୍କ ରକ୍ତରୁ ତାହାକୁ ପୃଥକ୍‌ କରିଥିଲେ। ଉକ୍ତ ଟିମ୍‌ର ଗବେଷଣା ଆଧ୍ୟାରିତ ଏକ ଅଧ୍ୟୟନ ସାଇଣ୍ଟିଫିକ୍‌ ଜର୍ନାଲ ‘ସେଲ୍‌’ରେ ରବିବାର ପ୍ରକାଶ ପାଇଛି। ସେଥିରେ କୁହାଯାଇଛି ଯେ, ଆଣ୍ଟିବଡି ବ୍ୟବହାର କରିବା ଦ୍ୱାରା ଏହି ରୋଗ ପାଇଁ ସମ୍ଭାବ୍ୟ ଉପଶମ ମିଳିଥାଏ ଏବଂ ଆରୋଗ୍ୟଲାଭ ହେବା ଅବଧି କମିଯାଏ। ଆଣ୍ଟିବଡି ଖୋଜିବାରେ ତାଙ୍କ ଟିମ୍‌ ଦିନରାତି କାର୍ଯ୍ୟ କରିଥିଲା ବୋଲି ସିି କହିଛନ୍ତି। ଇମ୍ୟୁନୋଲୋଜି(ରୋଗ ପ୍ରତିରୋଧକ ବିଜ୍ଞାନ) କିମ୍ବା ଭାଇରୋଲୋଜି (ଭୂତାଣୁ ବିଜ୍ଞାନ) ଅପେକ୍ଷା ଏକକ କୋଷ (ସିଙ୍ଗଲ ସେଲ୍‌) ଜେନୋମିକ୍ସ ହେଉଛି ଆମର ପାରଦର୍ଶିତା। ଏକକ ସେଲ୍‌ ଜେନୋମିକ୍‌ ପ୍ରଭାବଶାଳୀ ଭାବେ ‘ନ୍ୟୁଟ୍ରାଲାଇଜିଂ ଆଣ୍ଟିବଡି’କୁ ଖୋଜି ପାଇପାରିବ ବୋଲି ହୃଦୟଙ୍ଗମ କରିବା ପରେ ଆମେ ଆନନ୍ଦିତ ହୋଇଥିଲୁ। ଏହି ଔଷଧ ଚଳିତ ବର୍ଷ ଶେଷ ସୁଦ୍ଧା ବ୍ୟବହାର ପାଇଁ ପ୍ରସ୍ତୁତ ହୋଇଯିବା ଉଚିତ, ଯଦ୍ଦ୍ବାରା ଥଣ୍ଡା ପାଗରେ କୌଣସି ଭାଇରସ୍‌ର ସମ୍ଭାବ୍ୟ ପ୍ରକୋପକୁ ସାମ୍ନା କରିହେବ ବୋଲିି ସି କହିଛନ୍ତି। ଔଷଧର କ୍ଲିନିକାଲ ପରୀକ୍ଷା ପାଇଁ ଯୋଜନା ଚାଲିଛି। ଚାଇନାରେ କରୋନା ମାମଲା ହ୍ରାସ ପାଇଥିବାରୁ ଅଷ୍ଟ୍ରେଲିଆ କିମ୍ବା ଅନ୍ୟ ଦେଶରେ ଏହି ପରୀକ୍ଷା କରାଯିବ। ସେ କହିଛନ୍ତି ଯେ, ଆଶା କରୁଛି ଏହି ନ୍ୟୁଟ୍ରାଲାଇଜିଂ ଆଣ୍ଟିବଡି ଏକ ବିଶେଷ ଔଷଧ ହୋଇପାରେ, ଯାହା ମହାମାରୀକୁ ରୋକିପାରିବ।
ଜଣେ ସ୍ବାସ୍ଥ୍ୟ ଅଧିକାରୀ କହିଛନ୍ତି ଯେ, ମାନବ ପରୀକ୍ଷଣ ପର୍ଯ୍ୟାୟରେ ଚାଇନାର ପାଞ୍ଚଟି ସମ୍ଭାବ୍ୟ କରୋନା ଟିକା ଅଛି। କିନ୍ତୁ ବିଶ୍ୱ ସ୍ବାସ୍ଥ୍ୟ ସଂଗଠନ ପକ୍ଷରୁ ସ୍ପଷ୍ଟ କୁହାଯାଇଛି ଯେ, ଗୋଟିଏ ଟିକା ବିକାଶତ କରିବା ପାଇଁ ୧୨ ରୁ ୧୮ ମାସ ସମୟ ଲାଗିପାରେ। ଅନ୍ୟପକ୍ଷରେ ବୈଜ୍ଞାନିକମାନେ ପ୍ଲାଜ୍‌ମାର ସମ୍ଭାବ୍ୟ ଉପକାରିତାକୁ ଇଙ୍ଗିତ କରିଛନ୍ତି। କାରଣ ଆରୋଗ୍ୟ ବ୍ୟକ୍ତିଙ୍କ ପ୍ଲାଜ୍‌ମାରୁ ଯେଉଁ ଆଣ୍ଟିବଡି ବିକଶିତ ହେଉଛି ତାହା ଭୂତାଣୁ ଆକ୍ରମଣରୁ ରକ୍ଷା କରେ। ଚାଇନାରେ ୭୦୦ରୁ ଊର୍ଦ୍ଧ୍ୱ ରୋଗୀ ପ୍ଲାଜ୍‌ମା ଥେରାପି ପାଇଛନ୍ତି, ଯାହାର ବହୁତ ଭଲ ଚିକିତ୍ସା ପ୍ରଭାବ ରହିଥିବା କୁହାଯାଉଛି। ହେଲେ ପ୍ଲାଜ୍‌ମା ଯୋଗାଣ ସୀମିତ ବୋଲି ସି କହିଛନ୍ତି। ଏହାସହ ତାଙ୍କ ଟିମ୍‌ ଦ୍ୱାରା ବିକଶିତ ଔଷଧରେ ୧୪ଟି ନ୍ୟୁଟ୍ରାଲାଇଜିଂ ଆଣ୍ଟିବଡି ବ୍ୟବହାର ହୋଇଛି ଏବଂ ଶୀଘ୍ର ବହୁ ପରିମାଣର ଉତ୍ପାଦନ ହୋଇପାରିବ ବୋଲି ସେ କହିଛନ୍ତି। ଔଷଧ ଚିକିତ୍ସାରେ ଆଣ୍ଟିବଡି ବ୍ୟବହାର ନୂଆ ନୁହେଁ ଏବଂ ଏହା ଅନ୍ୟାନ୍ୟ ଭୂତାଣୁ ଯଥା ଏଚ୍‌ଆଇଭି, ଇବୋଲା ଏବଂ ମିଡିଲ୍‌ ଇଷ୍ଟ ରେସ୍ପିରାଟୋରି ସିଣ୍ଡ୍ରୋମ (ଏମ୍‌ଇଆରଏସ୍‌)ର ଚିକିତ୍ସାରେ ସଫଳ ହୋଇଛି। ଚାଇନାରେ କରୋନାର ପ୍ରକୋପ ପ୍ରାରମ୍ଭରେ ଏବଂ ଅନ୍ୟ ଦେଶଗୁଡ଼ିକୁ ବ୍ୟାପିବା ପୂର୍ବରୁ ଗବେଷକମାନେ ଏହି ଔଷଧ ପ୍ରସ୍ତୁତି କାର୍ଯ୍ୟ ଆରମ୍ଭ କରିଥିଲେ ବୋଲି ସି କହିଛନ୍ତି।


All Right Reserved By Dharitri.Com

ସ୍ବେଚ୍ଛାସେବୀଙ୍କ ତାଲିକା ପ୍ରସ୍ତୁତ କରିବାକୁ ନିର୍ଦ୍ଦେଶ

ଆସିକା,୩୧ା୩ (ଡି.ଏନ୍‌.ଏ.): ଲକ୍‌ଡାଉନ୍‌ ଲାଗି ଆସିକା ଏନ୍‌ଏସିରେ ନିରାଶ୍ରୟଙ୍କୁ ଦୈନିକ ରନ୍ଧାଖାଦ୍ୟ ଦିଆଯାଉଛି। ମଙ୍ଗଳବାରଠାରୁ ଆସିକା ବ୍ଲକର ବିଭିନ୍ନ ପଞ୍ଚାୟତରେ ମଧ୍ୟ ନିରାଶ୍ରୟଙ୍କୁ ଅଙ୍ଗନଓ୍ବାଡି କର୍ମୀଙ୍କ...

ହୋମ୍‌ କ୍ୱାରାଣ୍ଟାଇନ୍‌ ସମ୍ପୂର୍ଣ୍ଣ କଲେ ୧୦ ବିଦେଶ ଫେରନ୍ତା

କେନ୍ଦୁଝର,୨୯ା୩(ଡିଏନ୍‌ଏ): କେନ୍ଦୁଝର ଜିଲାରେ ଲକ୍‌ ଡାଉନ୍‌ ଚତୁର୍ଥ ଦିନରେ ପହଞ୍ଚିଛି। ଶନିବାର ସନ୍ଧ୍ୟା ସୁଦ୍ଧା ଏହି ଜିଲାକୁ ୩୭ଜଣ ବ୍ୟକ୍ତି ବିଦେଶରୁ ଫେରିଥିବା ସୂଚନା ମିଳିଛି।...

ଉଦାସ ଆଶ୍ରମ ପକ୍ଷରୁ ରନ୍ଧା ଖାଦ୍ୟ ପ୍ରଦାନ

ବାଲେଶ୍ୱର ଅଫିସ, ୨୦।୪: ଲକ୍‌ଡାଉନ ସମୟରେ ବାଲେଶ୍ୱରସ୍ଥିତ ହଳଦୀପଦା ଏବଂ ରୂପସାର ବିଭିନ୍ନ ସ୍ଥାନରେ ଯାଜପୁର ଜିଲା ସୋଲର ଛତିଆସ୍ଥିତ ଉଦାମ ଆଶ୍ରମ ପକ୍ଷରୁ ରବିବାର...

ଚାଇନାରେ ୫.୨ ତୀବ୍ରତାର ଭୂକମ୍ପ

ବେଜିଂ,୧୩।୧୦: ଚାଇନାର ଗୁଆଂଗ୍ସି ଜୁଆଙ୍ଗ ଅଞ୍ଚଳରେ ଶନିବାର ରାତି ପ୍ରାୟ ୧୧ଟା ସମୟରେ ଏକ ଭୂକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲରେ ଏହାର ତୀବ୍ରତା ରହିଥିଲା...

ପିଓକେରେ ଶକ୍ତିଶାଳୀ ଭୂକମ୍ପ:୨୬ ମୃତ

ଇସ୍‌ଲାମାବାଦ/ନୂଆଦିଲ୍ଲୀ,୨୫-୯(ପି.ଟି.) :ପାକ୍‌-ଅଧିକୃତ କଶ୍ମୀର (ପିଓକେ)ରେ ମଙ୍ଗଳବାର ଅପରାହ୍ନରେ ଏକ ଶକ୍ତିଶାଳୀ ଭୂକମ୍ପ ହୋଇଛି। ରିକ୍ଟର ସ୍କେଲ୍‌ରେ ୫.୮ ତୀବ୍ରତା ବିଶିଷ୍ଟ ଭୂକମ୍ପରେ ରାଜଧାନୀ ଇସ୍‌ଲାମାବାଦ ସମେତ...

ମେ ୧୫ରୁ ଖୋଲିବ ରବିଧାନ ମଣ୍ଡି

ସୋନପୁର,୨୯।୪(ନି.ପ୍ର.): ରବିଋତୁ ଧାନ ସଂଗ୍ରହ ପାଇଁ ବୁଧବାର ସୁବର୍ଣ୍ଣପୁର ଜିଲାସ୍ତରୀୟ ଧାନ ସଂଗ୍ରହ କମିଟି ନୀତି ନିର୍ଦ୍ଧାରଣ ବୈଠକ ଅନୁଷ୍ଠିତ ହୋଇଯାଇଛି। ଆସନ୍ତା ମେ ୧୫ତାରିଖରୁ...

ପିଏମ୍‌ କେୟାର୍ସ ଫଣ୍ଡକୁ ପ୍ରତି ମାସରେ ୫୦ ହଜାର ଟଙ୍କା ଦାନ କରିବେ ସିଡିଏସ୍‌ ଜେନରାଲ ବିପିନ ରାଓ୍ବତ

ନୂଆଦିଲ୍ଲୀ,୨୪।୫: କୋଭିଡ-୧୯ ମହାମାରୀ ସହ ଲଢିବାକୁ ଗଠନ କରାଯାଇଛି ପିଏମ୍‌ କେୟାର୍ସ ଫଣ୍ଡ। ଏହି ଫଣ୍ଡକୁ ବିଭିନ୍ନ ଆଡୁ ସହାୟତା ମିଳୁଥିବା ବେଳେ ଚିଫ୍‌ ଅଫ୍‌...

କରୋନାରେ ବଢ଼ୁଛି ମୃତ୍ୟୁ ସଂଖ୍ୟା

ମୁମ୍ବାଇ,୨୪।୩: ଦେଶରେ କରୋନା ପ୍ରକୋପ ଥମିବାର ନାଁ ନେଉନି। ଦିନକୁ ଦିନ ମହାରାଷ୍ଟ୍ରରେ କରୋନା ଭାଇରସ୍‌ ଆତଙ୍କ ଖେଳାଇ ଚାଲିଛି। ସେଠାରେ କରୋନା ଭାଇରସ୍‌ରେ ସଂକ୍ରମିତଙ୍କ...

Leave a comment

Your email address will not be published. Required fields are marked *