ପ୍ୟାକେଜ ଜିଡିପିର ମାତ୍ର ୧%

ନୂଆଦିଲ୍ଲୀ,୨୧।୫-କରୋନା କ୍ଷତିଗ୍ରସ୍ତ ଅର୍ଥ ବ୍ୟବସ୍ଥାରେ ସୁଧାର ଆଣିବା ଲାଗି ୨୦ ଲକ୍ଷ କୋଟି ଟଙ୍କାରୁ ଊର୍ଦ୍ଧ୍ୱ ମୂଲ୍ୟର ଏକ ପ୍ୟାକେଜ ସରକାର ଘୋଷଣା କରିଛନ୍ତି। ୨୦.୯୭ ଲକ୍ଷ କୋଟି ଟଙ୍କାର ଏହି ପ୍ୟାକେଜକୁ ଅର୍ଥମନ୍ତ୍ରୀ ନିର୍ମଳା ସୀତାରାମନ ୫ ଭାଗରେ ବିସ୍ତୃତ ଭାବେ ବିବୃତି ପ୍ରଦାନ କରିଛନ୍ତି। ଏହା ଦେଶର ମୋଟ ଘରୋଇ ଉତ୍ପାଦ(ଜିଡିପି)ର ପ୍ରାୟ ୧୦% ହେବ ବୋଲି ସରକାର କହିଛନ୍ତି। ଏଭଳି ସ୍ଥିତିରେ ସରକାରଙ୍କ ଆଶ୍ୱସ୍ତି ପ୍ୟାକେଜ ମୋଟ ଜିଡିପିର ୧୦% ହେବ ନାହିଁ। କେବଳ ୧% ହେବ ବୋଲି ବଜାର ବିଶେଷଜ୍ଞ ମତ ପୋଷଣ କରିଛନ୍ତି।
ପ୍ୟାକେଜକୁ ନେଇ ଅର୍ଥମନ୍ତ୍ରୀ କହିଛନ୍ତି ଯେ, ଏହା ମଧ୍ୟରେ ରିଜର୍ଭ ବ୍ୟାଙ୍କର ଲିକ୍ୟୁଡିଟି ପଦକ୍ଷେପ, ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ମଧ୍ୟ ସାମିଲ ହୋଇଛି। ଏହି ଯୋଜନାକୁ ଲକ୍‌ଡାଉନ ଆରମ୍ଭ ସମୟରେ ଲୋକଙ୍କ ଲାଗି ସରକାର ଘୋଷଣା କରିଥିଲେ। ମାତ୍ର ପ୍ୟାକେଜ ସମ୍ପର୍କରେ ପ୍ରାୟ ୧୨ ବ୍ୟାଙ୍କ, ବ୍ରୋକ୍‌ରେଜ ଅନୁଷ୍ଠାନ, ରେଟିଂ ଏଜେନ୍ସି ସରକାରଙ୍କ ମତ ତୁଳନାରେ ଭିନ୍ନ ମତ ପୋଷଣ କରିଛନ୍ତି। ସେମାନେ କହିଛନ୍ତି ଯେ, କରୋନା ଭାଇରସ୍‌ ଯୋଗୁ ଅର୍ଥ ବ୍ୟବସ୍ଥାର ଅଣ୍ଟା ଭାଙ୍ଗିଯାଇଛି। ଏହାକୁ ସମ୍ଭାଳିବା ଲାଗି ସରକାରଙ୍କ ଘୋଷଣା ମଧ୍ୟରୁ ପ୍ରାୟ ୧% ହିଁ ପ୍ରକୃତ ପକ୍ଷେ କାର୍ଯ୍ୟ କରିବ, ଯାହା ଅର୍ଥ ବ୍ୟବସ୍ଥା ପାଇଁ ପର୍ଯ୍ୟାପ୍ତ ନୁହେଁ।
ଏହି ପ୍ରସଙ୍ଗରେ ଫିଚ୍‌ ଗ୍ରୁପ୍‌ ପକ୍ଷରୁ ଫିଚ୍‌ ସଲ୍ୟୁସନର ରିସ୍କ ଆଣ୍ଡ ଇଣ୍ଡଷ୍ଟ୍ରି ରିସର୍ଚ୍ଚର ଏକ ରିପୋର୍ଟରେ ମଧ୍ୟ ତର୍ଜମା କରାଯାଇଛି। ଏଥିରେ କୁହାଯାଇଛି ଯେ, ସରକାର ପ୍ୟାକେଜକୁ ଜିଡିପିର ୧୦% ଦର୍ଶାଉଥିଲେ ମଧ୍ୟ ଏହାଦ୍ୱାରା ପ୍ରକୃତ ପକ୍ଷେ ବିତ୍ତୀୟ ଏବଂ ଅର୍ଥନୈତିକ ପ୍ରଭାବ ଅର୍ଥବ୍ୟବସ୍ଥା ଉପରେ କମ୍‌ ରହିବ। ପ୍ୟାକେଜରେ ପୂର୍ବରୁ ଘୋଷଣା ହୋଇଥିବା ପଦକ୍ଷେପ ଏବଂ ମୁଦ୍ରାନୀତିଗତ ପ୍ରୋତ୍ସାହନକୁ ସାମିଲ କରାଯାଇଛି। ଅତିରିକ୍ତ ପ୍ରୋତ୍ସାହନ ବ୍ୟବସ୍ଥା କଥା ବିଚାରକଲେ ଏହା ପ୍ରାୟ ଜିଡିପିର ୧% ହିଁ ହେବ ବୋଲି ଏହି ଏଜେନ୍ସି ଆକଳନରେ କହିଛି।
ଏହାବାଦ୍‌ ମୁଡିସ୍‌ ଇନ୍‌ଭେଷ୍ଟର୍ସ ସର୍ଭିସ ପକ୍ଷରୁ ମଙ୍ଗଳବାର କୁହାଯାଇଛି ଯେ, ସରକାର ୨୦ଲକ୍ଷ କୋଟି ଟଙ୍କାର ପ୍ୟାକେଜ ଅଧୀନରେ ଆର୍ଥତ୍କ ଅନୁଷ୍ଠାନଗୁଡିକ ଲାଗି ଘୋଷଣା କରିଥିବା ପଦକ୍ଷେପ ସେମାନଙ୍କ ଆସେଟ ରିସ୍କ କ୍ଷେତ୍ରରେ କିଛି ସହାୟତା କରିପାରେ। ମାତ୍ର କରୋନା ଯୋଗୁ ଅର୍ଥବ୍ୟବସ୍ଥା ଉପରେ ରହିଥିବା ସଙ୍କଟ ଏବଂ ନକାରାତ୍ମକ ପ୍ରଭାବକୁ କମ୍‌ କରିବାରେ ସହାୟକ ହେବ ନାହିଁ। ଏସ୍‌ବିଆଇ ରିସର୍ଚ୍ଚ ପକ୍ଷରୁ କୁହାଯାଇଛି ଯେ, ବର୍ତ୍ତମାନ ଚାହିଦାକୁ ଫେରାଇ ଆଣିବାରେ ପ୍ୟାକେଜ ବେଶି ଯୋଗଦାନ ରଖିବ ନାହିଁ। ଏ ଦିଗରେ କିଛି ପଦକ୍ଷେପ ଗ୍ରହଣ କରାଗଲା ନାହିଁ ଯାହା ଅଭିବୃଦ୍ଧିକୁ ପଛକୁ ଟାଣିପାରେ। ଉକ୍ତ ଏଜେନ୍ସି ରିପୋର୍ଟରେ ଉଲ୍ଲେଖ ରହିଛି ଯେ, ସରକାରଙ୍କ ୨୦ ଲକ୍ଷ କୋଟି ଟଙ୍କାର ଘୋଷଣା ମଧ୍ୟରୁ ଆର୍‌ବିଆଇର ପଦକ୍ଷେପ କେବଳ ୪%। ସଂସ୍କାର ପଦକ୍ଷେପରୁ ଅର୍ଥ ବ୍ୟବସ୍ଥାକୁ ପ୍ରତ୍ୟକ୍ଷ ବିତ୍ତୀୟ ପ୍ରଭାବ ପ୍ରାୟ ୨ ଲକ୍ଷ କୋଟି ଟଙ୍କା ରହିବ ଯାହା ମୋଟ ଜିଡିପିର ୧% ବୋଲି ଏସ୍‌ବିଆଇ ରିସର୍ଚ୍ଚର ଗ୍ରୁପ୍‌ ମୁଖ୍ୟ ଅର୍ଥନୈତିକ ପରାମର୍ଶଦାତା ସୌମ୍ୟକାନ୍ତି ଘୋଷ ସୂଚନା ଦେଇଛନ୍ତି।
ଏପଟେ ଏହି ପ୍ରସଙ୍ଗ ଉପରେ ଅର୍ଥ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ ସରକାରଙ୍କ ପଦକ୍ଷେପ ନେଇ ବିବୃତି ରଖିଛନ୍ତି। ସେ କହିଛନ୍ତି ଯେ, ବିଶ୍ୱର ବିଭିନ୍ନ ଦେଶ ସେମାନଙ୍କ କେନ୍ଦ୍ରୀୟ ବ୍ୟାଙ୍କଗୁଡିକ ପକ୍ଷରୁ ଗ୍ରହଣ କରାଯାଇଥିବା ସହଯୋଗ ପଦକ୍ଷେପକୁ ମଧ୍ୟ ପ୍ୟାକେଜରେ ସାମିଲ କରିଛନ୍ତି। ସେଭଳି ଢଙ୍ଗରେ ଭାରତ ମଧ୍ୟ ଏହାକୁ ପ୍ୟାକେଜରେ ସାମିଲ କରିଛି। ଏହା ଏକ ଗ୍ଲୋବାଲ ପ୍ରାକ୍ଟିସ। ଅପରପକ୍ଷରେ କ୍ୟାପିଟାଲ ମାର୍କେଟ କମ୍ପାନୀ ସିଏଲ୍‌ଏସ୍‌ଏ କହିଛି ଯେ, ୨୦.୯୭ ଲକ୍ଷ କୋଟି ଟଙ୍କାର ଚୂଡ଼ାନ୍ତ ପ୍ୟାକେଜ ମଧ୍ୟରୁ କେବଳ ୧.୭୭ ଲକ୍ଷ କୋଟି(୮.୪) ୨୦୨୧ର ବିତ୍ତୀୟ ନିଅଣ୍ଟକୁ ପ୍ରଭାବିତ କରିବ। ଏହା ମୋଟ ଜିଡିପିର ୦.୮%। ସେହିଭଳି ପ୍ୟାକେଜରେ ହୋଇଥିବା ନୂଆ ଘୋଷଣା ଏହାର ୪୨% ବା ମୋଟ ଜିଡିପିର ମାତ୍ର ୦.୩୪%। ବଳକା ୫୮% ପୁରୁଣା ପଦକ୍ଷେପକୁ ଏହା ମଧ୍ୟରେ ମିଶାଇ ଦିଆଯାଇଛି, ଯାହାକୁ ପୂର୍ବରୁ ମଧ୍ୟ ଘୋଷଣା କରାଯାଇଥିଲା। ସେହିଭଳି ୟୁବିଏସ୍‌ ସିକ୍ୟୁରିଟିଜ ଇଣ୍ଡିଆର ଅର୍ଥନୀତିଜ୍ଞ ତନ୍‌ଭୀ ଗୁପ୍ତା ଜୈନ କହିଛନ୍ତି, କ୍ରେଡିଟ ଗ୍ୟାରେଣ୍ଟିଂ ଏବଂ ଲିକ୍ୟୁଡିଟି ସହାୟତା ମୋଟ ପ୍ୟାକେଜର ତିନିଚତୁର୍ଥାଂଶ ହେବ। ଏହା ମୁଦ୍ରାନୀତିଗତ ପଦକ୍ଷେପ ୧୫% ଏବଂ ବିତ୍ତୀୟ ପଦକ୍ଷେପ କେବଳ ୧୦% ରହିଛି। କୋଭିଡ୍‌-୧୯ ସହାୟତା ପ୍ୟାକେଜରେ ରାଜକୋଷକୁ ବହୁତ କମ୍‌ ପ୍ରଭାବ ଆଣିବ। କାରଣ ଅଧିକାଂଶ ସରକାରଙ୍କ ଖର୍ଚ୍ଚ ରହି ନ ଥିବାରୁ ଏହା କେବଳ ମୋଟ ଜିଡିପିର ୧.୨% ରହିବ।


All Right Reserved By Dharitri.Com

ଅକ୍ଷୟ ଶକ୍ତିକୁ ନେଇ ଡବ୍ଲ୍ୟୁଟିଓରେ ମାମଲା;ଭାରତ ସପକ୍ଷ ରାୟକୁ ଆମେରିକାର ବିରୋଧ

ନୂଆଦିଲ୍ଲୀ,୧୭ -୮: ବିଶ୍ୱ ବାଣିଜ୍ୟ ସଂଗଠନ(ଡବ୍ଲ୍ୟୁଟିଓ)ର ବିବାଦ ସମାଧାନ କମିଟି ଦ୍ୱାରା ଅକ୍ଷୟ ଶକ୍ତି ମାମଲାରେ ଭାରତ ସପକ୍ଷରେ ରାୟ ପ୍ରକାଶ ପରେ ଆମେରିକା ଏହାକୁ...

ଆନ୍ଧ୍ର ବ୍ୟାଙ୍କ ସମ୍ବଲପୁରର ନୂତନ ଆଞ୍ଚଳିକ ମୁଖ୍ୟ

ଭୁବନେଶ୍ୱର,୧୫-୬: ଆନ୍ଧ୍ର ବ୍ୟାଙ୍କ ସମ୍ବଲପୁରସ୍ଥିତ ଆଞ୍ଚଳିକ କାର୍ଯ୍ୟାଳୟର ନୂତନ ଆଞ୍ଚଳିକ ମୁଖ୍ୟ ଭାବେ ଶଙ୍କର ହେମ୍ବ୍ରମ କାର୍ଯ୍ୟଭାର ଗ୍ରହଣ କରିଛନ୍ତି। ଏହା ପୂର୍ବରୁ ସେ ହାଇଦ୍ରାବାଦ...

୩ ଲକ୍ଷ କୋଟିର ଅତିରିକ୍ତ ପ୍ୟାକେଜ ଲୋଡ଼ା

ନୂଆଦିଲ୍ଲୀ,୯।୪: କୋଭିଡ୍‌-୧୯ ବିରୋଧରେ ଲଢିବା ଲାଗି ଦେଶର ଅର୍ଥ ବ୍ୟବସ୍ଥାକୁ ଅତିରିକ୍ତ ୩ ଲକ୍ଷ କୋଟି ଟଙ୍କାର ପ୍ୟାକେଜ ଲୋଡା ପଡୁଥିବା ଏସ୍‌ବିଆଇ ରିସର୍ଚ୍ଚ ପକ୍ଷରୁ...

ଏୟାର ଇଣ୍ଡିଆରେ ଅର୍ଥ ସଙ୍କଟ; ତେଲ ନ ଦେବାକୁ ତୈଳ କମ୍ପାନୀଙ୍କ ଧମକ

ନୂଆଦିଲ୍ଲୀ,୧-୯: ରାଷ୍ଟ୍ରାୟତ୍ତ ବିମାନ କମ୍ପାନୀ ଏୟାର ଇଣ୍ଡିଆରେ ଅର୍ଥ ସଙ୍କଟ ଅତ୍ୟନ୍ତ ଗମ୍ଭୀର ହୋଇଛି। ବିମାନ ଇନ୍ଧନ ବାବଦରେ କମ୍ପାନୀ ତୈଳ ମାର୍କେଟିଂ କମ୍ପାନୀ(ଓଏମ୍‌ସି)ଙ୍କୁ ବକେୟା...

ଭାରତୀୟ ପୁଞ୍ଜି ବଜାର ଉପରେ ବିଦେଶୀ ନିବେଶକଙ୍କ ଭରସା

ନୂଆଦିଲ୍ଲୀ,୨୨-୪: ଭାରତୀୟ ପୁଞ୍ଜି ବଜାର ଉପରେ ବିଦେଶୀ ନିବେଶକଙ୍କ ଭରସା ବଢୁଛି। ପ୍ରଭାବିତ ବିଶ୍ୱ ବଜାର ସ୍ଥିତିରେ ବିଦେଶୀ ନିବେଶକମାନେ ଭାରତୀୟ ପୁଞ୍ଜି ବଜାରରେ ଏପ୍ରିଲ...

ଯାତ୍ରୀଙ୍କୁ ଦିଆଯାଉଥିବା କମ୍ବଳକୁ ପ୍ରତିଦିନ ସାନିଟାଇଜ୍‌ କରିବ ରେଲଓ୍ବେ

ନୂଆଦିଲ୍ଲୀ,୧୪।୩: କରୋନା ସଂକ୍ରମଣକୁ ଦୃଷ୍ଟିରେ ରଖି ଭାରତୀୟ ରେଲଓ୍ବେ ପକ୍ଷରୁ ସୁରକ୍ଷା ପଦକ୍ଷେପ ଗ୍ରହଣ କରାଯାଇଛି। ଯାତ୍ରୀଙ୍କୁ ଦିଆଯାଉଥିବା କମ୍ବଳକୁ ପ୍ରତିଦିନ ସାନିଟାଇଜ୍‌ କରିବା ଲାଗି...

ବିଗ୍‌ ବଜାର ଦେଉଛି ଡୋର୍‌ଷ୍ଟେପ ଡେଲିଭରି

ଭୁବନେଶ୍ୱର,୩। ୫: କରୋନା ବିରୋଧରେ ଲଢେଇ ଜାରି ରଖିବା ସହ ବିଗ୍‌ ବଜାର ପକ୍ଷରୁ ବର୍ତ୍ତମାନ ଲୋକଙ୍କୁ ଡୋର୍‌ଷ୍ଟେପ ଡେଲିଭରି ବା ଘର ଦୁଆର ମୁହଁରେ...

ମାନ୍ଦାବସ୍ଥା ବିରୋଧରେ ଅସ୍ତ୍ର ହେବ ଆର୍‌ବିଆଇ ପୁଞ୍ଜି

ମୁମ୍ବାଇ,୨୮-୮: ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ସରକାରଙ୍କୁ ଲାଭାଂଶ ବାବଦରେ ୧.୭୬ ଲକ୍ଷ କୋଟି ଟଙ୍କା ଦେବାକୁ ନିଷ୍ପତ୍ତି ନେଇଛି। ଏହି ପୁଞ୍ଜି ମୋଦି ସରକାରଙ୍କ ଲାଗି...

Leave a comment

Your email address will not be published. Required fields are marked *