ବିଶେଷ ଫାଇଦା ଦେବନି ପ୍ୟାକେଜ

ଗତ କିଛି ତ୍ରୈମାସ ଧରି ଦେଶର ଅର୍ଥ ବ୍ୟବସ୍ଥାର କାର୍ଯ୍ୟକଳାପ ଖସିବାରେ ଲାଗିଛି। ଚଳିତ ବର୍ଷ ଜିଡିପି ଗତ ୩ ଦଶନ୍ଧିର ସବୁଠାରୁ ନିମ୍ନ ସ୍ତରକୁ ଖସିବ ବୋଲି ପ୍ରମୁଖ ଏଜେନ୍ସିଗୁଡିକ ଆକଳନ କରିଛନ୍ତି। ବଜାରରେ ଏବେ ଚାହିଦା ନ ଥିବା ବେଳେ କରୋନା ଯୋଗୁ କାରବାର ଠପ୍‌ ହୋଇ ପଡିଛି। ଧୀରେ ଧୀରେ ସବୁ ଖୋଲୁଥିବା ବେଳେ ସ୍ଥିତି ସ୍ବାଭାବିକ ହେବା ଏତେଟା ସହଜ ନୁହେଁ। କାରଣ ବନ୍ଦ ହୋଇ ପଡିଥିବା ୟୁନିଟ୍‌ଗୁଡିକ ସାମ୍ନାରେ ବିଭିନ୍ନ ଚ୍ୟାଲେଞ୍ଜ। ଅର୍ଥ ବ୍ୟବସ୍ଥାକୁ ଗତି ଦେବା ଲାଗି ସରକାର ଏପଟେ ୨୦ ଲକ୍ଷ କୋଟି ଟଙ୍କାର ପ୍ୟାକେଜ ଘୋଷଣା କରିଛନ୍ତି। ଅର୍ଥ ମନ୍ତ୍ରୀ ନିର୍ମଳା ସୀତାରାମନ ୫ଟି ପର୍ଯ୍ୟାୟରେ ପ୍ୟାକେଜର ବିସ୍ତୃତ ବିବୃତିି ରଖିଛନ୍ତି। ହେଲେ ସରକାରଙ୍କ ଘୋଷଣା ବିଶେଷ ଫାଇଦା ଦେବନି ବୋଲି ବିଶେଷଜ୍ଞ ମତ ରଖିଛନ୍ତି। କାରଣ ଚାହିଦା ନ ଥିବା ଅର୍ଥ ବ୍ୟବସ୍ଥାକୁ ପୁନର୍ଜୀବିତ କରିବା ଲାଗି ଚାହିଦା ବଢ଼ାଇବକୁ ହେଲେ ଲୋକଙ୍କୁ ପ୍ରତ୍ୟକ୍ଷ ଭାବେ ନଗଦ ଅର୍ଥ ପହଞ୍ଚାଇବା ଆବଶ୍ୟକତା ରହିଛି। ହେଲେ ସରକାର ଘୋଷଣା କରିଥିବା ପଦକ୍ଷେପ ମଧ୍ୟରେ ପ୍ରାୟ ଋଣ କିମ୍ବା ରିଜର୍ଭ ବ୍ୟାଙ୍କ ପଦକ୍ଷେପ ରହିଛି। ଏଣୁ ଅର୍ଥ ବ୍ୟବସ୍ଥାକୁ ପ୍ୟାକେଜର ଲାଭ କ’ଣ ରହିବ ସେ ସମ୍ପର୍କରେ ପ୍ରତିକ୍ରିୟା…

– ବାସ୍ତବିକ ଭାବେ ବିଚାର କଲେ ଲୋକମାନେ ବ୍ୟାପକ ଭାବେ ନିଯୁକ୍ତି ହରାଇଥିବାରୁ ବ୍ୟାପକ ବେକାରି ସମସ୍ୟା ସୃଷ୍ଟି ହୋଇଛି। ଲୋକମାନେ ଚାକିରି ହରାଇଥିବାରୁ ଅର୍ଥ ବ୍ୟବସ୍ଥାରେ ମୋଟ ଚାହିଦା ବର୍ତ୍ତମାନ କମ୍‌ ରହିବ। ଚାହିଦା କମିବାରୁ ଏଣ୍ଟରପ୍ରାଇଜଗୁଡିକର ଲାଭ କରିବା ଆଶା ମଧ୍ୟ କମ୍‌ ରହିବ। ଉତ୍ପାଦିତ ସାମଗ୍ରୀ ବ୍ୟବସାୟ ହେବାରେ ବାଧା ଉପୁଜିବ। ଏଭଳି ସ୍ଥିତିରେ ଯେତେ କମ୍‌ ସୁଧ ହାରରେ ଋଣ ପ୍ରଦାନ କଲେ ମଧ୍ୟ ଲୋକମାନେ ସେ ଋଣ ନେଇ ନିବେଶ କରିବା ଲାଗି ଆଗେଇ ଆସିବେ ନାହିଁ। ସରକାର ବର୍ତ୍ତମାନ ଏତେ ବଡ ଧରଣର ଋଣ ଦେବାକୁ ଘୋଷଣା କରିଛନ୍ତି। ରିଜର୍ଭ ବ୍ୟାଙ୍କ ମଧ୍ୟ ସୁଧହାର ଘୋଷଣା କରିଛନ୍ତି। ଋଣ ପ୍ରଦାନ ନେଇ ବ୍ୟାପକ ବ୍ୟବସ୍ଥା ହୋଇଛି। ମାତ୍ର କମ୍ପାନୀଗୁଡିକର ଲାଭ କରିବା ଆଶା କ୍ଷୀଣ ରହିବା ଯୋଗୁ ସେମାନେ ପୁଞ୍ଜିନିବେଶ କରିବାକୁ ଆସିବେ ନାହିଁ। ସରକାର କିଛିଟା ଭଲ ପଦକ୍ଷେପ ଗ୍ରହଣ କରିଛନ୍ତି। ଆତ୍ମନିର୍ଭର ଭାରତ ଲାଗି ୨୦୦ କୋଟି କୋଟି ଟଙ୍କାର ଟେଣ୍ଡର ଉପରେ ଘରୋଇ କମ୍ପାନୀଙ୍କୁ କେବଳ ସୁଯୋଗ ଦେବା କିମ୍ବା ଏମ୍‌ଏସ୍‌ଏମ୍‌ଇ ସଂଜ୍ଞା ପଦକ୍ଷେପ ଲାଭକାରୀ ପଦକ୍ଷେପ। ମାତ୍ର ଏହାର ବିଶେଷ ଫାଇଦା ହେବ ନାହିଁ। କାରଣ ଏହାକୁ ସାଧାରଣ ସମୟରେ କରିଥିଲେ ଭଲ ହୋଇଥାନ୍ତା। ବର୍ତ୍ତମାନ ଲୋକଙ୍କର ରୋଜଗାର କମିଥିବା ବେଳେ ବେରୋଜଗାରୀ ବଢ଼ିଛି। ଫଳରେ ସରକାରଙ୍କ ପଦକ୍ଷେପ ବିଶେଷ ଫଳପ୍ରଦ ହେବନି। ଲୋକମାନଙ୍କ ନିକଟରେ ସିଧାସଳଖ ନଗଦ ଅର୍ଥ ପହଞ୍ଚାଇବା ଉପରେ ଫୋକସ କରିବା ଆବଶ୍ୟକ। ଏହାଦ୍ୱାରା ଚାହିଦା ବଢିବା ଦିଗରେ ସୁବିଧା ହେବ। ପ୍ରତ୍ୟକ୍ଷ ନିଯୁକ୍ତି ସୁଯୋଗ ବଢ଼ାଇବା ଉପରେ ମଧ୍ୟ ସରକାର ପଦକ୍ଷେପ ନେଇପାରିବେ।
– ଅମରେନ୍ଦ୍ର ଦାସ, ଆସିଷ୍ଟାଣ୍ଟ ପ୍ରଫେସର, ନାଇଜର

ଅର୍ଥ ବ୍ୟବସ୍ଥା ଲାଗି ବଡ଼ ପ୍ୟାକେଜ ଯେହେତୁ ଘୋଷଣା ହୋଇଛି ପ୍ରଭାବ ଭଲ ରହିବ ବୋଲି ଆଶାବାଦୀ। କିନ୍ତୁ ଯୋଜନାଗୁଡିକର ଲାଭ ଯେତେ ଶୀଘ୍ର ମିଳିବ ସେତେ ଭଲ ରହିବ। କ୍ଷୁଦ୍ର ଶିଳ୍ପଗୁଡିକୁ ଶୀଘ୍ର ଋଣ ପ୍ରଦାନ କରାଯିବାର ଆବଶ୍ୟକତା ରହିଛି। ବ୍ୟବସାୟୀଙ୍କୁ ଋଣ ତ୍ୱରିତ ମିଳିଲେ ସେମାନେ କାରବାର ପୁଣି ସମ୍ଭାଳିବେ। ଯାହା ବି ଘୋଷଣା ହୋଇଛି ତା’ର ରୂପାୟନ ଶୀଘ୍ର ହେବା ଜରୁରୀ। ବ୍ୟାଙ୍କଗୁଡିକ ରେପୋ କମାଇଲେ ବିତ୍ତ ବଜାରକୁ ଅଧିକ ଅର୍ଥ ଆସିବ। ଏହାର ପ୍ରଭାବ ଅର୍ଥ ବ୍ୟବସ୍ଥା ଉପରେ ଭଲ ଭାବେ ପଡିବ। କାରବାର ବଢିବ। ଅର୍ଥ ବ୍ୟବସ୍ଥା ବଢ଼ିବା ଦିଗରେ ଏହା ସହାୟତା କରିବ। ଏଣୁ ବ୍ୟାଙ୍କଗୁଡିକ ଅର୍ଥ ବ୍ୟବସ୍ଥାକୁ ସହାୟତା ଲାଗି ଠିକ୍‌ ଭାବେ ଯୋଗଦାନ ରଖିବା ଜରୁରୀ। ବର୍ତ୍ତମାନ ଅର୍ଥ ବ୍ୟବସ୍ଥା ଠପ୍‌ । ଶେୟାର ବଜାର ପ୍ରାୟ ୩୦ରୁ ୪୦% ଖସିଛି। ଏଣୁ ସରକାରଙ୍କ ପଦକ୍ଷେପ ତ୍ୱରିତ ଭାବେ ଲାଗୁ ହେବା ଜରୁରୀ। ଅନ୍ତର୍ଜାତୀୟ ମୁଦ୍ରାପାଣ୍ଠି (ଆଇଏମ୍‌ଏଫ୍‌) ଆକଳନ ମୁତାବକ ଭାରତ ୧.୯% ହାରରେ ଅଭିବୃଦ୍ଧି କରିବ। ଲକ୍‌ଡାଉନ ବଢୁଥିବା ବେଳେ ଯଦି ଯୋଜନା ତ୍ୱରିତ ଲାଗୁ ନ ହୁଏ ଅର୍ଥ ବ୍ୟବସ୍ଥା ଲାଗି ଲାଭକାରୀ ହେବ ନାହିଁ। ୩ରୁ ୬ ମାସ ମଧ୍ୟରେ ସରକାର ସବୁ କଥାକୁ ସମ୍ଭାଳିବା ଉଚିତ। ଏହା ନ ହେଲେ ଭଲ ଆଶା କରାଯାଇ ନ ପାରେ।
– ରୂପ କୁମାର, ଫାଇନାନ୍ସିଆଲ ଆଡଭାଇଜର

– ସରକାରଙ୍କ ପ୍ୟାକେଜରେ ବ୍ୟବସାୟୀଙ୍କ ଲାଗି ସିଧାସଳଖ କିଛି ପଦକ୍ଷେପ ଆସିନି। କୌଣସି ବନ୍ଦୋବସ୍ତ ନାହିଁ କିମ୍ବା କୌଣସି ପ୍ୟାକେଜ ଆସିନାହିଁ। କିନ୍ତୁ ସରକାରଙ୍କ ଯୋଜନା ସବୁ ଠିକ୍‌ ଠାକ ଚାଲେ ତେବେ ବଜାରକୁ ଅଧିକ ଅର୍ଥ ଆସିବ। ଏହାଦ୍ୱାରା ବ୍ୟବସାୟୀଙ୍କ ଉପରେ ଭଲ ପ୍ରଭାବ ପକାଇବ। ସରକାର ଯେଭଳିି ଚାଷୀ, ଶ୍ରମିକ, ସରକାରୀ କର୍ମଚାରୀ ଏବଂ ଅନ୍ୟ ବର୍ଗଙ୍କ କଥା ବିଚାର କରିଛନ୍ତି ବ୍ୟବସାୟୀଙ୍କ ଲାଗି ସେଭଳି କିଛି କଥା ବିଚାର କରିନାହାନ୍ତି। ମୋଟ ଉପରେ ଯେଉଁ ଘୋଷଣା ହୋଇଛି ସେଥିରୁ କିଛି ବଜାରକୁ ଲାଭ ମିଳିପାରେ। ସରକାରଙ୍କ ନିକଟରେ କିଛି ପ୍ରତ୍ୟକ୍ଷ ଦାବି କରାଯାଇଥିଲା। ରାଜ୍ୟ ସରକାରଙ୍କ ନିକଟରେ ଭଡ଼ା ଛାଡ଼, ବ୍ୟବସାୟୀଙ୍କ ଲାଗି ହାରାହାରି ବିଦ୍ୟୁତ୍‌ ବିଲ୍‌ରେ ବାଦ୍‌ ଦେବା, ବ୍ୟାଙ୍କ ଋଣ ଛାଡ଼ ନେଇ ଦାବି ହୋଇଛି। କୋଭିଡ୍‌ ଲାଗି ଅତିରିକ୍ତ ୧୦% ଲୋନ୍‌ ଦେବା ଲାଗି ସରକାର ବ୍ୟାଙ୍କଗୁଡିକୁ କହିଛନ୍ତି। ପ୍ରତ୍ୟକ୍ଷ ଭାବେ ପଦକ୍ଷେପ ନେଇଥିଲେ ଭଲ ହୋଇଥିଲେ ଭଲ ହୋଇଥାନ୍ତି। ବର୍ତ୍ତମାନ ଗ୍ରାହକଙ୍କ ଆବଶ୍ୟକତାକୁ ଏବେ ଗୁରୁତ୍ୱ ଦେଉଛୁ। ସରକାର ବ୍ୟବସାୟୀଙ୍କ କ୍ଷେତ୍ରରେ ଯେଭଳି ଅନ୍ୟାୟ କରିଛନ୍ତି ସାରା ଦେଶରେ କିଭଳି ତା’ର ପ୍ରତିବାଦ କରାଯିବ ସଂଘର ପ୍ରମୁଖ ନେତୃତ୍ୱ ବିଚାର କରିବେ।
– ସୁଧାକର ପଣ୍ଡା, ବ୍ୟବସାୟୀ ମହାସଂଘ ସଭାପତି

– ଅର୍ଥମନ୍ତ୍ରୀ ନିର୍ମଳା ସୀତାରାମନ ଘୋଷଣା କରିଥିବା ୨୦ ଲକ୍ଷ କୋଟି ଟଙ୍କାର ଆର୍ଥତ୍କ ପ୍ୟାକେଜ ସମୟୋଚିତ। ଏକ ନିମ୍ନମୁଖୀ ଅର୍ଥ ବ୍ୟବସ୍ଥାକୁ ପତନରୁ ରକ୍ଷା କରିବାକୁ ହେଲେ ରାଜକୋଷୀୟ ପନ୍ଥା ହିଁ ସର୍ବଶ୍ରେଷ୍ଠ ଉପାୟ। ସରକାର ଚାଷୀ ଏବଂ ଉଦ୍ୟୋଗୀଙ୍କ ଲାଗି ଋଣ ପ୍ରାପ୍ତିକୁ ସୁଲଭ କରିଛନ୍ତି। ରାଜ୍ୟଗୁଡିକୁ ଅତିରିକ୍ତ ଋଣ କରିବା ନେଇ ସୁଯୋଗ ଦେଇଛନ୍ତି। ଏମ୍‌ଜିଏନ୍‌ଆର୍‌ଇଜିଏସ୍‌ ପାଇଁ ଯେଉଁ ଅତିରିକ୍ତ ୪୦ ହଜାର କୋଟି ଟଙ୍କାର ପାଣ୍ଠି ଘୋଷଣା କରାଯାଇଛି ଏହା ଏକ ଭଲ କଥା। କେନ୍ଦ୍ର ସରକାର ଆବଶ୍ୟକତା ଅନୁସାରେ ଏହି ବାବଦରେ ଅଧିକ ଅର୍ଥ ବ୍ୟୟ ବରାଦ କରିବେ ବୋଲି ଆଶାବାଦୀ। ଏହା ନ ହେଲେ ପ୍ରବାସୀ ଶ୍ରମିକଙ୍କୁ କର୍ମଯୋଗାଣ ଯୋଗାଇଦେବା ଜଟିଳତର ହେବ। ସରକାର ଗ୍ରହଣ କରିଥିବା ପଦକ୍ଷେପର ସଫଳତା ଶାସନ ବ୍ୟବସ୍ଥାରେ ପଟୁତା ଓ ପ୍ରଶାସନିକ ପ୍ରବନ୍ଧନ ଉପରେ ନିର୍ଭରକରେ। ବର୍ତ୍ତମାନ ସମୟରେ ଯେଭଳି ପ୍ରବାସୀ ଶ୍ରମିକଙ୍କ ପ୍ରବସନ ସଙ୍କଟ ଲାଗି ରହିଛି, ସଂଶୟ ଜାତ ହେବା ସ୍ବାଭାବିକ। ଶ୍ରମ ସଙ୍କଟର ସମାଧାନ ନ ହେବା ଯାଏ ଅର୍ଥ ବ୍ୟବସ୍ଥା ସୁଧୁରିବା କଳ୍ପନା କରିବା ଅସମ୍ଭବ।
– ଡ. ଚିତ୍ତରଞ୍ଜନ ନାୟକ, ଆସିଷ୍ଟାଣ୍ଟ ପ୍ରଫେସର, ରେଭେନ୍‌ଶା ବିଶ୍ୱବିଦ୍ୟାଳୟ


All Right Reserved By Dharitri.Com

ବିଦେଶୀ ମୁଦ୍ରା ଭଣ୍ଡାରରେ ସର୍ବକାଳୀନ ରେକର୍ଡ

ମୁମ୍ବାଇ,୧୭ -୮: ଦେଶର ବିଦେଶୀ ମୁଦ୍ରା ଭଣ୍ଡାର ଅଗଷ୍ଟ ୯ସୁଦ୍ଧା ଶେଷ ହୋଇଥିବା ସପ୍ତାହରେ ୧.୬୨୦ ବିଲିୟନ ଡଲାର ବୃଦ୍ଧି ପାଇ ୪୩୦.୫୭୨ ବିଲିୟନ ଡଲାର...

ମହଙ୍ଗା ହେବ ପେଟ୍ରୋଲ, ଡିଜେଲ ଗାଡ଼ି କ୍ରୟ;ପଞ୍ଜୀକରଣ, ନବୀକରଣ ବହୁଗୁଣା ବୃଦ୍ଧି

ନୂଆଦିଲ୍ଲୀ,୨୮-୭: କେନ୍ଦ୍ର ସରକାର ପେଟ୍ରୋଲ ଓ ଡିଜେଲ ଗାଡ଼ି କିଣାକୁ ନିରୁତ୍ସାହିତ କରିବା ତଥା ପୁରୁଣା ଗାଡ଼ିଗୁଡ଼ିକୁ ପର୍ଯ୍ୟାୟକ୍ରମେ ସଡ଼କରୁ ହଟାଇବାକୁ ଚାହୁଁଛନ୍ତି। ଏହାକୁ ଦୃଷ୍ଟିରେ...

ରପ୍ତାନି ୨.୨୫% ବୃଦ୍ଧି, ବାଣିଜ୍ୟ ନିଅଣ୍ଟ କମିଲା

ନୂଆଦିଲ୍ଲୀ,୧୬-୮: ଜୁଲାଇରେ ଦେଶର ରପ୍ତାନି ୨.୨୫ପ୍ରତିଶତ ବୃଦ୍ଧି ପାଇ ୨୬.୩୩ ବିଲିୟନ ଡଲାରରେ ପହଞ୍ଚତ୍ଛି ବୋଲି ସରକାରୀ ତଥ୍ୟରୁ ପ୍ରକାଶ। ଏହି ଅବଧିରେ ଦେଶର ଆମଦାନୀ...

୫ ଲକ୍ଷ କୋଟି ଡଲାର ଅର୍ଥନୀତି ନେଇ ପ୍ରଣବଙ୍କ ମନ୍ତବ୍ୟ; ହାସଲ ହୋଇପାରେ ସରକାରଙ୍କ ଲକ୍ଷ୍ୟ

ନୂଆଦିଲ୍ଲୀ,୨୬-୮: ଭାରତକୁ ୨୦୨୪-୨୫ ସୁଦ୍ଧା ୫ ଲକ୍ଷ କୋଟି ଡଲାର ଅର୍ଥନୀତିରେ ପରିଣତ କରିବା ଲାଗି ଏନ୍‌ଡିଏ ସରକାର ଧାର୍ଯ୍ୟ କରିଥିବା ଉଚ୍ଚାଭିଳାଷୀ ଲକ୍ଷ୍ୟ ହାସଲ...

ରିଲାଏନ୍ସ କମ୍ୟୁନିକେଶନରୁ ଅନୀଲ ଅମ୍ବାନୀଙ୍କ ଇସ୍ତଫା

ମୁମ୍ବାଇ,୧୭-୧୧: ଚଳିତ ଆର୍ଥତ୍କ ବର୍ଷ ଦ୍ୱିତୀୟ ତ୍ରୈମାସରେ ରିଲାଏନ୍ସ କମ୍ୟୁନିକେଶନ ୩୦,୧୪୨ କୋଟି ଟଙ୍କା କ୍ଷତି ସହିବା ପରେ ଏହାର ନିର୍ଦ୍ଦେଶକ ପଦବୀରୁ ଅନିଲ ଅମ୍ବାନୀ...

ଗ୍ଲୋବାଲ ବିଜ୍‌ନେସ୍‌ ଫୋରମରେ ମୋଦି: ‘ଭାରତରେ ନିବେଶ ଲାଗି ସୁବର୍ଣ୍ଣ ସୁଯୋଗ’

ନ୍ୟୁୟର୍କ,୨୬।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବୁଧବାର ଏଠାରେ ବ୍ଲୁମ୍‌ବର୍ଗ ଗ୍ଲୋବାଲ ଇନ୍‌ଭେଷ୍ଟର ଫୋରମ୍‌ରେ ଯୋଗ ଦେଇଛନ୍ତି। ଭାରତରେ ରାଜନୈତିକ ସ୍ଥିରତା ରହିଥିବା ବେଳେ ନିବେଶ ଲାଗି...

ବଢୁଛି ଆମେରିକା ଅତି ଧନୀଙ୍କ ସମ୍ପତ୍ତି

ନୂଆଦିଲ୍ଲୀ,୨୪।୫: କରୋନା ପାଇଁ ସାରା ବିଶ୍ୱ ଏବେ ସଙ୍କଟ ସମୟ ଦେଇ ଗତି କରୁଛି। ଭୂତାଣୁକୁ ରୋକିବା ଲାଗି ବିଭିନ୍ନ ଦେଶ ଲକ୍‌ଡାଉନ ହେବା ଯୋଗୁ...

ଆର୍‌ବିଆଇ କର୍ମଚାରୀ ୟୁନିୟନର ଦାବି;ଗଭର୍ନର, ଡେପୁଟି ଗଭର୍ନର ଚୟନ କଲେଜିୟମ ଦ୍ୱାରା ହେଉ

ମୁମ୍ବାଇ,୨୬-୬: ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ)ର ଗଭର୍ନର ଏବଂ ଡେପୁଟି ଗଭର୍ନରଙ୍କ ଚୟନ ବିଶେଷଜ୍ଞଙ୍କୁ ନେଇ ଗଠିତ କଲେଜିୟମ ଦ୍ୱାରା କରାଯିବା ଆବଶ୍ୟକ ବୋଲି କେନ୍ଦ୍ରୀୟ ବ୍ୟାଙ୍କ...

Leave a comment

Your email address will not be published. Required fields are marked *