ଘରୋଇ କ୍ଷେତ୍ରକୁ ଏମ୍‌ଜିଏନ୍‌ଆର୍‌ଇଜିଏ ଅର୍ଥ

ନୂଆଦିଲ୍ଲୀ,୧୮ା୫: ଘରୋଇ ଫ୍ୟାକ୍ଟ୍ରି ଓ ନିର୍ମାଣସ୍ଥଳ ଭଳି ପ୍ରାଇଭେଟ୍‌ ଏଣ୍ଟରପ୍ରାଇଜ୍‌ରେ ନିୟୋଜିତ ଶ୍ରମିକଙ୍କ ପାଇଁ ମହାମତ୍ା ଗାନ୍ଧୀ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଆଇନ (ଏମ୍‌ଜିଏନ୍‌ଆର୍‌ଇଜିଏ) କାର୍ଯ୍ୟକାରୀ କରିବାକୁ କେନ୍ଦ୍ର ସରକାର ବିଚାର କରୁଛନ୍ତି। ଏମ୍‌ଜିଏନ୍‌ଆଇଜିଏ ପାଣ୍ଠିକୁ ଘରୋଇ କ୍ଷେତ୍ରରେ ଖର୍ଚ୍ଚ କରିବା ଲାଗି ଏକ ମିନିଷ୍ଟରିଆଲ୍‌ ପ୍ୟାନେଲ ସୁପାରିସ କରିଥିବା ଜଣାପଡ଼ିଛି। ସାମାଜିକ ନ୍ୟାୟ ଓ ସଶକ୍ତୀକରଣ ମନ୍ତ୍ରୀ ଥାଓ୍ବରଚନ୍ଦ ଗେହଲଟଙ୍କ ନେତୃତ୍ୱରେ ନିଯୁକ୍ତି ସମ୍ପର୍କିତ ଅଣାନୁଷ୍ଠାନିକ ମନ୍ତ୍ରୀ ଗୋଷ୍ଠୀ (ଜିଓଏମ୍‌) ପକ୍ଷରୁ କରାଯାଇଥିବା ସୁପାରିସ ହେଲା, ଘରୋଇ କ୍ଷେତ୍ରରେ କାମ କରୁଥିବା ଶ୍ରମିକମାନଙ୍କୁ ଏମ୍‌ଜିଏନ୍‌ଆର୍‌ଇଜିଏ ପାଣ୍ଠିରୁ ସବ୍‌ସିଡି ଅର୍ଥ ଦିଆଯିବ। ନିର୍ମାଣ ଶ୍ରମିକ ଓ ଫ୍ୟାକ୍ଟ୍ରିର ଶ୍ରମିକମାନଙ୍କୁ ମଧ୍ୟ ଉକ୍ତ ଯୋଜନା ଅଧୀନରେ ଯୋଗ୍ୟ ବିବେଚନା କରାଯିବ। ଏହି ପଦକ୍ଷେପ ଏମ୍‌ଜିଏନ୍‌ଆର୍‌ଇଜିଏକୁ ନୂଆ କରି ପରିଭାଷିତ କରିବ। ତେବେ ଏଥିପାଇଁ ୨୦୦୫ର ଏହି ଆଇନରେ ଏକ ସଂଶୋଧନ ଜରୁରୀ।
କଂଗ୍ରେସ ନେତୃତ୍ୱାଧୀନ ସଂଯୁକ୍ତ ପ୍ରଗତିଶୀଳ ମେଣ୍ଟ (ଉପା) ସରକାର ଅମଳରେ ଆରମ୍ଭ ହୋଇଥିବା ଏମ୍‌ଜିଏନ୍‌ଆର୍‌ଇଜିଏ ଆଇନରେ ଗ୍ରାମାଞ୍ଚଳର ପ୍ରତ୍ୟେକ ପରିବାର ପାଇଁ ୧୦୦ ଦିନର କାର୍ଯ୍ୟ ସହ ମଜୁରି ନିଶ୍ଚିତ କରାଯାଇଛି। ତେବେ ଏହା ଫ୍ୟାକ୍ଟ୍ରି ଓ ଦୋକାନଗୁଡ଼ିକରେ କାର୍ଯ୍ୟକାରୀ ହେଉନାହିଁ। ସରକାରୀ ସୂତ୍ରରୁ ଜଣାପଡ଼ିଛି ଯେ, ଏହି ପ୍ରସ୍ତାବଗୁଡ଼ିକୁ ଗ୍ରହଣ କରାଗଲେ ଗ୍ରାମାଞ୍ଚଳ ନିଶ୍ଚିତ କର୍ମନିଯୁକ୍ତି ଯୋଜନାର ପରିସର ବୃଦ୍ଧି ଘଟିବ। ଫଳରେ ଏହି ଆଇନ ଅଧୀନରେ ସେହି ଗ୍ରାମାଞ୍ଚଳ ଏବଂ ଅର୍ଦ୍ଧସହରାଞ୍ଚଳଗୁଡ଼ିକ ଆସିବ, ଯେଉଁଠି ଫ୍ୟାକ୍ଟ୍ରି ଓ କନ୍‌ଷ୍ଟ୍ରକଶନ କମ୍ପାନୀଗୁଡ଼ିକ ରହିଥିବ। ଘରୋଇ କ୍ଷେତ୍ରକୁ କାର୍ଯ୍ୟ ଆରମ୍ଭ ଲାଗି ପ୍ରୋତ୍ସାହନ ଦେବା ପାଇଁ ସେମାନଙ୍କ ପକ୍ଷରୁ ପ୍ରଦାନ କରାଯାଉଥିବା ମଜୁରି ଏମ୍‌ଜିଏନ୍‌ଆର୍‌ଇଜିଏ ପାରିଶ୍ରମିକ ଅଂଶର ଊର୍ଦ୍ଧ୍ୱରେ ରହିବା ଉଚିତ। ଏପ୍ରିଲ ୧ରୁ ହାରାହାରି ଏମ୍‌ଜିଏନ୍‌ଆଇଜିଏ ମଜୁରି ହାର ଶ୍ରମିକ ପିଛା ଦିନକୁ ୨୦୨ ଟଙ୍କାକୁ ବୃଦ୍ଧି କରାଯାଇଛି। ଉକ୍ତ ସୁପାରିସର ତାତ୍ପର୍ଯ୍ୟ ହେଉଛି, ଏମ୍‌ଜିଏନ୍‌ଆର୍‌ଇଜିଏ ମଜୁରି ବାବଦ (୨୦୨ ଟଙ୍କା)କୁ ରାଜ୍ୟଗୁଡ଼ିକ ପକ୍ଷରୁ ସମ୍ପୃକ୍ତ ଘରୋଇ ସଂସ୍ଥାଗୁଡ଼ିକ ନିକଟକୁ ହସ୍ତାନ୍ତର କରାଯିବ। ଘରୋଇ କମ୍ପାନୀଗୁଡ଼ିକର ନଗଦ ସମସ୍ୟାକୁ ଦୂର କରିବା ପାଇଁ ଏହା ଏକ ସବ୍‌ସିଡି। ସରକାରଙ୍କ ଏହି ଅନୁଦାନ ସହ କମ୍ପାନୀଗୁଡ଼ିକ ସେମାନଙ୍କ ଶ୍ରମିକଙ୍କ ଦକ୍ଷତା ଅନୁସାରେ ସର୍ବନିମ୍ନ ମଜୁରି ପ୍ରଦାନ କରିବେ। କରୋନା ସଂକ୍ରମଣର ମୁକାବିଲା ପାଇଁ ଦେଶବ୍ୟାପୀ ଜାରି ଲକ୍‌ଡାଉନ୍‌ ଯୋଗୁ ବନ୍ଦ ହୋଇଯାଇଥିବା ଆର୍ଥିକ ଗତିବିଧିକୁ ସକ୍ରିୟ କରିବା ଲାଗି ଏହି ପଦକ୍ଷେପ ନିଆଯାଉଛି। କାରଣ ପ୍ରାୟ ଦୁଇମାସ ଧରି ଚାଲିଥିବା ଲକ୍‌ଡାଉନ୍‌ ଯୋଗୁ ଅନେକ ଛୋଟ ଫ୍ୟାକ୍ଟ୍ରି ଓ ନିର୍ମାଣ କମ୍ପାନୀ ନଗଦ ସଙ୍କଟକୁ ସାମ୍ନା କରୁଛନ୍ତି। ଜିଓଏମ୍‌ କେନ୍ଦ୍ର ସରକାରଙ୍କୁ ଚଳିତ ସପ୍ତାହରେ ଉକ୍ତ ରିପୋର୍ଟ ପ୍ରଦାନ କରିଛି।
ପଦକ୍ଷେପକୁ ନେଇ ସମାଲୋଚନା
ମନ୍ତ୍ରୀସ୍ତରୀୟ ପ୍ୟାନେଲର ପ୍ରସ୍ତାବଗୁଡ଼ିକୁ ନେଇ ବିବାଦ ଉଠିସାରିଛି। ଶୁକ୍ରବାର ମଜଦୁର କିଷାନ ଶକ୍ତି ସଙ୍ଗଠନ(ଏମ୍‌କେଏସ୍‌ଏସ୍‌)ର ଅଧିକାର କର୍ମୀ ଅରୁଣା ରୟ ଓ ନିଖିଲ ଦେ ଏକ ବିବୃତି ଜାରି କରିଥିଲେ। ଏମ୍‌ଜିଏନ୍‌ଆର୍‌ଇଜିଏ ଗାଇଡ୍‌ଲାନରେ ଅଣାଯିବାକୁ ଥିବା ପ୍ରସ୍ତାବିତ ପରିବର୍ତ୍ତନକୁ ନେଇ ସେମାନେ ପ୍ରଶ୍ନ ଉଠାଇଛନ୍ତି। କେଏମ୍‌ଏସ୍‌ଏସ୍‌ ବିବୃତିରେ ଉଲ୍ଲେଖ କରାଯାଇଛି, ଆମେ ଦୃଢ଼ ଭାବେ ବିଶ୍ୱାସ କରୁଛୁ ଯେ ଏମ୍‌ଜିଏନ୍‌ଆର୍‌ଇଜିଏ ଅଧୀନରେ ଥିବା ଅଧିକାର ଆଇନ ଦ୍ୱାରା ପ୍ରଦତ୍ତ। ଏହାକୁ ସୁରକ୍ଷା ଓ ସମ୍ମାନ ଦିଆଯିବା ଉଚିତ। ପରିବାରଗୁଡ଼ିକ ପାଇଁ କାର୍ଯ୍ୟ ଦିବସ ବଢ଼ାଇବା ଭଳି ଏମ୍‌ଜିଏନ୍‌ଆର୍‌ଇଜିଏର ପରିସର ବୃଦ୍ଧି ନେଇ କୌଣସି ପ୍ରକାର ଉଦ୍ୟମ ଏହି ଆଇନ ଅନୁମୋଦିତ କାର୍ଯ୍ୟର ବୈଶିଷ୍ଟ୍ୟକୁ ନେଇ ହେବା ଦରକାର। ସହରାଞ୍ଚଳକୁ ଏଥିରେ ଅନ୍ତର୍ଭୁକ୍ତ କରିବା ଏକ ଜରୁରୀ ପ୍ରସଙ୍ଗ। ଏହାକୁ ପୂର୍ବରୁ ଆଇନତଃ ମିଳିଥିବା ଅଧିକାର ସହ ଅତିରିକ୍ତ ଭାବେ ଦିଆଯିବା ଉଚିତ, ସେଗୁଡ଼ିକ ବଦଳରେ ନୁହେଁ। ଏଥିରେ ଆହୁରି କୁହାଯାଇଛି ଯେ, ଗାଇଡ୍‌ଲାଇନ୍‌ରେ କୌଣସି ପ୍ରକାର ପରିବର୍ତ୍ତନ ପାଇଁ ଉଦ୍ୟମ କରାଗଲେ ତାହା ଆଇନାନୁସାରେ ଗଠିତ ତଥା ଦେଶରେ ଏହି ଯୋଜନାର କାର୍ଯ୍ୟକାରିତା ନେଇ ପରାମର୍ଶ ଦେଇ ସମୀକ୍ଷା କରୁଥିବା କେନ୍ଦ୍ରୀୟ ଓ ରାଜ୍ୟ ଏମ୍ପ୍ଲୟମେଣ୍ଟ କାଉନ୍‌ସିଲଗୁଡ଼ିକର ପରାମର୍ଶକ୍ରମେ ହେଉ।
ଅନ୍ୟ ପ୍ରସ୍ତାବ
ଲକ୍‌ଡାଉନ୍‌ ଯୋଗୁ ଲକ୍ଷ ଲକ୍ଷ ଶ୍ରମିକ କର୍ମସଂସ୍ଥାନ ହରାଇ ସହର ଛାଡ଼ି ନିଜ ନିଜ ଗାଁକୁ ଫେରିବାକୁ ବାଧ୍ୟ ହୋଇଛନ୍ତି। ଫଳରେ ସୃଷ୍ଟି ହୋଇଥିବା ଜୀବିକା ସମ୍ପର୍କିତ ସମସ୍ୟାଗୁଡ଼ିକର ସମାଧାନ ପାଇଁ ସରକାରଙ୍କ ଉପରେ ଚାପ ବଢ଼ିବାରେ ଲାଗିଛି। ଏଥିପାଇଁ ଗାଁକୁ ଫେରୁଥିବା ଶ୍ରମିକମାନଙ୍କୁ ମଧ୍ୟ ଜବ୍‌କାର୍ଡ ଦିଆଯିବା ଉଚିତ, ଯଦ୍ଦ୍ବାରା ସୋନେ ନିଜ ଦକ୍ଷତା ଅନୁସାରେ କାମ ପାଇପାରିବେ ବୋଲି ଜିଓଏମ୍‌ ପ୍ରସ୍ତାବ ଦେଇଛି। ଦକ୍ଷତା ବିକାଶ କାର୍ଯ୍ୟକ୍ରମ ପାଇଁ ୧୦୦ ଦିନର କାର୍ଯ୍ୟ ଶେଷ କରିଥିବା ପରିବାରଗୁଡ଼ିକୁ ଅର୍ଦ୍ଧ-କୁଶଳୀ/କୁଶଳୀ ଶ୍ରମଶକ୍ତିରେ ପରିଣତ କରିବା ଲାଗି ଏଥିରେ ସାମିଲ କରିବା ପାଇଁ ମଧ୍ୟ ପ୍ୟାନେଲ ପ୍ରସ୍ତାବ ଦେଇଛି। ଏମ୍‌ଜିଏନ୍‌ଆର୍‌ଇଜିଏ ବାହାରେ କାମ ଖୋଜି ପାଇବାରେ ସେମାନଙ୍କୁ ଏହା ସହାୟକ ହେବ।
ବହୁ ସଂଖ୍ୟକ ଶ୍ରମ ଶକ୍ତି ଗାଁକୁ ଫେରିବାରେ ଲାଗିଥିବାରୁ ଚିନ୍ତା ବଢ଼ିଛି। ଏଥିପାଇଁ ଦାଦନ ଶ୍ରମିକମାନଙ୍କୁ କାମ ଯୋଗାଇଦେବା ଲାଗି ସରକାର ଏମ୍‌ଜିଏନ୍‌ଆର୍‌ଇଜିଏକୁ ମୁଖ୍ୟ ଆଧାର ଭାବେ ଗ୍ରହଣ କରିଛନ୍ତି। ଗୁରୁବାର ଅର୍ଥମନ୍ତ୍ରୀ ନିର୍ମଳା ସୀତାରାମନ କୋଭିଡ୍‌-୧୯ ରିଲିଫ୍‌ ପ୍ୟାକେଜ୍‌ର ଦ୍ୱିତୀୟ ପେଡ଼ି ଖୋଲିବାବେଳେ ଏ ସମ୍ପର୍କରେ ସୂଚନା ଦେଇ ସରକାରଙ୍କ ଆଭିମୁଖ୍ୟ ସ୍ପଷ୍ଟ କରିଥିଲେ। ସୀତାରାମନ କହିଥିଲେ, ସରକାର ବାହୁଡ଼ା ଶ୍ରମିକମାନଙ୍କୁ ଲଗାତର ଏମ୍‌ଜିଏନ୍‌ଆର୍‌ଇଜିଏର ସୁବିଧା ଦେଇଆସୁଛନ୍ତି। ବର୍ତ୍ତମାନ ସୁଦ୍ଧା ପ୍ରକୃତ ବ୍ୟୟ ପ୍ରାୟ ୧୦,୦୦୦ କୋଟି ରହିଛି। ମାର୍ଚ୍ଚ ୨୬ରେ ସେ ଏମ୍‌ଜିଏନ୍‌ଆର୍‌ଇଜିଏ ମଜୁରିକୁ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ଅଧୀନରେ ଦୈନିକ ୧୮୨ ଟଙ୍କାରୁ ବୃଦ୍ଧି କରିଥିଲେ।


All Right Reserved By Dharitri.Com

ବ୍ୟାଙ୍କିଙ୍ଗ୍‌ ଶିଳ୍ପ ସମସ୍ୟାକୁ ନେଇ ଅଭିଜିତ ବାନାର୍ଜୀଙ୍କ ଉଦ୍‌ବେଗ

ନୂଆଦିଲ୍ଲୀ,୨୩-୧୦: ଭାରତର ବ୍ୟାଙ୍କିଙ୍ଗ ଶିଳ୍ପରେ ଲାଗି ରହିଥିବା ବିଭିନ୍ନ ସମସ୍ୟା ନେଇ ନୋବେଲ ବିଜେତା ଅଭିଜିତ ବାନାର୍ଜୀ ଉଦବେଗ ପ୍ରକାଶ କରିଛନ୍ତି। ଉକ୍ତ କ୍ଷେତ୍ର ସମସ୍ୟା...

କରୋନା ପ୍ରଭାବ: କର୍ମଚାରୀଙ୍କ ଦରମା କାଟ୍‌ କଲା ଜୋମାଟୋ

ନୂଆଦିଲ୍ଲୀ,୨୬।୩: ସାରା ପୃଥିବୀ କରୋନା ଆତଙ୍କରେ ରହିଛି। ଏପରି ସ୍ଥଳେ ଭାରତ ସରକାରଙ୍କ ପକ୍ଷରୁ ୨୧ ଦିନିଆ ଲକ୍‌ ଡାଉନ୍‌ ଜାରି କରାଯିବା ସହିତ ବିଭିନ୍ନ...

ମୋଦିଙ୍କ ସହ ସାକ୍ଷାତ ପୂର୍ବରୁ ପୁଣି ଟାରିଫ ପ୍ରସଙ୍ଗ ଉଠାଇଲେ ଟ୍ରମ୍ପ

ଟୋକିଓ/ନୂଆଦିଲ୍ଲୀ,୨୮-୬: ଜି-୨୦ ସମ୍ମିଳନୀ ଅବସରରେ ଜାପାନର ଓସାକା ଠାରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବେ। ଏହି ବୈଠକରେ ଦୁଇ...

ବିଜୟ ମାଲ୍ୟା ପ୍ରତ୍ୟର୍ପଣ ମାମଲା;ହାଇକୋର୍ଟରେ ଜୁଲାଇ ୨ରେ ଶୁଣାଣି

ଲଣ୍ଡନ,୨୭-୪: ମଦ ବ୍ୟବସାୟୀ ବିଜୟ ମାଲ୍ୟା ପ୍ରତ୍ୟର୍ପଣ ମାମଲାରେ ଲଣ୍ଡନ ହାଇକୋର୍ଟ ଜୁଲାଇ ୨ରେ ଶୁଣାଣି କରିବେ। ସେହି ଦିନ ମାଲ୍ୟାଙ୍କ ପକ୍ଷରୁ ହାଇକୋର୍ଟରେ ମାମଲା...

ଅଣ ସଙ୍ଗଠିତ କ୍ଷେତ୍ରର ୪୦ କୋଟି ନିଯୁକ୍ତି ପ୍ରତି ବିପଦ

ନୂଆଦିଲ୍ଲୀ,୮।୪: କରୋନା ଯୋଗୁ ଦେଶର ଖୁଚୁରା ବ୍ୟବସାୟ କ୍ଷେତ୍ରରେ ୮୦ ହଜାର ଲୋକ ଚାକିରି ହରାଇବାର ଆଶଙ୍କା କରାଯାଇଛି। ସେହିଭଳି ଅଣ ସଙ୍ଗଠିତ କ୍ଷେତ୍ରର ୪୦...

କର୍ପୋରେଟ ଟିକସକୁ ଧୀରେ ଧୀରେ କମାଯିବ: ସୀତାରାମନ୍‌

ନୂଆଦିଲ୍ଲୀ,୨୦-୮: କର୍ପୋରେଟ ଟିକସକୁ ଧୀରେ ଧୀରେ ୨୫%କୁ ହ୍ରାସ କରାଯିବ ବୋଲି କେନ୍ଦ୍ର ଅର୍ଥମନ୍ତୀ ନିର୍ମଳା ସୀତାରାମନ୍‌ ସୋମବାର କହିଛନ୍ତି। ଦେଶ ପାଇଁ ସମ୍ପତ୍ତି ସୃଷ୍ଟି...

ସରକାରୀ ପ୍ରୋତ୍ସାହନ ନ ମିଳିଲେ ବନ୍ଦ ହୋଇଯିବ ଭୋଡାଫୋନ-ଆଇଡିଆ

ନୂଆଦିଲ୍ଲୀ,୭-୧୨: ଟେଲିକମ୍‌ କମ୍ପାନୀଗୁଡିକ ଏବେ ପ୍ରଭାବିତ ସ୍ଥିତିରେ ରହିଛନ୍ତି। କମ୍ପାନୀଗୁଡିକ ଉପରେ ଏବେ ବୃହତ୍‌ ଋଣ ବୋଝ ରହିଥିବାରୁ କାର୍ଯ୍ୟ ପରିଚାଳନା କରିବା କଷ୍ଟକର ହୋଇପଡିଛି।...

ବୀମାରେ ସାମିଲ ହେବ ମାନସିକ, ଜେନେଟିକ ରୋଗ

ନୂଆଦିଲ୍ଲୀ,୧୯-୫: ଭାରତୀୟ ବୀମା ବିନିୟାମକ ଏବଂ ବିକାଶ ପ୍ରାଧିକରଣ(ଆଇଆର୍‌ଡିଏ) ବୀମା କମ୍ପାନୀଗୁଡ଼ିକୁ ମାନସିକ ଅସୁବିଧା, ଜେନେଟିକ ରୋଗ, ନ୍ୟୁରୋ ସମ୍ପର୍କିତ ବିକାର ତଥା ମନୋବୈଜ୍ଞାନିକ ବିକାର...

Leave a comment

Your email address will not be published. Required fields are marked *