ସତ୍ୟ ସ୍ବାଇଁଙ୍କୁ ଗୁଜରାଟ ପୋଲିସ ପିଟିପିଟି ହତ୍ୟା ଘଟଣା: ଅଭିଯୁକ୍ତଙ୍କ ଫାଶୀ ଦାବି

ଭଞ୍ଜନଗର,୧୬ା୫(ଡି.ଏନ୍‌.ଏ.): ଗୁଜରାଟ ପୋଲିସ ସତ୍ୟବାନ ସ୍ବାଇଁଙ୍କୁ ପିଟିପିଟି ହତ୍ୟା କରିବା ପରେ ସମସ୍ତ ପ୍ରମାଣ ନଷ୍ଟ ଲାଗି ଅପଚେଷ୍ଟା ଚଳାଇଛି। ମୋ’ ପୁଅ ଯେମିତି ବାପ ଛେଉଣ୍ଡ ହୋଇଗଲା ସେମିତି ଦୋଷୀମାନଙ୍କୁ ମଧ୍ୟ ଫାଶୀ ଦିଆଯାଉ ବୋଲି ମୃତ ସତ୍ୟଙ୍କ ସ୍ତ୍ରୀ ଶନିବାର ଦାବି କରିଛନ୍ତି। ଅପରପକ୍ଷେ ଘଟଣାଟିକୁ ଓଡ଼ିଶା ସରକାର ମଧ୍ୟ ଗୁରୁତର ସହ ନେଇଛନ୍ତି। ଜଙ୍ଗଲ ଓ ପରିବେଶ ଏବଂ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ଶନିବାର ଭଞ୍ଜନଗର ଥାନା ଅନ୍ତର୍ଗତ ବାରୁଡ଼ା ଯାଇ ସତ୍ୟଙ୍କ ପରିବାର ଲୋକଙ୍କୁ ଭେଟି ସମବେଦନା ଜଣାଇଛନ୍ତି । ଏନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସହ ଯୋଗାଯୋଗ କରିଛନ୍ତି। ଖୁବ୍‌ଶୀଘ୍ର ରାଜ୍ୟ ସରକାର ସମସ୍ତ ପ୍ରକାର ସହାୟତା ତାଙ୍କ ପରିବାରକୁ ଯୋଗାଇ ଦେବେ । ଗୁଜରାଟ ପୋଲିସ ସତ୍ୟଙ୍କୁ ପିଟିପିଟି ମାରିବା ଘଟଣା ଅତ୍ୟନ୍ତ ନିନ୍ଦନୀୟ । ସତ୍ୟଙ୍କ ମୃତ୍ୟୁ ପାଇଁ ଯେଉଁମାନେ ଦାୟୀ ସେନେଇ ତଦନ୍ତ କରି ଆବଶ୍ୟକ ପଦକ୍ଷେପ ନେବା ପାଇଁ ସେ ଡିଜିଙ୍କ ସମେତ ଗୁଜରାଟ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିବେ ବୋଲି ବିକ୍ରମ ଗଣମାଧ୍ୟମକୁ କହିଛନ୍ତି।
ପ୍ରକାଶ ଯେ, ସତ୍ୟ ସୁରଟରେ ବହୁବର୍ଷ ହେବ କାମ କରୁଥିଲେ। ଗ୍ରାମରେ ବଡ଼ ଭାଇଙ୍କ ପରିବାର, ମା’, ସ୍ତ୍ରୀ ଓ ୭ ବର୍ଷର ଦିବ୍ୟାଙ୍ଗ ପୁତ୍ର ପରେଶ ରହୁଛନ୍ତି । ସମ୍ପତ୍ତିବାଡ଼ି ସେମିତି କିଛି ନାହିଁ । ସତ୍ୟ ସୁରଟରୁ ଯାହା କିଛି ପଠାଉଥିଲେ ସେଥିରେ ପରିବାର ଚଳୁଥିଲା। ଗୁଜରାଟ ପୋଲିସ ଗୁରୁବାର ରାତିରେ ସତ୍ୟଙ୍କୁ ଅମାନୁଷିକ ଭାବେ ପିଟିପିଟି ହତ୍ୟା କରିବା ଦ୍ୱାରା ସତ୍ୟର ପରିବାରର ସ୍ବପ୍ନ ଚୁର୍‌ମାର ହୋଇଯାଇଥିଲା। ବର୍ତ୍ତମାନ ସତ୍ୟଙ୍କ ପରିବାର କିଭଳି ଚଳିବ ତାହାକୁ ନେଇ ତାଙ୍କ ବୃଦ୍ଧା ମା’ ଦୁଃଖରେ ଭାଙ୍ଗିପଡ଼ିଛି। ଲକ୍‌ଡାଉନ୍‌ ଯୋଗୁ ସତ୍ୟ ଗ୍ରାମକୁ ଫେରିବାକୁ ଚାହୁଁଥିଲେ। କିନ୍ତୁ ଟ୍ରେନ୍‌ ଟିକେଟ ହୋଇ ପାରୁ ନ ଥିଲା । ଗତ ୨ ତାରିଖରେ ଟିକେଟ ପାଇଁ ସେଠାକାର ପ୍ରଶାସନ ନିକଟରେ ଆବେଦନ କରିଥିଲେ । କିନ୍ତୁ ସତ୍ୟଙ୍କୁ ଗୁରୁବାର ସୁଦ୍ଧା ଟିକେଟ ମିଳି ପାରି ନ ଥିଲା । ତାଙ୍କ ପଛରେ ଆବେଦନ କରିଥିବା ଲୋକଙ୍କୁ ଟିକେଟ ମିଳିଯାଉଥିଲା। ଯାହାକୁ ନେଇ ଗୁରୁବାର ସତ୍ୟ ଅସନ୍ତୁଷ୍ଟ ଥିଲେ। ସେହିଦିନ ରାତିରେ ସତ୍ୟ ଓ ତାଙ୍କ ସହକର୍ମୀମାନେ ରହୁଥିବା ଘର ସମ୍ମୁଖରେ ଠିଆ ହୋଇଥିଲେ। ହଠାତ୍‌ ପୋଲିସ ଆସିଯାଇଥିଲା। ଫଳରେ ସମସ୍ତେ ଘର ଭିତରକୁ ଦୌଡ଼ି ପଳାଇଥିଲେ। କିନ୍ତୁ ପୋଲିସ ଘର ଭିତରେ ପଶି ସତ୍ୟଙ୍କୁ ସମସ୍ତଙ୍କ ସମ୍ମୁଖରେ ନିସ୍ତୁକ ମାଡ଼ ମାରିଥିଲା। ଏହାପରେ ସତ୍ୟଙ୍କ ସହକର୍ମୀମାନେ ଚିକିତ୍ସା ପାଇଁ ମେଡିକାଲ ନେବା ବାଟରେ ତାଙ୍କର ମୃତ୍ୟୁ ଘଟିଥିଲା। ଏହି ଘଟଣା ପରେ ପ୍ରବାସୀ ଓଡ଼ିଆଙ୍କ ସୁରକ୍ଷା ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଏନେଇ ସତ୍ୟବାନଙ୍କ ଭଣଜା ଶିଶିର ଭୂୟାଁ ଗଣମାଧ୍ୟମ ସମ୍ମୁଖରେ କହିଛନ୍ତି ଯେ, ଗୁଜରାଟ ପୋଲିସ ଆମ କଥା ଶୁଣିବ ନାହିଁ । ରାଜ୍ୟ ସରକାର ଓ ପୋଲିସ ଆମ କଥା ବୁଝନ୍ତୁ। ପ୍ରମାଣ ନଷ୍ଟ ପାଇଁ ମାମୁ ଥିବା ରୁମ୍‌ର ସହଯୋଗୀମାନଙ୍କୁ ସେଠାକାର ପୋଲିସ ଆଜି ଗାଡ଼ି କରି ପଠାଇ ଦେଉଛି । ଆଜି ଜଣଙ୍କୁ ହତ୍ୟା କରିଛନ୍ତି କାଲି ଅନେକ ଏଭଳି ଶିକାର ହେବେ। ସୁରଟରେ ଲକ୍ଷଧିକ ଓଡ଼ିଆ ରହୁଛନ୍ତି । ସେମାନଙ୍କ ସୁରକ୍ଷା କଥା ଚିନ୍ତା କରାଯାଉନାହିଁ ବୋଲି ସେ ଅଭିଯୋଗ କରିଛନ୍ତି । ସତ୍ୟଙ୍କ ବଡ଼ ଭାଇ ସନ୍ତୋଷ କହିଛନ୍ତି, ଘଟଣା ସମ୍ପର୍କରେ ଖୁବ୍‌ଶୀଘ୍ର ଜାତୀୟ ମାନବାଧିକାର କମିଶନଙ୍କ ନିକଟରେ ଅଭିଯୋଗ କରିବୁ। ମନ୍ତ୍ରୀ ବିକ୍ରମ ଆରୁଖ୍‌ ୫୦ ହଜାର ଟଙ୍କା ଆର୍ଥିକ ସହାୟତା ପ୍ରଦାନ କରିଛନ୍ତି। ଆଗକୁ ସମସ୍ତ ପ୍ରକାର ସହାୟତା ଯୋଗାଇ ଦେବେ ବୋଲି ପ୍ରତିଶ୍ରୁତି ମଧ୍ୟ ଦେଇଛନ୍ତି।


All Right Reserved By Dharitri.Com

ହଜ୍‌ ଯାତ୍ରୀଙ୍କୁ ତାଲିମ

ଭଦ୍ରକ ଅଫିସ,୧୬ା୬ : ଭଦ୍ରକ ଜିଲା ପୁରୁଣା ବଜାର ମଲିକ ମଇଦାନଠାରେ ହଜ୍‌ କରିବାକୁ ଯିବାକୁ ଥିବା ଲୋକଙ୍କୁ ତାଲିମ ପ୍ରଦାନ କରାଯାଉଛି l ଭଦ୍ରକ...

ମହାନଗରରେ ଟ୍ରାଫିକ ସମସ୍ୟା

ବ୍ରହ୍ମପୁର ଅଫିସ,୧୩ା୫-ବ୍ରହ୍ମପୁର ମହାନଗର ନିଗମରେ ଟ୍ରାଫିକ ସମସ୍ୟା ଦିନକୁ ଦିନ ଜଟିଳ ହେଉଛି। ବିଭିନ୍ନ ସମୟରେ ପ୍ରଶାସନିକସ୍ତରରେ ଆଲୋଚନା ହୋଇ ଟ୍ରାଫିକ୍‌ ସମସ୍ୟା ସୁଧାରିବାକୁ ନିଷ୍ପତ୍ତି...

ବ୍ୟବସାୟୀଙ୍କୁ ଆକ୍ରମଣ କରି ସୁନା ଚେନ୍‌ ଲୁଟ୍‌

ବ୍ରହ୍ମପୁର ଅଫିସ,୧୧।୪: ଗଞ୍ଜାମ ଜିଲା ବଡ଼ବଜାର ଥାନା ଅନ୍ତର୍ଗତ ଲକ୍ଷ୍ମୀନୃସିଂହ ସାହିରେ ଶୁକ୍ରବାର ରାତିରେ ଜଣେ ବ୍ୟବସାୟୀଙ୍କୁ ଦାଦାବଟି ମାଗିବା ସହ ଆକ୍ରମଣ ହୋଇଛି। ଏପରିକି...

ଆଗ ଥଇଥାନ, ପରେ ଉଚ୍ଛେଦ: ମେଳି କରି ଦାବି କଲେ ବ୍ୟବସାୟୀ

ବାଲେଶ୍ୱର ଅଫିସ, ୨୦।୯-ବାଲେଶ୍ୱର ଓଟିରୋଡ୍‌ର କୁରୁଡ଼ା ବାଇପାସ୍‌ରୁ ରେମୁଣା ଗୋଲେଇ ପର୍ଯ୍ୟନ୍ତ ରାସ୍ତାର ସମ୍ପ୍ରସାରଣ ପାଇଁ ଉଭୟପାର୍ଶ୍ୱରେ ଜବରଦଖଲକାରୀ ଦୋକାନୀଙ୍କୁ ପ୍ରଶାସନ ପକ୍ଷରୁ ଉଚ୍ଛେଦ କରାଯିବା...

ବାରାହା ଆକ୍ରମଣରେ ମହିଳା ମୃତ

ରାଜନଗର,୫।୧୨(ଡି.ଏନ.ଏ): କେନ୍ଦ୍ରାପଡା ଜିଲା ତନ୍ତିଆପାଳ ମେରାଇନ ଥାନା ଅନ୍ତର୍ଗତ ନରସିଂହପୁର ଗାଁରେ ଏକ ଅଭାବନୀୟ ଘଟଣା ଘଟିଛି। ବାରହା ଆକ୍ରମଣରେ ଉକ୍ତ ଗଁାର ଜଣେ ମହିଳାଙ୍କ...

ସାନିଟାଇଜ ହେଲା ପରିବା ବଜାର

ସମ୍ବଲପୁର,୬।୪(ବ୍ୟୁରୋ)-କରୋନା ଭୂତାଣୁ ମୁକାବିଲା ପାଇଁ ସହରରେ ଅସ୍ଥାୟୀ ଭାବେ ପରିବା ବଜାର ବସୁଛି । ଏହାକୁ ପର୍ଯ୍ୟାୟକ୍ରମେ ମହାନଗର ନିଗମ ଓ ଅଗ୍ନିଶମ ବିଭାଗ ପକ୍ଷରୁ...

ଜବରଦଖଲ ଉଚ୍ଛେଦକୁ ନେଇ ଅଡୁଆ ପରିସ୍ଥିତି

ଭଦ୍ରକ ଅଫିସ/ବନ୍ତ,୬।୧୨(ଡି.ଏନ.ଏ.)- ଭଦ୍ରକ ଜିଲା ବନ୍ତ ତହସିଲ କାର୍ଯ୍ୟାଳୟରେ ପଶି ଜଣେ ବ୍ୟକ୍ତି ତହସିଲଦାରଙ୍କୁ ଦୁର୍ବ୍ୟବହାର କରିବା ସହ ହତ୍ୟା ଧମକ ଦେଇଥିବା ନେଇ ଅଭିଯୋଗ...

ପୁରୀରେ ପୁଣି ୪ ନୂଆ ଆକ୍ରାନ୍ତ ଚିହ୍ନଟ: ସମସ୍ତେ ଅସ୍ତରଙ୍ଗ, କାକଟପୁର ବ୍ଲକର; କ୍ୱାରାଣ୍ଟାଇନ୍‌ରେ ଥିଲେ

ପୁରୀ ଅଫିସ,୧୬।୫: ପୁରୀ ଜିଲାରେ ପୁଣି ୪ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଫଳରେ ଜିଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୮ ଛୁଇଁଛି। ମୋଟ...

Leave a comment

Your email address will not be published. Required fields are marked *