Posted inଫୁରସତ

କବର ବଦଳରେ ମୁଖାଗ୍ନି

ହରିୟାଣା: ବହୁବିଧ ପରମ୍ପରା, ଧର୍ମୀୟ ବିଶ୍ୱାସକୁ ନେଇ ସମୃଦ୍ଧ ଭାରତବର୍ଷ। ବିବିଧତା ଭିତରେ ଏକତା ୧୩୦ କୋଟି ଲୋକଙ୍କୁ ବାନ୍ଧି ରଖିଛି। ଐଶ୍ୱର୍ଯ୍ୟ, ବିଭବରେ ପରିପୂର୍ଣ୍ଣ ଏହି ଦେଶ ଦୀର୍ଘବର୍ଷ ଧରି ବିଦେଶୀଙ୍କ କୁଚକ୍ରାନ୍ତର ଶିକାର ହୋଇ ରହିଥିଲା। ପର୍ତ୍ତୁଗୀଜ, ଆଫ୍‌ଗାନ, ମୋଗଲଠାରୁ ଆରମ୍ଭ କରି ବ୍ରିଟିଶମାନେ ବିଭିନ୍ନ ସମୟରେ ଦେଶକୁ ଲୁଟିଛନ୍ତି। ନିଜ ନିଜର ସାମ୍ରାଜ୍ୟବାଦୀ ନୀତିରେ ବଦଳାଇବାକୁ ଚେଷ୍ଟା କରିଛନ୍ତି ଭାରତୀୟଙ୍କ ମନୋଭାବ। ସେମାନେ ଏଥିରେ କେତେକାଂଶରେ ସଫଳ ମଧ୍ୟ ହୋଇଛନ୍ତି। ହେଲେ ବିଦେଶୀ ଶାସନର ପତନ ସହ ଭାରତୀୟ ସମାଜ ପୁଣିଥରେ ଅଣ୍ଟା ସଳଖିଛି। ବିଦେଶୀ ଚାଲିଚଳଣିକୁ ପଛ କରି ଅନେକେ ଡେରିରେ ହେଲେ ମଧ୍ୟ ନିଜର ମୂଳ ସଂସ୍କୃତିକୁ ଫେରିଛନ୍ତି। ଏପରି ଅନେକ ଘଟଣା ଇତିହାସ ପୃଷ୍ଠାରେ ଲିପିବଦ୍ଧ ହୋଇ ରହିଛି, ଯାହାର ଏକ ଉଦାହରଣ ଦେଖିବାକୁ ମିଳିଛି ହରିୟାଣା ରାଜ୍ୟର ହିସାର ଜିଲାରେ। ଏଠାକାର ଏକ ପୁରାତନ ସମ୍ପ୍ରଦାୟ ଦୀର୍ଘ ୩୦୦ବର୍ଷ ଧରି ପ୍ରଚଳିତ ମୃତଦେହ ସଂସ୍କାର ପଦ୍ଧତିରେ ପରିବର୍ତ୍ତନ ଆଣିଛି। କବର ପରିବର୍ତ୍ତେ ହିନ୍ଦୁ ସଂସ୍କୃତି ଅନୁଯାୟୀ ମୁଖାଗ୍ନି ଦେଇ ସେମାନେ କରିଛନ୍ତି ନିଜର ପରିଜନଙ୍କ ଶେଷକୃତ୍ୟ।
ହିସାରଠାରୁ ପାଖାପାଖି ୫୦ କିମି ଦୂରରେ ଅବସ୍ଥିତ ଓକଲାନାର ବିଠମଣ୍ଡା ଗ୍ରାମରେ ଏକ ପୁରାତନ ସମ୍ପ୍ରଦାୟର ଲୋକେ ଦୀର୍ଘବର୍ଷ ଧରି ବାସ କରି ଆସୁଛନ୍ତି। ନିକଟରେ ଉକ୍ତ ସମ୍ପ୍ରଦାୟର ଜଣେ ବୟସ୍କା ମହିଳାଙ୍କ ମୃତ୍ୟୁ ଘଟିଥିଲା। ଏହାପରେ ତାଙ୍କର ଅନ୍ତିମ ସଂସ୍କାର ହିନ୍ଦୁ ପରମ୍ପରା ଅନୁଯାୟୀ କରାଯାଇଥିଲା। ମୃତ ମହିଳାଙ୍କ ପୁଅ ସତ୍‌ବୀରଙ୍କ କହିବା କଥା, ପୂର୍ବରୁ ସମ୍ପ୍ରଦାୟରେ ମୃତଦେହକୁ ଦାହ କରାଯିବାର ବିଧି ପ୍ରଚଳିତ ଥିଲା। ଏକଚ୍ଛତ୍ରବାଦୀ ମୋଗଲ ସମ୍ରାଟ ଔରଙ୍ଗଜେବ୍‌ଙ୍କ ଶାସନ କାଳରେ ମୃତଦେହକୁ କବର ଦେବା ଲାଗି ଚାପ ପଡ଼ିଥିଲା। ଅତ୍ୟାଚାରୀ ଶାସକଙ୍କ ଭୟରେ ସେତେବେଳେ ଏହାକୁ ତାଙ୍କ ପୂର୍ବଜମାନେ ମାନିନେବାକୁ ବାଧ୍ୟ ହୋଇଥିଲେ। କାଳକ୍ରମେ ଏହା ପରମ୍ପରାରେ ବଦଳିଗଲା। ହେଲେ ହିନ୍ଦୁଧର୍ମ ଉପରେ ସେମାନଙ୍କ ବିଶ୍ୱାସ ଅତୁଟ ରହିଥିଲା। ତେଣୁ ମା’ଙ୍କ ଅନ୍ତିମ ସଂସ୍କାର ପଦ୍ଧତିରେ ପରିବର୍ତ୍ତନକୁ ସମସ୍ତେ ସ୍ବାଗତ କରିଥିଲେ। ଆଗାମୀ ଦିନରେ ଗ୍ରାମର ଅନ୍ୟ ୩୦ ପରିବାର ମଧ୍ୟ ଅନୁରୂପ ଭାବେ ମୃତଦେହ ସଂସ୍କାର କରିବା ଲାଗି ନିଷ୍ପତ୍ତି ନେଇଛନ୍ତି। କାହାର ଚାପର ବଶବର୍ତ୍ତୀ ନ ହୋଇ ସେମାନେ ଏପରି ବିଚାର କରିଥିବା ସତ୍‌ବୀର କହିଛନ୍ତି। ଅନ୍ୟପଟେ ବିଠମଣ୍ଡା ଗ୍ରାମବାସୀଙ୍କ ଏପରି ନିଷ୍ପତ୍ତିକୁ ନିକଟବର୍ତ୍ତୀ ହିନ୍ଦୁ ଗ୍ରାମୀଣ ଇଲାକାର ଲୋକେ ସ୍ବାଗତ କରିଛନ୍ତି।


All Right Reserved By Dharitri.Com

ଦୁଇଜଣ ମା’ ଚାହିଁଲେ କରିପାରିବେ ସନ୍ତାନ ପ୍ରସବ

ଚାଇନିଜ୍‌ ଏକାଡେମୀ ଅଫ୍‌ ସାଇନ୍‌ସେସ୍‌ର ବିଶେଷଜ୍ଞଙ୍କ ମତରେ ୨ ଜଣ ମା’ ଚାହିଁଲେ ସନ୍ତାନ ଜନ୍ମ କରିପାରିବେ। ଏଥିପାଇଁ ପିତାଙ୍କର କୌଣସି ଆବଶ୍ୟକତା ନାହିଁ। ଦୁଇଟି...

ଗ୍ରାହକମାନଙ୍କର ଡିମାଣ୍ଡ ଅନୁସାରେ ମିଳୁଛି ବିଚିତ୍ର ଆକୃତିର ଫଳ

ଚାଇନାର ଏକ କମ୍ପାନୀ ‘ଫ୍ରୁଟ୍‌ ଗୋଲ୍‌ଡ’ ବିଚିତ୍ର ଆକାରର ଫଳ ଓ ପରିବା ତିଆରି କରିବା ପାଇଁ ପ୍ରସିଦ୍ଧ। ଚତୁର୍ଭୁଜାକାର ସେଓଠାରୁ ଆରମ୍ଭ କରି ଦିଲ୍‌...

ଯେଉଁଠି କନ୍ୟା ସନ୍ତାନ ଜନ୍ମ ହେଲେ ଏପରି କରନ୍ତି ଲୋକେ…

ଦେଶରେ କନ୍ୟା ଭ୍ରୂଣ ହତ୍ୟା ଘଟଣାମାନ ଘଟି ଚାଲଛି। ତେବେ ବିହାରର ଭାଗଲପୁରର ଏକ ଗାଁରେ କନ୍ୟା ସନ୍ତାନ ଜନ୍ମ ହେଲେ ଉତ୍ସବ ଅନୁଷ୍ଠିତ ହୋଇଥାଏ।...

ମା’ ଭଳି ବାପା ବି ହୋଇପାରିବେ ଝିଅର ଭଲ ବନ୍ଧୁ: ଏହି ୪ ଦିଗ ଉପରେ ଦିଅନ୍ତୁ ଧ୍ୟାନ

ଅନେକ ସମୟରେ ଝିଅଟି ତା’ ଜୀବନରେ ଘଟୁଥିବା ପ୍ରତ୍ୟେକ କଥା ବିନା ସଙ୍କୋଚରେ ମା’ଙ୍କୁ କହିବା ଦେଖାଯାଇଥାଏ। ଏପରିକି କେତେକ ସ୍ଥାନରେ ପିତାଙ୍କ ଅନୁମତି ଲାଗି...

ରକ୍ତବର୍ଣ୍ଣ ହେଲା ଦକ୍ଷିଣ କୋରିଆ ନଦୀ, ଜାଣନ୍ତୁ କାରଣ

ଉତ୍ତର-ଦକ୍ଷିଣ କୋରିଆ ସୀମାରେ ଥିବା ଏକ ନଦୀ ରକ୍ତବର୍ଣ୍ଣ ହୋଇଯାଇଛି। କାରଣ ଏହି ଦେଶରେ ଆଫ୍ରିକା ସ୍ବାଇନ୍‌ ଜ୍ୱର ବ୍ୟାପିଛି। ତେଣୁ ଏହାକୁ ରୋକିବା ପାଇଁ...

ଗ୍ରାମଦେବତା ଭାବେ ପୂଜାପାଏ ବାଦୁଡ଼ି

ପାଟଣା, ୨୭ା୩- ପ୍ରାୟତଃ ଲୋକମାନେ ବାଦୁଡ଼ିକୁ ନିଶାଚର ସହ ତୁଳନା କରିବା ସହିତ ଏହାକୁ ଅଶୁଭ ବୋଲି ମାନିଥାନ୍ତି। କେରଳରେ କିଛି ବର୍ଷ ପୂର୍ବେ ବାଦୁଡ଼ିରୁ...

ନିଜ ଗାଁକୁ ଖୋଲା ଶୌଚମୁକ୍ତ କଲେ ଦୃଷ୍ଟିହୀନ ସାଧୁ ମାଝି

ବିହାରର ଫତେହପୁର ଗାଁ ଏବେ ସମ୍ପୂର୍ଣ୍ଣ ଭାବେ ଖୋଲା ଶୌଚମୁକ୍ତ। ଏହାର ସମସ୍ତ ଶ୍ରେୟ ଯାଉଛି ୪୫ ବର୍ଷୀୟ ଦୃଷ୍ଟିହୀନ ସାଧୁ ମାଝିଙ୍କୁ। ଯିଏକି ନିଜ...

କୁକୁରର ଜୀବନ ବଞ୍ଚାଇଲେ ଡାକ୍ତର, ଧନ୍ୟବାଦ ଦେବାକୁ ମାଲିକ ଖର୍ଚ୍ଚ କଲେ ୪୨ କୋଟି

ଓ୍ବାଶିଂଟନ୍‌: ପୋଷା ଜୀବଜନ୍ତୁ ଅନେକ ସମୟରେ ମାଲିକଙ୍କ ଜୀବନ ରକ୍ଷା କରିଥିବା ଉଦାହରଣ ରହିଛି। ସେହିପରି ମାଲିକମାନେ ମଧ୍ୟ ପାଳିତ ପଶୁପକ୍ଷୀଙ୍କୁ ବହୁତ ସ୍ନେହ ଆଦର...

Leave a comment

Your email address will not be published. Required fields are marked *