କରୋନା ମାଡ଼: ଦୋହଲିଯିବ ପର୍ଯ୍ୟଟନ ଶିଳ୍ପ

ନୂଆଦିଲ୍ଲୀ,୧୨ା୫: କରୋନା ସଂକ୍ରମଣ (କୋଭିଡ୍‌-୧୯) ଯୋଗୁ ୨୦୨୦ରେ ଅନ୍ତର୍ଜାତୀୟ ପର୍ଯ୍ୟଟନ ୬୦ରୁ ୮୦ ପ୍ରତିଶତ ହ୍ରାସ ପାଇପାରେ। ଏହାଦ୍ୱାରା ୯୧୦ ବିଲିୟନରୁ ୧.୨ ଟ୍ରିଲିୟନ ଡଲାର ରାଜସ୍ବ କ୍ଷତି ଘଟିବ ଏବଂ ଲକ୍ଷାଧିକ ଲୋକଙ୍କ ଜୀବନଜୀବିକାକୁ ବିପଦରେ ପଡ଼ିବ ବୋଲି ଜାତିସଂଘର ସ୍ବତନ୍ତ୍ର ଏଜେନ୍ସି ‘ବିଶ୍ୱ ପର୍ଯ୍ୟଟନ ସଂଗଠନ’ (ୟୁଏନ୍‌ଡବ୍ଲ୍ୟୁଟିଓ) ପକ୍ଷରୁ କୁହାଯାଇଛି।
ଏହି ମହାମାରୀ ବିଶ୍ୱର ୨୧୨ ଦେଶକୁ ବ୍ୟାପିଥିବାବେଳେ ସଂକ୍ରମିତଙ୍କ ସଂଖ୍ୟା ୪୨ ଲକ୍ଷ ଟପିଲାଣି। ସେହିପରି ୨ ଲକ୍ଷ ୮୫ ହଜାରରୁ ଊର୍ଦ୍ଧ୍ୱ ଲୋକଙ୍କ ଜୀବନଗଲାଣି। ଏହାର ଗମ୍ଭୀର ପ୍ରଭାବ ପର୍ଯ୍ୟଟନ ଶିଳ୍ପ ଉପରେ ପଡ଼ିଛି। ୨୦୨୦ର ପ୍ରଥମ ତ୍ରୈମାସିକରେ ଅନ୍ତର୍ଜାତୀୟ ପର୍ଯ୍ୟଟକଙ୍କ ଆଗମନରେ ୨୨% ହ୍ରାସ ପାଇସାରିଲାଣି। ବିଭିନ୍ନ ଗନ୍ତବ୍ୟସ୍ଥଳରୁ ମିଳିଥିବା ତଥ୍ୟରୁ ଏହା ଜଣାପଡ଼ିଛି ବୋଲି ୟୁଏନ୍‌ଡବ୍ଲ୍ୟୁଟିଓ ପକ୍ଷରୁ କୁହାଯାଇଛି। ଜାତିସଂଘର ଏହି ସ୍ବତନ୍ତ୍ର ଏଜେନ୍ସିର କହିବାନୁଯାୟୀ, ବିଶ୍ୱରେ ବର୍ତ୍ତମାନ ଦେଖାଦେଇଥିବା ସ୍ବାସ୍ଥ୍ୟ ସମସ୍ୟା ଯୋଗୁ ୨୦୧୯ ତୁଳନାରେ ବାର୍ଷିକ ପର୍ଯ୍ୟଟନ ୬୦ରୁ ୮୦ ପ୍ରତିଶତ ହ୍ରାସ ପାଇପାରେ। ୟୁଏନ୍‌ଡବ୍ଲ୍ୟୁଟିଓ ମହାସଚିବ ଜୁରାବ ପୋଲୋଲିକାଶଭିଲି କହିଛନ୍ତି, ବିଶ୍ୱ ଏକ ଅପ୍ରତ୍ୟାଶିତ ସ୍ବାସ୍ଥ୍ୟ ଏବଂ ଅର୍ଥନୈତିକ ସଙ୍କଟର ସମ୍ମୁଖୀନ ହୋଇଛି। ଏହାଦ୍ୱାରା ଅର୍ଥବ୍ୟବସ୍ଥାର ଅନ୍ୟତମ ଶ୍ରମ ଆଧାରିତ କ୍ଷେତ୍ର ପର୍ଯ୍ୟଟନ ଶିଳ୍ପ ବ୍ୟାପକ କ୍ଷତିଗ୍ରସ୍ତ ହୋଇଛି।
ମାର୍ଚ୍ଚରେ ପର୍ଯ୍ୟଟକଙ୍କ ଆଗମନ ୫୭ ପ୍ରତିଶତ ହ୍ରାସ ପାଇଥିଲା। ସେହି ସମୟରେ ବହୁ ଦେଶରେ ଲକ୍‌ଡାଉନ୍‌ ଆରମ୍ଭ ହେବା ସହିତ ଯାତ୍ରାରେ କଟକଣା କରାଯାଇଥିଲା। ବିମାନବନ୍ଦର ଏବଂ ଦେଶଗୁଡ଼ିକର ସୀମା ବନ୍ଦ ପ୍ରକ୍ରିୟା ଆରମ୍ଭ ହୋଇଥିଲା। ଏହାଦ୍ୱାରା ୬୭ ନିୟୁତ ଅନ୍ତର୍ଜାତୀୟ ଆଗମନ ହୋଇ ନ ପାରିବା ସହ ସେଥିରୁ ପ୍ରାପ୍ତ ହେବାକୁ ଥିବା ପ୍ରାୟ ୮୦ ବିଲିୟନ ଡଲାର କ୍ଷତି ଘଟିଥିଲା। ବିଶେଷକରି ଏସିଆ ଏବଂ ପ୍ରଶାନ୍ତ ମହାସାଗରୀୟ ଅଞ୍ଚଳରେ ଅଧିକ ପ୍ରଭାବ (୩୩ ନିୟୁତ ଆଗମନ ହ୍ରାସ) ଦେଖିବାକୁ ମିଳିଥିଲା। ସେହିପରି ୟୁରୋପରେ ୨୨ ନିୟୁତ ଆଗମନ ହ୍ରାସ ହୋଇଥିଲା।
ସାମ୍ପ୍ରତିକ ପରିସ୍ଥିତିକୁ ଦେଖିଲେ ଏହି ବର୍ଷ ପର୍ଯ୍ୟଟକଙ୍କ ଆଗମନରେ ୫୮%ରୁ ୭୮% ହ୍ରାସ ହୋଇପାରେ। ହେଲେ ଏହା ଯାତ୍ରା କଟକଣା ଓ ସୀମା ବନ୍ଦର ଅବଧି ଉପରେ ନିର୍ଭର କରେ। ଅନ୍ତର୍ଜାତୀୟ ସୀମା ଧୀରେ ଧୀରେ ଖୋଲିବାର ସମ୍ଭାବ୍ୟ ତାରିଖକୁ ଆଧାର କରି ୟୁଏନ୍‌ଡବ୍ଲ୍ୟୁଟିଓ ୨୦୨୦ ପାଇଁ ୩ଟି ସମ୍ଭାବନାର ଚିତ୍ର ଆଙ୍କିଛି। ପ୍ରଥମ ହେଲା, ଅନ୍ତର୍ଜାତୀୟ ସୀମା ଖୋଲି ଜୁଲାଇ ପ୍ରାରମ୍ଭରେ ଯାତ୍ରା କଟକଣା କୋହଳ ହେଲେ ପର୍ଯ୍ୟଟକଙ୍କ ଆଗମନରେ ୫୮% ହ୍ରାସ ହୋଇପାରେ। ଦ୍ୱିତୀୟରେ, ଯଦି ସେପ୍ଟେମ୍ବର ଆରମ୍ଭରେ ଯାତ୍ରା କଟକଣା କୋହଳ ହେବ, ତା’ହେଲେ ପର୍ଯ୍ୟଟକଙ୍କ ଆଗମନ ୭୦ ପ୍ରତିଶତ ହ୍ରାସ ପାଇପାରେ। ସେହିପରି ଯାତ୍ରା କଟକଣା ଯଦି ଡିସେମ୍ବର ପ୍ରଥମ ସପ୍ତାହରେ କୋହଳ ହୁଏ ତେବେ ପର୍ଯ୍ୟଟକଙ୍କ ଆଗମନରେ ୭୮ ପ୍ରତିଶତ ହ୍ରାସ ଘଟିପାରେ। ଏହି ପରିପ୍ରେକ୍ଷୀରେ ବିଦେଶ ଭ୍ରମଣ ଚାହିଦା ହ୍ରାସର ପ୍ରଭାବ ସ୍ବରୂପ ୮୫୦ ନିୟୁତରୁ ୧.୧ ବିଲିୟନ ଅନ୍ତର୍ଜାତୀୟ ପର୍ଯ୍ୟଟକଙ୍କୁ ହରାଇବାକୁ ପଡ଼ିପାରେ। ଫଳରେ ୯୧୦ ବିଲିୟନରୁ ୧.୨ ଟ୍ରିଲିୟନ ଡଲାର ପର୍ଯ୍ୟଟନ ରାଜସ୍ବ କ୍ଷତି ହୋଇପାରେ। ଏହାସହିତ ପର୍ଯ୍ୟଟନ କ୍ଷେତ୍ରରେ ୧୦୦ରୁ ୧୨୦ ନିୟୁତ ପ୍ରତ୍ୟକ୍ଷ ନିଯୁକ୍ତି ବିପଦରେ ପଡ଼ିପାରେ। ୧୯୫୦ ମସିହାଠାରୁ ହେଉଥିବା ରେକର୍ଡକୁ ଦେଖିଲେ ଅନ୍ତର୍ଜାତୀୟ ପର୍ଯ୍ୟଟନ ପାଇଁ ଏହା ସବୁଠାରୁ ଖରାପ ସମୟ। ଏହାର ପ୍ରଭାବ ବିଶ୍ୱର ବିଭିନ୍ନ ଅଞ୍ଚଳରେ ଏବଂ ବିଭିନ୍ନ ସମୟରେ ଅନୁଭୂତ ହେବ। ହେଲେ ଏସିଆ ଏବଂ ପ୍ରଶାନ୍ତ ମହାସାଗରୀୟ ଅଞ୍ଚଳରେ ପ୍ରଥମେ ସ୍ଥିତି ସ୍ବାଭାବିକ ହେବା ଆଶା କରାଯାଉଛି ବୋଲି ୟୁଏନ୍‌ଡବ୍ଲ୍ୟୁଟିଓ କହିଛି। ତେବେ ଅନ୍ତର୍ଜାତୀୟ ଚାହିଦାଠାରୁ ଘରୋଇ ଚାହିଦା ଦ୍ୱାରା ଶୀଘ୍ର ପୁନରୁଦ୍ଧାର ହେବ ବୋଲି ୟୁଏନ୍‌ଡବ୍ଲ୍ୟୁଟିଓ ବିଶେଷଜ୍ଞଙ୍କ ସର୍ଭେରୁ ଆଶା କରାଯାଉଛି। ତେବେ ସଂଖ୍ୟାଧିକ ବିଶେଷଜ୍ଞ ଆଶା ଅନୁଯାୟୀ ଚଳିତବର୍ଷର ଶେଷ ତିନିମାସ, ଅଧିକନ୍ତୁ ୨୦୨୧ରେ ସ୍ଥିତିରେ ସୁଧାର ଆସିବ।


All Right Reserved By Dharitri.Com

ପଶ୍ଚିମବଙ୍ଗ: ସ୍କୁଲରେ ମୁସଲମାନ ଛାତ୍ରଙ୍କ ପାଇଁ ଅଲଗା ଡାଇନିଂ ହଲ୍‌

କୋଲକତା,୨୮।୬: ପୁଣି ଥରେ ଭାଜପା ଟାର୍ଗେଟରେ ଟିଏମ୍‌ସି। କାରଣ ପଶ୍ଚିମବଙ୍ଗରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏମିତି ଏକ ନିର୍ଦ୍ଦେଶ ଦେଇଛନ୍ତି ଯାହା ପୁଣି ରାଜନୈତିକ ଅସ୍ଥିରତା...

ବଳାତ୍କାର ପରେ ନାବାଳିକାଙ୍କୁ ଜାଳିଦେଲେ: ହସ୍ପିଟାଲରେ ମୃତ୍ୟୁ ସହ ଲଢ଼ୁଛନ୍ତି ପୀଡ଼ିତା

ହାଇଦ୍ରାବାଦ,୨୯ା୨: ତେଲଙ୍ଗାନାର ସୂର୍ଯ୍ୟପେଟ ଜିଲାରେ ଜଣେ ନାବାଳିକା(୧୭)ଙ୍କୁ ବଳାତ୍କାର କରାଯିବା ପରେ ନିଆଁରେ ପୋଡ଼ି ଦିଆଯାଇଛି। ପୀଡ଼ିତା ଏବେ ଗୁରୁତର ଅବସ୍ଥାରେ ଓ୍ବାରାଙ୍ଗଲ ସରକାରୀ ହସ୍ପିଟାଲରେ...

ସୀମାରେ ଭାରତୀୟ ସେନାଙ୍କ ଶକ୍ତି ପ୍ରଦର୍ଶନ: ଯୁଦ୍ଧାଭ୍ୟାସ ସୁଦର୍ଶନ-୭

ଜୟପୁର,୧୩।୧୧: ନିୟନ୍ତ୍ରଣ ରେଖାରେ ପାକିସ୍ତାନ ବାରମ୍ବାର ଅସ୍ତ୍ରବିରତି ଜାରି ରଖିଛି। ଏହାକୁ ଦୃଷ୍ଟିରେ ରଖି ରାଜସ୍ଥାନର ବାଡ଼ମେର୍‌ ଏବଂ ଜୟସେଲ୍‌ମେର୍‌ରେ ଭାରତୀୟ ସେନା ପକ୍ଷରୁ ବଡ଼...

ଅର୍ଦ୍ଧସାମରିକ ବାହିନୀ ମୁତୟନ:ଅଧିକ ପୈଠ କରିବେ ରାଜ୍ୟ

ନୂଆଦିଲ୍ଲୀ,୧୧-୧୦:(ଆଇଏଏନ୍‌ଏସ୍‌):ଅର୍ଦ୍ଧସାମରିକ ବାହିନୀ ମୁତୟନ ଲାଗି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଗୁଡିକ ୧୦ ପ୍ରତିଶତ ଅଧିକ ଦେୟ ପୈଠ କରିବେ। କେନ୍ଦ୍ରୀୟ ସଶସ୍ତ୍ର ପୋଲିସ ବଳ...

ୟାସିନ ମଲିକଙ୍କ ବିରୋଧରେ ଚାର୍ଜଶିଟ୍‌

ନୂଆଦିଲ୍ଲୀ,୫ା୧୦(ପି.ଟି.): ଆତଙ୍କବାଦୀଙ୍କୁ ପାଣ୍ଠି ଯୋଗାଣ ମାମଲାରେ ଜେକେଏଲ୍‌ଏଫ୍‌ ମୁଖ୍ୟ ୟାସିନ ମଲିକଙ୍କ ସମେତ ୫ ଜଣଙ୍କ ବିରୋଧରେ ଏନ୍‌ଆଇଏ ଦିଲ୍ଲୀ ଅଦାଲତରେ ଅତିରିକ୍ତ ଚାର୍ଜଶିଟ୍‌ ଦାଖଲ...

ତେଜସ୍‌ ଏକ୍ସ୍‌ପ୍ରେସ୍‌ ଘଣ୍ଟାଏ ବିଳମ୍ବ ହେଲେ ଯାତ୍ରୀଙ୍କୁ ମିଳିବ ଶହେ ଟଙ୍କା କ୍ଷତିପୂରଣ

ନୂଆଦିଲ୍ଲୀ,୧।୧୦: ଲକ୍ଷ୍ନୌ ଏବଂ ଦିଲ୍ଲୀ ମଧ୍ୟରେ ଯାତ୍ରା ଆରମ୍ଭ କରିବାକୁ ଯାଉଥିବା ତେଜସ୍‌ ଏକ୍ସପ୍ରେସ୍‌ ବିଳମ୍ବ ହେଲେ ଯାତ୍ରୀଙ୍କୁ କ୍ଷତିପୂରଣ ଦିଆଯିବ ବୋଲି ଆଇଆର୍‌ସିଟିସି ପକ୍ଷରୁ...

ଶରଦ ଅରବିନ୍ଦ ବୋବଡେ ହେବେ ସୁପ୍ରିମକୋର୍ଟର ପରବର୍ତ୍ତୀ ପ୍ରଧାନ ବିଚାରପତି

ନୂଆଦିଲ୍ଲୀ,୧୮।୧୦: ସୁପ୍ରିମକୋର୍ଟ ନୂଆ ପ୍ରଧାନ ବିଚାରପତି ନିଯୁକ୍ତି ପ୍ରକ୍ରିୟା ଆରମ୍ଭ ହୋଇଯାଇଛି। ଆସନ୍ତା ନଭେମ୍ବର ୧୭ ତାରିଖରେ ସୁପ୍ରିମକୋର୍ଟ ପ୍ରଧାନ ବିଚାରପତି ଜଷ୍ଟିସ ରଞ୍ଜନ ଗୋଗୋଇ...

ଗଗନୟାନ ମିଶନ: ବ୍ୟୋମମିତ୍ରା ମାନବ ରୋବୋର ଭିଡ଼ିଓ ଜାରି କଲା ଇସ୍ରୋ

ବେଙ୍ଗାଲୁରୁ,୨୨।୧: ଭାରତୀୟ ମହାକାଶ ଗବେଷଣା ସଂସ୍ଥା(ଇସ୍ରୋ) ପକ୍ଷରୁ ୨୦୨୨ରେ ଗଗନୟାନ ମିଶନ କରାଯିବା ପାଇଁ ଉଦ୍ୟମ ଆରମ୍ଭ ହୋଇଛି। ଏହା ପୂର୍ବରୁ ମାନବ ରୋବୋ ବ୍ୟୋମମିତ୍ରାକୁ...

Leave a comment

Your email address will not be published. Required fields are marked *