ଗ୍ରାହକ ନିରାପତ୍ତାକୁ ଫୋକସ୍‌

 

କୋଭିଡ୍‌ ଯୋଗୁ ବଜାର ସ୍ଥିତି ସମ୍ପୂର୍ଣ୍ଣ ବିଗିଡ଼ିଛି। କଟକଣା କୋହଳ ହେଉଥିବାରୁ ବଜାର ଧୀରେ ଧୀରେ ସ୍ବାଭାବିକ ହେଉଛି। ଲୋକଙ୍କ ମନରେ ଦ୍ୱନ୍ଦ୍ୱ ରହୁଥିବାରୁ ସେମାନେ ବାହାରକୁ ବାହାରିବାକୁ ଡରୁଛନ୍ତି। ବଜାର ସ୍ବାଭାବିକ ହେଉଥିଲେ ମଧ୍ୟ ଲୋକ ଆସିବା କମ୍‌ ରହୁଛି। କେତେକ କ୍ଷେତ୍ରରେ ସରକାର ଜାରି କରିଥିବା କଟକଣା ହେଉ କିମ୍ବା ଗ୍ରାହକଙ୍କ ମଧ୍ୟରେ ଡର ଯୋଗୁ ବଜାର ପ୍ରଭାବିତ ରହିଛି। କାରବାର ଟିକିଏ ଭଲ ସ୍ଥିତିକୁ ଆସିବା ଲାଗି ସମୟ ଲାଗିବ। ଚାହିଦା ହ୍ରାସ ସହ ଅନ୍ୟ ସମସ୍ୟା ଏବେ ବଜାରରେ ଲାଗି ରହିଛି। କଟକଣା ସହ କାରବାର ଏବଂ ଗ୍ରାହକ, କର୍ମଚାରୀଙ୍କ ନିରାପତ୍ତାକୁ ବାଣିଜି୍ୟକ ସଂସ୍ଥାଗୁଡ଼ିକୁ ଗୁରୁତ୍ୱ ଦେଉଥିବା ଜଣାପଡ଼ିଛି। କୋଭିଡ୍‌-୧୯ ଯୋଗୁ ବଜାରରେ ଉପୁଜିଥିବା ସ୍ଥିତିକୁ ନେଇ କାରବାର ସହ ଜଡ଼ିତ ବ୍ୟକ୍ତିବିଶେଷ ଦେଇଥିବା ପ୍ରତିକ୍ରିୟା…
– ସକାଳ ୭ରୁ ସନ୍ଧ୍ୟା ୬ ଯାଏ ଷ୍ଟୋର ଖୋଲିବା ଲାଗି କୁହାଯାଇଛି। ବାଣିଜି୍ୟକ ଦୃଷ୍ଟିକୋଣରୁ ଏହି ସମୟ କାରବାର ଲାଗି ଠିକ୍‌ ହେଉନି। କାରଣ ଲୋକମାନେ ସାଧାରଣତଃ ସନ୍ଧ୍ୟାରେ ଆସି କିଣାକିଣି କରିଥାନ୍ତି। ଦୋକାନ ୬ଟା ବେଳେ ବନ୍ଦ ହୋଇଯାଉଛି। ସନ୍ଧ୍ୟାରେ କିଣାକିଣି କରିବାକୁ ଲୋକଙ୍କର ଦୀର୍ଘଦିନର ଅଭ୍ୟାସ ରହିଛି। ଖରାବେଳେ ଲୋକେ ଆସୁନାହାନ୍ତି। ସରକାରଙ୍କ କଟକଣା ଠିକ୍‌ । ମାତ୍ର କାରବାର ସମୟ ସକାଳ ୧୦ରୁ ରାତି ୮ ଯାଏ ରହିଲେ ଭଲ ହୁଅନ୍ତା। ହୁଏତ ମାର୍କେଟ କିଛି ଭଲ କରନ୍ତା। ମାର୍କେଟରେ କାରବାର ସମ୍ଭାବନା ରହିଛି। କାରଣ ବଜାର ଗତ କିଛି ସପ୍ତାହ ଧରି ସମ୍ପୂର୍ଣ୍ଣ ବନ୍ଦ ରହିଥିବାରୁ ଲୋକେ ଦରକାର ମୁତାବକ ମଧ୍ୟ ଠିକ୍‌ରେ କ୍ରୟ କରି ପାରିନାହାନ୍ତି। କରୋନା ଭ୍ୟାକ୍ସିନ ଆସି ନ ଥିବାରୁ କଟକଣା ସହ ଆଗକୁ ବଢ଼ିବାକୁ ହେବ। ଷ୍ଟୋରରେ ଲୋକଙ୍କୁ ସଚେତନ କରାଯାଉଛି। ଷ୍ଟୋରରେ ମାସ୍କ ମଧ୍ୟ ପ୍ରଦାନ କରାଯାଉଛି। କଟକଣା ରହିଥିବାରୁ ବଜାର ସମ୍ପୂର୍ଣ୍ଣ ଭଲ ସ୍ଥିତିକୁ ଆସିନି।
-ଅନିଲ ଅଗ୍ରଓ୍ବାଲ, ଏମ୍‌ଡି, ରୂପକଲ୍ୟାଣୀ

– ଭୁବନେଶ୍ୱରରେ ପ୍ରାୟ ସବୁ ଦୋକାନ ଖୋଲିଗଲାଣି। ଆମେ ମଧ୍ୟ ସ୍ଥିତିକୁ ଦେଖି ଗତ ୨ ଦିନ ହେବ ଷ୍ଟୋର ଖୋଲିଛୁ। କଷ୍ଟମର ଫ୍ଲୋ ସେତେ ନାହିଁ। ଆମର ଲକ୍‌ଜ୍ୟୁରି ଆଇଟମ୍‌ ଶୋ’ରୁମ୍‌ ହୋଇଥିବାରୁ କଷ୍ଟମର ଆସିବା ଲାଗି ଟିକିଏ ସମୟ ଲାଗିବ। କଷ୍ଟମର ବର୍ତ୍ତମାନ ଆସୁଛନ୍ତି। ହେଲେ ସଂଖ୍ୟା ବହୁତ କମ୍‌ ରହିଛି। ଲୋକ ବର୍ତ୍ତମାନର ସ୍ଥିତିକୁ ନେଇ ବହୁ ସଚେତନ ଅଛନ୍ତି। ସରକାରଙ୍କ କଟକଣାକୁ ମାନୁଛନ୍ତି। ଲକ୍‌ଜ୍ୟୁରି ଆଇଟମ ରହିଥିବାରୁ ଗ୍ରାହକ ପ୍ରଡକ୍ଟ କ୍ରୟ କରୁଛନ୍ତି। ଫିଟିଂ କରିବା ବେଳେ ବାହାର ଲୋକ ସେମାନଙ୍କ ଘରକୁ ଯାଆନ୍ତୁ ବୋଲି ଗ୍ରାହକ ଚାହଁୁନାହାନ୍ତି। କମ୍ପାନୀ ଏବଂ ଷ୍ଟୋର ପକ୍ଷରୁ ସୁରକ୍ଷାକୁ ଧ୍ୟାନରେ ରଖାଯାଇଛି। କଷ୍ଟମରଙ୍କ ପାଇଁ ସୁରକ୍ଷାକୁ ପ୍ରାଥମିକତା ଦିଆଯାଇଛି। ଯଦି ୧୫ ଦିନ କିମ୍ବା୧ ମାସ ମଧ୍ୟରେ ବଜାର ଟିକିଏ ସୁଧୁରେ ତେବେ କାରବାର ଭଲ ହେବା ନେଇ ଆଶାବାଦୀ।
– ଇନ୍ଦ୍ରଜିତ ମହାନ୍ତି, ଏଏସ୍‌ଏମ୍‌, ଷ୍ଟାଇଲ ସ୍ପା

– ଚାହିଦା କମ୍‌ ରହିଥିବାରୁ ବର୍ତ୍ତମାନ ପ୍ରଡକ୍ସନ ନାହିଁ। ଲୋକମାନେ ଜରୁରୀ ସାମଗ୍ରୀ କ୍ରୟକୁ ବିଚାର କରୁଛନ୍ତି। କରୋନା ଯୋଗୁ ଖରାଦିନ କାରବାର ସମ୍ପୂର୍ଣ୍ଣ ଚଳିତ ବର୍ଷ ବିଗିଡିଯାଇଛି। ବର୍ତ୍ତମାନ ଲୋକଙ୍କ ନିକଟରେ ନଗଦ କମିଥିବାରୁ ଆଇସ୍‌କ୍ରିମ ଚକୋଲେଟ ଶିଳ୍ପ ଉପରେ ଗଭୀର ପ୍ରଭାବ ରହିଛି। କରୋନା ସହ ଆମକୁ ଏମିତି ବଢ଼ିବାକୁ ହେବ। କଟକଣା ଯୋଗୁ ବର୍ତ୍ତମାନ ବାହାଘର ଏବଂ ଅନ୍ୟ କାର୍ଯ୍ୟକ୍ରମ ବନ୍ଦ ରହିଥିବାରୁ ବଜାରରେ ଦୀର୍ଘମିଆଦୀ ପ୍ରଭାବ ରହିବ। ମାର୍ଚ୍ଚ, ଏପ୍ରିଲ, ମେ ଏବଂ ଜୁନ ପିକ୍‌ ସିଜନ ରହିଥାଏ। ମାତ୍ର କରୋନା ଯୋଗୁ କାରବାର କ୍ଷତିଗ୍ରସ୍ତ। ଆଗାମୀ ଦିନରେ ସ୍ଥିତି ସାମାନ୍ୟ ସୁଧୁରିଲେ ମଧ୍ୟ ବଜାର ଉପରେ ପ୍ରଭାବିତ ରହିବ। ଭ୍ୟାକ୍ସିନ୍‌ ନ ଥିବାରୁ ଲୋକଙ୍କ ମନରେ ଭୟ ରହିବ। ବଜାରକୁ ଦେଖି ସେହି ଅନୁସାରେ ଆଗାମୀ କାର୍ଯ୍ୟପନ୍ଥା ଗ୍ରହଣ କରାଯିବ।
– କରିମ କବିରୁଦ୍ଦିନ, କାର୍ଯ୍ୟନିର୍ବାହୀ ନିର୍ଦ୍ଦେଶକ, ହେଲ୍‌ଥ ଫୁଡ୍‌ ପ୍ରଡକ୍ଟ ପ୍ରାଇଭେଟ ଲିମିଟେଡ୍‌

ଗତ ୩ ଦିନ ହେବ ପୁରୀ ଷ୍ଟୋର ଖୋଲାଯାଇଛି। ଭୁବନେଶ୍ୱର ଷ୍ଟୋର ଗୋଟିଏ ଦିନ ଖୋଲିବା ପରେ ବନ୍ଦ ରହିଛି। କାରବାର ସମ୍ପୂର୍ଣ୍ଣ ପ୍ରଭାବିତ ରହିଛି। ଷ୍ଟୋର ଖୋଲିଲେ ମଧ୍ୟ ଗ୍ରାହକ ଏତେଟା ଆସୁନାହାନ୍ତି। ହ୍ୟାଣ୍ଡଲୁମ୍‌ ପ୍ରଡକ୍ଟ ଚାହିଦା ପର୍ଯ୍ୟଟକଙ୍କ ସହ ଲିଙ୍କ୍‌ ରଖୁଛି। ବର୍ତ୍ତମାନ କରୋନା ଯୋଗୁ ପର୍ଯ୍ୟଟନ ଶିଳ୍ପ ସମ୍ପୂର୍ଣ୍ଣ ବିଗିଡ଼ିଥିବାରୁ ହ୍ୟାଣ୍ଡଲୁମ୍‌ ପ୍ରଡକ୍ଟର ବିକ୍ରି ନାହିଁ। ବଜାର ଧୀରେ ଧୀରେ ଖୋଲିଲେ ଏଥିରେ ସାମାନ୍ୟ ପରିବର୍ତ୍ତନ ଆସିବା ନେଇ ଆଶାବାଦୀ।
– ଲଲାଟେନ୍ଦୁ ମହାନ୍ତି, ପାର୍ଟନର , ପ୍ରିୟଦର୍ଶିନୀ


All Right Reserved By Dharitri.Com

ଆଲେନ୍‌ ପକ୍ଷରୁ ଓରିଏଣ୍ଟେସନ କାର୍ଯ୍ୟକ୍ରମ

ଭୁବନେଶ୍ୱର,୨୬-୪: ପ୍ରମୁଖ କୋଚିଂ ପ୍ରତିଷ୍ଠାନ ଆଲେନ୍‌ କ୍ୟାରିୟର ଇନ୍‌ଷ୍ଟିଚ୍ୟୁଟ ପକ୍ଷରୁ ନୂତନ ଶିକ୍ଷା ଅଧିବେଶନ ପାଇଁ ସ୍ଥାନୀୟ ରେଳ ଅଡିଟୋରିୟମଠାରେ ଏକ ଓରିଏଣ୍ଟେଶନ କାର୍ଯ୍ୟକ୍ରମ ଅନୁଷ୍ଠିତ...

ନିବେଶକଙ୍କ ସମ୍ପତ୍ତିରେ ୨.୫ ଲକ୍ଷ କୋଟି ବୃଦ୍ଧି

ମୁମ୍ବାଇ,୧୦-୧: ଦେଶର ପୁଞ୍ଜିବଜାରର ସ୍ଥିତି ଉନ୍ନତ ହେବାରୁ ନିବେଶକଙ୍କ ସମ୍ପତ୍ତିରେ ଗୁରୁବାର ୨.୫ ଲକ୍ଷ କୋଟି ଟଙ୍କାର ବୃଦ୍ଧି ଘଟିଛି। ୟୁଏସ୍‌-ଇରାନ ମଧ୍ୟରେ ଯୁଦ୍ଧ ଆଶଙ୍କା...

ଶାକାହାରୀ ଯାତ୍ରୀଙ୍କୁ ମାଂସାହାରୀ ଖ୍ୟାଦ୍ୟ ପରଷି ଅଡ଼ୁଆରେ ଏୟାର ଏସିଆ ବିମାନ: ଲାଗିଲା ଦେଢ଼ଲକ୍ଷ ଟଙ୍କାର ଜରିମାନା

ଅମୃତଶର,୨୭।୫: ଜଣେ ଶାକାହାରୀ ଯାତ୍ରୀଙ୍କୁ ବିମାନରେ ମାଂସାହାରୀ ଖାଦ୍ୟ ଦେଇ ହଇରାଣ କରାଯାଇଥିବା ଅଭିଯୋଗ ହୋଇଛି। ଏନେଇ କନଜ୍ୟୁମର କୋର୍ଟରେ ଅଭିଯୋଗ କରାଯାଇଥିବା ବେଳେ ଏବେ...

ଶିଳ୍ପ କ୍ଷେତ୍ର ଉତ୍ପାଦନ ହ୍ରାସ ଧାରା ଜାରି

ନୂଆଦିଲ୍ଲୀ,୧୩-୧୨: ମାନ୍ଦାବସ୍ଥା ଦେଶର ଅର୍ଥ ବ୍ୟବସ୍ଥାକୁ ଏବେ ମଧ୍ୟ ଜାବୁଡି ଧରିଛି। ଏହାର ପ୍ରଭାବରେ ଲଗାତର ତୃତୀୟ ମାସ ଲାଗି ଦେଶର ଉଦ୍ୟୋଗଗୁଡିକର ଉତ୍ପାଦନ ଖସିଛି।...

୨ ଦିନରେ ଉଡିଗଲା ୯.୭୪ ଲକ୍ଷ କୋଟି

ମୁମ୍ବାଇ,୧୮-୩: ଶେୟାର ବଜାରରେ କାରବାର ଖସିବା ଯୋଗୁ ୨ ଦିନରେ ନିବେଶକ ୯.୭୪ ଲକ୍ଷ କୋଟି ଟଙ୍କା କ୍ଷତି ସହିଛନ୍ତି। ବଜାରର ସୁରକ୍ଷିତ ନିବେଶ ଏବେ...

ବିଏସ୍‌-୬ ମୋଟର ସାଇକେଲ ଆଣିଲା ହିରୋ

ନୂଆଦିଲ୍ଲୀ,୧୧-୧୧: ହିରୋମୋଟୋକର୍ପ ଲିମିଟେଡ ପକ୍ଷରୁ ଦେଶର ପ୍ରଥମ ବିଏସ୍‌-୬ ମୋଟର ସାଇକେଲ ସ୍ପ୍ଲେଣ୍ଡର ଆଇ-ସ୍ମାର୍ଟର ବଜାର ପ୍ରବେଶ କରାଯାଇଛି। ଆଇସିଏଟି ପ୍ରମାଣପତ୍ର ଲାଭ କରିବାର ମାତ୍ର...

ସର୍ବୋଚ୍ଚ ସ୍ତରରେ ମୁଦ୍ରାସ୍ଫୀତି

ନୂଆଦିଲ୍ଲୀ,୧୧-୧୦: ସେପ୍ଟେମ୍ବରରେ ଦେଶରେ ଖୁଚୁରା ମୁଦ୍ରାସ୍ଫୀତି ୧୨ ମାସର ସର୍ବୋଚ୍ଚ ସ୍ତରରେ ରହିଥିବା ଏକ ସର୍ଭେରୁ ଜଣାପଡିଛି। ମାତ୍ର ଏହା ସତ୍ତ୍ୱେ ରିଜର୍ଭ ବ୍ୟାଙ୍କ ପୁଣି...

ସବୁ କଏନ୍‌ର ବୈଧତା ରହିଛି:ଆର୍‌ବିଆଇ

ନୂଆଦିଲ୍ଲୀ,୨୭-୬: ଦେଶ ମଧ୍ୟରେ ପ୍ରଚଳନରେ ଥିବା ବିଭିନ୍ନ ମୂଲ୍ୟର ଖୁଚୁରା ମୁଦ୍ରା(କଏନ୍‌) ବୈଧ। ବିଭିନ୍ନ ମୂଲ୍ୟର କଏନ ଗ୍ରହଣ ବେଳେ ଲୋକମାନେ କୌଣସି ଦ୍ୱନ୍ଦ୍ୱ କିମ୍ବା...

Leave a comment

Your email address will not be published. Required fields are marked *