ଜୀବନକୁ ବାଜି ଲଗାଇ ଫେରିଲେ ଅନିଲ

ଜଗତ୍‌ସିଂହପୁର ଅଫିସ,୭ା୫: ଜୀବନକୁ ବାଜି ଲଗାଇ ସୁଦୂର ମଧ୍ୟପ୍ରଦେଶରୁ ଜଗତ୍‌ସିଂହପୁରରେ ପହଞ୍ଚିଛନ୍ତି ବାଲିକୁଦା ଥାନା ଅଳାଭର ପଞ୍ଚାୟତ କଣିଆ ଗ୍ରାମର ଅନିଲ ବାରିକ। ସେ ତାଙ୍କ ପଞ୍ଚାୟତ ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚିଲା ପରେ ‘ଧରିତ୍ରୀ’କୁ ସ୍ବତନ୍ତ୍ର ଭାବେ ଅଭୁଲାସ୍ମୃତି ବଖାଣିଛନ୍ତି। ଏହି ଗସ୍ତ ତାଙ୍କ ପାଇଁ ବଡ଼ ପରୀକ୍ଷା ଥିଲା। ବାଟରେ ସେ ଯେତେବେଳେ ଚାଲି ଚାଲି ଆସୁଥିଲେ ଲୋକେ ତାଙ୍କୁ ସନ୍ଦେହ କରି ମେଳି ହୋଇ ଆକ୍ରମଣ ଉଦ୍ୟମ କରିଥିଲେ। ସୌଭାଗ୍ୟକୁ ତାଙ୍କର ଜଣେ ଅଜଣା ୟୁଟୁବ୍‌ ଚ୍ୟାନେଲ୍‌ ବନ୍ଧୁଙ୍କ ଯୋଗୁ ବଞ୍ଚି ଯାଇଥିଲେ। କେବଳ ଏତିକି ନୁହେଁ, ଏହି ବନ୍ଧୁ ଓ ବାଟରେ ଅଗ୍ନିଶମ ବାହିନୀ କର୍ମଚାରୀଙ୍କ ସହଯୋଗ ତାଙ୍କୁ ଜିଲାରେ ପହଞ୍ଚାଇବାରେ ସହଯୋଗ କରିଥିଲା। ବିଶେଷକରି ସୁନ୍ଦରଗଡ଼ ସୀମାରୁ ତାଙ୍କୁ ଆସିବା ଚିନ୍ତାର କାରଣ ଥିଲା। ଏକ ପୁରୁଣା ବାଇକ୍‌ କିଣି ସମ୍ବଲପୁର ଦେଇ ପାଖାପାଖି ୪୫୦ କିଲୋମିଟର ଅବିଶ୍ରାନ୍ତ ଗାଡିଚାଳନା କରି ଜଗତ୍‌ସିଂହପୁରରେ ପହଞ୍ଚିବା ପରେ ସେ ଆଶ୍ୱସ୍ତ ହୋଇଛନ୍ତି। ଏହି ଗସ୍ତ ସମ୍ପର୍କରେ ସେ ଯାହା କହିଛନ୍ତି ତାହା ବେସ୍‌ ହୃଦୟସ୍ପର୍ଶୀ।
ମଧ୍ୟପ୍ରଦେଶ ସାଦୋଲ ଜିଲାରେ ଥିବା ଏକ ସଂସ୍ଥାରେ ସେ ଇନ୍‌ଷ୍ଟ୍ରୁମେଣ୍ଟ ଇଞ୍ଜିନିୟର ଭାବେ କାର୍ଯ୍ୟ କରୁଥିଲେ। କରୋନା ଯୋଗୁ ଚାକିରି ଛାଡି ଗାଁକୁ ଫେରିବାକୁ ଚାହୁଁଥିଲେ ସୁଦ୍ଧା ଲକ୍‌ଡାଉନ୍‌ ବଢିଯିବାରୁ ଚିନ୍ତାରେ ପଡିଥିଲେ। ତଥାପି ସାଦୋଲ ଜିଲାପାଳଙ୍କ ସହାୟତା ଲୋଡିଥିଲେ। ଜିଲାପାଳ ଓଡ଼ିଶାରେ ପହଞ୍ଚାଇଦେବା ପାଇଁ ତାଙ୍କୁ ପ୍ରତିଶ୍ରୁତି ଦେବାସହ ପାସ୍‌ ବ୍ୟବସ୍ଥା କରିଥିଲେ। ୨ ତାରିଖରେ କୋଟାରୁ ୨୩ ଛାତ୍ରୀଛାତ୍ର ଓଡ଼ିଶା ଆସିବାର ଥିବାରୁ ଜିଲାପାଳ ସେମାନଙ୍କ ସହ ଯିବା ପାଇଁ ସହଯୋଗ କରିଥିଲେ। କିନ୍ତୁ ବସ୍‌ରେ ଅନିଲଙ୍କୁ ନେବା ପାଇଁ ଛାତ୍ରୀଛାତ୍ର ଅମଙ୍ଗ ହୋଇଥିଲେ ସୁଦ୍ଧା ବାହାରେ ବସିବା ପାଇଁ ସୁଯୋଗ ଦେଇଥିଲେ। ବସ୍‌ ଓଡ଼ିଶା-ଛତିଶଗଡ଼ ସୀମା ବାଲିଶଙ୍କରା ପାଖରେ ପହଞ୍ଚିବା ପରେ ପୋଲିସ ଚେକିଂ କରି ୨୩ ଛାତ୍ରୀଛାତ୍ରଙ୍କ ଅନୁମତିପତ୍ର ଦେଖି ଛାଡି ଦେବା ସହ ଅନିଲଙ୍କୁ ଓହ୍ଲାଇ ଦେଇଥିଲା। ଫଳରେ ଅନିଲ ପାଖାପାଖି ୧ କି.ମି. ଚାଲିଲା ପରେ ପୁଣି ପୋଲିସ ଅଟକାଇଥିଲେ ସୁଦ୍ଧା ପାସ୍‌ ଦେଖି ଛାଡି ଦେଇଥିଲା। ସେଠାରୁ ସେ ନିକଟସ୍ଥ ସ୍ବାସ୍ଥ୍ୟକେନ୍ଦ୍ର କ୍ବାରେଣ୍ଟାଇନ୍‌ ସେଣ୍ଟରରେ ରହିବାକୁ ଯାଉଥିବା ବେଳେ ଜଣେ ଅଜଣା ଯୁବକ ଦେଖାହୋଇ ଅନିଲ୍‌ଙ୍କ ନାମରେ ଥିବା ୟୁଟୁବ୍‌ ଚ୍ୟାନେଲର ଜଣେ ଫ୍ୟାନ୍‌ ବୋଲି ପରିଚୟ ଦେଇ କଥା ହୋଇଥିଲେ। ଏହି ସମୟରେ କିଛି ଲୋକ ଅନିଲଙ୍କୁ ବାହାରୁ ଆସିଥିବା ଜାଣି ଘେରି ଯିବା ସହ ଆକ୍ରମଣ ଉଦ୍ୟମ କରିିଥିଲେ। ସୌଭାଗ୍ୟ ବଶତଃ ଏହି ଯୁବକଜଣଙ୍କ ଯୋଗୁ ସେ ଅଳ୍ପକେ ବର୍ତ୍ତି ଯାଇଥିଲେ। ଏଥିସହ ଯୁବକଜଣକ ନିଜ ବାଇକ୍‌ ବିକି ଦେବାକୁ ପ୍ରସ୍ତାବ ଦେଇଥିଲେ। ନଚେତ କାର ଭଡା କରି ଯିବାକୁ ଚାହିଁଲେ ସହଯୋଗ କରିବେ ବୋଲି କହିଥିଲେ। କିନ୍ତୁ କାର ଭଡା ୧୫ ହଜାର ଟଙ୍କା ହୋଇଥିବାରୁ ସମ୍ପୃକ୍ତ ଯୁବକଙ୍କ ବାଇକ୍‌ ୧୩ ହଜାର ଟଙ୍କାରେ କିଣି ଅନିଲ ଘର ମୁହାଁ ହୋଇଥିଲେ। ଏହା ଭିତରେ ସେ ଅଳାଭର ସରପଞ୍ଚ, ଜିପିଓ, ବାଲିକୁଦା ଥାନା ଅଧିକାରୀ ଓ ଜଗତ୍‌ସିଂହପୁର ଜିଲାପାଳଙ୍କୁ ଫୋନ୍‌ କରି ସହାୟତା ମାଗିଥିଲେ। ପରେ ରାତିରେ ସମ୍ବଲପୁର ସୀମାରେ ଥିବା ଏକ ଅଗ୍ନିଶମ କେନ୍ଦ୍ରକୁ ଯାଇ ରାତ୍ରିଯାପନ କରିବାକୁ ଚାହିଁଥିଲେ। ସେଠାରେ ଉପସ୍ଥିତ ଅଗ୍ନିଶମ କର୍ମଚାରୀମାନେ ଅଧ କିଲୋମିଟର ଦୂର ଏକ ନିରୋଳା ଘରେ ଏକୁଟିଆ ରହିବା ବ୍ୟବସ୍ଥା କରିଥିଲେ। ସେଠାରୁ ସୋମବାର ସକାଳ ୭ଟାରୁ ବାହାରି ମଙ୍ଗଳବାର ଅପରାହ୍ନରେ ଜଗତ୍‌ସିଂହପୁରରେ ପହଞ୍ଚିଥିଲେ। ସରଳାଦେବୀ କଲ୍ୟାଣ ମଣ୍ଡପରେ ତାଙ୍କ ସ୍ବାବ୍‌ ସଂଗ୍ରହ ହୋଇଥିଲା। ପରେ ସେ ତାଙ୍କ ପଞ୍ଚାୟତ ଅସ୍ଥାୟୀ ସ୍ବାସ୍ଥ୍ୟ କେନ୍ଦ୍ରକୁ ଚାଲି ଯାଇଥିଲେ।


All Right Reserved By Dharitri.Com

ସତ୍ୟର ଅନ୍ୟ ନାମ ସାମ୍ବାଦିକତା

ଜଗତ୍‌ସିଂହପୁର ଅଫିସ୍‌, ୧୭।୧:ସତ୍ୟର ଅନ୍ୟ ନାମ ସାମ୍ବାଦିକତା। ଗଣତନ୍ତ୍ରର ୪ର୍ଥ ସ୍ତମ୍ଭ ଗାନ୍ଧୀଙ୍କ ନୀତି ଓ ଆଦର୍ଶକୁ ଅନୁକରଣ କରିବା ଉଚିତ ବୋଲି ଗୁରୁବାର ଏକବିଂଶତମ...

ଜି.ଉଦୟଗିରି ନିର୍ବାଚନମଣ୍ଡଳୀରେ ବିଜେଡିର ସାଲୁଗା ବିଜୟୀ

ଦାରିଙ୍ଗବାଡ଼ି,୨୪।୫(ଡି.ଏନ୍‌.ଏ.): କନ୍ଧମାଳ ଜିଲା ଜି.ଉଦୟଗିରି ନିର୍ବାଚନ ମଣ୍ଡଳୀରେ ବିଜେଡି ବିଧାୟକ ପ୍ରାର୍ଥୀ ସାଲୁଗା ପ୍ରଧାନ ବିଜୟୀ ହୋଇଛନ୍ତି। ସାଲୁଗା ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ କଂଗ୍ରେସର ଶ୍ୟାମଘନ...

ସେବା ସମବାୟ ସମିତି ସମ୍ପାଦକ ନିଲମ୍ବିତ: କାଳିଆ ଯୋଜନା ଅର୍ଥ ହେରଫେର

ଛତ୍ରପୁର/ଧରାକୋଟ,୬ା୨(ଡି.ଏନ.ଏ)- ଗଞ୍ଜାମ ଜିଲା ଧରାକୋଟ ବ୍ଲକ ସିଙ୍ଗିପୁର ସେବା ସମବାୟ ସମିତିରେ କାଳିଆ ଯୋଜନା ଅର୍ଥ ହେରଫେର ହୋଇଥିଲା। କାଳିଆ ଅର୍ଥ ପାଇବାକୁ ଥିବା ହିତାଧିକାରୀମାନଙ୍କ...

କେନାଲ କାମରେ ଅନିୟମିତତା: ବିରୋଧ କରି କାର୍ଯ୍ୟବନ୍ଦ କଲେ ଗ୍ରାମବାସୀ

ଜମନକିରା,୩।୩(ଡି.ଏନ୍‌.ଏ): ସମ୍ବଲପୁର ଜିଲା କୁଚିଣ୍ଡା ଉପଖଣ୍ଡସ୍ଥ କ୍ଷୁଦ୍ର ଓ ମଧ୍ୟମ ଜଳସେଚନ ବିଭାଗ (ଏମ୍‌ଆଇପି) ପକ୍ଷରୁ ଜମନକିରା ବ୍ଲକ୍‌ ସଦର ମହକୁମାର ମୁଖ୍ୟ କେନାଲ କାମକୁ...

ବିବାହର ୭ ମାସ ନ ପୂରୁଣୁ ନବବିବାହିତାଙ୍କ ସନ୍ଦେହଜନକ ମୃତ୍ୟୁ: ଏହା ଏକ ସୁପରିକଳ୍ପିତ ହତ୍ୟାକାଣ୍ଡ; ମୃତକାଙ୍କ ଭାଇଙ୍କ ଥାନାରେ ଅଭିଯୋଗ

ଜୁନାଗଡ,୭।୮(ଡି.ଏନ.ଏ.)-କଳାହାଣ୍ଡି ଜିଲା ଜୁନାଗଡ ବ୍ଲକ ଚିଚୈଗୁଡା ଗ୍ରାମରେ ମଙ୍ଗଳବାର ବିବାହର ୭ ମାସ ନ ପୂରୁଣୁ ଜଣେ ନବବିବାହିତା ମହିଳାଙ୍କ ସନ୍ଦେହଜନକ ମୃତ୍ୟୁ ହୋଇଛି। ତାଙ୍କ...

ୟୁରୋପ ଯାଇ ନ ଥିବା କହିଲେ ପ୍ରଦୀପ୍ତ

ଭୁବନେଶ୍ୱର,୧୩।୩(ବ୍ୟୁରୋ): ଶ୍ରୀମନ୍ଦିରର ୫୪୫ କୋଟି ଟଙ୍କା ଘରୋଇ ୟେସ୍‌ ବ୍ୟାଙ୍କ୍‌ରେ ଜମା ରଖାଯାଇଛି। ୟେସ୍‌ ବ୍ୟାଙ୍କ୍‌ର ଆର୍ଥିକ ପରିସ୍ଥିତି ଦୁର୍ବଳ ହୋଇସାରିଛି। ଏଥିରେ ଥିବା ଜମାରାଶି...

ଜୀବନ ଯୁଦ୍ଧରେ ଜୀବିକା ପ୍ରଭାବିତ

ଭୁବନ, ୨୭।୩(ଡି.ଏନ.ଏ.):କରୋନା ମହାମାରୀ ଆତଙ୍କରେ ବିଶ୍ୱ ଥରହର। ଗଡୁଛି ହଜାର ହଜାର ମୁଣ୍ଡ। ଆକ୍ରାନ୍ତଙ୍କ ସଂଖ୍ୟା କଳିବା ଅସମ୍ଭବ। କେତେବେଳେ ଆଉ କେମିତି ଏହି ମାରାତ୍ମକ...

ଆଜି ସୁଆର ମହାସୁଆର ନିର୍ବାଚନ

ପୁରୀ ଅଫିସ, ୯ା୮: ଶ୍ରୀମନ୍ଦିରର ସୁଆର ମହାସୁଆର ନିଯୋଗ ନିର୍ବାଚନ ଶନିବାର ଅନୁଷ୍ଠିତ ହେବ। ମୋଟ ୩୭ ଜଣ ପ୍ରାର୍ଥୀ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ବେଳେ...

Leave a comment

Your email address will not be published. Required fields are marked *