ଜଗତ୍‌ସିଂହପୁର ଛିନ୍‌ତାଇ ମାମଲା: ଏକାଧିକ ମାମଲାରେ ସମ୍ପୃକ୍ତ ୭ ଅଭିଯୁକ୍ତ ଗିରଫ

ଜଗତ୍‌ସିଂହପୁର ଅଫିସ, ୧୩ା୬: କିଛି ଦିନ ହେବ ଜଗତ୍‌ସିଂହପୁର ସହରରେ ଅପରାଧୀମାନେ ଦିନ ଦ୍ୱି ପ୍ରହରରେ ମହିଳାଙ୍କ ବେକରୁ ସୁନା ଚେନ୍‌ ଛିନତାଇ କରି ନେବା ଖବର ପୋଲିସ କାର୍ଯ୍ୟକଳାପ ଉପରେ ଆଙ୍ଗୁଳି ନିର୍ଦ୍ଦେଶ କରିଥିଲା। ଏହାକୁ ନେଇ ପୋଲିସ ପକ୍ଷରୁ ଅଭିଯୁକ୍ତଙ୍କୁ ଧରିବା ଅଭିଯାନ ଜୋରଦାର କରାଯାଇଥିଲା। ସୌଭାଗ୍ୟ ପୋଲିସ ଏଥିରେ କେତେକାଂଶରେ ସଫଳ ହୋଇଛି। ଜଣେ ଅନ୍ତଜିଲା ଅପରାଧୀଙ୍କ ସମେତ ମୋଟ ୭ ଜଣଙ୍କୁ ଗିରଫ କରିବାରେ ସମର୍ଥ ହୋଇଛି। ଏଥିସହ ୩ଟି ସୁନା ଚେନ୍‌ ଓ ୪ଟି ବାଇକ୍‌ ଜବତ କରିଛି। ଗିରଫ ଅଭିଯୁକ୍ତମାନେ ହେଲେ ରଘୁନାଥପୁର ଥାନା ଜିରାରେ ଅବସ୍ଥାପିତ ତଥା ପାରାଦୀପ ଗଡ଼ ନିଁଡିହିର ରାଜା ଓରଫ ବିଶ୍ୱନାଥ ନାୟକ (୨୬), ଜଗତ୍‌ସିଂହପୁର ଥାନା ପଳାଶୋଳର ବୁଣ୍ଟି ଓରଫ ସ୍ବୟାଂଶୁ ସତ୍ୟରଞ୍ଜନ ଦାସ (୨୨), ଏହିଥାନା ଅଧୀନ ପଳସୁଧା ବାଉରୀ ସାହିର ନାଲୁଆ ଓରଫ ସଂଗ୍ରାମ ଦାସ (୨୧), ଓଳି ଓରଫ ସନାତନ ଦାସ (୨୧), ରଘୁନାଥପୁର ଥାନା ଜିରାର ଗାଣ୍ଡୁ ଓରଫ ନିରାକାର ଦାସ (୨୩), କୁଜଙ୍ଗ ଥାନା ଜଗନ୍ନାଥପୁରର ପୁପା ଓରଫ ଶକ୍ତି ରଞ୍ଜନ ମହାନ୍ତି ଓ ଏହିଥାନା ବଳରାମପୁରର ବାପି ଓରଫ ସୋମନାଥ ନାଥ (୨୧)। ରାଜା ହେଉଛନ୍ତି କିଙ୍ଗପିନ୍‌। ସେ କେବଳ ଜଗତ୍‌ସିଂହପୁର ନୁହେଁ ରାଜ୍ୟର ବିଭିନ୍ନ ଜିଲାରେ ଅପରାଧ ଘଟାଇଥିବା ଅଭିଯୋଗ ରହିଛି। ଅନ୍ୟମାନେ ଜିଲାର ପାରାଦୀପ, ଜଗତ୍‌ସିଂହପୁର ସମେତ ବିଭିନ୍ନ ଥାନା ଅଞ୍ଚଳରେ ଅପରାଧରେ ସମ୍ପୃକ୍ତ। ବୁଧବାର ଜଗତ୍‌ସିଂହପୁର ଥାନା ପରିସରରେ ଅନୁଷ୍ଠିତ ଖବରଦାତା ସମ୍ମିଳନୀରେ ଏହି ସୂଚନା ଦିଆଯାଇଛି। ଆୟୋଜିତ ସମ୍ମିଳନୀରେ ଜଗତ୍‌ସିଂହପୁର ଏସ୍‌ଡିପିଓ ପ୍ରକାଶ ଚନ୍ଦ୍ର ପାଲ କହିଥିଲେ, ୩୦ା୫ା୧୯ ଓ ୮ା୬ା୧୯ରେ ଜଗତ୍‌ସିଂହପୁର ସହରରେ ପୃଥକ ଛିନତାଇ ମାମଲା ରୁଜୁ ହୋଇଥିଲା। ଏହି ମାମଲାକୁ ଗୁରୁତର ସହ ନିଆଯାଇ ଅଭିଯୁକ୍ତଙ୍କୁ ଗିରଫ କରିବାକୁ ପୋଲିସ ତତ୍ପର ହୋଇଥିଲା। ଆୟୋଜିତ ଖବରଦାତା ସମ୍ମିଳନୀରେ ତଦନ୍ତକାରୀ ଅଧିକାରୀ ତଥା ଜଗତସିଂହପୁର ଆଇଆଇସି ରଜନୀକାନ୍ତ ମିଶ୍ର ଉପସ୍ଥିତ ଥିଲେ। ସୂଚନାଯୋଗ୍ୟ ଯେ, ୩୦ା୫ା୧୯ରେ ଅଭିଯୋଗକାରୀ ସ୍ଥାନୀୟ ଖେରସରର ଅନିତା ପ୍ରଧାନ ଦର୍ଶାଇଥିଲେ ସେ, ତାଙ୍କ ସ୍ବାମୀ ଓ ପିଲାଙ୍କ ସହ ସାଇ ମନ୍ଦିର ଯାଇ ଫେରୁଥିବା ବେଳେ କୋର୍ଟ ଛକ ନିକଟରେ ୨ଜଣ ଦୁର୍ବୁତ୍ତ ବାଇକ୍‌ରେ ଆସି ତାଙ୍କ ବେକରୁ ସୁନା ଚେନ୍‌ ଛିଡାଇ ନେଇଥିଲେ। ଏହା ଉପରେ ଜଗତ୍‌ସିଂହପୁର ଥାନାରେ ମାମଲା ସଂଖ୍ୟା ୧୯୦/୧୯ ରୁଜୁ ହୋଇଥିଲା। ସେହିପରି ଗୋପାଳସାଗରର ଘନଶ୍ୟାମ ସ୍ବାଇଁ ଅଭିଯୋଗରେ ଦର୍ଶାଇଥିଲେ ସେ ତାଙ୍କ ସ୍ତ୍ରୀଙ୍କ ସହ ବାଇକ୍‌ରେ ଦଶ ନମ୍ବରରୁ ହାଟବଜାର ସତ୍‌ସଙ୍ଗ ବିହାର ଅଭିମୁଖେ ଯାଉଥିଲେ। ଠିକ ଏସ୍‌କେ ଏକାଡେମୀ ପଡିଆ ନିକଟରେ ଏକ ବାଇକ ଯୋଗେ ଦୁର୍ବୁତ୍ତ ଆସି ତାଙ୍କ ସ୍ତ୍ରୀଙ୍କ ବେକରୁ ସୁନା ଚେନ୍‌ ଛିଡାଇ ନେଇଥିଲେ। ଅଭିଯୋଗ ପରେ ଜଗତସିଂହପୁର ପୋଲିସ ମାମଲା ସଂଖ୍ୟା ୨୧୨/୧୯ ରୁଜୁ କରିଥିଲା। ଏହା ପୂର୍ବରୁ ମଧ୍ୟ ଅନୁରୂପ ଅପରାଧିକ ମାମଲା ରହିଛି। ଏସବୁକି ଦୃଷ୍ଟିରେ ରଖି ପୋଲିସ ତତ୍ପର ହୋଇ ପଡିଥିଲା।


All Right Reserved By

ଧାନ କିଣାରେ ଅବ୍ୟବସ୍ଥା, ଲ୍ୟାମ୍ପସ୍‌ କାର୍ଯ୍ୟାଳୟରେ ତାଲା ପକାଇଲେ ଚାଷୀ

ଖୁଣ୍ଟା,୨୦ା୮(ଡି.ଏନ୍‌.ଏ)-ଧାନ କିଣାରେ ଅବ୍ୟବସ୍ଥାକୁ ନେଇ ସୋମବାର ମୟୂରଭଞ୍ଜ ଜିଲା ଖୁଣ୍ଟା ବ୍ଲକ ଅଧୀନ ବାହାନଡା ଲ୍ୟାମ୍ପସ କାର୍ଯ୍ୟାଳୟରେ ଚାଷୀମାନେ ତାଲା ପକାଇ ଦେଇଥିଲେ। ଚାଷୀମାନେ ନିଜ...

ସ୍ତ୍ରୀଙ୍କୁ ମାଡ଼ମାରି ଗଛରେ ଟାଙ୍ଗିଦେଲେ ସ୍ବାମୀ: ଡାଳ ଭିଙ୍ଗିଯିବାରୁ ବଞ୍ଚିଗଲେ ସ୍ତ୍ରୀ

ଆନନ୍ଦପୁର,୧୪।୬(ସ୍ବ.ପ୍ର.): ଆନନ୍ଦପୁର ଉପଖଣ୍ଡ ଘସିପୁରା ଥାନା ନଦୁଆଁ ଗ୍ରାମରେ ରଜ ଉତ୍ସବ ଚାଲିଥିବା ବେଳେ ଏକ ଅଘଟଣ ଘଟିଛି। ସ୍ତ୍ରୀଙ୍କୁ ମାଡ଼ମାରି ଗଛରେ ଟାଙ୍ଗି ଦେଇଥିଲେ...

ବାପାଙ୍କ ହତ୍ୟାକାରୀଙ୍କୁ ଗିରଫ ଦାବି : ଏସ୍‌ପିଙ୍କ ଦ୍ୱାରସ୍ଥ ହେଲେ ପୁଅ

ରଣପୁର, ୭।୬(ସ୍ବ.ପ୍ର.) : ପୁଅକୁ ବିବାହ କରାଇ ଘରକୁ ବୋହୂ ଆଣିଥିଲେ । ସେହି ପରିବାର ସହିତ ଜନ୍ମ ଜନ୍ମକୁ ବନ୍ଧୁ ବି ବାନ୍ଧିଥିଲେ ।...

ବିଧାନସଭାରେ ୩ ବିଧେୟକ ଗୃହୀତ

ଭୁବନେଶ୍ୱର, ୪ା୮(ବ୍ୟୁରୋ): ରାଜ୍ୟ ସରକାରଙ୍କ ପକ୍ଷରୁ ବିଧାନସଭାରେ ଆଗତ ହୋଇଥିବା ୩ ଗୁରୁତ୍ୱପୂର୍ଣ୍ଣ ବିଧେୟକ ଶନିବାର ଗୃହୀତ ହୋଇଛି। ଏଥି ମଧ୍ୟରେ ଦୁଇଟି ସଂଶୋଧନ ଏବଂ...

କାଠ ଗଣ୍ଡିକୁ ନେଇ ମାରପିଟ୍‌:୨ ଆହତ, ୩ କୋର୍ଟ ଚାଲାଣ

କୋରେଇ,୨୬ା୫(ସ୍ବ.ପ୍ର.)- କାଠ ଗଣ୍ଡିକୁ ନେଇ ମାରପିଟ୍‌ ମାମଲାରେ ପାଣିକୋଇଲି ପୋଲିସ ରବିବାର ୩ ଜଣଙ୍କୁ କୋର୍ଟ ଚାଲାଣ କରିଛି। ଏହି ଥାନା ଅନ୍ତର୍ଗତ ବଡବିରୁହଁା ପଞ୍ଚାୟତ...

ଗ୍ରୀଷ୍ମ ବଳୟରେ ସାରା ଓଡ଼ିଶା

ଭୁବନେଶ୍ୱର, ୨୬ା୫(ବ୍ୟୁରୋ): ପ୍ରଚଣ୍ଡ ତାତି। ଆକାଶରୁ ସତେ ଯେମିତି ଅଗ୍ନି ବର୍ଷୁଛି। ଗ୍ରୀଷ୍ମ ବଳୟ ସାରା ଓଡ଼ିଶାକୁ ଘେରିରହିଛି। ପାରଦ ୪୬ ଡିଗ୍ରୀ ଉପରକୁ ଟପି...

ଗଣତି ଚାଲିଛି ପୋଷ୍ଟାଲ ବାଲଟ

ଛତ୍ରପୁର,୨୩।୫(ଡି.ଏନ୍‌.ଏ.)- ଗଞ୍ଜାମ ଜ଼ିଲା ଆସିକା ଲୋକସଭା ଆସନ ପାଇଁ ପୋଷ୍ଟାଲ ବାଲଟର ଗଣତି ଛତ୍ରପୁର ସ୍ଥିତ ଜ଼ିଲାପାଳଙ୍କ ସମ୍ମିଳନୀ କକ୍ଷରେ ଚାଲିଛି। ରିଟର୍ଣ୍ଣିଂ ଅଫିସର ତଥା...

ଚଳିତ ମାସ ଶେଷ ସୁଦ୍ଧା ଆଧାର ସଂଯୋଗ, ସଂଶୋଧନ ସାରିବାକୁ ନିର୍ଦ୍ଦେଶ

ଭୁବନେଶ୍ୱର,୨୧।୮(ବ୍ୟୁରୋ): ଜାତୀୟ ଖାଦ୍ୟ ସୁରକ୍ଷା ଆଇନ, ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ରାଶନ୍‌ କାର୍ଡଧାରୀମାନଙ୍କର ଆଧାର ସଂଯୋଗ ଓ ସଂଶୋଧନ ପ୍ରକ୍ରିୟା ଚଳିତ ମାସ ୩୧...

selfi corner

Model This Week

Why Dharitri

Leave a comment

Your email address will not be published. Required fields are marked *