ରଜ ବଜାର

ଭୁବନେଶ୍ୱର,୧୩।୬(ବ୍ୟୁରୋ): ଗୁରୁବାର ସଜବାଜ। ଶୁକ୍ରବାର ପହିଲି ରଜ। କାମରୁ ବିରତି ନେଇ ରଜ ୩ଦିନ କିପରି ଖେଳକୁଦ ଓ ମଉଜ ମଜଲିସ୍‌ରେ କଟିବ, ସେଥିପାଇଁ ସମସ୍ତେ ପ୍ରସ୍ତୁତ। ରଜ କିଣାବିକା ପାଇଁ ରାଜଧାନୀ ରଜ ବଜାର ଚଳଚଞ୍ଚଳ ହୋଇପଡ଼ିଥିବା ବେଳେ ସେପଟେ ଓଡ଼ିଆଙ୍କ ରଜ ମଉଜକୁ ଆହୁରି ବଢ଼ାଇବାକୁ ସଜବାଜ ହୋଇଗଲାଣି ଓଲିଉଡ୍‌। ଭଳିକି ଭଳି ପାନର ପସରାକୁ ନେଇ ବିଭିନ୍ନ ସ୍ଥାନରେ ସ୍ବତନ୍ତ୍ର ରଜପାନ ଦୋକାନମାନ ଖୋଲିଥିବା ବେଳେ ପାରମ୍ପରିକ ରଜର ମଜାନେବାକୁ ଗଁା ଲେଉଟା ହେଲେଣି ସହରବାସୀ। ଏପଟେ ରଜ ପାଇଁ ଅଫର୍‌ର ପସରା ମେଲାଇ ବସିଥିବା ବ୍ୟବସାୟୀ ଓ ଶପିଂ ମଲ୍‌ରେ ପ୍ରବଳ ଭିଡ଼ ଲାଗିଥିବା ଦେଖିବାକୁ ମିଳିଲାଣି।
ଅଫର୍‌ ମେଳା
ରଜ ପାଇଁ ସବୁଆଡ଼େ ଚାଲିଛି ଅଫର୍‌ର ପସରା। ରଜପର୍ବର ପ୍ରାୟ ୧୫ଦିନ ଆଗରୁ ଆରମ୍ଭ ହୋଇଯାଇଛି ଏହି ଅଫର୍‌ ଧମାକା। ବଡ଼ ବଡ଼ ମଲ୍‌ରୁ ଆରମ୍ଭ କରି ଛୋଟ ଦୋକାନ ପର୍ଯ୍ୟନ୍ତ ପ୍ରାୟ ସବୁଠାରେ ଗ୍ରାହକଙ୍କୁ ଦିଆଯାଉଛି ଆକର୍ଷଣୀୟ ରଜ ଅଫର୍‌ ଓ ଉପହାର। କେଉଁଠି ରୂପଶ୍ରୀ ରଜ ସେଲ୍‌ ତ କେଉଁଠି ରଜ ଧମାକା ଅଫର୍‌ ସେଲ୍‌। ସେହିଭଳି ବାଏ ଓ୍ବାନ୍‌ ଗେଟ୍‌ ଓ୍ବାନ୍‌ ଫ୍ରି ଠାରୁ ଆରମ୍ଭ କରି ୫୦ ପ୍ରତିଶତରୁ ଅଧିକ ରିହାତି ଓ ଲକି ଡ୍ର ଉଠାଣର ବ୍ୟବସ୍ଥା ପର୍ଯ୍ୟନ୍ତ, ସବୁକିଛି ରଜ ବଜାରକୁ ସରଗରମ କରୁଛି। ଏଥନିକ୍‌ ରେଞ୍ଜରୁ ଓ୍ବେଷ୍ଟର୍ନ କଲେକ୍ସନ ପର୍ଯ୍ୟନ୍ତ, ସବୁଥିରେ ଆକର୍ଷଣୀୟ ରିହାତି ଗ୍ରାହକଙ୍କ ରଜ କିଣାକିଣିକୁ ବେଶ୍‌ ସୁହାଉଛି। ଆଉ ଏଥିପାଇଁ ସନ୍ଧ୍ୟା ହେଲେ ବଜାରରେ ଦେଖିବାକୁ ମିଳୁଛି ପ୍ରବଳ ଗହଳି। ବ୍ୟବସାୟୀମାନେ ଭଳିକି ଭଳି ନୂଆ ରଜ କଲେକ୍ସନ ଆଣିବା ସହ ଗ୍ରାହକଙ୍କୁ ଆକର୍ଷିତ କରିବା ପାଇଁ ଅଫର୍‌ ପରେ ଅଫର୍‌ ଘୋଷଣା କରୁଛନ୍ତି। ତେବେ ପ୍ରତିଥର ଭଳି ଏଥର ମଧ୍ୟ ରଜ ବଜାରରେ ପାରମ୍ପରିକ ପୋଷାକ ଯଥା ଶାଢି, ସାଲଓ୍ବାର୍‌ ସୁଟ୍‌, ଅନାରକଲି ଗାଉନ୍‌ ଓ କୁର୍ତ୍ତିର ଅଧିକ ଚାହିଦା ରହିଥିବା ଦେଖିବାକୁ ମିଳିଛି।
ଏଥ୍‌ନିକର ଚାହିଦା
ଏଥର ରଜ ବଜାରରେ ଶାଢି, ଲେହେଙ୍ଗା ଓ କୁର୍ତ୍ତାର ଅଧିକ ଡିମାଣ୍ଡ ରହିଛି। ପିଓର ସିଲ୍କ, ପିଓର କଟନ୍‌, ନେଟ୍‌, ଜର୍ଜେଟ୍‌, ସିଫନ, ସିନ୍ଥେଟିକ୍‌ ଆଦି ଫ୍ୟାବ୍ରିକ୍‌ରେ ପ୍ରସ୍ତୁତ ଶାଢି ଉପରେ ଜରି ଓ ଏମ୍ବ୍ରୋଡୋରୀ କାମର ଅଧିକ ଡିମାଣ୍ଡ ରହିଥିବା ବେଳେ ହ୍ୟାଣ୍ଡଲୁମ୍‌ ଶାଢି ବି ପଛରେ ପଡ଼ିନି। ହ୍ୟାଣ୍ଡଲୁମ୍‌ର ଡିମାଣ୍ଡ ଯୋଗୁ ଓଡ଼ିଶାର ପାରମ୍ପରିକ ତଥା ହାତବୁଣା ଶାଢି ବିକ୍ରି କରୁଥିବା ଷ୍ଟୋର୍‌ଗୁଡ଼ିକରେ ଭିଡ଼ ପରିଲକ୍ଷିତ ହେଉଛି। ବମ୍‌କେଇ, ପାରମ୍ପରିକ ଇକ୍କତ ଶାଢି, ଟିସ୍ୟୁ ପଲ୍ଲୁ ଶାଢି ଆଦିର ରଜ ବଜାରରେ ବେଶ୍‌ ଚାହିଦା ରହିଛି। ଫ୍ୟାନ୍ସି ଶାଢିର ଡିମାଣ୍ଡ ସାମାନ୍ୟ କମିଯାଇଥିବା ବେଳେ ଏହା ବଦଳରେ ଟ୍ରାଇବାଲ୍‌ ପ୍ରିଣ୍ଟ ଶାଢି, ପିଓର କଟନ୍‌ ଶାଢି ଅଧିକ ବିକ୍ରି ହେଉଛି। ସେହିଭଳି ଓଡ଼ିଶା ସିଲ୍କ, ବେଙ୍ଗଲ୍‌ ସିଲ୍ମ, କାଞ୍ଚତ୍ପୁରମ୍‌ ଓ ଜର୍ଜେଟ୍‌ ଶାଢୀର ମଧ୍ୟ ଭଲ ଚାହିଦା ରହୁଛି। ଏପଟେ ବିବାରୁ ଆରମ୍ଭ କରି ଗ୍ଲୋବାଲ ଦେଶୀ ଓ ପ୍ରୋଜେକ୍ଟ ଇଭ୍‌ ବ୍ରାଣ୍ଡ ପର୍ଯ୍ୟନ୍ତ, ରଜ ଉପଲକ୍ଷେ ଏଥ୍‌ନିକ କଲେକ୍ସନର ଚାହିଦା ବଢ଼ିଯାଇଛି। କୁର୍ତ୍ତା ସହ ଲେଗିଙ୍ଗ୍ସ ପରିବେର୍ତ୍ତ ଏବେ ପାଲାଜୋ ଏବଂ ଫ୍ଲେୟାର୍ଡ କୁଲୋଟ୍ସ ପିନ୍ଧିବା ନୂଆ ଫ୍ୟାଶନ ଷ୍ଟେଟ୍‌ମେଣ୍ଟ ହୋଇଥିବାରୁ ଭଳିକି ଭଳି କୁର୍ତ୍ତା ଓ ପାଲାଜୋ ସେଟ୍‌ ବଜାରରେ ଉପଲବ୍ଧ ହେଉଛି। ରଜରେ କୁର୍ତ୍ତା, ସାଲଓ୍ବାର କମିଜ୍‌, ପଞ୍ଜାବୀ ସୁଟ୍‌ସ, ଚୁଡ଼ିଦାର ଏବଂ ଅନାରକଲି ସୁଟ୍‌ ଡିମାଣ୍ଡରେ ରହିଛି। ଛୋଟ ଛୋଟ ଦୋକାନଠାରୁ ଆରମ୍ଭ କରି ବଡ଼ ବଡ଼ ରିଟେଲର, ଡିଜାଇନର ଷ୍ଟୋର ଏବଂ ବୁଟିକ୍‌ଗୁଡ଼ିକରେ ଡିଜାଇନ୍‌ର ଏଥ୍‌ନିକ କଲେକ୍ସନ ଉପଲବ୍ଧ ହେଉଛି।


All Right Reserved By

ତିନି ରଥର ୪ ନାହାକା ଉଠିଲା

ପୁରୀ ଅଫିସ, ୧୮।୬: ସୋମବାର ପବିତ୍ର ଦେବସ୍ନାନ ପୂର୍ଣ୍ଣମୀରେ ତିନିରଥର ୪ ନାହାକ ଉଠିଛି। ଅକ୍ଷୟତୃତୀୟା ଠାରୁ ଶ୍ରୀନଅର ସମ୍ମୁଖ ରଥଖଳାରେ ତିନି ମୁଖ୍ୟ ବିଶ୍ୱକର୍ମାଙ୍କ...

ଭଦ୍ରକ ହେବ ସ୍ମାର୍ଟସିଟି: ଆରମ୍ଭ ହେଲା ଜବରଦଖଲ ଉଚ୍ଛେଦ

ଭଦ୍ରକ ଅଫିସ, ୨୭।୬- ଭଦ୍ରକ ସହରକୁ ସ୍ମାର୍ଟସିଟି କରାଯିବା ପାଇଁ ନବନିର୍ବାଚିତ ବିଧାୟକ ସଞ୍ଜୀବ ମଲ୍ଲିକ ଭୋଟରଙ୍କୁ ପ୍ରତିଶ୍ରୁତି ଦେଇଥିଲେ। ସହର ସାରା ଅଧିକାଂଶ ରାସ୍ତାକଡ଼...

ବର୍ଷା ନାହିଁ, ଚାଷ ଜମି ଫାଟି ଆଁ

ବଅଁରପାଳ, ୧୨।୭(ଡି.ଏନ.ଏ.)-ଅନୁଗୋଳ କୃଷି ଜିଲା ଅନ୍ତର୍ଗତ ବଅଁରପାଳ ବ୍ଲକରେ ଚଳିତ ବର୍ଷ ବର୍ଷା ଅଭାବ ବେଉଷଣ କାର୍ଯ୍ୟରେ ବାଧା ସାଜିଛି। ବିଲରେ ପାଣି ନ ଥିବାରୁ...

ବ୍ରହ୍ମପୁର ପୋଲିସ ହାବୁଡ଼ରେ ଇରାନିଅନ୍‌ ଗ୍ୟାଙ୍ଗର ମାଷ୍ଟରମାଇଣ୍ଡ: ନକଲି ପୋଲିସ ପରିଚୟ ଦେଇ କରୁଥିଲେ ଲୁଟ୍‌

ବ୍ରହ୍ମପୁର ଅଫିସ, ୨।୧୦ – ବ୍ରହ୍ମପୁର ପୋଲିସ ହାବୁଡରେ ପଡ଼ିଛନ୍ତି ଇରାନିଅନ୍‌ ଗ୍ୟାଙ୍ଗର ମାଷ୍ଟରମାଇଣ୍ଡ ସିକନ୍ଦର ଅଲ୍ଲୀ। ସେ କର୍ଣ୍ଣାଟକ, ମହାରାଷ୍ଟ୍ର, ଉତ୍ତରପ୍ରଦେଶ, ବିହାର ଓ...

ଦୁଗ୍ଧ ଲିଟର ପିଛା ୩୦ଟଙ୍କା ଦାବି କଲା ଦୁଗ୍ଧ ଚାଷୀ ମହାସଂଘ

ଭୁବନେଶ୍ୱର,୨୬।୫(ବ୍ୟୁରୋ)- ଚାଷୀଙ୍କୁ ଦୁଗ୍ଧ ଲିଟର ପିଛା ୩୦ଟଙ୍କା ଦେବାକୁ ଦାବି କରିଛି ଦୁଗ୍ଧ ଚାଷୀ ମହାସଂଘ। ଗତ ୪ ଦିନ ତଳେ ଅମୁଲ୍‌ କମ୍ପାନୀ ଲିଟର...

ସରିଲା ଖରାଛୁଟି, ଖୋଲିଲା ସ୍କୁଲ

ଭୁବନେଶ୍ୱର,୨୧।୬(ବ୍ୟୁରୋ): ଶେଷ ହେଲା ଖରାଛୁଟି। ଶୁକ୍ରବାର ଖୋଲିଛି ସ୍କୁଲ। ରାଜ୍ୟର ସମସ୍ତ ସରକାରୀ ବିଦ୍ୟାଳୟ ସହ ଘରୋଇ ଓ ଅନୁଦାନପ୍ରାପ୍ତ ବିଦ୍ୟାଳୟ ଖୋଲିଛି। ତେବେ ସରକାରୀ...

ଦୁଇ ପୁଅଙ୍କୁ ବିଷ ଦେଇ ମା’ଙ୍କ ଆତ୍ମହତ୍ୟା: ଜଣେ ପୁଅ ମୃତ, ଜଣେ ଗୁରୁତର

କାଲିମେଳା,୭।୯(ଡି.ଏନ୍‌.ଏ.): ମାଲକାନଗିରି ଜିଲା କାଲିମେଳା ବ୍ଲକ ତେଳରାଇ ପଞ୍ଚାୟତ ତେଳରାଇ ଗ୍ରାମରେ ଶନିବାର ଏକ ଅଭାବନୀୟ ଘଟଣା ଘଟିଛି। ଜଣେ ମା ତାଙ୍କ ଦୁଇ ପୁଅଙ୍କୁ...

ଆମ ଗାଁ ଆମ ବିକାଶ ଯୋଜନା ପ୍ରକଳ୍ପ ନିମ୍ନମାନର: ୬ମାସ ପୂରିନି, ଭାଙ୍ଗିଲା ଗାଧୁଆ ତୁଠ

ରସୁଲପୁର,୧୨।୧୦(ଡିଏନଏ): ରସୁଲପୁର ବ୍ଲକର ବଡକଇଁଚି ପଞ୍ଚାୟତରେ ଆମ ଗାଁ ଆମ ବିକାଶ ଯୋଜନାରେ ପୋଖରୀ ପାହାଚ ଓ ଗାଧୁଆ ତୁଠ ନିର୍ମାଣ ଅତ୍ୟନ୍ତ ନିମ୍ନମାନର ହୋଇଛି।...

selfi corner

Model This Week

Why Dharitri

Leave a comment

Your email address will not be published. Required fields are marked *