ବିନା ଗୃହରେ ଚାଲିଛି ୨୨୭ ଅଙ୍ଗନୱାଡି କେନ୍ଦ୍ର: ଉଦ୍‌ଘାଟନ ନ ହୋଇ ତାଲା ପଡ଼ିରହିଛି ବହୁ ଗୃହ

ରଣପୁର, ୧୨।୬ (ସ୍ବ.ପ୍ର.)-ଶିଶୁମାନଙ୍କୁ ଅପପୁଷ୍ଟିରୁ ରକ୍ଷା କରିବା ସହ ଶିକ୍ଷାର ପ୍ରସାର ପାଇଁ ଅଙ୍ଗନୱାଡି କେନ୍ଦ୍ର ଖୋଲାଯାଇଛି। ହେଲେ ଅନେକ ସମୟରେ ଅଧିକାଂଶ କେନ୍ଦ୍ରରେ ବିଭିନ୍ନ ସମସ୍ୟା ଲାଗି ରହିଥିବାରୁ ତାହା ଶିଶୁମାନଙ୍କ ଜୀବନ ପ୍ରତି ବିପଦ ସୃଷ୍ଟି କରିଥାଏ। କିଛି ଘଟଣା ଲୋକଲୋଚନକୁ ଆସୁଥିବା ବେଳେ ଅନେକ ଘଟଣା ଚପିଯାଉଛି । ୨୦୧୨ ଜୁଲାଇ ୮ତାରିଖରେ ନୟାଗଡ ଜିଲା ରଣପୁର ଏନ୍‌ଏସି ସୁଆଁସିଆ ସାହିରେ ବିଦ୍ୟାଳୟର କାନ୍ଥ ପଡି ୭ଜଣ ଅଙ୍ଗନଓ୍ବାଡି ଶିଶୁଙ୍କ ମୃତ୍ୟୁ ଘଟିଥିଲା। ଏହାପରେ ଏବେ ବି ରାଜ୍ୟ ସରକାର ଓ ବିଭାଗୀୟ ଅଧିକାରୀ ସଚେତନ ହୋଇପାରିନାହାନ୍ତି। ଏହି ଘଟଣାକୁ ନେଇ ସେତେବେଳେ ରାଜ୍ୟରେ ଆଲୋଡନ ସୃଷ୍ଟି ହୋଇଥିଲା । ପ୍ରଶାସନ ଓ ସରକାର ହଡବଡେଇ ଯାଇଥିଲେ । ସେତେବେଳେ ସରକାର ରଣପୁର ବ୍ଲକ ଅଧୀନରେ କାର୍ଯ୍ୟ କରୁଥିବା ଅଙ୍ଗନୱାଡି କେନ୍ଦ୍ରଗୁଡିକୁ ନିଜସ୍ବ ଗୃହ ତଥା ୨୬୮ କେନ୍ଦ୍ରର ଗୃହ ପାଇଁ ଟଙ୍କା ମଞ୍ଜୁର କରି ତୁରନ୍ତ ଏହି ଗୃହ କାର୍ଯ୍ୟ କରିବାକୁ ବ୍ଲକ ମାଧ୍ୟମରେ ନିର୍ଦ୍ଦେଶ ପ୍ରଦାନ କରିଥିଲେ । ତେବେ ଏହି ନିର୍ଦ୍ଦେଶକୁ ୭ବର୍ଷରୁ ଊଦ୍ଧର୍‌ବ ସମୟ ବିତି ଯାଇଥିଲେ ମଧ୍ୟ ୯୬ କେନ୍ଦ୍ରର ଗୃହ ନିର୍ମାଣ ଶେଷ ହୋଇଥିବା କାଗଜ କଲମରେ କରାଯାଇଛି। ଅଧିକାଂଶ ଗୃହ କାର୍ଯ୍ୟ ସରିଥିଲେ ମଧ୍ୟ ଉଦ୍‌ଘାଟନ ହୋଇ ନ ପାରିବାରୁ ଗୃହରେ ତାଲା ପଡିରହିଛି । ଏଣୁ ବ୍ଲକ ଓ ଏନ୍‌ଏସିର ଅଙ୍ଗନୱାଡି କେନ୍ଦ୍ରଗୁଡିକ କେଉଁଠି ଘର ବାରଣ୍ଡାରେ ତ ଆଉ କେଉଁଠି କ୍ଲବ ଅବା ଭାଗବତ ଟୁଙ୍ଗି ଘରେ ନଚେତ ବିଦ୍ୟାଳୟରେ ଚାଲୁ ରହିଛି । ଶିଶୁମାନଙ୍କର ଭବିଷ୍ୟତ ବର୍ତ୍ତମାନ ଏମିତି ବାରଣ୍ଡାରୁ ଆରମ୍ଭ ହେଉଛି । ଶିଶୁମାନଙ୍କୁ ପ୍ରାକ୍‌ ଶିକ୍ଷାଦାନ, ମାଗଣା ପୁଷ୍ଟିକର ଖାଦ୍ୟ ବଣ୍ଟନ, ଗର୍ଭବତୀ ତଥା ପ୍ରସୂତିଙ୍କୁ ପୁଷ୍ଟିକର ଖାଦ୍ୟ ଯୋଗାଇଦେବା ଅଙ୍ଗନୱାଡି କେନ୍ଦ୍ରର କର୍ମୀ ଓ ସାହାୟିକାମାନଙ୍କର ମୁଖ୍ୟ କାର୍ଯ୍ୟ। ଏହାକୁ ତଦାରଖ କରିବାର ଦାୟିତ୍ୱ ସୁପରଭାଇଜରମାନଙ୍କର। ତେବେ ରଣପୁର ବ୍ଲକ ଓ ଏନ୍‌ଏସିରେ ଏହି ଯୋଜନା ତା’ର ଲକ୍ଷ୍ୟ ପୂରଣ କରିପାରୁ ନାହିଁ ।
ବ୍ଲକରେ ୨୪୫ଟି ଅଙ୍ଗନୱାଡି କେନ୍ଦ୍ର ଓ ୭୮ଟି ମିନି ଅଙ୍ଗନୱାଡି କେନ୍ଦ୍ରକୁ ମିଶାଇ ୩୨୩ଟି କେନ୍ଦ୍ର ରହିଛି । ଏଥିମଧ୍ୟରୁ ବିଭିନ୍ନ ପଞ୍ଚାୟତରେ ଥିବା ଅଙ୍ଗନୱାଡି କେନ୍ଦ୍ରର ନିଜସ୍ବ ଗୃହ ନାହିଁ । ୯୬ ଗୃହ କରାଯାଇଥିବାବେଳେ ଅବଶିଷ୍ଟ ୨୨୭ କେନ୍ଦ୍ରର ନିଜସ୍ବ ଗୃହ ନାହିଁ। ଅନ୍ୟପକ୍ଷେ ନିର୍ମାଣ ହୋଇଥିବା ୯୬ ଗୃହ ମଧ୍ୟରୁ ୫୦ ଗୃହ ଠିକ୍‌ ଭାବେ କାର୍ଯ୍ୟ କରୁଥିଲା ବେଳେ ଅବଶିଷ୍ଟ ଗୃହ ଅଧାପନ୍ତରିଆ । ଆଉ କିଛି ନିର୍ମିତ ହୋଇ ଉଦ୍‌ଘାଟନ ଅପେକ୍ଷାରେ ରହିଛି। କେନ୍ଦ୍ରଗୁଡିକର ଗୃହ ନ ଥିବାରୁ ପାଠ ପଢାରେ ବ୍ୟାଘାତ ସୃଷ୍ଟି ହେଉଛି । ସେହିପରି କେନ୍ଦ୍ରଗୁଡିକ ସକାଳ ୭ଟାରୁ ୧୧ଟା ପର୍ଯ୍ୟନ୍ତ କାର୍ଯ୍ୟକରିବାର ନିୟମ ରହିଥିଲା ବେଳେ ଯେଉଁ ଗୁଡିକ ବିଦ୍ୟାଳୟରେ ଚାଲୁଛି ସେଗୁଡିକ ପୂର୍ବାହ୍ନ ୧୦ଟା ଭିତରେ ବନ୍ଦ କରି ଦିଆଯାଉଛି । କାରଣ ସାଢେ ୯ଟାରୁ ବିଦ୍ୟାଳୟରେ ଛାତ୍ରୀଛାତ୍ରମାନଙ୍କ ପାଠପଢା ଆରମ୍ଭ ହୋଇଥାଏ । ପୁଣି ଗୃହ ଅଭାବ ହେତୁ କେନ୍ଦ୍ରରୁ ଆସୁଥିବା ଖାଦ୍ୟ, ଖେଳ ଉପକରଣ, ଶୈକ୍ଷିକ ଉପକରଣ ପ୍ରଭୃତି ଉପଯୋଗ ହୋଇପାରୁ ନ ଥାଏ । ରଣପୁରରେ ୧୨ ସୁପରଭାଇଜର ଆବଶ୍ୟକ ଥିଲା ବେଳେ ଅଛନ୍ତି ୭ଜଣ । ୫ଟି ପଦ ଖାଲିପଡିଥିବାରୁ ଅଙ୍ଗନୱାଡି କେନ୍ଦ୍ରର କର୍ମୀ ଓ ସହାୟିକାମାନଙ୍କ କାର୍ଯ୍ୟକୁ ଠିକ୍‌ ଭାବରେ ଯାଞ୍ଚ କରାଯାଇ ପାରୁନାହିଁ । ଏଣୁ ସୁପର ଭାଇଜର ପଦବୀ ଖାଲି ପଡିବା ଘଟଣା ମଧ୍ୟ ଯୋଜନା ବିଫଳତାର ଅନ୍ୟତମ କାରଣ ବୋଲି କୁହାଯାଉଛି । ଏ ବିଷୟରେ ରଣପୁର ବିଡିଓ ରଶ୍ମିରେଖା ଦାଶଙ୍କୁ ପଚାରିବାରୁ ସେ କୁହନ୍ତି, ମୁଁ କିଛି ମାସ ହେବ ଏଠାରେ ଯୋଗଦେଇଛି। ତେବେ ଅଙ୍ଗନୱାଡିି ଗୃହ କାର୍ଯ୍ୟ କିଭଳି ଶୀଘ୍ର ହୋଇପାରିବ ସେଥିପାଇଁ ପଦକ୍ଷେପ ଗ୍ରହଣ କରାଯାଉଛି । ଏ ନେଇ ନୟାଗଡ ଉପଜିଲାପାଳ ଜିତେନ୍ଦ୍ର ସାହୁଙ୍କ ସହ ଯୋଗାଯୋଗ ପାଇଁ ଚେଷ୍ଟା କରାଯାଇଥିଲେ ମଧ୍ୟ ସମ୍ଭବ ହୋଇ ନ ଥିଲା।


All Right Reserved By Dharitri.Com

କେନ୍ଦ୍ରାପଡ଼ାକୁ ଗଡ଼ିଲା ଟ୍ରେନ୍‌ ଇଞ୍ଜିନ

କେନ୍ଦ୍ରାପଡ଼ା ଅଫିସ, ୨୯।୬: କେନ୍ଦ୍ରାପଡ଼ାକୁ ଗଡ଼ିଲା ଟ୍ରେନ୍‌ ଇଞ୍ଜିନ। ହରିଦାସପୁର-କେନ୍ଦ୍ରାପଡ଼ା ମଧ୍ୟରେ ଶନିବାର ଟ୍ରେନ୍‌ ଇଞ୍ଜିନ ଗଡ଼ିଛି। ପରୀକ୍ଷାମୂଳକ ଭାବେ ଇଞ୍ଜିନ ଡ୍ରାଇଭ କରାଯାଇଥିବା ସୂଚନା...

ଅପହୃତା ନାବାଳିକା ଭୁବନେଶ୍ୱରରୁ ଉଦ୍ଧାର: ଅଭିଯୁକ୍ତ ଯୁବକ ଗିରଫ

ନୟାଗଡ଼ ଅଫିସ/ରଣପୁର,୨୦ା୭(ସ୍ବ.ପ୍ର.): ନୟାଗଡ଼ ଜିଲା ଚାନ୍ଦପୁର ଥାନା ଅଞ୍ଚଳରୁ ଅପହୃତ ଜଣେ ନାବାଳିକାଙ୍କୁ ପୋଲିସ ଶୁକ୍ରବାର ଭୁବନେଶ୍ୱର କ୍ୟାପିଟାଲ ହସ୍ପିଟାଲ ପରିସରରୁ ଉଦ୍ଧାର କରିଛି। ଏଥିସହିତ...

ଟ୍ରଲରକୁ ଧକ୍କା ଦେଲା କଣ୍ଟେନର, ୨ ଜଣଙ୍କ ଜୀବନ ଗଲା

ଛତିଆ/ଚଣ୍ଡିଖୋଲ,୧ା୭(ଡି.ଏନ୍‌.ଏ.): ଯାଜପୁର ଜିଲା ବନ୍ଦାଳ ହାଟ କରନ୍ଦା ଛକ ନିକଟରେ ସୋମବାର ଭୋରରୁ ରଡ୍‌ ବୋଝେଇ ଟ୍ରଲର ପଛପଟେ ଏକ କଣ୍ଟେନର ଧକ୍କା ଦେବାରୁ ଘଟଣାସ୍ଥଳରେ...

ଯାଜପୁରରେ ବଦଳିପାରେ ପୂର୍ବ ଧାରା: ଏକ୍‌ଜିଟ ପୋଲ୍‌କୁ ନେଇ ମିଶ୍ରିତ ପ୍ରତିକ୍ରିୟା

ଯାଜପୁର ଅଫିସ,୨୧।୫: ୨୦୧୯ ସାଧାରଣ ନିର୍ବାଚନର ଫଳାଫଳକୁ ନେଇ ବିଭିନ୍ନ ଟିଭି ଚ୍ୟାନେଲ ଓ ସର୍ଭେ ସଂସ୍ଥା ପକ୍ଷରୁ କରାଯାଇଥିବା ଏକ୍‌ଜିଟ ପୋଲ ସର୍ଭେ ରିପୋର୍ଟ...

ଗୋଛା ସଂରକ୍ଷିତ ଜଙ୍ଗଲରେ ହାତୀ ମୃତ୍ୟୁ ଘଟଣା: କର୍ତ୍ତବ୍ୟରେ ଅବହେଳା ଲାଗି ନିଲମ୍ବିତ ହେଲେ ଫରେଷ୍ଟର, ଫରେଷ୍ଟଗାର୍ଡ

ନୟାଗଡ଼ ଅଫିସ,୩୧।୫: ନୟାଗଡ଼ ଜିଲା ପଞ୍ଚରିଡ଼ା ବନାଞ୍ଚଳ ସଂରକ୍ଷିତ ଜଙ୍ଗଲରେ ହାତୀ ମୃତ୍ୟୁ ଘଟଣାରେ ୨ ବନ କର୍ମଚାରୀଙ୍କୁ ନିଲମ୍ବିତ କରାଯାଇଛି। ସେମାନେ ହେଲେ ପଞ୍ଚରିଡ଼ା...

ଆରମ୍ଭ ହେଲା ଯୁକ୍ତ ୨ ନାମଲେଖା ପ୍ରକ୍ରିୟା : ୪୬ କଲେଜ ପାଇଁ ୨୦ ସାମ୍‌ସ ସେଣ୍ଟର

ନୟାଗଡ଼ ଅଫିସ,୭ା୬ : ଗୁରୁବାରଠାରୁ ଆରମ୍ଭ ହୋଇଛି ଯୁକ୍ତ ୨ ନାମଲେଖା ପ୍ରକ୍ରିୟା। ଏଥିପାଇଁ ଛାତ୍ରୀଛାତ୍ର ଜିଲାର ବିଭିନ୍ନ ସାଇବର କାଫେରେ ଷ୍ଟୁଡେଣ୍ଟସ୍‌ ମ୍ୟାନେଜ୍‌ମେଣ୍ଟ ଏକାଡେମିକ...

ଉତ୍ତରକୁ ଢଳିଲେ ସିଦ୍ଧେଶ୍ୱର ମହାଦେବ: ସୂର୍ଯ୍ୟଙ୍କ ଗତିର ବିପରୀତ ଦିଗକୁ ଢଳିଥାନ୍ତି ଶିବ ଲିଙ୍ଗ

ଖଣ୍ଡପଡା,୧୮ା୭(ସ୍ବ.ପ୍ର.): ଜଗନ୍ନାଥ ସଂସ୍କୃତିର ଆଦି ପୀଠ ଭାବେ ପରିଚିତ କଣ୍ଟିଲୋ ଶ୍ରୀନୀଳମାଧବ ଜୀଉଙ୍କ ପାର୍ଶ୍ୱଠାକୁର ଭାବେ ସିଦ୍ଧେଶ୍ୱର ମହାଦେବ ବିରାଜମାନ ହୋଇଛନ୍ତି। ବୁଧବାର କର୍କଟ ସଂକ୍ରାନ୍ତି...

ପାଟକୁରା ନିର୍ବାଚନ: ଶାନ୍ତି ଶୃଙ୍ଖଳାରେ ଚାଲିଛି ମତଦାନ

ଡେରାବିଶ, ୨୦।୭(ସ୍ବ.ପ୍ର.): ପାଟକୁରା ବିଧାନସଭା ନିର୍ବାଚନ ପାଇଁ ଶନିବାର ଭୋଟ ଗ୍ରହଣ ଚାଲୁରହିଛି। ଦିନ ୧୦ଟା ସୁଦ୍ଧା ଡେରାବିଶ ବ୍ଲକରେ ମତଦାନ ଆଖିଦୃଶିଆ ହୋଇ ନାହିଁ।...

Leave a comment

Your email address will not be published. Required fields are marked *