ବାପ୍‌ ଆରପାରେ, ମା’ର ପତା ନାଇଁଅଁଧାରକେ ଠେଲି ହେଉଛେ ୩ ଛୁଆକର ଭବିଷତ୍‌

ରାଉରକେଲା ଅଫିସ,୨୩ା ୪: କାମଧଁଦା ଖୁଜବାର ଲାଗି ମା’ ଘର ଛାଡ଼ି କେନ୍‌ଆଡ଼େ ପଲେଇଗଲେ। ଆଏଜ୍‌ତକ୍‌ ତାକର ପତା ନାଇଁ ମିଲବାର। କିଏ କହୁଛେ ଦଲାଲମାନକର ଶିଖାପଢ଼ାରେ ଦିଲ୍ଲୀ ଯାଇଛନ୍‌ ତ ଆର କିଏ କହୁଛେ ମୁମ୍ବାଇ। ଇ ବାବ୍‌ଦେ ଗଲା ୩ ବଛର ହେଲା ପଡ଼ାବାସୀକର ପାସେ କିଛି ଖବର ନଁାଇଁନ। ଏନ୍‌ତାଥି ବାପ୍‌ ରୋଗ୍‌ରେ ପଡ଼ି ଗଲା ୧୫ ତାରିଖ ଆରପାରକେ ଚାଲିଗଲେ। ପଡ଼ାବାସୀ ଚଁାଦାଭେଦା କରି ତାକର ଶବ ସତ୍‌କାର କଲେ। ଇଆଡ଼େ ମା’ବାପ୍‌ ଛେଉଁଡ୍‌ ୩ ପିଲା ଅସାହା ହେଇଯାଇଛନ୍‌। କେନ୍‌ଠାନେ ରହିବେ, କିଏ ଖାଏବାକେ ଦେବା ଭାବି ବୁଧିବାଟ ବନା ହେଇଯାଉଛେ। ପଡ଼ାବାସୀ ବି ଉପେ ଶୂଇନ୍‌ ହେଇଯାଇଛନ୍‌। ବାପ୍‌ ଚାଲିଗଲା ଉତାରୁ ୫ ବଛର୍‌ର ଝି’କେ କେହି ଝନେ ଲାଗେଲେସର ସାଂଗେ ନେଇଯାଇଛନ୍‌। ହେଲେ ଦୁଇ ନାବାଲକ ପିଲାକୁ ପାଖ୍‌ପଡ଼ିଶା ଖାଏବାକେ ଦେଇ ଘରେ ରଖିଛନ୍‌। ପିଲା ଦୁଇଟାକର ଆଏଁଖ୍‌ଥୁ ଲହ ନୁହେ ଶୁଖେ। ଏନ୍‌ତାଥି ଦୁଇ ଭାଇକର ଭବିଷତ୍‌ ଅଁଧାରକେ ଠେଲି ହେଇଯାଉଛେ।
ଏନ୍‌ତା ଗୁଟେ ଦୁଖର ଘଟନା ଦେଖ୍‌ବାକେ ମିଲିଛେ ଦକ୍ଷିଣ ରାଉରକେଲାର ଲାଲଟାଙ୍ଗି ସାନ୍ତାଳ ପଡ଼ାରେ। ଇଠାନେ ବହୁତ୍‌ ବଛର ଧରି ରହିଆସୁଥିବାର ମୋହନ ପୂର୍ତ୍ତି(୩୭), ମାଏକିନା ଲାଲି, ପୁଓ ଆକାଶ(୯), ଆଜାଦ(୭) ଆର ଝି’ ସିମରନ(୫) ଦିନେ ହସଖୁସିରେ ରହୁଥିଲେ। ମୋହନ କୁଲି ମଜୁରି କରି ପରିବାର ଚଲାଲାବେଲେ ମାଏକିନା ଲାଲି ତାହାକୁ ସହଯୋଗ କରୁଥିଲେ। ହେଲେ ଆଏଜ୍‌କେ ୩ ବଛର ତଲେ ଲାଲି କେନ୍‌ଗୁଟେ ଦଲାଲ୍‌ର ଶିଖାପଢ଼ାରେ ପଡ଼ି ଘରଛାଡ଼ି କେନ୍‌ଆଡ଼େ ପଲେଇଗଲେ। ଲୋକ୍‌ କହେବାର ହିସାବେ ଅଭାବ ଅନାଟନ ଲାଗି ଲାଲି ସବୁବେଲେ ଚିନ୍‌ତାରେ ରହୁଥିଲେ। ଅଧ୍‌କା କମାନି ଆଶ୍‌ରେ ସେ ଦିଲ୍ଲୀ କି ମୁମ୍ବାଇ ପଲେଇଛନ୍‌। ହେଲେ ସେ କେନ୍‌ଠାନେ ଅଛନ୍‌, କେନ୍‌ଥେଇ ଅଛନ୍‌ ସେ ବାବ୍‌ଦେ କାହାରି ପାସେ ଖବର ନଁାଇଁନ। ଲାଲି ପଲେଇଗଲା ଉତାରୁ ଏକ୍‌ଲା ହେଇଯାଇଥିଲେ ମୋହନ। ୩ ପିଲାଛୁଆକୁ କମେଇ ପୁଷ୍‌ବେ କି ପାଠ୍‌ ପଢ଼ାବେ ସେ ଚିନ୍‌ତାରେ ସେ ହରମେଶା ଘାରି ହେଉଥିଲେ। ତଥାପି ପାସର ସରକାରୀ ସ୍କୁଲରେ ଦୁଇ ପୁଓର ନଁା ଲେଖେଇଥିଲାବେଲେ ଝି’କେ ଅଙ୍ଗନଓ୍ବାଡିରେ ଛାଡ଼ି କାମ୍‌ଧଁଦା କରି ଯାଉଥିଲେ। ଏନ୍‌ଥେଇ ଦୁଖେକଷ୍‌ଟେ ତାକର ସଁସାର ଚାଲିଥିଲା। ସବୁକଥା ଭାଲି ଭାଲି ଦିନୁ ଦିନ୍‌କେ ମୋହନ ଭାଂଗି ପଡ଼ଲେ। ଏନ୍‌ଥେଇ ସେ ରୋଗ୍‌ରେ ପଡ଼ଲେ। ଦିନ୍‌ଯାକ ହାଡ଼ଭଂଗା ପରିଶ୍ରମକେ ଚିକିସତ୍ା ଅଭାବଟା ଶେଷେ ମୋହନକେ ମରନ୍‌ ମୁହୁଁକେ ଘିଚିନେଲା। ଦିନାକେତେ ସେ ରୋଗ୍‌ରେ ଖଟେ ପଡ଼ି ଆଏଁଖ୍‌ ମୁଜିଦେଲେ। ମା’ର ଖୋଜଖବର ନାଇଁଥିଲା ବେଲେ ବାପର ଉଢ଼ାଲେ ରହିଥିଲେ ୩ ଛୁଆ। ହେଲେ ଏହେଦେ ସେମାନେ ପୂରାପୂରି ଅସାହା। ଘଟନା ବାବ୍‌ଦେ ଖବରପାଇ ମୋହନକଁର କେହି ଝନେ ଲାଗେଲେସର ଆସି ଝି’କେ ନେଇଗଲେ। ଦୁଇ ପୁଓ ଆକାଶ ଆର ଆଜାଦ ପାଖ୍‌ପଡ଼ିଶାକର ଆଶ୍‌ରାରେ ରହିଛନ୍‌। ମା’ ଲାଲିର ନଁାରେ ଥିବାର ରାଶନ କାର୍ଡ ଏହେଦେ ଅଚଲ। ଆଧାର କାର୍ଡ ଅଭାବୁ ଇଥ୍‌ରେ ମୋହନ କି ତାକର ପିଲାଛୁଆକର ନଁା ନାଇଁ ଚଢ଼ି ପାରଲା। ଲାଲି ଘରଛାଡ଼ି ପଲେଇଥିବାର ଲାଗି ରିଟେଲର ବି ଚାଉଲ ନାଇଁ ଦେବାର। ପେଟ୍‌କେ ଯେତେବେଲେ ମୁଠେ ଖାଏବାକେ ନାଇଁ ମିଲବାର ଏନ୍‌ତାଥି ପାଠ୍‌ପଢ଼ା ଚିନ୍‌ତା କେନ୍‌ନୁ ଆଏବା। ଇଆଡ଼େ ମୋହନ କି ଲାଲିର ନିଜର ଘରର ଠିକ୍‌ନା ଖୁଜି ନାଇଁ ପାଏବାର ପଡ଼ାବାସୀ। ଏହେଦେ ପ୍ରଶ୍ନ ଉଠୁଛେ ଇ ୩ ପିଲାକର ଭବିଷତ୍‌ କେନ୍‌ଥେଇ କଟବା। ବାପ୍‌ ପଡ଼ାରେ ତିଆରି କରିଥିବାର ଘରଟାକେ ଛାଡ଼ିଦେଲେ ଇମାନକର ପାସେ ଆର କିଛି ନାଇଁ। ଲାଗେଲେସର କାହାରି ଠିକ୍‌ନା କାହାକେ ଜନା ନାଇଁ। ଏନ୍‌ତାଥି କେତେଦିନ୍‌ ପଡ଼ିଶା ଘରେ ପଡ଼ି ରହିବେ ଦୁଇ ନାବାଲକ ଭାଇ। ଏନ୍‌ତା ଦୁଇଛକିରେ ପଡ଼ିଥିବାର ପଡ଼ାବାସୀ ଏହେଦେ ମୋହନର ଲାଗେଲେସରମାନକୁ ଟାକବାର ଛଡ଼ା ଉନିଆ କିଛି ବାଟ ନାଇଁ ବଲି କହିଛନ୍‌।


All Right Reserved By Dharitri.Com

ପଡ଼ିଆ ପଡ଼ିଛି ଚାଷଜମି: ବର୍ଷା ପାଇଁ କଟଙ୍ଗପାଣି ପଞ୍ଚାୟତରେ ଇନ୍ଦ୍ରପୂଜା

ଜମନକିରା, ୨୯ା୭ (ଡି.ଏନ୍‌.ଏ): ସମ୍ବଲପୁର ଜିଲା ଜମନକିରା ବ୍ଲକ୍‌ କଟଙ୍ଗପାଣି ପଞ୍ଚାୟତରେ ସୋମବାର ଜଳ ବର୍ଷା ପାଇଁ ସ୍ଥାନୀୟ ଭୂତେଲ ଟୁଙ୍ଗରୀଠାରେ ୫ ଗାଁର ଗ୍ରାମବାସୀ...

ରାସ୍ତା କାଦୁଅ ପଚପଚ, ବାଟରେ ଅଟକିଲା ଆମ୍ବୁଲାନ୍ସ

ଝରିଗାଁ, ୫।୭(ସ୍ବ.ପ୍ର.) : ସାମାନ୍ୟ ବର୍ଷାରେ ରାସ୍ତା କାଦୁଅରେ ପଚପଚ। ଜରୁରିକାଳୀନ ରୋଗୀ, ଗର୍ଭବତୀଙ୍କୁ ଆଣିବା ପାଇଁ ଗାଁରେ ପହଞ୍ଚିପାରୁନି ଆମ୍ବୁଲାନ୍ସ। ଅଧା ବାଟରେ ଅଟକି ରହୁଛି।...

ନାବାଳିକା ଛାତ୍ରୀଙ୍କୁ ବଳାତ୍କାର: ଅଭିଯୁକ୍ତ ଶିକ୍ଷକ ଗିରଫ

ସମ୍ବଲପୁର, ୧୭।୭(ବ୍ୟୁରୋ): ସମ୍ବଲପୁର ଜିଲା କୁଚିଣ୍ଡା ଥାନା ଅଞ୍ଚଳରେ ଜଣେ ନାବାଳିକା ଛାତ୍ରୀଙ୍କୁ ବଳାତ୍କାର କରାଯାଇଥିବା ଅଭିଯୋଗ ହୋଇଛି। ନାବାଳିକାଙ୍କ ପରିବାରଲୋକଙ୍କ ଅଭିଯୋଗକ୍ରମେ ବାଉରୀଗୁଡ଼ା ସ୍କୁଲର...

ଜଙ୍ଗଲରୁ ନାବାଳିକାଙ୍କ ଗଳିତ ମୃତଦେହ ଉଦ୍ଧାର: ବଳାତ୍କାର ପରେ ହତ୍ୟା ସନ୍ଦେହ

ସୁନ୍ଦରଗଡ଼, ୨୩।୭ (ଡି.ଏନ୍‌.ଏ.): ସୁନ୍ଦରଗଡ଼ ଜିଲା ହେମଗିର ଥାନା ଅନ୍ତର୍ଗତ ଗୋପାଳପୁର ଗ୍ରାମ ନିକଟବର୍ତ୍ତୀ ଜଙ୍ଗଲରୁ ଜନୈକା ନାବାଳିକା (୧୬)ଙ୍କ ଗଳିତ ମୃତଦେହ ସୋମବାର ଅପରାହ୍ନରେ...

ସମ୍ବଲପୁର ରେଳ ଡିଭିଜନ ଦେଶରେ ପ୍ରଥମ

ସମ୍ବଲପୁର,୧୭-୯(ବ୍ୟୁରୋ):ରେଳ ବୋର୍ଡ ୫୮ଟି ଦିଗକୁ ଆଧାର କରି ବିଭିନ୍ନ ରେଳ ମଣ୍ଡଳକୁ ମାର୍କ ଦେଇଛି। ଏଥିରେ ସମ୍ବଲପୁର ରେଳମଣ୍ଡଳ ଦେଶରେ ପ୍ରଥମ ସ୍ଥାନ ଅଧିକାର କରିଛି।...

ଯୁବତୀଙ୍କୁ ଗଣବଳାତ୍କାର ଘଟଣା: ଗିରଫ ୨ ମୁଖ୍ୟ ଅଭିଯୁକ୍ତ ଜେଲଗଲେ

ସୋନପୁର,୧୭।୬(ନି.ପ୍ର.): ସୁବର୍ଣ୍ଣପୁର ସହରର ଜଣେ ଯୁବତୀଙ୍କୁ ଗଣବଳାତ୍କାର ଘଟଣାରେ ପୋଲିସ ୨ ମୁଖ୍ୟ ଅଭିଯୁକ୍ତଙ୍କୁ ଗିରଫ କରି ସୋମବାର କୋର୍ଟ ଚାଲାଣ କରିଛି । ବିଚାରପତି...

ଅମିତ ଧଳ ଗୁଳିକାଣ୍ଡର ପର୍ଦ୍ଦାଫାଶ : ୪ ଅଭିଯୁକ୍ତ କୋର୍ଟଚାଲାଣ

ଝାରସୁଗୁଡ଼ା ଅଫିସ/ଲଖନପୁର ୨୭ା୬(ଡି.ଏନ୍‌.ଏ.) : ଝାରସୁଗୁଡ଼ା ଜିଲା ବ୍ରଜରାଜନଗରର ଅମିତ ଧଳ ଗୁଳିକାଣ୍ଡର ୪ଦିନ ପରେ ପୋଲିସ ଘଟଣାର ପର୍ଦ୍ଦାଫାଶ କରିଛି । ଏହି ହତ୍ୟାକାଣ୍ଡରେ...

୨୯ରେ ଓସୁର ତୃତୀୟ ସମାବର୍ତ୍ତନ ଉତ୍ସବ

ସମ୍ବଲପୁର, ୨୦।୧୧(ଡି.ଏନ୍‌.ଏ.): ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟର ତୃତୀୟ ସମାବର୍ତ୍ତନ ଉତ୍ସବ ଆସନ୍ତା ୨୯ତାରିଖରେ ସମ୍ବଲପୁରସ୍ଥିତ ମୁଖ୍ୟାଳୟରେ ଅନୁଷ୍ଠିତ ହେବ। ଏହି ଉତ୍ସବରେ କୁଳାଧିପତି ତଥା...

Leave a comment

Your email address will not be published. Required fields are marked *