ଏସ୍‌ସିବି କାଜୁଆଲ୍‌ଟିରେ ନାହିଁ ପ୍ଲାଷ୍ଟର

କଟକ ଅଫିସ, ୧୧।୬: ଯେତେ ବ୍ୟବସ୍ଥା କଲେ ମଧ୍ୟ ଏସ୍‌ସିବି ମେଡ଼ିକାଲ କାଜୁଆଲ୍‌ଟି ଅବସ୍ଥା ସୁଧୁରୁନାହିଁ। ମେଡିକାଲର ମୁଖଶାଳା କୁହାଯାଉଥିବା କାଜୁଆଲ୍‌ଟିକୁ ନେଇ ଆଉ ଏକ ବଡ଼ଧରଣର ଅବ୍ୟବସ୍ଥା ସାମ୍ନାକୁ ଆସିଛି। ଯାହାକୁ ନେଇ ରବିବାର ରାତିରେ ରୋଗୀ ସମ୍ପର୍କୀୟମାନେ ହୋହଲ୍ଲା କରିବାରୁ ଏକ ଅପ୍ରୀତିକର ପରିସ୍ଥିତି ଉପୁଜିଥିଲା। ସମସ୍ୟାଟି ହେଉଛି କାଜୁଆଲ୍‌ଟିରେ ପ୍ଲାଷ୍ଟରର ଘୋର ଅଭାବ।
ବିଭିନ୍ନ ସମୟରେ କାଜୁଆଲ୍‌ଟିକୁ ହାଡ଼ଭଙ୍ଗା ରୋଗୀ ଆସିଥାନ୍ତି। ସେମାନଙ୍କୁ ପ୍ରାଥମିକ ଭାବେ ଏଠାରେ ପ୍ଲାଷ୍ଟର କରାଯାଇ ନିର୍ଦ୍ଦିଷ୍ଟ ବିଭାଗକୁ ପଠାଯାଇଥାଏ। ମାତ୍ର ପାଖାପାଖି ୧ ମାସ ହେବ ପ୍ଲାଷ୍ଟରର ଅଭାବ ଦେଖାଦେଇଥିବା ନେଇ କାଜୁଆଲ୍‌ଟି ମେଡିକାଲ ଅଫିସର ଡା. ଜେ.ପି. ବିଶ୍ୱାଳ ସୋମବାର ଏସ୍‌ସିବି ଅଧୀକ୍ଷକ ପ୍ରଫେସର ଡା. ସିବିକେ ମହାନ୍ତିଙ୍କୁ ଜଣାଇଥିଲେ। ପ୍ଲାଷ୍ଟର ଯୋଗାଇବା ପାଇଁ ଟେଣ୍ଡର ନେଇଥିବା ଏକ ଘରୋଇ ସଂସ୍ଥା ପକ୍ଷରୁ ଯୋଗାଣ କରା ନ ଯିବାରୁ ଏଭଳି ଅବସ୍ଥା ଉପୁଜିଛି। ଟେଣ୍ଡର ନେଇଥିବା ସଂସ୍ଥା ପ୍ଲାଷ୍ଟର ଯୋଗାଣରେ ବିଳମ୍ବ କରିବାରୁ ମେଡିକାଲ ପକ୍ଷରୁ ଲୋକାଲ ପର୍ଚେଜ୍‌ ମାଧ୍ୟମରେ ଏହାକୁ କିଣାଯାଉଥିଲା। ମାତ୍ର ଶନିବାର ଓ ରବିବାର ୨ ଦିନ ଛୁଟି ପଡ଼ିଯିବାରୁ ଲୋକାଲ ପର୍ଚେଜ୍‌ ହୋଇପାରି ନ ଥିଲା। ଫଳରେ ୨ ଦିନ ଧରି ରୋଗୀମାନଙ୍କୁ ପ୍ଲାଷ୍ଟର ବାହାରୁ କିଣିବା ପାଇଁ ଡାକ୍ତରମାନେ ପରାମର୍ଶ ଦେଇଥିଲେ। ଗତ ରବିବାର ରାତିରେ ପ୍ଲାଷ୍ଟରକୁ ନେଇ ରୋଗୀ ସମ୍ପର୍କୀୟମାନେ ଏସ୍‌ସିବିରେ ହୋହଲ୍ଲା କରିଥିଲେ। ରାଜ୍ୟରେ ମାଗଣା ସ୍ବାସ୍ଥ୍ୟସେବା ମିଳୁଥିବା ସରକାର ଡିଣ୍ଡିମ ପିଟୁଛନ୍ତି। ହେଲେ ଏଠାରେ ପ୍ଲାଷ୍ଟର ପାଇଁ ଡାକ୍ତରମାନେ କାହିଁକି ବାହାରକୁ ପଠାଉଛନ୍ତି ବୋଲି କହି ରୋଗୀ ସମ୍ପର୍କୀୟମାନେ ପାଟିତୁଣ୍ଡ କରିଥିଲେ।
ରବିବାର ଘଟଣାକୁ ନେଇ ସୋମବାର କାଜୁଆଲ୍‌ଟି ମେଡିକାଲ ଅଫିସର ଡା. ଜେ.ପି. ବିଶ୍ୱାଳ ଅଧୀକ୍ଷକଙ୍କ ଚାମ୍ବରକୁ ଆସି ଘଟଣା ସମ୍ପର୍କରେ କହିଥିଲେ। ଅଧୀକ୍ଷକ ପ୍ରଫେସର ଡା. ସିବିକେ ମହାନ୍ତି ତୁରନ୍ତ ମେଡିକାଲ ଷ୍ଟୋର ଦାୟିତ୍ୱରେ ଥିବା କର୍ମଚାରୀମାନଙ୍କୁ ଡକାଇଥିଲେ। ଟେଣ୍ଡର ନେଇଥିବା ସଂସ୍ଥା ପ୍ଲାଷ୍ଟର ଯୋଗାଣରେ ବିଳମ୍ବ କରୁଥିବାରୁ ଏଭଳି ଅବସ୍ଥା ଉପୁଜିଥିବା ଷ୍ଟୋର କର୍ମଚାରୀମାନେ କହିଥିଲେ। ୨୪ ଘଣ୍ଟା ମଧ୍ୟରେ ଯଦି ସମ୍ପୃକ୍ତ ସଂସ୍ଥା କାଜୁଆଲ୍‌ଟିକୁ ପ୍ଲାଷ୍ଟର ଯୋଗାଣ ନ କରେ ତେବେ ଉକ୍ତ ସଂସ୍ଥାର ଟେଣ୍ଡରକୁ ବାତିଲ କରିବା ପାଇଁ ଅଧୀକ୍ଷକ ମହାନ୍ତି ଷ୍ଟୋର ମେଡିକାଲ ଅଫିସରଙ୍କୁ ନିର୍ଦ୍ଦେଶ ଦେଇଛନ୍ତି। କେବଳ ପ୍ଲାଷ୍ଟର ନୁହେଁ ସାମାନ୍ୟ ବ୍ଲେଡ୍‌ ମଧ୍ୟ କାଜୁଆଲ୍‌ଟିରେ ଉପଲବ୍ଧ ନାହିଁ। ରାତିଅଧରେ ରୋଗୀ ସମ୍ପର୍କୀୟମାନଙ୍କୁ ବ୍ଲେଡ୍‌ ପାଇଁ ପଠାଇବାକୁ ପଡୁଛି। ମାତ୍ର ରାତିରେ ଦୋକାନଗୁଡ଼ିକ ବନ୍ଦ ହୋଇଯାଉଥିବାରୁ ସେମାନେ ବ୍ଲେଡ୍‌ ନ ପାଇ ଖାଲିହାତରେ ଫେରି ଅସନ୍ତୋଷ ବ୍ୟକ୍ତ କରୁଥିବା କାଜୁଆଲ୍‌ଟି ମେଡିକାଲ ଅଫିସର ଡା. ବିଶ୍ୱାଳ ଅଧୀକ୍ଷକଙ୍କ ନିକଟରେ ଅଭିଯୋଗ କରିଥିଲେ। ସେହିପରି କାଜୁଆଲ୍‌ଟିରେ ରୋଗୀଙ୍କ ଭାର ଦିନକୁ ଦିନ ବଢିବାରେ ଲାଗିଛି। ମାତ୍ର କାଜୁଆଲ୍‌ଟିର ଓଟି ଟେବୁଲ ଭାଙ୍ଗି ଯାଇଥିବାବେଳେ ଓଟି ଲାଇଟ୍‌ କାମ କରୁ ନ ଥିବା ଡା. ବିଶ୍ୱାଳ କହିଥିଲେ। ଯାହାଫଳରେ ଜରୁରିକାଳୀନ ସ୍ଥିତିରେ ପ୍ରାଥମିକ ଅପରେଶନ ଆବଶ୍ୟକ କରୁଥିବା ରୋଗୀମାନଙ୍କୁ ଉକ୍ତ ଟେବୁଲ ଓ ଲାଇଟ୍‌ ମାଧ୍ୟମରେ ଅପରେଶନ କରିବା ଅସମ୍ଭବ ହୋଇପଡ଼ୁଛି ବୋଲି ଡା. ବିଶ୍ୱାଳ ଅଧୀକ୍ଷକଙ୍କୁ ଅବଗତ କରାଇଥିଲେ। କାଜୁଆଲ୍‌ଟିରେ ଏଭଳି ପରିସ୍ଥିତିକୁ ନେଇ ଏକ ଉଚ୍ଚସ୍ତରୀୟ ବୈଠକ କରାଯିବ ବୋଲି ପ୍ରଫେସର ମହାନ୍ତି କହିଛନ୍ତି। କାଜୁଆଲ୍‌ଟିରେ କ’ଣ ଅସୁବିଧା ରହିଛି ଏବଂ କ’ଣ କରାଗଲେ ରୋଗୀ ସେବାକୁ ସୁଦୃଢ କରିହେବ ସେ ନେଇ କାଜୁଆଲ୍‌ଟିର ଡାକ୍ତର ଓ ନୋଡାଲ ଅଫିସରଙ୍କ ପରାମର୍ଶକ୍ରମେ ନିଷ୍ପତ୍ତି ଗ୍ରହଣ କରାଯିବ ବୋଲି ଅଧୀକ୍ଷକ ମହାନ୍ତି କହିଛନ୍ତି।
ସୂଚନାଥାଉ କି, କାଜୁଆଲ୍‌ଟିକୁ ସୁଦୃଢ କରିବା ପାଇଁ ବାରମ୍ବାର ରାଜ୍ୟର ସ୍ବାସ୍ଥ୍ୟମନ୍ତ୍ରୀମାନେ ଗୁରୁତ୍ୱ ଦେଇଥାନ୍ତି। ତତ୍କାଳୀନ ସ୍ବାସ୍ଥ୍ୟମନ୍ତ୍ରୀ ଅତନୁ ସବ୍ୟସାଚୀ ନାୟକ ଓ ପ୍ରତାପ ଜେନା ଅଚାନକ କାଜୁଆଲ୍‌ଟି ଗସ୍ତ କରି ଏଠାକାର ଅସୁବିଧାକୁ ଆଖିରେ ଦେଖିବା ପରେ ଲମ୍ବା ପ୍ଲାନ ପ୍ରସ୍ତୁତ କରିଥିଲେ। ମାତ୍ର ତାହା ଆଜିପର୍ଯ୍ୟନ୍ତ ଫଳବତୀ ହୋଇପାରିଲାନାହିଁ। କାଜୁଆଲ୍‌ଟିକୁ ଦିନକୁ ୫୦୦ରୁ ୬୦୦ ରୋଗୀ ଆସୁଥିବାବେଳେ ଏଠାରେ ଜଣେ ମାତ୍ର ଡ୍ରେସର ରହିଛନ୍ତି। ସେହିପରି ନର୍ସମାନଙ୍କର ଘୋର ଅଭାବ ଥିବାବେଳେ ଚତୁର୍ଥ ଶ୍ରେଣୀ କର୍ମଚାରୀଙ୍କ ଅଭାବ ପରିସ୍ଥିତିକୁ ଅଧିକ ଜଟିଳ କରୁଛି। ତେବେ ୫୦ ଜଣ ଡ୍ରେସରଙ୍କୁ ନିଯୁକ୍ତି ଦେବା ପାଇଁ ନିକଟରେ ହୋଇଥିବା ସ୍ବାସ୍ଥ୍ୟ ବିକାଶ ସମିତି ବୈଠକରେ ନିଷ୍ପତ୍ତି ହୋଇଥିବା ଅଧୀକ୍ଷକ ମହାନ୍ତି କହିଛନ୍ତି। ଅଧିକ ନର୍ସ ଯୋଗାଇବା ପାଇଁ ମଧ୍ୟ ବ୍ୟବସ୍ଥା ହେଉଥିବା ସେ ସୂଚନା ଦେଇଛନ୍ତି।


All Right Reserved By Dharitri.Com

ଗାଳ୍ପିକ ଅମରେଶଙ୍କୁ ‘କହ୍ନେଇ କଥା ପୁରସ୍କାର’

ବାଲେଶ୍ୱର ଅଫିସ, ୧୧।୬- ଓଡ଼ିଆ କଥା ସାହିତ୍ୟର ପ୍ରଚଣ୍ଡ ପ୍ରତିଭାଧାରୀ ଗାଳ୍ପିକ ସ୍ବର୍ଗତ କହ୍ନେଇଲାଲ୍‌ ଦାସଙ୍କ ସ୍ମୃତିରେ ପ୍ରଦତ୍ତ ‘କହ୍ନେଇ କଥା ପୁରସ୍କାର’ ଚଳିତବର୍ଷ ପାଇଁ...

କପିଳାସରେ ହେବ ରୋପ୍‌ୱେ

ଢେଙ୍କାନାଳ ଅଫିସ,୨୮ା୧ ଢେଙ୍କାନାଳର ପ୍ରସିଦ୍ଧ ଶୈବପୀଠ କପିଳାସରେ କାର୍ଯ୍ୟକାରୀ ହେବ ରୋପ୍‌ଓ୍ବେ। ଜିଲାସ୍ତରୀୟ ସାଧାରଣତନ୍ତ୍ର ଦିବସ ଉତ୍ସବରେ ଯୋଗଦେଇ ଏହି ସୂଚନା ଦେଇଛନ୍ତି ସାମାଜିକ ସୁରକ୍ଷା...

ଖଡ଼ଗପ୍ରସାଦରେ କୁମ୍ଭୀର ଆତଙ୍କ

ଓଡାପଡା,୧୯ା୧୧(ଡି.ଏନ.ଏ) ଢେଙ୍କାନାଳ ଜିଲା ଓଡ଼ାପଡ଼ା ବ୍ଲକ ଖଡଗପ୍ରସାଦ ଗ୍ରାମ ବାଲିଘାଟ ନିକଟରେ କୁମ୍ଭୀର ଦେଖିଥିବା ନେଇ ଅଞ୍ଚଳବାସୀ ପ୍ରକାଶ କରିବା ପରେ ଅଞ୍ଚଳରେ ଆତଙ୍କ ଖେଳିଯାଇଛି।...

ଛାଡ଼ଖାଇରେ ଡାହୁକା ଡ୍ୟାମରେ ମାଛ ଧରିବାକୁ ନାହିଁ କଟକଣା

ନୟାଗଡ଼ ଅଫିସ,୧୪।୧୧: ନୟାଗଡ଼ ବ୍ଲକ ଲକ୍ଷ୍ମୀପ୍ରସାଦ ପଞ୍ଚାୟତ ଅନ୍ତର୍ଗତ ଡାହୁକା ଡ୍ୟାମରେ ବୁଧବାର ନିଆରା ଦୃଶ୍ୟ ଦେଖିବାକୁ ମିଳିଥିଲା। ମାଛ ଧରିବା ପାଇଁ ଲୋକଙ୍କ ଭିଡ଼...

ରାଜଧାନୀରେ ପୁଣି ଲୁଟ୍‌, ଚୋରି ଗ୍ୟାଙ୍ଗ୍‌ ସକ୍ରିୟ: ଦିନ ଦ୍ୱିପ୍ରହରରେ ଚୋରାଇନେଲେ କାର୍‌

ଭୁବନେଶ୍ୱର,୧୫।୯(ବ୍ୟୁରୋ): ଗତ କିଛିଦିନ ତଳେ ରାଜଧାନୀରେ ୪ ଚକିଆ ଲୁଟେରା ଗ୍ୟାଙ୍ଗ୍‌ ମାତିଥିଲେ। ସେମାନେ ଡ୍ରାଇଭର ବସିଥିବା କାର୍‌କୁ ଟାର୍ଗେଟ କରି ଲୁଟ କରୁଥିଲେ। ହେଲେ...

ସୂଚନା କମିଶନର ଭାବେ ଶପଥ ନେଲେ ବାଳକୃଷ୍ଣ ମହାପାତ୍ର

ଭୁବନେଶ୍ୱର,୩୦।୮(ବ୍ୟୁରୋ): ରାଜ୍ୟ ସୂଚନା କମିଶନର ଭାବେ ଶୁକ୍ରବାର ଶପଥ ନେଇଛନ୍ତି ବାଳକୃଷ୍ଣ ମହାପାତ୍ର। ରାଜଭବନରେ ରାଜ୍ୟପାଳ ଗଣେଶୀ ଲାଲ ତାଙ୍କୁ ଶପଥ ପାଠ କରାଇଛନ୍ତି। ଏହି...

ରୋଟାରୀ କ୍ଲବ ଅନୁଗୋଳ ରୟାଲର ଅଧିଷ୍ଠାନ ଉତ୍ସବ:ସମାଜ ସେବା ବିସ୍ତାରିତ କରିବାକୁ ଆହ୍ବାନ

ଅନୁଗୋଳ ଅଫିସ, ୩୦।୭ଅନୁଗୋଳ ରୋଟାରୀ କ୍ଲବ ରୟାଲର ଅଧିଷ୍ଠାନ ଉତ୍ସବ ସ୍ଥାନୀୟ ହୋଟେଲ କମଲେଶ କଣ୍ଟିନେଣ୍ଟାଲ ପରିସରରେ ଅନୁଷ୍ଠିତ ହୋଇଯାଇଛି। ପୂର୍ବତନ ସଭାପତି ପ୍ରଭାତ କୁମାର...

ଶରୀରଦାନ ସତ୍ୟପାଠ କ୍ଷେତ୍ରରେ ନୂଆ ରେକର୍ଡ

କଟକ ଅଫିସ, ୨ା୧୧: ଏସ୍‌ସିବି ମେଡିକାଲ କଲେଜଠାରେ ଶରୀର ତତ୍ତ୍ବ ବିଭାଗକୁ ଶୁକ୍ରବାର ଭାରତ ଶରୀର ଓ ଅଙ୍ଗଦାନ ସମିତି(ବଡି) ପକ୍ଷରୁ ୭୫୦ଟି ଶରୀର ଦାନ...

Leave a comment

Your email address will not be published. Required fields are marked *